Padma Purana — Srishti Khanda — Chapter 81

PdP 1 81.1

वैशंपायन उवाच-। उद्भवं लोहितांगस्य संतोषं तु जनेषु च। प्रभावं वैभवं तेजः श्रोतुमिच्छामि तत्त्वतः

vaiśaṃpāyana uvāca-| udbhavaṃ lohitāṃgasya saṃtoṣaṃ tu janeṣu ca| prabhāvaṃ vaibhavaṃ tejaḥ śrotumicchāmi tattvataḥ

Vaiśaṃpāyana said: I wish to hear truly of the origin of the Red-limbed one (Mars), of his being pleased among men, and of his power, his majesty, his splendour.

AI translation rendered from the Sanskrit, not a published edition

PdP 1 81.2

व्यास उवाच-। हरांशसंभवो देवः कुजातः पृथिवीसुतः। सत्त्वस्थस्सत्वसंपूर्णश्शूरः शक्तिधरो भुवि

vyāsa uvāca-| harāṃśasaṃbhavo devaḥ kujātaḥ pṛthivīsutaḥ| sattvasthassatvasaṃpūrṇaśśūraḥ śaktidharo bhuvi

Vyāsa said: The god born from a portion of Hara, born as Kuja, son of the Earth, established in goodness, full of strength, a hero, bearer of the spear on earth—

AI translation rendered from the Sanskrit, not a published edition

PdP 1 81.3

तीक्ष्णः क्रूरग्रहो देवो लोहितांगः प्रतापवान्। कुमारो रूपसंपन्नो विद्युत्पातमयः प्रभुः

tīkṣṇaḥ krūragraho devo lohitāṃgaḥ pratāpavān| kumāro rūpasaṃpanno vidyutpātamayaḥ prabhuḥ

fierce, a cruel planet, the god Lohitāṅga, full of blazing might, a youth endowed with beauty, a lord consisting of the fall of lightning.

AI translation rendered from the Sanskrit, not a published edition

PdP 1 81.4

अनेन भर्जिता दैत्याः क्रव्यादाय सुरद्विषः। दशायोगाच्च मनुजा उद्भिज्जाः पशुपक्षिणः

anena bharjitā daityāḥ kravyādāya suradviṣaḥ| daśāyogācca manujā udbhijjāḥ paśupakṣiṇaḥ

By him the Daityas, the flesh-eaters, the foes of the gods, were scorched; and by the conjunction of his period (daśā/daśā-yoga), men too, plants sprung from the ground, beasts and birds.

AI translation rendered from the Sanskrit, not a published edition — the model flagged this verse as uncertain

PdP 1 81.5

वैशंपायन उवाच-। शंभोरेष कथं जातः कथं जातो महीसुतः। ग्रहो देवः कथं क्रूर एतदिच्छामि वेदितुम्

vaiśaṃpāyana uvāca-| śaṃbhoreṣa kathaṃ jātaḥ kathaṃ jāto mahīsutaḥ| graho devaḥ kathaṃ krūra etadicchāmi veditum

Vaiśaṃpāyana said: How was he born of Śaṃbhu? How was he born as the son of Earth? How is the god a cruel planet? This I wish to know.

AI translation rendered from the Sanskrit, not a published edition

PdP 1 81.6

कथमस्य भवेत्तुष्टिः सर्वलोकेषु सर्वदा। गुरो मय्याप्तभावे तु वद निस्संशयं मुखात्

kathamasya bhavettuṣṭiḥ sarvalokeṣu sarvadā| guro mayyāptabhāve tu vada nissaṃśayaṃ mukhāt

How does he become pleased, always and in all the worlds? O teacher, since you are well disposed toward me, tell (it) from your own mouth, free of doubt.

