Padma Purana — Srishti Khanda — Chapter 35
PdP 1 35.1
भीष्म उवाच। उक्तं भगवता सर्वं पुराणाश्रयसंयुतं। तथा श्वेतेन ब्रह्मांडं गुरवे प्रतिपादितं
bhīṣma uvāca| uktaṃ bhagavatā sarvaṃ purāṇāśrayasaṃyutaṃ| tathā śvetena brahmāṃḍaṃ gurave pratipāditaṃ
Bhīṣma said: All has been told by the Lord, furnished with the authority of the Purāṇas—how likewise the brahmāṇḍa was presented by Śveta to his teacher.
AI translation rendered from the Sanskrit, not a published edition
PdP 1 35.2
श्रुत्वैतत्कौतुकं जातं यथा तेनास्थिलेहनं। कृतं क्षुधापनोदार्थे अन्नदानाद्विना द्विज
śrutvaitatkautukaṃ jātaṃ yathā tenāsthilehanaṃ| kṛtaṃ kṣudhāpanodārthe annadānādvinā dvija
Hearing this, curiosity arose (in me) as to how the licking of a bone was done by him to drive away hunger, without a gift of food, O twice-born one.
AI translation rendered from the Sanskrit, not a published edition
PdP 1 35.3
तदहं श्रोतुमिच्छामि पृथिव्यां ये च पार्थिवाः। अन्नदानाद्दिवं प्राप्ताः क्रतवश्चान्नमूलकाः
tadahaṃ śrotumicchāmi pṛthivyāṃ ye ca pārthivāḥ| annadānāddivaṃ prāptāḥ kratavaścānnamūlakāḥ
So I wish to hear which kings on earth attained heaven through the gift of food, and what sacrifices have food as their root.
AI translation rendered from the Sanskrit, not a published edition
PdP 1 35.4
कथं तस्य मतिर्नष्टा श्वेतस्य च महात्मनः। न दत्तं तेनान्नदानमृषिभिर्वा न दर्शितम्
kathaṃ tasya matirnaṣṭā śvetasya ca mahātmanaḥ| na dattaṃ tenānnadānamṛṣibhirvā na darśitam
How was the mind of that great-souled Śveta so lost? He gave no gift of food, nor was it shown to him by the sages.
AI translation rendered from the Sanskrit, not a published edition
PdP 1 35.5
अहो माहात्म्यमन्नस्य इह दत्तस्य यत्फलम्। परत्र भुज्यते पुंभिः स्वर्गश्चाक्षयतां व्रजेत्
aho māhātmyamannasya iha dattasya yatphalam| paratra bhujyate puṃbhiḥ svargaścākṣayatāṃ vrajet
Ah, the greatness of food! For the fruit of what is given here is enjoyed by men in the next world, and heaven becomes imperishable (for them).
AI translation rendered from the Sanskrit, not a published edition
PdP 1 35.6
अन्नदानं परं विप्राः कीर्तयंति सदोत्थिताः। अन्नदानात्सुरेद्रेण त्रैलोक्यमिह भुज्यते
annadānaṃ paraṃ viprāḥ kīrtayaṃti sadotthitāḥ| annadānātsuredreṇa trailokyamiha bhujyate
The brahmins, ever alert, proclaim the gift of food to be supreme; by the gift of food the lord of the gods enjoys the three worlds here.
AI translation rendered from the Sanskrit, not a published edition
PdP 1 35.7
शतक्रतुरिति प्रोक्तः सर्वैरेव द्विजोत्तमैः। तेनावस्थां तत्सदृशीं प्राप्तवांस्त्रिदशेश्वरः
śatakraturiti proktaḥ sarvaireva dvijottamaiḥ| tenāvasthāṃ tatsadṛśīṃ prāptavāṃstridaśeśvaraḥ
He is called Śatakratu by all the best of the twice-born; by that (gift) the lord of the thirty (gods) obtained a station equal to it.
AI translation rendered from the Sanskrit, not a published edition — the model flagged this verse as uncertain
PdP 1 35.8
दानदेवगतः स्वर्गं त्वत्तः सर्वं श्रुतं मया। अपरं च पुरावृत्तं निवृत्तं यदि कर्हिचित्
dānadevagataḥ svargaṃ tvattaḥ sarvaṃ śrutaṃ mayā| aparaṃ ca purāvṛttaṃ nivṛttaṃ yadi karhicit
(How) a god went to heaven by giving—all this I have heard from you. And if there is anything else that happened long ago and has ceased,
AI translation rendered from the Sanskrit, not a published edition — the model flagged this verse as uncertain
PdP 1 35.9
भूयोपि श्रोतुमिच्छामि तन्मे वद महामते। पुलस्त्य उवाच। एतदाख्यानकं पूर्वमगस्त्येन महात्मना
bhūyopi śrotumicchāmi tanme vada mahāmate| pulastya uvāca| etadākhyānakaṃ pūrvamagastyena mahātmanā
I wish to hear yet more; tell me that, O greatly wise one. Pulastya said: This tale was formerly, by the great-souled Agastya,
AI translation rendered from the Sanskrit, not a published edition
PdP 1 35.10
रामाय कथितं राजंस्तत्ते वक्ष्यामि सांप्रतम्। भीष्म उवाच। कस्मिन्वंशे समुत्पन्नो रामोऽसौ नृपसत्तमः
rāmāya kathitaṃ rājaṃstatte vakṣyāmi sāṃpratam| bhīṣma uvāca| kasminvaṃśe samutpanno rāmo'sau nṛpasattamaḥ
told to Rāma, O king; that I shall now relate to you. Bhīṣma said: In what lineage was that Rāma, best of kings, born,
AI translation rendered from the Sanskrit, not a published edition
PdP 1 35.11
यस्यागस्त्येन कथितश्चेतिहासः पुरातनः। पुलस्त्य उवाच। रघुवंशे समुत्पन्नो रामो नाम महाबलः
yasyāgastyena kathitaścetihāsaḥ purātanaḥ| pulastya uvāca| raghuvaṃśe samutpanno rāmo nāma mahābalaḥ
to whom this ancient tale was told by Agastya? Pulastya said: Born in the lineage of Raghu was one named Rāma, of great strength.
AI translation rendered from the Sanskrit, not a published edition
PdP 1 35.12
देवकार्यं कृतं तेन लंकायां रावणो हतः। पृथिवीं राज्यसंस्थस्य ऋषयोऽभ्यागता गृहे
devakāryaṃ kṛtaṃ tena laṃkāyāṃ rāvaṇo hataḥ| pṛthivīṃ rājyasaṃsthasya ṛṣayo'bhyāgatā gṛhe
The task of the gods was accomplished by him: Rāvaṇa was slain in Laṅkā. While he was established in kingship over the earth, sages came to his house.
