Padma Purana — Srishti Khanda — Chapter 53
PdP 1 53.1
द्विज उवाच- तुलाधारस्य चरितं प्रभावमतुलं प्रभो। वक्तुमर्हस्यशेषेण यदि मय्यस्त्यनुग्रहः
dvija uvāca- tulādhārasya caritaṃ prabhāvamatulaṃ prabho| vaktumarhasyaśeṣeṇa yadi mayyastyanugrahaḥ
The twice-born said: Lord, you should tell in full the deeds and the incomparable power of Tulādhāra, if you have favour toward me.
AI translation rendered from the Sanskrit, not a published edition
PdP 1 53.2
श्रीभगवानुवाच - सत्यभावादलोभाच्च दद्याद्यो वै त्वमत्सरात्। नित्यं यज्ञशतं तस्य सुनिष्पन्नं सुदक्षिणम्
śrībhagavānuvāca - satyabhāvādalobhācca dadyādyo vai tvamatsarāt| nityaṃ yajñaśataṃ tasya suniṣpannaṃ sudakṣiṇam
The Blessed Lord said: He who gives out of truthfulness, without greed and without envy — for him a hundred sacrifices, well completed with good sacrificial fees, are (accomplished) constantly.
AI translation rendered from the Sanskrit, not a published edition
PdP 1 53.3
सत्येनोदयते सूरो वाति वातस्तथैव च। न लंघयेत्समुद्रस्तु वेलां कूर्मो धरां तथा
satyenodayate sūro vāti vātastathaiva ca| na laṃghayetsamudrastu velāṃ kūrmo dharāṃ tathā
By truth the sun rises, and likewise the wind blows; the ocean does not overstep its shore, nor the tortoise (fail to bear) the earth.
AI translation rendered from the Sanskrit, not a published edition
PdP 1 53.4
सत्येन लोकास्तिष्ठंति सर्वे च वसुधाधराः। सत्याद्भ्रष्टोथ यः सत्वोप्यधोवासी भवेद्ध्रुवम्
satyena lokāstiṣṭhaṃti sarve ca vasudhādharāḥ| satyādbhraṣṭotha yaḥ satvopyadhovāsī bhaveddhruvam
By truth the worlds stand, and all the supporters of the earth; but whoever, though a being (of merit), has fallen from truth, will surely become a dweller below.
AI translation rendered from the Sanskrit, not a published edition
PdP 1 53.5
सत्यवाचिरतोथस्तु सत्यकार्यरतः सदा। सशरीरेण स्वर्लोकमागत्याच्युततां व्रजेत्
satyavāciratothastu satyakāryarataḥ sadā| saśarīreṇa svarlokamāgatyācyutatāṃ vrajet
But one devoted to truthful speech, always intent on truthful action, having come with his body to the world of heaven, attains imperishability.
AI translation rendered from the Sanskrit, not a published edition
PdP 1 53.6
सत्येन मुनयः सर्वे मां च गत्वा स्थिरं गताः। सत्याद्युधिष्ठिरो राजा सशरीरो दिवं गतः
satyena munayaḥ sarve māṃ ca gatvā sthiraṃ gatāḥ| satyādyudhiṣṭhiro rājā saśarīro divaṃ gataḥ
By truth all the sages, having come to me, reached the stable (state); through truth King Yudhiṣṭhira went to heaven with his body.
AI translation rendered from the Sanskrit, not a published edition
PdP 1 53.7
सर्वशत्रुगणं जित्वा लोको धर्मेण पालितः। अकरोच्च मखं शुद्धं राजसूयं सुदुर्लभम्
sarvaśatrugaṇaṃ jitvā loko dharmeṇa pālitaḥ| akarocca makhaṃ śuddhaṃ rājasūyaṃ sudurlabham
Having conquered the whole host of enemies, the world was protected by him with righteousness; and he performed the pure sacrifice, the rājasūya, very hard to obtain.
AI translation rendered from the Sanskrit, not a published edition
PdP 1 53.8
चतुरशीतिसहस्राणि ब्राह्मणानां च नित्यशः। भोजयेद्रुक्मपात्रेषु राजोपकरणेषु च
caturaśītisahasrāṇi brāhmaṇānāṃ ca nityaśaḥ| bhojayedrukmapātreṣu rājopakaraṇeṣu ca
And he would feed eighty-four thousand brahmins daily, in golden vessels and with royal appurtenances.
AI translation rendered from the Sanskrit, not a published edition
PdP 1 53.9
भोजयित्वोपकरणांस्तेभ्यो दत्वा विसर्जयेत्। यदभीष्टं द्विजातीनामतोन्यद्दापयेद्धनम्
bhojayitvopakaraṇāṃstebhyo datvā visarjayet| yadabhīṣṭaṃ dvijātīnāmatonyaddāpayeddhanam
Having fed (them), he should give them the vessels and dismiss (them); and whatever else the twice-born desire, he should have wealth given (for it).
AI translation rendered from the Sanskrit, not a published edition
PdP 1 53.10
अदरिद्रं ततो ज्ञात्वा द्विजव्यूहं परित्यजेत्। तथैव स्नातकानां तु सहस्राणि तु षोडश। नित्यं संभोजयेद्राजा सत्येनैव विमत्सरः
adaridraṃ tato jñātvā dvijavyūhaṃ parityajet| tathaiva snātakānāṃ tu sahasrāṇi tu ṣoḍaśa| nityaṃ saṃbhojayedrājā satyenaiva vimatsaraḥ
Then, knowing the body of brahmins to be free of poverty, he should let it depart; and just so the king should daily feed sixteen thousand snātakas (bath-graduates), truthfully and without envy.