AI translation rendered from the Sanskrit, not a published edition

PdP 1 81.7

व्यास उवाच-। हिरण्याक्षकुले धीमानसुराणां च पार्थिवः। अंधकेति समाख्यातो दैत्यः सर्वसुरांतकृत्

vyāsa uvāca-| hiraṇyākṣakule dhīmānasurāṇāṃ ca pārthivaḥ| aṃdhaketi samākhyāto daityaḥ sarvasurāṃtakṛt

Vyāsa said: In the family of Hiraṇyākṣa there was a wise king of the Asuras, a Daitya named Andhaka, who made an end of all the gods.

AI translation rendered from the Sanskrit, not a published edition

PdP 1 81.8

जातो विष्णुवरादेव जातो विष्णुपराक्रमः। तेनैव निर्जिता देवास्सेन्द्राः क्रतुभुजः क्रमात्

jāto viṣṇuvarādeva jāto viṣṇuparākramaḥ| tenaiva nirjitā devāssendrāḥ kratubhujaḥ kramāt

He was born by a boon of Viṣṇu itself, born with the valour of Viṣṇu; by him alone the gods, together with Indra, the eaters of the sacrifice, were conquered one after another.

AI translation rendered from the Sanskrit, not a published edition

PdP 1 81.9

ततो देवा विधिं गत्वा वचनं चेदमब्रुवन्। अन्धकेनैव चास्माकं हृतं राज्यं सुखं मखः

tato devā vidhiṃ gatvā vacanaṃ cedamabruvan| andhakenaiva cāsmākaṃ hṛtaṃ rājyaṃ sukhaṃ makhaḥ

Then the gods went to the Ordainer (Brahmā) and spoke these words: "By Andhaka our kingdom, our happiness, our sacrifice have been carried off.

AI translation rendered from the Sanskrit, not a published edition

PdP 1 81.10

तस्मात्तस्य वधोपाय उच्यतां तद्विधीयताम्। अथ धाताऽब्रवीद्वाक्यं देवानस्य च नैधनम्

tasmāttasya vadhopāya ucyatāṃ tadvidhīyatām| atha dhātā'bravīdvākyaṃ devānasya ca naidhanam

Therefore let a means of his slaying be told; let that be arranged." Then the Creator spoke words to the gods about his death:

AI translation rendered from the Sanskrit, not a published edition

PdP 1 81.11

नास्ति विष्णुवरादेव पीयूषस्य च भक्षणात्। किंतु तस्यासुरत्वस्य यथा परिभवो ध्रुवम्

nāsti viṣṇuvarādeva pīyūṣasya ca bhakṣaṇāt| kiṃtu tasyāsuratvasya yathā paribhavo dhruvam

"There is none (no death for him), just because of Viṣṇu's boon and because of his eating the nectar. Yet, so that his asura-nature may surely be overthrown,

AI translation rendered from the Sanskrit, not a published edition

PdP 1 81.12

कुर्वे लोकहितार्थाय श्रद्धां कामसमन्विताम्। विचिकित्सा तु तत्रैव सर्वास्त्रीरतिगच्छति

kurve lokahitārthāya śraddhāṃ kāmasamanvitām| vicikitsā tu tatraiva sarvāstrīratigacchati

for the welfare of the world I shall make Faith (Śraddhā) joined with Desire; and Doubt (Vicikitsā) too—there itself, he goes to lust after all women.

AI translation rendered from the Sanskrit, not a published edition — the model flagged this verse as uncertain

PdP 1 81.13

त्यक्त्वैकां पार्वतीं दुर्गां न तस्य मानसं स्थिरम्। ततः क्रुद्धो जगत्स्वामी तं च वैरूप्यतां नयेत्

tyaktvaikāṃ pārvatīṃ durgāṃ na tasya mānasaṃ sthiram| tataḥ kruddho jagatsvāmī taṃ ca vairūpyatāṃ nayet

Except for Pārvatī Durgā alone, his mind is not steady (toward any). Then the Lord of the world, being angry, would bring him to disfigurement.

