Padma Purana — Srishti Khanda — Chapter 6
PdP 1 6.1
भीष्म उवाच। देवानां दानवानां च गंधर्वोरगरक्षसाम्। उत्पत्तिं विस्तरेणेमां गुरो ब्रूहि यथाविधि
bhīṣma uvāca| devānāṃ dānavānāṃ ca gaṃdharvoragarakṣasām| utpattiṃ vistareṇemāṃ guro brūhi yathāvidhi
Bhīṣma said: The origin of the gods and the dānavas, and of the gandharvas, serpents and rākṣasas—tell it to me at length and in due order, O teacher.
AI translation rendered from the Sanskrit, not a published edition
PdP 1 6.2
पुलस्त्य उवाच। संकल्पाद्दर्शनात्स्पर्शात्पूर्वेषां सृष्टिरुच्यते। दक्षात्प्राचेतसादूर्ध्वं सृष्टिर्मैथुनसंभवा
pulastya uvāca| saṃkalpāddarśanātsparśātpūrveṣāṃ sṛṣṭirucyate| dakṣātprācetasādūrdhvaṃ sṛṣṭirmaithunasaṃbhavā
Pulastya said: Of the earlier ones the creation is said to be from will, from sight, and from touch; from Dakṣa Prācetasa onward creation arises from sexual union.
AI translation rendered from the Sanskrit, not a published edition
PdP 1 6.3
यथा ससर्ज चैवासौ तथैव शृणु कौरव। यदा तु सृजतस्तस्य देवर्षिगणपन्नगान्
yathā sasarja caivāsau tathaiva śṛṇu kaurava| yadā tu sṛjatastasya devarṣigaṇapannagān
Hear just how he created, O Kaurava. But when he was creating gods, sages, hosts and serpents,
AI translation rendered from the Sanskrit, not a published edition
PdP 1 6.4
न वृद्धिमगमल्लोकस्तदा मैथुनयोगतः। दक्षः पुत्रसहस्राणि तदासिक्न्यामजीजनत्
na vṛddhimagamallokastadā maithunayogataḥ| dakṣaḥ putrasahasrāṇi tadāsiknyāmajījanat
the world did not increase then by the union of the sexes; so Dakṣa begot thousands of sons upon Asiknī.
AI translation rendered from the Sanskrit, not a published edition
PdP 1 6.5
तांस्तु दृष्ट्वा महाभागान्सिसृक्षून्विविधाः प्रजाः। नारदः प्राह हर्यश्वान्दक्षपुत्रान्समागतान्
tāṃstu dṛṣṭvā mahābhāgānsisṛkṣūnvividhāḥ prajāḥ| nāradaḥ prāha haryaśvāndakṣaputrānsamāgatān
Seeing those greatly fortunate ones, the Haryaśvas, sons of Dakṣa, gathered together and wishing to create various creatures, Nārada said (to them):
AI translation rendered from the Sanskrit, not a published edition
PdP 1 6.6
भुवः प्रमाणं सर्वं तु ज्ञात्वोर्द्धमध एव वा। ततः सृष्टिं विशेषेण कुरुध्वमृषिसत्तमाः
bhuvaḥ pramāṇaṃ sarvaṃ tu jñātvorddhamadha eva vā| tataḥ sṛṣṭiṃ viśeṣeṇa kurudhvamṛṣisattamāḥ
"Only when you have learned the whole measure of the earth, above and below, then carry out creation in particular, O best of sages."
AI translation rendered from the Sanskrit, not a published edition
PdP 1 6.7
ते तु तद्वचनं श्रुत्वा प्रयाताः सर्वतोदिशम्। अद्यापि न निवर्त्तंते समुद्रादिव सिंधवः
te tu tadvacanaṃ śrutvā prayātāḥ sarvatodiśam| adyāpi na nivarttaṃte samudrādiva siṃdhavaḥ
And they, hearing that word of his, set out in every direction; even today they do not return, like rivers from the ocean.
AI translation rendered from the Sanskrit, not a published edition
PdP 1 6.8
हर्यश्वेषु प्रणष्टेषु पुनर्दक्षः प्रजापतिः। वीरिण्यामेव पुत्राणां सहस्रमसृजत्प्रभुः
haryaśveṣu praṇaṣṭeṣu punardakṣaḥ prajāpatiḥ| vīriṇyāmeva putrāṇāṃ sahasramasṛjatprabhuḥ
When the Haryaśvas had perished, Dakṣa the Prajāpati, the mighty one, again begot a thousand sons upon Vīriṇī.
AI translation rendered from the Sanskrit, not a published edition
PdP 1 6.9
शबलाश्वा नाम ते च समेताः सृष्टिकर्मणि। नारदोनुगतान्प्राह पुनस्तान्पूर्ववन्मुनिः
śabalāśvā nāma te ca sametāḥ sṛṣṭikarmaṇi| nāradonugatānprāha punastānpūrvavanmuniḥ
They were named the Śabalāśvas, and they too gathered for the work of creation; the sage Nārada again spoke to them as before, when they had followed (their brothers' way):
AI translation rendered from the Sanskrit, not a published edition — the model flagged this verse as uncertain
PdP 1 6.10
भुवः प्रमाणं सर्वं तु ज्ञात्वा भ्रातॄनथो पुनः। आगत्य च पुनः सृष्टिं करिष्यथ विशेषतः
bhuvaḥ pramāṇaṃ sarvaṃ tu jñātvā bhrātṝnatho punaḥ| āgatya ca punaḥ sṛṣṭiṃ kariṣyatha viśeṣataḥ
"Only after learning the whole measure of the earth and (finding) your brothers, and having come back again, will you carry out creation in particular."