AI translation rendered from the Sanskrit, not a published edition
PdP 1 53.11
अतिष्ठंत गृहे पूर्वं चिरं तस्य जिगीषया। जितं तेन जगत्सर्वं प्राणानुग्रहकारणात्
atiṣṭhaṃta gṛhe pūrvaṃ ciraṃ tasya jigīṣayā| jitaṃ tena jagatsarvaṃ prāṇānugrahakāraṇāt
Formerly (they) stayed long in his house out of the wish to conquer him; (yet) by him the whole world was conquered, because of his kindness to living beings.
AI translation rendered from the Sanskrit, not a published edition — the model flagged this verse as uncertain
PdP 1 53.12
सत्येन चासुरो राजा बलिरिंद्रो भविष्यति। पातालस्थस्य तस्यैव भूयस्तिष्ठामि वेश्मनि
satyena cāsuro rājā baliriṃdro bhaviṣyati| pātālasthasya tasyaiva bhūyastiṣṭhāmi veśmani
And by (his) truth the asura king Bali will become Indra; in the dwelling of that same one, who abides in Pātāla, I dwell once more.
AI translation rendered from the Sanskrit, not a published edition
PdP 1 53.13
निरंतरं च तिष्ठामि स्वांते पुण्यैककर्मणः। यद्वा पुरा मया बद्धो दैत्ययोनेर्विमोक्षणात्
niraṃtaraṃ ca tiṣṭhāmi svāṃte puṇyaikakarmaṇaḥ| yadvā purā mayā baddho daityayonervimokṣaṇāt
And I dwell unceasingly within the inner self of him whose every act is merit; or rather, because he was formerly bound by me, in order to release (him) from birth as a daitya,
AI translation rendered from the Sanskrit, not a published edition — the model flagged this verse as uncertain
PdP 1 53.14
तलं चैवामरत्वं हि शक्रत्वं प्रददाम्यहम्। हरिश्चंद्रो नृपस्सत्यात्सवाहनपरिच्छदः
talaṃ caivāmaratvaṃ hi śakratvaṃ pradadāmyaham| hariścaṃdro nṛpassatyātsavāhanaparicchadaḥ
I grant (him) the nether world, and immortality, and the rank of Śakra. King Hariścandra, by truth, together with his vehicles and retinue,
AI translation rendered from the Sanskrit, not a published edition
PdP 1 53.15
स्वशरीरेण शुद्धेन सत्यलोके प्रतिष्ठितः। राजानो बहवश्चान्ये ये च सिद्धा महर्षयः
svaśarīreṇa śuddhena satyaloke pratiṣṭhitaḥ| rājāno bahavaścānye ye ca siddhā maharṣayaḥ
with his own purified body, was established in Satyaloka. And many other kings, and those siddhas and great sages,
AI translation rendered from the Sanskrit, not a published edition
PdP 1 53.16
ज्ञानिनो यतयश्चैव सर्वे सत्येऽच्युताऽभवन्। तस्मात्सत्यरतो लोके संसारोद्धरणक्षमः
jñānino yatayaścaiva sarve satye'cyutā'bhavan| tasmātsatyarato loke saṃsāroddharaṇakṣamaḥ
the knowers and the ascetics—all became unfalling through truth. Therefore one devoted to truth in this world is able to lift (others) out of saṃsāra.
AI translation rendered from the Sanskrit, not a published edition
PdP 1 53.17
तुलाधारो महात्मा वै सत्यवाक्ये प्रतिष्ठितः। लोके तत्सदृशो नास्ति सत्यवाक्यस्य कारणात्
tulādhāro mahātmā vai satyavākye pratiṣṭhitaḥ| loke tatsadṛśo nāsti satyavākyasya kāraṇāt
Indeed Tulādhāra, that great soul, was established in truthful speech; there is none in the world like him, by reason of truthful speech.
AI translation rendered from the Sanskrit, not a published edition
PdP 1 53.18
अश्वमेधसहस्रेण सत्यं तु तुलया धृतम्। अश्वमेधसहस्राद्धि सत्यमेव विशिष्यते
aśvamedhasahasreṇa satyaṃ tu tulayā dhṛtam| aśvamedhasahasrāddhi satyameva viśiṣyate
Truth was weighed in the balance against a thousand horse-sacrifices; and truth alone excels a thousand horse-sacrifices.
AI translation rendered from the Sanskrit, not a published edition
PdP 1 53.19
सर्वं सत्याद्भवेत्साध्यं सत्यो हि दुरतिक्रमः। सत्यवाक्येन सा धेनुर्बहुला स्वर्गगामिनी
sarvaṃ satyādbhavetsādhyaṃ satyo hi duratikramaḥ| satyavākyena sā dhenurbahulā svargagāminī
Everything that is to be accomplished comes about from truth; truth is hard to overstep. By truthful speech that cow Bahulā went to heaven,
AI translation rendered from the Sanskrit, not a published edition
PdP 1 53.20
सर्वं राष्ट्रं समाधाय पुनरावृत्तिदुर्लभा। तथायं सर्वदा साक्षी मृषा नास्ति कदाचन
sarvaṃ rāṣṭraṃ samādhāya punarāvṛttidurlabhā| tathāyaṃ sarvadā sākṣī mṛṣā nāsti kadācana
having set the whole realm in order, she (became) hard to bring back to birth again. So too this man is always a witness; there is never any falsehood (in him).
