Padma Purana — Srishti Khanda — Chapter 2
PdP 1 2.1
सूत उवाच। नमस्ये सर्वलोकानां विश्वस्य जगतः पतिम्। य इमं कुरुते भावं सृष्टिरूपं प्रधानवित्
sūta uvāca| namasye sarvalokānāṃ viśvasya jagataḥ patim| ya imaṃ kurute bhāvaṃ sṛṣṭirūpaṃ pradhānavit
Sūta said: I bow to the lord of all worlds, of the entire moving universe, who, knowing the pradhāna, brings about this state that has the form of creation.
AI translation rendered from the Sanskrit, not a published edition
PdP 1 2.2
लोककृल्लोकतत्वज्ञो योगमास्थाय योगवित्। असृजत्सर्वभूतानि स्थावराणि चराणि च
lokakṛllokatatvajño yogamāsthāya yogavit| asṛjatsarvabhūtāni sthāvarāṇi carāṇi ca
The world-maker, knower of the world's reality, the knower of yoga, having resorted to yoga, created all beings, both unmoving and moving.
AI translation rendered from the Sanskrit, not a published edition
PdP 1 2.3
तमजं विश्वकर्माणं चित्पतिं लोकसाक्षिणम्। पुराणाख्यानजिज्ञासुर्व्रजामि शरणं विभुम्
tamajaṃ viśvakarmāṇaṃ citpatiṃ lokasākṣiṇam| purāṇākhyānajijñāsurvrajāmi śaraṇaṃ vibhum
To him, the unborn, the maker of all, the lord of consciousness, the witness of the world — the mighty one — I go for refuge, wishing to know the narrative of the Purāṇa.
AI translation rendered from the Sanskrit, not a published edition
PdP 1 2.4
ब्रह्मविष्णुगिरीशेभ्यो नमस्कृत्वा समाहितः। इंद्राय लोकपालेभ्यः सवित्रे च समाधिना
brahmaviṣṇugirīśebhyo namaskṛtvā samāhitaḥ| iṃdrāya lokapālebhyaḥ savitre ca samādhinā
Having with collected mind made obeisance to Brahmā, Viṣṇu and Girīśa, and with concentration to Indra, to the world-guardians and to Savitṛ,
AI translation rendered from the Sanskrit, not a published edition
PdP 1 2.5
मुनीनां च वरिष्ठाय वसिष्ठाय महात्मने। तद्वक्त्रेभाततपसे जातूकर्ण्याय चाक्षुषे
munīnāṃ ca variṣṭhāya vasiṣṭhāya mahātmane| tadvaktrebhātatapase jātūkarṇyāya cākṣuṣe
and to the best of sages, to great-souled Vasiṣṭha, to him of blazing austerity (born) from his mouth, to Jātūkarṇya and to Cākṣuṣa,
AI translation rendered from the Sanskrit, not a published edition — the model flagged this verse as uncertain
PdP 1 2.6
तस्मै भगवते नत्वा वेदव्यासाय वेधसे। पुरुषाय पुराणाय भृगुवाक्यानुवर्तिने
tasmai bhagavate natvā vedavyāsāya vedhase| puruṣāya purāṇāya bhṛguvākyānuvartine
having bowed to that blessed one, Vedavyāsa, the ordainer, the ancient Puruṣa, who follows the words of Bhṛgu —
AI translation rendered from the Sanskrit, not a published edition
PdP 1 2.7
तस्मादहमुपाश्रौषं पुराणं ब्रह्मवादिनः। सर्वज्ञात्सर्वलोकेषु पूजिताद्दीप्ततेजसः
tasmādahamupāśrauṣaṃ purāṇaṃ brahmavādinaḥ| sarvajñātsarvalokeṣu pūjitāddīptatejasaḥ
from him I heard the Purāṇa, from that speaker of brahman, the all-knowing, honoured in all the worlds, of blazing splendour.
AI translation rendered from the Sanskrit, not a published edition
PdP 1 2.8
अव्यक्तं कारणं यत्तन्नित्यं सदसदात्मकम्। महदादिविशेषांतं सृजतीति विनिश्चयः
avyaktaṃ kāraṇaṃ yattannityaṃ sadasadātmakam| mahadādiviśeṣāṃtaṃ sṛjatīti viniścayaḥ
That unmanifest cause which is eternal, having the nature of both being and non-being, creates (everything) from mahat down to the particulars — such is the settled conclusion.
AI translation rendered from the Sanskrit, not a published edition
PdP 1 2.9
अण्डे हिरण्मये पूर्वं ब्रह्मणः सूतिरुत्तमा। अंडस्यावरणं चाद्भिरपामपि च तेजसा
aṇḍe hiraṇmaye pūrvaṃ brahmaṇaḥ sūtiruttamā| aṃḍasyāvaraṇaṃ cādbhirapāmapi ca tejasā
In the golden egg was formerly the supreme birth of Brahmā; and the covering of the egg is by the waters, and of the waters too by fire,
AI translation rendered from the Sanskrit, not a published edition
PdP 1 2.10
वायुना तस्य वायोः खात्तद्भूतादित आवृतम्। भूतादिर्महता चापि अव्यक्तेनावृतो महान्
vāyunā tasya vāyoḥ khāttadbhūtādita āvṛtam| bhūtādirmahatā cāpi avyaktenāvṛto mahān
and of that (fire) by wind, of the wind by ether; that (ether) is covered from there by the bhūtādi (source of the elements); and the bhūtādi by mahat, and mahat is covered by the unmanifest.
AI translation rendered from the Sanskrit, not a published edition
PdP 1 2.11
प्रादुर्भावश्च लोकानामंड एवोपवर्णितः। नदीनां पर्वतानां च प्रादुर्भावोनुवर्ण्यते
prādurbhāvaśca lokānāmaṃḍa evopavarṇitaḥ| nadīnāṃ parvatānāṃ ca prādurbhāvonuvarṇyate
The manifestation of the worlds has been described in the (chapter on the) egg itself; the appearance of the rivers and the mountains is now described.
AI translation rendered from the Sanskrit, not a published edition
PdP 1 2.12
मन्वंतराणां संक्षेपात्कल्पानां चोपवर्णनम्। ब्रह्मवृक्षलय ब्रह्मप्रजासर्गोपवर्णनम्
manvaṃtarāṇāṃ saṃkṣepātkalpānāṃ copavarṇanam| brahmavṛkṣalaya brahmaprajāsargopavarṇanam
A brief account of the Manu-intervals and of the kalpas; the dissolution of the Brahmā-tree, and the account of the creation of Brahmā's offspring.
AI translation rendered from the Sanskrit, not a published edition — the model flagged this verse as uncertain
PdP 1 2.13
कल्पानां संचरश्चैव जगतः स्थापनं तथा। शयनं च हरेरप्सु पृथिव्युद्धरणं पुनः
kalpānāṃ saṃcaraścaiva jagataḥ sthāpanaṃ tathā| śayanaṃ ca harerapsu pṛthivyuddharaṇaṃ punaḥ
And the passing of the kalpas, likewise the establishing of the world, and Hari's lying upon the waters, and again the raising up of the earth.
AI translation rendered from the Sanskrit, not a published edition
PdP 1 2.14
दशधा जन्मसंचारो भृगुशापेन केशवे। सन्निवेशो युगादीनां सर्वाश्रमविभाजनम्
daśadhā janmasaṃcāro bhṛguśāpena keśave| sanniveśo yugādīnāṃ sarvāśramavibhājanam
The tenfold round of births of Keśava through Bhṛgu's curse; the ordering of the yugas and the rest, and the division of all the āśramas.
AI translation rendered from the Sanskrit, not a published edition
PdP 1 2.15
स्वर्गस्थानविभागश्च मर्त्यानां स्वर्गचारिणां। पशूनां पक्षिणां चैव संभवः परिकीर्त्तितः
svargasthānavibhāgaśca martyānāṃ svargacāriṇāṃ| paśūnāṃ pakṣiṇāṃ caiva saṃbhavaḥ parikīrttitaḥ
And the division of the stations of heaven belonging to mortals who go to heaven; and the origin of beasts and of birds has been declared.