AI translation rendered from the Sanskrit, not a published edition — the model flagged this verse as uncertain

PdP 1 81.14

ततोऽसुरत्वं संत्यज्य गणस्तस्य भविष्यति। एवमुक्त्वा प्रजाध्यक्षः श्रद्धां कामसमन्विताम्

tato'suratvaṃ saṃtyajya gaṇastasya bhaviṣyati| evamuktvā prajādhyakṣaḥ śraddhāṃ kāmasamanvitām

Then, abandoning his asura-nature, he will become his (Śiva's) attendant." Having spoken thus, the overseer of creatures (sent) Faith joined with Desire,

AI translation rendered from the Sanskrit, not a published edition

PdP 1 81.15

विचिकित्सां स्वमायां च प्रेषयामास तं प्रति। ततो विचेष्टितः कामाद्योषान्वेषणतत्परः

vicikitsāṃ svamāyāṃ ca preṣayāmāsa taṃ prati| tato viceṣṭitaḥ kāmādyoṣānveṣaṇatatparaḥ

and Doubt and his own magic, he despatched against him. Then, agitated by desire, intent on searching out women,

AI translation rendered from the Sanskrit, not a published edition

PdP 1 81.16

स्वदारान्परयोषां च नापश्यद्विचिकित्सया। ततो मायाप्रयुक्तोसौ त्रैलोक्यं विचचार ह

svadārānparayoṣāṃ ca nāpaśyadvicikitsayā| tato māyāprayuktosau trailokyaṃ vicacāra ha

through Doubt he did not distinguish his own wives from another's woman. Then, driven by that magic, he roamed through the three worlds.

AI translation rendered from the Sanskrit, not a published edition

PdP 1 81.17

दृष्टं च हिमवत्पृष्ठे स्त्रीरत्नं चातिशोभनं। दृष्ट्वा च पार्वतीं दैत्यः कामस्य वशगोऽभवत्

dṛṣṭaṃ ca himavatpṛṣṭhe strīratnaṃ cātiśobhanaṃ| dṛṣṭvā ca pārvatīṃ daityaḥ kāmasya vaśago'bhavat

And on the slope of Himavat a jewel among women, exceedingly lovely, was seen; and having seen Pārvatī, the Daitya came under the sway of desire.

AI translation rendered from the Sanskrit, not a published edition

PdP 1 81.18

ज्ञानलोपात्ततो दुर्गां ग्रहीतुं तां स चेच्छति। उमा च कोटवीरूपं कृत्वा देहस्य चात्मनः

jñānalopāttato durgāṃ grahītuṃ tāṃ sa cecchati| umā ca koṭavīrūpaṃ kṛtvā dehasya cātmanaḥ

Then, through loss of understanding, he wishes to seize that Durgā; and Umā, having made her own body into the form of Koṭavī—

AI translation rendered from the Sanskrit, not a published edition

PdP 1 81.19

ईश्वरस्यांतिकस्था च ग्रहीतुं तां ससार सः। ततः कामविचेताश्च उन्मत्तीकृतचेतनः

īśvarasyāṃtikasthā ca grahītuṃ tāṃ sasāra saḥ| tataḥ kāmavicetāśca unmattīkṛtacetanaḥ

And she was standing beside Īśvara, yet he rushed at her to seize her; then, deranged by lust, his mind driven to madness,

AI translation rendered from the Sanskrit, not a published edition

PdP 1 81.20

न जहाति शिवां धात्रीं पार्वतीं दैत्यपुंगवः। ततो ध्यानात्समागम्य मिलितः पार्वतीं धवः

na jahāti śivāṃ dhātrīṃ pārvatīṃ daityapuṃgavaḥ| tato dhyānātsamāgamya militaḥ pārvatīṃ dhavaḥ

the bull among Daityas would not let go of Śivā, the nurturer, Pārvatī. Then her husband, arriving from his meditation, joined Pārvatī.

