Narasimha Purana — Chapter 58
NsP 58.1
क्षत्रादीनां प्रवक्ष्यामि यथावद् अनुपूर्वशः येन येन प्रवर्तन्ते विधिना क्षत्रियादयः
kṣatrādīnāṃ pravakṣyāmi yathāvad anupūrvaśaḥ yena yena pravartante vidhinā kṣatriyādayaḥ
I shall declare properly and in due order (the duties) of the kshatriyas and the rest, by which rule the kshatriyas and the others proceed.
AI translation rendered from the Sanskrit, not a published edition
NsP 58.2
राज्यस्थः क्षत्रियश् चैव प्रजा धर्मेण पालयेत् कुर्याद् अध्ययनं सम्यग् यजेद् यज्ञान् यथाविधि
rājyasthaḥ kṣatriyaś caiva prajā dharmeṇa pālayet kuryād adhyayanaṃ samyag yajed yajñān yathāvidhi
The kshatriya established in kingship should protect the subjects according to dharma; he should carry out study properly and offer sacrifices as prescribed.
AI translation rendered from the Sanskrit, not a published edition
NsP 58.3
दद्याद् दानं द्विजाग्र्येभ्यो धर्मबुद्धिसमन्वितः स्वदारनिरतो नित्यं परदारविवर्जितः
dadyād dānaṃ dvijāgryebhyo dharmabuddhisamanvitaḥ svadāranirato nityaṃ paradāravivarjitaḥ
He should give gifts to the foremost of the twice-born, being endowed with a mind set on dharma, ever devoted to his own wife, avoiding others' wives.
AI translation rendered from the Sanskrit, not a published edition
NsP 58.4
नीतिशास्त्रार्थकुशलः संधिविग्रहतत्त्ववित् देवब्राह्मणभक्तश् च पितृकार्यपरस् तथा
nītiśāstrārthakuśalaḥ saṃdhivigrahatattvavit devabrāhmaṇabhaktaś ca pitṛkāryaparas tathā
(He should be) skilled in the meaning of the treatises on statecraft, knowing the truth of peace-making and war, devoted to the gods and brahmins, and likewise intent on the rites for the ancestors.
AI translation rendered from the Sanskrit, not a published edition
NsP 58.5
धर्मेणैव जयं काङ्क्षेद् अधर्मं परिवर्जयेत् उत्तमां गतिम् आप्नोति क्षत्रियो ऽथैवम् आचरन्
dharmeṇaiva jayaṃ kāṅkṣed adharmaṃ parivarjayet uttamāṃ gatim āpnoti kṣatriyo 'thaivam ācaran
He should seek victory by righteousness alone and shun unrighteousness; a kṣatriya who acts thus attains the highest destination.
AI translation rendered from the Sanskrit, not a published edition
NsP 58.6
गोरक्षाकृषिवाणिज्यं कुर्याद् वैश्यो यथाविधि दानधर्मं यथाशक्त्या गुरुशुश्रूषणं तथा
gorakṣākṛṣivāṇijyaṃ kuryād vaiśyo yathāvidhi dānadharmaṃ yathāśaktyā guruśuśrūṣaṇaṃ tathā
A vaiśya should carry on cattle-keeping, agriculture and trade according to rule, and also the duty of giving according to his means, and service of his teacher.
AI translation rendered from the Sanskrit, not a published edition
NsP 58.7
लोभदम्भविनिर्मुक्तः सत्यवाग् अनसूयकः स्वदारनिरतो दान्तः परदारविवर्जितः
lobhadambhavinirmuktaḥ satyavāg anasūyakaḥ svadāranirato dāntaḥ paradāravivarjitaḥ
(He should be) free of greed and hypocrisy, truthful in speech, without envy, devoted to his own wife, self-controlled, avoiding others' wives.
AI translation rendered from the Sanskrit, not a published edition
NsP 58.8
धनैर् विप्रान् समर्चेत यज्ञकाले त्वरान्वितः यज्ञाध्ययनदानानि कुर्यान् नित्यम् अतन्द्रितः
dhanair viprān samarceta yajñakāle tvarānvitaḥ yajñādhyayanadānāni kuryān nityam atandritaḥ
With his wealth he should honour brahmins, and be prompt at the time of sacrifice; unwearied, he should always perform sacrifice, study and gifts.
AI translation rendered from the Sanskrit, not a published edition
NsP 58.9
पितृकार्यं च तत्काले नरसिंहार्चनं तथा एतद् वैश्यस्य कर्मोक्तं स्वधर्मम् अनुतिष्टतः
pitṛkāryaṃ ca tatkāle narasiṃhārcanaṃ tathā etad vaiśyasya karmoktaṃ svadharmam anutiṣṭataḥ
And the rite for the ancestors at its proper time, and likewise the worship of Narasiṃha: this is declared the work of a vaiśya who follows his own duty.