AI translation rendered from the Sanskrit, not a published edition
PdP 1 2.16
तथा निर्वचनं कल्पं स्वाध्यायस्य परिग्रहः। प्रतिसर्गाः पुनः प्रोक्ता ब्रह्मणो बुद्धिपूर्वकाः
tathā nirvacanaṃ kalpaṃ svādhyāyasya parigrahaḥ| pratisargāḥ punaḥ proktā brahmaṇo buddhipūrvakāḥ
Likewise the etymological explanation of 'kalpa', and the taking up of Vedic recitation; further, the re-creations of Brahmā that are preceded by deliberation are declared.
AI translation rendered from the Sanskrit, not a published edition — the model flagged this verse as uncertain
PdP 1 2.17
त्रयोन्येऽबुद्धिपूर्वास्ते तथा लोकानकल्पयत्। ब्रह्मणो वदनेभ्यश्च भृग्वादीनां समुद्भवः
trayonye'buddhipūrvāste tathā lokānakalpayat| brahmaṇo vadanebhyaśca bhṛgvādīnāṃ samudbhavaḥ
The other three are not preceded by deliberation; thus he fashioned the worlds; and the origination of Bhṛgu and the others from the mouths of Brahmā.
AI translation rendered from the Sanskrit, not a published edition
PdP 1 2.18
कल्पयोरंतरं प्रोक्तं प्रतिसंधिश्च सर्गयोः। भृग्वादीनामृषीणां च प्रजासर्गोपवर्णनम्
kalpayoraṃtaraṃ proktaṃ pratisaṃdhiśca sargayoḥ| bhṛgvādīnāmṛṣīṇāṃ ca prajāsargopavarṇanam
The interval between two kalpas is declared, and the junction between the two creations; and the account of the creation of offspring by the sages Bhṛgu and the rest.
AI translation rendered from the Sanskrit, not a published edition
PdP 1 2.19
वसिष्ठस्य च ब्रह्मर्षेर्ब्रह्मत्त्वं परिकीर्त्तितम्। स्वायंभुवस्य च मनोस्ततश्चाप्यनुकीर्तनम्
vasiṣṭhasya ca brahmarṣerbrahmattvaṃ parikīrttitam| svāyaṃbhuvasya ca manostataścāpyanukīrtanam
And the brahmā-hood of the brahmarṣi Vasiṣṭha is proclaimed; and thereafter also the recounting of Manu Svāyambhuva.
AI translation rendered from the Sanskrit, not a published edition
PdP 1 2.20
उक्तो नाभेर्विसर्गश्च रजसश्च महात्मनः। द्वीपानां च समुद्राणां पर्वतानां च कीर्तनम्
ukto nābhervisargaśca rajasaśca mahātmanaḥ| dvīpānāṃ ca samudrāṇāṃ parvatānāṃ ca kīrtanam
The emission (of creation) from Nābhi has been told, and that of the great-souled Rajas; and the enumeration of the continents, the oceans and the mountains.
AI translation rendered from the Sanskrit, not a published edition — the model flagged this verse as uncertain
PdP 1 2.21
द्वीपभेदसमुद्राणामन्तर्भावश्च सप्तसु। कीर्त्यन्ते योजनाग्रेण ये च तत्र निवासिनः
dvīpabhedasamudrāṇāmantarbhāvaśca saptasu| kīrtyante yojanāgreṇa ye ca tatra nivāsinaḥ
And the inclusion of the divisions of the continents and of the oceans within the seven; they are described by their extent in yojanas, and those who dwell there.
AI translation rendered from the Sanskrit, not a published edition
PdP 1 2.22
तदीयानि च वर्षाणि नदीभिः पर्वतैः सह। जंबूद्वीपादयो द्वीपाः समुद्रैः सप्तभिर्वृताः
tadīyāni ca varṣāṇi nadībhiḥ parvataiḥ saha| jaṃbūdvīpādayo dvīpāḥ samudraiḥ saptabhirvṛtāḥ
And their regions (varṣas) together with the rivers and mountains; the continents beginning with Jambūdvīpa are encircled by the seven oceans.
AI translation rendered from the Sanskrit, not a published edition
PdP 1 2.23
अंडस्यांतस्त्विमेलोकाः सप्तद्वीपा च मेदिनी। सूर्याचंद्रमसोश्चारो ग्रहाणां ज्योतिषां तथा
aṃḍasyāṃtastvimelokāḥ saptadvīpā ca medinī| sūryācaṃdramasoścāro grahāṇāṃ jyotiṣāṃ tathā
Within the egg are these worlds and the earth with its seven continents; the courses of the sun and the moon, of the planets, and likewise of the stars.
AI translation rendered from the Sanskrit, not a published edition
PdP 1 2.24
कीर्त्यते ध्रुवसामर्थ्यात्प्रजानां च शुभाशुभम्। ब्रह्मणा निर्मितः सौरः स्यंदनोर्थवशात्स्वयम्
kīrtyate dhruvasāmarthyātprajānāṃ ca śubhāśubham| brahmaṇā nirmitaḥ sauraḥ syaṃdanorthavaśātsvayam
It is told, from the power of Dhruva, the good and ill fortune of creatures; and the sun's chariot, fashioned by Brahmā of itself by force of purpose.
AI translation rendered from the Sanskrit, not a published edition — the model flagged this verse as uncertain
PdP 1 2.25
कल्पितो भगवांस्तेन प्रसर्पति दिवाकरः। सूर्यादीनां स्यंदनानां ध्रुवादेव प्रवर्त्तनं
kalpito bhagavāṃstena prasarpati divākaraḥ| sūryādīnāṃ syaṃdanānāṃ dhruvādeva pravarttanaṃ
The Lord, the day-maker, being set (upon it), moves along by it; the setting in motion of the chariots of the sun and the rest comes from Dhruva alone.
AI translation rendered from the Sanskrit, not a published edition — the model flagged this verse as uncertain
PdP 1 2.26
कल्पितः शिंशुमारश्च यस्य पुच्छे ध्रुवः स्थितः। संभवांते च संहारः संहारांते च संभवः
kalpitaḥ śiṃśumāraśca yasya pucche dhruvaḥ sthitaḥ| saṃbhavāṃte ca saṃhāraḥ saṃhārāṃte ca saṃbhavaḥ
And the porpoise (constellation) is set forth, in whose tail Dhruva stands; and at the end of coming-to-be is destruction, and at the end of destruction is coming-to-be.
AI translation rendered from the Sanskrit, not a published edition
PdP 1 2.27
देवतानामृषीणां च मनोः पितृगणस्य च। न शक्यं विस्तराद्वक्तुमित्युक्तं च समासतः
devatānāmṛṣīṇāṃ ca manoḥ pitṛgaṇasya ca| na śakyaṃ vistarādvaktumityuktaṃ ca samāsataḥ
Of the gods, of the sages, of Manu and of the host of the fathers it is not possible to speak at length — so it is told in brief.
AI translation rendered from the Sanskrit, not a published edition
PdP 1 2.28
अतीतानागतानां वै समं स्वायंभुवेन तु। मन्वंतरेषु देवानां प्रजेशानां च कीर्तनम्
atītānāgatānāṃ vai samaṃ svāyaṃbhuvena tu| manvaṃtareṣu devānāṃ prajeśānāṃ ca kīrtanam
Indeed of those past and those to come, alike with the Svāyambhuva (interval), the enumeration of the gods and the lords of creatures in the Manu-intervals.
AI translation rendered from the Sanskrit, not a published edition
PdP 1 2.29
नैमित्तिकः प्राकृतिकस्तथैवात्यंतिकः स्मृतः। त्रिविधः सर्वभूतानां कल्पितः प्रतिसंचरः
naimittikaḥ prākṛtikastathaivātyaṃtikaḥ smṛtaḥ| trividhaḥ sarvabhūtānāṃ kalpitaḥ pratisaṃcaraḥ
The occasional, the elemental, and likewise the ultimate: threefold is the dissolution of all beings as ordained.
AI translation rendered from the Sanskrit, not a published edition
PdP 1 2.30
अनावृष्टिर्भास्कराच्च घोरः संवर्त्तकानलः। मेघाश्चैकार्णवा ये तु तथा रात्रिर्महात्मनः
anāvṛṣṭirbhāskarācca ghoraḥ saṃvarttakānalaḥ| meghāścaikārṇavā ye tu tathā rātrirmahātmanaḥ
And the drought, and from the sun the dreadful fire of destruction, and the clouds, and those (waters) that are one single ocean, and likewise the night of the Great One.