AI translation rendered from the Sanskrit, not a published edition
PdP 1 35.13
प्राप्तास्ते तु महात्मानो राघवस्य निवेशनम्। प्रतीहारस्ततो राममगस्त्यवचनाद्द्रुतम्
prāptāste tu mahātmāno rāghavasya niveśanam| pratīhārastato rāmamagastyavacanāddrutam
Those great-souled ones reached the dwelling of the Rāghava. Then the doorkeeper, at Agastya's word, quickly
AI translation rendered from the Sanskrit, not a published edition
PdP 1 35.14
आवेदयामास ऋषीन्प्राप्तास्तांश्च त्वरान्वितः। दृष्ट्वा रामं द्वारपालः पूर्णचंद्रमिवोदितम्
āvedayāmāsa ṛṣīnprāptāstāṃśca tvarānvitaḥ| dṛṣṭvā rāmaṃ dvārapālaḥ pūrṇacaṃdramivoditam
announced to Rāma that the sages had arrived, and did so in haste. The gatekeeper, seeing Rāma risen like the full moon, (said):
AI translation rendered from the Sanskrit, not a published edition
PdP 1 35.15
कौसल्यासुत भद्रं ते सुप्रभाताद्य शर्वरी। द्रष्टुमभ्युदयं तेद्य सम्प्राप्तो रघुनंदन
kausalyāsuta bhadraṃ te suprabhātādya śarvarī| draṣṭumabhyudayaṃ tedya samprāpto raghunaṃdana
"Son of Kausalyā, good fortune to you! The night has dawned well today. Today, O delight of the Raghus, (one) has come to see your prosperity.
AI translation rendered from the Sanskrit, not a published edition
PdP 1 35.16
अगस्त्यो मुनिभिः सार्धं द्वारि तिष्ठति ते नृप। श्रुत्वा प्राप्तान्मुनीन्रामस्तान्भास्करसमद्युतीन्
agastyo munibhiḥ sārdhaṃ dvāri tiṣṭhati te nṛpa| śrutvā prāptānmunīnrāmastānbhāskarasamadyutīn
Agastya together with the sages stands at your door, O king." Hearing that the sages, whose splendour equalled the sun's, had come,
AI translation rendered from the Sanskrit, not a published edition
PdP 1 35.17
प्राह वाक्यं तदा द्वास्थं प्रवेशय त्वरान्वितः। किमर्थं तु त्वया द्वारि निरुद्धा मुनिसत्तमाः
prāha vākyaṃ tadā dvāsthaṃ praveśaya tvarānvitaḥ| kimarthaṃ tu tvayā dvāri niruddhā munisattamāḥ
Rāma then spoke this word to the doorkeeper: "Show them in at once! Why have the best of sages been held back by you at the door?"
AI translation rendered from the Sanskrit, not a published edition
PdP 1 35.18
रामवाक्यान्मुनींस्तांस्तु प्रावेशयद्यथासुखम्। दृष्ट्वा तु तान्मुनींन्प्राप्तान्प्रत्युवाच कृतांजलि
rāmavākyānmunīṃstāṃstu prāveśayadyathāsukham| dṛṣṭvā tu tānmunīṃnprāptānpratyuvāca kṛtāṃjali
At Rāma's word he let those sages in as they pleased. And seeing those sages who had come, he replied with joined palms;
AI translation rendered from the Sanskrit, not a published edition
PdP 1 35.19
रामोऽभिवाद्य प्रणत आसनेषु न्यवेशयत्। ते तु कांचनचित्रेषु स्वास्तीर्णेषु सुखेषु च
rāmo'bhivādya praṇata āsaneṣu nyaveśayat| te tu kāṃcanacitreṣu svāstīrṇeṣu sukheṣu ca
Rāma, saluting and bowing, seated them on seats. And they, on (seats) inlaid with gold, well spread and comfortable,
AI translation rendered from the Sanskrit, not a published edition
PdP 1 35.20
कुशोत्तरेषु चासीनाः समंतान्मुनिपुंगवाः। पाद्यमाचमनीयं च ददौ चार्घ्यं पुरोहितः
kuśottareṣu cāsīnāḥ samaṃtānmunipuṃgavāḥ| pādyamācamanīyaṃ ca dadau cārghyaṃ purohitaḥ
and covered over with kuśa grass, those bulls among sages sat all around; and the household priest gave water for the feet, water for rinsing the mouth, and the arghya offering.
AI translation rendered from the Sanskrit, not a published edition
PdP 1 35.21
रामेण कुशलं पृष्टा ऋषयः सर्व एव ते। महर्षयो वेदविद इदं वचनमब्रुवन्
rāmeṇa kuśalaṃ pṛṣṭā ṛṣayaḥ sarva eva te| maharṣayo vedavida idaṃ vacanamabruvan
Asked after their well-being by Rāma, all those seers, great sages knowing the Veda, spoke this word:
AI translation rendered from the Sanskrit, not a published edition
PdP 1 35.22
कुशलं ते महाबाहो सर्वत्र रघुनंदन। त्वां तु दिष्ट्या कुशलिनं पश्यामो हतविद्विषम्
kuśalaṃ te mahābāho sarvatra raghunaṃdana| tvāṃ tu diṣṭyā kuśalinaṃ paśyāmo hatavidviṣam
"All is well with you in every respect, mighty-armed delight of Raghu; and by good fortune we see you safe and sound, with your foes slain.
AI translation rendered from the Sanskrit, not a published edition
PdP 1 35.23
हृता सीतातिपापेन रावणेन दुरात्मना। पत्नी ते रघुशार्दूल तस्या एवौजसा हतः
hṛtā sītātipāpena rāvaṇena durātmanā| patnī te raghuśārdūla tasyā evaujasā hataḥ
Sītā was carried off by the exceedingly wicked, evil-souled Rāvaṇa — your wife, O tiger of Raghu; and it was by her very power that he was killed.
AI translation rendered from the Sanskrit, not a published edition
PdP 1 35.24
असहायेन चैकेन त्वया राम रणे हतः। यादृशं ते कृतं कर्म तस्य कर्ता न विद्यते
asahāyena caikena tvayā rāma raṇe hataḥ| yādṛśaṃ te kṛtaṃ karma tasya kartā na vidyate
By you alone, without any helper, Rāma, he was slain in battle; of such a deed as you have done, no (other) doer is to be found.
AI translation rendered from the Sanskrit, not a published edition
PdP 1 35.25
इह संभाषितुं प्राप्ता दृष्ट्वा पूताः स्म सांप्रतम्। दर्शनात्तव राजेंद्र सर्वे जातास्तपस्विनः
iha saṃbhāṣituṃ prāptā dṛṣṭvā pūtāḥ sma sāṃpratam| darśanāttava rājeṃdra sarve jātāstapasvinaḥ
We have come here to converse (with you); having seen (you), we are now purified. By the sight of you, lord of kings, all have become ascetics.