AI translation rendered from the Sanskrit, not a published edition
NsP 58.10
एतद् आसेवमानस् तु स स्वर्गी स्यान् न संशयः वर्णत्रयस्य शुश्रूषां कुर्याच् छूद्रः प्रयत्नतः
etad āsevamānas tu sa svargī syān na saṃśayaḥ varṇatrayasya śuśrūṣāṃ kuryāc chūdraḥ prayatnataḥ
One who practises this goes to heaven, there is no doubt. A śūdra should diligently render service to the three classes.
AI translation rendered from the Sanskrit, not a published edition
NsP 58.11
दासवद् ब्राह्मणानां च विशेषेण समाचरेत् अयाचितं प्रदातव्यं कृषिं वृत्त्यर्थम् आचरेत्
dāsavad brāhmaṇānāṃ ca viśeṣeṇa samācaret ayācitaṃ pradātavyaṃ kṛṣiṃ vṛttyartham ācaret
And toward brahmins in particular he should behave like a servant; (what is) unasked should be given, and he should practise agriculture for a living.
AI translation rendered from the Sanskrit, not a published edition
NsP 58.12
ग्रहाणां मासिकं कार्यं पूजनं न्यायधर्मतः धारणं जीर्णवस्त्रस्य विप्रस्योच्छिष्टमार्जनम्
grahāṇāṃ māsikaṃ kāryaṃ pūjanaṃ nyāyadharmataḥ dhāraṇaṃ jīrṇavastrasya viprasyocchiṣṭamārjanam
Worship of the planets should be performed monthly according to proper rule; the wearing of worn-out clothing; the cleaning away of a brahmin's leftovers.
AI translation rendered from the Sanskrit, not a published edition
NsP 58.13
स्वदारेषु रतिं कुर्यात् परदारविवर्जितः पुराणश्रवणं विप्रान् नरसिंहस्य पूजनम्
svadāreṣu ratiṃ kuryāt paradāravivarjitaḥ purāṇaśravaṇaṃ viprān narasiṃhasya pūjanam
He should take his pleasure with his own wives, avoiding others' wives; (also) the hearing of the Purāṇa, (honouring) brahmins, worship of Narasiṃha.
AI translation rendered from the Sanskrit, not a published edition
NsP 58.14
तथा विप्रनमस्कारं कार्यं श्रद्धासमन्वितम् सत्यसंभाषणं चैव रागद्वेषविवर्जनम्
tathā vipranamaskāraṃ kāryaṃ śraddhāsamanvitam satyasaṃbhāṣaṇaṃ caiva rāgadveṣavivarjanam
Likewise salutation to brahmins should be made, accompanied by faith, and truthful conversation, and the abandoning of passion and hatred.
AI translation rendered from the Sanskrit, not a published edition
NsP 58.15
इत्थं कुर्वन् सदा शूद्रो मनोवाक्कायकर्मभिः स्थानम् ऐन्द्रम् अवाप्नोति नष्टपापस् तु पुण्यभाक्
itthaṃ kurvan sadā śūdro manovākkāyakarmabhiḥ sthānam aindram avāpnoti naṣṭapāpas tu puṇyabhāk
A śūdra who acts thus always by the deeds of mind, speech and body, his sins destroyed and sharing in merit, attains the station of Indra.
AI translation rendered from the Sanskrit, not a published edition
NsP 58.16
वर्णेषु धर्मा विविधा मयोक्ता यथाक्रमं ब्राह्मणवर्यसाधिताः शृणुध्वम् अत्राश्रमधर्मम् आद्यं मयोच्यमानं क्रमशो मुनीन्द्राः
varṇeṣu dharmā vividhā mayoktā yathākramaṃ brāhmaṇavaryasādhitāḥ śṛṇudhvam atrāśramadharmam ādyaṃ mayocyamānaṃ kramaśo munīndrāḥ
The various duties among the classes have been declared by me in order, (as) established by the best of brahmins. Hear now, best of sages, the first duty of the (life-)stages, being told by me in sequence.
AI translation rendered from the Sanskrit, not a published edition
NsP 58.17
उपनीतो माणवको वसेद् गुरुकुले सदा गुरोः प्रियहितं कार्यं कर्मणा मनसा गिरा
upanīto māṇavako vased gurukule sadā guroḥ priyahitaṃ kāryaṃ karmaṇā manasā girā
Once initiated, the young student should always dwell in the teacher's house; what is dear and beneficial to the teacher is to be done by deed, thought and word.
AI translation rendered from the Sanskrit, not a published edition
NsP 58.18
ब्रह्मचर्यम् अधःशय्या तथा वह्नेर् उपासनम् उदकुम्भं गुरोर् दद्यात् तथा चेन्धनम् आहरेत्
brahmacaryam adhaḥśayyā tathā vahner upāsanam udakumbhaṃ guror dadyāt tathā cendhanam āharet
Chastity, sleeping on the ground, and likewise tending the fire; he should offer the water-pot to the teacher and likewise bring firewood.
