Padma Purana — Bhumi Khanda — Chapter 101

PdP 2 101.1

सूत उवाच- देवदेवो हृषीकेशस्त्वंगपुत्रं नृपोत्तमम् । समाचष्ट महाश्रेय आख्यानं पापनाशनम्

sūta uvāca- devadevo hṛṣīkeśastvaṃgaputraṃ nṛpottamam | samācaṣṭa mahāśreya ākhyānaṃ pāpanāśanam

Sūta said: Hṛṣīkeśa, the god of gods, related to the son of Aṅga, that best of kings, a most auspicious narrative that destroys sin.

AI translation rendered from the Sanskrit, not a published edition

PdP 2 101.2

श्रूयतामभिधास्यामि चरित्रं श्रेयदायकम् । द्विजस्यापि च वृत्तांतं कुंजलस्य महात्मनः

śrūyatāmabhidhāsyāmi caritraṃ śreyadāyakam | dvijasyāpi ca vṛttāṃtaṃ kuṃjalasya mahātmanaḥ

Let it be heard; I shall relate the story that bestows welfare, and also the account of the brahmin, the great-souled Kuñjala.

AI translation rendered from the Sanskrit, not a published edition

PdP 2 101.3

विष्णुरुवाच- कुंजलश्चापि धर्मात्मा चतुर्थं पुत्रमेव च । समाहूय मुदायुक्त उवाचैनं कपिंजलम्

viṣṇuruvāca- kuṃjalaścāpi dharmātmā caturthaṃ putrameva ca | samāhūya mudāyukta uvācainaṃ kapiṃjalam

Viṣṇu said: And Kuñjala too, the righteous one, having summoned his fourth son, filled with joy, said this to Kapiñjala:

AI translation rendered from the Sanskrit, not a published edition

PdP 2 101.4

किं नु पुत्र त्वया दृष्टमपूर्वं कथयस्व मे । भोजनार्थं तु यासि त्वमितः कस्मिन्सुतोत्तम

kiṃ nu putra tvayā dṛṣṭamapūrvaṃ kathayasva me | bhojanārthaṃ tu yāsi tvamitaḥ kasminsutottama

"What unprecedented thing have you seen, my son? Tell me. To what place do you go from here for the sake of food, O best of sons?"

AI translation rendered from the Sanskrit, not a published edition

PdP 2 101.5

तदाचक्ष्व महाभाग यदि दृष्टं सुपुण्यदम् । कपिंजल उवाच- यच्च तात त्वया पृष्टमपूर्वं प्रवदाम्यहम्

tadācakṣva mahābhāga yadi dṛṣṭaṃ supuṇyadam | kapiṃjala uvāca- yacca tāta tvayā pṛṣṭamapūrvaṃ pravadāmyaham

"So tell (me), greatly fortunate one, if you have seen something that bestows great merit." Kapiṃjala said: "What you have asked, father — the unprecedented thing — that I shall relate."

AI translation rendered from the Sanskrit, not a published edition

PdP 2 101.6

यन्न दृष्टं श्रुतं केन कस्मान्नैव श्रुतं मया । तदिहैव प्रवक्ष्यामि श्रूयतामधुना पितः

yanna dṛṣṭaṃ śrutaṃ kena kasmānnaiva śrutaṃ mayā | tadihaiva pravakṣyāmi śrūyatāmadhunā pitaḥ

That which has not been seen or heard by anyone, and which I have not heard from anyone — that very thing I shall declare here; let it now be heard, father.

AI translation rendered from the Sanskrit, not a published edition — the model flagged this verse as uncertain

PdP 2 101.7

शृण्वंतु भ्रातरः सर्वे मातस्त्वं शृणु सांप्रतम् । कैलासः पर्वतश्रेष्ठो धवलश्चंद्र सन्निभः

śṛṇvaṃtu bhrātaraḥ sarve mātastvaṃ śṛṇu sāṃpratam | kailāsaḥ parvataśreṣṭho dhavalaścaṃdra sannibhaḥ

Let all (my) brothers listen; and you, mother, listen now: Kailāsa, the best of mountains, white, resembling the moon —

