Padma Purana — Srishti Khanda — Chapter 73

PdP 1 73.1

व्यास उवाच- ततो वृत्रो महातेजा दैत्यानां प्रवरो युधि। दिग्गजाढ्यं गजारूढः प्राद्रवद्बलसूदनम्

vyāsa uvāca- tato vṛtro mahātejā daityānāṃ pravaro yudhi| diggajāḍhyaṃ gajārūḍhaḥ prādravadbalasūdanam

Vyāsa said: Then Vṛtra of great splendour, foremost of the demons in battle, mounted on an elephant, rushed at the slayer of Bala, (an elephant) mighty as the elephants of the quarters.

AI translation rendered from the Sanskrit, not a published edition — the model flagged this verse as uncertain

PdP 1 73.2

आगच्छंतं ततो वृत्रं शरैः कालानलप्रभैः। विव्याध सर्वगात्रेषु द्विरदस्थो महाहवे

āgacchaṃtaṃ tato vṛtraṃ śaraiḥ kālānalaprabhaiḥ| vivyādha sarvagātreṣu dviradastho mahāhave

Then, mounted on his elephant in the great battle, he pierced Vṛtra as he came on, in all his limbs, with arrows that shone like the fire of doomsday.

AI translation rendered from the Sanskrit, not a published edition

PdP 1 73.3

ततो वृत्रस्तु शीर्षं च जिष्णोरेव पतत्रिणा। विव्याध सहसा तेन स चचाल महाबलः

tato vṛtrastu śīrṣaṃ ca jiṣṇoreva patatriṇā| vivyādha sahasā tena sa cacāla mahābalaḥ

Then Vṛtra suddenly pierced the very head of the victorious one with a feathered shaft, and by it that mighty one was shaken.

AI translation rendered from the Sanskrit, not a published edition

PdP 1 73.4

आत्मानं च समाश्वास्य धनुरुद्यम्य वीर्यवान्। ववर्ष शरवर्षेण तस्य दैत्यस्य विग्रहे

ātmānaṃ ca samāśvāsya dhanurudyamya vīryavān| vavarṣa śaravarṣeṇa tasya daityasya vigrahe

And having steadied himself and raised his bow, the valiant one rained a rain of arrows upon that Daitya's body.

AI translation rendered from the Sanskrit, not a published edition

PdP 1 73.5

शरांश्छित्वा बिभेदाशु शरैराशीविषोपमैः। शतक्रतुं महावीर्यः सर्वदेवाधिपं युधि

śarāṃśchitvā bibhedāśu śarairāśīviṣopamaiḥ| śatakratuṃ mahāvīryaḥ sarvadevādhipaṃ yudhi

Cutting the arrows, that one of great valour swiftly pierced Śatakratu, the lord of all the gods, in battle, with arrows like venomous serpents.

AI translation rendered from the Sanskrit, not a published edition

PdP 1 73.6

ततः शरसहस्रैस्तु दैत्यं विव्याध देवराट्। परस्परं शरा यांति यथा सप्ताश्व रश्मयः

tataḥ śarasahasraistu daityaṃ vivyādha devarāṭ| parasparaṃ śarā yāṃti yathā saptāśva raśmayaḥ

Then the king of the gods pierced the Daitya with thousands of arrows; the arrows went against one another like the rays of the seven-horsed (sun).

AI translation rendered from the Sanskrit, not a published edition

PdP 1 73.7

एवं शरसहस्रैस्तु बिभिदाते परस्परम्। मनोजवसमाः शीघ्रा गाढाः शिखरिणो यथा

evaṃ śarasahasraistu bibhidāte parasparam| manojavasamāḥ śīghrā gāḍhāḥ śikhariṇo yathā

Thus with thousands of arrows the two pierced each other — (arrows) swift as thought, rapid, driven deep, like crested (birds/mountains).

AI translation rendered from the Sanskrit, not a published edition — the model flagged this verse as uncertain

PdP 1 73.8

बडवानलसंस्पर्शाः खगा वज्रारभेदकाः। तयोर्धनुष्मतोर्युद्धे शरास्तुल्यगुणान्विताः

baḍavānalasaṃsparśāḥ khagā vajrārabhedakāḥ| tayordhanuṣmatoryuddhe śarāstulyaguṇānvitāḥ

In the battle of those two bowmen the arrows, endowed with equal qualities, were like the touch of the submarine fire, birds (in flight), splitters of the thunderbolt.