AI translation rendered from the Sanskrit, not a published edition
NsP 58.19
कुर्याद् अध्ययनं पूर्वं ब्रह्मचारी यथाविधि विधिं हित्वा प्रकुर्वाणो न स्वाध्यायफलं लभेत्
kuryād adhyayanaṃ pūrvaṃ brahmacārī yathāvidhi vidhiṃ hitvā prakurvāṇo na svādhyāyaphalaṃ labhet
The brahmacārin should first perform his study according to rule; one who does it abandoning the rule does not obtain the fruit of recitation.
AI translation rendered from the Sanskrit, not a published edition
NsP 58.20
यत् किंचित् कुरुते कर्म विधिं हित्वा निरात्मकः न तत्फलम् अवाप्नोति कुर्वाणो विधिविच्युतः
yat kiṃcit kurute karma vidhiṃ hitvā nirātmakaḥ na tatphalam avāpnoti kurvāṇo vidhivicyutaḥ
Whatever act a spiritless man performs abandoning the rule, he does not obtain its fruit, doing it fallen away from the rule.
AI translation rendered from the Sanskrit, not a published edition
NsP 58.21
तस्माद् एवं व्रतानीह चरेत् स्वाध्यायसिद्धये शौचाचारम् अशेषं तु शिक्षयेद् गुरुसंनिधौ
tasmād evaṃ vratānīha caret svādhyāyasiddhaye śaucācāram aśeṣaṃ tu śikṣayed gurusaṃnidhau
Therefore he should observe the vows here in this way for the success of his study; and he should learn purity of conduct entirely in the teacher's presence.
AI translation rendered from the Sanskrit, not a published edition
NsP 58.22
अजिनं दण्डकाष्ठं च मेखलां चोपवीतकम् धारयेद् अप्रमत्तस् तु ब्रह्मचारी समाहितः
ajinaṃ daṇḍakāṣṭhaṃ ca mekhalāṃ copavītakam dhārayed apramattas tu brahmacārī samāhitaḥ
The hide, the staff of wood, the girdle and the sacred thread — the brahmacārin, attentive and composed, should wear (these).
AI translation rendered from the Sanskrit, not a published edition
NsP 58.23
सायं प्रातश् चरेद् भैक्षं भोजनं संयतेन्द्रियः गुरोः कुले न भिक्षेत न ज्ञातिकुलबन्धुषु
sāyaṃ prātaś cared bhaikṣaṃ bhojanaṃ saṃyatendriyaḥ guroḥ kule na bhikṣeta na jñātikulabandhuṣu
With senses restrained he should go for alms and food evening and morning; he should not beg in his teacher's house, nor among kinsmen's families and relatives.
AI translation rendered from the Sanskrit, not a published edition
NsP 58.24
अलाभे त्व् अन्यगेहानां पूर्वपुर्वं च वर्जयेत् आचम्य प्रयतो नित्यम् अश्नीयाद् गुर्वनुज्ञया
alābhe tv anyagehānāṃ pūrvapurvaṃ ca varjayet ācamya prayato nityam aśnīyād gurvanujñayā
But if he gets nothing at other houses, he should avoid each in the earlier order; having rinsed his mouth, always purified, he should eat with the teacher's permission.
AI translation rendered from the Sanskrit, not a published edition — the model flagged this verse as uncertain
NsP 58.25
शयनात् पूर्वम् उत्थाय दर्भमृद्दन्तशोधनम् वस्त्रादिकम् अथान्यच् च गुरवे प्रतिपादयेत्
śayanāt pūrvam utthāya darbhamṛddantaśodhanam vastrādikam athānyac ca gurave pratipādayet
Having risen from bed before (the teacher), he should present to the teacher darbha grass, earth, a tooth-cleaning stick, clothing and other things besides.
AI translation rendered from the Sanskrit, not a published edition
NsP 58.26
स्नाने कृते गुरौ पश्चात् स्नानं कुर्वीत यत्नवान् ब्रह्मचारी व्रती नित्यं न कुर्याद् दन्तशोधनम्
snāne kṛte gurau paścāt snānaṃ kurvīta yatnavān brahmacārī vratī nityaṃ na kuryād dantaśodhanam
When the teacher's bath has been done, then let him, diligent, take his bath afterwards; a student under vow should never clean his teeth.
AI translation rendered from the Sanskrit, not a published edition
NsP 58.27
छत्रोपानहम् अभ्यङ्गं गन्धमाल्यानि वर्जयेत् नृत्यगीतकथालापं मैथुनं च विशेषतः
chatropānaham abhyaṅgaṃ gandhamālyāni varjayet nṛtyagītakathālāpaṃ maithunaṃ ca viśeṣataḥ
He should avoid an umbrella, sandals, oiling (the body), perfumes and garlands, and dancing, singing, idle talk of stories, and especially sexual intercourse.