AI translation rendered from the Sanskrit, not a published edition
PdP 1 35.26
रावणस्य वधात्तेद्य कृतमश्रुप्रमार्जनम्। दत्वा पुण्यामिमां वीर जगत्यभयदक्षिणाम्
rāvaṇasya vadhāttedya kṛtamaśrupramārjanam| datvā puṇyāmimāṃ vīra jagatyabhayadakṣiṇām
By your slaying of Rāvaṇa the wiping away of tears has today been accomplished, since you have given, O hero, this meritorious gift of fearlessness to the world.
AI translation rendered from the Sanskrit, not a published edition
PdP 1 35.27
दिष्ट्या वर्धसि काकुत्स्थ जयेनामितविक्रम। दृष्टस्संभाषितश्चासि यास्यामश्चाश्रमान्स्वकान्
diṣṭyā vardhasi kākutstha jayenāmitavikrama| dṛṣṭassaṃbhāṣitaścāsi yāsyāmaścāśramānsvakān
By good fortune you flourish with victory, Kākutstha of measureless prowess. You have been seen and spoken with, and we shall (now) go to our own hermitages.
AI translation rendered from the Sanskrit, not a published edition
PdP 1 35.28
अरण्यं ते प्रविष्टस्य मया चेंद्रशरासनम्। अर्पितं चाक्षयौ तूणौ कवचं च परंतप
araṇyaṃ te praviṣṭasya mayā ceṃdraśarāsanam| arpitaṃ cākṣayau tūṇau kavacaṃ ca paraṃtapa
When you had entered the forest, Indra's bow was presented by me, and the two inexhaustible quivers and the armour, O scorcher of foes.
AI translation rendered from the Sanskrit, not a published edition
PdP 1 35.29
भूयोप्यागमनं कार्यमाश्रमे मे रघूद्वह। एवमुक्त्वा तु ते सर्वे मुनयोंतर्हिताऽभवन्
bhūyopyāgamanaṃ kāryamāśrame me raghūdvaha| evamuktvā tu te sarve munayoṃtarhitā'bhavan
A coming to my hermitage must be made once again, O best of the Raghus." Having spoken thus, all those sages vanished.
AI translation rendered from the Sanskrit, not a published edition
PdP 1 35.30
गतेषु मुनिमुख्येषु रामो धर्मभृतां वरः। चिंतयामास तत्कार्यं किं स्यान्मे मुनिनोदितम्
gateṣu munimukhyeṣu rāmo dharmabhṛtāṃ varaḥ| ciṃtayāmāsa tatkāryaṃ kiṃ syānme muninoditam
When the chief sages had gone, Rāma, the best of the upholders of dharma, pondered that matter: "What may this be that the sage has enjoined upon me?
AI translation rendered from the Sanskrit, not a published edition
PdP 1 35.31
भूयोप्यागमनं कार्यमाश्रमे रघुनंदन। अवश्यमेव गंतव्यं मयाऽगस्त्यस्य सन्निधौ
bhūyopyāgamanaṃ kāryamāśrame raghunaṃdana| avaśyameva gaṃtavyaṃ mayā'gastyasya sannidhau
'A coming to the hermitage must be made once again, delight of Raghu' — so I must without fail go into Agastya's presence,
AI translation rendered from the Sanskrit, not a published edition
PdP 1 35.32
श्रोतव्यं देवगुह्यं तु कार्यमन्यच्च यद्वदेत्। एवं चिंतयतस्तस्य रामस्यामिततेजसः
śrotavyaṃ devaguhyaṃ tu kāryamanyacca yadvadet| evaṃ ciṃtayatastasya rāmasyāmitatejasaḥ
and the secret of the gods is to be heard, and whatever other matter he may speak of." As Rāma of measureless splendour was thinking thus,
AI translation rendered from the Sanskrit, not a published edition
PdP 1 35.33
करिष्ये नियतं धर्मं धर्मो हि परमा गतिः। सुतवर्षसहस्राणि दश राज्यमकारयत्
kariṣye niyataṃ dharmaṃ dharmo hi paramā gatiḥ| sutavarṣasahasrāṇi daśa rājyamakārayat
(he resolved:) "I shall practise dharma steadfastly, for dharma is the highest goal." For ten thousand years he had the kingdom governed.
AI translation rendered from the Sanskrit, not a published edition — the model flagged this verse as uncertain
PdP 1 35.34
ददतो जुह्वतश्चैव जग्मुस्तान्येकवर्षवत्। प्रजाः पालयतस्तस्य राघवस्य महात्मनः
dadato juhvataścaiva jagmustānyekavarṣavat| prajāḥ pālayatastasya rāghavasya mahātmanaḥ
As he gave (gifts) and offered oblations, those (years) passed as if a single year. While that great-souled Rāghava was protecting his subjects,
AI translation rendered from the Sanskrit, not a published edition
PdP 1 35.35
एतस्मिन्नेव दिवसे वृद्धो जानपदो द्विजः। मृतं पुत्रमुपादाय रामद्वारमुपागतः
etasminneva divase vṛddho jānapado dvijaḥ| mṛtaṃ putramupādāya rāmadvāramupāgataḥ
on this very day an old brahmin, a country dweller, taking up his dead son, came to Rāma's gate.
AI translation rendered from the Sanskrit, not a published edition
PdP 1 35.36
उवाच विविधं वाक्यं स्नेहाक्षरसमन्वितम्। दुष्कृतं किंतु मे पुत्र पूर्वदेहांतरे कृतम्
uvāca vividhaṃ vākyaṃ snehākṣarasamanvitam| duṣkṛtaṃ kiṃtu me putra pūrvadehāṃtare kṛtam
He spoke manifold words attended with syllables of affection: "But what evil deed was done by me, my son, in a former body,
AI translation rendered from the Sanskrit, not a published edition
PdP 1 35.37
त्वामेकपुत्रं यदहं पश्यामि निधनं गतम्। अप्राप्तयौवनं बालं पंचवर्षं गतायुषम्
tvāmekaputraṃ yadahaṃ paśyāmi nidhanaṃ gatam| aprāptayauvanaṃ bālaṃ paṃcavarṣaṃ gatāyuṣam
in that I see you, my only son, gone to death — a child who has not reached youth, five years old, his life span gone,
AI translation rendered from the Sanskrit, not a published edition
PdP 1 35.38
अकाले कालमापन्नं दुःखाय मम पुत्रक। अकृत्वा पितृकार्याणि गतो वैवस्वतक्षयम्
akāle kālamāpannaṃ duḥkhāya mama putraka| akṛtvā pitṛkāryāṇi gato vaivasvatakṣayam
come to his end out of season, to my grief, my little son, gone to the abode of Vaivasvata without having performed the rites for the fathers.
