Padma Purana — Bhumi Khanda — Chapter 10
PdP 2 10.1
ऋषय ऊचुः- ततस्ते दानवाः सर्वे हिरण्यकशिपूत्तराः । युद्धाद्भग्नास्तु किं कुर्युर्व्यवसायं महामते
ṛṣaya ūcuḥ- tataste dānavāḥ sarve hiraṇyakaśipūttarāḥ | yuddhādbhagnāstu kiṃ kuryurvyavasāyaṃ mahāmate
The sages said: Then all those Dānavas, with Hiraṇyakaśipu foremost, broken from the battle — what resolve did they make, O greatly wise one?
AI translation rendered from the Sanskrit, not a published edition
PdP 2 10.2
विस्तरेणापि नो ब्रूहि तेषां वृत्तमनुत्तमम् । श्रोतुमिच्छामहे सर्वे त्वत्तो वै सांप्रतं द्विज
vistareṇāpi no brūhi teṣāṃ vṛttamanuttamam | śrotumicchāmahe sarve tvatto vai sāṃprataṃ dvija
Tell us too at length their most excellent story; we all wish now to hear it from you, O twice-born one.
AI translation rendered from the Sanskrit, not a published edition
PdP 2 10.3
सूत उवाच- भग्ना रणात्तु ते सर्वे बलहीनास्तु वै तदा । गतदर्पाः सुदुःखार्ता दैत्यास्ते पितरं गताः
sūta uvāca- bhagnā raṇāttu te sarve balahīnāstu vai tadā | gatadarpāḥ suduḥkhārtā daityāste pitaraṃ gatāḥ
The Sūta said: All of them, broken from the fight and then bereft of strength, their pride gone, sorely afflicted with grief — those Daityas went to their father.
AI translation rendered from the Sanskrit, not a published edition
PdP 2 10.4
भक्त्या प्रणम्य ते सर्वे समूचुः कश्यपं तदा । दानवा ऊचुः- भवद्वीर्यात्समुत्पत्तिरस्माकं द्विजसत्तम
bhaktyā praṇamya te sarve samūcuḥ kaśyapaṃ tadā | dānavā ūcuḥ- bhavadvīryātsamutpattirasmākaṃ dvijasattama
Bowing with devotion, they all then spoke to Kaśyapa. The Dānavas said: From your virility comes our birth, O best of the twice-born,
AI translation rendered from the Sanskrit, not a published edition
PdP 2 10.5
देवतानां महाभाग दानवानां तथैव च । वयं च दानवाः सर्वे बलवीर्यपराक्रमाः
devatānāṃ mahābhāga dānavānāṃ tathaiva ca | vayaṃ ca dānavāḥ sarve balavīryaparākramāḥ
— of the gods, O greatly fortunate one, and likewise of the Dānavas. And we Dānavas are all endowed with strength, valour and prowess,
AI translation rendered from the Sanskrit, not a published edition
PdP 2 10.6
उपायज्ञाः सुधीराश्च उद्यमेन समन्विताः । वयं तु बहवस्तात देवास्त्वल्पास्तथैव च
upāyajñāḥ sudhīrāśca udyamena samanvitāḥ | vayaṃ tu bahavastāta devāstvalpāstathaiva ca
knowers of stratagems, very steadfast, and possessed of exertion; and we are many, dear father, while the gods are few.
AI translation rendered from the Sanskrit, not a published edition
PdP 2 10.7
कथं जयंति ते सर्वे वयं भग्ना महाहवात् । तत्किं वै कारणं तात बलतेजः समन्विताः
kathaṃ jayaṃti te sarve vayaṃ bhagnā mahāhavāt | tatkiṃ vai kāraṇaṃ tāta balatejaḥ samanvitāḥ
How then do they all conquer, while we were broken in the great battle? What then is the reason, father, (we) being endowed with strength and energy?
AI translation rendered from the Sanskrit, not a published edition
PdP 2 10.8
मत्तनागसहस्राणामेकैकस्य महामते । बलमस्ति च दैत्यस्य नास्ति देवेषु तादृशम्
mattanāgasahasrāṇāmekaikasya mahāmate | balamasti ca daityasya nāsti deveṣu tādṛśam
Each single Daitya, O greatly wise one, has the strength of a thousand rutting elephants; there is no such (strength) among the gods.
