Padma Purana — Srishti Khanda — Chapter 24
PdP 1 24.1
ब्रह्मोवाच। भगवन्पुरुषस्येह स्त्रियाश्च वरदायकम्। शोकव्याधिभयं दुःखं न भवेद्येन तद्वद
brahmovāca| bhagavanpuruṣasyeha striyāśca varadāyakam| śokavyādhibhayaṃ duḥkhaṃ na bhavedyena tadvada
Brahmā said: O Lord, tell that which here grants boons to a man and to a woman, by which there would be no grief, disease, fear or pain.
AI translation rendered from the Sanskrit, not a published edition
PdP 1 24.2
शंकर उवाच। श्रावणस्य द्वितीयायां कृष्णायां मधुसूदनः। क्षीरार्णवे सपत्नीकः सदा वसति केशवः
śaṃkara uvāca| śrāvaṇasya dvitīyāyāṃ kṛṣṇāyāṃ madhusūdanaḥ| kṣīrārṇave sapatnīkaḥ sadā vasati keśavaḥ
Śaṅkara said: On the second day of the dark fortnight of Śrāvaṇa, Madhusūdana, Keśava, dwells always in the ocean of milk together with his wife.
AI translation rendered from the Sanskrit, not a published edition
PdP 1 24.3
तस्यां संपूज्य गोविंदं सर्वान्कामानवाप्नुयात्। गोभूहिरण्यदानादि सप्तकल्पशतानुगम्
tasyāṃ saṃpūjya goviṃdaṃ sarvānkāmānavāpnuyāt| gobhūhiraṇyadānādi saptakalpaśatānugam
Having worshipped Govinda well on that day, one would obtain all desires; (the merit of) gifts of cows, land, gold and the rest attends (one) for seven hundred kalpas.
AI translation rendered from the Sanskrit, not a published edition
PdP 1 24.4
आवाहनादिकां पूजां पूर्ववत्परिकल्पयेत्। अशून्यशयना नाम द्वितीयासौ प्रकीर्तिता
āvāhanādikāṃ pūjāṃ pūrvavatparikalpayet| aśūnyaśayanā nāma dvitīyāsau prakīrtitā
One should arrange the worship, beginning with the invocation, as before. This second day is proclaimed as 'the Not-Empty Bed'.
AI translation rendered from the Sanskrit, not a published edition
PdP 1 24.5
तस्यां संपूजयेद्विष्णुमेभिर्मंत्रैर्विधानतः। श्रीवत्सधारिन्श्रीकांत श्रीपते श्रीधराव्यय
tasyāṃ saṃpūjayedviṣṇumebhirmaṃtrairvidhānataḥ| śrīvatsadhārinśrīkāṃta śrīpate śrīdharāvyaya
On that day one should worship Viṣṇu according to the rule with these formulas: "O bearer of the śrīvatsa, beloved of Śrī, lord of Śrī, bearer of Śrī, imperishable one!"
AI translation rendered from the Sanskrit, not a published edition
PdP 1 24.6
गार्हस्थ्यं मा प्रणाशं मे यातु धर्मार्थकामदं। अग्नयो मा प्रणश्यंतु देवताः पुरुषोत्तम
gārhasthyaṃ mā praṇāśaṃ me yātu dharmārthakāmadaṃ| agnayo mā praṇaśyaṃtu devatāḥ puruṣottama
"Let my householder's life, which gives dharma, wealth and pleasure, not perish; let my (sacrificial) fires not perish, nor my deities, O Supreme Person."
AI translation rendered from the Sanskrit, not a published edition
PdP 1 24.7
पितरो मा प्रणश्यंतु मम दांपत्यभेदतः। लक्ष्म्या वियुज्यते देवो न कदाचिद्यथा हरिः
pitaro mā praṇaśyaṃtu mama dāṃpatyabhedataḥ| lakṣmyā viyujyate devo na kadācidyathā hariḥ
"Let (my) ancestors not perish through a breach in my married state. Just as Hari, the god, is never separated from Lakṣmī,"
AI translation rendered from the Sanskrit, not a published edition
PdP 1 24.8
तथा कलत्रसंबंधो देव मा मे वियुज्यतां। लक्ष्म्या न शून्यं वरद यथा ते शयनं सदा
tathā kalatrasaṃbaṃdho deva mā me viyujyatāṃ| lakṣmyā na śūnyaṃ varada yathā te śayanaṃ sadā
"so let my bond with my wife not be severed from me, O god. As your bed is never empty of Lakṣmī, O boon-giver,"
AI translation rendered from the Sanskrit, not a published edition
PdP 1 24.9
शय्या ममाप्यशून्यास्तु तथैव मधुसूदन। गीतवादित्रनिर्घोषान्देवदेवस्य कारयेत्
śayyā mamāpyaśūnyāstu tathaiva madhusūdana| gītavāditranirghoṣāndevadevasya kārayet
"so let my bed too not be empty, O Madhusūdana." One should have the sounds of song and instruments made for the God of gods.