AI translation rendered from the Sanskrit, not a published edition — the model flagged this verse as uncertain

PdP 1 81.21

दृष्ट्वा तं च स दैत्येन्द्रः प्रगतस्तु स्वमालयम्। सज्जीकृत्य स्वयोधांश्च शंभुं जेतुं समुत्सुकः

dṛṣṭvā taṃ ca sa daityendraḥ pragatastu svamālayam| sajjīkṛtya svayodhāṃśca śaṃbhuṃ jetuṃ samutsukaḥ

And seeing him, that lord of the Daityas went off to his own dwelling, and having made his warriors ready, eager to conquer Śambhu,

AI translation rendered from the Sanskrit, not a published edition

PdP 1 81.22

गौरीमेव समानेतुं काममोहादचेतनः। एतच्छ्रुत्वा तु त्रिदशा गत्वा तं नंदिनेरिताः

gaurīmeva samānetuṃ kāmamohādacetanaḥ| etacchrutvā tu tridaśā gatvā taṃ naṃdineritāḥ

(and) to carry off Gaurī herself, being senseless through the delusion of lust. But hearing this, the thirty (gods), urged on by Nandin, went against him,

AI translation rendered from the Sanskrit, not a published edition

PdP 1 81.23

अकुर्वंश्च महद्युद्धं घोरं लोकभयंकरम्। दैत्यान्रणे मृतांस्तत्र दैत्याचार्यो ह्यजीवयत्

akurvaṃśca mahadyuddhaṃ ghoraṃ lokabhayaṃkaram| daityānraṇe mṛtāṃstatra daityācāryo hyajīvayat

and they made a great battle, terrible, causing fear to the world; and there the Daityas' preceptor brought back to life the Daityas who had died in the fight.

AI translation rendered from the Sanskrit, not a published edition

PdP 1 81.24

एतद्वृत्तं तु कैलासे सर्वे चैव न्यवेदयन्। क्रोधाच्छंभुस्तदा वाक्यं नंदिनं निजगाद ह

etadvṛttaṃ tu kailāse sarve caiva nyavedayan| krodhācchaṃbhustadā vākyaṃ naṃdinaṃ nijagāda ha

And all of them reported this occurrence at Kailāsa; then Śambhu, out of anger, spoke this word to Nandin:

AI translation rendered from the Sanskrit, not a published edition

PdP 1 81.25

गच्छ दैत्यालयं वीर द्रुतमेव ममाज्ञया। पश्यतां सर्वदैत्यानां दैत्येंद्रस्य च संसदि

gaccha daityālayaṃ vīra drutameva mamājñayā| paśyatāṃ sarvadaityānāṃ daityeṃdrasya ca saṃsadi

"Go to the dwelling of the Daityas, hero, at once, by my command; in the assembly, while all the Daityas and the lord of the Daityas look on,

AI translation rendered from the Sanskrit, not a published edition

PdP 1 81.26

गृहीत्वा चिकुरेऽत्यर्थं भार्गवं तं दुरात्मकम्। लब्ध्वा चास्मत्सकाशं वै विह्वलं चानय क्षणात्

gṛhītvā cikure'tyarthaṃ bhārgavaṃ taṃ durātmakam| labdhvā cāsmatsakāśaṃ vai vihvalaṃ cānaya kṣaṇāt

seizing that evil-natured Bhārgava violently by the hair, and having got hold of him, bring him, helpless, into my presence this instant."

AI translation rendered from the Sanskrit, not a published edition

PdP 1 81.27

ततो नंदीश्वरः श्रीमान्पार्वतीपतिनेरितः। काव्यं तं कुंतले धृत्वा दैत्यानां पुरतो बलात्

tato naṃdīśvaraḥ śrīmānpārvatīpatineritaḥ| kāvyaṃ taṃ kuṃtale dhṛtvā daityānāṃ purato balāt

Then the glorious Nandīśvara, urged on by Pārvatī's husband, seizing that Kāvya by the locks, by force, in front of the Daityas—

AI translation rendered from the Sanskrit, not a published edition

PdP 1 81.28

आनयंतं च तं दैत्या जघ्नुः प्रहरणैः शरैः। न शेकुस्ते रुजां कर्तुं नंदिनो बलशालिनः

ānayaṃtaṃ ca taṃ daityā jaghnuḥ praharaṇaiḥ śaraiḥ| na śekuste rujāṃ kartuṃ naṃdino balaśālinaḥ

and as he was bringing him away the Daityas struck at him with missiles and arrows; they were unable to do any hurt to Nandin, who was endowed with strength.