AI translation rendered from the Sanskrit, not a published edition — the model flagged this verse as uncertain
PdP 1 53.21
बह्वर्घमल्पमर्घं च क्रयविक्रयणे सुधीः। सत्यवाक्यं प्रशस्तं च विशेषात्साक्षिणो भवेत्
bahvarghamalpamarghaṃ ca krayavikrayaṇe sudhīḥ| satyavākyaṃ praśastaṃ ca viśeṣātsākṣiṇo bhavet
(Whether) the price be high or low in buying and selling, the wise man's truthful speech is praised—and especially so should a witness be.
AI translation rendered from the Sanskrit, not a published edition — the model flagged this verse as uncertain
PdP 1 53.22
साक्षिणः सत्यमुक्त्वा च अक्षयं स्वर्गमाययुः। वावदूकः सभां प्राप्य सत्यं वदति वाक्पतिः
sākṣiṇaḥ satyamuktvā ca akṣayaṃ svargamāyayuḥ| vāvadūkaḥ sabhāṃ prāpya satyaṃ vadati vākpatiḥ
And witnesses, having spoken the truth, went to imperishable heaven; the eloquent master of speech, having come to the court, speaks the truth.
AI translation rendered from the Sanskrit, not a published edition
PdP 1 53.23
स याति ब्रह्मणो गेहं यज्ञैरन्यैश्च दुर्लभम्। सभायां यो वदेत्सत्यमश्वमेधफलं लभेत्
sa yāti brahmaṇo gehaṃ yajñairanyaiśca durlabham| sabhāyāṃ yo vadetsatyamaśvamedhaphalaṃ labhet
He goes to Brahmā's abode, which is hard to reach by other sacrifices too; whoever speaks the truth in the assembly obtains the fruit of a horse-sacrifice.
AI translation rendered from the Sanskrit, not a published edition
PdP 1 53.24
लोभाद्द्वेषान्मृषोक्त्वा च रौरवं नरकं व्रजेत्। सर्वसाक्षी तुलाधारो जनानां शूर एव च
lobhāddveṣānmṛṣoktvā ca rauravaṃ narakaṃ vrajet| sarvasākṣī tulādhāro janānāṃ śūra eva ca
But having spoken falsely out of greed or hatred, he goes to the Raurava hell. Tulādhāra, the witness of all, is indeed a hero among men,
AI translation rendered from the Sanskrit, not a published edition
PdP 1 53.25
विशेषाल्लोभसंत्यागान्नाके निर्जरतां व्रजेत्। कश्चिच्छूद्रो महाभागो न लोभे वर्तते क्वचित्
viśeṣāllobhasaṃtyāgānnāke nirjaratāṃ vrajet| kaścicchūdro mahābhāgo na lobhe vartate kvacit
and especially through the renunciation of greed one goes to agelessness in heaven. A certain śūdra of great fortune never dwelt in greed at all.
AI translation rendered from the Sanskrit, not a published edition
PdP 1 53.26
वृत्तिश्शाकेन दुःखेन तथा शिलोंछतो भृशम्। जर्जरं वस्त्रयुग्मं च करौ पात्रे च सर्वदा
vṛttiśśākena duḥkhena tathā śiloṃchato bhṛśam| jarjaraṃ vastrayugmaṃ ca karau pātre ca sarvadā
His livelihood was on vegetables, with hardship, and largely from gleaning ears of grain; a tattered pair of garments, and his hands forever on a begging bowl.
AI translation rendered from the Sanskrit, not a published edition
PdP 1 53.27
सदापि लाभविरहो न परस्वं गृहीतवान्। तस्य जिज्ञासयैवाहं गृहीत्वा वस्त्रयुग्मकम्
sadāpi lābhaviraho na parasvaṃ gṛhītavān| tasya jijñāsayaivāhaṃ gṛhītvā vastrayugmakam
Always without any gain, he never took what belonged to another. Out of the very wish to test him, I took a pair of garments
AI translation rendered from the Sanskrit, not a published edition
PdP 1 53.28
अवकोटे नदीतीरे स्थितस्संस्थाप्य सादरम्। स दृष्ट्वा वस्त्रयुग्मं तन्न लोभे कुरते मनः
avakoṭe nadītīre sthitassaṃsthāpya sādaram| sa dṛṣṭvā vastrayugmaṃ tanna lobhe kurate manaḥ
and stood in a secluded spot on the river bank, having laid (them) down carefully. Seeing that pair of garments, he does not set his mind on greed.
AI translation rendered from the Sanskrit, not a published edition — the model flagged this verse as uncertain
PdP 1 53.29
इतरस्य परिज्ञाय तत्क्षांत्या स्वगृहं ययौ। ततो विचिंतयित्वा तु हृदा स्वल्पमिति द्विज
itarasya parijñāya tatkṣāṃtyā svagṛhaṃ yayau| tato viciṃtayitvā tu hṛdā svalpamiti dvija
Recognising (it as) another's, he went to his own house with forbearance in that matter. Then, having reflected in his heart, "(This is) a small thing," O twice-born,
AI translation rendered from the Sanskrit, not a published edition — the model flagged this verse as uncertain
PdP 1 53.30
उदुंबरं हेमगर्भं मया तत्रैव पातितम्। किंकरे च नदीतीरे विकोणे जनवर्जिते
uduṃbaraṃ hemagarbhaṃ mayā tatraiva pātitam| kiṃkare ca nadītīre vikoṇe janavarjite
"A fig-wood (block) with gold inside was dropped by me right there, at the riverbank in a corner devoid of people, at (the place of) the servant."
