Padma Purana — Bhumi Khanda — Chapter 109
PdP 2 109.1
कुंजल उवाच- प्रणिपत्य प्रसाद्यैव वशिष्ठं तपतां वरम् । आमंत्र्य निर्जगामाथ बाणपाणिर्धनुर्धरः
kuṃjala uvāca- praṇipatya prasādyaiva vaśiṣṭhaṃ tapatāṃ varam | āmaṃtrya nirjagāmātha bāṇapāṇirdhanurdharaḥ
Kuñjala said: Having bowed down and propitiated Vasiṣṭha, the best of ascetics, and having taken his leave, he then went forth, arrow in hand, bearing his bow.
AI translation rendered from the Sanskrit, not a published edition
PdP 2 109.2
एणस्य मांसं सुविपाच्यभोजितं बालस्तया रक्षित एव बुद्ध्या । आयोः सुपुत्रः सगुणः सुरूपो देवोपमो देवगुणैश्च युक्तः
eṇasya māṃsaṃ suvipācyabhojitaṃ bālastayā rakṣita eva buddhyā | āyoḥ suputraḥ saguṇaḥ surūpo devopamo devaguṇaiśca yuktaḥ
The flesh of an antelope, well cooked, was served up (as food); the child was in fact saved by her wits—the good son of Āyu, endowed with virtues, of fine form, godlike, and furnished with divine qualities.
AI translation rendered from the Sanskrit, not a published edition — the model flagged this verse as uncertain
PdP 2 109.3
तेनैव मांसेन सुसंस्कृतेन मृष्टेन पक्वेन रसानुगेन । तमेव दैत्यं परिभाष्य सूदो दुष्टं सुहर्षेण व्यभोजयत्तदा
tenaiva māṃsena susaṃskṛtena mṛṣṭena pakvena rasānugena | tameva daityaṃ paribhāṣya sūdo duṣṭaṃ suharṣeṇa vyabhojayattadā
With that very flesh, well prepared, savoury, cooked, sauced, the cook, having addressed that same wicked Daitya, then with great delight fed him.
AI translation rendered from the Sanskrit, not a published edition
PdP 2 109.4
बुभुजे दानवो मांसं रसस्वादुसमन्वितम् । हर्षेणापि समाविष्टो जगामाशोकसुंदरीम्
bubhuje dānavo māṃsaṃ rasasvādusamanvitam | harṣeṇāpi samāviṣṭo jagāmāśokasuṃdarīm
The Dānava ate the flesh, endowed with delicious savour, and, being possessed by joy, went to Aśokasundarī.
AI translation rendered from the Sanskrit, not a published edition
PdP 2 109.5
तामुवाच ततस्तूर्णं कामोपहतचेतनः । आयुपुत्रो मया भद्रे भक्षितः पतिरेव ते
tāmuvāca tatastūrṇaṃ kāmopahatacetanaḥ | āyuputro mayā bhadre bhakṣitaḥ patireva te
Then, his mind overpowered by desire, he quickly said to her: "Good lady, the son of Āyu, your very husband, has been eaten by me.
AI translation rendered from the Sanskrit, not a published edition
PdP 2 109.6
मामेव भज चार्वंगि भुंक्ष्व भोगान्मनोनुगान् । किं करिष्यसि तेन त्वं मानुषेण गतायुषा
māmeva bhaja cārvaṃgi bhuṃkṣva bhogānmanonugān | kiṃ kariṣyasi tena tvaṃ mānuṣeṇa gatāyuṣā
Love me alone, fair-limbed one, and enjoy pleasures according to your wish. What will you do with that mortal whose life is gone?"
AI translation rendered from the Sanskrit, not a published edition
PdP 2 109.7
प्रत्युवाच समाकर्ण्य शिवकन्या तपस्विनी । भर्ता मे दैवतैर्दत्तो अजरो दोषवर्जितः
pratyuvāca samākarṇya śivakanyā tapasvinī | bhartā me daivatairdatto ajaro doṣavarjitaḥ
Having heard (this), the ascetic daughter of Śiva replied: "My husband was granted by the gods, ageless and free of defects.