AI translation rendered from the Sanskrit, not a published edition — the model flagged this verse as uncertain

PdP 1 73.9

एवं क्रमेण युद्धे च अहोरात्रमवर्तत। महेंद्रो द्विरदं तस्य शूलेनैव जघान ह

evaṃ krameṇa yuddhe ca ahorātramavartata| maheṃdro dviradaṃ tasya śūlenaiva jaghāna ha

Thus in due course the fighting went on for a day and a night; and great Indra struck down his elephant with a spear.

AI translation rendered from the Sanskrit, not a published edition

PdP 1 73.10

स निपत्य महीपृष्ठे लाघवात्स्वरथं ययौ। रथस्थस्तस्य देवस्य शक्त्या चैरावणं दृढम्

sa nipatya mahīpṛṣṭhe lāghavātsvarathaṃ yayau| rathasthastasya devasya śaktyā cairāvaṇaṃ dṛḍham

Having fallen on the surface of the earth, he went nimbly to his own chariot; and standing on the chariot he (struck) that god's sturdy Airāvata with a lance,

AI translation rendered from the Sanskrit, not a published edition

PdP 1 73.11

बिभेद लाघवेनाशु वज्रेणेव महागिरिं। शुशुभे कंपमानस्तु सेंद्रः स च महागजः

bibheda lāghavenāśu vajreṇeva mahāgiriṃ| śuśubhe kaṃpamānastu seṃdraḥ sa ca mahāgajaḥ

and swiftly, nimbly split it as the thunderbolt splits a great mountain; and that great elephant, trembling, together with Indra, looked splendid.

AI translation rendered from the Sanskrit, not a published edition

PdP 1 73.12

ततः शक्तिं समादाय आविध्य मघवाऽसुरम्। बिभेदोरसि दैत्यस्य स पपात रथोपरि

tataḥ śaktiṃ samādāya āvidhya maghavā'suram| bibhedorasi daityasya sa papāta rathopari

Then Maghavan, taking up a lance and whirling it, pierced the Asura, the Daitya, in the chest; he fell upon his chariot.

AI translation rendered from the Sanskrit, not a published edition

PdP 1 73.13

क्षणात्संज्ञां समालंब्य स विनद्य पतत्त्रिणा। बिभेद समरे शक्रं स ततः कश्मलं गतः

kṣaṇātsaṃjñāṃ samālaṃbya sa vinadya patattriṇā| bibheda samare śakraṃ sa tataḥ kaśmalaṃ gataḥ

In a moment recovering consciousness, he roared and pierced Śakra in the battle with a feathered shaft; then he (Śakra) fell into a swoon.

AI translation rendered from the Sanskrit, not a published edition

PdP 1 73.14

इंद्रः संज्ञां पुनः प्राप्य जघान विशिखैः शितैः। शतकोटिसमैर्बाणैरर्दितो व्यथयान्वितः

iṃdraḥ saṃjñāṃ punaḥ prāpya jaghāna viśikhaiḥ śitaiḥ| śatakoṭisamairbāṇairardito vyathayānvitaḥ

Indra, regaining consciousness, struck (him) with sharp arrows; tormented by arrows like a hundred million, he was filled with pain.

AI translation rendered from the Sanskrit, not a published edition

PdP 1 73.15

ततो वृत्रो महाशूलं प्राक्षिपन्निर्जरेश्वरे। शांभवास्त्रेण देवेशो वैष्णवास्त्रं मुमोच ह

tato vṛtro mahāśūlaṃ prākṣipannirjareśvare| śāṃbhavāstreṇa deveśo vaiṣṇavāstraṃ mumoca ha

Then Vṛtra hurled a great spear, (charged) with the Śāmbhava weapon, at the lord of the immortals; and the lord of the gods released the Vaiṣṇava weapon.

AI translation rendered from the Sanskrit, not a published edition

PdP 1 73.16

उभयोरंबरे चास्त्रे वह्निकूटसमप्रभे। अन्योन्यं जघ्नतुस्तत्र स्फुलिगानि विमुंचती

ubhayoraṃbare cāstre vahnikūṭasamaprabhe| anyonyaṃ jaghnatustatra sphuligāni vimuṃcatī

The two weapons of the pair, in the sky, blazing like masses of fire, struck each other there, releasing sparks.