AI translation rendered from the Sanskrit, not a published edition
PdP 1 2.31
संध्यालक्षणमुद्दिष्टं तथा ब्राह्मं विशेषतः। भूतानां चापि लोकानां सप्तानामनुवर्णनम्
saṃdhyālakṣaṇamuddiṣṭaṃ tathā brāhmaṃ viśeṣataḥ| bhūtānāṃ cāpi lokānāṃ saptānāmanuvarṇanam
The characteristics of twilight have been set forth, and especially that of Brahmā; also the description of beings and of the seven worlds.
AI translation rendered from the Sanskrit, not a published edition
PdP 1 2.32
संकीर्त्यं ते मया चात्र पापानां रौरवादयः। सर्वेषामेव सत्वानां परिणामविनिर्णयः
saṃkīrtyaṃ te mayā cātra pāpānāṃ rauravādayaḥ| sarveṣāmeva satvānāṃ pariṇāmavinirṇayaḥ
And here the (hells) beginning with Raurava for sinners are to be recounted by me, and the determination of the transformation of all creatures.
AI translation rendered from the Sanskrit, not a published edition — the model flagged this verse as uncertain
PdP 1 2.33
ब्रह्मणः प्रतिसर्गश्च सर्वसंहारवर्णनम्। कल्पेकल्पे च भूतानां महतामपि संक्षयः
brahmaṇaḥ pratisargaśca sarvasaṃhāravarṇanam| kalpekalpe ca bhūtānāṃ mahatāmapi saṃkṣayaḥ
And the re-creation by Brahmā, and the account of the total dissolution; and in each kalpa the destruction of beings, even of the great ones.
AI translation rendered from the Sanskrit, not a published edition
PdP 1 2.34
सुसंख्याय च बुद्ध्वा वै ब्रह्मणश्चाप्यनित्यताम्। दौरात्म्यं चैव भोगानां संसारस्य च कष्टताम्
susaṃkhyāya ca buddhvā vai brahmaṇaścāpyanityatām| daurātmyaṃ caiva bhogānāṃ saṃsārasya ca kaṣṭatām
And having well reckoned and understood the impermanence even of Brahmā, and the evil nature of enjoyments, and the wretchedness of the round of rebirth,
AI translation rendered from the Sanskrit, not a published edition
PdP 1 2.35
दुर्ल्लभत्वं च मोक्षस्य वैराग्याद्दोषदर्शनम्। व्यक्ताव्यक्तं परित्यज्य सत्वं ब्रह्मणि संस्थितम्
durllabhatvaṃ ca mokṣasya vairāgyāddoṣadarśanam| vyaktāvyaktaṃ parityajya satvaṃ brahmaṇi saṃsthitam
and the difficulty of attaining liberation, and the perception of faults arising from detachment — having abandoned the manifest and the unmanifest, the being (soul) is established in Brahman.
AI translation rendered from the Sanskrit, not a published edition — the model flagged this verse as uncertain
PdP 1 2.36
नानात्व दर्शनात्सुस्थस्ततस्तदभिवर्त्तते। ततस्तापत्रयातीतो विरूपाख्यो निरंजनः
nānātva darśanātsusthastatastadabhivarttate| tatastāpatrayātīto virūpākhyo niraṃjanaḥ
Steady by reason of seeing the manifoldness (of things), he thereupon turns toward That; then, having passed beyond the three torments, he is called formless, stainless,
AI translation rendered from the Sanskrit, not a published edition — the model flagged this verse as uncertain
PdP 1 2.37
आनंदं ब्रह्मणः प्राप्तो न बिभेति कुतश्चन। इति कृत्य समुद्देशः प्रमाणस्योपवर्णितः
ānaṃdaṃ brahmaṇaḥ prāpto na bibheti kutaścana| iti kṛtya samuddeśaḥ pramāṇasyopavarṇitaḥ
having attained the bliss of Brahman, he fears nothing from any quarter. Thus the summary of the topic has been described as authority (pramāṇa).
AI translation rendered from the Sanskrit, not a published edition — the model flagged this verse as uncertain
PdP 1 2.38
कीर्त्यंते जगतो यत्र सर्गप्रलयविक्रियाः। प्रवृत्तिश्चापि भूतानां निवृत्तीनां फलानि च
kīrtyaṃte jagato yatra sargapralayavikriyāḥ| pravṛttiścāpi bhūtānāṃ nivṛttīnāṃ phalāni ca
Herein are proclaimed the changes of the world in creation and dissolution, and also the going-forth of beings and the fruits of their ceasings.
AI translation rendered from the Sanskrit, not a published edition
PdP 1 2.39
प्रादुर्भावो वसिष्ठस्य शक्तेर्जन्म तथैव च। सौदासान्निग्रहस्तस्य विश्वामित्रकृतेन च
prādurbhāvo vasiṣṭhasya śakterjanma tathaiva ca| saudāsānnigrahastasya viśvāmitrakṛtena ca
The appearance of Vasiṣṭha, and likewise the birth of Śakti, and his (Śakti's) restraint by Saudāsa, brought about by Viśvāmitra;
AI translation rendered from the Sanskrit, not a published edition — the model flagged this verse as uncertain
PdP 1 2.40
पराशरस्य चोत्पत्तिरदृश्यन्त्यां यथा विभोः। जज्ञे पितॄणां कन्यायां व्यासश्चापि यथा मुनिः
parāśarasya cotpattiradṛśyantyāṃ yathā vibhoḥ| jajñe pitṝṇāṃ kanyāyāṃ vyāsaścāpi yathā muniḥ
and the origin of Parāśara from Adṛśyantī, as (told) of the lord; and how the sage Vyāsa too was born of a daughter of the Pitṛs.
AI translation rendered from the Sanskrit, not a published edition — the model flagged this verse as uncertain
PdP 1 2.41
शुकस्य च यथा जन्म पुत्रस्य सह धीमतः। पराशरस्य विद्वेषो विश्वामित्रकृतो यथा
śukasya ca yathā janma putrasya saha dhīmataḥ| parāśarasya vidveṣo viśvāmitrakṛto yathā
And how the birth of Śuka, the wise son, (took place) together with (that); and how Parāśara's enmity was caused by Viśvāmitra;
AI translation rendered from the Sanskrit, not a published edition — the model flagged this verse as uncertain
PdP 1 2.42
वसिष्ठसंभृतश्चाग्निर्विश्वामित्रजिघांसया। संधानहेतोर्विभुना जीर्णः कण्वेन धीमता
vasiṣṭhasaṃbhṛtaścāgnirviśvāmitrajighāṃsayā| saṃdhānahetorvibhunā jīrṇaḥ kaṇvena dhīmatā
And the fire gathered by Vasiṣṭha out of the wish to slay Viśvāmitra was digested by the mighty, wise Kaṇva for the sake of reconciliation,
AI translation rendered from the Sanskrit, not a published edition — the model flagged this verse as uncertain
PdP 1 2.43
देवेन विप्रा विप्राणां विश्वामित्रहितैषिणा। एकं वेदं चतुःपादं चतुर्धा पुनरीश्वरः
devena viprā viprāṇāṃ viśvāmitrahitaiṣiṇā| ekaṃ vedaṃ catuḥpādaṃ caturdhā punarīśvaraḥ
O brahmins, by the god who sought the welfare of Viśvāmitra among brahmins; and how the Lord again (made) the one Veda of four parts fourfold —
AI translation rendered from the Sanskrit, not a published edition — the model flagged this verse as uncertain
PdP 1 2.44
यथा बिभेद भगवान् व्यासः सर्वेष्वनुग्रहात्। तस्य शिष्यप्रशिष्यैश्च शाखाभेदाः पुनः कृताः
yathā bibheda bhagavān vyāsaḥ sarveṣvanugrahāt| tasya śiṣyapraśiṣyaiśca śākhābhedāḥ punaḥ kṛtāḥ
how the venerable Vyāsa divided (it), out of favour toward all; and how by his pupils and pupils' pupils the divisions into branches were again made;
AI translation rendered from the Sanskrit, not a published edition
PdP 1 2.45
प्रयागे मुनिवर्यैश्च यथा पृष्टः स्वयं प्रभुः। कृष्णेन चानुशिष्टास्ते मुनयो धर्मकांक्षिणः
prayāge munivaryaiśca yathā pṛṣṭaḥ svayaṃ prabhuḥ| kṛṣṇena cānuśiṣṭāste munayo dharmakāṃkṣiṇaḥ
and how at Prayāga the Lord himself was questioned by the best of sages, and those sages desirous of dharma were instructed by Kṛṣṇa.