AI translation rendered from the Sanskrit, not a published edition
PdP 1 35.39
रामस्य दुष्कृतं व्यक्तं येन ते मृत्युरागतः। बालवध्या ब्रह्मवध्या स्त्रीवध्या चैव राघवम्
rāmasya duṣkṛtaṃ vyaktaṃ yena te mṛtyurāgataḥ| bālavadhyā brahmavadhyā strīvadhyā caiva rāghavam
Plainly it is Rāma's misdeed, by which death has come to you; and the guilt of killing a child, of killing a brahmin, and of killing a woman will enter Rāghava—
AI translation rendered from the Sanskrit, not a published edition
PdP 1 35.40
प्रवेक्ष्यति न सन्देहः सभार्ये तु मृते मयि। शुश्राव राघवः सर्वं दुःखशोकसमन्वितम्
pravekṣyati na sandehaḥ sabhārye tu mṛte mayi| śuśrāva rāghavaḥ sarvaṃ duḥkhaśokasamanvitam
—will enter (him), there is no doubt, if I die together with my wife." Rāghava heard it all, filled with pain and sorrow.
AI translation rendered from the Sanskrit, not a published edition
PdP 1 35.41
निवार्य तं द्विजं रामो वसिष्ठं वाक्यमब्रवीत्। किं मयाद्य च कर्तव्यं कार्यमेवं विधे स्थिते
nivārya taṃ dvijaṃ rāmo vasiṣṭhaṃ vākyamabravīt| kiṃ mayādya ca kartavyaṃ kāryamevaṃ vidhe sthite
Having restrained that brahmin, Rāma spoke these words to Vasiṣṭha: "What is the thing to be done by me today, the matter standing in this fashion?
AI translation rendered from the Sanskrit, not a published edition
PdP 1 35.42
प्राणानहं जुहोम्यग्नौ पर्वताद्वा पतेह्यहम्। कथं शुद्धिमहं यामि श्रुत्वा ब्राह्मणभाषितम्
prāṇānahaṃ juhomyagnau parvatādvā patehyaham| kathaṃ śuddhimahaṃ yāmi śrutvā brāhmaṇabhāṣitam
"Shall I offer my life-breaths into the fire, or shall I fall from a mountain? How am I to attain purity, having heard what the brahmin has said?"
AI translation rendered from the Sanskrit, not a published edition
PdP 1 35.43
वसिष्ठस्याग्रतः स्थित्वा राज्ञो दीनस्य नारदः। प्रत्युवाच श्रुतं वाक्यमृषीणां सन्निधौ तदा
vasiṣṭhasyāgrataḥ sthitvā rājño dīnasya nāradaḥ| pratyuvāca śrutaṃ vākyamṛṣīṇāṃ sannidhau tadā
Then Nārada, standing before Vasiṣṭha and the distressed king, replied, in the presence of the sages, to the words he had heard:
AI translation rendered from the Sanskrit, not a published edition
PdP 1 35.44
शृणु राम यथाकालं प्राप्तो वै बालसंक्षयः। पुरा कृतयुगे राम सर्वत्र ब्राह्मणोत्तरम्
śṛṇu rāma yathākālaṃ prāpto vai bālasaṃkṣayaḥ| purā kṛtayuge rāma sarvatra brāhmaṇottaram
"Listen, Rāma: the boy's death has come about in accordance with the time. Formerly, Rāma, in the Kṛta age, everywhere the brahmin was foremost.
AI translation rendered from the Sanskrit, not a published edition
PdP 1 35.45
अब्राह्मणो न वै कश्चित्तपस्तपति राघव। अमृत्यवस्तदा सर्वे जायंते चिरजीविनः
abrāhmaṇo na vai kaścittapastapati rāghava| amṛtyavastadā sarve jāyaṃte cirajīvinaḥ
No one who was not a brahmin performed austerity, Rāghava; then all were born deathless and long-lived.
AI translation rendered from the Sanskrit, not a published edition
PdP 1 35.46
त्रेतायुगे पुनः प्राप्ते ब्रह्मक्षत्रमनुत्तमम्। अधर्मो द्वापरे तेषां वैश्यान्शूद्रांस्तथाविशत्
tretāyuge punaḥ prāpte brahmakṣatramanuttamam| adharmo dvāpare teṣāṃ vaiśyānśūdrāṃstathāviśat
When the Tretā age came, brahmin and kṣatriya were supreme; in the Dvāpara, unrighteousness entered them, and likewise the vaiśyas and śūdras.
AI translation rendered from the Sanskrit, not a published edition
PdP 1 35.47
एवं निरंतरं जुष्टमुद्भूतमनृतं पुनः। अधर्मस्य त्रयः पादा एको धर्मस्य चागतः
evaṃ niraṃtaraṃ juṣṭamudbhūtamanṛtaṃ punaḥ| adharmasya trayaḥ pādā eko dharmasya cāgataḥ
Thus untruth, continually indulged in, arose again; three feet belonged to unrighteousness, and one came to righteousness.
AI translation rendered from the Sanskrit, not a published edition
PdP 1 35.48
ततः पूर्वे भृशं त्रस्ता वर्णा ब्राह्मणपूर्वकाः। भूयः पादस्तु धर्मस्य द्वितीयः समपद्यत
tataḥ pūrve bhṛśaṃ trastā varṇā brāhmaṇapūrvakāḥ| bhūyaḥ pādastu dharmasya dvitīyaḥ samapadyata
Then the former classes, with the brahmins at their head, were greatly terrified; and once more a second foot of righteousness was established.
AI translation rendered from the Sanskrit, not a published edition
PdP 1 35.49
तस्मिन्द्वापरसंज्ञे तु तपो वैश्यं समाविशत्। युगत्रयस्य वैधर्म्यं धर्मस्य प्रतितिष्ठति
tasmindvāparasaṃjñe tu tapo vaiśyaṃ samāviśat| yugatrayasya vaidharmyaṃ dharmasya pratitiṣṭhati
In that (age) named Dvāpara, austerity entered the vaiśya; the contrariety to dharma of the three ages becomes established (as) dharma.
AI translation rendered from the Sanskrit, not a published edition — the model flagged this verse as uncertain
PdP 1 35.50
कलिसंज्ञे ततः प्राप्ते वर्तमाने युगेंतिमे। अधर्मश्चानृतं चैव ववृधाते नरर्षभ1.35.
kalisaṃjñe tataḥ prāpte vartamāne yugeṃtime| adharmaścānṛtaṃ caiva vavṛdhāte nararṣabha1.35.
Then, when the (age) named Kali has arrived, the last age being now in course, unrighteousness and untruth both increase, O bull among men.