AI translation rendered from the Sanskrit, not a published edition

PdP 2 101.8

नानाधातुसमाकीर्णो नानावृक्षोपशोभितः । गंगाजलैः शुभैः पुण्यैः क्षालितः सर्वतः पितः

nānādhātusamākīrṇo nānāvṛkṣopaśobhitaḥ | gaṃgājalaiḥ śubhaiḥ puṇyaiḥ kṣālitaḥ sarvataḥ pitaḥ

— tr. refused: cyber

PdP 2 101.9

नदीनां तु सहस्राणि दिव्यानि विविधानि च । यस्मात्तात प्रसूतानि जलानि विविधानि च

nadīnāṃ tu sahasrāṇi divyāni vividhāni ca | yasmāttāta prasūtāni jalāni vividhāni ca

And thousands of rivers, divine and of many kinds — from which, my dear, waters of many kinds have issued forth.

AI translation rendered from the Sanskrit, not a published edition

PdP 2 101.10

तडागानि सहस्राणि सोदकानि महागिरौ । नद्यः संति विशालिन्यो हंससारससेविताः

taḍāgāni sahasrāṇi sodakāni mahāgirau | nadyaḥ saṃti viśālinyo haṃsasārasasevitāḥ

On the great mountain there are thousands of tanks filled with water, and there are broad rivers frequented by geese and cranes.

AI translation rendered from the Sanskrit, not a published edition

PdP 2 101.11

तस्मिञ्छिखरिणां श्रेष्ठे पुण्यदाः पापनाशनाः । वनानि विविधान्येव पुष्पितानि फलानि च

tasmiñchikhariṇāṃ śreṣṭhe puṇyadāḥ pāpanāśanāḥ | vanāni vividhānyeva puṣpitāni phalāni ca

On that best of peaked mountains there are forests of many kinds, merit-bestowing and sin-destroying, in bloom and bearing fruit.

AI translation rendered from the Sanskrit, not a published edition

PdP 2 101.12

नानावृक्षोपयुक्तानि हरितानि शुभानि च । किन्नराणां गणैर्युक्तश्चाप्सरोभिः समाकुलः

nānāvṛkṣopayuktāni haritāni śubhāni ca | kinnarāṇāṃ gaṇairyuktaścāpsarobhiḥ samākulaḥ

(there are woods) furnished with various trees, green and lovely; and (the mountain) is thronged with troops of kinnaras and crowded with apsarases.

AI translation rendered from the Sanskrit, not a published edition

PdP 2 101.13

गंधर्वचारणैः सिद्धैर्देववृंदैः सुशोभितः । दिव्यवृक्षवनोपेतो दिव्यभावैः समाकुलः

gaṃdharvacāraṇaiḥ siddhairdevavṛṃdaiḥ suśobhitaḥ | divyavṛkṣavanopeto divyabhāvaiḥ samākulaḥ

(It is) beautifully adorned with gandharvas, cāraṇas, siddhas and hosts of gods; furnished with groves of divine trees and thronged with divine beings.

AI translation rendered from the Sanskrit, not a published edition

PdP 2 101.14

दिव्यगंधैः सुशोभाढ्यैर्नानारत्नसमन्वितः । शिलाभिः स्फटिकस्यापि शुक्लाभिस्तु सुशोभनः

divyagaṃdhaiḥ suśobhāḍhyairnānāratnasamanvitaḥ | śilābhiḥ sphaṭikasyāpi śuklābhistu suśobhanaḥ

(It is) endowed with divine fragrances rich in fair beauty, furnished with various jewels, and made lovely too by white slabs of crystal.

AI translation rendered from the Sanskrit, not a published edition

PdP 2 101.15

सूर्यतेजोमयो राजंस्तेजोभिस्तु समाकुलः । चंदनैश्चारुगंधैश्च बकुलैर्नीलपुष्पकैः

sūryatejomayo rājaṃstejobhistu samākulaḥ | caṃdanaiścārugaṃdhaiśca bakulairnīlapuṣpakaiḥ

(It was) made of the sun's radiance, O king, and crowded with brilliant lights, (adorned) with sandal trees of lovely fragrance and with bakula trees bearing dark blossoms,

AI translation rendered from the Sanskrit, not a published edition

PdP 2 101.16

नानापुष्पमयैर्वृक्षैः सर्वत्र समलंकृतः । पक्षिणां सुनिनादैश्च दिव्यानां मधुरायते

nānāpuṣpamayairvṛkṣaiḥ sarvatra samalaṃkṛtaḥ | pakṣiṇāṃ suninādaiśca divyānāṃ madhurāyate

(It is) adorned everywhere with trees made up of manifold flowers; and with the sweet cries of divine birds it becomes melodious.