AI translation rendered from the Sanskrit, not a published edition
PdP 1 2.46
एतत्सर्वं यथातत्वमाख्यातं द्विजसत्तमाः। मुनीनां धर्मनित्यानां लोकतंत्रमनुत्तमम्
etatsarvaṃ yathātatvamākhyātaṃ dvijasattamāḥ| munīnāṃ dharmanityānāṃ lokataṃtramanuttamam
All this has been declared as it truly is, O best of the twice-born — the unsurpassed lore of the world (belonging) to the sages devoted to dharma,
AI translation rendered from the Sanskrit, not a published edition
PdP 1 2.47
ब्रह्मणा यत्पुरा प्रोक्तं पुलस्त्याय महात्मने। पुलस्त्येनाथ भीष्माय गंगाद्वारे प्रभाषितम्
brahmaṇā yatpurā proktaṃ pulastyāya mahātmane| pulastyenātha bhīṣmāya gaṃgādvāre prabhāṣitam
which was formerly spoken by Brahmā to the great-souled Pulastya, and then declared by Pulastya to Bhīṣma at the gate of the Gaṅgā.
AI translation rendered from the Sanskrit, not a published edition
PdP 1 2.48
धन्यं यशस्यमायुष्यं सर्व्वपापप्रणाशनम्। कीर्तनं श्रवणं चास्य धारणं च विशेषतः
dhanyaṃ yaśasyamāyuṣyaṃ sarvvapāpapraṇāśanam| kīrtanaṃ śravaṇaṃ cāsya dhāraṇaṃ ca viśeṣataḥ
The reciting and the hearing of this, and especially the retaining of it, is productive of wealth, of fame, of long life, and destroys all sins.
AI translation rendered from the Sanskrit, not a published edition
PdP 1 2.49
सूतेनानुक्रमेणेदं पुराणं संप्रकाशितम्। ब्राह्मणेषु पुरा यच्च ब्रह्मणोक्तं सविस्तरम्
sūtenānukrameṇedaṃ purāṇaṃ saṃprakāśitam| brāhmaṇeṣu purā yacca brahmaṇoktaṃ savistaram
By the Sūta this Purāṇa has been made known in due order; and what was formerly told at length by Brahmā among the brahmins —
AI translation rendered from the Sanskrit, not a published edition
PdP 1 2.50
पादमस्य विदन्सम्यग्योधीयीत जितेंद्रियः। तेनाधीतं पुराणं स्यात्सर्वं नास्त्यत्र संशयः५० 1.2.
pādamasya vidansamyagyodhīyīta jiteṃdriyaḥ| tenādhītaṃ purāṇaṃ syātsarvaṃ nāstyatra saṃśayaḥ50 1.2.
whoever, knowing it rightly and with senses subdued, should study a quarter of it, by him the whole Purāṇa would have been studied; there is no doubt of this.
AI translation rendered from the Sanskrit, not a published edition
PdP 1 2.51
यो विद्याच्चतुरो वेदान्सांगोपनिषदो द्विजः। पुराणं च विजानाति यः स तस्माद्विचक्षणः
yo vidyāccaturo vedānsāṃgopaniṣado dvijaḥ| purāṇaṃ ca vijānāti yaḥ sa tasmādvicakṣaṇaḥ
The twice-born who knows the four Vedas together with their ancillary sciences and the Upaniṣads — and (the one) who also understands the Purāṇa: he is the more discerning of the two.
AI translation rendered from the Sanskrit, not a published edition
PdP 1 2.52
इतिहासपुराणाभ्यां वेदं समुपबृंहयेत्। बिभेत्यल्पश्रुताद्वेदो मामयं प्रतरिष्यति
itihāsapurāṇābhyāṃ vedaṃ samupabṛṃhayet| bibhetyalpaśrutādvedo māmayaṃ pratariṣyati
One should strengthen the Veda with itihāsa and purāṇa. The Veda is afraid of the man of little learning: 'This one will do violence to me.'
AI translation rendered from the Sanskrit, not a published edition
PdP 1 2.53
अधीत्य चैकमध्यायं स्वयं प्रोक्तं स्वयंभुवा। आपदः प्राप्य मुच्येत यथेष्टां प्राप्नुयाद्गतिम्
adhītya caikamadhyāyaṃ svayaṃ proktaṃ svayaṃbhuvā| āpadaḥ prāpya mucyeta yatheṣṭāṃ prāpnuyādgatim
And having recited even a single chapter, spoken by the Self-existent himself, one would be released when calamities come upon one, and would attain the destination one wishes.
AI translation rendered from the Sanskrit, not a published edition
PdP 1 2.54
पुरा परंपरां वक्ति पुराणं तेन वै स्मृतम्। निरुक्तिमस्य यो वेद सर्वपापैः प्रमुच्यते
purā paraṃparāṃ vakti purāṇaṃ tena vai smṛtam| niruktimasya yo veda sarvapāpaiḥ pramucyate
It tells of the succession (of things) of old (purā); therefore it is called 'Purāṇa.' Whoever knows this etymology is wholly freed from all sins.
AI translation rendered from the Sanskrit, not a published edition
PdP 1 2.55
ऋषयोह्यब्रुवन्सूतं कथं भीष्मेण सङ्गतः। ब्रह्मणो मानसः पुत्रः पुलस्त्यो भगवानृषिः
ṛṣayohyabruvansūtaṃ kathaṃ bhīṣmeṇa saṅgataḥ| brahmaṇo mānasaḥ putraḥ pulastyo bhagavānṛṣiḥ
For the seers said to the Sūta: How did (he) come together with Bhīṣma — Pulastya, the blessed seer, the mind-born son of Brahmā,
AI translation rendered from the Sanskrit, not a published edition
PdP 1 2.56
दुर्लभं दर्शनं यस्य नरैः पापसमन्वितैः। अत्याश्चर्यमिदं सूत क्षत्रियेण कथं मुनिः
durlabhaṃ darśanaṃ yasya naraiḥ pāpasamanvitaiḥ| atyāścaryamidaṃ sūta kṣatriyeṇa kathaṃ muniḥ
the sight of whom is hard to obtain for men beset with sin? This is most wonderful, Sūta: how was the sage, (approached) by a kṣatriya,
AI translation rendered from the Sanskrit, not a published edition
PdP 1 2.57
आराधितो बृहद्भूतस्तन्नो वद महामते। कीदृशं वा तपस्तेन को वान्यो नियमः कृतः
ārādhito bṛhadbhūtastanno vada mahāmate| kīdṛśaṃ vā tapastena ko vānyo niyamaḥ kṛtaḥ
that great being, propitiated? Tell us that, O greatly wise one. And what sort of austerity did he perform, or what other observance did he undertake,
AI translation rendered from the Sanskrit, not a published edition
PdP 1 2.58
येन तुष्टो मुनिर्ब्राह्मस्तथा तेन प्रभाषितः। पर्वं वाप्यथ पर्वार्धं समग्रं वा प्रभाषितम्
yena tuṣṭo munirbrāhmastathā tena prabhāṣitaḥ| parvaṃ vāpyatha parvārdhaṃ samagraṃ vā prabhāṣitam
by which the brahmin sage was pleased and thus spoke to him? And was a section, or half a section, or the whole (of it) recited?
AI translation rendered from the Sanskrit, not a published edition — the model flagged this verse as uncertain
PdP 1 2.59
यस्मिन्स्थाने यथादृष्टः पुलस्त्यो भगवानृषिः। तन्नो वद महाभाग कल्याः स्म श्रवणे वयम्
yasminsthāne yathādṛṣṭaḥ pulastyo bhagavānṛṣiḥ| tanno vada mahābhāga kalyāḥ sma śravaṇe vayam
In what place and in what manner was the blessed seer Pulastya seen? Tell us that, O greatly fortunate one; we are ready to hear.