AI translation rendered from the Sanskrit, not a published edition

PdP 1 73.17

स्पर्शने च स्फुलिंगानामुभयोः सेनयोर्भटाः। न शक्ताः संमुखे स्थातुं शलभा ज्वलने यथा

sparśane ca sphuliṃgānāmubhayoḥ senayorbhaṭāḥ| na śaktāḥ saṃmukhe sthātuṃ śalabhā jvalane yathā

And at the touch of the sparks the soldiers of both armies could not stand facing them, like moths in a flame.

AI translation rendered from the Sanskrit, not a published edition

PdP 1 73.18

दग्धाः पेतुः पृथिव्यां च दिशस्सर्वाः प्रदुद्रुवुः। देवदानवयोर्वीराः शून्यस्तत्राभवद्रणः

dagdhāḥ petuḥ pṛthivyāṃ ca diśassarvāḥ pradudruvuḥ| devadānavayorvīrāḥ śūnyastatrābhavadraṇaḥ

Burnt, they fell upon the earth, and they fled in all directions; the heroes of the gods and the Dānavas — the battlefield became empty there.

AI translation rendered from the Sanskrit, not a published edition

PdP 1 73.19

अस्त्रं निरस्तकं दृष्ट्वा स दैत्यः क्रोधमूर्च्छितः। मायया शैलसंदोहमस्त्रं शक्रे मुमोच ह

astraṃ nirastakaṃ dṛṣṭvā sa daityaḥ krodhamūrcchitaḥ| māyayā śailasaṃdohamastraṃ śakre mumoca ha

Seeing his weapon nullified, that Daitya, stupefied with rage, by magic released at Śakra the weapon that is a mass of mountains.

AI translation rendered from the Sanskrit, not a published edition

PdP 1 73.20

बाणौघैः शैलसंघातं प्रचिच्छेद रणे हरिः। अघोरं प्रासृजद्दैत्यः पुरुहूते महाबले

bāṇaughaiḥ śailasaṃghātaṃ praciccheda raṇe hariḥ| aghoraṃ prāsṛjaddaityaḥ puruhūte mahābale

Hari cut apart the aggregate of mountains in the battle with floods of arrows; (then) the Daitya loosed a dreadful (weapon) at mighty Puruhūta.

AI translation rendered from the Sanskrit, not a published edition

PdP 1 73.21

कोटिकोटिसहस्राणि जंतूनां प्रवराणि च। सिंहशार्दूलभल्लूक वृक व्याघ्र महागजाः

koṭikoṭisahasrāṇi jaṃtūnāṃ pravarāṇi ca| siṃhaśārdūlabhallūka vṛka vyāghra mahāgajāḥ

Thousands upon tens of millions of creatures, and the foremost among them — lions, tigers, bears, wolves, panthers, great elephants —

AI translation rendered from the Sanskrit, not a published edition

PdP 1 73.22

दंदशूकादयः सत्वाः प्रधावंति सुरेश्वरं। क्षुरप्रैरर्धचंद्रैश्च भल्लैः शिलीमुखैस्तथा

daṃdaśūkādayaḥ satvāḥ pradhāvaṃti sureśvaraṃ| kṣuraprairardhacaṃdraiśca bhallaiḥ śilīmukhaistathā

Biting serpents and other creatures rush upon the lord of the gods; with razor-headed arrows, with crescent-headed ones, with bhalla shafts and with śilīmukhas—

AI translation rendered from the Sanskrit, not a published edition

PdP 1 73.23

असंप्राप्तान्प्रचिच्छेद मघवा परवीरहा। ततो वृत्रो महाबाहुर्धनुरुद्यम्य वीर्यवान्

asaṃprāptānpraciccheda maghavā paravīrahā| tato vṛtro mahābāhurdhanurudyamya vīryavān

—Maghavan, slayer of enemy heroes, cut them down before they reached (him). Then the mighty-armed, valorous Vṛtra, raising his bow,

AI translation rendered from the Sanskrit, not a published edition

PdP 1 73.24

बिभेद शरसाहस्रैर्वज्रकल्पैः शतक्रतुं। छित्वा क्षुरप्रैश्शक्रश्च धनुस्तस्य चकर्त च

bibheda śarasāhasrairvajrakalpaiḥ śatakratuṃ| chitvā kṣurapraiśśakraśca dhanustasya cakarta ca

pierced Śatakratu with thousands of arrows like thunderbolts; and Śakra, cutting (them) with razor-headed arrows, also cut apart his bow.