AI translation rendered from the Sanskrit, not a published edition — the model flagged this verse as uncertain

PdP 2 101.17

षट्पदानां निनादैश्च वृक्षौघैर्मधुरायते । रुतैश्च कोकिलानां तु शोभते स वनो गिरिः

ṣaṭpadānāṃ ninādaiśca vṛkṣaughairmadhurāyate | rutaiśca kokilānāṃ tu śobhate sa vano giriḥ

And with the humming of bees and with throngs of trees it grows sweet; and with the calls of cuckoos that wooded mountain shines.

AI translation rendered from the Sanskrit, not a published edition

PdP 2 101.18

गणकोटिसमाकीर्णं तत्रास्ति शिवमंदिरम् । अंशुभिर्धवलं पुण्यं पुण्यराशिशिलोच्चयम्

gaṇakoṭisamākīrṇaṃ tatrāsti śivamaṃdiram | aṃśubhirdhavalaṃ puṇyaṃ puṇyarāśiśiloccayam

— tr. refused: cyber

PdP 2 101.19

सिंहैश्च गर्जमानैश्च सैरिभैः कुंजरैस्ततः । दिग्गजानां सुघोषैश्च शब्दितं च समंततः

siṃhaiśca garjamānaiśca sairibhaiḥ kuṃjaraistataḥ | diggajānāṃ sughoṣaiśca śabditaṃ ca samaṃtataḥ

(It was) filled all around with sound — with lions roaring, with buffaloes, with elephants, and with the loud trumpetings of the elephants of the quarters.

AI translation rendered from the Sanskrit, not a published edition

PdP 2 101.20

नानामृगैः समाकीर्णं शाखामृगगणाकुलम् । मयूरकेकाघोषैश्च गुहासु च विनादितम्

nānāmṛgaiḥ samākīrṇaṃ śākhāmṛgagaṇākulam | mayūrakekāghoṣaiśca guhāsu ca vināditam

(It was) thronged with various wild animals, crowded with troops of monkeys, and resounding in its caves with the shrill cries of peacocks.

AI translation rendered from the Sanskrit, not a published edition

PdP 2 101.21

कंदरैर्लेपनैः कूटैः सानुभिश्च विराजितम् । नानाप्रस्रवणोपेतमोषधीभिर्विराजितम्

kaṃdarairlepanaiḥ kūṭaiḥ sānubhiśca virājitam | nānāprasravaṇopetamoṣadhībhirvirājitam

(It was) resplendent with caverns, with smooth (coated) slopes, with peaks and with ridges; it was furnished with many springs and made splendid by healing herbs.

AI translation rendered from the Sanskrit, not a published edition

PdP 2 101.22

दिव्यं दिव्यगुणं पुण्यं पुण्यधाम समाकुलम् । सेवितं पुण्यलोकैश्च पुण्यराशिं महागिरिम्

divyaṃ divyaguṇaṃ puṇyaṃ puṇyadhāma samākulam | sevitaṃ puṇyalokaiśca puṇyarāśiṃ mahāgirim

(I saw) the great mountain, divine, of divine qualities, holy, crowded (with people), a holy abode, frequented by the folk of holy worlds, a heap of merit.

AI translation rendered from the Sanskrit, not a published edition

PdP 2 101.23

पुलिंदभिल्लकोलैश्च सेवितं पर्वतोत्तमम् । विकटैः शिखरैः कोटैरद्रिराजः प्रकाशते

puliṃdabhillakolaiśca sevitaṃ parvatottamam | vikaṭaiḥ śikharaiḥ koṭairadrirājaḥ prakāśate

That best of mountains is frequented by Pulindas, Bhillas and Kolas; the king of mountains shines with its huge peaks and crags.