AI translation rendered from the Sanskrit, not a published edition
PdP 2 10.9
जयश्च दृश्यते तात देवेष्वेव महाहवे । तत्सर्वं कथयस्वैव संशयंछेत्तुमर्हसि
jayaśca dṛśyate tāta deveṣveva mahāhave | tatsarvaṃ kathayasvaiva saṃśayaṃchettumarhasi
Yet victory is seen, father, to lie with the gods alone in the great battle. Tell all that; you ought to cut off (our) doubt.
AI translation rendered from the Sanskrit, not a published edition
PdP 2 10.10
कश्यप उवाच- शृणुध्वं पुत्रकाः सर्वे जयस्यापि च कारणम् । यस्माद्धि देवताः सर्वे समरे जयिनोऽभवन्
kaśyapa uvāca- śṛṇudhvaṃ putrakāḥ sarve jayasyāpi ca kāraṇam | yasmāddhi devatāḥ sarve samare jayino'bhavan
Kaśyapa said: Hear, all (my) sons, the cause of victory too — that by which all the gods became victorious in battle.
AI translation rendered from the Sanskrit, not a published edition
PdP 2 10.11
वीर्यनिर्वापकस्तातो माताक्षेत्रमिदं सदा । धारणे पालने चैव पोषणे च यथैव हि
vīryanirvāpakastāto mātākṣetramidaṃ sadā | dhāraṇe pālane caiva poṣaṇe ca yathaiva hi
The father is the emitter of the seed; the mother is always this field — as regards the holding, the protecting, and the nourishing (of it).
AI translation rendered from the Sanskrit, not a published edition
PdP 2 10.12
किं कुर्याद्विषमार्थे तु पिता पुत्रे च वै तथा । अत्र प्रधानं कर्मैव मामेवं बुद्धिराश्रिता
kiṃ kuryādviṣamārthe tu pitā putre ca vai tathā | atra pradhānaṃ karmaiva māmevaṃ buddhirāśritā
What could a father do in a difficult matter, or likewise a son? Here action alone is primary — such is the conviction I hold.
AI translation rendered from the Sanskrit, not a published edition — the model flagged this verse as uncertain
PdP 2 10.13
द्वैविध्यं कर्मसंबंधं पापपुण्यसमुद्भवम् । सत्यमेव समाश्रित्य क्रियते धर्म उत्तमः
dvaividhyaṃ karmasaṃbaṃdhaṃ pāpapuṇyasamudbhavam | satyameva samāśritya kriyate dharma uttamaḥ
The connection with action is twofold, arising from sin and from merit. Resting upon truth alone, the highest dharma is performed,
AI translation rendered from the Sanskrit, not a published edition
PdP 2 10.14
तपोध्यानसमायुक्तं तारणाय हि तं सुताः । पतनाय पातकं प्रोक्तं सर्वदैव न संशयः
tapodhyānasamāyuktaṃ tāraṇāya hi taṃ sutāḥ | patanāya pātakaṃ proktaṃ sarvadaiva na saṃśayaḥ
joined with austerity and meditation — that, my sons, is for crossing over; while sin is declared to be for falling, always, without doubt.
AI translation rendered from the Sanskrit, not a published edition
PdP 2 10.15
बलेन परिवारेण आभिजात्येन पुत्रकाः । पुण्यहीनस्य पुंसो वै तद्बलं विकलायते
balena parivāreṇa ābhijātyena putrakāḥ | puṇyahīnasya puṃso vai tadbalaṃ vikalāyate
By strength, by retinue, by noble birth, my sons — for a man devoid of merit that strength turns out defective.
AI translation rendered from the Sanskrit, not a published edition
PdP 2 10.16
उन्नता गिरिदुर्गेषु वृक्षाः संति सुपुत्रकाः । पतंति वातवेगेन समूलास्तु घनास्तथा
unnatā giridurgeṣu vṛkṣāḥ saṃti suputrakāḥ | pataṃti vātavegena samūlāstu ghanāstathā
Dear sons, there are trees standing tall on mountain fastnesses, fine ones; yet they fall by the force of the wind, root and all, dense though they be.
AI translation rendered from the Sanskrit, not a published edition
PdP 2 10.17
सत्यधर्मविहीनास्ते तथायांति यमक्षयम् । साधारणः प्राणिनां च धर्म एष सुपुत्रकाः
satyadharmavihīnāste tathāyāṃti yamakṣayam | sādhāraṇaḥ prāṇināṃ ca dharma eṣa suputrakāḥ
Those (men) devoid of truth and dharma likewise go to the abode of Yama; and this dharma is common to (all) living beings, dear sons.