AI translation rendered from the Sanskrit, not a published edition
PdP 1 2.60
सूत उवाच। यत्र गंगा महाभागा साधूनां हितकारिणी। विभिद्य पर्वतं वेगान्निःसृता लोकपावनी
sūta uvāca| yatra gaṃgā mahābhāgā sādhūnāṃ hitakāriṇī| vibhidya parvataṃ vegānniḥsṛtā lokapāvanī
The Sūta said: Where the greatly blessed Gaṅgā, who does good to the virtuous, having split the mountain, burst forth with force, purifier of the worlds —
AI translation rendered from the Sanskrit, not a published edition
PdP 1 2.61
गंगाद्वारे महातीर्थे भीष्मः पितृपरायणः। शुश्रूषुः सुचिरं कालं महतां नियमे स्थितः
gaṃgādvāre mahātīrthe bhīṣmaḥ pitṛparāyaṇaḥ| śuśrūṣuḥ suciraṃ kālaṃ mahatāṃ niyame sthitaḥ
there at Gaṅgādvāra, the great place of pilgrimage, Bhīṣma, wholly devoted to the ancestors, desiring to serve (them), remained for a very long time in the observance of the great ones.
AI translation rendered from the Sanskrit, not a published edition
PdP 1 2.62
यावद्वर्षशतं साग्रं परमेण समाधिना। ध्यायमानः परं ब्रह्म त्रिकालं स्नानमाचरत्
yāvadvarṣaśataṃ sāgraṃ parameṇa samādhinā| dhyāyamānaḥ paraṃ brahma trikālaṃ snānamācarat
For a full hundred years, with the highest concentration, meditating on the supreme Brahman, he performed the bath at the three (junctures of the) day.
AI translation rendered from the Sanskrit, not a published edition
PdP 1 2.63
पितॄन्देवांस्तर्पयतः स्वाध्यायेन महात्मनः। आत्मानं कर्षतश्चास्य तुष्टो देवः पितामहः
pitṝndevāṃstarpayataḥ svādhyāyena mahātmanaḥ| ātmānaṃ karṣataścāsya tuṣṭo devaḥ pitāmahaḥ
As that great soul satisfied the ancestors and the gods with his private recitation, and mortified himself, the god Grandfather was pleased with him.
AI translation rendered from the Sanskrit, not a published edition
PdP 1 2.64
उवाच तनयं ब्रह्मा पुलस्त्यमृषिसत्तमम्। स त्वं देवव्रतं भीष्मं वीरं कुरुकुलोद्भवम्
uvāca tanayaṃ brahmā pulastyamṛṣisattamam| sa tvaṃ devavrataṃ bhīṣmaṃ vīraṃ kurukulodbhavam
Brahmā said to his son Pulastya, the best of seers: You (go to) Bhīṣma Devavrata, the hero sprung from the Kuru line;
AI translation rendered from the Sanskrit, not a published edition
PdP 1 2.65
तपसः संनिवर्त्तस्व कारणं चास्य कीर्त्तय। पितॄन्भक्त्या महाभागो ध्यायमानस्समास्थितः
tapasaḥ saṃnivarttasva kāraṇaṃ cāsya kīrttaya| pitṝnbhaktyā mahābhāgo dhyāyamānassamāsthitaḥ
turn (him) back from austerity, and declare the reason for it. The greatly blessed one stands there meditating on the ancestors with devotion.
AI translation rendered from the Sanskrit, not a published edition — the model flagged this verse as uncertain
PdP 1 2.66
यो ह्यस्य मनसः कामस्तं संपादयमाचिरम्। पितामहवचः श्रुत्वा पुलस्त्यो मुनिसत्तमः
yo hyasya manasaḥ kāmastaṃ saṃpādayamāciram| pitāmahavacaḥ śrutvā pulastyo munisattamaḥ
Whatever desire his mind has, accomplish it without delay. Having heard the Grandfather's words, Pulastya, best of sages,
AI translation rendered from the Sanskrit, not a published edition
PdP 1 2.67
गंगाद्वारमथागत्य भीष्मं वचनमब्रवीत्। वरं वरय भद्रं ते यत्ते मनसि वर्त्तते
gaṃgādvāramathāgatya bhīṣmaṃ vacanamabravīt| varaṃ varaya bhadraṃ te yatte manasi varttate
then came to Gaṅgādvāra and spoke these words to Bhīṣma: Choose a boon — good fortune to you — whatever is in your mind.
AI translation rendered from the Sanskrit, not a published edition
PdP 1 2.68
तुष्टस्ते तपसा वीर साक्षाद्देवः पितामहः। ब्रह्मणा प्रेषितस्तेहं वरान्दास्यामि कांक्षितान्
tuṣṭaste tapasā vīra sākṣāddevaḥ pitāmahaḥ| brahmaṇā preṣitastehaṃ varāndāsyāmi kāṃkṣitān
The god Grandfather himself is pleased with your austerity, hero. Sent by Brahmā, I shall give you the boons you long for.
AI translation rendered from the Sanskrit, not a published edition
PdP 1 2.69
भीष्मोपि तद्वचः श्रुत्वा मनःश्रोत्रसुखावहम्। उन्मील्य नयने दृष्ट्वा पुलस्त्यं पुरतः स्थितम्
bhīṣmopi tadvacaḥ śrutvā manaḥśrotrasukhāvaham| unmīlya nayane dṛṣṭvā pulastyaṃ purataḥ sthitam
And Bhīṣma, hearing that speech which brought delight to mind and ear, opened his eyes and saw Pulastya standing before him;
AI translation rendered from the Sanskrit, not a published edition
PdP 1 2.70
अष्टांगप्रणिपातेन नत्वा तं मुनिसत्तमम्। उवाच प्रणतो भूत्वा सर्वांगालिंगितावनिः
aṣṭāṃgapraṇipātena natvā taṃ munisattamam| uvāca praṇato bhūtvā sarvāṃgāliṃgitāvaniḥ
bowing to that best of sages with a prostration of the eight limbs, and becoming humble, touching the ground with all his limbs, he said:
AI translation rendered from the Sanskrit, not a published edition
PdP 1 2.71
अद्य मे सफलं जन्म दिनं चेदं सुशोभनम्। भवतश्चरणौ दृष्टौ जगद्वंद्यौ मया त्विह
adya me saphalaṃ janma dinaṃ cedaṃ suśobhanam| bhavataścaraṇau dṛṣṭau jagadvaṃdyau mayā tviha
Today my birth has borne fruit, and this day is most auspicious, for here by the river's bank I have seen your feet, which the world reveres.
AI translation rendered from the Sanskrit, not a published edition
PdP 1 2.72
तपसश्च फलं प्राप्तं यद्दृष्टोभगवान्मया। वरप्रदो विशेषेण संप्राप्तश्च नदीतटे
tapasaśca phalaṃ prāptaṃ yaddṛṣṭobhagavānmayā| varaprado viśeṣeṇa saṃprāptaśca nadītaṭe
"And the fruit of my austerity has been won, in that the Lord has been seen by me; and one who grants boons especially has come here to the river bank."
AI translation rendered from the Sanskrit, not a published edition
PdP 1 2.73
इयं ब्रसी मया क्लप्ता आस्यतां सुखदा कृता। अर्घ्यपात्रे तु पालाशे दूर्वाक्षतसुमैः कुशैः
iyaṃ brasī mayā klaptā āsyatāṃ sukhadā kṛtā| arghyapātre tu pālāśe dūrvākṣatasumaiḥ kuśaiḥ
"This seat of grass has been arranged by me and made comfortable — please be seated. And in the arghya vessel of palāśa leaf, with dūrvā grass, unhusked rice grains, flowers and kuśa,"
AI translation rendered from the Sanskrit, not a published edition
PdP 1 2.74
सर्षपैश्च दधिक्षौद्रैर्यवैश्च पयसा सह। अष्टांगो ह्येष निर्द्दिष्टो ह्यर्घो हि मुनिभिः पुरा
sarṣapaiśca dadhikṣaudrairyavaiśca payasā saha| aṣṭāṃgo hyeṣa nirddiṣṭo hyargho hi munibhiḥ purā
"and with mustard seeds, curds and honey, and with barley together with milk — this eight-limbed arghya was indeed prescribed by the sages of old."
AI translation rendered from the Sanskrit, not a published edition
PdP 1 2.75
श्रुत्वैतद्वचनं तस्य भीष्मस्यामिततेजसः। उपविष्टो ब्रह्मसुतः पुलस्त्यो भगवानृषिः
śrutvaitadvacanaṃ tasya bhīṣmasyāmitatejasaḥ| upaviṣṭo brahmasutaḥ pulastyo bhagavānṛṣiḥ
Having heard that speech of Bhīṣma of measureless splendour, Brahmā's son, the venerable seer Pulastya, sat down.