AI translation rendered from the Sanskrit, not a published edition — the model flagged this verse as uncertain
PdP 1 6.11
तेपि तेनैव मार्गेण जग्मुर्भ्रात्रनुगास्तदा। ततः प्रभृति न भ्रातुः कनीयान्मार्गमिच्छति
tepi tenaiva mārgeṇa jagmurbhrātranugāstadā| tataḥ prabhṛti na bhrātuḥ kanīyānmārgamicchati
They too went by that same road, following their brothers. From then on a younger brother does not wish for his elder brother's road.
AI translation rendered from the Sanskrit, not a published edition
PdP 1 6.12
अन्वेष्टा दुःखमाप्नोति तेन तत्परिवर्जयेत्। ततस्तेष्वपि नष्टेषु(यु) षष्टिं कन्याः प्रजापतिः
anveṣṭā duḥkhamāpnoti tena tatparivarjayet| tatasteṣvapi naṣṭeṣu(yu) ṣaṣṭiṃ kanyāḥ prajāpatiḥ
The searcher meets with sorrow; therefore one should avoid that. Then, when these too had perished, the Prajāpati (begot) sixty daughters
AI translation rendered from the Sanskrit, not a published edition
PdP 1 6.13
वीरिण्यां जनयामास दक्षः प्राचेतसस्तदा। प्रादात्स दश धर्माय कश्यपाय त्रयोदश
vīriṇyāṃ janayāmāsa dakṣaḥ prācetasastadā| prādātsa daśa dharmāya kaśyapāya trayodaśa
Then Dakṣa Prācetasa begot (them) in Vīriṇī; he gave ten (of them) to Dharma and thirteen to Kaśyapa,
AI translation rendered from the Sanskrit, not a published edition
PdP 1 6.14
विंशतिसप्त सोमाय चतस्रोरिष्टनेमिने। द्वे चैव भृगुपुत्राय द्वे कृशाश्वाय धीमते
viṃśatisapta somāya catasroriṣṭanemine| dve caiva bhṛguputrāya dve kṛśāśvāya dhīmate
twenty-seven to Soma, four to Ariṣṭanemi, two to the son of Bhṛgu, and two to wise Kṛśāśva,
AI translation rendered from the Sanskrit, not a published edition
PdP 1 6.15
द्वे चैवांगिरसे प्रादात्तासां नामानि विस्तरात्। शृणु त्वं देवमातॄणां प्रजाविस्तारमादितः
dve caivāṃgirase prādāttāsāṃ nāmāni vistarāt| śṛṇu tvaṃ devamātṝṇāṃ prajāvistāramāditaḥ
and two he gave to Aṅgiras. Hear their names at length, and the expansion of the progeny of the mothers of the gods, from the beginning.
AI translation rendered from the Sanskrit, not a published edition
PdP 1 6.16
अरुंधती वसुर्जामिर्लम्बा भानुर्मरुत्वती। संकल्पा च मुहूर्ता च साध्या विश्वा च भामिनी
aruṃdhatī vasurjāmirlambā bhānurmarutvatī| saṃkalpā ca muhūrtā ca sādhyā viśvā ca bhāminī
Arundhatī, Vasu, Jāmi, Lambā, Bhānu, Marutvatī, Saṃkalpā, Muhūrtā, Sādhyā, and the lovely Viśvā—
AI translation rendered from the Sanskrit, not a published edition
PdP 1 6.17
धर्मपत्न्यः समाख्यातास्तासां पुत्रान्निबोध मे। विश्वेदेवास्तु विश्वायाः साध्या साध्यानजीजनत्
dharmapatnyaḥ samākhyātāstāsāṃ putrānnibodha me| viśvedevāstu viśvāyāḥ sādhyā sādhyānajījanat
these are named as the wives of Dharma. Learn from me of their sons: the Viśvedevas (were born) of Viśvā, and Sādhyā gave birth to the Sādhyas.
AI translation rendered from the Sanskrit, not a published edition
PdP 1 6.18
मरुत्वत्यां मरुत्वंतो वसोस्तु वसवस्तथा। भानोस्तु भानवो जाता मूहूर्त्ताया मुहूर्तजाः
marutvatyāṃ marutvaṃto vasostu vasavastathā| bhānostu bhānavo jātā mūhūrttāyā muhūrtajāḥ
In Marutvatī (were born) the Marutvants, and of Vasu likewise the Vasus; of Bhānu the Bhānus were born, and of Muhūrtā those born of the (auspicious) moments.
AI translation rendered from the Sanskrit, not a published edition
PdP 1 6.19
लंबायां घोषनामानो नागवीथी तु जामिजा। पृथिवीतलसंभूतमरुंधत्यामजायत
laṃbāyāṃ ghoṣanāmāno nāgavīthī tu jāmijā| pṛthivītalasaṃbhūtamaruṃdhatyāmajāyata
In Lambā (were born) those named Ghoṣa, while Nāgavīthī was born of Jāmi; that which came into being on the surface of the earth was born in Arundhatī.