AI translation rendered from the Sanskrit, not a published edition
PdP 2 10.18
येन संतरते जंतुरिह चैव परत्र च । तद्युष्माभिः परित्यक्तं सत्यं धर्मसमन्वितम्
yena saṃtarate jaṃturiha caiva paratra ca | tadyuṣmābhiḥ parityaktaṃ satyaṃ dharmasamanvitam
That truth, joined with dharma, by which a creature crosses over both here and in the world beyond — that has been abandoned by you.
AI translation rendered from the Sanskrit, not a published edition
PdP 2 10.19
अधर्ममास्थितं पुत्रा युष्माभिः सत्यवर्जितैः । सत्यधर्मतपोभ्रष्टाः पतिता दुःखसागरे
adharmamāsthitaṃ putrā yuṣmābhiḥ satyavarjitaiḥ | satyadharmatapobhraṣṭāḥ patitā duḥkhasāgare
Sons, unrighteousness has been resorted to by you, who are bereft of truth; fallen away from truth, dharma, and austerity, you have dropped into the ocean of suffering.
AI translation rendered from the Sanskrit, not a published edition
PdP 2 10.20
देवाश्च सत्यसंपन्नाः श्रेयसा च समन्विताः । तपः शांतिदमोपेताः सुपुण्या पापवर्जिताः
devāśca satyasaṃpannāḥ śreyasā ca samanvitāḥ | tapaḥ śāṃtidamopetāḥ supuṇyā pāpavarjitāḥ
And the gods are endowed with truth and possessed of what is good; they are furnished with austerity, calm, and self-restraint, greatly meritorious, free of sin.
AI translation rendered from the Sanskrit, not a published edition
PdP 2 10.21
यत्र सत्यं च धर्मश्च तपः पुण्यं तथैव च । यत्र विष्णुर्हृषीकेशो जयस्तत्र प्रदृश्यते
yatra satyaṃ ca dharmaśca tapaḥ puṇyaṃ tathaiva ca | yatra viṣṇurhṛṣīkeśo jayastatra pradṛśyate
Where there is truth and dharma, and austerity and merit likewise, where Viṣṇu Hṛṣīkeśa is — there victory is seen.
AI translation rendered from the Sanskrit, not a published edition
PdP 2 10.22
तेषां सहायः संभूतो वासुदेवः सनातनः । तस्माज्जयंति ते देवाः सत्यधर्मसमन्विताः
teṣāṃ sahāyaḥ saṃbhūto vāsudevaḥ sanātanaḥ | tasmājjayaṃti te devāḥ satyadharmasamanvitāḥ
Their helper has come to be the eternal Vāsudeva; therefore those gods, possessed of truth and dharma, are victorious.
AI translation rendered from the Sanskrit, not a published edition
PdP 2 10.23
सहायेन बलेनैव पौरुषेण तथैव च । भवंतः किल वै पुत्रास्तपः सत्यविवर्जिताः
sahāyena balenaiva pauruṣeṇa tathaiva ca | bhavaṃtaḥ kila vai putrāstapaḥ satyavivarjitāḥ
But you, sons, (rely) only on an ally, on strength, and likewise on manly force, being devoid of austerity and truth.
AI translation rendered from the Sanskrit, not a published edition
PdP 2 10.24
यस्य विष्णुः सहायश्च तपश्चैव बलं तथा । तस्यैव च जयो दृष्ट इति धर्मविदो विदुः
yasya viṣṇuḥ sahāyaśca tapaścaiva balaṃ tathā | tasyaiva ca jayo dṛṣṭa iti dharmavido viduḥ
He whose helper is Viṣṇu, and whose strength is austerity — his alone is the victory that is seen: so those who know dharma know it.
AI translation rendered from the Sanskrit, not a published edition
PdP 2 10.25
यूयं धर्मविहीनास्तु तपः सत्यविवर्जिताः । ऐंद्रं पदं बलेनैव प्राप्तवंतश्च पूर्वतः
yūyaṃ dharmavihīnāstu tapaḥ satyavivarjitāḥ | aiṃdraṃ padaṃ balenaiva prāptavaṃtaśca pūrvataḥ
But you are lacking in dharma, devoid of austerity and truth, and you have formerly obtained Indra's station by mere force.
AI translation rendered from the Sanskrit, not a published edition
PdP 2 10.26
तपो विना महाप्राज्ञा धर्मेण यशसा विना । बलदर्पगुणैः पुत्रा न प्राप्यमैन्द्रकं पदम्
tapo vinā mahāprājñā dharmeṇa yaśasā vinā | baladarpaguṇaiḥ putrā na prāpyamaindrakaṃ padam
Without austerity, O greatly wise ones, without dharma and without renown, sons, Indra's station is not to be attained by the qualities of strength and pride.
