Padma Purana — Srishti Khanda — Chapter 55
PdP 1 55.1
श्रीभगवानुवाच- अपरं च प्रवक्ष्यामि कामेनाधिष्ठितस्य च। पुरा भागीरथी तीरे द्विजः परमहंसकः
śrībhagavānuvāca- aparaṃ ca pravakṣyāmi kāmenādhiṣṭhitasya ca| purā bhāgīrathī tīre dvijaḥ paramahaṃsakaḥ
The Blessed Lord said: I shall relate another (story) too, of one who was possessed by lust. Formerly, on the bank of the Bhāgīrathī, there was a brahmin, a paramahaṃsa,
AI translation rendered from the Sanskrit, not a published edition
PdP 1 55.2
उपदेष्टा सहस्राणां द्विजानां शांतिदः परः। एकदंडधरः साक्षात्कूर्मवद्धरणी स्थितः
upadeṣṭā sahasrāṇāṃ dvijānāṃ śāṃtidaḥ paraḥ| ekadaṃḍadharaḥ sākṣātkūrmavaddharaṇī sthitaḥ
(He was) an instructor of thousands of brahmins, a supreme giver of peace; bearing a single staff, he stood upon the earth like a tortoise itself.
AI translation rendered from the Sanskrit, not a published edition — the model flagged this verse as uncertain
PdP 1 55.3
एकाकिनः सतस्तस्य देवागारे विनिष्कृते। पत्युर्गृहात्परं गेहं गंतुं सायं समुद्यता
ekākinaḥ satastasya devāgāre viniṣkṛte| patyurgṛhātparaṃ gehaṃ gaṃtuṃ sāyaṃ samudyatā
While he was alone in the temple, which was set apart, a woman, ready in the evening to go from her husband's house to another house—
AI translation rendered from the Sanskrit, not a published edition — the model flagged this verse as uncertain
PdP 1 55.4
अकस्माद्युवती नारी मिलिता रूपधारिणी। दृष्ट्वा तां भगवान्विप्रो मन्मथस्य भयार्दितः
akasmādyuvatī nārī militā rūpadhāriṇī| dṛṣṭvā tāṃ bhagavānvipro manmathasya bhayārditaḥ
—a young woman, shapely, unexpectedly met (him). Seeing her, the venerable brahmin was tormented by fear of Kāma.
AI translation rendered from the Sanskrit, not a published edition
PdP 1 55.5
अगारजठरे कृत्वा स चैनां प्राक्षिपत्क्षपाम्। अर्गलं सा दृढं कृत्वा देवागारे सुशोभने
agārajaṭhare kṛtvā sa caināṃ prākṣipatkṣapām| argalaṃ sā dṛḍhaṃ kṛtvā devāgāre suśobhane
And he thrust her into the inner part of the house (and kept her there) for the night; she, having made the bolt fast in the beautiful temple,
AI translation rendered from the Sanskrit, not a published edition — the model flagged this verse as uncertain
PdP 1 55.6
कदाचिदपि तं द्वारादागंतुं न ददाति ह। एवंभूतः समाधिस्थः क्षपां क्षिप्त्वा विलप्य सः
kadācidapi taṃ dvārādāgaṃtuṃ na dadāti ha| evaṃbhūtaḥ samādhisthaḥ kṣapāṃ kṣiptvā vilapya saḥ
did not at any time let him come in through the door. Being in such a state, (though) fixed in meditation, he passed the night lamenting,
AI translation rendered from the Sanskrit, not a published edition — the model flagged this verse as uncertain
PdP 1 55.7
चिंतयंस्तां वरारोहां द्वारि किं वा कृतं मम। एवं संचिंत्यतामाह द्वारं देहीह नः प्रिये
ciṃtayaṃstāṃ varārohāṃ dvāri kiṃ vā kṛtaṃ mama| evaṃ saṃciṃtyatāmāha dvāraṃ dehīha naḥ priye
thinking of that fair-hipped woman at the door: "What have I done?" Thinking thus, he said to her: "Give us the door (open it) here, beloved!"