AI translation rendered from the Sanskrit, not a published edition
NsP 58.28
वर्जयेन् मधु मांसं च रसास्वादं तथा स्त्रियः कामं क्रोधं च लोभं च परिवादं तथा नृणाम्
varjayen madhu māṃsaṃ ca rasāsvādaṃ tathā striyaḥ kāmaṃ krodhaṃ ca lobhaṃ ca parivādaṃ tathā nṛṇām
He should avoid honey and meat, and the relishing of flavours, and women, desire, anger, greed, and likewise the reviling of men.
AI translation rendered from the Sanskrit, not a published edition
NsP 58.29
स्त्रीणां च प्रेक्षणालम्भम् उपघातं परस्य च एकः शयीत सर्वत्र न रेतः स्कन्दयेत् क्वचित्
strīṇāṃ ca prekṣaṇālambham upaghātaṃ parasya ca ekaḥ śayīta sarvatra na retaḥ skandayet kvacit
And the gazing at and touching of women, and the injuring of another; let him sleep alone everywhere, and never emit his semen.
AI translation rendered from the Sanskrit, not a published edition
NsP 58.30
स्वप्ने सिक्त्वा ब्रह्मचारी द्विजः शुक्रम् अकामतः स्नात्वार्कम् अर्चयित्वाग्निं पुनर् माम् इत्य् ऋचं जपेत्
svapne siktvā brahmacārī dvijaḥ śukram akāmataḥ snātvārkam arcayitvāgniṃ punar mām ity ṛcaṃ japet
If a twice-born student sheds his semen in a dream, unintentionally, he should bathe, worship the sun and the fire, and recite the verse beginning "punar mām" ("again to me...").
AI translation rendered from the Sanskrit, not a published edition
NsP 58.31
आस्तिको ऽहर् अहः संध्यां त्रिकालं संयतेन्द्रियः उपासीत यथान्यायं ब्रह्मचारिव्रते स्थितः
āstiko 'har ahaḥ saṃdhyāṃ trikālaṃ saṃyatendriyaḥ upāsīta yathānyāyaṃ brahmacārivrate sthitaḥ
Being a believer, day after day, with senses restrained, at the three times he should attend upon the twilight worship according to rule, standing firm in the vow of studentship.
AI translation rendered from the Sanskrit, not a published edition
NsP 58.32
अभिवाद्य गुरोः पादौ संध्याकर्मावसानतः यथायोगं प्रकुर्वीत मातापित्रोस् तु भक्तितः
abhivādya guroḥ pādau saṃdhyākarmāvasānataḥ yathāyogaṃ prakurvīta mātāpitros tu bhaktitaḥ
Having saluted the teacher's feet at the conclusion of the twilight rite, he should do as is fitting for his mother and father too, out of devotion.
AI translation rendered from the Sanskrit, not a published edition
NsP 58.33
एतेषु त्रिषु तुष्टेषु तुष्टाः स्युः सर्वदेवताः तद् एषां शासने तिष्ठेद् ब्रह्मचारी विमत्सरः
eteṣu triṣu tuṣṭeṣu tuṣṭāḥ syuḥ sarvadevatāḥ tad eṣāṃ śāsane tiṣṭhed brahmacārī vimatsaraḥ
When these three are pleased, all the gods are pleased; therefore let the student, free of envy, abide under their command.
AI translation rendered from the Sanskrit, not a published edition
NsP 58.34
अधीत्य चतुरो वेदान् वेदौ वेदम् अथापि वा गुरवे दक्षिणां दत्त्वा तदा स्वस्वेच्छया वसेत्
adhītya caturo vedān vedau vedam athāpi vā gurave dakṣiṇāṃ dattvā tadā svasvecchayā vaset
Having studied the four Vedas, or two Vedas, or one Veda, and having given the teacher his fee, he may then live according to his own wish.
AI translation rendered from the Sanskrit, not a published edition
NsP 58.35
विरक्तः प्रव्रजेद् विद्वान् संरक्तस् तु गृही भवेत् सरागो नरकं याति प्रव्रजन् हि ध्रुवं द्विजः
viraktaḥ pravrajed vidvān saṃraktas tu gṛhī bhavet sarāgo narakaṃ yāti pravrajan hi dhruvaṃ dvijaḥ
The learned man who is free of attachment may go forth (as a renouncer), but one still attached should become a householder; for a twice-born who goes forth while yet passionate surely goes to hell.
AI translation rendered from the Sanskrit, not a published edition
NsP 58.36
यस्यैतानि सुशुद्धानि जिह्वोपस्थोदरं गिरः संन्यसेद् अकृतोद्वाहो ब्राह्मणो ब्रह्मचर्यवान्
yasyaitāni suśuddhāni jihvopasthodaraṃ giraḥ saṃnyased akṛtodvāho brāhmaṇo brahmacaryavān
He whose tongue, sexual organ, belly and speech are well purified — such a brahmin, chaste and unmarried, may renounce.