AI translation rendered from the Sanskrit, not a published edition
PdP 1 2.76
विष्टरं सहपाद्येन अर्घपात्रं मुदान्वितः। जुजोष भगवान्प्रीतः सदाचारेण तेन तु
viṣṭaraṃ sahapādyena arghapātraṃ mudānvitaḥ| jujoṣa bhagavānprītaḥ sadācāreṇa tena tu
Filled with delight, the Lord, pleased by that good conduct (of his host), accepted the seat together with the water for the feet and the vessel of arghya.
AI translation rendered from the Sanskrit, not a published edition
PdP 1 2.77
पुलस्त्य उवाच। सत्यवान्दानशीलोसि सत्यसंधिर्नरेश्वरः। ह्रीमान्मैत्रः क्षमाशीलो विक्रांतः शत्रुशासने
pulastya uvāca| satyavāndānaśīlosi satyasaṃdhirnareśvaraḥ| hrīmānmaitraḥ kṣamāśīlo vikrāṃtaḥ śatruśāsane
Pulastya said: You are truthful and given to charity, a lord of men true to your word, modest, friendly, patient by nature, and valorous in chastising enemies.
AI translation rendered from the Sanskrit, not a published edition
PdP 1 2.78
धर्मज्ञस्त्वं कृतज्ञस्त्वं दयावान्प्रियभाषिता। मान्यमानयिता विज्ञो ब्रह्मण्यः साधुवत्सलः
dharmajñastvaṃ kṛtajñastvaṃ dayāvānpriyabhāṣitā| mānyamānayitā vijño brahmaṇyaḥ sādhuvatsalaḥ
You know dharma, you are grateful, compassionate, pleasant in speech, one who honours those worthy of honour, discerning, devoted to brahmins, and fond of the good.
AI translation rendered from the Sanskrit, not a published edition
PdP 1 2.79
तुष्टस्तेहं सदा वत्स प्रणिपातपरस्य वै। प्रब्रूहि त्वं महाभाग कथनं ते वदाम्यहम्
tuṣṭastehaṃ sadā vatsa praṇipātaparasya vai| prabrūhi tvaṃ mahābhāga kathanaṃ te vadāmyaham
I am always pleased with you, child, since you are intent on reverence. Speak, O greatly fortunate one: I will tell you the account (you wish).
AI translation rendered from the Sanskrit, not a published edition
PdP 1 2.80
भीष्म उवाच। भगवन्भगवान्ब्रह्मा कस्मिन्काले स्थितो विभुः। सृष्टिं चकार वै पूर्वं देवादीनां वदस्व मे
bhīṣma uvāca| bhagavanbhagavānbrahmā kasminkāle sthito vibhuḥ| sṛṣṭiṃ cakāra vai pūrvaṃ devādīnāṃ vadasva me
Bhīṣma said: O Lord, at what time did the all-pervading Lord Brahmā abide and formerly carry out the creation of the gods and the rest? Tell me.
AI translation rendered from the Sanskrit, not a published edition
PdP 1 2.81
स्थितिं वा भगवान्विष्णुः कथं रुद्रस्तु निर्मितः। कथं वा ऋषयो देवास्सृष्टास्तेन महात्मना
sthitiṃ vā bhagavānviṣṇuḥ kathaṃ rudrastu nirmitaḥ| kathaṃ vā ṛṣayo devāssṛṣṭāstena mahātmanā
Or (tell me) the maintenance (of the world) by Lord Viṣṇu; how was Rudra fashioned? And how were the seers and the gods created by that great soul?
AI translation rendered from the Sanskrit, not a published edition
PdP 1 2.82
कथं पृथ्वी कथं व्योम कथं चेमे तु सागराः। कथं द्वीपाः पर्वताश्च ग्रामारण्यपुराणि च
kathaṃ pṛthvī kathaṃ vyoma kathaṃ ceme tu sāgarāḥ| kathaṃ dvīpāḥ parvatāśca grāmāraṇyapurāṇi ca
How the earth, how the sky, and how these oceans; how the continents and the mountains, and the villages, forests and cities;
AI translation rendered from the Sanskrit, not a published edition
PdP 1 2.83
मुनीन्प्रजापतींश्चैव सप्तर्षीन्प्रवरानपि। वर्णान्वायुं पुरास्थानं गंधर्वान्यक्षराक्षसान्
munīnprajāpatīṃścaiva saptarṣīnpravarānapi| varṇānvāyuṃ purāsthānaṃ gaṃdharvānyakṣarākṣasān
the sages and the lords of creatures, and also the seven pre-eminent seers, the social classes, the wind, the ancient abode, the gandharvas, yakṣas and rākṣasas;
AI translation rendered from the Sanskrit, not a published edition
PdP 1 2.84
तीर्थानि सरितो वाथ सूर्यादीन्ग्रहतारकान्। यथा ससर्ज भगवांस्तथा मे त्वं वदस्व ह
tīrthāni sarito vātha sūryādīngrahatārakān| yathā sasarja bhagavāṃstathā me tvaṃ vadasva ha
the sacred fords and the rivers, and the sun and the rest, the planets and the stars — tell me how the Lord created them.
AI translation rendered from the Sanskrit, not a published edition
PdP 1 2.85
पुलस्त्य उवाच। परः पराणां परमः परमात्मा पितामहः। रूपवर्णादिरहितो विशेषण विवर्जितः
pulastya uvāca| paraḥ parāṇāṃ paramaḥ paramātmā pitāmahaḥ| rūpavarṇādirahito viśeṣaṇa vivarjitaḥ
Pulastya said: Higher than the high, supreme, the supreme Self, the Grandfather, devoid of form, colour and the like, free of any qualifying attribute,
AI translation rendered from the Sanskrit, not a published edition
PdP 1 2.86
अपक्षयविनाशाभ्यां परिणामर्द्धिजन्मभिः। गुणैर्विवर्जितः सर्वैः स भातीति हि केवलम्
apakṣayavināśābhyāṃ pariṇāmarddhijanmabhiḥ| guṇairvivarjitaḥ sarvaiḥ sa bhātīti hi kevalam
free from decay and destruction, from transformation, growth and birth, free from all attributes — he simply shines, that is all.
AI translation rendered from the Sanskrit, not a published edition
PdP 1 2.87
सर्वत्रासौ समश्चापि वसन्ननुपमो मतः। भावयन्ब्रह्मरूपेण विद्वद्भिः परिपठ्यते
sarvatrāsau samaścāpi vasannanupamo mataḥ| bhāvayanbrahmarūpeṇa vidvadbhiḥ paripaṭhyate
He is held to be the same everywhere, dwelling (in all), without comparison; conceiving him in the form of Brahman, the learned recite (of) him.
AI translation rendered from the Sanskrit, not a published edition — the model flagged this verse as uncertain
PdP 1 2.88
तं गुह्यं परमं नित्यमजमक्षयमव्ययम्। तथा पुरुषरूपेण कालरूपेण संस्थितम्
taṃ guhyaṃ paramaṃ nityamajamakṣayamavyayam| tathā puruṣarūpeṇa kālarūpeṇa saṃsthitam
Him, the hidden, the supreme, the eternal, unborn, imperishable, unchanging, who abides likewise in the form of Puruṣa and in the form of Time —
AI translation rendered from the Sanskrit, not a published edition
PdP 1 2.89
तं नत्वाहं प्रवक्ष्यामि यथा सृष्टिं चकार ह। पूर्वं तु पद्मशयनादुत्थाय जगतःप्रभुः
taṃ natvāhaṃ pravakṣyāmi yathā sṛṣṭiṃ cakāra ha| pūrvaṃ tu padmaśayanādutthāya jagataḥprabhuḥ
having bowed to him, I shall relate how he carried out creation: formerly, the Lord of the world, rising up from his couch of lotus...
AI translation rendered from the Sanskrit, not a published edition
PdP 1 2.90
गुणव्यंजनसंभूतः सर्गकाले नराधिप। सात्विको राजसश्चैव तामसश्च त्रिधा महान्
guṇavyaṃjanasaṃbhūtaḥ sargakāle narādhipa| sātviko rājasaścaiva tāmasaśca tridhā mahān
Arisen from the manifestation of the guṇas at the time of creation, O ruler of men, the Great One (mahat) is threefold: sāttvika, rājasa and tāmasa.