AI translation rendered from the Sanskrit, not a published edition
PdP 2 109.8
तस्य मृत्युर्न वै दृष्टो देवैरपि महात्मभिः । एवमाकर्ण्य तद्वाक्यं दानवो दुष्टचेष्टितः
tasya mṛtyurna vai dṛṣṭo devairapi mahātmabhiḥ | evamākarṇya tadvākyaṃ dānavo duṣṭaceṣṭitaḥ
His death has not been seen even by the great-souled gods." Hearing that speech of hers, the Dānava of wicked deeds
AI translation rendered from the Sanskrit, not a published edition
PdP 2 109.9
तामुवाच विशालाक्षीं प्रहस्यैव पुनः पुनः । अद्यैव भक्षितं मांसमायुपुत्रस्य सुंदरि
tāmuvāca viśālākṣīṃ prahasyaiva punaḥ punaḥ | adyaiva bhakṣitaṃ māṃsamāyuputrasya suṃdari
said to the large-eyed woman, laughing again and again: "This very day, O beautiful one, the flesh of Āyu's son has been eaten—
AI translation rendered from the Sanskrit, not a published edition
PdP 2 109.10
जातमात्रस्य बालस्य नहुषस्य दुरात्मनः । एवमाकर्ण्य सा वाक्यं कोपं चक्रे सुदारुणम्
jātamātrasya bālasya nahuṣasya durātmanaḥ | evamākarṇya sā vākyaṃ kopaṃ cakre sudāruṇam
of the child just born, of the evil-souled Nahuṣa." Hearing this speech, she fell into a most terrible rage.
AI translation rendered from the Sanskrit, not a published edition
PdP 2 109.11
प्रोवाच सत्यसंस्था सा तपसा भाविता पुनः । तप एव मया तप्तं मनसा नियमेन वै । आयुसुतश्चिरायुश्च सत्येनैव भविष्यति
provāca satyasaṃsthā sā tapasā bhāvitā punaḥ | tapa eva mayā taptaṃ manasā niyamena vai | āyusutaścirāyuśca satyenaiva bhaviṣyati
She, established in truth, matured by austerity, spoke again: "Austerity indeed has been performed by me with my mind and with restraint; by that truth alone Āyu's son shall be long-lived.
AI translation rendered from the Sanskrit, not a published edition
PdP 2 109.12
इतो गच्छ दुराचार यदि जीवितुमिच्छसि । अन्यथा त्वामहं शप्स्ये पुनरेव न संशयः
ito gaccha durācāra yadi jīvitumicchasi | anyathā tvāmahaṃ śapsye punareva na saṃśayaḥ
Go from here, evil-doer, if you wish to live; otherwise I shall curse you once again—there is no doubt."
AI translation rendered from the Sanskrit, not a published edition
PdP 2 109.13
एवमाकर्णितं तस्याः सूदेन नृपतिं प्रति । परित्यज्य महाराज एतामन्यां समाश्रय
evamākarṇitaṃ tasyāḥ sūdena nṛpatiṃ prati | parityajya mahārāja etāmanyāṃ samāśraya
What she had said thus was heard by the cook, (who said) concerning the king: "Abandon her, great king, and resort to another woman."
AI translation rendered from the Sanskrit, not a published edition — the model flagged this verse as uncertain
PdP 2 109.14
सूदेन प्रेषितो दैत्यः स हुंडः पापचेतनः । निर्जगाम त्वरायुक्तः स स्वां भार्यां प्रियां प्रति
sūdena preṣito daityaḥ sa huṃḍaḥ pāpacetanaḥ | nirjagāma tvarāyuktaḥ sa svāṃ bhāryāṃ priyāṃ prati
Dispatched by the cook, that Daitya Huṇḍa of sinful mind went forth in haste to his own dear wife.
AI translation rendered from the Sanskrit, not a published edition
PdP 2 109.15
चेष्टितं नैव जानाति दास्या सूदेन यत्कृतम् । तस्यै निवेदितं सर्वं प्रियायै वृत्तमेव च
ceṣṭitaṃ naiva jānāti dāsyā sūdena yatkṛtam | tasyai niveditaṃ sarvaṃ priyāyai vṛttameva ca
He does not at all know the deed that was done by the maidservant and the cook; but to her, to his beloved, everything that had happened was reported.