AI translation rendered from the Sanskrit, not a published edition — the model flagged this verse as uncertain
PdP 1 53.31
तस्य यातस्य देशे तु दृष्टं तेन तदद्भुतम्। अलं विधानमेतत्तु कृत्रिमं चोपलक्ष्यते
tasya yātasya deśe tu dṛṣṭaṃ tena tadadbhutam| alaṃ vidhānametattu kṛtrimaṃ copalakṣyate
But when he had gone to that place, that wonder was seen by him: "This contrivance is enough — and it is recognised as artificial."
AI translation rendered from the Sanskrit, not a published edition — the model flagged this verse as uncertain
PdP 1 53.32
ग्रहणे वाधुना चास्य अलोभं नष्टमेव मे। अस्यैव रक्षणे कष्टमहंकारपदं त्विदम्
grahaṇe vādhunā cāsya alobhaṃ naṣṭameva me| asyaiva rakṣaṇe kaṣṭamahaṃkārapadaṃ tvidam
"But if it be taken now, my freedom from greed is simply destroyed; and in guarding this very thing there is trouble — and this is the seat of egotism."
AI translation rendered from the Sanskrit, not a published edition — the model flagged this verse as uncertain
PdP 1 53.33
यतो लोभस्ततो लाभो लाभाल्लोभः प्रवर्तते। लोभग्रस्तस्य पुंसश्च शाश्वतो निरयो भवेत्
yato lobhastato lābho lābhāllobhaḥ pravartate| lobhagrastasya puṃsaśca śāśvato nirayo bhavet
Where there is greed, there is gain; from gain greed arises; and for a man seized by greed there would be unending hell.
AI translation rendered from the Sanskrit, not a published edition
PdP 1 53.34
यदि नो विगुणं वित्तं यदा वेश्मनि तिष्ठति। तदा मे दारपुत्राणामुन्मादो ह्युपपद्यते
yadi no viguṇaṃ vittaṃ yadā veśmani tiṣṭhati| tadā me dāraputrāṇāmunmādo hyupapadyate
If ill-gotten (lit. faulty) wealth of ours stays in the house, then madness indeed arises in my wife and sons.
AI translation rendered from the Sanskrit, not a published edition — the model flagged this verse as uncertain
PdP 1 53.35
उन्मादात्कामसंजात विकारान्मतिविभ्रमः। भ्रमान्मोहोप्यहंकारः क्रोधलोभावतः परं
unmādātkāmasaṃjāta vikārānmativibhramaḥ| bhramānmohopyahaṃkāraḥ krodhalobhāvataḥ paraṃ
From madness (comes) what is born of desire; from (that) alteration, confusion of mind; from confusion, delusion and also egotism; after that, anger and greed.
AI translation rendered from the Sanskrit, not a published edition — the model flagged this verse as uncertain
PdP 1 53.36
एषां प्रचुरभावाच्च तपः क्षयं गमिष्यति। क्षीणे तपसि वर्तंते पंकाश्चित्तप्रमोहकाः
eṣāṃ pracurabhāvācca tapaḥ kṣayaṃ gamiṣyati| kṣīṇe tapasi vartaṃte paṃkāścittapramohakāḥ
And from the abundance of these, ascetic power will go to destruction; when ascetic power is spent, there abide the mires that utterly bewilder the mind.
AI translation rendered from the Sanskrit, not a published edition — the model flagged this verse as uncertain
PdP 1 53.37
तैश्च शृंखलयोगैश्च बद्धो नैवोद्धृतिं व्रजेत्। एतद्विमृश्य शूद्रोऽसौ परित्यज्य गृहं गतः
taiśca śṛṃkhalayogaiśca baddho naivoddhṛtiṃ vrajet| etadvimṛśya śūdro'sau parityajya gṛhaṃ gataḥ
And bound by them, by chain-like bonds, one would not attain deliverance at all. Having considered this, that Śūdra abandoned (it) and went home.
AI translation rendered from the Sanskrit, not a published edition
PdP 1 53.38
स्वस्था देवा मुदा तत्र साधुसाध्विति चाब्रुवन्। निर्ग्रंथिरूपमादाय तस्यांतिक गृहं तथा
svasthā devā mudā tatra sādhusādhviti cābruvan| nirgraṃthirūpamādāya tasyāṃtika gṛhaṃ tathā
The gods, at ease, joyfully said there, "Well done, well done!" Then, taking the form of a wandering (Jain) ascetic, (I went) to his house nearby,
AI translation rendered from the Sanskrit, not a published edition — the model flagged this verse as uncertain
PdP 1 53.39
गत्वाहं दैवसंवादमवदं भूतवर्तनम्। ततोभ्यासप्रसंगाच्च जनानां च परिप्लवात्
gatvāhaṃ daivasaṃvādamavadaṃ bhūtavartanam| tatobhyāsaprasaṃgācca janānāṃ ca pariplavāt
and having gone, I spoke of the divine converse and of what had happened; then, from the occasion of repeated (telling) and from the flocking of people,
AI translation rendered from the Sanskrit, not a published edition — the model flagged this verse as uncertain
PdP 1 53.40
तस्य योषा तदागत्य पप्रच्छ दैवकारणम्। ततोहमवदं तस्य यद्वा चेतोगतं द्रुतम्
tasya yoṣā tadāgatya papraccha daivakāraṇam| tatohamavadaṃ tasya yadvā cetogataṃ drutam
his wife then came and asked the cause of the divine (event); thereupon I quickly told him(/her) what was in (his) mind.
