Narasimha Purana — Chapter 65
NsP 65.1
त्वत्तो हि श्रोतुम् इच्छामि गुह्यक्षेत्राणि वै हरेः नामानि च सुगुह्यानि वद पापहराणि च
tvatto hi śrotum icchāmi guhyakṣetrāṇi vai hareḥ nāmāni ca suguhyāni vada pāpaharāṇi ca
For from you I wish to hear the secret sacred places of Hari; tell also his very secret names, which take away sin.
AI translation rendered from the Sanskrit, not a published edition
NsP 65.2
मन्दरस्थं हरिं देवं ब्रह्मा पृच्छति केशवम् भगवन्तं देवदेवं शङ्खचक्रगदाधरम्
mandarasthaṃ hariṃ devaṃ brahmā pṛcchati keśavam bhagavantaṃ devadevaṃ śaṅkhacakragadādharam
Brahmā asks Hari, the god Keśava, who dwells on Mandara, the Lord, God of gods, bearer of conch, discus and mace:
AI translation rendered from the Sanskrit, not a published edition
NsP 65.3
केषु केषु च क्षेत्रेषु द्रष्टव्यो ऽसि मया हरे भक्तैर् अन्यैः सुरश्रेष्ठ मुक्तिकामैर् विशेषतः
keṣu keṣu ca kṣetreṣu draṣṭavyo 'si mayā hare bhaktair anyaiḥ suraśreṣṭha muktikāmair viśeṣataḥ
In which sacred sites, Hari, are you to be seen by me, and by other devotees, O best of gods — especially by those who desire liberation?
AI translation rendered from the Sanskrit, not a published edition
NsP 65.4
यानि ते गुह्यनामानि क्षेत्राणि च जगत्पते तान्य् अहं श्रोतुम् इच्छामि त्वत्तः पद्मायतेक्षण
yāni te guhyanāmāni kṣetrāṇi ca jagatpate tāny ahaṃ śrotum icchāmi tvattaḥ padmāyatekṣaṇa
Those secret names of yours, and (your) sacred sites, O Lord of the world — I wish to hear them from you, O lotus-eyed one.
AI translation rendered from the Sanskrit, not a published edition
NsP 65.5
किं जपन् सुगतिं याति नरो नित्यम् अतन्द्रितः त्वद्भक्तानां हितार्थाय तन् मे वद सुरेश्वर
kiṃ japan sugatiṃ yāti naro nityam atandritaḥ tvadbhaktānāṃ hitārthāya tan me vada sureśvara
Reciting what does a man, ever unwearied, attain a good destiny? For the benefit of your devotees, tell me that, O lord of gods.
AI translation rendered from the Sanskrit, not a published edition
NsP 65.6
शृणुष्वावहितो ब्रह्मन् गुह्यनामानि मे ऽधुना क्षेत्राणि चैव गुह्यानि तव वक्ष्यामि तत्त्वतः
śṛṇuṣvāvahito brahman guhyanāmāni me 'dhunā kṣetrāṇi caiva guhyāni tava vakṣyāmi tattvataḥ
Listen attentively, O Brahmā, to my secret names now; and (my) secret sites too I shall declare to you as they truly are.
AI translation rendered from the Sanskrit, not a published edition
NsP 65.7
कोकामुखे तु वाराहं मन्दरे मधुसूदनम् अनन्तं कपिलद्वीपे प्रभासे रविनन्दनम्
kokāmukhe tu vārāhaṃ mandare madhusūdanam anantaṃ kapiladvīpe prabhāse ravinandanam
At Kokāmukha, (he is) Vārāha; at Mandara, Madhusūdana; at Kapiladvīpa, Ananta; at Prabhāsa, Ravinandana (son of the sun).
AI translation rendered from the Sanskrit, not a published edition
NsP 65.8
माल्योदपाने वैकुण्ठं महेन्द्रे तु नृपात्मजम् ऋषभे तु महाविष्णुं द्वारकायां तु भूपतिम्
mālyodapāne vaikuṇṭhaṃ mahendre tu nṛpātmajam ṛṣabhe tu mahāviṣṇuṃ dvārakāyāṃ tu bhūpatim
At Mālyodapāna, Vaikuṇṭha; at Mahendra, Nṛpātmaja (the king's son); at Ṛṣabha, Mahāviṣṇu; and at Dvārakā, Bhūpati (lord of the earth).