AI translation rendered from the Sanskrit, not a published edition
PdP 2 109.16
सूत उवाच- अशोकसुंदरी सा च महता तपसा किल । दुःखशोकेन संतप्ता कृशीभूता तपस्विनी
sūta uvāca- aśokasuṃdarī sā ca mahatā tapasā kila | duḥkhaśokena saṃtaptā kṛśībhūtā tapasvinī
Sūta said: And that Aśokasundarī, by her great austerity indeed, was scorched with grief and sorrow, and the ascetic woman became emaciated.
AI translation rendered from the Sanskrit, not a published edition
PdP 2 109.17
चिंतयंती प्रियं कांतं तं ध्यायति पुनः पुनः । किं न कुर्वंति वै दैत्या उपायैर्विविधैरपि
ciṃtayaṃtī priyaṃ kāṃtaṃ taṃ dhyāyati punaḥ punaḥ | kiṃ na kurvaṃti vai daityā upāyairvividhairapi
Thinking of her beloved husband, she meditates on him again and again: "What indeed will the demons not do, by all sorts of devices?"
AI translation rendered from the Sanskrit, not a published edition
PdP 2 109.18
उपायज्ञाः सदा बुद्ध्या उद्यमेनापि सर्वदा । वर्तंते दनुजश्रेष्ठा नानाभावैश्च सर्वदा
upāyajñāḥ sadā buddhyā udyamenāpi sarvadā | vartaṃte danujaśreṣṭhā nānābhāvaiśca sarvadā
Knowing devices, always by their wits and always by exertion too, the foremost of the sons of Danu proceed, always with manifold dispositions.
AI translation rendered from the Sanskrit, not a published edition
PdP 2 109.19
मायोपायेन योगेन हृताहं पापिना पुरा । तथा स घातितः पुत्र आयोश्चैव भविष्यति
māyopāyena yogena hṛtāhaṃ pāpinā purā | tathā sa ghātitaḥ putra āyoścaiva bhaviṣyati
"By a device of illusion, by a trick, I was carried off long ago by that sinner; in the same way that son has been slain — and so it will be with Āyu's (son) too."
AI translation rendered from the Sanskrit, not a published edition — the model flagged this verse as uncertain
PdP 2 109.20
यं दृष्ट्वा दैवयोगेन भवितारमनामयम् । उद्यमेनापि पश्येत किं वा नश्यति वा न वा
yaṃ dṛṣṭvā daivayogena bhavitāramanāmayam | udyamenāpi paśyeta kiṃ vā naśyati vā na vā
"Whom, seen (as one) destined by fate's conjunction to be free of harm, one may also observe (as won) by exertion — or does he perish, or does he not?"
AI translation rendered from the Sanskrit, not a published edition — the model flagged this verse as uncertain
PdP 2 109.21
किं वा स उद्यमः श्रेष्ठः किं वा तत्कर्मजं फलम् । भाविभावः कथं नश्येत्ततो वेदः प्रतिष्ठति
kiṃ vā sa udyamaḥ śreṣṭhaḥ kiṃ vā tatkarmajaṃ phalam | bhāvibhāvaḥ kathaṃ naśyettato vedaḥ pratiṣṭhati
"Or is that exertion the best thing, or is it the fruit born of that action? How could what is destined to be perish? Thereupon the Veda stands firm."
AI translation rendered from the Sanskrit, not a published edition — the model flagged this verse as uncertain
PdP 2 109.22
विशेषो भावितो देवैः स कथं चान्यथा भवेत् । एवमेवं महाभागा चिंतयंती पुनः पुनः
viśeṣo bhāvito devaiḥ sa kathaṃ cānyathā bhavet | evamevaṃ mahābhāgā ciṃtayaṃtī punaḥ punaḥ
"A particular (destiny) has been ordained by the gods; how could it become otherwise?" Thus and thus did the greatly blessed lady think, again and again.
AI translation rendered from the Sanskrit, not a published edition
PdP 2 109.23
किन्नरो विद्वरो नाम बृहद्वंशोमहातनुः । सनाभ्योर्धनरः कायः पक्षाभ्यां हि विवर्जितः
kinnaro vidvaro nāma bṛhadvaṃśomahātanuḥ | sanābhyordhanaraḥ kāyaḥ pakṣābhyāṃ hi vivarjitaḥ
A kinnara named Vidvara, with a great bamboo (flute) and a huge body — from the navel up his frame was human — and he was without wings.