AI translation rendered from the Sanskrit, not a published edition
PdP 2 10.27
प्राप्याप्यैंद्रं पदं पुत्रास्ततो भ्रष्टा भवंति हि । तस्माद्यूयं प्रकुर्वंतु तपः पुत्राः समन्विताः
prāpyāpyaiṃdraṃ padaṃ putrāstato bhraṣṭā bhavaṃti hi | tasmādyūyaṃ prakurvaṃtu tapaḥ putrāḥ samanvitāḥ
Even having attained Indra's station, sons, one does indeed then fall from it; therefore, sons, let you all practise austerity together.
AI translation rendered from the Sanskrit, not a published edition
PdP 2 10.28
अविरोधेन संयुक्ता ज्ञानध्यानसमन्विताः । वैरं चैव न कर्तव्यं केशवेन समं कदा
avirodhena saṃyuktā jñānadhyānasamanvitāḥ | vairaṃ caiva na kartavyaṃ keśavena samaṃ kadā
Joined in non-opposition, possessed of knowledge and meditation — and enmity with Keśava must never be made.
AI translation rendered from the Sanskrit, not a published edition
PdP 2 10.29
एवंविधा यदा पुत्रा यूयं धन्या भविष्यथ । परां सिद्धिं तदा सर्वे प्रयास्यथ न संशयः
evaṃvidhā yadā putrā yūyaṃ dhanyā bhaviṣyatha | parāṃ siddhiṃ tadā sarve prayāsyatha na saṃśayaḥ
When you are of such a kind, sons, you will be fortunate; then you will all attain the highest perfection, there is no doubt.
AI translation rendered from the Sanskrit, not a published edition
PdP 2 10.30
एवं संभाषितास्ते तु कश्यपेन महात्मना । समाकर्ण्य पितुर्वाक्यं दानवास्ते महौजसः
evaṃ saṃbhāṣitāste tu kaśyapena mahātmanā | samākarṇya piturvākyaṃ dānavāste mahaujasaḥ
Thus were they addressed by the great-souled Kaśyapa; and those mighty Dānavas, having listened to their father's words —
AI translation rendered from the Sanskrit, not a published edition
PdP 2 10.31
प्रणम्य कश्यपं भक्त्या समुत्थाय त्वरान्विताः । सुमंत्रं चक्रिरे दैत्याः परस्परसमाहिताः
praṇamya kaśyapaṃ bhaktyā samutthāya tvarānvitāḥ | sumaṃtraṃ cakrire daityāḥ parasparasamāhitāḥ
having bowed to Kaśyapa with devotion and risen up in haste, the Daityas took good counsel, attentive to one another.
AI translation rendered from the Sanskrit, not a published edition
PdP 2 10.32
हिरण्यकशिपू राजा तानुवाचाथ दानवान् । तपश्चैव करिष्यामो दुष्करं सर्वदायकम्
hiraṇyakaśipū rājā tānuvācātha dānavān | tapaścaiva kariṣyāmo duṣkaraṃ sarvadāyakam
Then king Hiraṇyakaśipu said to those Dānavas: "We shall indeed perform austerity, hard to do, that grants everything."
AI translation rendered from the Sanskrit, not a published edition
PdP 2 10.33
हिरण्याक्षस्तदोवाच करिष्ये दारुणं तपः । ततो बलेन त्रैलोक्यं ग्रहीष्ये नात्र संशयः
hiraṇyākṣastadovāca kariṣye dāruṇaṃ tapaḥ | tato balena trailokyaṃ grahīṣye nātra saṃśayaḥ
Then Hiraṇyākṣa said: "I shall perform terrible austerity; then by force I shall seize the three worlds — there is no doubt of this.
AI translation rendered from the Sanskrit, not a published edition
PdP 2 10.34
रणे निर्जित्य गोविंदं तमिमं पापचेतसम् । व्यापाद्य देवताः सर्वाः पदमैंद्रं व्रजाम्यहम्
raṇe nirjitya goviṃdaṃ tamimaṃ pāpacetasam | vyāpādya devatāḥ sarvāḥ padamaiṃdraṃ vrajāmyaham
Having conquered in battle that Govinda of wicked mind, and having slain all the gods, I shall go to Indra's station."