AI translation rendered from the Sanskrit, not a published edition
NsP 65.9
पाण्डुसह्ये तु देवेशं वासुरूढे जगत्पतिम् वल्लीवटे महायोगं चित्रकूटे नराधिपम्
pāṇḍusahye tu deveśaṃ vāsurūḍhe jagatpatim vallīvaṭe mahāyogaṃ citrakūṭe narādhipam
At Pāṇḍusahya, Deveśa (lord of the gods); at Vāsurūḍha, Jagatpati (lord of the world); at Vallīvaṭa, Mahāyoga; at Citrakūṭa, Narādhipa (ruler of men).
AI translation rendered from the Sanskrit, not a published edition
NsP 65.10
निमिषे पीतवासं च गवां निष्क्रमणे हरिम् शालग्रामे तपोवासम् अचिन्त्यं गन्धमादने
nimiṣe pītavāsaṃ ca gavāṃ niṣkramaṇe harim śālagrāme tapovāsam acintyaṃ gandhamādane
At Nimiṣa, Pītavāsas (the yellow-robed); at Gavāṃ Niṣkramaṇa, Hari; at Śālagrāma, Tapovāsa; at Gandhamādana, Acintya (the inconceivable).
AI translation rendered from the Sanskrit, not a published edition
NsP 65.11
कुब्जागारे हृषीकेशं गन्धद्वारे पयोधरम् गरुडध्वजं तु सकले गोविन्दं नाम सायके
kubjāgāre hṛṣīkeśaṃ gandhadvāre payodharam garuḍadhvajaṃ tu sakale govindaṃ nāma sāyake
At Kubjāgāra, Hṛṣīkeśa; at Gandhadvāra, Payodhara; at Sakala, Garuḍadhvaja; and at Sāyaka, the name Govinda.
AI translation rendered from the Sanskrit, not a published edition
NsP 65.12
वृन्दावने तु गोपालं मथुरायां स्वयंभुवम् केदारे माधवं विन्द्याद् वाराणस्यां तु केशवम्
vṛndāvane tu gopālaṃ mathurāyāṃ svayaṃbhuvam kedāre mādhavaṃ vindyād vārāṇasyāṃ tu keśavam
At Vṛndāvana one should know (him as) Gopāla; at Mathurā, Svayaṃbhū; at Kedāra, Mādhava; and at Vārāṇasī, Keśava.
AI translation rendered from the Sanskrit, not a published edition
NsP 65.13
पुष्करे पुष्कराक्षं तु धृष्टद्युम्ने जयध्वजम् तृणबिन्दुवने वीरम् अशोकं सिन्धुसागरे
puṣkare puṣkarākṣaṃ tu dhṛṣṭadyumne jayadhvajam tṛṇabinduvane vīram aśokaṃ sindhusāgare
At Puṣkara, Puṣkarākṣa (lotus-eyed); at Dhṛṣṭadyumna, Jayadhvaja; at Tṛṇabinduvana, Vīra; at Sindhusāgara, Aśoka.
AI translation rendered from the Sanskrit, not a published edition
NsP 65.14
कसेरटे महाबाहुम् अमृतं तैजसे वने विश्वासयूपे विश्वईशं नरसिंहं महावने
kaseraṭe mahābāhum amṛtaṃ taijase vane viśvāsayūpe viśvaīśaṃ narasiṃhaṃ mahāvane
At Kaseraṭa, Mahābāhu (great-armed); in the Taijasa forest, Amṛta; at Viśvāsayūpa, Viśveśa (lord of all); in Mahāvana, Narasiṃha.
AI translation rendered from the Sanskrit, not a published edition
NsP 65.15
हलाङ्गरे रिपुहरं देवशालां त्रिविक्रमम् पुरुषोत्तमं दशपुरे कुब्जके वामनं विदुः
halāṅgare ripuharaṃ devaśālāṃ trivikramam puruṣottamaṃ daśapure kubjake vāmanaṃ viduḥ
At Halāṅgara, Ripuhara (slayer of foes); at Devaśālā, Trivikrama; at Daśapura, Puruṣottama; at Kubjaka they know (him as) Vāmana.