AI translation rendered from the Sanskrit, not a published edition
PdP 1 24.10
घंटा भवेदशक्तस्य सर्ववाद्यमयो यतः। एवं संपूज्य गोविंदमश्नीयात्तैलवर्जितम्
ghaṃṭā bhavedaśaktasya sarvavādyamayo yataḥ| evaṃ saṃpūjya goviṃdamaśnīyāttailavarjitam
For one unable (to do that), a bell will serve, since it comprises all instruments. Having thus worshipped Govinda, one should eat food free of oil,
AI translation rendered from the Sanskrit, not a published edition
PdP 1 24.11
नक्तमक्षारलवणं यावत्तु स्याच्चतुष्टयं। ततः प्रभाते संजाते लक्ष्मीपतिसमन्विताम्
naktamakṣāralavaṇaṃ yāvattu syāccatuṣṭayaṃ| tataḥ prabhāte saṃjāte lakṣmīpatisamanvitām
at night, without alkali and salt, for as long as the set of four lasts. Then, when morning has come, (one should give a bed) furnished with the Lord of Lakṣmī,
AI translation rendered from the Sanskrit, not a published edition — the model flagged this verse as uncertain
PdP 1 24.12
दीपान्नभाजनैर्युक्तां शय्यां दद्याद्विलक्षणाम्। पादुकोपानहच्छत्र चामरासन संयुताम्
dīpānnabhājanairyuktāṃ śayyāṃ dadyādvilakṣaṇām| pādukopānahacchatra cāmarāsana saṃyutām
together with lamps, food and vessels — one should give an excellent bed, provided with sandals, shoes, parasol, chowrie and seat,
AI translation rendered from the Sanskrit, not a published edition
PdP 1 24.13
अभीष्टोपस्करैर्युक्तां शुक्लपुष्पांबरावृताम्। अव्यंगाय च विप्राय वैष्णवाय कुटुंबिने
abhīṣṭopaskarairyuktāṃ śuklapuṣpāṃbarāvṛtām| avyaṃgāya ca viprāya vaiṣṇavāya kuṭuṃbine
(a bed) furnished with the desired implements and covered with white flowers and cloths — (it is to be given) to a brahmin who is free of bodily defect, a Vaiṣṇava, a householder,
AI translation rendered from the Sanskrit, not a published edition
PdP 1 24.14
दातव्या वेदविदुषे न वंध्यापतये क्वचित्। तत्रोपवेश्य दांपत्यमलंकृत्य विधानतः
dātavyā vedaviduṣe na vaṃdhyāpataye kvacit| tatropaveśya dāṃpatyamalaṃkṛtya vidhānataḥ
who knows the Veda; it must never (be given) to the husband of a barren woman. Having seated the married couple there and adorned (them) according to the rule,
AI translation rendered from the Sanskrit, not a published edition
PdP 1 24.15
पत्न्यास्तु भाजनं दद्याद्भक्ष्यभोज्यसमन्वितम्। ब्राह्मणस्यापि सौवर्णीमुपस्करसमन्विताम्
patnyāstu bhājanaṃ dadyādbhakṣyabhojyasamanvitam| brāhmaṇasyāpi sauvarṇīmupaskarasamanvitām
he should give the wife a vessel supplied with foods to chew and foods to eat, and to the brahmin also a golden one, supplied with utensils.