AI translation rendered from the Sanskrit, not a published edition
PdP 1 6.20
संकल्पायास्तु संकल्पा वसु सृष्टिं निधारय। ज्योतिष्मतंश्च ये देवा व्यापकाः सर्वतोदिशम्
saṃkalpāyāstu saṃkalpā vasu sṛṣṭiṃ nidhāraya| jyotiṣmataṃśca ye devā vyāpakāḥ sarvatodiśam
Of Saṃkalpā (was born) Saṃkalpa. Mark now the creation of the Vasus. And the Jyotiṣmats, and those gods who pervade in every direction—
AI translation rendered from the Sanskrit, not a published edition
PdP 1 6.21
वसवस्ते समाख्यातास्तेषां नामानि मे शृणु। आपो ध्रुवश्च सोमश्च धरश्चैवानिलोनलः
vasavaste samākhyātāsteṣāṃ nāmāni me śṛṇu| āpo dhruvaśca somaśca dharaścaivānilonalaḥ
these are declared to be the Vasus; hear their names from me: Āpa, Dhruva, Soma, Dhara, Anila, Anala,
AI translation rendered from the Sanskrit, not a published edition
PdP 1 6.22
प्रत्यूषश्च प्रभासश्च वसवोष्टौ प्रकीर्तिताः। आपस्य पुत्राश्चत्वारः श्रांतो वैतण्ड एव च
pratyūṣaśca prabhāsaśca vasavoṣṭau prakīrtitāḥ| āpasya putrāścatvāraḥ śrāṃto vaitaṇḍa eva ca
Pratyūṣa and Prabhāsa—thus the eight Vasus are proclaimed. Āpa's sons are four: Śrānta, Vaitaṇḍa,
AI translation rendered from the Sanskrit, not a published edition
PdP 1 6.23
अपि शांतो मुनिर्वभ्रुर्यज्ञरक्षाधिकारिणः। ध्रुवस्य कालः पुत्रस्तु वर्चाः सोमादजायत
api śāṃto munirvabhruryajñarakṣādhikāriṇaḥ| dhruvasya kālaḥ putrastu varcāḥ somādajāyata
and also Śānta and Muni Vabhru, who hold the charge of guarding the sacrifice. Dhruva's son is Kāla; from Soma was born Varcas.
AI translation rendered from the Sanskrit, not a published edition
PdP 1 6.24
द्रविणो हव्यवाहश्च धर पुत्राविमौ स्मृतौ। कल्पांतस्थस्ततः प्राणो रमणः शिशिरोपि च
draviṇo havyavāhaśca dhara putrāvimau smṛtau| kalpāṃtasthastataḥ prāṇo ramaṇaḥ śiśiropi ca
Draviṇa and Havyavāha—these two are known as Dhara's sons. Then Kalpāntastha, Prāṇa, Ramaṇa, and Śiśira as well,
AI translation rendered from the Sanskrit, not a published edition
PdP 1 6.25
मनोहरो धवश्चाथ शिवो वाथ हरेः सुताः। शिवो मनोजवं पुत्रमविज्ञातगतिप्रदम्
manoharo dhavaścātha śivo vātha hareḥ sutāḥ| śivo manojavaṃ putramavijñātagatipradam
then Manohara, Dhava, and Śiva—(these are) the sons of Hari. Śiva (begot) a son, Manojava, who bestows a movement that is not perceived.
AI translation rendered from the Sanskrit, not a published edition — the model flagged this verse as uncertain
PdP 1 6.26
अवाप चानलः पुत्रानग्निप्रायगुणांस्ततः। तत्र शाखो विशाखश्च निगमेषु स्वयंभुवः
avāpa cānalaḥ putrānagniprāyaguṇāṃstataḥ| tatra śākho viśākhaśca nigameṣu svayaṃbhuvaḥ
And Anala obtained sons whose qualities were mostly those of fire; among them Śākha and Viśākha, self-existent in the scriptures,
AI translation rendered from the Sanskrit, not a published edition — the model flagged this verse as uncertain
PdP 1 6.27
अपत्यं कृत्तिकानां च कार्तिकेयस्ततः स्मृतः। प्रत्यूषस्य ऋभुः पुत्रो मुनिर्नामाथ देवलः
apatyaṃ kṛttikānāṃ ca kārtikeyastataḥ smṛtaḥ| pratyūṣasya ṛbhuḥ putro munirnāmātha devalaḥ
and the offspring of the Kṛttikās—hence he is known as Kārtikeya. Pratyūṣa's son was Ṛbhu, and then the sage named Devala.
AI translation rendered from the Sanskrit, not a published edition
PdP 1 6.28
विश्वकर्मा प्रभासस्य पुत्रः शिल्पी प्रजापतिः। प्रासादभवनोद्यान प्रतिमा भूषणादिषु
viśvakarmā prabhāsasya putraḥ śilpī prajāpatiḥ| prāsādabhavanodyāna pratimā bhūṣaṇādiṣu
Viśvakarman, the son of Prabhāsa, was the craftsman, a lord of creatures, (skilled) in palaces, dwellings, gardens, images, ornaments and the like,
AI translation rendered from the Sanskrit, not a published edition
PdP 1 6.29
तटाकारामकूपेषु त्रिदशानां च वर्द्धकिः। अजैकपादहिर्बुध्न्यो विरूपाक्षोथ रैवतः
taṭākārāmakūpeṣu tridaśānāṃ ca varddhakiḥ| ajaikapādahirbudhnyo virūpākṣotha raivataḥ
in ponds, pleasure-groves and wells, and (he is) the builder for the thirty gods. Ajaikapād, Ahirbudhnya, Virūpākṣa, then Raivata,
AI translation rendered from the Sanskrit, not a published edition
PdP 1 6.30
हरश्च बहुरूपश्च त्र्यंबकश्च सुरेश्वरः। सावित्त्रश्च जयंतश्च पिनाकी चापराजितः
haraśca bahurūpaśca tryaṃbakaśca sureśvaraḥ| sāvittraśca jayaṃtaśca pinākī cāparājitaḥ
and Hara, and Bahurūpa, and Tryambaka, Sureśvara, and Sāvitra, and Jayanta, and Pinākin, and Aparājita—
AI translation rendered from the Sanskrit, not a published edition
PdP 1 6.31
एते रुद्रास्समाख्याता एकादश गणेश्वराः। एतेषां मानसानां तु त्रिशूलवरधारिणाम्
ete rudrāssamākhyātā ekādaśa gaṇeśvarāḥ| eteṣāṃ mānasānāṃ tu triśūlavaradhāriṇām
these eleven are declared to be the Rudras, lords of hosts. And of these mind-born ones, bearers of the trident and the boon,
AI translation rendered from the Sanskrit, not a published edition
PdP 1 6.32
कोट्यश्चतुरशीतिस्तु तत्पुत्राश्चाक्षया मताः। दिक्षु सर्वासु ये रक्षां प्रकुर्वन्ति गणेश्वराः
koṭyaścaturaśītistu tatputrāścākṣayā matāḥ| dikṣu sarvāsu ye rakṣāṃ prakurvanti gaṇeśvarāḥ
there are eighty-four crores, and their sons are held to be inexhaustible—the lords of hosts who provide protection in all the directions.