AI translation rendered from the Sanskrit, not a published edition — the model flagged this verse as uncertain
PdP 1 53.41
निभृतोथ निनादस्य कारणं कथितं मया। हृद्गतं पतिना तेद्य विधिना दत्तमज्ञवत्
nibhṛtotha ninādasya kāraṇaṃ kathitaṃ mayā| hṛdgataṃ patinā tedya vidhinā dattamajñavat
Then, in private, the cause of the sound was told by me: what was in your husband's heart, given today by fate as if to a fool,
AI translation rendered from the Sanskrit, not a published edition — the model flagged this verse as uncertain
PdP 1 53.42
परित्यक्तं महाभागे पुनर्नास्तीह ते वसु। यावज्जीवति दौर्विध्यं तस्य भोक्ता न संशयः
parityaktaṃ mahābhāge punarnāstīha te vasu| yāvajjīvati daurvidhyaṃ tasya bhoktā na saṃśayaḥ
has been abandoned, O greatly fortunate one; that wealth of yours is not here again. As long as he lives he will be the eater of poverty — no doubt of it.
AI translation rendered from the Sanskrit, not a published edition — the model flagged this verse as uncertain
PdP 1 53.43
गच्छ मातर्गृहं शून्यमलब्धं तत्प्रपृच्छतम्। श्रुत्वा तद्वै शिवं सा च वचनं पत्युरंतिके
gaccha mātargṛhaṃ śūnyamalabdhaṃ tatprapṛcchatam| śrutvā tadvai śivaṃ sā ca vacanaṃ patyuraṃtike
"Go, mother, to the house — it is empty, that (wealth) not obtained, so it is asked about." And having heard that auspicious speech, she, in her husband's presence,
AI translation rendered from the Sanskrit, not a published edition — the model flagged this verse as uncertain
PdP 1 53.44
गत्वा प्रोवाच दुर्वृत्तं तच्छ्रुत्वा विस्मयं गतः। स विचिंत्य तया सार्धमागतोसौ ममांतिकम्
gatvā provāca durvṛttaṃ tacchrutvā vismayaṃ gataḥ| sa viciṃtya tayā sārdhamāgatosau mamāṃtikam
went and told the ill turn (of affairs); hearing that he was astonished. Having reflected, he came together with her into my presence.
AI translation rendered from the Sanskrit, not a published edition
PdP 1 53.45
निभृतं मामुवाचेदं क्षपणत्वं च कीर्तय। क्षपणक उवाच- चाक्षुषं चिरसंशुद्धं हेलया तृणवत्कथम्
nibhṛtaṃ māmuvācedaṃ kṣapaṇatvaṃ ca kīrtaya| kṣapaṇaka uvāca- cākṣuṣaṃ cirasaṃśuddhaṃ helayā tṛṇavatkatham
In private he said this to me: "Declare too (the meaning of) this ascetic state." The Kṣapaṇaka said: "How, out of disdain, as if it were straw, (was it discarded—) that which was seen with the eyes and long purified?"
AI translation rendered from the Sanskrit, not a published edition — the model flagged this verse as uncertain
PdP 1 53.46
त्वया त्यक्तं यतस्तात नास्ति भाग्यमकंटकम्। ऐश्वर्यमतुलं शौर्यं शीर्यते भावुकं पुनः
tvayā tyaktaṃ yatastāta nāsti bhāgyamakaṃṭakam| aiśvaryamatulaṃ śauryaṃ śīryate bhāvukaṃ punaḥ
"Since it was abandoned by you, my dear, there is no fortune without a thorn; unequalled lordship and valour crumble, though (they be) full of promise."
AI translation rendered from the Sanskrit, not a published edition — the model flagged this verse as uncertain
PdP 1 53.47
स्वबंधूनां महद्दुःखमाजन्ममरणांतिकम्। द्रक्ष्यसे चात्मना नित्यं मृतानां या गतिर्ध्रुवम्
svabaṃdhūnāṃ mahadduḥkhamājanmamaraṇāṃtikam| drakṣyase cātmanā nityaṃ mṛtānāṃ yā gatirdhruvam
"You will yourself see continually the great suffering of your own kinsmen, lasting from birth to death, and the sure destiny of those who die."
AI translation rendered from the Sanskrit, not a published edition — the model flagged this verse as uncertain
PdP 1 53.48
तस्मात्तद्गृह्यतां तूर्णं भुंक्ष्व भोग्यमकंटकम्। ऐश्वर्यमतुलं शौर्यं लोकानां विस्मयं वरम्
tasmāttadgṛhyatāṃ tūrṇaṃ bhuṃkṣva bhogyamakaṃṭakam| aiśvaryamatulaṃ śauryaṃ lokānāṃ vismayaṃ varam
"Therefore let it be taken at once; enjoy what is to be enjoyed, free of thorns — unequalled lordship, valour, the highest wonder of the worlds."