AI translation rendered from the Sanskrit, not a published edition
PdP 1 24.16
प्रतिमां देवदेवस्य सोदकुंभां निवेदयेत्। एवं यस्तु पुमान्कुर्यादशून्यशयनं हरेः
pratimāṃ devadevasya sodakuṃbhāṃ nivedayet| evaṃ yastu pumānkuryādaśūnyaśayanaṃ hareḥ
He should present an image of the God of gods together with a water-jar. The man who thus performs Hari's rite of the bed-that-is-not-empty,
AI translation rendered from the Sanskrit, not a published edition
PdP 1 24.17
वित्तशाठ्येन रहितो नारायणपरायणः। न तस्य पत्न्या विरहः कदाचिदपि जायते
vittaśāṭhyena rahito nārāyaṇaparāyaṇaḥ| na tasya patnyā virahaḥ kadācidapi jāyate
free of stinginess with his wealth and intent upon Nārāyaṇa — for him separation from his wife never once arises,
AI translation rendered from the Sanskrit, not a published edition
PdP 1 24.18
नारी वा विधवा ब्रह्मन्यावच्चंद्रार्कतारकं। न विरूपौ न शोकार्तौ दंपती भवतः क्वचित्
nārī vā vidhavā brahmanyāvaccaṃdrārkatārakaṃ| na virūpau na śokārtau daṃpatī bhavataḥ kvacit
nor does the woman become a widow, O Brahman, for as long as moon, sun and stars (endure); never do the couple become disfigured or afflicted with grief.
AI translation rendered from the Sanskrit, not a published edition
PdP 1 24.19
न पुत्रपशुरत्नानि क्षयं यांति पितामह। सप्तकल्पसहस्राणि सप्तकल्पशतानि च
na putrapaśuratnāni kṣayaṃ yāṃti pitāmaha| saptakalpasahasrāṇi saptakalpaśatāni ca
Sons, cattle and jewels do not come to destruction, O grandfather. For seven thousand kalpas and seven hundred kalpas
AI translation rendered from the Sanskrit, not a published edition
PdP 1 24.20
कुर्वन्नशून्यशयनं विष्णुलोके महीयते। ब्रह्मोवाच। कथमारोग्यमैश्वर्यं मतिर्धर्मस्थितिस्सदा
kurvannaśūnyaśayanaṃ viṣṇuloke mahīyate| brahmovāca| kathamārogyamaiśvaryaṃ matirdharmasthitissadā
one who performs the rite of the bed-that-is-not-empty is honoured in Viṣṇu's world. Brahmā said: How (are obtained) health, lordship, a mind always established in dharma,
AI translation rendered from the Sanskrit, not a published edition
PdP 1 24.21
अव्यंगाथ परे भक्तिर्विष्णौ चापि भवेत्कथम्। ईश्वर उवाच। साधु ब्रह्मंस्त्वया पृष्टमिदानीं कथयामि ते
avyaṃgātha pare bhaktirviṣṇau cāpi bhavetkatham| īśvara uvāca| sādhu brahmaṃstvayā pṛṣṭamidānīṃ kathayāmi te
and freedom from bodily defect; and how may devotion to the supreme Viṣṇu come about? The Lord said: Well asked by you, O Brahman; now I shall tell you
AI translation rendered from the Sanskrit, not a published edition
PdP 1 24.22
विरोचनस्य संवादं भार्गवस्य च धीमतः। प्रह्लादस्य सुतं दृष्ट्वा द्विरष्टपरिवत्सरम्
virocanasya saṃvādaṃ bhārgavasya ca dhīmataḥ| prahlādasya sutaṃ dṛṣṭvā dviraṣṭaparivatsaram
the conversation of Virocana and of the wise son of Bhṛgu. Seeing Prahlāda's son, sixteen years of age,
AI translation rendered from the Sanskrit, not a published edition
PdP 1 24.23
तस्य रूपमिदं ब्रह्मन्सोहसद्भृगुनंदनः। साधुसाधु महाबाहो विरोचन शिवं तव
tasya rūpamidaṃ brahmansohasadbhṛgunaṃdanaḥ| sādhusādhu mahābāho virocana śivaṃ tava
and this form of his, O Brahman, the son of Bhṛgu laughed: "Bravo, bravo, mighty-armed Virocana, blessing upon you!"