AI translation rendered from the Sanskrit, not a published edition
NsP 58.37
एवं यो विधिम् आस्थाय नयेत् कालम् अतन्द्रितः तेन भूयः प्रजायेत ब्रह्मचारी दृढव्रतः
evaṃ yo vidhim āsthāya nayet kālam atandritaḥ tena bhūyaḥ prajāyeta brahmacārī dṛḍhavrataḥ
The student of firm vows who, thus adhering to the rule, passes his time unslothful, is by that reborn (again).
AI translation rendered from the Sanskrit, not a published edition
NsP 58.38
यो ब्रह्मचारी विधिम् एतम् आस्थितश् चरेत् पृथिव्यां गुरुसेवने रतः संप्राप्य विद्याम् अपि दुर्लभां तां फलं हि तस्याः सकलं हि विन्दति
yo brahmacārī vidhim etam āsthitaś caret pṛthivyāṃ gurusevane rataḥ saṃprāpya vidyām api durlabhāṃ tāṃ phalaṃ hi tasyāḥ sakalaṃ hi vindati
The student who, adhering to this rule, conducts himself on earth devoted to the service of his teacher, having obtained even that hard-to-get knowledge, indeed gains its entire fruit.
AI translation rendered from the Sanskrit, not a published edition
NsP 58.39
गृहीतवेदाध्ययनः श्रुतिशास्त्रार्थतत्त्ववित् गुरोर् दत्तवरः सम्यक् समावर्तनम् आरभेत्
gṛhītavedādhyayanaḥ śrutiśāstrārthatattvavit guror dattavaraḥ samyak samāvartanam ārabhet
Having taken up the study of the Veda, knowing the true sense of scripture and treatise, and having received the teacher's boon, he should duly begin the return home (samāvartana).
AI translation rendered from the Sanskrit, not a published edition
NsP 58.40
असमाननामगोत्रां कन्यां भ्रातृयुतां शुभाम् सर्वावयवसंयुक्तां सद्वृत्ताम् उद्वहेत् ततः
asamānanāmagotrāṃ kanyāṃ bhrātṛyutāṃ śubhām sarvāvayavasaṃyuktāṃ sadvṛttām udvahet tataḥ
Thereafter he should marry an auspicious girl not of the same name and lineage, having a brother, complete in all her limbs, and of good conduct.
AI translation rendered from the Sanskrit, not a published edition
NsP 58.41
नोद्वहेत् कपिलां कन्यां नाधिकाङ्गीं न रोगिणीम् वाचालाम् अतिलोमां च न व्यङ्गां भीमदर्शनाम्
nodvahet kapilāṃ kanyāṃ nādhikāṅgīṃ na rogiṇīm vācālām atilomāṃ ca na vyaṅgāṃ bhīmadarśanām
He should not marry a tawny-haired girl, nor one with a limb too many, nor a sick one, nor a talkative or excessively hairy one, nor one deformed or fearful to look at.
AI translation rendered from the Sanskrit, not a published edition
NsP 58.42
नर्क्षवृक्षनदीनाम्नीं नान्तपर्वतनामिकाम् न पक्षिअहिप्रेष्यनाम्नीं न च भीषणनामिकाम्
narkṣavṛkṣanadīnāmnīṃ nāntaparvatanāmikām na pakṣiahipreṣyanāmnīṃ na ca bhīṣaṇanāmikām
Nor one named after a constellation, a tree, or a river, nor one whose name is that of a low mountain, nor one named after a bird, a snake, or a servant, nor one with a terrifying name.
AI translation rendered from the Sanskrit, not a published edition
NsP 58.43
अव्यङ्गाङ्गीं सौम्यनाम्नीं हंसवारणगामिनीम् तन्वोष्ठकेशदशनां मृद्वङ्गीम् उद्वहेत् स्त्रियम्
avyaṅgāṅgīṃ saumyanāmnīṃ haṃsavāraṇagāminīm tanvoṣṭhakeśadaśanāṃ mṛdvaṅgīm udvahet striyam
He should marry a woman whose limbs are not defective, whose name is gentle, who walks like a goose or an elephant, with delicate lips, hair and teeth, and soft-limbed.
AI translation rendered from the Sanskrit, not a published edition
NsP 58.44
ब्राह्मेण विधिना कुर्यात् प्रशस्तेन द्विजोत्तमः यथायोगं तथा ह्य् एवं विवाहं वर्णधर्मतः
brāhmeṇa vidhinā kuryāt praśastena dvijottamaḥ yathāyogaṃ tathā hy evaṃ vivāhaṃ varṇadharmataḥ
The best of the twice-born should perform the marriage by the commended Brāhma rite, as is fitting, thus indeed, according to the law of his class.
AI translation rendered from the Sanskrit, not a published edition
NsP 58.45
उषःकाले समुत्थाय कृतशौचो द्विजोत्तमः कुर्यात् स्नानं ततो विद्वान् दन्तधावनपूर्वकम्
uṣaḥkāle samutthāya kṛtaśauco dvijottamaḥ kuryāt snānaṃ tato vidvān dantadhāvanapūrvakam
Rising at dawn, the best of the twice-born, having performed his purification, should then, being learned, take his bath, preceded by the cleaning of the teeth.