AI translation rendered from the Sanskrit, not a published edition
PdP 1 53.49
शूद्र उवाच- न मे वित्ते स्पृहा चास्ति धनं संसार वागुरा। तद्विधौ पतितो मर्त्यो न पुनर्मोक्षकं व्रजेत्
śūdra uvāca- na me vitte spṛhā cāsti dhanaṃ saṃsāra vāgurā| tadvidhau patito martyo na punarmokṣakaṃ vrajet
The Śūdra said: I have no craving for wealth; riches are the snare of the round of rebirth. A mortal fallen into that trap does not again come to liberation.
AI translation rendered from the Sanskrit, not a published edition
PdP 1 53.50
शृणु वित्तस्य यद्दोषमिहलोके परत्र च। भयं चोराच्च ज्ञातिभ्यो राजभ्यस्तत्करादपि५० 1.53.
śṛṇu vittasya yaddoṣamihaloke paratra ca| bhayaṃ corācca jñātibhyo rājabhyastatkarādapi50 1.53.
Hear what fault wealth has, in this world and in the next: fear from a thief, from kinsmen, from kings, and from their taxation too.
AI translation rendered from the Sanskrit, not a published edition
PdP 1 53.51
सर्वे जिघांसवो मर्त्याः पशुमत्स्यविविष्किराः। तथा धनवतां नित्यं कथमर्थास्सुखावहाः
sarve jighāṃsavo martyāḥ paśumatsyaviviṣkirāḥ| tathā dhanavatāṃ nityaṃ kathamarthāssukhāvahāḥ
All mortals wish to kill, as (men kill) cattle, fish and birds; so it is always with the wealthy — how then can riches bring happiness?
AI translation rendered from the Sanskrit, not a published edition — the model flagged this verse as uncertain
PdP 1 53.52
प्राणस्यांतकरो ह्यर्थस्साधको दुरितस्य च। कालादीनां प्रियं गेहं निदानं दुर्गतेः परम्
prāṇasyāṃtakaro hyarthassādhako duritasya ca| kālādīnāṃ priyaṃ gehaṃ nidānaṃ durgateḥ param
For wealth makes an end of life and is the accomplisher of sin; it is the beloved house of Kāla and the rest, the supreme cause of a bad destiny.
AI translation rendered from the Sanskrit, not a published edition
PdP 1 53.53
क्षपणक उवाच- यस्यार्थास्तस्य मित्राणि यस्यार्थास्तस्य बांधवाः। कुलं शीलं च पांडित्यं रूपं भोग्यं यशः सुखम्
kṣapaṇaka uvāca- yasyārthāstasya mitrāṇi yasyārthāstasya bāṃdhavāḥ| kulaṃ śīlaṃ ca pāṃḍityaṃ rūpaṃ bhogyaṃ yaśaḥ sukham
The Kṣapaṇaka said: He who has riches has friends; he who has riches has kinsmen, family, character, learning, beauty, enjoyment, fame and pleasure.
AI translation rendered from the Sanskrit, not a published edition
PdP 1 53.54
धनेन तु विहीनस्य पुत्रदारोज्झितस्य च। कथं मित्रं कथं धर्मं दीनानां जन्मनः कथं
dhanena tu vihīnasya putradārojjhitasya ca| kathaṃ mitraṃ kathaṃ dharmaṃ dīnānāṃ janmanaḥ kathaṃ
But for one destitute of wealth and abandoned by wife and sons — how a friend? how religious duty? how (any worth) in the birth of the wretched?
AI translation rendered from the Sanskrit, not a published edition — the model flagged this verse as uncertain
PdP 1 53.55
सत्वादिक्रतुकार्यं च पुष्करिण्युपकारकं। दानं नाकस्य सोपानं निःस्वस्य च न सिद्ध्यति
satvādikratukāryaṃ ca puṣkariṇyupakārakaṃ| dānaṃ nākasya sopānaṃ niḥsvasya ca na siddhyati
The performance of sacrifices beginning with the sattra, the making of lotus-ponds as a public benefit, and giving, the stairway to heaven — none of this succeeds for a man without means.
AI translation rendered from the Sanskrit, not a published edition — the model flagged this verse as uncertain
PdP 1 53.56
व्रतकार्यस्य रक्षा च धर्मादिश्रवणं भृशम्। पितृयज्ञादितीर्थं च निर्वित्तस्य न सिद्ध्यति
vratakāryasya rakṣā ca dharmādiśravaṇaṃ bhṛśam| pitṛyajñāditīrthaṃ ca nirvittasya na siddhyati
The keeping of vow-observances, the diligent hearing of dharma and the like, sacrifice to the fathers and pilgrimage — none of it succeeds for one without wealth.
AI translation rendered from the Sanskrit, not a published edition
PdP 1 53.57
तथा रोगप्रतीकारः पथ्यमौषधसंचयं। रक्षणं विग्रहश्चैव शत्रूणां विजयो ध्रुवम्
tathā rogapratīkāraḥ pathyamauṣadhasaṃcayaṃ| rakṣaṇaṃ vigrahaścaiva śatrūṇāṃ vijayo dhruvam
So too the counteracting of disease, wholesome diet and a store of medicines, protection, and warfare, and sure victory over enemies.
AI translation rendered from the Sanskrit, not a published edition
PdP 1 53.58
स्त्रीणां च जन्मना वार्ता वसुयोगेन लभ्यते। भूतभव्यप्रवृत्तानां सुकृतं दुष्कृतं च यत्
strīṇāṃ ca janmanā vārtā vasuyogena labhyate| bhūtabhavyapravṛttānāṃ sukṛtaṃ duṣkṛtaṃ ca yat
And news of women by birth is obtained through the possession of riches, and whatever good or evil deed there is among past, future and present beings.