AI translation rendered from the Sanskrit, not a published edition
PdP 1 55.8
पतिश्च वशगः कांते दयितस्ते भविष्यति। ततस्तं प्राह सा विप्रं वृद्धं कामप्रलालसम्
patiśca vaśagaḥ kāṃte dayitaste bhaviṣyati| tatastaṃ prāha sā vipraṃ vṛddhaṃ kāmapralālasam
"And your husband, dear one, will be subject to you and fond of you." Then she said to that old brahmin, slobbering with lust:
AI translation rendered from the Sanskrit, not a published edition
PdP 1 55.9
अनन्विता गिरःस्तात वक्तुं त्वं नार्हसि प्रभो। अथासौ भगवान्प्राह प्रचुरं चास्ति मे वसु
ananvitā giraḥstāta vaktuṃ tvaṃ nārhasi prabho| athāsau bhagavānprāha pracuraṃ cāsti me vasu
"These are incoherent words, father; you ought not to speak (them), lord." Then that venerable one said: "I have abundant wealth;
AI translation rendered from the Sanskrit, not a published edition
PdP 1 55.10
तव दास्यामि कल्याणि प्रस्फोटय कपाटिकाम्। विप्रमाह पुनः सा च त्वं वै मे धर्मतः पिता
tava dāsyāmi kalyāṇi prasphoṭaya kapāṭikām| vipramāha punaḥ sā ca tvaṃ vai me dharmataḥ pitā
I shall give it to you, good lady—break open the door-panel!" And she said to the brahmin again: "You are indeed my father by dharma;
AI translation rendered from the Sanskrit, not a published edition
PdP 1 55.11
मा गच्छ पुत्रिकां मां च परयोषां च धार्मिक। मनसा स समालोच्य सुषिरेण पथा गृहान्
mā gaccha putrikāṃ māṃ ca parayoṣāṃ ca dhārmika| manasā sa samālocya suṣireṇa pathā gṛhān
do not approach me, (who am) a daughter and another man's wife, O righteous one!" Reflecting in his mind, he (made for) the house by way of a hole,
AI translation rendered from the Sanskrit, not a published edition — the model flagged this verse as uncertain
PdP 1 55.12
बाहुनोद्धाट्यते नैव गंतुं चैव समुद्यतः। गच्छतश्चार्द्धमरर उत्तमांगं सुसंकटे
bāhunoddhāṭyate naiva gaṃtuṃ caiva samudyataḥ| gacchataścārddhamarara uttamāṃgaṃ susaṃkaṭe
which could not be opened at all with the arm, and he set out to go (through it). As he went, halfway (through) the door-opening his head (was stuck) in the very narrow (passage);
AI translation rendered from the Sanskrit, not a published edition — the model flagged this verse as uncertain
PdP 1 55.13
प्रविष्टं न पुनश्चैति पंचत्वमगमत्तदा। उषःकाले समायाता रक्षिणो ये च किंकराः
praviṣṭaṃ na punaścaiti paṃcatvamagamattadā| uṣaḥkāle samāyātā rakṣiṇo ye ca kiṃkarāḥ
once it had gone in it did not come out again, and then he met his death. At dawn the guards and servants came
AI translation rendered from the Sanskrit, not a published edition
PdP 1 55.14
अद्भुतं तं शवं दृष्ट्वा तामुचुस्ते च विस्मिताः। कथं च निधनं त्वस्य संभूतं ब्रूहि सुंदरि
adbhutaṃ taṃ śavaṃ dṛṣṭvā tāmucuste ca vismitāḥ| kathaṃ ca nidhanaṃ tvasya saṃbhūtaṃ brūhi suṃdari
and, seeing that astonishing corpse, they said to her in amazement: "How did his death come about? Tell (us), fair lady."