AI translation rendered from the Sanskrit, not a published edition
PdP 1 24.24
तत्तथा हसितं तस्य पप्रच्छ सुरसूदनः। ब्रह्मन्किमर्थमेतत्ते हास्यं वै मामकं कृतम्
tattathā hasitaṃ tasya papraccha surasūdanaḥ| brahmankimarthametatte hāsyaṃ vai māmakaṃ kṛtam
At that laughter of his, the slayer of the gods asked: "O Brahman, for what purpose has this laughter of yours been made at me?
AI translation rendered from the Sanskrit, not a published edition
PdP 1 24.25
साधुसाध्विति मामेवमुक्तवांस्त्वं वदस्व मे। तमेवं वादिनं युक्तमुवाच वदतां वरः
sādhusādhviti māmevamuktavāṃstvaṃ vadasva me| tamevaṃ vādinaṃ yuktamuvāca vadatāṃ varaḥ
You spoke to me in this way, saying 'Bravo, bravo' — tell me (why)." To him who spoke thus fittingly, the best of speakers said:
AI translation rendered from the Sanskrit, not a published edition
PdP 1 24.26
विस्मयाद्व्रतमाहात्म्याद्धास्यमेतत्कृतं मया। पुरा दक्षविनाशाय कुपितस्य त्रिशूलिनः
vismayādvratamāhātmyāddhāsyametatkṛtaṃ mayā| purā dakṣavināśāya kupitasya triśūlinaḥ
"Out of astonishment at the greatness of the vow this laughter was made by me. Long ago, from the terrible face of the trident-bearer, angered for the destruction of Dakṣa,
AI translation rendered from the Sanskrit, not a published edition
PdP 1 24.27
अपतद्भीमवक्त्रस्य स्वेदबिंदुर्ललाटजः। भित्वा स सप्तपातालानदहत्सप्तसागरान्
apatadbhīmavaktrasya svedabiṃdurlalāṭajaḥ| bhitvā sa saptapātālānadahatsaptasāgarān
there fell a drop of sweat arising on his forehead; splitting the seven nether worlds, it burned up the seven oceans,
AI translation rendered from the Sanskrit, not a published edition
PdP 1 24.28
अनेकवक्त्रनयनोज्वलज्ज्वलन भीषणः। वीरभद्र इति ख्यातः करपादायुतैर्युतः
anekavaktranayanojvalajjvalana bhīṣaṇaḥ| vīrabhadra iti khyātaḥ karapādāyutairyutaḥ
dreadful with the fire blazing from its many mouths and eyes, known as Vīrabhadra, furnished with myriads of hands and feet.
AI translation rendered from the Sanskrit, not a published edition
PdP 1 24.29
कृत्वा स यज्ञमथनं पुनर्भूतस्य संप्लवः। त्रिजगद्दहनाद्भूयः शिवेन विनिवारितः
kṛtvā sa yajñamathanaṃ punarbhūtasya saṃplavaḥ| trijagaddahanādbhūyaḥ śivena vinivāritaḥ
Having wrought the crushing of the sacrifice, (there was) again a deluge of what had come to be; he was further restrained by Śiva from burning the three worlds.
AI translation rendered from the Sanskrit, not a published edition — the model flagged this verse as uncertain
PdP 1 24.30
कृतं त्वया वीरभद्र दक्षयज्ञविनाशनं। इदानीमलमेतेन लोकदाहेन कर्मणा
kṛtaṃ tvayā vīrabhadra dakṣayajñavināśanaṃ| idānīmalametena lokadāhena karmaṇā
"You have accomplished, Vīrabhadra, the destruction of Dakṣa's sacrifice; now enough of this deed of burning the worlds.
AI translation rendered from the Sanskrit, not a published edition
PdP 1 24.31
शांतिप्रदानात्सर्वेषां ग्रहणां प्रथमो भव। प्रहृष्टाभिजनाः पूजां करिष्यंति कृतात्मनः
śāṃtipradānātsarveṣāṃ grahaṇāṃ prathamo bhava| prahṛṣṭābhijanāḥ pūjāṃ kariṣyaṃti kṛtātmanaḥ
By granting peace, be the first of all the planets. Delighted, people of good birth, of disciplined selves, will perform worship (to you).