AI translation rendered from the Sanskrit, not a published edition
PdP 1 6.33
एते वै पुत्रपौत्राश्च सुरभीगर्भसंभवाः। कश्यपस्य प्रवक्ष्यामि पुत्रपौत्रादि पत्निषु
ete vai putrapautrāśca surabhīgarbhasaṃbhavāḥ| kaśyapasya pravakṣyāmi putrapautrādi patniṣu
These, indeed, are the sons and grandsons born from Surabhi's womb. (Now) I shall tell of Kaśyapa's sons, grandsons and the rest among his wives.
AI translation rendered from the Sanskrit, not a published edition
PdP 1 6.34
अदितिर्दितिर्दनुश्चैव अरिष्टा सुरसा तथा। सुरभिर्विनता चैव ताम्रा क्रोधवशा इरा
aditirditirdanuścaiva ariṣṭā surasā tathā| surabhirvinatā caiva tāmrā krodhavaśā irā
Aditi, Diti, and Danu, Ariṣṭā, Surasā likewise, Surabhi and Vinatā, Tāmrā, Krodhavaśā, Irā,
AI translation rendered from the Sanskrit, not a published edition
PdP 1 6.35
कद्रू खसा मुनिस्तद्वत्तासु पुत्रान्निबोध मे। तुषिता नाम ये देवाश्चाक्षुषस्यांतरे मनोः
kadrū khasā munistadvattāsu putrānnibodha me| tuṣitā nāma ye devāścākṣuṣasyāṃtare manoḥ
Kadrū, Khasā, and Muni likewise — learn from me the sons (born) among them. Those gods named Tuṣitas (were) in the interval of the Cākṣuṣa Manu;
AI translation rendered from the Sanskrit, not a published edition
PdP 1 6.36
वैवस्वतेंतरे चैव आदित्या द्वादश स्मृताः। इन्द्रो धाता भगस्त्वष्टा मित्त्रोऽथ वरुणोऽर्यमा
vaivasvateṃtare caiva ādityā dvādaśa smṛtāḥ| indro dhātā bhagastvaṣṭā mittro'tha varuṇo'ryamā
and in the interval of Vaivasvata they are recorded as the twelve Ādityas: Indra, Dhātā, Bhaga, Tvaṣṭā, Mitra, then Varuṇa, Aryamā,
AI translation rendered from the Sanskrit, not a published edition
PdP 1 6.37
विवस्वान्सविता पूषा अंशुमान्विष्णुरेव च। एते सहस्रकिरणा आदित्या दाद्वश स्मृताः
vivasvānsavitā pūṣā aṃśumānviṣṇureva ca| ete sahasrakiraṇā ādityā dādvaśa smṛtāḥ
Vivasvān, Savitā, Pūṣā, Aṃśumān, and Viṣṇu as well: these thousand-rayed ones are recorded as the twelve Ādityas.
AI translation rendered from the Sanskrit, not a published edition
PdP 1 6.38
मारीचात्कश्यपाज्जाताः पुत्त्रास्तेऽदितिनंदनाः। कृशाश्वस्य ऋषेः पुत्रा देवप्रहरणाः स्मृताः
mārīcātkaśyapājjātāḥ puttrāste'ditinaṃdanāḥ| kṛśāśvasya ṛṣeḥ putrā devapraharaṇāḥ smṛtāḥ
Those sons, the delights of Aditi, were born from Kaśyapa, the son of Marīci. The sons of the sage Kṛśāśva are recorded as the weapons of the gods.
AI translation rendered from the Sanskrit, not a published edition
PdP 1 6.39
एते देवगणास्तात प्रतिमन्वंतरेषु च। उत्पद्यंते विलीयंते कल्पेकल्पे तथैव च
ete devagaṇāstāta pratimanvaṃtareṣu ca| utpadyaṃte vilīyaṃte kalpekalpe tathaiva ca
These troops of gods, my dear, in each Manu-interval, and likewise in kalpa after kalpa, arise and dissolve away.