AI translation rendered from the Sanskrit, not a published edition — the model flagged this verse as uncertain
PdP 2 109.24
द्विभुजो वंशहस्तस्तु हारकंकणशोभितः । दिव्यगंधानुलिप्तांगो भार्यया सह चागतः
dvibhujo vaṃśahastastu hārakaṃkaṇaśobhitaḥ | divyagaṃdhānuliptāṃgo bhāryayā saha cāgataḥ
Two-armed, with a bamboo flute in hand, adorned with a necklace and bracelets, his limbs anointed with divine fragrances, he came together with his wife.
AI translation rendered from the Sanskrit, not a published edition
PdP 2 109.25
तामुवाच निरानंदां स सुतां शंकरस्यहि । किमर्थं चिंतसे देवि विद्वरं विद्धि चागतम्
tāmuvāca nirānaṃdāṃ sa sutāṃ śaṃkarasyahi | kimarthaṃ ciṃtase devi vidvaraṃ viddhi cāgatam
He said to her, the joyless daughter of Śaṃkara: "Why do you brood, goddess? Know that Vidvara has come,
AI translation rendered from the Sanskrit, not a published edition
PdP 2 109.26
किन्नरं विष्णुभक्तं मां प्रेषितं देवसत्तमैः । दुःखमेवं न कर्तव्यं भवत्या नहुषं प्रति
kinnaraṃ viṣṇubhaktaṃ māṃ preṣitaṃ devasattamaiḥ | duḥkhamevaṃ na kartavyaṃ bhavatyā nahuṣaṃ prati
a kinnara, a devotee of Viṣṇu — I have been sent by the most excellent of the gods. You should not grieve like this over Nahuṣa.
AI translation rendered from the Sanskrit, not a published edition
PdP 2 109.27
हुंडेन पापचारेण वधार्थं तस्य धीमतः । कृतमेवाखिलं कर्म हृतश्चायुसुतः शुभे
huṃḍena pāpacāreṇa vadhārthaṃ tasya dhīmataḥ | kṛtamevākhilaṃ karma hṛtaścāyusutaḥ śubhe
By Huṇḍa, whose conduct is sinful, every deed was indeed done for the killing of that wise one, and the son of Āyu was carried off, O fair one.
AI translation rendered from the Sanskrit, not a published edition
PdP 2 109.28
स तु वै रक्षितो देवैरुपायैर्विविधैरपि । हुंड एवं विजानाति आयुपुत्रो हृतो मया
sa tu vai rakṣito devairupāyairvividhairapi | huṃḍa evaṃ vijānāti āyuputro hṛto mayā
But he was protected by the gods with various devices; Huṇḍa, however, understands it thus: "The son of Āyu has been carried off by me
AI translation rendered from the Sanskrit, not a published edition
PdP 2 109.29
भक्षितस्तु विशालाक्षि इति जानाति वै शुभे । भवतां श्रावयित्वा हि गतोसौ दानवोऽधमः
bhakṣitastu viśālākṣi iti jānāti vai śubhe | bhavatāṃ śrāvayitvā hi gatosau dānavo'dhamaḥ
and devoured" — so he indeed believes, O large-eyed, fair one; and having made you hear it, that lowest of dānavas departed.
AI translation rendered from the Sanskrit, not a published edition
PdP 2 109.30
स्वेनकर्मविपाकेन पुण्यस्यापि महायशाः । पूर्वजन्मार्जितेनैव तव भर्त्ता स जीवति
svenakarmavipākena puṇyasyāpi mahāyaśāḥ | pūrvajanmārjitenaiva tava bharttā sa jīvati
By the ripening of his own deeds, and of merit too, the greatly renowned one — by (merit) earned in a former birth — your husband lives.
AI translation rendered from the Sanskrit, not a published edition
PdP 2 109.31
पुण्यस्यापि बलेनैव येषामायुर्विनिर्मितम् । स्वर्जितस्य महाभागे नाशमिच्छंति घातकाः
puṇyasyāpi balenaiva yeṣāmāyurvinirmitam | svarjitasya mahābhāge nāśamicchaṃti ghātakāḥ
Those whose lifespan has been fashioned by the very power of merit self-earned, O greatly blessed one — (though) killers wish their destruction,
AI translation rendered from the Sanskrit, not a published edition
PdP 2 109.32
दुष्टात्मानो महापापाः परतेजोविदूषकाः । तेषां यशोविनाशार्थं प्रपंचंति दिने दिने
duṣṭātmāno mahāpāpāḥ paratejovidūṣakāḥ | teṣāṃ yaśovināśārthaṃ prapaṃcaṃti dine dine
the evil-souled, greatly sinful defilers of others' splendour — day after day they contrive schemes to destroy their fame.