AI translation rendered from the Sanskrit, not a published edition
PdP 1 2.91
प्रधानतत्वेन समं तथा बीजादिभिर्वृतः। वैकारिकस्तैजसश्च भूतादिश्चैव तामसः
pradhānatatvena samaṃ tathā bījādibhirvṛtaḥ| vaikārikastaijasaśca bhūtādiścaiva tāmasaḥ
(It is) equal to the pradhāna principle, and likewise enveloped by the seed and the rest: the modificatory (vaikārika), the fiery (taijasa), and the elemental-origin (bhūtādi), which is dark (tāmasa).
AI translation rendered from the Sanskrit, not a published edition — the model flagged this verse as uncertain
PdP 1 2.92
त्रिविधोयमहंकारो महत्तत्त्वादजायत। भूतेंद्रियाणां पंचानां तथा कर्मेन्द्रियैः सह
trividhoyamahaṃkāro mahattattvādajāyata| bhūteṃdriyāṇāṃ paṃcānāṃ tathā karmendriyaiḥ saha
This threefold self-sense (ahaṃkāra) was born from the great principle (mahat), together with the five elements and (five) senses, and likewise with the organs of action.
AI translation rendered from the Sanskrit, not a published edition
PdP 1 2.93
पृथिव्यापस्तथातेजो वायुराकाशमेव च। एकैकशः स्वरूपेण कथयामि यथोत्तरम्
pṛthivyāpastathātejo vāyurākāśameva ca| ekaikaśaḥ svarūpeṇa kathayāmi yathottaram
Earth, water, and likewise fire, wind, and space as well — each one singly, by its own form, I shall tell of in due order.
AI translation rendered from the Sanskrit, not a published edition
PdP 1 2.94
शब्दमात्रमथाकाशं भूतादिः खं समावृणोत्। अथाकाशं विकुर्वाणं स्पर्शमात्रं ससर्ज ह
śabdamātramathākāśaṃ bhūtādiḥ khaṃ samāvṛṇot| athākāśaṃ vikurvāṇaṃ sparśamātraṃ sasarja ha
Then the elemental-origin (bhūtādi) enveloped space, which is mere sound; then space, undergoing modification, brought forth mere touch.
AI translation rendered from the Sanskrit, not a published edition
PdP 1 2.95
बलवानेष वै वायुस्तस्य स्पर्शो गुणो मतः। आकाशं शब्दमात्रं तु स्पर्शमात्रं समावृणोत्
balavāneṣa vai vāyustasya sparśo guṇo mataḥ| ākāśaṃ śabdamātraṃ tu sparśamātraṃ samāvṛṇot
This is the powerful wind; touch is held to be its quality. And space, which is mere sound, enveloped that which is mere touch.
AI translation rendered from the Sanskrit, not a published edition
PdP 1 2.96
ततो वायुर्विकुर्वाणो रूपमात्रं ससर्ज ह। ज्योतीरूपन्तु तद्वायुस्तद्रूपगुणमुच्यते
tato vāyurvikurvāṇo rūpamātraṃ sasarja ha| jyotīrūpantu tadvāyustadrūpaguṇamucyate
Then the wind, undergoing modification, brought forth mere form; that wind (produced) light, whose form is (its) quality, as it is said.
AI translation rendered from the Sanskrit, not a published edition — the model flagged this verse as uncertain
PdP 1 2.97
स्पर्शरूपस्तु वै वायू रूपमात्रं समावृणोत्। ज्योतिश्चापि विकुर्वाणं रसमात्रं ससर्ज ह
sparśarūpastu vai vāyū rūpamātraṃ samāvṛṇot| jyotiścāpi vikurvāṇaṃ rasamātraṃ sasarja ha
But the wind, whose nature is touch, enveloped that which is mere form. And light, undergoing modification, brought forth mere taste.
AI translation rendered from the Sanskrit, not a published edition
PdP 1 2.98
संभवंति ततोंभांसि रूपमात्रं समावृणोत्। विकुर्वाणानि चांभांसि गंधमात्रं ससर्जिरे
saṃbhavaṃti tatoṃbhāṃsi rūpamātraṃ samāvṛṇot| vikurvāṇāni cāṃbhāṃsi gaṃdhamātraṃ sasarjire
From that the waters come into being; (light) enveloped that which is mere form. And the waters, undergoing modification, brought forth mere smell.
AI translation rendered from the Sanskrit, not a published edition
PdP 1 2.99
संघातो जायते तस्मात्तस्य गंधो मतो गुणः। तैजसानीन्द्रियाण्याहुर्देवा वैकारिका दश
saṃghāto jāyate tasmāttasya gaṃdho mato guṇaḥ| taijasānīndriyāṇyāhurdevā vaikārikā daśa
From that a solid mass (earth) arises; smell is held to be its quality. They call the senses fiery (taijasa), and the ten deities modificatory (vaikārika).
AI translation rendered from the Sanskrit, not a published edition — the model flagged this verse as uncertain
PdP 1 2.100
एकादशम्मनश्चात्र देवा वैकारिकाः स्मृताः। त्वक्चक्षुर्नासिका जिह्वा श्रोत्रमत्र च पंचमम्१०० 1.2.
ekādaśammanaścātra devā vaikārikāḥ smṛtāḥ| tvakcakṣurnāsikā jihvā śrotramatra ca paṃcamam100 1.2.
The mind is the eleventh here; these are recorded as the modificatory deities: skin, eye, nose, tongue, and the ear as the fifth here.
AI translation rendered from the Sanskrit, not a published edition
PdP 1 2.101
एतेषां तु मतं कृत्यं शब्दादि ग्रहणं पुनः। वाक्पाणिपादपायूनि चोपस्थं तत्र पञ्चमम्
eteṣāṃ tu mataṃ kṛtyaṃ śabdādi grahaṇaṃ punaḥ| vākpāṇipādapāyūni copasthaṃ tatra pañcamam
And their function is held to be, again, the apprehension of sound and the rest; (then) speech, hands, feet, anus, and the genitals as the fifth there.
AI translation rendered from the Sanskrit, not a published edition
PdP 1 2.102
विसर्गशिल्पगत्युक्तिर्गुणा एषां विपर्ययात्। आकाश वायु तेजांसि सलिलं पृथिवी तथा
visargaśilpagatyuktirguṇā eṣāṃ viparyayāt| ākāśa vāyu tejāṃsi salilaṃ pṛthivī tathā
Excretion, craft, motion, and speech are their qualities, in reverse order. Space, wind, fire, water, and likewise earth —
AI translation rendered from the Sanskrit, not a published edition — the model flagged this verse as uncertain
PdP 1 2.103
शब्दादिभिर्गुणैर्वीर युक्तानीत्युत्तरोत्तरैः। शांता घोराश्च मूढाश्च विशेषास्तेन ते स्मृताः
śabdādibhirguṇairvīra yuktānītyuttarottaraiḥ| śāṃtā ghorāśca mūḍhāśca viśeṣāstena te smṛtāḥ
— these are joined, O hero, with the qualities of sound and the rest, each successive one (having one more). Thereby they are recorded as the differentiated (elements): the calm, the terrible, and the deluded.
AI translation rendered from the Sanskrit, not a published edition — the model flagged this verse as uncertain
PdP 1 2.104
नानावीर्याः पृथग्भूतास्ततस्ते संहतिं विना। नाशक्नुवन्प्रजाः स्रष्टुमसमागम्य कृत्स्नशः
nānāvīryāḥ pṛthagbhūtāstataste saṃhatiṃ vinā| nāśaknuvanprajāḥ sraṣṭumasamāgamya kṛtsnaśaḥ
Being of various powers and separate from one another, they were then unable, without combination, to create creatures, not having come together completely.
AI translation rendered from the Sanskrit, not a published edition
PdP 1 2.105
समेत्यान्योन्यसंयोगात्परस्परसमाश्रयात्। एकसंघातलक्षाश्च संप्राप्यैक्यमशेषतः
sametyānyonyasaṃyogātparasparasamāśrayāt| ekasaṃghātalakṣāśca saṃprāpyaikyamaśeṣataḥ
Having come together, by mutual conjunction and by resting upon one another, and being marked as a single aggregate, having attained unity entirely —
AI translation rendered from the Sanskrit, not a published edition
PdP 1 2.106
पुरुषाधिष्ठितत्वाच्च व्यक्तानुग्रहणे तथा। महदादयो विशेषांता ह्यंडमुत्पादयंति वै
puruṣādhiṣṭhitatvācca vyaktānugrahaṇe tathā| mahadādayo viśeṣāṃtā hyaṃḍamutpādayaṃti vai
— and because they are presided over by the Puruṣa, and so in the favouring of the manifest, the (principles) beginning with mahat and ending with the differentiated (elements) do indeed generate the egg.