AI translation rendered from the Sanskrit, not a published edition

PdP 2 101.24

अन्यैर्नानाविधैः पुण्यैः कौतुकैर्मंगलैः शुभैः । गंगोदकप्रवाहैश्च महाशब्दं प्रसुस्रुवे

anyairnānāvidhaiḥ puṇyaiḥ kautukairmaṃgalaiḥ śubhaiḥ | gaṃgodakapravāhaiśca mahāśabdaṃ prasusruve

And with other holy things of many kinds, with wonders, with auspicious and lovely things — and with streams of Ganges water it flowed forth with a great roar.

AI translation rendered from the Sanskrit, not a published edition — the model flagged this verse as uncertain

PdP 2 101.25

शंकरस्य गृहं तत्र कैलासं गतवानहम् । तत्राश्चर्यं मया दृष्टं यन्न दृष्टं कदा श्रुतम्

śaṃkarasya gṛhaṃ tatra kailāsaṃ gatavānaham | tatrāścaryaṃ mayā dṛṣṭaṃ yanna dṛṣṭaṃ kadā śrutam

There I went to Kailāsa, the house of Śaṃkara. There a marvel was seen by me such as had never been seen or heard of.

AI translation rendered from the Sanskrit, not a published edition

PdP 2 101.26

श्रूयतामभिधास्यामि तात सर्वं मयोदितम् । शिखराद्गिरिराजस्य मेरोः पुण्यान्महोदयात्

śrūyatāmabhidhāsyāmi tāta sarvaṃ mayoditam | śikharādgirirājasya meroḥ puṇyānmahodayāt

Let it be heard; I shall tell it — my dear, all of it is told by me: from the peak of Meru, the king of mountains, holy and of great eminence,

AI translation rendered from the Sanskrit, not a published edition

PdP 2 101.27

हिमक्षीरसुवर्णस्तु प्रवाहः पतते भुवि । गंगायाश्च महाभाग रंहसा घोषभूषितः

himakṣīrasuvarṇastu pravāhaḥ patate bhuvi | gaṃgāyāśca mahābhāga raṃhasā ghoṣabhūṣitaḥ

the stream, snow-, milk- and gold-(coloured), falls upon the earth — the stream of Gaṅgā, O greatly fortunate one, adorned with a roar by its rushing speed.

AI translation rendered from the Sanskrit, not a published edition

PdP 2 101.28

कैलासस्य शिरः प्राप्य तत्र विस्तरतां गतः । दशयोजनमानेन तत्र गंगा ह्रदो महान्

kailāsasya śiraḥ prāpya tatra vistaratāṃ gataḥ | daśayojanamānena tatra gaṃgā hrado mahān

Reaching the head of Kailāsa, it there attained a wide expanse; there Gaṅgā (became) a great lake of ten yojanas' measure.

AI translation rendered from the Sanskrit, not a published edition

PdP 2 101.29

महातोयेन पुण्येन विमलेन विराजते । सर्वतोभद्रतां प्राप्तो महाहंसैः प्रशोभते

mahātoyena puṇyena vimalena virājate | sarvatobhadratāṃ prāpto mahāhaṃsaiḥ praśobhate

It shines with its great, holy, spotless water; having become auspicious on every side, it is beautiful with great swans.

AI translation rendered from the Sanskrit, not a published edition

PdP 2 101.30

सामोच्चारेण पुण्येन दिव्येन मधुरेण च । हंसास्तत्र प्रकूजंति सरस्तेन विराजते

sāmoccāreṇa puṇyena divyena madhureṇa ca | haṃsāstatra prakūjaṃti sarastena virājate

With a holy, divine and sweet utterance like the chanting of the Sāman the swans there call out, and by that the lake shines.

AI translation rendered from the Sanskrit, not a published edition

PdP 2 101.31

तस्य तीरे शिलायां वै हिमकन्या महामते । आसीना मुक्तकेशांता रूपद्रविणशालिनी

tasya tīre śilāyāṃ vai himakanyā mahāmate | āsīnā muktakeśāṃtā rūpadraviṇaśālinī

On its bank, upon a rock, O great-minded one, the daughter of Himavat was seated, her hair loosened, rich in the wealth of beauty,

AI translation rendered from the Sanskrit, not a published edition

PdP 2 101.32

दिव्यरूपसुसंपन्ना सगुणा दिव्यलक्षणा । दिव्यालंकारभूषा च तस्यास्तीरे विराजते

divyarūpasusaṃpannā saguṇā divyalakṣaṇā | divyālaṃkārabhūṣā ca tasyāstīre virājate

endowed with divine form, possessed of good qualities, having divine marks, and adorned with divine ornaments — she shines on the bank of that (lake).