AI translation rendered from the Sanskrit, not a published edition
PdP 1 24.32
अंगारक इति ख्यातिं गमिष्यसि धरात्मज। देवलोके द्वितीयं च तव रूपं भविष्यति
aṃgāraka iti khyātiṃ gamiṣyasi dharātmaja| devaloke dvitīyaṃ ca tava rūpaṃ bhaviṣyati
You will attain renown as Aṅgāraka, O son of Earth, and in the world of the gods a second form of yours will come to be."
AI translation rendered from the Sanskrit, not a published edition
PdP 1 24.33
ये च त्वां पूजयिष्यंति चतुर्थ्यां तु दिने नराः। रूपमारोग्यमैश्वर्यं तेष्वनंतं भविष्यति
ye ca tvāṃ pūjayiṣyaṃti caturthyāṃ tu dine narāḥ| rūpamārogyamaiśvaryaṃ teṣvanaṃtaṃ bhaviṣyati
And those men who will worship you on the fourth day — in them beauty, health and lordship will become boundless.
AI translation rendered from the Sanskrit, not a published edition
PdP 1 24.34
एवमुक्तस्ततः शांतिमगमत्कामरूपधृत्। स जातस्तत्क्षणाद्राजन्ग्रहत्वमगमत्पुनः
evamuktastataḥ śāṃtimagamatkāmarūpadhṛt| sa jātastatkṣaṇādrājangrahatvamagamatpunaḥ
Addressed thus, he who bore a form at will then became calm; and having been born, from that very moment, O king, he again attained the status of a planet.
AI translation rendered from the Sanskrit, not a published edition
PdP 1 24.35
स कदाचिद्भवांस्तस्य पूजार्घादिकमुत्तमं। दृष्टवान्क्रियमाणं च शूद्रेण त्वं व्यवस्थितः
sa kadācidbhavāṃstasya pūjārghādikamuttamaṃ| dṛṣṭavānkriyamāṇaṃ ca śūdreṇa tvaṃ vyavasthitaḥ
Once you, standing by, saw the excellent worship, water-offering and the rest of him (Mars) being performed by a śūdra.
AI translation rendered from the Sanskrit, not a published edition
PdP 1 24.36
तेन त्वं रूपवान्जातो सुरः शत्रुकुलाशनिः। विविधा च रुचिर्जाता यस्मात्तव विदूरगा
tena tvaṃ rūpavānjāto suraḥ śatrukulāśaniḥ| vividhā ca rucirjātā yasmāttava vidūragā
By that you were born beautiful, a god, a thunderbolt to the enemy's clan; and manifold radiance arose in you, reaching far.
AI translation rendered from the Sanskrit, not a published edition
PdP 1 24.37
विरोचन इति प्राहुस्तस्मात् त्वां देवदानवाः। शूद्रेण क्रियमाणस्य व्रतस्य तव दर्शनात्
virocana iti prāhustasmāt tvāṃ devadānavāḥ| śūdreṇa kriyamāṇasya vratasya tava darśanāt
Therefore the gods and the dānavas call you Virocana — because of your seeing that observance being performed by a śūdra.
AI translation rendered from the Sanskrit, not a published edition
PdP 1 24.38
ईदृशी रूपसंपत्तिरिति विस्मितवानहम्। साधुसाध्विति तेनोक्तमहो माहात्म्यमुत्तमं
īdṛśī rūpasaṃpattiriti vismitavānaham| sādhusādhviti tenoktamaho māhātmyamuttamaṃ
"Such is (his) wealth of beauty!" — thus I was amazed. And by him it was said, "Well done, well done! Ah, the supreme greatness!"
AI translation rendered from the Sanskrit, not a published edition — the model flagged this verse as uncertain
PdP 1 24.39
पश्यतोपि भवेद्रूपमैश्वर्यं किमु कुर्वतः। यस्माच्च भक्त्या धरणीसुतस्य विनिंद्यमानेन गवादिदानम्
paśyatopi bhavedrūpamaiśvaryaṃ kimu kurvataḥ| yasmācca bhaktyā dharaṇīsutasya viniṃdyamānena gavādidānam
If even for one who merely looks on there would be beauty and lordship, how much more for one who performs it! And because, with devotion, the gift of a cow and the rest to the son of the Earth, made by one who was being reviled...