AI translation rendered from the Sanskrit, not a published edition
PdP 2 109.33
नानाविधैरुपायैस्ते विषशस्त्रादिभिस्ततः । हंतुमिच्छंति तं पुण्यं पुण्यकर्माभिरक्षितम्
nānāvidhairupāyaiste viṣaśastrādibhistataḥ | haṃtumicchaṃti taṃ puṇyaṃ puṇyakarmābhirakṣitam
With devices of many kinds, then, with poison, weapons and the rest, they wish to kill that meritorious one, who is guarded by his meritorious deeds.
AI translation rendered from the Sanskrit, not a published edition
PdP 2 109.34
पापिनश्चैव हुंडाद्या मोहनस्तंभनादिभिः । पीडयंति महापापा नानाभेदैर्बलाविलैः
pāpinaścaiva huṃḍādyā mohanastaṃbhanādibhiḥ | pīḍayaṃti mahāpāpā nānābhedairbalāvilaiḥ
And the sinners, Huṇḍa and the rest, greatly sinful, torment (him) with bewitchings, paralysings and the like, by manifold means turbid with force.
AI translation rendered from the Sanskrit, not a published edition — the model flagged this verse as uncertain
PdP 2 109.35
सुकृतस्य प्रयोगेण पूर्वजन्मार्जितेन हि । पुण्यस्यापि महाभागे पुण्यवंतं सुरक्षितम्
sukṛtasya prayogeṇa pūrvajanmārjitena hi | puṇyasyāpi mahābhāge puṇyavaṃtaṃ surakṣitam
But by the operation of good deeds earned in a former birth, and of merit too, O greatly blessed one, the meritorious man being well guarded,
AI translation rendered from the Sanskrit, not a published edition
PdP 2 109.36
वैफल्यं यांति तेषां वै उपायाः पापिनां शुभे । यंत्रतंत्राणि मंत्राश्च शस्त्राग्निविषबंधनाः
vaiphalyaṃ yāṃti teṣāṃ vai upāyāḥ pāpināṃ śubhe | yaṃtrataṃtrāṇi maṃtrāśca śastrāgniviṣabaṃdhanāḥ
those devices of the sinners come to nothing, O fair one — devices, ritual contrivances and spells, and bindings by weapon, fire and poison.
AI translation rendered from the Sanskrit, not a published edition
PdP 2 109.37
रक्षयंति महात्मानं देवपुण्यैः सुरक्षितम् । कर्तारो भस्मतां यांति स वै तिष्ठति पुण्यभाक्
rakṣayaṃti mahātmānaṃ devapuṇyaiḥ surakṣitam | kartāro bhasmatāṃ yāṃti sa vai tiṣṭhati puṇyabhāk
They protect the great-souled one, who is well guarded by the merits (earned for) the gods; the doers (of such deeds) are reduced to ashes, while he, the possessor of merit, indeed stands firm.
AI translation rendered from the Sanskrit, not a published edition
PdP 2 109.38
आयुपुत्रस्य वीरस्य रक्षका देवताः शुभे । पुण्यस्य संचयं सर्वे तपसां निधिमेव तु
āyuputrasya vīrasya rakṣakā devatāḥ śubhe | puṇyasya saṃcayaṃ sarve tapasāṃ nidhimeva tu
The gods are the protectors of Āyu's son, the hero, O fair one; all (of them protect) his accumulation of merit and (him who is) verily a treasure-house of austerities.
AI translation rendered from the Sanskrit, not a published edition — the model flagged this verse as uncertain
PdP 2 109.39
तस्माच्च रक्षितो वीरो नहुषो बलिनां वरः । सत्येन तपसा तेन पुण्यैश्च संयमैर्दमैः
tasmācca rakṣito vīro nahuṣo balināṃ varaḥ | satyena tapasā tena puṇyaiśca saṃyamairdamaiḥ
And therefore the hero Nahuṣa, best of the strong, is protected — by truth, by that austerity, and by merits, by self-restraints and self-control.