AI translation rendered from the Sanskrit, not a published edition
PdP 1 55.15
कथयित्वा तु तद्वृत्तमभीष्टं देशमागता। एवं कामस्य महिमा दुर्निवारो जनेषु च
kathayitvā tu tadvṛttamabhīṣṭaṃ deśamāgatā| evaṃ kāmasya mahimā durnivāro janeṣu ca
Having related what had happened, she went to the place she wished. Thus the power of Kāma is hard to ward off among people,
AI translation rendered from the Sanskrit, not a published edition
PdP 1 55.16
सर्वेषामपि जंतूनां सुरासुरनृणां भवेत्। दृष्ट्वाऽमोघां वरारोहां सर्वलोकपितामहः
sarveṣāmapi jaṃtūnāṃ surāsuranṛṇāṃ bhavet| dṛṣṭvā'moghāṃ varārohāṃ sarvalokapitāmahaḥ
and it holds for all creatures, gods, demons and men. Seeing the fair-hipped Amoghā, the grandfather of all the worlds
AI translation rendered from the Sanskrit, not a published edition
PdP 1 55.17
च्युतबीजोभवत्तत्र लौहित्यसंभवस्मृतः। पुनाति सकलान्लोकान्सर्वतीर्थमयो हि सः
cyutabījobhavattatra lauhityasaṃbhavasmṛtaḥ| punāti sakalānlokānsarvatīrthamayo hi saḥ
shed his seed there; it is remembered as the origin of the Lauhitya. It purifies all the worlds, for it consists of all sacred fords,
AI translation rendered from the Sanskrit, not a published edition
PdP 1 55.18
यमाश्रित्य नरो याति ब्रह्मलोकमनामयम्। द्विज उवाच- कथं च ब्रह्मणो मोहो ह्यमोघा का वरांगना
yamāśritya naro yāti brahmalokamanāmayam| dvija uvāca- kathaṃ ca brahmaṇo moho hyamoghā kā varāṃganā
and resorting to it a man goes to the flawless world of Brahmā. The brahmin said: How did Brahmā come to be deluded, and who was Amoghā, that fair-limbed woman?
AI translation rendered from the Sanskrit, not a published edition
PdP 1 55.19
उद्भवं तीर्थराजस्य श्रोतुमिच्छामि तत्त्वतः। श्रीभगवानुवाच- मुनिर्देवैः समाराध्यः पद्मयोनिसमप्रभः
udbhavaṃ tīrtharājasya śrotumicchāmi tattvataḥ| śrībhagavānuvāca- munirdevaiḥ samārādhyaḥ padmayonisamaprabhaḥ
I wish to hear truly the origin of the king of sacred fords. The Blessed Lord said: There was a sage, worshipped by the gods, of splendour equal to the lotus-born (Brahmā),
AI translation rendered from the Sanskrit, not a published edition
PdP 1 55.20
शंतनुश्चेति विख्यातः पत्नी तस्य पतिव्रता। अमोघेति समाख्याता रूपयौवनशालिनी
śaṃtanuśceti vikhyātaḥ patnī tasya pativratā| amogheti samākhyātā rūpayauvanaśālinī
renowned as Śantanu; his wife, devoted to her husband, was called Amoghā, endowed with beauty and youth.
AI translation rendered from the Sanskrit, not a published edition
PdP 1 55.21
अस्याश्च पतिमन्वेष्टुं यातो ब्रह्मा च तद्गृहम्। तस्मिन्काले मुनिश्रेष्ठः पुष्पाद्यर्थं वनं गतः
asyāśca patimanveṣṭuṃ yāto brahmā ca tadgṛham| tasminkāle muniśreṣṭhaḥ puṣpādyarthaṃ vanaṃ gataḥ
And Brahmā went to their house to look for her husband; at that time the best of sages had gone to the forest for flowers and the like.