AI translation rendered from the Sanskrit, not a published edition
NsP 58.46
मुखे पर्युषिते नित्यं यतो ऽपूतो भवेन् नरः तस्माच् छुष्कम् अथार्द्रं वा भक्षयेद् दन्तधावनम्
mukhe paryuṣite nityaṃ yato 'pūto bhaven naraḥ tasmāc chuṣkam athārdraṃ vā bhakṣayed dantadhāvanam
Since a man becomes impure when his mouth is stale, he should therefore chew a tooth-cleaner, dry or moist.
AI translation rendered from the Sanskrit, not a published edition
NsP 58.47
खदिरं च कदम्बं च करञ्जं च वटं तथा अपामार्गं च बिल्वं च अर्कश् चोदुम्बरस् तथा
khadiraṃ ca kadambaṃ ca karañjaṃ ca vaṭaṃ tathā apāmārgaṃ ca bilvaṃ ca arkaś codumbaras tathā
Khadira and kadamba and karañja and likewise the banyan, and apāmārga and bilva, and arka and likewise the udumbara —
AI translation rendered from the Sanskrit, not a published edition
NsP 58.48
एते प्रशस्ताः कथिता दन्तधावनकर्मणि दन्तधावनकाष्ठं च वक्ष्यामि तत्प्रशस्तताम्
ete praśastāḥ kathitā dantadhāvanakarmaṇi dantadhāvanakāṣṭhaṃ ca vakṣyāmi tatpraśastatām
these are declared commendable for the act of tooth-cleaning; and I shall state the tooth-cleaning stick and what makes it commendable.
AI translation rendered from the Sanskrit, not a published edition
NsP 58.49
सर्वे कण्टकिनः पुण्याः क्षीरिणस् तु यशस्विनः अष्टाङ्गुलेन मानेन तत्प्रमाणम् इहोच्यते
sarve kaṇṭakinaḥ puṇyāḥ kṣīriṇas tu yaśasvinaḥ aṣṭāṅgulena mānena tatpramāṇam ihocyate
All thorny (trees) are meritorious, and those with milky sap bring fame; its measure is here said to be of the length of eight fingers,
AI translation rendered from the Sanskrit, not a published edition
NsP 58.50
प्रादेशमात्रम् अथवा तेन दन्तान् विशोधयेत् प्रतिपद्दर्शषष्ठीषु नवम्यां चैव सत्तमाः
prādeśamātram athavā tena dantān viśodhayet pratipaddarśaṣaṣṭhīṣu navamyāṃ caiva sattamāḥ
or the span of a hand; with that let him clean his teeth. On the first day, on the new moon, on the sixth days and on the ninth, O best of men,
AI translation rendered from the Sanskrit, not a published edition
NsP 58.51
दन्तानां काष्ठसंयोगद् दहत्य् आसप्तमं कुलम् अलाभे दन्तकाष्ठस्य प्रतिषिद्धे च तद्दिने
dantānāṃ kāṣṭhasaṃyogad dahaty āsaptamaṃ kulam alābhe dantakāṣṭhasya pratiṣiddhe ca taddine
the contact of the teeth with the stick burns up the family to the seventh (generation). When a tooth-stick is not to be had, and on a day when it is forbidden,
AI translation rendered from the Sanskrit, not a published edition
NsP 58.52
अपां द्वादशगण्डूषैर् मुखशुद्धिर् विधीयते स्नात्वा मन्त्रवद् आचम्य पुनर् आचमनं चरेत्
apāṃ dvādaśagaṇḍūṣair mukhaśuddhir vidhīyate snātvā mantravad ācamya punar ācamanaṃ caret
purification of the mouth is enjoined by twelve mouthfuls of water; having bathed and sipped water with the mantras, he should perform the sipping again.