AI translation rendered from the Sanskrit, not a published edition

PdP 1 81.29

देवानामग्रतो नंदी गृहीत्वा तं च कुंतले। हरस्य पुरतो हृष्टः सह तेन समाययौ

devānāmagrato naṃdī gṛhītvā taṃ ca kuṃtale| harasya purato hṛṣṭaḥ saha tena samāyayau

In front of the gods Nandin, holding him by the locks, delighted, came together with him before Hara.

AI translation rendered from the Sanskrit, not a published edition

PdP 1 81.30

गृहीत्वा भार्गवं शंभुरसुराणां गुरुं रुषा। अगिलद्रौद्रमूर्तोऽसौ कालांतकसमः प्रभुः

gṛhītvā bhārgavaṃ śaṃbhurasurāṇāṃ guruṃ ruṣā| agiladraudramūrto'sau kālāṃtakasamaḥ prabhuḥ

Taking hold of Bhārgava, the guru of the asuras, Śambhu in his wrath swallowed him down, that lord of dreadful form, like Kāla the ender.

AI translation rendered from the Sanskrit, not a published edition

PdP 1 81.31

ततो दैत्यपतिः क्रुद्धः सर्वसैन्यवृतो बली। दुद्राव शंकरं तत्र घोरैः प्रहरणादिभिः

tato daityapatiḥ kruddhaḥ sarvasainyavṛto balī| dudrāva śaṃkaraṃ tatra ghoraiḥ praharaṇādibhiḥ

Then the mighty lord of the Daityas, enraged, surrounded by his whole army, rushed upon Śaṅkara there with terrible missiles and the rest.

AI translation rendered from the Sanskrit, not a published edition

PdP 1 81.32

त्रिदशाश्च तथा क्रुद्धास्ततो विद्याधरादयः। प्रययुः समरं तत्र दैत्यानां च भृशं रुषा

tridaśāśca tathā kruddhāstato vidyādharādayaḥ| prayayuḥ samaraṃ tatra daityānāṃ ca bhṛśaṃ ruṣā

And the thirty (gods) too, enraged, and then the Vidyādharas and the others, went into battle there against the Daityas with great fury.

AI translation rendered from the Sanskrit, not a published edition

PdP 1 81.33

एतस्मिन्नंतरे घोरं युद्धं भीष्मं समुत्थितम्। देवदानवयोरेवं सर्वलोकभयंकरम्

etasminnaṃtare ghoraṃ yuddhaṃ bhīṣmaṃ samutthitam| devadānavayorevaṃ sarvalokabhayaṃkaram

In this interval a terrible, dreadful battle arose thus between the gods and the Dānavas, causing fear to all the worlds.

AI translation rendered from the Sanskrit, not a published edition

PdP 1 81.34

ततः प्रत्ययितास्त्रैश्च देवा निघ्नंति दानवान्। दनुजा निर्जरांस्तत्र विनिघ्नंति महाहवे

tataḥ pratyayitāstraiśca devā nighnaṃti dānavān| danujā nirjarāṃstatra vinighnaṃti mahāhave

Then with their proven weapons the gods strike down the Dānavas, and there the sons of Danu strike down the undecaying ones in that great battle.

AI translation rendered from the Sanskrit, not a published edition

PdP 1 81.35

शातकुंभमयाङ्गैस्ते शरैर्वज्रसमानकैः। बिभिदू रत्नपुंखैश्च परस्परजयैषिणः

śātakuṃbhamayāṅgaiste śarairvajrasamānakaiḥ| bibhidū ratnapuṃkhaiśca parasparajayaiṣiṇaḥ

With arrows whose shafts were made of gold, equal to the thunderbolt and feathered with jewels, they pierced one another, each seeking victory.