AI translation rendered from the Sanskrit, not a published edition
PdP 1 55.22
सा तं दृष्ट्वा सुरश्रेष्ठमर्घ्यपाद्यादिकं ददौ। दूरेभिवादनं कृत्वा सा गृहं प्रविवेश ह
sā taṃ dṛṣṭvā suraśreṣṭhamarghyapādyādikaṃ dadau| dūrebhivādanaṃ kṛtvā sā gṛhaṃ praviveśa ha
Seeing him, the best of the gods, she offered water for welcome, water for the feet, and the rest; and having greeted (him) from a distance, she went into the house.
AI translation rendered from the Sanskrit, not a published edition
PdP 1 55.23
तां च दृष्ट्वा नवद्यांगीं धाता कामवशं गतः। स्रष्टात्मानं समाधायाचिंतयत्तां पुरोगताम्
tāṃ ca dṛṣṭvā navadyāṃgīṃ dhātā kāmavaśaṃ gataḥ| sraṣṭātmānaṃ samādhāyāciṃtayattāṃ purogatām
And seeing her of fresh (and faultless) limbs, the Ordainer fell under the power of desire. Composing himself, the Creator kept thinking of her who had gone on ahead.
AI translation rendered from the Sanskrit, not a published edition
PdP 1 55.24
बीजं पपात खट्वायां ब्रह्मणः परमात्मनः। ततो ब्रह्मा गतस्त्रस्तस्त्वरया परिपीडितः
bījaṃ papāta khaṭvāyāṃ brahmaṇaḥ paramātmanaḥ| tato brahmā gatastrastastvarayā paripīḍitaḥ
The seed of Brahmā, the supreme Self, fell upon the couch; then Brahmā, alarmed and hard pressed by haste, departed.
AI translation rendered from the Sanskrit, not a published edition
PdP 1 55.25
अथायातो मुनिर्गेहं शुक्रं पीठे ददर्श ह। तमपृच्छद्वरारोहां कश्चाप्यत्रागतः पुमान्
athāyāto munirgehaṃ śukraṃ pīṭhe dadarśa ha| tamapṛcchadvarārohāṃ kaścāpyatrāgataḥ pumān
Then the sage came to the house and saw the semen on the seat. He asked her of the lovely hips, "And what man has come here?"
AI translation rendered from the Sanskrit, not a published edition
PdP 1 55.26
तमुवाच ततोऽमोघा ब्रह्मा ह्यत्रागतः पते। त्वामेवान्वेषितुं नाथ मया दत्तोत्र पीठकः
tamuvāca tato'moghā brahmā hyatrāgataḥ pate| tvāmevānveṣituṃ nātha mayā dattotra pīṭhakaḥ
Then Amoghā said to him: "Brahmā indeed came here, husband; it was to look for you, lord, and a seat was given by me here.
AI translation rendered from the Sanskrit, not a published edition
PdP 1 55.27
शुक्रस्य कारणं चात्र तपसा ज्ञातुमर्हसि। ततो ध्यानात्परिज्ञातं तेनैव च द्विजन्मना
śukrasya kāraṇaṃ cātra tapasā jñātumarhasi| tato dhyānātparijñātaṃ tenaiva ca dvijanmanā
"And as for the cause of the semen here, you are able to know it by your austerity." Then, by meditation, it was fully known by that twice-born one.
AI translation rendered from the Sanskrit, not a published edition
PdP 1 55.28
ब्रह्मरेतः परं साध्वी पालयस्व ममाज्ञया। उत्पद्यते सुतस्ते तु सर्वलोकैकपावनः
brahmaretaḥ paraṃ sādhvī pālayasva mamājñayā| utpadyate sutaste tu sarvalokaikapāvanaḥ
"Virtuous woman, guard the supreme seed of Brahmā at my command; a son will be born to you who alone purifies all the worlds.