AI translation rendered from the Sanskrit, not a published edition
NsP 58.53
मन्त्रवान् प्रोक्ष्य चात्मानं प्रक्षिपेद् उदकाञ्जलिम् आदित्येन सह प्रातर् मन्देहा नाम राक्षसाः
mantravān prokṣya cātmānaṃ prakṣiped udakāñjalim ādityena saha prātar mandehā nāma rākṣasāḥ
And, reciting the mantra, having sprinkled himself, he should throw a handful of water; in the morning, together with the sun, the demons named Mandehas
AI translation rendered from the Sanskrit, not a published edition
NsP 58.54
युध्यन्ति वरदानेन ब्रह्मणो ऽव्यक्तजन्मनः उदकाञ्जलिविक्षेपो गायत्र्या चाभिमन्त्रितः
yudhyanti varadānena brahmaṇo 'vyaktajanmanaḥ udakāñjalivikṣepo gāyatryā cābhimantritaḥ
do battle, by the boon granted by Brahmā, whose birth is unmanifest; and the throwing of the handful of water, consecrated with the Gāyatrī,
AI translation rendered from the Sanskrit, not a published edition
NsP 58.55
तान् हन्ति राक्षसान् सर्वान् मन्देहान् रविवैरिणः ततः प्रयाति सविता ब्राह्मणै रक्षितो दिवि
tān hanti rākṣasān sarvān mandehān ravivairiṇaḥ tataḥ prayāti savitā brāhmaṇai rakṣito divi
slays all those demons, the Mandehas, the enemies of the sun; then the Sun proceeds in the sky, guarded by the brahmins,
AI translation rendered from the Sanskrit, not a published edition
NsP 58.56
मरीच्याद्यैर् महाभागैः सनकाद्यैस् च योगिभिः तस्मान् न लङ्घयेत् संध्यां सायं प्रातर् द्विजः सदा
marīcyādyair mahābhāgaiḥ sanakādyais ca yogibhiḥ tasmān na laṅghayet saṃdhyāṃ sāyaṃ prātar dvijaḥ sadā
by the greatly fortunate ones beginning with Marīci and by the yogins beginning with Sanaka. Therefore a twice-born should never omit the twilight worship, evening and morning.
AI translation rendered from the Sanskrit, not a published edition
NsP 58.57
उल्लङ्घयति यो मोहात् स याति नरकं ध्रुवम् सायं मन्त्रवद् आचम्य प्रोक्ष्य सूर्यस्य चाञ्जलिम्
ullaṅghayati yo mohāt sa yāti narakaṃ dhruvam sāyaṃ mantravad ācamya prokṣya sūryasya cāñjalim
He who omits it out of delusion goes surely to hell. In the evening, having sipped water with the mantras, having sprinkled, and having offered a handful of water to the Sun,
AI translation rendered from the Sanskrit, not a published edition
NsP 58.58
दत्त्वा प्रदक्षिणं कृत्वा जलं स्पृष्ट्वा विशुध्यति पूर्वां संध्यां सनक्षत्राम् उपक्रम्य यथाविधि
dattvā pradakṣiṇaṃ kṛtvā jalaṃ spṛṣṭvā viśudhyati pūrvāṃ saṃdhyāṃ sanakṣatrām upakramya yathāvidhi
and having circumambulated, he becomes pure by touching water. Having begun the first (evening) twilight rite, with the stars present, according to rule,
AI translation rendered from the Sanskrit, not a published edition
NsP 58.59
गायत्रीम् अभ्यसेत् तावद् यावद् ऋक्षाणि पश्यति ततस् त्व् आवसथं प्राप्य होमं कुर्यात् स्वयं बुधः
gāyatrīm abhyaset tāvad yāvad ṛkṣāṇi paśyati tatas tv āvasathaṃ prāpya homaṃ kuryāt svayaṃ budhaḥ
he should repeat the Gāyatrī as long as he sees the stars; then, having reached his dwelling, the wise man should himself perform the fire-offering,
AI translation rendered from the Sanskrit, not a published edition
NsP 58.60
संचिन्त्य भृत्यवर्गस्य भरणार्थं विचक्षणः ततः शिष्यहितार्थाय स्वाध्यायं किंचिद् आचरेत्
saṃcintya bhṛtyavargasya bharaṇārthaṃ vicakṣaṇaḥ tataḥ śiṣyahitārthāya svādhyāyaṃ kiṃcid ācaret
the discerning one having considered the means of supporting his household of dependents; then, for the benefit of his pupils, he should carry out some private recitation of the Veda,
AI translation rendered from the Sanskrit, not a published edition
NsP 58.61
ईश्वरं चैव रक्षार्थम् अभिगच्छेद् द्विजोत्तमः कुशपुष्पेन्धनादीनि गत्वा दूरात् समाहरेत्
īśvaraṃ caiva rakṣārtham abhigacched dvijottamaḥ kuśapuṣpendhanādīni gatvā dūrāt samāharet
and the best of the twice-born should approach the lord (ruler) for the sake of protection; going far off, he should gather kuśa grass, flowers, firewood and the rest.
AI translation rendered from the Sanskrit, not a published edition
NsP 58.62
माध्याह्निकीं क्रियां कुर्याच् *छुचौ देशे समाहितः विधिं स्नानस्य वक्ष्यामि समासात् पापनाशनम्
mādhyāhnikīṃ kriyāṃ kuryāc *chucau deśe samāhitaḥ vidhiṃ snānasya vakṣyāmi samāsāt pāpanāśanam
He should perform the midday rite in a clean place, with collected mind. I shall state, in brief, the rule of bathing, which destroys sin,
AI translation rendered from the Sanskrit, not a published edition
NsP 58.63
स्नात्वा येन विधानेन सद्यो मुच्येत किल्बिषात् सुधीः स्नानार्थम् आदाय सुक्लां कुशतिलैः सह
snātvā yena vidhānena sadyo mucyeta kilbiṣāt sudhīḥ snānārtham ādāya suklāṃ kuśatilaiḥ saha
by which manner of bathing the wise man would at once be released from guilt. Taking, for the sake of the bath, a white (garment) together with kuśa grass and sesame,
AI translation rendered from the Sanskrit, not a published edition — the model flagged this verse as uncertain
NsP 58.64
सुमनाश् च ततो गच्छेन् नदीं शुद्धां मनोरमाम् नद्यां तु विद्यमानायां न स्नायाद् अल्पवारिषु
sumanāś ca tato gacchen nadīṃ śuddhāṃ manoramām nadyāṃ tu vidyamānāyāṃ na snāyād alpavāriṣu
then, glad in mind, he should go to a clean and pleasing river; but when a river is available, he should not bathe in small waters.