AI translation rendered from the Sanskrit, not a published edition
PdP 2 109.40
मा कृथा दारुणं दुःखं मुंच शोकमकारणम् । स हि जीवति धर्मात्मा मात्रा पित्रा विना वने
mā kṛthā dāruṇaṃ duḥkhaṃ muṃca śokamakāraṇam | sa hi jīvati dharmātmā mātrā pitrā vinā vane
Do not make (for yourself) this terrible pain; let go of grief that has no cause. For he, whose nature is righteous, is alive in the forest, without mother and father.
AI translation rendered from the Sanskrit, not a published edition
PdP 2 109.41
तपोवनेव सत्येकस्तपस्वि परिपालितः । वेदवेदांगतत्त्वज्ञो धनुर्वेदस्य पारगः
tapovaneva satyekastapasvi paripālitaḥ | vedavedāṃgatattvajño dhanurvedasya pāragaḥ
In a penance-grove indeed he is alone, an ascetic, and (well) cared for; he knows the truth of the Vedas and the Vedāṅgas, and has mastered the science of archery.
AI translation rendered from the Sanskrit, not a published edition
PdP 2 109.42
यथा शशी विराजेत स्वकलाभिः स्वतेजसा । तथा विराजते सोऽपि स्वकलाभिः सुमध्यमे
yathā śaśī virājeta svakalābhiḥ svatejasā | tathā virājate so'pi svakalābhiḥ sumadhyame
As the moon shines with its own phases, by its own radiance, so too does he shine with his own parts, O fair-waisted one.
AI translation rendered from the Sanskrit, not a published edition
PdP 2 109.43
विद्याभिस्तु महापुण्यैस्तपोभिर्यशसा तथा । राजते परवीरघ्नो रिपुहा सुरवल्लभः
vidyābhistu mahāpuṇyaistapobhiryaśasā tathā | rājate paravīraghno ripuhā suravallabhaḥ
And he shines with learning, with great merits, with austerities, and likewise with fame — slayer of enemy heroes, destroyer of foes, dear to the gods.
AI translation rendered from the Sanskrit, not a published edition
PdP 2 109.44
हुंडं निहत्य दैत्येंद्रं त्वामेवं हि प्रलप्स्यते । त्वया सार्द्धं स्त्रिया चैव पृथिव्यामेकभूपतिः
huṃḍaṃ nihatya daityeṃdraṃ tvāmevaṃ hi pralapsyate | tvayā sārddhaṃ striyā caiva pṛthivyāmekabhūpatiḥ
Having slain Huṇḍa, the lord of the Daityas, he will thus speak (fondly) to you; together with you as his wife, (he will be) the sole king on earth.
AI translation rendered from the Sanskrit, not a published edition — the model flagged this verse as uncertain
PdP 2 109.45
भविष्यति महायोगी यथा स्वर्गे तु वासवः । त्वं तस्मात्प्राप्स्यसे भद्रे सुपुत्रं वासवोपमम्
bhaviṣyati mahāyogī yathā svarge tu vāsavaḥ | tvaṃ tasmātprāpsyase bhadre suputraṃ vāsavopamam
He will be a great yogin, like Vāsava in heaven; from him, good lady, you will obtain an excellent son resembling Vāsava,
AI translation rendered from the Sanskrit, not a published edition
PdP 2 109.46
ययातिं नामधर्मज्ञं प्रजापालनतत्परम् । तथा कन्याशतं चापि रूपौदार्यगुणान्वितम्
yayātiṃ nāmadharmajñaṃ prajāpālanatatparam | tathā kanyāśataṃ cāpi rūpaudāryaguṇānvitam
Yayāti by name, knower of dharma, devoted to protecting his subjects; and likewise a hundred daughters, endowed with beauty, nobility, and (good) qualities,
AI translation rendered from the Sanskrit, not a published edition
PdP 2 109.47
यासां पुण्यैर्महाराज इंद्रलोकं प्रयास्यति । इंद्रत्वं भोक्ष्यते देवि नहुषः पुण्यविक्रमः
yāsāṃ puṇyairmahārāja iṃdralokaṃ prayāsyati | iṃdratvaṃ bhokṣyate devi nahuṣaḥ puṇyavikramaḥ
by whose merits the great king will go to Indra's world; Nahuṣa, whose valour is merit, will enjoy the status of Indra, O goddess.