AI translation rendered from the Sanskrit, not a published edition
NsP 65.16
विद्याधरं वितस्तायां वाराहे धरणीधरम् देवदारुवने गुह्यं कावेर्यां नागशायिनम्
vidyādharaṃ vitastāyāṃ vārāhe dharaṇīdharam devadāruvane guhyaṃ kāveryāṃ nāgaśāyinam
At the Vitastā, Vidyādhara; at Vārāha, Dharaṇīdhara (bearer of the earth); in the Devadāru forest, Guhya (the hidden one); at the Kāverī, Nāgaśāyin (he who sleeps on the serpent).
AI translation rendered from the Sanskrit, not a published edition
NsP 65.17
प्रयागे योगमूर्तिं च पयोष्ण्यां च सुदर्शनम् कुमारतीर्थे कौमारं लोहिते हयशीर्षकम्
prayāge yogamūrtiṃ ca payoṣṇyāṃ ca sudarśanam kumāratīrthe kaumāraṃ lohite hayaśīrṣakam
At Prayāga, Yogamūrti; at the Payoṣṇī, Sudarśana; at Kumāratīrtha, Kaumāra; at Lohita, Hayaśīrṣaka (horse-headed).
AI translation rendered from the Sanskrit, not a published edition
NsP 65.18
उज्जयिन्यां त्रिविक्रमं लिङ्गकूटे चतुर्भुजम् हरिहरं तु भद्रायां दृष्ट्वा पापात् प्रमुच्यते
ujjayinyāṃ trivikramaṃ liṅgakūṭe caturbhujam hariharaṃ tu bhadrāyāṃ dṛṣṭvā pāpāt pramucyate
At Ujjayinī, Trivikrama; at Liṅgakūṭa, Caturbhuja (four-armed); and at Bhadrā, Harihara — by seeing (him) one is freed from sin.
AI translation rendered from the Sanskrit, not a published edition
NsP 65.19
विश्वरूपं कुरुक्षेत्रे मणिकुण्डे हलायुधम् लोकनाथम् अयोध्यायां कुण्डिने कुण्डिनेश्वरम्
viśvarūpaṃ kurukṣetre maṇikuṇḍe halāyudham lokanātham ayodhyāyāṃ kuṇḍine kuṇḍineśvaram
At Kurukṣetra, Viśvarūpa (of universal form); at Maṇikuṇḍa, Halāyudha (plough-weaponed); at Ayodhyā, Lokanātha (lord of the world); at Kuṇḍina, Kuṇḍineśvara.
AI translation rendered from the Sanskrit, not a published edition
NsP 65.20
भाण्डारे वासुदेवं तु चक्रतीर्थे सुदर्शनम् आढ्ये विष्णुपदं विद्याच् *छूकरे शूकरं विदुः
bhāṇḍāre vāsudevaṃ tu cakratīrthe sudarśanam āḍhye viṣṇupadaṃ vidyāc *chūkare śūkaraṃ viduḥ
At Bhāṇḍāra, Vāsudeva; at Cakratīrtha, Sudarśana; at Āḍhya one should know (him as) Viṣṇupada; at Śūkara they know (him as) Śūkara.
AI translation rendered from the Sanskrit, not a published edition
NsP 65.21
ब्रह्मेशं मानसे तीर्थे दण्डके श्यामलं विदुः त्रिकूटे नागमोक्षं च मेरुपृष्ठे च भास्करम्
brahmeśaṃ mānase tīrthe daṇḍake śyāmalaṃ viduḥ trikūṭe nāgamokṣaṃ ca merupṛṣṭhe ca bhāskaram
At the Mānasa sacred pool, Brahmeśa; at Daṇḍaka they know (him as) Śyāmala (the dark one); at Trikūṭa, Nāgamokṣa; and on Meru's back, Bhāskara (the sun).
AI translation rendered from the Sanskrit, not a published edition
NsP 65.22
विरजं पुष्पभद्रायां बालं केरलके विदुः यशस्करं विपाशायां माहिष्मत्यां हुताशनम्
virajaṃ puṣpabhadrāyāṃ bālaṃ keralake viduḥ yaśaskaraṃ vipāśāyāṃ māhiṣmatyāṃ hutāśanam
At the Puṣpabhadrā, Viraja; at Keralaka they know (him as) Bāla (the child); at the Vipāśā, Yaśaskara (giver of fame); at Māhiṣmatī, Hutāśana (fire).