AI translation rendered from the Sanskrit, not a published edition — the model flagged this verse as uncertain
PdP 1 53.59
तस्माद्बहुधनं यस्य तस्य भोग्यं यदृच्छया। स्वर्गं वितरणादेव लप्स्यसे ह्यचिरादितः
tasmādbahudhanaṃ yasya tasya bhogyaṃ yadṛcchayā| svargaṃ vitaraṇādeva lapsyase hyacirāditaḥ
Therefore he who has much wealth has enjoyment at will; and by giving it away you will very soon gain heaven from here.
AI translation rendered from the Sanskrit, not a published edition
PdP 1 53.60
शूद्र उवाच- अकामाच्च व्रतं सर्वमक्रोधात्तीर्थसेवनम्। दया जप्यसमा शुद्धं संतोषो धनमेव च
śūdra uvāca- akāmācca vrataṃ sarvamakrodhāttīrthasevanam| dayā japyasamā śuddhaṃ saṃtoṣo dhanameva ca
The Śūdra said: From desirelessness comes every vow; from freedom from anger, the frequenting of holy places; compassion is equal to muttered prayer, contentment is pure wealth itself.
AI translation rendered from the Sanskrit, not a published edition — the model flagged this verse as uncertain
PdP 1 53.61
अहिंसा परमा सिद्धिः शिलोंछवृत्तिरुत्तमा। शाकाहारः सुधातुल्य उपवासः परंतप
ahiṃsā paramā siddhiḥ śiloṃchavṛttiruttamā| śākāhāraḥ sudhātulya upavāsaḥ paraṃtapa
Non-injury is the highest attainment; living on gleaned grain is best; a diet of vegetables is equal to nectar, (as is) fasting, O scorcher of foes.
AI translation rendered from the Sanskrit, not a published edition
PdP 1 53.62
संतोषो मे महाभोग्यं महादानं वराटकम्। मातृवत्परदाराश्च परद्रव्याणि लोष्ठवत्
saṃtoṣo me mahābhogyaṃ mahādānaṃ varāṭakam| mātṛvatparadārāśca paradravyāṇi loṣṭhavat
Contentment is my great enjoyment; a cowrie shell is my great gift; other men's wives are as a mother to me, and other men's goods as a clod of earth.
AI translation rendered from the Sanskrit, not a published edition
PdP 1 53.63
परदारा भुजंगाभाः सर्वयज्ञ इदं मम। तस्मादेनं न गृह्णामि सत्यं सत्यं गुणाकर
paradārā bhujaṃgābhāḥ sarvayajña idaṃ mama| tasmādenaṃ na gṛhṇāmi satyaṃ satyaṃ guṇākara
Other men's wives are like snakes — this is my whole sacrifice. Therefore I do not take this (wealth): truly, truly, O mine of virtues.
AI translation rendered from the Sanskrit, not a published edition
PdP 1 53.64
प्रक्षालनाद्धि पंकस्य दूरादस्पर्शनं वरं। इत्युक्ते तु नरश्रेष्ठ पुष्पवर्षं पपात ह
prakṣālanāddhi paṃkasya dūrādasparśanaṃ varaṃ| ityukte tu naraśreṣṭha puṣpavarṣaṃ papāta ha
For rather than washing off mud, it is better not to touch it at all, from a distance. When this had been said, O best of men, a rain of flowers fell,
AI translation rendered from the Sanskrit, not a published edition
PdP 1 53.65
मूर्ध्रिदेशे तनौ तस्य सर्वदेवेरितं द्विज। देवदुंदुभयो नेदुर्नृत्यंत्यप्सरसां गणाः
mūrdhrideśe tanau tasya sarvadeveritaṃ dvija| devaduṃdubhayo nedurnṛtyaṃtyapsarasāṃ gaṇāḥ
upon the region of his head, upon his body, sent by all the gods, O twice-born. The gods' drums sounded, and the throngs of apsarases danced.
AI translation rendered from the Sanskrit, not a published edition
PdP 1 53.66
जगुर्गंधर्वपतयो विमानं चापतद्दिवः। ऊचुर्देवगणास्तत्र विमानमिदमारुह
jagurgaṃdharvapatayo vimānaṃ cāpataddivaḥ| ūcurdevagaṇāstatra vimānamidamāruha
The lords of the gandharvas sang, and a celestial chariot descended from the sky. The hosts of gods said there: "Mount this chariot!
AI translation rendered from the Sanskrit, not a published edition
PdP 1 53.67
सत्यलोकं समासाद्य भुंक्ष्व भोग्यं महेंद्रवत्। संख्या तेनापि वर्तेत भोग्यकालस्य धार्मिक
satyalokaṃ samāsādya bhuṃkṣva bhogyaṃ maheṃdravat| saṃkhyā tenāpi varteta bhogyakālasya dhārmika
Reaching Satyaloka, enjoy delights like great Indra; and even so, O righteous one, there would be a reckoning of the time of enjoyment."