AI translation rendered from the Sanskrit, not a published edition
PdP 2 10.35
बलिरुवाच- एवं न युज्यते कर्तुं युष्माभिर्दितिजेश्वराः । विष्णुना सह यद्वैरं तद्वैरं नाशकारणम्
baliruvāca- evaṃ na yujyate kartuṃ yuṣmābhirditijeśvarāḥ | viṣṇunā saha yadvairaṃ tadvairaṃ nāśakāraṇam
Bali said: It is not fitting for you to act thus, O lords of Diti's sons; the enmity that is with Viṣṇu, that enmity is a cause of destruction.
AI translation rendered from the Sanskrit, not a published edition
PdP 2 10.36
दानधर्मैस्तथा पुण्यैस्तपोभिर्यज्ञयाजनैः । तमाराध्य हृषीकेशं सुखं गच्छंति मानवाः
dānadharmaistathā puṇyaistapobhiryajñayājanaiḥ | tamārādhya hṛṣīkeśaṃ sukhaṃ gacchaṃti mānavāḥ
By gifts and duties, by meritorious acts, by austerities, by sacrifices and by officiating at sacrifices, men worship that Hṛṣīkeśa and go to happiness.
AI translation rendered from the Sanskrit, not a published edition
PdP 2 10.37
हिरण्यकशिपुरुवाच- अहमेवं न करिष्ये हरेराराधनं कदा । स्वभावं तु परित्यज्य शत्रुसेवा प्रचर्यते
hiraṇyakaśipuruvāca- ahamevaṃ na kariṣye harerārādhanaṃ kadā | svabhāvaṃ tu parityajya śatrusevā pracaryate
Hiraṇyakaśipu said: I will not act thus, nor ever perform worship of Hari; for to serve an enemy is practiced only by abandoning one's own nature.
AI translation rendered from the Sanskrit, not a published edition
PdP 2 10.38
मरणादधिकं तं तु मानयंति हि पंडिताः । विष्णोः सेवा न वै कार्या मया चान्यैश्च दानवैः
maraṇādadhikaṃ taṃ tu mānayaṃti hi paṃḍitāḥ | viṣṇoḥ sevā na vai kāryā mayā cānyaiśca dānavaiḥ
Indeed the wise reckon that (service to an enemy) worse than death; service to Viṣṇu is not to be done, either by me or by the other Dānavas.
AI translation rendered from the Sanskrit, not a published edition
PdP 2 10.39
तमुवाच महात्मानं बलिः पितामहं पुनः । धर्मशास्त्रेषु यद्दृष्टं मुनिभिस्तत्त्ववेदिभिः
tamuvāca mahātmānaṃ baliḥ pitāmahaṃ punaḥ | dharmaśāstreṣu yaddṛṣṭaṃ munibhistattvavedibhiḥ
Bali spoke again to that great-souled grandfather (of his): "What has been seen in the treatises on dharma by the sages who know the truth—"
AI translation rendered from the Sanskrit, not a published edition
PdP 2 10.40
राजनीतियुतं मंत्रं शत्रोश्चैव प्रधानतः । हीनमात्मानमाज्ञाय रिपुं तं बलिनं तथा
rājanītiyutaṃ maṃtraṃ śatroścaiva pradhānataḥ | hīnamātmānamājñāya ripuṃ taṃ balinaṃ tathā
"—counsel joined with statecraft, and chiefly concerning an enemy: knowing oneself to be the weaker and that foe to be strong,"
AI translation rendered from the Sanskrit, not a published edition
PdP 2 10.41
तस्य पार्श्वे प्रगत्वैव जयकालं प्रतीक्षयेत् । दीपच्छायां समाश्रित्य तमो वसति सर्वदा
tasya pārśve pragatvaiva jayakālaṃ pratīkṣayet | dīpacchāyāṃ samāśritya tamo vasati sarvadā
"one should go right to his side and await the time of victory; darkness always dwells taking refuge in the shadow of the lamp."
AI translation rendered from the Sanskrit, not a published edition
PdP 2 10.42
स्नेहं दशागतं प्रेक्ष्य दीपस्यापि महाबलम् । प्रकाशं याति वेगेन तमश्च वर्द्धते पुनः
snehaṃ daśāgataṃ prekṣya dīpasyāpi mahābalam | prakāśaṃ yāti vegena tamaśca varddhate punaḥ
"Seeing the oil come to the wick, even the lamp's great power goes swiftly to light—and then the darkness grows again."