AI translation rendered from the Sanskrit, not a published edition
PdP 1 35.51
भविता शूद्रयोन्यां तु तपश्चर्या कलौ युगे। स ते विषयपर्यंते राजन्नुग्रतरं तपः
bhavitā śūdrayonyāṃ tu tapaścaryā kalau yuge| sa te viṣayaparyaṃte rājannugrataraṃ tapaḥ
But in the Kali age the practice of austerity will occur in a śūdra womb; he, at the border of your realm, O king, (performs) a most fierce austerity.
AI translation rendered from the Sanskrit, not a published edition
PdP 1 35.52
शूद्रस्तपति दुर्बुद्धिस्तेन बालवधः कृतः। यस्याधर्ममकार्यं वा विषये पार्थिवस्य हि
śūdrastapati durbuddhistena bālavadhaḥ kṛtaḥ| yasyādharmamakāryaṃ vā viṣaye pārthivasya hi
An evil-minded śūdra is performing austerity; by him the boy's death has been caused. For whoever, in the territory of a king,
AI translation rendered from the Sanskrit, not a published edition
PdP 1 35.53
पुरे वा राजशार्दूल कुरुते दुर्मतिर्नरः। क्षिप्रं स नरकं याति यावदाभूतसंप्लवम्
pure vā rājaśārdūla kurute durmatirnaraḥ| kṣipraṃ sa narakaṃ yāti yāvadābhūtasaṃplavam
or in his city, O tiger among kings, being of evil mind commits unrighteousness or a forbidden act — swiftly he goes to hell, until the dissolution of beings.
AI translation rendered from the Sanskrit, not a published edition
PdP 1 35.54
चतुर्थं तस्य पापस्य भागमश्नाति पार्थिवः। सत्त्वं पुरुषशार्दूल गच्छस्व विषयं स्वकम्
caturthaṃ tasya pāpasya bhāgamaśnāti pārthivaḥ| sattvaṃ puruṣaśārdūla gacchasva viṣayaṃ svakam
The king consumes a fourth part of that sin. Take courage, tiger among men; go to your own territory.
AI translation rendered from the Sanskrit, not a published edition
PdP 1 35.55
दुष्कृतं यत्र पश्येथास्तत्र यत्नं समाचर। एवं ते धर्मवृद्धिश्च बलस्य वर्धनं तथा
duṣkṛtaṃ yatra paśyethāstatra yatnaṃ samācara| evaṃ te dharmavṛddhiśca balasya vardhanaṃ tathā
Where you see a misdeed, there make effort. Thus there will be for you an increase of dharma and likewise a growth of strength,
AI translation rendered from the Sanskrit, not a published edition
PdP 1 35.56
भविष्यति नरश्रेष्ठ बालस्यास्य च जीवनम्। नारदेनैवमुक्तस्तु साश्चर्यो रघुनंदनः
bhaviṣyati naraśreṣṭha bālasyāsya ca jīvanam| nāradenaivamuktastu sāścaryo raghunaṃdanaḥ
and this boy's life (will be restored), O best of men." Addressed thus by Nārada, the delight of the Raghus was filled with wonder
AI translation rendered from the Sanskrit, not a published edition
PdP 1 35.57
प्रहर्षमतुलं लेभे लक्ष्मणं चेदमब्रवीत्। गच्छ सौम्य द्विजश्रेष्ठं समाश्वासय लक्ष्मण
praharṣamatulaṃ lebhe lakṣmaṇaṃ cedamabravīt| gaccha saumya dvijaśreṣṭhaṃ samāśvāsaya lakṣmaṇa
and obtained unequalled joy, and said this to Lakṣmaṇa: "Go, gentle one, and comfort the best of brahmins, Lakṣmaṇa.
AI translation rendered from the Sanskrit, not a published edition
PdP 1 35.58
बालस्य च शरीरं त्वं तैलद्रोण्यां निधापय। गंधैश्च परमोदारैस्तैलैश्चैव सुगंधिभिः
bālasya ca śarīraṃ tvaṃ tailadroṇyāṃ nidhāpaya| gaṃdhaiśca paramodāraistailaiścaiva sugaṃdhibhiḥ
And have the boy's body laid in a vat of oil, with most excellent perfumes and with fragrant oils.
AI translation rendered from the Sanskrit, not a published edition
PdP 1 35.59
यथा न शीर्यते बालस्तथा सौम्य विधीयताम्। यथा शरीरं गुप्तं स्याद्बालस्याक्लिष्टकर्मणः
yathā na śīryate bālastathā saumya vidhīyatām| yathā śarīraṃ guptaṃ syādbālasyākliṣṭakarmaṇaḥ
Let it be arranged, gentle one, in such a way that the boy does not decay; so that the body of the boy of untiring deeds may be protected,
AI translation rendered from the Sanskrit, not a published edition
PdP 1 35.60
विपत्तिः परिभेदो वा न भवेत्तत्तथा कुरु। तथा संदिश्य सौमित्रं लक्ष्मणं शुभलक्षणम्
vipattiḥ paribhedo vā na bhavettattathā kuru| tathā saṃdiśya saumitraṃ lakṣmaṇaṃ śubhalakṣaṇam
and that no ruin or decomposition may befall it — do that so." Having thus instructed Lakṣmaṇa, Sumitrā's son of auspicious marks,
AI translation rendered from the Sanskrit, not a published edition
PdP 1 35.61
मनसा पुष्पकं दध्यावागच्छेति महायशाः। इंगितं तत्तु विज्ञाय कामगं हेमभूषितम्
manasā puṣpakaṃ dadhyāvāgaccheti mahāyaśāḥ| iṃgitaṃ tattu vijñāya kāmagaṃ hemabhūṣitam
the greatly renowned one thought in his mind of the Puṣpaka: "Come!" And it, gold-adorned and moving at will, understanding that intimation,
AI translation rendered from the Sanskrit, not a published edition
PdP 1 35.62
आजगाम मुहूर्तात्तु समीपं राघवस्य हि। सोब्रवीत्प्राञ्जलिर्वाक्यमहमस्मि नराधिप
ājagāma muhūrtāttu samīpaṃ rāghavasya hi| sobravītprāñjalirvākyamahamasmi narādhipa
In a moment it came near to Rāghava, and it said with joined palms: "I am, O lord of men,
AI translation rendered from the Sanskrit, not a published edition
PdP 1 35.63
अग्रे तव महाबाहो किंकरः समुपस्थितः। भाषितं सुचिरं श्रुत्वा पुष्पकस्य नराधिप
agre tava mahābāho kiṃkaraḥ samupasthitaḥ| bhāṣitaṃ suciraṃ śrutvā puṣpakasya narādhipa
standing before you, O mighty-armed one, as (your) servant." Having heard the long speech of Puṣpaka, O king,
AI translation rendered from the Sanskrit, not a published edition
PdP 1 35.64
अभिवाद्य महर्षींस्तान्विमानं सोध्यरोहत। धनुर्गृहीत्वा तूणौ च खड्गं चापि महाप्रभम्
abhivādya maharṣīṃstānvimānaṃ sodhyarohata| dhanurgṛhītvā tūṇau ca khaḍgaṃ cāpi mahāprabham
after saluting those great seers he then mounted the flying chariot, having taken his bow and the two quivers and also his brightly gleaming sword.