AI translation rendered from the Sanskrit, not a published edition — the model flagged this verse as uncertain
PdP 1 2.107
तत्क्रमेण विवृत्तं तु जलबुद्बुदवत्समम्। तत्राव्यक्तस्वरूपोसौ व्यक्तरूपी जनार्दनः
tatkrameṇa vivṛttaṃ tu jalabudbudavatsamam| tatrāvyaktasvarūposau vyaktarūpī janārdanaḥ
By that process it expanded, like a bubble on water. There, he of unmanifest form, Janārdana, having taken manifest form,
AI translation rendered from the Sanskrit, not a published edition
PdP 1 2.108
ब्रह्माब्रह्मस्वरूपेण स्वयमेव व्यवस्थितः। मेरुरुल्बमभूत्तस्य जरायुश्च महीधराः
brahmābrahmasvarūpeṇa svayameva vyavasthitaḥ| merurulbamabhūttasya jarāyuśca mahīdharāḥ
— (as) Brahmā, in the form of Brahman, established himself of his own accord. Meru became its outer membrane, and the mountains its inner membrane;
AI translation rendered from the Sanskrit, not a published edition
PdP 1 2.109
गर्भोदकं समुद्राश्च तस्यासंश्च महात्मनः। तत्र द्वीपास्समुद्राश्च सज्योतिर्लोकसंग्रहः
garbhodakaṃ samudrāśca tasyāsaṃśca mahātmanaḥ| tatra dvīpāssamudrāśca sajyotirlokasaṃgrahaḥ
and the oceans were the amniotic fluid of that great one. Therein were the continents and the oceans, together with the aggregate of the luminaries and the worlds.
AI translation rendered from the Sanskrit, not a published edition
PdP 1 2.110
तस्मिन्नंडेऽभवन्वीर सदेवासुरमानुषाः। वारि वह्न्यनिलाकाशैर्वृतैर्भूतादिना बहिः
tasminnaṃḍe'bhavanvīra sadevāsuramānuṣāḥ| vāri vahnyanilākāśairvṛtairbhūtādinā bahiḥ
In that egg, O hero, came to be (the beings) along with gods, demons, and men; outside, it was surrounded by water, fire, wind, and space, (and) by the elemental-origin (bhūtādi).
AI translation rendered from the Sanskrit, not a published edition
PdP 1 2.111
वृतं दशगुणैरंडं भूतादिर्महता तथा। अव्यक्तेनावृतो राजंस्तैः सर्वैः सहितो महान्
vṛtaṃ daśaguṇairaṃḍaṃ bhūtādirmahatā tathā| avyaktenāvṛto rājaṃstaiḥ sarvaiḥ sahito mahān
The egg is enveloped by (elements each) ten times (greater); and the bhūtādi (origin of the elements) likewise by the mahat; and the mahat, together with all those, is enveloped by the unmanifest, O king.
AI translation rendered from the Sanskrit, not a published edition
PdP 1 2.112
एभिरावरणैः सर्वैः सर्वभूतैश्च संयुतम्। नारिकेलफलं यद्वद्बीजं बाह्यदलैरिव
ebhirāvaraṇaiḥ sarvaiḥ sarvabhūtaiśca saṃyutam| nārikelaphalaṃ yadvadbījaṃ bāhyadalairiva
(The egg is) joined with all these coverings and with all beings, as a coconut fruit's kernel is (enclosed) by its outer layers.
AI translation rendered from the Sanskrit, not a published edition
PdP 1 2.113
ब्रह्मा स्वयं च जगतो विसृष्टौ संप्रवर्त्तते। सृष्टिं च पात्यनुयुगं यावत्कल्पविकल्पना
brahmā svayaṃ ca jagato visṛṣṭau saṃpravarttate| sṛṣṭiṃ ca pātyanuyugaṃ yāvatkalpavikalpanā
And Brahmā himself proceeds to the emission of the world; and he protects the creation age by age, as long as the reckoning of the kalpa lasts.
AI translation rendered from the Sanskrit, not a published edition
PdP 1 2.114
स संज्ञां याति भगवानेक एव जनार्दनः। सत्वभुग्गुणवान्देवो ह्यप्रमेय पराक्रमः
sa saṃjñāṃ yāti bhagavāneka eva janārdanaḥ| satvabhugguṇavāndevo hyaprameya parākramaḥ
He, the Blessed One, one alone, Janārdana, takes on (these) designations: the god possessed of the quality (of sattva), enjoying sattva, of immeasurable prowess.
AI translation rendered from the Sanskrit, not a published edition — the model flagged this verse as uncertain
PdP 1 2.115
तमोद्रेकं च कल्पांते रूपं रौद्रं करोति च। राजेंद्राखिलभूतानि भक्षयत्यतिभीषणः
tamodrekaṃ ca kalpāṃte rūpaṃ raudraṃ karoti ca| rājeṃdrākhilabhūtāni bhakṣayatyatibhīṣaṇaḥ
And at the end of the kalpa, with the predominance of tamas, he makes a terrible form; O lord of kings, exceedingly frightful, he devours all beings.
AI translation rendered from the Sanskrit, not a published edition
PdP 1 2.116
भक्षयित्वा च भूतानि जगत्येकार्णवीकृते। नागपर्यंकशयने शेते सर्वस्वरूपधृक्
bhakṣayitvā ca bhūtāni jagatyekārṇavīkṛte| nāgaparyaṃkaśayane śete sarvasvarūpadhṛk
And having devoured the beings, when the world has been made a single ocean, he lies on the couch-bed of the serpent, bearing the form of all.
AI translation rendered from the Sanskrit, not a published edition
PdP 1 2.117
प्रबुद्धश्च पुनः सृष्टिं प्रकरोति च रूपधृक्। सृष्टिस्थित्यंतकरणाद्ब्रह्मविष्णुशिवात्मकः
prabuddhaśca punaḥ sṛṣṭiṃ prakaroti ca rūpadhṛk| sṛṣṭisthityaṃtakaraṇādbrahmaviṣṇuśivātmakaḥ
And awakened, bearing (again a) form, he once more brings about creation; because he does creation, maintenance and ending, he has the nature of Brahmā, Viṣṇu and Śiva.
AI translation rendered from the Sanskrit, not a published edition
PdP 1 2.118
स्रष्टा सृजति चात्मानं विष्णुः पाल्यं च पाति च। उपसंह्रियते चापि संहर्त्ता च स्वयं प्रभुः
sraṣṭā sṛjati cātmānaṃ viṣṇuḥ pālyaṃ ca pāti ca| upasaṃhriyate cāpi saṃharttā ca svayaṃ prabhuḥ
As creator he creates himself; as Viṣṇu he protects what is to be protected; and he is also withdrawn, and himself, the Lord, is the withdrawer.
AI translation rendered from the Sanskrit, not a published edition
PdP 1 2.119
पृथिव्यापस्तथा तेजो वायुराकाशमेव च। स एव सर्वभूतेशो विश्वरूपो यतोव्ययः
pṛthivyāpastathā tejo vāyurākāśameva ca| sa eva sarvabhūteśo viśvarūpo yatovyayaḥ
Earth, waters, and fire, wind and space as well — he alone is the lord of all beings, of universal form, since he is imperishable.
AI translation rendered from the Sanskrit, not a published edition
PdP 1 2.120
सर्गादिकं ततोस्यैव भूतस्थमुपकारकम्। स एव सृज्यः स च सर्गकर्त्ता स एव पाल्यं प्रतिपाल्यते यतः। ब्रह्माद्यवस्थाभिरशेषमूर्त्तिर्ब्रह्मा वरिष्ठो वरदो वरेण्यः
sargādikaṃ tatosyaiva bhūtasthamupakārakam| sa eva sṛjyaḥ sa ca sargakarttā sa eva pālyaṃ pratipālyate yataḥ| brahmādyavasthābhiraśeṣamūrttirbrahmā variṣṭho varado vareṇyaḥ
Therefore creation and the rest belong to him alone, abiding in beings and doing service. He alone is what is created and he the maker of creation; he alone is what is protected, since he is what is preserved. Through the states beginning with Brahmā he has all forms; Brahmā (or: brahman) is most excellent, giver of boons, to be chosen.
AI translation rendered from the Sanskrit, not a published edition — the model flagged this verse as uncertain