AI translation rendered from the Sanskrit, not a published edition
PdP 1 6.40
दितिः पुत्रद्वयं लेभे कश्यपादिति नः श्रुतम्। हिरण्यकशिपुं चैव हिरण्याक्षं तथैव च
ditiḥ putradvayaṃ lebhe kaśyapāditi naḥ śrutam| hiraṇyakaśipuṃ caiva hiraṇyākṣaṃ tathaiva ca
Diti obtained a pair of sons from Kaśyapa — so we have heard: Hiraṇyakaśipu, and Hiraṇyākṣa likewise.
AI translation rendered from the Sanskrit, not a published edition
PdP 1 6.41
हिरण्यकशिपोस्तद्वज्जातं पुत्रचतुष्टयम्। प्रह्लादश्चानुह्लादश्च संह्लादोह्लाद एव च
hiraṇyakaśipostadvajjātaṃ putracatuṣṭayam| prahlādaścānuhlādaśca saṃhlādohlāda eva ca
Of Hiraṇyakaśipu, likewise, a set of four sons was born: Prahlāda and Anuhlāda, Saṃhlāda and Ahlāda.
AI translation rendered from the Sanskrit, not a published edition
PdP 1 6.42
प्रह्लादपुत्रा आयुष्मान्शिबिर्बाष्कलिरेव च। विरोचनश्चतुर्थस्तु स बलिं पुत्रमाप्तवान्
prahlādaputrā āyuṣmānśibirbāṣkalireva ca| virocanaścaturthastu sa baliṃ putramāptavān
Prahlāda's sons (were) Āyuṣmān, Śibi, and Bāṣkali; the fourth was Virocana, and he got Bali as his son.
AI translation rendered from the Sanskrit, not a published edition
PdP 1 6.43
बलेः पुत्रशतं त्वासीद्बाणज्येष्ठं ततो नृप। धृतराष्ट्रस्तथासूर्य्यो विवस्वानंशुतापनः
baleḥ putraśataṃ tvāsīdbāṇajyeṣṭhaṃ tato nṛpa| dhṛtarāṣṭrastathāsūryyo vivasvānaṃśutāpanaḥ
Bali had a hundred sons, of whom Bāṇa was the eldest, O king: Dhṛtarāṣṭra, and Sūrya, Vivasvān, Aṃśutāpana,
AI translation rendered from the Sanskrit, not a published edition
PdP 1 6.44
निकुम्भनामा गुर्वक्षः कुक्षिर्भौमोथ भीषणः। एवमन्ये तु बहवो बाणोज्येष्ठो गुणाधिकः
nikumbhanāmā gurvakṣaḥ kukṣirbhaumotha bhīṣaṇaḥ| evamanye tu bahavo bāṇojyeṣṭho guṇādhikaḥ
one named Nikumbha, Gurvakṣa, Kukṣi, Bhauma, then Bhīṣaṇa — and many others in this way; but Bāṇa, the eldest, was superior in qualities.
AI translation rendered from the Sanskrit, not a published edition
PdP 1 6.45
बाणस्सहस्रबाहुस्तु सर्वास्त्रगुणसंयुतः। तपसा तोषितो यस्य पुरे वसति शूलधृत्
bāṇassahasrabāhustu sarvāstraguṇasaṃyutaḥ| tapasā toṣito yasya pure vasati śūladhṛt
Bāṇa had a thousand arms and was endowed with the qualities of every weapon; the trident-bearer, pleased by his austerity, dwells in his city.
AI translation rendered from the Sanskrit, not a published edition
PdP 1 6.46
महाकालत्वमगमत्सार्थ्यं यस्य पिनाकिनः। हिरण्याक्षस्य पुत्रोभूदंधको नामनामतः
mahākālatvamagamatsārthyaṃ yasya pinākinaḥ| hiraṇyākṣasya putrobhūdaṃdhako nāmanāmataḥ
He attained the state of Mahākāla, companionship with that bearer of the Pināka. Hiraṇyākṣa's son was Andhaka by name.
AI translation rendered from the Sanskrit, not a published edition — the model flagged this verse as uncertain
PdP 1 6.47
भूतसंतापनश्चैव महानागस्तथैव च। एतेभ्यः पुत्रपौत्राणां कोटयः सप्तसप्ततिः
bhūtasaṃtāpanaścaiva mahānāgastathaiva ca| etebhyaḥ putrapautrāṇāṃ koṭayaḥ saptasaptatiḥ
And Bhūtasaṃtāpana, and Mahānāga likewise. From these (came) seventy-seven crores of sons and grandsons,
AI translation rendered from the Sanskrit, not a published edition
PdP 1 6.48
महाबला महाकाया नानारूपा महौजसः। दनुः पुत्रशतं लेभे कश्यपाद्वरदर्पितम्
mahābalā mahākāyā nānārūpā mahaujasaḥ| danuḥ putraśataṃ lebhe kaśyapādvaradarpitam
of great strength, of great bodies, of various forms, of great vigour. Danu obtained from Kaśyapa a hundred sons, proud through a boon.
AI translation rendered from the Sanskrit, not a published edition
PdP 1 6.49
विप्रचित्तिः प्रधानोभूदेषां मध्ये महाबलः। द्विरष्टमूर्द्धा शकुनिस्तथा शंकुशिरोधरः
vipracittiḥ pradhānobhūdeṣāṃ madhye mahābalaḥ| dviraṣṭamūrddhā śakunistathā śaṃkuśirodharaḥ
Vipracitti, of great strength, was the chief among them; (also) Dviraṣṭamūrdhā ('sixteen-headed'), Śakuni, and Śaṃkuśirodhara,
AI translation rendered from the Sanskrit, not a published edition
PdP 1 6.50
अयोमुखः शंबरश्च कपिलो वामनस्तथा। मरीचिर्मागधश्चैव हरिर्गजशिरास्तथा५० 1.6.
ayomukhaḥ śaṃbaraśca kapilo vāmanastathā| marīcirmāgadhaścaiva harirgajaśirāstathā50 1.6.