AI translation rendered from the Sanskrit, not a published edition

PdP 1 73.25

सूतं चाश्वान्पृथिव्यां च पातयामास तत्क्षणात्। सकंटकांगदां भीमां संपूज्यासुरसत्तमः

sūtaṃ cāśvānpṛthivyāṃ ca pātayāmāsa tatkṣaṇāt| sakaṃṭakāṃgadāṃ bhīmāṃ saṃpūjyāsurasattamaḥ

And in that instant he brought down the charioteer and the horses to the ground; the best of the asuras, having taken up a terrible spiked mace,

AI translation rendered from the Sanskrit, not a published edition — the model flagged this verse as uncertain

PdP 1 73.26

जघान पद्मिनः शीर्षे मोहाद्दंती क्षितिं ययौ। सगदः सर्वदेवेशो धरणीं समुपस्थितः

jaghāna padminaḥ śīrṣe mohāddaṃtī kṣitiṃ yayau| sagadaḥ sarvadeveśo dharaṇīṃ samupasthitaḥ

struck the elephant on the head, and the tusker sank to the ground in a swoon; the lord of all the gods, mace in hand, took his stand upon the earth.

AI translation rendered from the Sanskrit, not a published edition — the model flagged this verse as uncertain

PdP 1 73.27

ततस्तयोर्गदायुद्धमवर्तत मुहुर्मुहुः। तयोः प्रहरतोः शब्दो गदापातोद्भवो ध्रुवं

tatastayorgadāyuddhamavartata muhurmuhuḥ| tayoḥ praharatoḥ śabdo gadāpātodbhavo dhruvaṃ

Then a mace-fight went on between those two again and again; as the two struck, there was surely a sound arising from the fall of the maces.

AI translation rendered from the Sanskrit, not a published edition

PdP 1 73.28

आवर्तं परिवर्तं च चक्रतुस्तौ पुनः पुनः। अध ऊर्ध्वं प्रहारं च पार्श्वयोरतिभीषणं

āvartaṃ parivartaṃ ca cakratustau punaḥ punaḥ| adha ūrdhvaṃ prahāraṃ ca pārśvayoratibhīṣaṇaṃ

Again and again the two performed turnings and circlings, and blows below, above, and on both flanks, most terrifying.

AI translation rendered from the Sanskrit, not a published edition

PdP 1 73.29

बभूवैवं तयोर्युद्धं लोकालोकभयंकरं। दृष्ट्वा देवगणाः सिद्धा दानवा विस्मयं गताः

babhūvaivaṃ tayoryuddhaṃ lokālokabhayaṃkaraṃ| dṛṣṭvā devagaṇāḥ siddhā dānavā vismayaṃ gatāḥ

Thus their battle became a terror to the world and beyond; seeing it, the hosts of gods, the siddhas and the dānavas fell into amazement.

AI translation rendered from the Sanskrit, not a published edition

PdP 1 73.30

युद्ध्यमानौ तु तौ वीरौ मृत्युसंशयमागतौ। देवदानववीराश्च द्रष्टुं नैव तदीशिरे

yuddhyamānau tu tau vīrau mṛtyusaṃśayamāgatau| devadānavavīrāśca draṣṭuṃ naiva tadīśire

But those two heroes, as they fought, came into peril of death; and the heroes of the gods and the dānavas were not even able to look at it.

AI translation rendered from the Sanskrit, not a published edition

PdP 1 73.31

ईशब्रह्मादयः खे तु स्थिता द्रष्टुं तदद्भुतं। तयोर्हुंकारशब्देन गदापातस्वनेन च

īśabrahmādayaḥ khe tu sthitā draṣṭuṃ tadadbhutaṃ| tayorhuṃkāraśabdena gadāpātasvanena ca

Īśa, Brahmā and the rest stood in the sky to behold that marvel; by the sound of those two roaring and by the noise of the maces' fall

AI translation rendered from the Sanskrit, not a published edition

PdP 1 73.32

ऊर्ध्वोर्ध्वमगमच्छब्दो ह्यशनेश्चोपजायते। भग्ने गदे द्वयोरेव करः संपुटितस्तयोः

ūrdhvordhvamagamacchabdo hyaśaneścopajāyate| bhagne gade dvayoreva karaḥ saṃpuṭitastayoḥ

the sound went higher and higher, and (a din) as of a thunderbolt arose. When the maces of both were broken, their hands were locked together.