AI translation rendered from the Sanskrit, not a published edition

PdP 2 101.33

न जाने गिरिराजस्य तनया वा महोदधेः । नो वास्ति ब्रह्मणः पत्नी सा वा स्वाहा भविष्यति

na jāne girirājasya tanayā vā mahodadheḥ | no vāsti brahmaṇaḥ patnī sā vā svāhā bhaviṣyati

I do not know (who she is) — whether the daughter of the mountain king or of the great ocean; or else she is Brahmā's wife, or she may be Svāhā.

AI translation rendered from the Sanskrit, not a published edition

PdP 2 101.34

इंद्राणी वा महाभागा रोहिणी वा भविष्यति । ईदृशी रूपसंपत्तिर्युवतीनां न दृश्यते

iṃdrāṇī vā mahābhāgā rohiṇī vā bhaviṣyati | īdṛśī rūpasaṃpattiryuvatīnāṃ na dṛśyate

Or she may be the greatly blessed Indrāṇī, or Rohiṇī. Such a perfection of beauty is not seen among young women,

AI translation rendered from the Sanskrit, not a published edition

PdP 2 101.35

अन्यासां च सुदिव्यानां नारीणां तात सर्वथा । यादृशं रूपसंभावं गुणशीलं प्रदृश्यते

anyāsāṃ ca sudivyānāṃ nārīṇāṃ tāta sarvathā | yādṛśaṃ rūpasaṃbhāvaṃ guṇaśīlaṃ pradṛśyate

nor among the other most divine women at all, my dear. Whatever excellence of form, quality and character is seen (anywhere) —

AI translation rendered from the Sanskrit, not a published edition

PdP 2 101.36

अप्सरसां कदा नास्ति तादृशं रूपलक्षणम् । यादृशं तु मया दृष्टं तदंगं विश्वमोहनम्

apsarasāṃ kadā nāsti tādṛśaṃ rūpalakṣaṇam | yādṛśaṃ tu mayā dṛṣṭaṃ tadaṃgaṃ viśvamohanam

the apsarases never have such marks of beauty as those I saw: that body of hers bewitches the (whole) world.

AI translation rendered from the Sanskrit, not a published edition

PdP 2 101.37

शिलापदे समासीना दुःखेनापि समाकुला । रुदते सुस्वरैर्बाला अनेकैः स्वजनैर्विना

śilāpade samāsīnā duḥkhenāpi samākulā | rudate susvarairbālā anekaiḥ svajanairvinā

Seated on the rock-ledge and also overwhelmed with sorrow, the girl weeps with sweet sounds, without her many kinsfolk.

AI translation rendered from the Sanskrit, not a published edition

PdP 2 101.38

अश्रूणि मुंचमाना सा मुक्ताभानि बहूनि च । निर्मलानि सरस्यत्र पतंत्येव महामते

aśrūṇi muṃcamānā sā muktābhāni bahūni ca | nirmalāni sarasyatra pataṃtyeva mahāmate

Shedding tears, many of them, resembling pearls and spotless, she — O great-minded one — (and) they fall right there into the lake.

AI translation rendered from the Sanskrit, not a published edition

PdP 2 101.39

बिंदवो मौक्तिकाभास्ते निपतंति महोदके । तेभ्यो भवंति पद्मानि हृद्यानि सुरभीणि तु

biṃdavo mauktikābhāste nipataṃti mahodake | tebhyo bhavaṃti padmāni hṛdyāni surabhīṇi tu

Those drops, shining like pearls, fall into the great water, and from them arise lotuses, lovely and fragrant.

AI translation rendered from the Sanskrit, not a published edition

PdP 2 101.40

पद्मानि जज्ञिरे तेभ्यो नेत्राश्रुभ्यो महामते । गंगांभसि तरंत्येव असंख्यातानि तानि तु

padmāni jajñire tebhyo netrāśrubhyo mahāmate | gaṃgāṃbhasi taraṃtyeva asaṃkhyātāni tāni tu

From them, from the tears of (her) eyes, O great-minded one, lotuses were born, and they float upon the water of the Ganges, countless.