AI translation rendered from the Sanskrit, not a published edition
NsP 65.23
क्षीराब्धौ पद्मनाभं तु विमले तु सनातनम् शिवनद्यां शिवकरं गयायां च गदाधरम्
kṣīrābdhau padmanābhaṃ tu vimale tu sanātanam śivanadyāṃ śivakaraṃ gayāyāṃ ca gadādharam
In the Ocean of Milk (they know him) as Padmanābha, in Vimala as Sanātana, on the Śiva river as Śivakara, and in Gayā as Gadādhara.
AI translation rendered from the Sanskrit, not a published edition
NsP 65.24
सर्वत्र परमात्मानं यः पश्यति स मुच्यते अष्टषष्टिश् च नामानि कथितानि मया तव
sarvatra paramātmānaṃ yaḥ paśyati sa mucyate aṣṭaṣaṣṭiś ca nāmāni kathitāni mayā tava
He who sees the Supreme Self everywhere is liberated. And sixty-eight names have been told by me to you.
AI translation rendered from the Sanskrit, not a published edition
NsP 65.25
क्षेत्राणि चैव गुह्यानि कथितानि विशेषतः एतानि मम नामानि रहस्यानि प्रजापते
kṣetrāṇi caiva guhyāni kathitāni viśeṣataḥ etāni mama nāmāni rahasyāni prajāpate
And the secret sacred fields have been recounted in detail; these are my hidden names, O Prajāpati.
AI translation rendered from the Sanskrit, not a published edition
NsP 65.26
यः पठेत् प्रातर् उत्थाय शृणुयाद् वापि नित्यशः गवां शतसहस्रस्य दत्तस्य फलम् आप्नुयात्
yaḥ paṭhet prātar utthāya śṛṇuyād vāpi nityaśaḥ gavāṃ śatasahasrasya dattasya phalam āpnuyāt
He who, rising at dawn, recites them, or even hears them, constantly, obtains the fruit of having given a hundred thousand cows.
AI translation rendered from the Sanskrit, not a published edition
NsP 65.27
दिने दिने शुचिर् भूत्वा नामान्य् एतानि यः पठेत् दुःस्वप्नं न भवेत् तस्य मत्प्रसादान् न संशयः
dine dine śucir bhūtvā nāmāny etāni yaḥ paṭhet duḥsvapnaṃ na bhavet tasya matprasādān na saṃśayaḥ
He who, becoming pure day after day, recites these names — for him there will be no bad dream, by my grace, (there is) no doubt.
AI translation rendered from the Sanskrit, not a published edition
NsP 65.28
अष्टषष्टिस् तु नामानि त्रिकालं यः पठेन् नरः विमुक्तः सर्वपापेभ्यो मम लोके स मोदते
aṣṭaṣaṣṭis tu nāmāni trikālaṃ yaḥ paṭhen naraḥ vimuktaḥ sarvapāpebhyo mama loke sa modate
The man who recites the sixty-eight names at the three times of day is freed from all sins and rejoices in my world.
AI translation rendered from the Sanskrit, not a published edition
NsP 65.29
द्रष्टव्यानि यथाशक्त्या क्षेत्राण्य् एतानि मानवैः वैष्णवैस् तु विशेषेण तेषाम् मुक्तिं ददाम्य् अहम्
draṣṭavyāni yathāśaktyā kṣetrāṇy etāni mānavaiḥ vaiṣṇavais tu viśeṣeṇa teṣām muktiṃ dadāmy aham
These sacred fields are to be visited by men according to their ability, and especially by Vaiṣṇavas; to them I grant liberation.
AI translation rendered from the Sanskrit, not a published edition
NsP 65.30
हरिं समभ्यर्च्य तदग्रसंस्थितो हरिं स्मरन् विष्णुदिने विशेषतः इमं स्तवं यः पठते स मानवः प्राप्नोति विष्णोर् अमृतात्मकं पदम्
hariṃ samabhyarcya tadagrasaṃsthito hariṃ smaran viṣṇudine viśeṣataḥ imaṃ stavaṃ yaḥ paṭhate sa mānavaḥ prāpnoti viṣṇor amṛtātmakaṃ padam
Having duly worshipped Hari, standing before him and remembering Hari — the man who recites this hymn, especially on Viṣṇu's day, attains Viṣṇu's abode, which is of the nature of immortality.
AI translation rendered from the Sanskrit, not a published edition