AI translation rendered from the Sanskrit, not a published edition — the model flagged this verse as uncertain
PdP 1 24.40
आलोकितं तेन सुरारिगर्भे संभूतिरेषा तव दैत्य जाता। अथ तद्वचनं श्रुत्वा भार्गवस्य महात्मनः
ālokitaṃ tena surārigarbhe saṃbhūtireṣā tava daitya jātā| atha tadvacanaṃ śrutvā bhārgavasya mahātmanaḥ
...was looked upon by him — this birth of yours in the womb of the gods' foe came about, O Daitya. Then, having heard that speech of the great-souled descendant of Bhṛgu,
AI translation rendered from the Sanskrit, not a published edition — the model flagged this verse as uncertain
PdP 1 24.41
प्रह्लादनंदनो वीरः पुनः पप्रच्छ भार्गवम्। विरोचन उवाच। भगवंस्तद्व्रतं सम्यक्श्रोतुमिच्छामि तत्वतः
prahlādanaṃdano vīraḥ punaḥ papraccha bhārgavam| virocana uvāca| bhagavaṃstadvrataṃ samyakśrotumicchāmi tatvataḥ
the hero, Prahlāda's son, again asked the Bhārgava. Virocana said: Lord, I wish to hear that observance rightly, as it truly is.
AI translation rendered from the Sanskrit, not a published edition
PdP 1 24.42
दीयमानं तु यद्दानं मया दृष्टं भवांतरे। माहात्म्यं च विधिं तस्य यथावद्वक्तुमर्हसि
dīyamānaṃ tu yaddānaṃ mayā dṛṣṭaṃ bhavāṃtare| māhātmyaṃ ca vidhiṃ tasya yathāvadvaktumarhasi
The gift that I saw being given in another existence — its greatness and its procedure you ought to state as it is.
AI translation rendered from the Sanskrit, not a published edition
PdP 1 24.43
इति तद्वचनं श्रुत्वा विप्रः प्रोवाच सादरं। चतुर्थ्यंगारकदिने यदा भवति दानव
iti tadvacanaṃ śrutvā vipraḥ provāca sādaraṃ| caturthyaṃgārakadine yadā bhavati dānava
Having heard that speech of his, the brahmin spoke respectfully: When the fourth falls on a Tuesday, O Dānava,
AI translation rendered from the Sanskrit, not a published edition
PdP 1 24.44
मृदास्नानं तदा कुर्यात्पद्मरागविभूषितः। अग्निर्मूर्द्धादिवो मंत्रं जपेत्स्नात उदङ्मुखः
mṛdāsnānaṃ tadā kuryātpadmarāgavibhūṣitaḥ| agnirmūrddhādivo maṃtraṃ japetsnāta udaṅmukhaḥ
then one should bathe with clay, adorned with rubies; bathed and facing north, one should recite the mantra "agnir mūrdhā divaḥ."
AI translation rendered from the Sanskrit, not a published edition
PdP 1 24.45
शूद्रस्तूष्णीं स्मरन्भौममास्तां भोगविवर्जितः। अथास्तमित आदित्ये गोमयेनानुलेपयेत्
śūdrastūṣṇīṃ smaranbhaumamāstāṃ bhogavivarjitaḥ| athāstamita āditye gomayenānulepayet
But a śūdra should remain silent, remembering Mars, abstaining from enjoyments. Then, when the sun has set, one should smear (the ground) with cow-dung —
AI translation rendered from the Sanskrit, not a published edition
PdP 1 24.46
प्रांगणं पुष्पमालाभिरक्षताद्भिः समंततः। तदभ्यर्च्यालिखेत्पद्मं कुंकुमेनाष्टपत्रकम्
prāṃgaṇaṃ puṣpamālābhirakṣatādbhiḥ samaṃtataḥ| tadabhyarcyālikhetpadmaṃ kuṃkumenāṣṭapatrakam
the courtyard, all around, with flower garlands, unbroken grains and water; having worshipped that, one should draw an eight-petalled lotus with saffron.