AI translation rendered from the Sanskrit, not a published edition
PdP 1 55.29
आवयोः सर्वकल्याणं फलिष्यति मनोगतम्। ततः पतिव्रता तस्य आज्ञामागृह्य संभवात्
āvayoḥ sarvakalyāṇaṃ phaliṣyati manogatam| tataḥ pativratā tasya ājñāmāgṛhya saṃbhavāt
"For us both, every good thing that is in our minds will bear fruit." Then the husband-devoted woman, having accepted his command, out of (that) origination,
AI translation rendered from the Sanskrit, not a published edition — the model flagged this verse as uncertain
PdP 1 55.30
पपौ रेतो महाभागा ब्रह्मणः परमात्मनः। आवर्त इव संजज्ञे रौद्रगर्भ इति स्फुरन्
papau reto mahābhāgā brahmaṇaḥ paramātmanaḥ| āvarta iva saṃjajñe raudragarbha iti sphuran
the greatly fortunate one drank the seed of Brahmā, the supreme Self. It came to be like a whirlpool, flashing forth as the "fierce embryo."
AI translation rendered from the Sanskrit, not a published edition
PdP 1 55.31
प्रसोढुं नैव शक्ता सा शंतनुं चाब्रवीत्ततः। गर्भं धारयितुं नाथ न शक्नोम्यधुना प्रभो
prasoḍhuṃ naiva śaktā sā śaṃtanuṃ cābravīttataḥ| garbhaṃ dhārayituṃ nātha na śaknomyadhunā prabho
She was quite unable to endure it, and then said to Śaṃtanu: "Husband, I cannot now carry the embryo, O master.
AI translation rendered from the Sanskrit, not a published edition
PdP 1 55.32
किं करिष्यामि धर्मज्ञ प्राणो मे संचलत्यपि। आज्ञापय महाभाग गर्भं त्यक्ष्यामि यत्र च
kiṃ kariṣyāmi dharmajña prāṇo me saṃcalatyapi| ājñāpaya mahābhāga garbhaṃ tyakṣyāmi yatra ca
"What shall I do, knower of dharma? Even my breath of life is unsteady. Command me, greatly fortunate one, where I am to let the embryo go."
AI translation rendered from the Sanskrit, not a published edition
PdP 1 55.33
पत्युराज्ञां समादाय मुक्तो गर्भो युगंधरे। पयस्तेजोमयं शुद्धं सर्वधर्मप्रतिष्ठितम्
patyurājñāṃ samādāya mukto garbho yugaṃdhare| payastejomayaṃ śuddhaṃ sarvadharmapratiṣṭhitam
Having received her husband's command, the embryo was released at Yugandhara: a pure milk made of radiance, established in all the dharmas.
AI translation rendered from the Sanskrit, not a published edition
PdP 1 55.34
तन्मध्ये पुरुषः शुद्धः किरीटी नीलवाससा। रत्नदाम्ना च विद्धांगो दुःप्रेक्ष्यो ज्योतिषां गणः
tanmadhye puruṣaḥ śuddhaḥ kirīṭī nīlavāsasā| ratnadāmnā ca viddhāṃgo duḥprekṣyo jyotiṣāṃ gaṇaḥ
In the midst of it (was) a pure Person, crowned, with a blue garment, his body strung with a garland of jewels, hard to look upon, a mass of lights.
AI translation rendered from the Sanskrit, not a published edition
PdP 1 55.35
ततो देवगणाः स्वर्गात्पुष्पवर्षमवाकिरन्। प्रसूतः सर्वतीर्थेषु तीर्थराज इति स्मृतः
tato devagaṇāḥ svargātpuṣpavarṣamavākiran| prasūtaḥ sarvatīrtheṣu tīrtharāja iti smṛtaḥ
Then the hosts of gods scattered down a rain of flowers from heaven; born among all the sacred fords, he is known as the king of sacred fords.