AI translation rendered from the Sanskrit, not a published edition
PdP 1 35.65
निक्षिप्य नगरे वीरौ सौमित्रि भरतावुभौ। प्रायात्प्रतीचीं त्वरितो विचिन्वन्सुसमाहितः
nikṣipya nagare vīrau saumitri bharatāvubhau| prāyātpratīcīṃ tvarito vicinvansusamāhitaḥ
Leaving both heroes in the city, Saumitri (Lakṣmaṇa) and Bharata, he set out in haste toward the west, searching, wholly intent.
AI translation rendered from the Sanskrit, not a published edition
PdP 1 35.66
उत्तरामगमत्पश्चाद्दिशं हिमवदाश्रिताम्। पूर्वामपि दिशां गत्वा तथाऽपश्यन्नराधिपः
uttarāmagamatpaścāddiśaṃ himavadāśritām| pūrvāmapi diśāṃ gatvā tathā'paśyannarādhipaḥ
Afterwards he went to the northern quarter that rests upon the Himālaya; and having gone also to the eastern quarter, the lord of men saw (nothing) so (as he sought).
AI translation rendered from the Sanskrit, not a published edition — the model flagged this verse as uncertain
PdP 1 35.67
सर्वां शुद्धसमाचारामादर्शमिव निर्मलाम्। ततो दिशं समाक्रामद्दक्षिणां रघुनंदनः
sarvāṃ śuddhasamācārāmādarśamiva nirmalām| tato diśaṃ samākrāmaddakṣiṇāṃ raghunaṃdanaḥ
(He saw) the whole (region) pure in its practices, spotless like a mirror. Then the delight of the Raghus advanced upon the southern quarter.
AI translation rendered from the Sanskrit, not a published edition
PdP 1 35.68
शैलस्य उत्तरे पार्श्वे ददर्श सुमहत्सरः। तस्मिन्सरसि तप्यंतं तापसं सुमहत्तपः
śailasya uttare pārśve dadarśa sumahatsaraḥ| tasminsarasi tapyaṃtaṃ tāpasaṃ sumahattapaḥ
On the northern side of a mountain he saw a very great lake; and in that lake an ascetic practising very great austerity—
AI translation rendered from the Sanskrit, not a published edition
PdP 1 35.69
ददर्श राघवो भीमं लंबमानमधोमुखं। तमुपागम्य काकुत्स्थस्तप्यमानं तु तापसम्
dadarśa rāghavo bhīmaṃ laṃbamānamadhomukhaṃ| tamupāgamya kākutsthastapyamānaṃ tu tāpasam
Rāghava saw him, terrible, hanging head downward. Approaching him, the ascetic practising austerity, Kākutstha
AI translation rendered from the Sanskrit, not a published edition
PdP 1 35.70
उवाच राघवो वाक्यं धन्यस्त्वममरप्रभ। कस्यां योनौ तपोवृद्धिर्वर्तते दृढनिश्चय
uvāca rāghavo vākyaṃ dhanyastvamamaraprabha| kasyāṃ yonau tapovṛddhirvartate dṛḍhaniścaya
—Rāghava spoke these words: "Blessed are you, O you with the radiance of an immortal. In which birth (or caste) does this increase of austerity of yours take place, O firm of resolve?
AI translation rendered from the Sanskrit, not a published edition
PdP 1 35.71
अहं दाशरथी रामः पृच्छामि त्वां कुतूहलात्। कोर्थो व्यवसितस्तुभ्यं स्वर्गलोकोथ वेतरः
ahaṃ dāśarathī rāmaḥ pṛcchāmi tvāṃ kutūhalāt| kortho vyavasitastubhyaṃ svargalokotha vetaraḥ
I, Rāma the son of Daśaratha, ask you out of curiosity: what aim have you resolved upon—the world of heaven, or something else?
AI translation rendered from the Sanskrit, not a published edition
PdP 1 35.72
किमर्थं तप्यसे वा त्वं श्रोतुमिच्छामि तापस। ब्राह्मणो वासि भद्रं ते क्षत्रियो वाथ दुर्जयः
kimarthaṃ tapyase vā tvaṃ śrotumicchāmi tāpasa| brāhmaṇo vāsi bhadraṃ te kṣatriyo vātha durjayaḥ
Or for what purpose do you practise austerity? I wish to hear, O ascetic. Are you a brahmin—good fortune to you—or a kṣatriya hard to conquer,
AI translation rendered from the Sanskrit, not a published edition
PdP 1 35.73
वैश्यस्तृतीयवर्णो वा शूद्रो वा सत्यमुच्यताम्। तपः सत्यात्मकं नित्यं स्वर्गलोकपरिग्रहे
vaiśyastṛtīyavarṇo vā śūdro vā satyamucyatām| tapaḥ satyātmakaṃ nityaṃ svargalokaparigrahe
or a vaiśya, of the third class, or a śūdra? Let the truth be told. Austerity is always truth-natured in the winning of the world of heaven.
AI translation rendered from the Sanskrit, not a published edition
PdP 1 35.74
सात्विकं राजसं चैव तच्च सत्यात्मकं तपः। जगदुपकारहेतुर्हि सृष्टं तद्वै विरिंचिना
sātvikaṃ rājasaṃ caiva tacca satyātmakaṃ tapaḥ| jagadupakāraheturhi sṛṣṭaṃ tadvai viriṃcinā
(There is austerity) sāttvika and rājasa; and that (sāttvika) austerity is truth-natured, for it was created by Brahmā as a cause of benefit to the world.
AI translation rendered from the Sanskrit, not a published edition
PdP 1 35.75
रौद्रं क्षत्रियतेजोजं तत्तु राजसमुच्यते। परस्योत्सादनार्थाय तच्चासुरमुदाहृतम्
raudraṃ kṣatriyatejojaṃ tattu rājasamucyate| parasyotsādanārthāya taccāsuramudāhṛtam
The fierce (austerity), born of kṣatriya energy, is called rājasa; and that which aims at the destruction of another is declared to be demonic.