AI translation rendered from the Sanskrit, not a published edition — the model flagged this verse as uncertain
PdP 1 53.68
इत्युक्तेषु च देवेषु शूद्रो वचनमब्रवीत्। कथं निर्ग्रंथकस्यास्य ज्ञानं चेष्टास्य भाषणम्
ityukteṣu ca deveṣu śūdro vacanamabravīt| kathaṃ nirgraṃthakasyāsya jñānaṃ ceṣṭāsya bhāṣaṇam
And when the gods had spoken thus, the Śūdra said these words: "How is there in this naked mendicant knowledge, or conduct, or (such) speech?
AI translation rendered from the Sanskrit, not a published edition — the model flagged this verse as uncertain
PdP 1 53.69
किं वा हरिहरौ ब्रह्मा किं वा शक्रो बृहस्पतिः। किं वा मच्छलनादेव साक्षाद्धर्म इहागतः
kiṃ vā hariharau brahmā kiṃ vā śakro bṛhaspatiḥ| kiṃ vā macchalanādeva sākṣāddharma ihāgataḥ
"Or are you Hari and Hara, or Brahmā, or is it Śakra, Bṛhaspati? Or has Dharma himself come here by way of deceiving me?"
AI translation rendered from the Sanskrit, not a published edition — the model flagged this verse as uncertain
PdP 1 53.70
इत्युक्ते क्षपणश्चासौ स्मितो वचनमब्रवीत्। विज्ञातुं चैव वो धर्ममहं विष्णुरिहागतः
ityukte kṣapaṇaścāsau smito vacanamabravīt| vijñātuṃ caiva vo dharmamahaṃ viṣṇurihāgataḥ
When this had been said, that mendicant smiled and spoke: "I am Viṣṇu, and I have come here to find out your dharma."
AI translation rendered from the Sanskrit, not a published edition
PdP 1 53.71
विमानेन दिवं गच्छ सकुटुंबो महामुने। मत्प्रसादाच्च युष्माकं सदैव नवयौवनम्
vimānena divaṃ gaccha sakuṭuṃbo mahāmune| matprasādācca yuṣmākaṃ sadaiva navayauvanam
"Go to heaven by celestial chariot, great sage, together with your family; and by my grace you shall all have fresh youth forever."
AI translation rendered from the Sanskrit, not a published edition
PdP 1 53.72
भविष्यति महाप्राज्ञ भाग्यानंत्यं प्रलप्स्यथ। दिव्याभरणसंयुक्ता दिव्यवस्त्रोपशोभिताः
bhaviṣyati mahāprājña bhāgyānaṃtyaṃ pralapsyatha| divyābharaṇasaṃyuktā divyavastropaśobhitāḥ
"It shall be so, greatly wise one; you will speak of endless good fortune, adorned with divine ornaments and resplendent in divine garments."
AI translation rendered from the Sanskrit, not a published edition — the model flagged this verse as uncertain
PdP 1 53.73
गतास्ते सहसा नाकं सर्वैर्बंधुजनैर्वृताः। एवं द्विजवरश्रेष्ठ लोभत्यागाद्ययुर्दिवम्
gatāste sahasā nākaṃ sarvairbaṃdhujanairvṛtāḥ| evaṃ dvijavaraśreṣṭha lobhatyāgādyayurdivam
At once they went to heaven, surrounded by all their kinsfolk. Thus, best of the foremost twice-born, by abandoning greed they went to heaven.
AI translation rendered from the Sanskrit, not a published edition
PdP 1 53.74
तुलाधारस्तथाधीमान्सत्यधर्म प्रतिष्ठितः। ये न जानाति तद्वृत्तं देशांतरसमुद्भवम्
tulādhārastathādhīmānsatyadharma pratiṣṭhitaḥ| ye na jānāti tadvṛttaṃ deśāṃtarasamudbhavam
So too Tulādhāra, wise, established in truth and dharma — those who do not know that conduct of his, which arose in another land (should hear it).
AI translation rendered from the Sanskrit, not a published edition — the model flagged this verse as uncertain
PdP 1 53.75
तुलाधारसमो नास्ति सुरलोके प्रतिष्ठितः। तस्मात्त्वमपि भूदेव समं गत्वा दिवं व्रज
tulādhārasamo nāsti suraloke pratiṣṭhitaḥ| tasmāttvamapi bhūdeva samaṃ gatvā divaṃ vraja
There is none equal to Tulādhāra established in the world of the gods; therefore you too, god on earth, having become like him, go to heaven.
AI translation rendered from the Sanskrit, not a published edition — the model flagged this verse as uncertain
PdP 1 53.76
य इदं शृणुयान्मर्त्यः सर्वधर्मप्रतिष्ठितः। जन्मजन्मार्जितं पापं तत्क्षणात्तस्य नश्यति
ya idaṃ śṛṇuyānmartyaḥ sarvadharmapratiṣṭhitaḥ| janmajanmārjitaṃ pāpaṃ tatkṣaṇāttasya naśyati
Whatever mortal, established in all dharma, should hear this — the sin amassed birth after birth perishes for him that very moment.
AI translation rendered from the Sanskrit, not a published edition
PdP 1 53.77
सकृत्पठनमात्रेण सर्वयज्ञफलं लभेत्। लोकानां पुरतो विप्र देवानामर्च्यतां व्रजेत्
sakṛtpaṭhanamātreṇa sarvayajñaphalaṃ labhet| lokānāṃ purato vipra devānāmarcyatāṃ vrajet
By merely reciting it once one would obtain the fruit of all sacrifices; before the worlds, brahmin, he would attain to being worshipped by the gods.
AI translation rendered from the Sanskrit, not a published edition