AI translation rendered from the Sanskrit, not a published edition
PdP 1 55.36
ततो राम इति ख्यातः प्रजातोहं भृगोः कुले। क्षत्रियान्पितृहंतॄंस्तु ससैन्यबलवाहनान्
tato rāma iti khyātaḥ prajātohaṃ bhṛgoḥ kule| kṣatriyānpitṛhaṃtṝṃstu sasainyabalavāhanān
Then, renowned as Rāma, I was born in the line of Bhṛgu; the kṣatriyas who had slain my father, together with their armies, forces and mounts—
AI translation rendered from the Sanskrit, not a published edition
PdP 1 55.37
हत्वा युद्धगतान्भीतान्पंकैः सर्वैर्युतो ह्यहम्। ब्रह्महत्यासमं घोरं मद्गेहे समुपस्थितम्
hatvā yuddhagatānbhītānpaṃkaiḥ sarvairyuto hyaham| brahmahatyāsamaṃ ghoraṃ madgehe samupasthitam
having slain them, terrified as they went into battle, I was covered all over with mire; a horror equal to the killing of a brahmin came upon my house.
AI translation rendered from the Sanskrit, not a published edition
PdP 1 55.38
पंकयुक्तं कुठारं मे क्षालितं नैव शुद्ध्यति। ततः खे चाभवद्वाणी राम मद्वचनं कुरु
paṃkayuktaṃ kuṭhāraṃ me kṣālitaṃ naiva śuddhyati| tataḥ khe cābhavadvāṇī rāma madvacanaṃ kuru
My axe, smeared with mire, though washed does not become clean. Then a voice came in the sky: "Rāma, do what I say.
AI translation rendered from the Sanskrit, not a published edition
PdP 1 55.39
यत्र तीर्थे कुठारं ते निर्मलं च भवेदिह। तत्र ते सर्वपापानां जातानां च क्षयो भवेत्
yatra tīrthe kuṭhāraṃ te nirmalaṃ ca bhavediha| tatra te sarvapāpānāṃ jātānāṃ ca kṣayo bhavet
"At whatever sacred ford here your axe becomes spotless, there the destruction of all the sins you have incurred will come about.
AI translation rendered from the Sanskrit, not a published edition
PdP 1 55.40
जनानां तत्र सर्वेषां हितार्थं तिष्ठ मानद। चपलं गच्छ तीर्थानि सर्वाणि सुमहांति च
janānāṃ tatra sarveṣāṃ hitārthaṃ tiṣṭha mānada| capalaṃ gaccha tīrthāni sarvāṇi sumahāṃti ca
"There abide for the welfare of all people, O giver of honour. Go swiftly to all the very great sacred fords.
AI translation rendered from the Sanskrit, not a published edition
PdP 1 55.41
तेषां मध्ये महातीर्थे पर्शुः शुद्धो भवेद्यदि। तं च जानीहि तीर्थेषु मुक्तिदं परिकीर्तितम्
teṣāṃ madhye mahātīrthe parśuḥ śuddho bhavedyadi| taṃ ca jānīhi tīrtheṣu muktidaṃ parikīrtitam
"If, among them, at some great ford the axe becomes clean, know that one to be proclaimed among the fords as the giver of liberation."
AI translation rendered from the Sanskrit, not a published edition
PdP 1 55.42
तच्छ्रुत्वा जामदग्न्यस्तु तीर्थानि प्रययौ तदा। गंगां सरस्वतीं शुभ्रां कावेरीं सरयूं तथा
tacchrutvā jāmadagnyastu tīrthāni prayayau tadā| gaṃgāṃ sarasvatīṃ śubhrāṃ kāverīṃ sarayūṃ tathā
Hearing that, the son of Jamadagni then set out to the sacred fords: to the Ganges, to Sarasvatī, to the bright (river), to the Kāverī and to the Sarayū,
AI translation rendered from the Sanskrit, not a published edition
PdP 1 55.43
गोदावरीं च यमुनां कद्रूं च वसुदां तथा। अन्यां च पुण्यदां रम्यां गौरीं पूर्वां स्थितां शुभाम्
godāvarīṃ ca yamunāṃ kadrūṃ ca vasudāṃ tathā| anyāṃ ca puṇyadāṃ ramyāṃ gaurīṃ pūrvāṃ sthitāṃ śubhām
and to the Godāvarī and the Yamunā, and to the Kadrū and likewise the Vasudā, and to another lovely (river) that bestows merit, the auspicious Gaurī situated in the east.