AI translation rendered from the Sanskrit, not a published edition

PdP 1 81.36

दीपयंति भृशं कांतैस्तद्गात्राणि नभांसि च। वीर्यवंतो महादैत्या न मोघैरस्त्रसंचयैः

dīpayaṃti bhṛśaṃ kāṃtaistadgātrāṇi nabhāṃsi ca| vīryavaṃto mahādaityā na moghairastrasaṃcayaiḥ

With their brilliance they light up exceedingly the bodies of those (foes) and the skies; the valorous great Daityas (fought) not with vain heaps of weapons.

AI translation rendered from the Sanskrit, not a published edition — the model flagged this verse as uncertain

PdP 1 81.37

हत्वा च पातयामासुः काश्यपाः सुरसत्तमाः। जगद्व्याप्तं महासैन्यं बलायुधसुसंवृतम्

hatvā ca pātayāmāsuḥ kāśyapāḥ surasattamāḥ| jagadvyāptaṃ mahāsainyaṃ balāyudhasusaṃvṛtam

And the Kāśyapas, the best of gods, having slain them, felled the great army that filled the world, well hedged about with force and weapons.

AI translation rendered from the Sanskrit, not a published edition

PdP 1 81.38

नीतं क्षयं सुरैः सर्वैः शस्त्रैः प्रत्ययितैः क्षणात्। स्वयं च युध्यमानेन महादेवेन यत्नतः

nītaṃ kṣayaṃ suraiḥ sarvaiḥ śastraiḥ pratyayitaiḥ kṣaṇāt| svayaṃ ca yudhyamānena mahādevena yatnataḥ

It was brought to destruction in an instant by all the gods with their proven weapons, and by Mahādeva himself fighting with effort.

AI translation rendered from the Sanskrit, not a published edition

PdP 1 81.39

शूलोद्धृतोपि सुचिरमविनष्टोऽथ नम्रधीः। अन्धको गणतां नीत्वा कृतो भृंगीरिटिर्द्विज

śūloddhṛtopi suciramavinaṣṭo'tha namradhīḥ| andhako gaṇatāṃ nītvā kṛto bhṛṃgīriṭirdvija

Though impaled on the trident, he did not perish for a long while; then, his mind bowed (in humility), Andhaka, brought to the rank of a gaṇa, was made Bhṛṅgīriṭi, O brahmin.

AI translation rendered from the Sanskrit, not a published edition

PdP 1 81.40

ततो देवान्समाभाष्य शुक्रमुद्गीर्णवान्शिवः। भूमौ निपतितो गर्भस्ततो भौम इति स्मृतः

tato devānsamābhāṣya śukramudgīrṇavānśivaḥ| bhūmau nipatito garbhastato bhauma iti smṛtaḥ

Then, having addressed the gods, Śiva spat out Śukra; the embryo fell to the earth, and therefore he is called Bhauma ("Earth-born").

AI translation rendered from the Sanskrit, not a published edition

PdP 1 81.41

शुक्रश्शिवं समाभाष्य गतो दैत्यान्मुदान्वितः। एवं भौमस्समुत्पन्नो हरांशो भूसमुद्भवः

śukraśśivaṃ samābhāṣya gato daityānmudānvitaḥ| evaṃ bhaumassamutpanno harāṃśo bhūsamudbhavaḥ

Śukra, having addressed Śiva, went to the daityas full of joy. Thus was Bhauma born, a portion of Hara, arisen from the earth.

AI translation rendered from the Sanskrit, not a published edition

PdP 1 81.42

तस्य पूजा चतुर्थ्यां तु भौमवारे च सुव्रतैः। दशाद्यरिष्टे च तथा गोचरेऽनिष्टराशिगे

tasya pūjā caturthyāṃ tu bhaumavāre ca suvrataiḥ| daśādyariṣṭe ca tathā gocare'niṣṭarāśige

His worship (is to be performed) on the fourth (lunar day) and on Tuesday by those of firm vows, and when the tenth and other (planetary periods) are inauspicious, and likewise when he stands in an unfavourable sign in transit.