AI translation rendered from the Sanskrit, not a published edition
PdP 2 109.48
ययातिर्नाम धर्मात्मा आत्मजस्ते भविष्यति । प्रजापालो महाराजः सर्वजीवदयापरः
yayātirnāma dharmātmā ātmajaste bhaviṣyati | prajāpālo mahārājaḥ sarvajīvadayāparaḥ
Your son will be Yayāti by name, righteous in nature, a protector of subjects, a great king, intent on compassion toward all living beings.
AI translation rendered from the Sanskrit, not a published edition
PdP 2 109.49
तस्य पुत्रास्तु चत्वारो भविष्यंति महौजसः । बलवीर्यसमोपेता धनुर्वेदस्य पारगाः
tasya putrāstu catvāro bhaviṣyaṃti mahaujasaḥ | balavīryasamopetā dhanurvedasya pāragāḥ
And he will have four sons of great vigour, endowed alike with strength and valour, masters of the science of archery.
AI translation rendered from the Sanskrit, not a published edition
PdP 2 109.50
प्रथमश्च तुरुर्नाम पुरुर्नाम द्वितीयकः । उरुर्नाम तृतीयश्च चतुर्थो वीर्यवान्यदुः
prathamaśca tururnāma pururnāma dvitīyakaḥ | ururnāma tṛtīyaśca caturtho vīryavānyaduḥ
The first is named Turu, the second named Puru, the third named Uru, and the fourth the valiant Yadu.
AI translation rendered from the Sanskrit, not a published edition
PdP 2 109.51
एवं पुत्रा महावीर्यास्तेजस्विनो महाबलाः । भविष्यंति महात्मानः सर्वतेजः समन्विताः
evaṃ putrā mahāvīryāstejasvino mahābalāḥ | bhaviṣyaṃti mahātmānaḥ sarvatejaḥ samanvitāḥ
Thus there will be sons of great valour, full of splendour, of great strength, great-souled, endowed with every brilliance.
AI translation rendered from the Sanskrit, not a published edition
PdP 2 109.52
यदोश्चैव सुता वीराः सिंहतुल्यपराक्रमाः । तेषां नामानि भद्रं ते गदतः शृणु सांप्रतम्
yadoścaiva sutā vīrāḥ siṃhatulyaparākramāḥ | teṣāṃ nāmāni bhadraṃ te gadataḥ śṛṇu sāṃpratam
And Yadu's sons will be heroes, of prowess equal to lions; hear now their names as I tell them — good fortune to you.
AI translation rendered from the Sanskrit, not a published edition
PdP 2 109.53
भोजश्च भीमकश्चापि अंधकः कुञ्जरस्तथा । वृष्णिर्नाम सुधर्मात्मा सत्याधारो भविष्यति
bhojaśca bhīmakaścāpi aṃdhakaḥ kuñjarastathā | vṛṣṇirnāma sudharmātmā satyādhāro bhaviṣyati
Bhoja, and also Bhīmaka, Andhaka, and likewise Kuñjara; and one named Vṛṣṇi, of most righteous nature, will be a support of truth.
AI translation rendered from the Sanskrit, not a published edition
PdP 2 109.54
षष्ठस्तु श्रुतसेनश्च श्रुताधारस्तु सप्तमः । कालदंष्ट्रो महावीर्यः समरे कालजिद्बली
ṣaṣṭhastu śrutasenaśca śrutādhārastu saptamaḥ | kāladaṃṣṭro mahāvīryaḥ samare kālajidbalī
The sixth is Śrutasena, and the seventh Śrutādhāra; (then) Kāladaṃṣṭra, of great valour, strong, a conqueror of Kāla in battle.
AI translation rendered from the Sanskrit, not a published edition
PdP 2 109.55
यदोः पुत्रा महावीर्या यादवाख्या वरानने । तेषां तु पुत्राः पौत्रास्ते भविष्यंति सहस्रशः
yadoḥ putrā mahāvīryā yādavākhyā varānane | teṣāṃ tu putrāḥ pautrāste bhaviṣyaṃti sahasraśaḥ
Yadu's sons are of great valour, called the Yādavas, O fair-faced one; and their sons and grandsons will number in the thousands.