Ayomukha and Śambara, Kapila and Vāmana, Marīci and Māgadha, Hari and Gajaśiras likewise,
AI translation rendered from the Sanskrit, not a published edition
PdP 1 6.51
निद्राधरश्च केतुश्च केतुवीर्यः शतक्रतुः। इन्द्रमित्रग्रहश्चैव वज्रनाभस्तथैव च
nidrādharaśca ketuśca ketuvīryaḥ śatakratuḥ| indramitragrahaścaiva vajranābhastathaiva ca
and Nidrādhara and Ketu, Ketuvīrya, Śatakratu, and Indramitragraha, and Vajranābha likewise,
AI translation rendered from the Sanskrit, not a published edition
PdP 1 6.52
एकवस्त्रो महाबाहुर्वज्राक्षस्तारकस्तथा। असिलोमा पुलोमा च विकुर्वाणो महासुरः
ekavastro mahābāhurvajrākṣastārakastathā| asilomā pulomā ca vikurvāṇo mahāsuraḥ
Ekavastra, Mahābāhu, Vajrākṣa and Tāraka, Asilomā and Pulomā, and the great demon Vikurvāṇa,
AI translation rendered from the Sanskrit, not a published edition
PdP 1 6.53
स्वर्भानुर्वृषपर्वा च एवमाद्या दनोस्सुताः। स्वर्भानोः सुप्रभा कन्या शची चैव पुलोमजा
svarbhānurvṛṣaparvā ca evamādyā danossutāḥ| svarbhānoḥ suprabhā kanyā śacī caiva pulomajā
Svarbhānu and Vṛṣaparvan and others such as these were the sons of Danu. Svarbhānu's daughter was Suprabhā, and Śacī was the daughter of Puloman.
AI translation rendered from the Sanskrit, not a published edition
PdP 1 6.54
उपदानवी मयस्यासीत्तथा मंदोदरी कुहूः। शर्मिष्ठा सुंदरी चैव चंडा च वृषपर्वणः
upadānavī mayasyāsīttathā maṃdodarī kuhūḥ| śarmiṣṭhā suṃdarī caiva caṃḍā ca vṛṣaparvaṇaḥ
Upadānavī was Maya's (daughter), and likewise Mandodarī and Kuhū; and Śarmiṣṭhā, Sundarī, and Caṇḍā were Vṛṣaparvan's (daughters).
AI translation rendered from the Sanskrit, not a published edition — the model flagged this verse as uncertain
PdP 1 6.55
पुलोमा कालका चैव वैश्वनरसुते उभे। बह्वपत्यो महासत्वो मारीचस्य परिग्रहः
pulomā kālakā caiva vaiśvanarasute ubhe| bahvapatyo mahāsatvo mārīcasya parigrahaḥ
Pulomā and Kālakā, both daughters of Vaiśvanara, were the wives of Mārīca (Kaśyapa), (who was) of great strength and of abundant offspring.
AI translation rendered from the Sanskrit, not a published edition
PdP 1 6.56
तयोः षष्टिसहस्राणि दानवानां पुराभवन्। पौलोमान्कालखंजांश्च मारीचोजनयत्पुरा
tayoḥ ṣaṣṭisahasrāṇi dānavānāṃ purābhavan| paulomānkālakhaṃjāṃśca mārīcojanayatpurā
Of the two of them there were formerly sixty thousand Dānavas; Mārīca of old begot the Paulomas and the Kālakhañjas.
AI translation rendered from the Sanskrit, not a published edition
PdP 1 6.57
अवध्या ये नराणां वै हिरण्यपुरवासिनः। चतुर्मुखाल्लब्धवरा ये हता विजयेन तु
avadhyā ye narāṇāṃ vai hiraṇyapuravāsinaḥ| caturmukhāllabdhavarā ye hatā vijayena tu
They who were unslayable by men, dwellers in Hiraṇyapura, who had obtained boons from the Four-faced (Brahmā) — but they were slain by Vijaya (Arjuna).
AI translation rendered from the Sanskrit, not a published edition
PdP 1 6.58
विप्रचित्तिः सिंहिकायां नव पुत्रानजीजनत्। हिरण्यकशिपोर्येवै भागिनेयास्त्रयोदश
vipracittiḥ siṃhikāyāṃ nava putrānajījanat| hiraṇyakaśiporyevai bhāgineyāstrayodaśa
Vipracitti begot nine sons on Siṃhikā; and the sister's sons of Hiraṇyakaśipu were thirteen.
AI translation rendered from the Sanskrit, not a published edition
PdP 1 6.59
कंसः शंखश्च राजेन्द्र नलो वातापिरेव च। इल्वलो नमुचिश्चैव खसृमश्चांजनस्तथा
kaṃsaḥ śaṃkhaśca rājendra nalo vātāpireva ca| ilvalo namuciścaiva khasṛmaścāṃjanastathā
Kaṃsa and Śaṅkha, O best of kings, and Nala and Vātāpi, and Ilvala and Namuci, and Khasṛma and Añjana too,
AI translation rendered from the Sanskrit, not a published edition
PdP 1 6.60
नरकः कालनाभश्च परमाणुस्तथैव च। कल्पवीर्यश्च विख्यातो दनुवंशविवर्द्धनः
narakaḥ kālanābhaśca paramāṇustathaiva ca| kalpavīryaśca vikhyāto danuvaṃśavivarddhanaḥ
Naraka and Kālanābha, and likewise Paramāṇu, and the renowned Kalpavīrya, increaser of Danu's line.