AI translation rendered from the Sanskrit, not a published edition
PdP 1 24.47
कुंकुमस्याप्यभावेन रक्तचंदनमिष्यते। चत्वारः करकाः कार्याः भक्ष्यभोज्यसमन्विताः
kuṃkumasyāpyabhāvena raktacaṃdanamiṣyate| catvāraḥ karakāḥ kāryāḥ bhakṣyabhojyasamanvitāḥ
In the absence of saffron, red sandal is approved. Four water-pots are to be made, provided with foods to be chewed and eaten,
AI translation rendered from the Sanskrit, not a published edition
PdP 1 24.48
तंडुलै रक्तशालेयैः पद्मरागैश्च संयुताः। चतुःकोणेषु तान्कृत्वा फलानि विविधानि च
taṃḍulai raktaśāleyaiḥ padmarāgaiśca saṃyutāḥ| catuḥkoṇeṣu tānkṛtvā phalāni vividhāni ca
furnished with red śāli rice-grains and with rubies; having set them at the four corners, and fruits of various kinds,
AI translation rendered from the Sanskrit, not a published edition
PdP 1 24.49
गंधमाल्यादिकं सर्वं तथैव विनिवेशयेत्। सुवर्णशृंगां कपिलामथार्च्य रौप्यैः खुरैः कांस्यदोहां सवस्त्राम्
gaṃdhamālyādikaṃ sarvaṃ tathaiva viniveśayet| suvarṇaśṛṃgāṃ kapilāmathārcya raupyaiḥ khuraiḥ kāṃsyadohāṃ savastrām
one should likewise set down everything, perfume, garlands and the rest. Then, having worshipped a tawny cow with golden horns, with silver hooves, with a bronze milk-pail, together with a cloth;
AI translation rendered from the Sanskrit, not a published edition
PdP 1 24.50
धुरंधरं रक्तखुरं च सौम्यं धान्यानि सप्तांबरसंयुतानि। अंगुष्ठमात्रं पुरुषं तथैव सौवर्णमप्यायतबाहुदंडम् 1.24.
dhuraṃdharaṃ raktakhuraṃ ca saumyaṃ dhānyāni saptāṃbarasaṃyutāni| aṃguṣṭhamātraṃ puruṣaṃ tathaiva sauvarṇamapyāyatabāhudaṃḍam 1.24.
and a gentle yoke-bearing (bull) with red hooves; the seven grains together with garments; likewise a man of a thumb's size, made of gold, with long arms,
AI translation rendered from the Sanskrit, not a published edition
PdP 1 24.51
चतुर्भुजं हेममयं च ताम्रपात्रे गुडस्योपरि सर्पियुक्तम्। सामस्वरज्ञाय जितेंद्रियाय वाग्रूपशीलान्वयसंयुताय
caturbhujaṃ hemamayaṃ ca tāmrapātre guḍasyopari sarpiyuktam| sāmasvarajñāya jiteṃdriyāya vāgrūpaśīlānvayasaṃyutāya
four-armed and made of gold, (placed) on a copper vessel upon jaggery, together with ghee — to one who knows the Sāma chants, whose senses are subdued, endowed with speech, beauty, conduct and lineage,
AI translation rendered from the Sanskrit, not a published edition
PdP 1 24.52
दातव्यमेतत्सकलं द्विजाय कुटुम्बिने नैव तु दंभयुक्ते। भूमिपुत्र महाभाग स्वेदोद्भव पिनाकिनः
dātavyametatsakalaṃ dvijāya kuṭumbine naiva tu daṃbhayukte| bhūmiputra mahābhāga svedodbhava pinākinaḥ
all this is to be given to a brahmin who is a householder, but never to one given to hypocrisy. "O son of the Earth, greatly fortunate one, arisen from the sweat of the Trident-bearer,
AI translation rendered from the Sanskrit, not a published edition
PdP 1 24.53
रूपार्थी त्वां प्रपन्नोहं गृहाणार्घ्यं नमोऽस्तु ते। मंत्रेणानेन दत्वार्घ्यं रक्तचंदनवारिणा
rūpārthī tvāṃ prapannohaṃ gṛhāṇārghyaṃ namo'stu te| maṃtreṇānena datvārghyaṃ raktacaṃdanavāriṇā
"Desiring beauty I have taken refuge in you; accept the offering-water, homage be to you." Having given the arghya with this mantra, with water mixed with red sandal—
AI translation rendered from the Sanskrit, not a published edition
PdP 1 24.54
ततोर्चयेद्विप्रवरं रक्तमाल्यांबरादिभिः। दद्यात्तेनैव मंत्रेण भौमं गोमिथुनान्वितम्
tatorcayedvipravaraṃ raktamālyāṃbarādibhiḥ| dadyāttenaiva maṃtreṇa bhaumaṃ gomithunānvitam
—then he should worship the best of brahmins with red garlands, garments and the like; with that same mantra he should give (a gift for) Mars, together with a pair of cattle.