AI translation rendered from the Sanskrit, not a published edition — the model flagged this verse as uncertain
PdP 2 10.43
तथा प्रसादयेच्छन्नः स्नेहं निर्दिश्य तत्त्वतः । स्नेहं कृत्वासुरैः सार्द्धं धर्मभावैः सुरद्विषः
tathā prasādayecchannaḥ snehaṃ nirdiśya tattvataḥ | snehaṃ kṛtvāsuraiḥ sārddhaṃ dharmabhāvaiḥ suradviṣaḥ
"So, concealed, one should conciliate (him), showing affection in accordance with the facts; the enemies of the gods, having made affection with the Asuras through dharma-like sentiments—"
AI translation rendered from the Sanskrit, not a published edition — the model flagged this verse as uncertain
PdP 2 10.44
पूर्वमुक्तं सुमंत्रं तु मुनिना कश्यपेन हि । तेन मंत्रेण राजेंद्र कुरु कार्यं स्वमात्मवान्
pūrvamuktaṃ sumaṃtraṃ tu muninā kaśyapena hi | tena maṃtreṇa rājeṃdra kuru kāryaṃ svamātmavān
"—this good counsel was spoken of old by the sage Kaśyapa; by that counsel, O lord of kings, self-possessed, do your task."
AI translation rendered from the Sanskrit, not a published edition
PdP 2 10.45
तस्य तद्वचनं श्रुत्वा प्राह दैत्यः प्रतापवान् । पौत्र नैवं करिष्येहं मानभंगं तथात्मनः
tasya tadvacanaṃ śrutvā prāha daityaḥ pratāpavān | pautra naivaṃ kariṣyehaṃ mānabhaṃgaṃ tathātmanaḥ
Hearing that speech of his, the mighty Daitya said: "Grandson, I will not act thus, (it would be) a breaking of my own honor."
AI translation rendered from the Sanskrit, not a published edition
PdP 2 10.46
अन्ये च बांधवाः सर्वे तमूचुर्नयपंडितम् । बलिनोक्तं च यत्पुण्यं देवतानां प्रियंकरम्
anye ca bāṃdhavāḥ sarve tamūcurnayapaṃḍitam | balinoktaṃ ca yatpuṇyaṃ devatānāṃ priyaṃkaram
And all the other kinsmen said to him who was skilled in policy: "What Bali has said is meritorious and pleasing to the gods,"
AI translation rendered from the Sanskrit, not a published edition
PdP 2 10.47
शक्रमानकरं प्रोक्तं दानवानां भयंकरम् । करिष्यामो वयं सर्वे तप एवमनुत्तमम्
śakramānakaraṃ proktaṃ dānavānāṃ bhayaṃkaram | kariṣyāmo vayaṃ sarve tapa evamanuttamam
"it is said to bring honor to Śakra and terror to the Dānavas; we shall all rather perform austerity thus, the unsurpassed."
AI translation rendered from the Sanskrit, not a published edition
PdP 2 10.48
तपसा निर्जित्य देवान्हरिष्यामः स्वकं पदम् । एवमामंत्र्य ते सर्वे निराकृत्य बलिं तदा
tapasā nirjitya devānhariṣyāmaḥ svakaṃ padam | evamāmaṃtrya te sarve nirākṛtya baliṃ tadā
"Having conquered the gods by austerity, we shall take back our own station." Having thus taken counsel, all of them then rejected Bali,
AI translation rendered from the Sanskrit, not a published edition
PdP 2 10.49
विष्णोः सार्द्धं महावैरं हृदि कृत्वा महासुराः । तपश्चक्रुस्ततः सर्वे गिरिदुर्गेषु सानुषु
viṣṇoḥ sārddhaṃ mahāvairaṃ hṛdi kṛtvā mahāsurāḥ | tapaścakrustataḥ sarve giridurgeṣu sānuṣu
and the great Asuras, holding great enmity with Viṣṇu in their hearts, all then performed austerity on mountain fastnesses and ridges.
AI translation rendered from the Sanskrit, not a published edition
PdP 2 10.50
एवं ते दानवाः सर्वे त्यक्तरागाः सुनिश्चिताः । कामक्रोधविहीनाश्च निराहारा जितक्लमाः
evaṃ te dānavāḥ sarve tyaktarāgāḥ suniścitāḥ | kāmakrodhavihīnāśca nirāhārā jitaklamāḥ
Thus all those Dānavas, with passion abandoned, firmly resolved, free of desire and anger, without food, having conquered weariness—
AI translation rendered from the Sanskrit, not a published edition