AI translation rendered from the Sanskrit, not a published edition
PdP 1 6.61
संह्लादस्य तु दैत्यस्य निवातकवचाः कुले। अवध्याः सर्वदेवानां गंधर्वोरगराक्षसाम्
saṃhlādasya tu daityasya nivātakavacāḥ kule| avadhyāḥ sarvadevānāṃ gaṃdharvoragarākṣasām
But in the family of the Daitya Saṃhlāda (were) the Nivātakavacas, unslayable by all the gods, Gandharvas, serpents, and Rākṣasas,
AI translation rendered from the Sanskrit, not a published edition
PdP 1 6.62
ये हता बलमाश्रित्य अर्जुनेन रणाजिरे। षट्कन्या जनयामास ताम्रा मारीचवीर्यतः
ye hatā balamāśritya arjunena raṇājire| ṣaṭkanyā janayāmāsa tāmrā mārīcavīryataḥ
who were slain by Arjuna on the battlefield, relying on his strength. Tāmrā bore six daughters by the potency of Mārīca:
AI translation rendered from the Sanskrit, not a published edition
PdP 1 6.63
शुकीं श्येनीं च भासीं च सुगृध्रीं गृध्रिकां शुचिम्। शुकी शुकानुलूकांश्च जनयामास धर्मतः
śukīṃ śyenīṃ ca bhāsīṃ ca sugṛdhrīṃ gṛdhrikāṃ śucim| śukī śukānulūkāṃśca janayāmāsa dharmataḥ
Śukī, Śyenī, Bhāsī, Sugṛdhrī, Gṛdhrikā, and Śuci. Śukī by law (of nature) gave birth to parrots and owls.
AI translation rendered from the Sanskrit, not a published edition
PdP 1 6.64
श्येनी श्येनांश्च भासी च कुररानप्यजीजनत्। गृध्री गृध्रान्सुगृध्री च पारावतविहंगमान्
śyenī śyenāṃśca bhāsī ca kurarānapyajījanat| gṛdhrī gṛdhrānsugṛdhrī ca pārāvatavihaṃgamān
Śyenī gave birth to hawks, and Bhāsī to ospreys; Gṛdhrī to vultures, and Sugṛdhrī to pigeons and (other) birds.
AI translation rendered from the Sanskrit, not a published edition
PdP 1 6.65
हंस सारस कारंड प्लवान्शुचिरजीजनत्। एते ताम्रासुताः प्रोक्ता विनताया निशामय
haṃsa sārasa kāraṃḍa plavānśucirajījanat| ete tāmrāsutāḥ proktā vinatāyā niśāmaya
Śuci gave birth to geese, cranes, kāraṇḍa ducks, and plavas. These have been declared the offspring of Tāmrā; now hear of Vinatā's.
AI translation rendered from the Sanskrit, not a published edition
PdP 1 6.66
गरुडः पतगश्रेष्ठोऽरुणश्चेशः पतत्रिणाम्। सौदामिनी तथा कन्या येयं नभसि विश्रुता
garuḍaḥ patagaśreṣṭho'ruṇaśceśaḥ patatriṇām| saudāminī tathā kanyā yeyaṃ nabhasi viśrutā
Garuḍa, the best of fliers, and Aruṇa, lord of the winged ones, and also the daughter Saudāminī, who is renowned in the sky.
AI translation rendered from the Sanskrit, not a published edition
PdP 1 6.67
संपातिश्च जटायुश्च अरुणस्य सुतावुभौ। संपातिपुत्रो बभ्रुश्च शीघ्रगश्चातिविश्रुतः
saṃpātiśca jaṭāyuśca aruṇasya sutāvubhau| saṃpātiputro babhruśca śīghragaścātiviśrutaḥ
Sampāti and Jaṭāyu were both sons of Aruṇa; Sampāti's sons were Babhru and the very famous Śīghraga.
AI translation rendered from the Sanskrit, not a published edition
PdP 1 6.68
जटायोः कर्णिकारश्च शतगामी च विश्रुतौ। तेषामसंख्यमभवत्पक्षिणां पुत्रपौत्रकम्
jaṭāyoḥ karṇikāraśca śatagāmī ca viśrutau| teṣāmasaṃkhyamabhavatpakṣiṇāṃ putrapautrakam
Jaṭāyu's (sons) Karṇikāra and Śatagāmī were renowned; from them came countless sons and grandsons of birds.
AI translation rendered from the Sanskrit, not a published edition
PdP 1 6.69
सुरसायां सहस्रं तु सर्पाणामभवत्पुरा। सहस्रशिरसां कद्रूः सहस्रं प्राप सुव्रता
surasāyāṃ sahasraṃ tu sarpāṇāmabhavatpurā| sahasraśirasāṃ kadrūḥ sahasraṃ prāpa suvratā
Of Surasā there were formerly a thousand serpents; Kadrū of good vows obtained a thousand thousand-headed ones.