AI translation rendered from the Sanskrit, not a published edition

PdP 2 101.41

पतितानि सुहृद्यानि रंहसा यानि तानि तु । गंगाप्रवाहमध्ये तु हंसवृंदैः सुसेविते

patitāni suhṛdyāni raṃhasā yāni tāni tu | gaṃgāpravāhamadhye tu haṃsavṛṃdaiḥ susevite

Those very lovely (lotuses) that have fallen swiftly (float) in the midst of the Ganges' current, well frequented by flocks of geese.

AI translation rendered from the Sanskrit, not a published edition

PdP 2 101.42

भागीरथ्याः प्रवाहस्तु तस्मात्स्थानाद्विनिर्गतः । कैलासशिखरं प्राप्य रत्नाख्यं चारुकंदरम्

bhāgīrathyāḥ pravāhastu tasmātsthānādvinirgataḥ | kailāsaśikharaṃ prāpya ratnākhyaṃ cārukaṃdaram

But the current of Bhāgīrathī, issuing from that place, having reached the peak of Kailāsa called Ratna, with its lovely glens—

AI translation rendered from the Sanskrit, not a published edition

PdP 2 101.43

वर्तते तोयपूर्णस्तु योजनद्वयविस्तृतः । हंसवृंदसमाकीर्णो जलपक्षि समाकुलः

vartate toyapūrṇastu yojanadvayavistṛtaḥ | haṃsavṛṃdasamākīrṇo jalapakṣi samākulaḥ

—flows on, full of water, two yojanas broad, thronged with flocks of geese, crowded with water-birds.

AI translation rendered from the Sanskrit, not a published edition

PdP 2 101.44

नानावर्णविशेषाणि संति पद्मानि तत्र च । प्रवाहे निर्मले तात मुनिवृंदनिषेविते

nānāvarṇaviśeṣāṇi saṃti padmāni tatra ca | pravāhe nirmale tāta munivṛṃdaniṣevite

And there are lotuses there of many distinct colours, in that spotless current, dear son, frequented by throngs of sages.

AI translation rendered from the Sanskrit, not a published edition

PdP 2 101.45

अश्रुभ्यो यानि जातानि प्रभाते कमलानि तु । गंगोदकप्लुतान्येव सौरभाणि महांति च

aśrubhyo yāni jātāni prabhāte kamalāni tu | gaṃgodakaplutānyeva saurabhāṇi mahāṃti ca

Those lotuses which are born from the tears at dawn, drenched in the Ganges' water, fragrant and large,

AI translation rendered from the Sanskrit, not a published edition

PdP 2 101.46

प्रतरंति प्रवाहे तु निर्मले जलपूरिते । मध्ये मध्ये सुहंसैश्च जलपक्षिनिनादिते

prataraṃti pravāhe tu nirmale jalapūrite | madhye madhye suhaṃsaiśca jalapakṣininādite

float along in the current, clear and filled with water, resounding here and there with fine geese and water-birds.

AI translation rendered from the Sanskrit, not a published edition

PdP 2 101.47

सूत उवाच- रत्नाख्ये तु गिरौ तस्मिन्रत्नेश्वरमहेश्वरः । देवदैत्यसुपूज्योपि तिष्ठते तात सर्वदा

sūta uvāca- ratnākhye tu girau tasminratneśvaramaheśvaraḥ | devadaityasupūjyopi tiṣṭhate tāta sarvadā

Sūta said: On that mountain named Ratna, Ratneśvara Maheśvara, though well worshipped by gods and demons, dwells always, dear one.

AI translation rendered from the Sanskrit, not a published edition

PdP 2 101.48

तत्र दृष्टो मया तात कश्चित्पुण्यमयो मुनिः । जटाभारसमाक्रांतो निर्वासा दंडधारकः

tatra dṛṣṭo mayā tāta kaścitpuṇyamayo muniḥ | jaṭābhārasamākrāṃto nirvāsā daṃḍadhārakaḥ

There, dear one, I saw a certain sage full of merit, weighed down by a mass of matted hair, naked, carrying a staff,

AI translation rendered from the Sanskrit, not a published edition

PdP 2 101.49

निराधारो निराहारस्तपसातीव दुर्बलः । कृशांगोऽप्यस्थिसंघातस्त्वचामात्रेण वेष्टितः

nirādhāro nirāhārastapasātīva durbalaḥ | kṛśāṃgo'pyasthisaṃghātastvacāmātreṇa veṣṭitaḥ

without support, without food, exceedingly weakened by austerity, of emaciated limbs—a mere heap of bones wrapped in skin alone.