AI translation rendered from the Sanskrit, not a published edition — the model flagged this verse as uncertain

PdP 1 73.33

एवं चैवार्धयामेन तयोरस्त्रे निपेततुः। एतस्मिंन्नन्तरे वीरौ खड्गचर्मधरौ तदा

evaṃ caivārdhayāmena tayorastre nipetatuḥ| etasmiṃnnantare vīrau khaḍgacarmadharau tadā

And thus in half a watch the weapons of the two fell (spent); meanwhile the two heroes then, bearing swords and shields,

AI translation rendered from the Sanskrit, not a published edition

PdP 1 73.34

प्रतियोद्धुं महाघोरमाहवे संप्रचेरतुः। निस्त्रिंशौ विद्युदुल्काभौ तयोर्गात्रे च चर्मणी

pratiyoddhuṃ mahāghoramāhave saṃpraceratuḥ| nistriṃśau vidyudulkābhau tayorgātre ca carmaṇī

came forth to fight back most horribly in the battle; the swords were like lightning and meteors, and the shields were upon their bodies.

AI translation rendered from the Sanskrit, not a published edition

PdP 1 73.35

दृश्येते सर्वलोकैश्च लाघवं विस्मयं गतैः। चिच्छिदाते तयोरेव चर्मणी बहुवर्णके

dṛśyete sarvalokaiśca lāghavaṃ vismayaṃ gataiḥ| cicchidāte tayoreva carmaṇī bahuvarṇake

They are seen by all the worlds, who fell to wondering at (their) nimbleness; and the many-coloured shields of those two were cut to pieces.

AI translation rendered from the Sanskrit, not a published edition

PdP 1 73.36

भीष्मकं बलयुद्धं च तयोरेवं प्रवर्तते। मंडलं चक्रधन्वं च लाघवं च परिप्लुतं

bhīṣmakaṃ balayuddhaṃ ca tayorevaṃ pravartate| maṃḍalaṃ cakradhanvaṃ ca lāghavaṃ ca pariplutaṃ

Thus a fearsome contest of strength proceeds between them—circling, bow-like arcs, agility, and leaping about.

AI translation rendered from the Sanskrit, not a published edition — the model flagged this verse as uncertain

PdP 1 73.37

वृत्रवासवयोर्युद्धं वृत्रवासवयोरिव। केशान्वृत्रस्य उत्प्लुत्य संप्रधृत्यासिना द्रुतं

vṛtravāsavayoryuddhaṃ vṛtravāsavayoriva| keśānvṛtrasya utplutya saṃpradhṛtyāsinā drutaṃ

The fight of Vṛtra and Vāsava was like the fight of Vṛtra and Vāsava; leaping up and swiftly seizing Vṛtra's hair, with his sword

AI translation rendered from the Sanskrit, not a published edition

PdP 1 73.38

शिरश्चिच्छेद सहसा मघवा रणमूर्धनि। जयशब्दस्ततस्त्वासीद्देवानां च समंततः

śiraściccheda sahasā maghavā raṇamūrdhani| jayaśabdastatastvāsīddevānāṃ ca samaṃtataḥ

Maghavan at once cut off his head at the head of the battle; thereupon there was a shout of victory of the gods on every side.

AI translation rendered from the Sanskrit, not a published edition

PdP 1 73.39

प्रोत्फुल्लहृदया देवा मघवंतमपूजयन्। देवदुंदुभयो नेदुर्ननृतुश्चाप्सरोगणाः

protphullahṛdayā devā maghavaṃtamapūjayan| devaduṃdubhayo nedurnanṛtuścāpsarogaṇāḥ

With hearts blossoming, the gods honoured Maghavan; the drums of the gods resounded and the hosts of apsarases danced.

AI translation rendered from the Sanskrit, not a published edition

PdP 1 73.40

गीतं गायंति गंधर्वा मुनयः स्तुतिपाठकाः। भीताः पलायिताः सर्वे दैत्यास्त्यक्तायुधा दिशः

gītaṃ gāyaṃti gaṃdharvā munayaḥ stutipāṭhakāḥ| bhītāḥ palāyitāḥ sarve daityāstyaktāyudhā diśaḥ

The gandharvas sing song, the sages are reciters of praise; all the daityas, terrified, threw away their weapons and fled in (every) direction.

AI translation rendered from the Sanskrit, not a published edition