AI translation rendered from the Sanskrit, not a published edition
PdP 1 6.70
प्रधानास्तेषु विख्याता ष्षड्विंशतिररिन्दम। शेषवासुकिकर्कोट शंखैरावतकंबलाः
pradhānāsteṣu vikhyātā ṣṣaḍviṃśatirarindama| śeṣavāsukikarkoṭa śaṃkhairāvatakaṃbalāḥ
Among them twenty-six are renowned as the chief ones, O subduer of foes: Śeṣa, Vāsuki, Karkoṭa, Śaṅkha, Airāvata, Kambala,
AI translation rendered from the Sanskrit, not a published edition
PdP 1 6.71
धनंजय महानील पद्माश्वतर तक्षकाः। एलापत्र महापद्म धृतराष्ट्र बलाहकाः
dhanaṃjaya mahānīla padmāśvatara takṣakāḥ| elāpatra mahāpadma dhṛtarāṣṭra balāhakāḥ
Dhanañjaya, Mahānīla, Padma, Aśvatara, Takṣaka, Elāpatra, Mahāpadma, Dhṛtarāṣṭra, Balāhaka,
AI translation rendered from the Sanskrit, not a published edition
PdP 1 6.72
शंखपाल महाशंख पुष्पदंष्ट्रं शुभाननाः। शंखरोमा च नहुषो रमणः पणिनस्तथा
śaṃkhapāla mahāśaṃkha puṣpadaṃṣṭraṃ śubhānanāḥ| śaṃkharomā ca nahuṣo ramaṇaḥ paṇinastathā
Śaṅkhapāla, Mahāśaṅkha, Puṣpadaṃṣṭra, Śubhānana, and Śaṅkharomā, Nahuṣa, Ramaṇa, and Paṇina,
AI translation rendered from the Sanskrit, not a published edition
PdP 1 6.73
कपिलो दुर्मुखश्चापि पतंजलिमुखास्तथा। एषामनंतमभवत्सर्वेषां पुत्रपौत्रकम्
kapilo durmukhaścāpi pataṃjalimukhāstathā| eṣāmanaṃtamabhavatsarveṣāṃ putrapautrakam
Kapila and Durmukha too, and those headed by Patañjali — of all these the offspring, sons and grandsons, became endless.
AI translation rendered from the Sanskrit, not a published edition
PdP 1 6.74
प्रायशो यत्पुरादग्धं जनमेजयमंदिरे। रक्षोगणं क्रोधवशा सुनामानमजीजनत्
prāyaśo yatpurādagdhaṃ janamejayamaṃdire| rakṣogaṇaṃ krodhavaśā sunāmānamajījanat
Most of which was formerly burnt up in Janamejaya's hall. Krodhavaśā gave birth to a troop of rākṣasas called Sunāman.
AI translation rendered from the Sanskrit, not a published edition — the model flagged this verse as uncertain
PdP 1 6.75
दंष्ट्रिणां नियुतं तेषां भीमसेनादगात्क्षयम्। दंष्ट्रि गोमायु काकादीन्महिषीर्गोवराङ्गनाः
daṃṣṭriṇāṃ niyutaṃ teṣāṃ bhīmasenādagātkṣayam| daṃṣṭri gomāyu kākādīnmahiṣīrgovarāṅganāḥ
A million of those fanged ones met their destruction at the hands of Bhīmasena. (She bore) the fanged beasts, jackals, crows and the rest, buffalo-cows, cows, and lovely women.
AI translation rendered from the Sanskrit, not a published edition — the model flagged this verse as uncertain
PdP 1 6.76
सुरभिर्जनयामास कश्यपात्त्त्रितयं पुरा। मुनिर्मुनीनां च गणं गणमप्सरसां तथा
surabhirjanayāmāsa kaśyapātttritayaṃ purā| munirmunīnāṃ ca gaṇaṃ gaṇamapsarasāṃ tathā
Surabhi formerly brought forth from Kaśyapa the triad; and Muni (brought forth) a host of munis and likewise a host of apsarases.
AI translation rendered from the Sanskrit, not a published edition — the model flagged this verse as uncertain
PdP 1 6.77
तथा किन्नरगंधर्वानरिष्टा जनयद्बहून्। तृणवृक्षलता गुल्ममिरा सर्वमजीजनतत्
tathā kinnaragaṃdharvānariṣṭā janayadbahūn| tṛṇavṛkṣalatā gulmamirā sarvamajījanatat
Likewise Ariṣṭā brought forth many kinnaras and gandharvas; Irā gave birth to all grasses, trees, creepers and bushes.
AI translation rendered from the Sanskrit, not a published edition
PdP 1 6.78
खसा तु यक्षरक्षांसि जनयामास कोटिशः। एते कश्यपदायादाः शतशोथ सहस्रशः
khasā tu yakṣarakṣāṃsi janayāmāsa koṭiśaḥ| ete kaśyapadāyādāḥ śataśotha sahasraśaḥ
But Khasā brought forth yakṣas and rākṣasas by the tens of millions. These are Kaśyapa's heirs, by hundreds and by thousands.
AI translation rendered from the Sanskrit, not a published edition
PdP 1 6.79
एष मन्वंतरे भीष्म सर्गः स्वारोचिषे स्मृतः। ततस्त्वेकोनपंचाशन्मरुतः कश्यपाद्दितिः। जनयामास धर्मज्ञ सर्वानमरवल्लभान्
eṣa manvaṃtare bhīṣma sargaḥ svārociṣe smṛtaḥ| tatastvekonapaṃcāśanmarutaḥ kaśyapādditiḥ| janayāmāsa dharmajña sarvānamaravallabhān
This, Bhīṣma, is the creation recorded in the Svārociṣa manvantara. Then, O knower of dharma, Diti bore from Kaśyapa the forty-nine Maruts, all of them dear to the immortals.
AI translation rendered from the Sanskrit, not a published edition