AI translation rendered from the Sanskrit, not a published edition

PdP 2 101.50

भस्मोद्धूलितमात्राणि सर्वांगानि महात्मनः । शुष्कपत्राणि भक्षेत शीर्णानि पतितानि च

bhasmoddhūlitamātrāṇi sarvāṃgāni mahātmanaḥ | śuṣkapatrāṇi bhakṣeta śīrṇāni patitāni ca

All the limbs of that great soul were smeared only with ash; he would eat dry leaves, withered and fallen.

AI translation rendered from the Sanskrit, not a published edition

PdP 2 101.51

शिवभक्तिसमासीनो दुराधारो महातपाः । अश्रुभ्यो यानि जातानि पद्मानि सुरभीणि च

śivabhaktisamāsīno durādhāro mahātapāḥ | aśrubhyo yāni jātāni padmāni surabhīṇi ca

Settled in devotion to Śiva, of hard sustenance, of great austerity, (he takes) those fragrant lotuses that are born from the tears,

AI translation rendered from the Sanskrit, not a published edition

PdP 2 101.52

गंगातोयात्समानीय देवदेवं प्रपूजयेत् । रत्नेश्वरं महाभागो गीतनृत्यविशारदः

gaṃgātoyātsamānīya devadevaṃ prapūjayet | ratneśvaraṃ mahābhāgo gītanṛtyaviśāradaḥ

and bringing them from the water of the Ganges, the greatly fortunate one, skilled in song and dance, would worship the god of gods Ratneśvara.

AI translation rendered from the Sanskrit, not a published edition

PdP 2 101.53

गायते नृत्यते तस्य द्वारस्थस्त्रिपुरद्विषः । मठमागत्य धर्मात्मा रोदते सुस्वरैरपि

gāyate nṛtyate tasya dvārasthastripuradviṣaḥ | maṭhamāgatya dharmātmā rodate susvarairapi

He sings and dances before that foe of Tripura; standing at the door, that righteous soul, having come to the hermitage, weeps too with sweet sounds.

AI translation rendered from the Sanskrit, not a published edition

PdP 2 101.54

एतद्दृष्टं मया तात अपूर्वं वदतांवर । कथयस्व प्रसादान्मे यदि त्वं वेत्सि कारणम्

etaddṛṣṭaṃ mayā tāta apūrvaṃ vadatāṃvara | kathayasva prasādānme yadi tvaṃ vetsi kāraṇam

This unprecedented thing was seen by me, dear one, O best of speakers; tell me out of favour, if you know the reason.

AI translation rendered from the Sanskrit, not a published edition

PdP 2 101.55

सा का नारी महाभागा कस्मात्तात प्ररोदिति । कस्मात्स देवपुरुषो देवमर्चेन्महेश्वरम्

sā kā nārī mahābhāgā kasmāttāta praroditi | kasmātsa devapuruṣo devamarcenmaheśvaram

Who is that greatly fortunate woman, and why, dear one, does she weep? And why does that divine man worship the god Maheśvara?

AI translation rendered from the Sanskrit, not a published edition

PdP 2 101.56

तन्मे त्वं विस्तराद्ब्रूहि सर्वसंदेहकारणम् । एवमुक्तो महाप्राज्ञः कुंजलोपि सुतेन हि

tanme tvaṃ vistarādbrūhi sarvasaṃdehakāraṇam | evamukto mahāprājñaḥ kuṃjalopi sutena hi

Tell me that at length, the cause of all (my) doubt. Thus addressed by his son too, the greatly wise Kuñjala,

AI translation rendered from the Sanskrit, not a published edition

PdP 2 101.57

कपिंजलेन प्रोवाच विस्तराच्छृण्वतो मुनेः

kapiṃjalena provāca vistarācchṛṇvato muneḥ

(thus addressed) by Kapiñjala, spoke at length, while the sage listened.

AI translation rendered from the Sanskrit, not a published edition