AI translation rendered from the Sanskrit, not a published edition
PdP 1 55.44
गच्छतस्तस्य धीरस्य सदागतिसमस्य च। क्षालितः सर्वतीर्थेषु न पुनर्निर्मलोऽभवत्
gacchatastasya dhīrasya sadāgatisamasya ca| kṣālitaḥ sarvatīrtheṣu na punarnirmalo'bhavat
But as that steadfast one, who was ever equal (in speed) to the wind, kept going, (the axe) though washed in all the sacred fords did not become clean again.
AI translation rendered from the Sanskrit, not a published edition — the model flagged this verse as uncertain
PdP 1 55.45
ततो गिरिगुहां दुर्गां महारण्यं च पर्वतम्। गिरिकूटं च दुर्लभ्यं ययौ तीर्थमसौ हरिः
tato giriguhāṃ durgāṃ mahāraṇyaṃ ca parvatam| girikūṭaṃ ca durlabhyaṃ yayau tīrthamasau hariḥ
Then that Hari (Rāma) went to a mountain cave hard of access, and to a great forest and a mountain, and to a mountain peak difficult to reach, and to a sacred ford.
AI translation rendered from the Sanskrit, not a published edition
PdP 1 55.46
न च निर्मलतामेति कुठारस्तस्य तेन च। विषादमगमत्तत्र रामः परपुरंजयः
na ca nirmalatāmeti kuṭhārastasya tena ca| viṣādamagamattatra rāmaḥ parapuraṃjayaḥ
And his axe did not attain cleanness even by that; there Rāma, the conqueror of enemy cities, fell into despondency.
AI translation rendered from the Sanskrit, not a published edition
PdP 1 55.47
हाहेति विविधं कृत्वा चोपविश्य धरातले। प्रचिंतामगमद्वीरस्तमुवाच पुनस्तथा
hāheti vividhaṃ kṛtvā copaviśya dharātale| praciṃtāmagamadvīrastamuvāca punastathā
Uttering many a cry of "Alas, alas!" and sitting down on the ground, the hero fell into deep brooding; then (the voice) spoke to him again thus:
AI translation rendered from the Sanskrit, not a published edition
PdP 1 55.48
पूर्वस्यां दिशि देवेश तीर्थं चास्ति गुहोदरे। तच्छ्रुत्वा नरशार्दूलो गत्वा कुंडं ददर्श सः
pūrvasyāṃ diśi deveśa tīrthaṃ cāsti guhodare| tacchrutvā naraśārdūlo gatvā kuṃḍaṃ dadarśa saḥ
"In the eastern quarter, O lord of gods, there is a sacred ford within a cave." Hearing that, the tiger among men went and beheld that pool—
AI translation rendered from the Sanskrit, not a published edition
PdP 1 55.49
प्रदक्षिणं जलावर्तं शुभ्रं पापहरं शुभम्। तज्जलस्पर्शमात्रेण कुठारः शुद्धतां गतः
pradakṣiṇaṃ jalāvartaṃ śubhraṃ pāpaharaṃ śubham| tajjalasparśamātreṇa kuṭhāraḥ śuddhatāṃ gataḥ
with its water swirling to the right, gleaming, remover of sin, auspicious. By the mere touch of that water the axe attained purity.
AI translation rendered from the Sanskrit, not a published edition
PdP 1 55.50
ततो रामोभिषेकं तु कृतवान्प्रमुदान्वितः। शुद्धात्मनस्त्वपापस्य बुद्धिर्जाता प्रपाविनी५० 1.55.
tato rāmobhiṣekaṃ tu kṛtavānpramudānvitaḥ| śuddhātmanastvapāpasya buddhirjātā prapāvinī50 1.55.
Then Rāma, filled with great joy, performed his ablution; and for him, pure of self and free of sin, an understanding arose that was purifying.