AI translation rendered from the Sanskrit, not a published edition
PdP 1 35.76
अंगानि निह्नुते यो वा असृग्दिग्धानि भागशः। पंचाग्निंसाधयेद्वापि सिद्धिं वा मृत्युमेव वा
aṃgāni nihnute yo vā asṛgdigdhāni bhāgaśaḥ| paṃcāgniṃsādhayedvāpi siddhiṃ vā mṛtyumeva vā
Or he who offers up his limbs, smeared with blood, portion by portion, or would master the five fires—(the result is) either success or else death.
AI translation rendered from the Sanskrit, not a published edition — the model flagged this verse as uncertain
PdP 1 35.77
आसुरो ह्येष ते भावो न च मे त्वं द्विजो मतः। सत्यं ते वदतः सिद्धिरनृते नास्ति जीवितम्
āsuro hyeṣa te bhāvo na ca me tvaṃ dvijo mataḥ| satyaṃ te vadataḥ siddhiranṛte nāsti jīvitam
This disposition of yours is indeed demonic, and you are not held by me to be a twice-born. If you speak the truth there is success for you; in falsehood there is no life.
AI translation rendered from the Sanskrit, not a published edition
PdP 1 35.78
तस्य तद्भाषितं श्रुत्वा रामस्याक्लिष्टकर्मणः। अवाक्शिरास्तथा भूतो वाक्यमेतदुवाच ह
tasya tadbhāṣitaṃ śrutvā rāmasyākliṣṭakarmaṇaḥ| avākśirāstathā bhūto vākyametaduvāca ha
Hearing that speech of Rāma of untiring deeds, he, being still head-downward, spoke these words:
AI translation rendered from the Sanskrit, not a published edition
PdP 1 35.79
स्वागतं ते नृपश्रेष्ठ चिराद्दृष्टोसि राघव। पुत्रभूतोस्मि ते चाहं पितृभूतोसि मेनघ
svāgataṃ te nṛpaśreṣṭha cirāddṛṣṭosi rāghava| putrabhūtosmi te cāhaṃ pitṛbhūtosi menagha
"Welcome to you, best of kings; after long you have been seen, Rāghava. I have become your son, and you, O sinless one, have become my father.
AI translation rendered from the Sanskrit, not a published edition
PdP 1 35.80
अथवा नैतदेवं हि सर्वेषां नृपतिः पिता। सत्वमर्च्योऽसि भो राजन्वयं ते विषये तपः
athavā naitadevaṃ hi sarveṣāṃ nṛpatiḥ pitā| satvamarcyo'si bho rājanvayaṃ te viṣaye tapaḥ
Or rather it is not just so, for the king is the father of all. Truly you are to be honoured, O king; this austerity of ours is (performed) in your realm.
AI translation rendered from the Sanskrit, not a published edition
PdP 1 35.81
चरामस्तत्रभागोस्ति पूर्वं सृष्टः स्वयंभुवा। न धन्याः स्मो वयं राम धन्यस्त्वमसि पार्थिव
carāmastatrabhāgosti pūrvaṃ sṛṣṭaḥ svayaṃbhuvā| na dhanyāḥ smo vayaṃ rāma dhanyastvamasi pārthiva
We wander (here); there is a portion in it, created of old by the Self-existent. We are not the blessed ones, Rāma; you are the blessed one, O prince.
AI translation rendered from the Sanskrit, not a published edition — the model flagged this verse as uncertain
PdP 1 35.82
यस्य ते विषये ह्येवं सिद्धिमिच्छंति तापसाः। तपसा त्वं मदीयेन सिद्धिमाप्नुहि राघव
yasya te viṣaye hyevaṃ siddhimicchaṃti tāpasāḥ| tapasā tvaṃ madīyena siddhimāpnuhi rāghava
“Since in your realm ascetics desire (such) attainment in this way — by my austerity, do you obtain the attainment, Rāghava!”
AI translation rendered from the Sanskrit, not a published edition — the model flagged this verse as uncertain
PdP 1 35.83
यदेतद्भवता प्रोक्तं योनौ कस्यां तु ते तपः। शूद्रयोनिप्रसूतोहं तप उग्रं समास्थितः
yadetadbhavatā proktaṃ yonau kasyāṃ tu te tapaḥ| śūdrayoniprasūtohaṃ tapa ugraṃ samāsthitaḥ
“As to what has been said by you — ‘in which womb (caste) is your austerity?’ — I am born of a śūdra womb, and I have undertaken fierce austerity.”
AI translation rendered from the Sanskrit, not a published edition
PdP 1 35.84
देवत्वं प्रार्थये राम स्वशरीरेण सुव्रत। न मिथ्याहं वदे भूप देवलोकजिगीषया
devatvaṃ prārthaye rāma svaśarīreṇa suvrata| na mithyāhaṃ vade bhūpa devalokajigīṣayā
“I seek godhood with my own body, Rāma, O you of good vows; I do not speak falsely, O king: (I do it) out of a wish to win the world of the gods.”
AI translation rendered from the Sanskrit, not a published edition
PdP 1 35.85
शूद्रं मां विद्धि काकुत्स्थ शंबूकं नाम नामतः। भाषतस्तस्य काकुत्स्थः खड्गं तु रुचिरप्रभं
śūdraṃ māṃ viddhi kākutstha śaṃbūkaṃ nāma nāmataḥ| bhāṣatastasya kākutsthaḥ khaḍgaṃ tu ruciraprabhaṃ
“Know me to be a śūdra, Kākutstha, Śambūka by name.” While he was still speaking, Kākutstha (drew) his sword of lovely brilliance —
AI translation rendered from the Sanskrit, not a published edition
PdP 1 35.86
निष्कृष्य कोशाद्विमलं शिरश्चिच्छेद राघवः। तस्मिन्शूद्रे हते देवाः सेन्द्राश्चाग्निपुरोगमाः
niṣkṛṣya kośādvimalaṃ śiraściccheda rāghavaḥ| tasminśūdre hate devāḥ sendrāścāgnipurogamāḥ
having drawn the spotless (blade) from its sheath, Rāghava cut off his head. When that śūdra was slain, the gods, together with Indra and with Agni at their head,
AI translation rendered from the Sanskrit, not a published edition
PdP 1 35.87
साधुसाध्विति काकुत्स्थं प्रशशंसुर्मुहुर्मुहुः। पुष्पवृष्टिश्च महती देवानां सुसुगंधिनी
sādhusādhviti kākutsthaṃ praśaśaṃsurmuhurmuhuḥ| puṣpavṛṣṭiśca mahatī devānāṃ susugaṃdhinī
praised Kākutstha again and again, (crying) “Well done, well done!”; and a great, sweetly fragrant rain of flowers of the gods,
AI translation rendered from the Sanskrit, not a published edition
PdP 1 35.88
आकाशाद्विप्रमुक्ता तु राघवं सर्वतोकिरत्। सुप्रीताश्चाब्रुवन्देवा रामं वाक्यविदांवरम्
ākāśādvipramuktā tu rāghavaṃ sarvatokirat| suprītāścābruvandevā rāmaṃ vākyavidāṃvaram
released from the sky, showered Rāghava on every side; and the gods, well pleased, said to Rāma, the best of those skilled in speech:
AI translation rendered from the Sanskrit, not a published edition
PdP 1 35.89
सुरकार्यमिदं सौम्य कृतं ते रघुनंदन। गृहाण च वरं राम यमिच्छसि महाव्रत
surakāryamidaṃ saumya kṛtaṃ te raghunaṃdana| gṛhāṇa ca varaṃ rāma yamicchasi mahāvrata
“This work for the gods has been done by you, gentle one, O delight of the Raghus; and take a boon, Rāma, whichever you wish, O you of great vows.