AI translation rendered from the Sanskrit, not a published edition
PdP 1 24.55
शय्यां च शक्तिमान्दद्यात्सर्वोपस्करसंयुताम्। यद्यदिष्टतमं लोके यच्चास्य दयितं गृहे
śayyāṃ ca śaktimāndadyātsarvopaskarasaṃyutām| yadyadiṣṭatamaṃ loke yaccāsya dayitaṃ gṛhe
And one who is able should give a bed furnished with all its accessories; whatever in the world is most desired, and whatever is dear to him in his house—
AI translation rendered from the Sanskrit, not a published edition
PdP 1 24.56
तत्तद्गुणवते देयं दत्तस्याक्षयमिच्छता। ततः प्रदक्षिणं कृत्वा विसृज्य द्विजसत्तमम्
tattadguṇavate deyaṃ dattasyākṣayamicchatā| tataḥ pradakṣiṇaṃ kṛtvā visṛjya dvijasattamam
—that should be given to one possessed of the corresponding qualities by one who wishes what is given to be imperishable. Then, having circumambulated (him) and dismissed the most excellent brahmin,
AI translation rendered from the Sanskrit, not a published edition
PdP 1 24.57
नक्तं क्षीराशनं कुर्यादेवं चांगारकाष्टकम्। चतुरो वाथ वातस्य यत्पुण्यं तद्वदामि ते
naktaṃ kṣīrāśanaṃ kuryādevaṃ cāṃgārakāṣṭakam| caturo vātha vātasya yatpuṇyaṃ tadvadāmi te
he should eat milk at night; thus (is performed) the eightfold (rite) of Aṅgāraka. Or (it may be) fourfold; and I shall tell you what merit belongs to that observance.
AI translation rendered from the Sanskrit, not a published edition — the model flagged this verse as uncertain
PdP 1 24.58
रूपसौभाग्यसंपन्नः पुमान्जन्मनि जन्मनि। विष्णौ वाथ शिवे भक्तः सप्तद्वीपाधिपो भवेत्
rūpasaubhāgyasaṃpannaḥ pumānjanmani janmani| viṣṇau vātha śive bhaktaḥ saptadvīpādhipo bhavet
A man becomes endowed with beauty and good fortune in birth after birth, and devoted to Viṣṇu or to Śiva, and he becomes lord of the seven continents.
AI translation rendered from the Sanskrit, not a published edition
PdP 1 24.59
सप्तकल्पसहस्राणि रुद्रलोके महीयते। तस्मात्वमपि दैत्येंद्र व्रतमेतत्समाचर
saptakalpasahasrāṇi rudraloke mahīyate| tasmātvamapi daityeṃdra vratametatsamācara
For seven thousand kalpas he is honoured in the world of Rudra; therefore you too, O lord of the Daityas, carry out this observance.
AI translation rendered from the Sanskrit, not a published edition
PdP 1 24.60
इत्येवमुक्तो भुगुनंदनेन चकार सर्वं व्रतमेव दैत्यः। त्वं चापि राजन्कुरु सर्वमेतद्यतोक्षयं वेदविदो वदंति
ityevamukto bhugunaṃdanena cakāra sarvaṃ vratameva daityaḥ| tvaṃ cāpi rājankuru sarvametadyatokṣayaṃ vedavido vadaṃti
Thus addressed by the son of Bhṛgu, the Daitya performed the whole observance just so; and you too, O king, do all of this, since those who know the Vedas call it imperishable.
AI translation rendered from the Sanskrit, not a published edition
PdP 1 24.61
शृणोति यश्चैनमनन्यचेतास्तस्यापि सर्वं भगवान्विधत्ते
śṛṇoti yaścainamananyacetāstasyāpi sarvaṃ bhagavānvidhatte
And whoever hears this with undistracted mind—for him too the Lord provides everything.
AI translation rendered from the Sanskrit, not a published edition