AI translation rendered from the Sanskrit, not a published edition — the model flagged this verse as uncertain
PdP 1 55.51
स रामः सुचिरं स्थित्वा तीर्थराजं प्रसाद्य तम्। ततस्ततोऽचलात्प्राप्य पुरं वेगसमन्वितः
sa rāmaḥ suciraṃ sthitvā tīrtharājaṃ prasādya tam| tatastato'calātprāpya puraṃ vegasamanvitaḥ
That Rāma, having stayed a very long time and having propitiated that king of sacred fords, then, from that mountain, reached his city with speed.
AI translation rendered from the Sanskrit, not a published edition
PdP 1 55.52
ख्यातं कृत्वा ततश्चोर्व्यां गतोसौ लवणार्णवम्। अयं तीर्थवरः साक्षात्पितामहकृतो भुवि
khyātaṃ kṛtvā tataścorvyāṃ gatosau lavaṇārṇavam| ayaṃ tīrthavaraḥ sākṣātpitāmahakṛto bhuvi
Having then made it famous on the earth, he went to the salt ocean. This best of fords was made on earth by the Grandfather himself,
AI translation rendered from the Sanskrit, not a published edition
PdP 1 55.53
सुखदः सर्वतः शुद्धो मुक्तिमार्गप्रदः किल। एवं कामप्रभावं च विद्धि दुर्वारदुःसहम्
sukhadaḥ sarvataḥ śuddho muktimārgapradaḥ kila| evaṃ kāmaprabhāvaṃ ca viddhi durvāraduḥsaham
granting happiness, pure in every way, indeed bestowing the path to liberation. Thus know the power of desire, hard to ward off and hard to bear.
AI translation rendered from the Sanskrit, not a published edition
PdP 1 55.54
कामाज्जातं वृषं पापं पुण्यं पुण्यप्रयोगतः। स जातश्चैव लौहित्यो विरंचेश्चैव चौरसः
kāmājjātaṃ vṛṣaṃ pāpaṃ puṇyaṃ puṇyaprayogataḥ| sa jātaścaiva lauhityo viraṃceścaiva caurasaḥ
From desire is born sin abundantly, and merit from the application of merit. And he, Lauhitya, was born, the true-born son of Viriñci (Brahmā),
AI translation rendered from the Sanskrit, not a published edition — the model flagged this verse as uncertain
PdP 1 55.55
शंतनो क्षेत्र संजातस्त्वमोघागर्भसंभवः। विरिञ्चिना जितः कामः शांतनोरप्यमत्सरात्
śaṃtano kṣetra saṃjātastvamoghāgarbhasaṃbhavaḥ| viriñcinā jitaḥ kāmaḥ śāṃtanorapyamatsarāt
born in the field of Śantanu, arising from the womb of Amoghā. Desire was conquered by Viriñci, and also by Śantanu, out of his freedom from envy,
AI translation rendered from the Sanskrit, not a published edition — the model flagged this verse as uncertain
PdP 1 55.56
तस्याः पतिव्रतात्वाच्च तीर्थात्तीर्थवरो हि सः। एवं यस्तु पठेन्नित्यं पुण्याख्यानमिदं शिवम्
tasyāḥ pativratātvācca tīrthāttīrthavaro hi saḥ| evaṃ yastu paṭhennityaṃ puṇyākhyānamidaṃ śivam
and by her devotion to her husband; from that ford it is indeed the best of fords. Thus, whoever constantly recites this holy, auspicious narrative,
AI translation rendered from the Sanskrit, not a published edition — the model flagged this verse as uncertain
PdP 1 55.57
शृणुयाद्वा मुदा पृथ्व्यां मुक्तिमार्गं स गच्छति
śṛṇuyādvā mudā pṛthvyāṃ muktimārgaṃ sa gacchati
or listens to it with joy on the earth, he goes on the path to liberation.
AI translation rendered from the Sanskrit, not a published edition