AI translation rendered from the Sanskrit, not a published edition
PdP 1 35.90
त्वत्कृतेन हि शूद्रोऽयं सशरीरोऽभ्यगाद्दिवं। देवानां भाषितं श्रुत्वा राघवः सुसमाहितः
tvatkṛtena hi śūdro'yaṃ saśarīro'bhyagāddivaṃ| devānāṃ bhāṣitaṃ śrutvā rāghavaḥ susamāhitaḥ
For by your deed this śūdra has gone to heaven with his body.” Hearing the speech of the gods, Rāghava, well composed,
AI translation rendered from the Sanskrit, not a published edition
PdP 1 35.91
उवाच प्राञ्जलिर्वाक्यं सहस्राक्षं पुरंदरम्। यदि देवाः प्रसन्ना मे वरार्हो यदि वाप्यहम्
uvāca prāñjalirvākyaṃ sahasrākṣaṃ puraṃdaram| yadi devāḥ prasannā me varārho yadi vāpyaham
with folded hands spoke these words to the thousand-eyed Purandara: “If the gods are pleased with me, or if I am worthy of a boon,
AI translation rendered from the Sanskrit, not a published edition
PdP 1 35.92
कर्मणा यदि मे प्रीता द्विजपुत्रः स जीवतु। वरमेतद्धि भवतां कांक्षितं परमं हि मे
karmaṇā yadi me prītā dvijaputraḥ sa jīvatu| varametaddhi bhavatāṃ kāṃkṣitaṃ paramaṃ hi me
if you are pleased with my deed, let that son of the brahmin live. This indeed is the boon I ask of you, the highest for me.
AI translation rendered from the Sanskrit, not a published edition
PdP 1 35.93
ममापराधाद्बालोऽसौ ब्राह्मणस्यैकपुत्रकः। अप्राप्तकालः कालेन नीतो वैवस्वत क्षयम्
mamāparādhādbālo'sau brāhmaṇasyaikaputrakaḥ| aprāptakālaḥ kālena nīto vaivasvata kṣayam
Through my fault that boy, the only son of a brahmin, before his time was led by Death to the abode of Vaivasvata (Yama).
AI translation rendered from the Sanskrit, not a published edition
PdP 1 35.94
तं जीवयत भद्रं वो नानृती स्यामहं गुरोः। द्विजस्य संश्रुतो ह्यर्थो जीवयिष्यामि ते सुतम्
taṃ jīvayata bhadraṃ vo nānṛtī syāmahaṃ guroḥ| dvijasya saṃśruto hyartho jīvayiṣyāmi te sutam
Bring him to life — blessings on you! — let me not prove false to (my) teacher. For the matter was promised to the brahmin: ‘I will bring your son to life.’
AI translation rendered from the Sanskrit, not a published edition
PdP 1 35.95
मदीयेनायुषा बालं पादेनार्द्धेन वा सुराः। जीवेदयं वरो मह्यं वरकोट्यधिको वृतः
madīyenāyuṣā bālaṃ pādenārddhena vā surāḥ| jīvedayaṃ varo mahyaṃ varakoṭyadhiko vṛtaḥ
Let the boy live by my own lifespan, by a quarter or a half of it, O gods. This boon chosen (by me) is worth more than ten million boons to me.”
AI translation rendered from the Sanskrit, not a published edition
PdP 1 35.96
राघवस्य तु तद्वाक्यं श्रुत्वा विबुधसत्तमाः। प्रत्यूचुस्ते महात्मानं प्रीताः प्रीतिसमन्विताः
rāghavasya tu tadvākyaṃ śrutvā vibudhasattamāḥ| pratyūcuste mahātmānaṃ prītāḥ prītisamanvitāḥ
But hearing that speech of Rāghava, those best of the gods, pleased and filled with delight, replied to the great-souled one:
AI translation rendered from the Sanskrit, not a published edition
PdP 1 35.97
निर्वृतो भव काकुत्स्थ ब्राह्मणस्यैकपुत्रकः। जीवितं प्राप्तवान्भूयः समेतश्चापि बंधुभिः
nirvṛto bhava kākutstha brāhmaṇasyaikaputrakaḥ| jīvitaṃ prāptavānbhūyaḥ sametaścāpi baṃdhubhiḥ
“Be at ease, Kākutstha: the brahmin’s only son has got his life back again, and is even reunited with his kinsmen.
AI translation rendered from the Sanskrit, not a published edition
PdP 1 35.98
यस्मिन्मुहूर्ते काकुत्स्थ शूद्रोयं विनिपातितः। तस्मिन्मुहूर्ते सहसा जीवेन समयुज्यत
yasminmuhūrte kākutstha śūdroyaṃ vinipātitaḥ| tasminmuhūrte sahasā jīvena samayujyata
At the very moment, Kākutstha, when this śūdra was struck down, at that moment he (the boy) was at once joined with life.
AI translation rendered from the Sanskrit, not a published edition
PdP 1 35.99
स्वस्ति प्राप्नुहि भद्रं ते साधयामः परंतपः। अगस्त्यस्याश्रमपदे द्रष्टारः स्म महामुनिम्
svasti prāpnuhi bhadraṃ te sādhayāmaḥ paraṃtapaḥ| agastyasyāśramapade draṣṭāraḥ sma mahāmunim
Fare well, prosperity be yours; we take our leave, O scorcher of foes; we shall see the great sage at Agastya’s hermitage.”
AI translation rendered from the Sanskrit, not a published edition
PdP 1 35.100
स तथेति प्रतिज्ञाय देवानां रघुनंदनः। आरुरोह विमानं तं पुष्पकं हेमभूषितम्
sa tatheti pratijñāya devānāṃ raghunaṃdanaḥ| āruroha vimānaṃ taṃ puṣpakaṃ hemabhūṣitam
He, the delight of the Raghus, having assented to the gods with “So be it,” mounted that flying chariot, the Puṣpaka, adorned with gold.
AI translation rendered from the Sanskrit, not a published edition