AI translation rendered from the Sanskrit, not a published edition
PdP 2 109.56
एवं नहुषवंशो वै तव देवि भविष्यति । दुःखमेवं परित्यज्य सुखेनानुप्रवर्तय
evaṃ nahuṣavaṃśo vai tava devi bhaviṣyati | duḥkhamevaṃ parityajya sukhenānupravartaya
Thus, O goddess, will Nahuṣa's lineage come from you; so abandon this sorrow and proceed onward in happiness.
AI translation rendered from the Sanskrit, not a published edition
PdP 2 109.57
समेष्यति महाप्राज्ञस्तव भर्ता शुभानने । निहत्य दानवं हुंडं त्वामेवं परिणेष्यति
sameṣyati mahāprājñastava bhartā śubhānane | nihatya dānavaṃ huṃḍaṃ tvāmevaṃ pariṇeṣyati
Your husband, of great wisdom, will meet with you, O fair-faced one; having slain the dānava Huṇḍa, he will marry you just so.
AI translation rendered from the Sanskrit, not a published edition
PdP 2 109.58
दुःखजातानि सोष्णानि नेत्राभ्यां हि पतंति च । अश्रूणि चेंदुमत्याश्च संमार्जयति मानदः
duḥkhajātāni soṣṇāni netrābhyāṃ hi pataṃti ca | aśrūṇi ceṃdumatyāśca saṃmārjayati mānadaḥ
For tears born of sorrow, hot, fall from (her) two eyes; and the giver of honour wipes away Indumatī's tears as well.
AI translation rendered from the Sanskrit, not a published edition — the model flagged this verse as uncertain
PdP 2 109.59
आयोश्च दुःखमुद्धृत्य स्वकुलं तारयिष्यति । सुखिनं पितरं कृत्वा प्रजापालो भविष्यति
āyośca duḥkhamuddhṛtya svakulaṃ tārayiṣyati | sukhinaṃ pitaraṃ kṛtvā prajāpālo bhaviṣyati
And having lifted away Āyu's sorrow, he will bring his own lineage across (to safety); having made his father happy, he will become a protector of the people.
AI translation rendered from the Sanskrit, not a published edition
PdP 2 109.60
एतत्ते सर्वमाख्यातं देवानां कथनं शुभे । दुःखं शोकं परित्यज्य सुखेन परिवर्त्तय
etatte sarvamākhyātaṃ devānāṃ kathanaṃ śubhe | duḥkhaṃ śokaṃ parityajya sukhena parivarttaya
All this has been told to you, the gods' account, O lovely one; abandoning sorrow and grief, pass (your time) in happiness.
AI translation rendered from the Sanskrit, not a published edition
PdP 2 109.61
अशोकसुंदर्युवाच- कदा ह्येष्यति मे भर्त्ता विहितो दैवतैर्यदि । सत्यं वद स्वधर्मज्ञ मम सौख्यं विवर्द्धय
aśokasuṃdaryuvāca- kadā hyeṣyati me bharttā vihito daivatairyadi | satyaṃ vada svadharmajña mama saukhyaṃ vivarddhaya
Aśokasundarī said: When indeed will my husband come, if he has been ordained by the gods? Speak the truth, you who know your own duty; increase my happiness.
AI translation rendered from the Sanskrit, not a published edition
PdP 2 109.62
विद्वर उवाच- अचिराद्द्रक्ष्यसि भर्तारं त्वमेवं शृणु सुंदरि । एवमुक्त्वा जगामाथ गंधर्वो विबुधालयम्
vidvara uvāca- acirāddrakṣyasi bhartāraṃ tvamevaṃ śṛṇu suṃdari | evamuktvā jagāmātha gaṃdharvo vibudhālayam
Vidvara said: Before long you will see (your) husband—hear this, O beautiful one. Having said this, the gandharva then went to the abode of the gods.
AI translation rendered from the Sanskrit, not a published edition
PdP 2 109.63
अशोकसुंदरी सा च तपस्तेपे हि तत्र वै । कामं क्रोधं परित्यज्य लोभं चापि शिवात्मजा
aśokasuṃdarī sā ca tapastepe hi tatra vai | kāmaṃ krodhaṃ parityajya lobhaṃ cāpi śivātmajā
And that Aśokasundarī practised austerity there indeed, abandoning desire, anger, and greed too, she the daughter of Śiva.
AI translation rendered from the Sanskrit, not a published edition