AI translation rendered from the Sanskrit, not a published edition — the model flagged this verse as uncertain

PdP 1 81.43

त्रिकोणे मंडले चैव रक्तपुष्पानुलेपनैः। एवं वै पूजितो भौमः प्रयच्छति मतिं धनम्

trikoṇe maṃḍale caiva raktapuṣpānulepanaiḥ| evaṃ vai pūjito bhaumaḥ prayacchati matiṃ dhanam

And in a triangular maṇḍala, with red flowers and unguents—Bhauma, worshipped thus, grants intelligence and wealth,

AI translation rendered from the Sanskrit, not a published edition

PdP 1 81.44

पुत्रान्सुखंयशश्चैवकिंभूयःश्रोतुमिच्छसि। व्यास उवाच-। एतद्वः कथितं शिष्या धर्माख्यानं शुभावहम्

putrānsukhaṃyaśaścaivakiṃbhūyaḥśrotumicchasi| vyāsa uvāca-| etadvaḥ kathitaṃ śiṣyā dharmākhyānaṃ śubhāvaham

sons, happiness and fame. What more do you wish to hear? Vyāsa said: This auspicious account of dharma has been told to you, disciples,

AI translation rendered from the Sanskrit, not a published edition

PdP 1 81.45

यच्छ्रुत्वा न पुनर्भूयो जायते म्रियतेपि वा। द्विजातीनां पुण्यदं च संसेव्यं च शुभेप्सुभिः

yacchrutvā na punarbhūyo jāyate mriyatepi vā| dvijātīnāṃ puṇyadaṃ ca saṃsevyaṃ ca śubhepsubhiḥ

on hearing which one is not born again, nor does one die; it bestows merit on the twice-born and is to be cultivated by those who desire good.

AI translation rendered from the Sanskrit, not a published edition

PdP 1 81.46

यथासुखं च गच्छध्वं कृतकृत्या ममाज्ञया। ब्रह्मोवाच-। एवं विश्राव्य भगवान्व्यासः सत्यवतीसुतः

yathāsukhaṃ ca gacchadhvaṃ kṛtakṛtyā mamājñayā| brahmovāca-| evaṃ viśrāvya bhagavānvyāsaḥ satyavatīsutaḥ

And go as you please, your purpose accomplished, with my permission. Brahmā said: Having thus made (this) heard, the lord Vyāsa, son of Satyavatī,

AI translation rendered from the Sanskrit, not a published edition

PdP 1 81.47

निर्णीय धर्मं विविधं शम्याप्रासमगात्सुत। त्वमपि श्रद्धया वत्स ज्ञात्वा तत्त्वं यथासुखम्

nirṇīya dharmaṃ vividhaṃ śamyāprāsamagātsuta| tvamapi śraddhayā vatsa jñātvā tattvaṃ yathāsukham

having settled dharma in its many kinds, went to Śamyāprāsa, my son. You too, dear child, having known the truth with faith, at your ease,

AI translation rendered from the Sanskrit, not a published edition

PdP 1 81.48

विहरस्व यथाकालं गायमानो हरिं मुदा। लोकान्धर्मं चोपदिशन्प्रीणयन्जगतां गुरुम्

viharasva yathākālaṃ gāyamāno hariṃ mudā| lokāndharmaṃ copadiśanprīṇayanjagatāṃ gurum

roam about as the time allows, singing of Hari with joy, teaching dharma to the worlds and pleasing the teacher of the worlds.

AI translation rendered from the Sanskrit, not a published edition

PdP 1 81.49

पुलस्त्य उवाच-। इत्युक्तः प्रययौ भूप नारदो गंधमादनम्। नारायणं मुनिवरं द्रष्टुं बदरिकाश्रमे

pulastya uvāca-| ityuktaḥ prayayau bhūpa nārado gaṃdhamādanam| nārāyaṇaṃ munivaraṃ draṣṭuṃ badarikāśrame

Pulastya said: Thus addressed, O king, Nārada went to Gandhamādana, to see the best of sages, Nārāyaṇa, in the Badarikā hermitage.

AI translation rendered from the Sanskrit, not a published edition