AI translation rendered from the Sanskrit, not a published edition
NsP 58.65
शुचौ देशे समभ्युक्ष्य स्थापयेत् कुशमृत्तिकाम् मृत्तोयेन स्वकं देहम् अभिप्रक्षाल्य यत्नतः
śucau deśe samabhyukṣya sthāpayet kuśamṛttikām mṛttoyena svakaṃ deham abhiprakṣālya yatnataḥ
In a clean spot he should sprinkle (water) and set down kuśa grass and clay; having carefully washed his own body with earth and water,
AI translation rendered from the Sanskrit, not a published edition
NsP 58.66
स्नानाच् छरीरं संशोध्य कुर्याद् आचमनं बुधः शुभे जले प्रविश्याथ नमेद् वरुणम् अप्पतिम्
snānāc charīraṃ saṃśodhya kuryād ācamanaṃ budhaḥ śubhe jale praviśyātha named varuṇam appatim
having purified the body by bathing, the wise man should perform the sipping of water; then, entering the clear water, he should bow to Varuṇa, the lord of waters.
AI translation rendered from the Sanskrit, not a published edition
NsP 58.67
हरिम् एव स्मरंश् चित्ते निमज्जेच् च बहूदके ततः स्नानं समासाद्या अप आचम्य मन्त्रतः
harim eva smaraṃś citte nimajjec ca bahūdake tataḥ snānaṃ samāsādyā apa ācamya mantrataḥ
Remembering Hari alone in his mind, he should submerge himself in deep water; then, having completed the bath, having sipped water with the mantra,
AI translation rendered from the Sanskrit, not a published edition
NsP 58.68
प्रोक्षयेद् वरुणं देवं तैर् मन्त्रैः पावमानिभिः कुशाग्रस्थेन तोयेन प्रोक्ष्यात्मानं प्रयत्नतः
prokṣayed varuṇaṃ devaṃ tair mantraiḥ pāvamānibhiḥ kuśāgrasthena toyena prokṣyātmānaṃ prayatnataḥ
he should sprinkle the god Varuṇa with those Pāvamānī mantras; having carefully sprinkled himself with water held on the tips of kuśa grass,
AI translation rendered from the Sanskrit, not a published edition
NsP 58.69
आलभेन् मृत्तिकां गात्रे इदं विष्णुर् इति त्रिधा ततो नारायणं देवं संस्मरन् प्रविशेज् जलम्
ālabhen mṛttikāṃ gātre idaṃ viṣṇur iti tridhā tato nārāyaṇaṃ devaṃ saṃsmaran praviśej jalam
he should apply clay to his limbs three times with (the mantra) "idaṃ viṣṇuḥ"; then, calling to mind the god Nārāyaṇa, he should enter the water.
AI translation rendered from the Sanskrit, not a published edition
NsP 58.70
निमज्ज्यान्तर्जले सम्यक् त्रिः पठेद् अघमर्षणम् स्नात्वा कुशतिलैस् तद्वद् देवर्षीन् पितृभिः सह
nimajjyāntarjale samyak triḥ paṭhed aghamarṣaṇam snātvā kuśatilais tadvad devarṣīn pitṛbhiḥ saha
Having submerged, while under the water he should properly recite the Aghamarṣaṇa three times; having bathed, likewise with kuśa grass and sesame (he should satisfy) the gods and seers together with the ancestors.
AI translation rendered from the Sanskrit, not a published edition
NsP 58.71
तर्पयित्वा जलात् तस्मान् निष्क्रम्य च समाहितः जलतीरं समासाद्य धौते शुक्ले च वाससी
tarpayitvā jalāt tasmān niṣkramya ca samāhitaḥ jalatīraṃ samāsādya dhaute śukle ca vāsasī
Having offered (them) libations, coming out of that water, and being composed, having reached the water's edge, (he should put on) two washed white garments;
AI translation rendered from the Sanskrit, not a published edition
NsP 58.72
परिधायोत्तरीयं च न कुर्यात् केशधूननम् न रक्तम् उल्बणं वासो न नीलं तत् प्रशस्यते
paridhāyottarīyaṃ ca na kuryāt keśadhūnanam na raktam ulbaṇaṃ vāso na nīlaṃ tat praśasyate
and having put on the upper garment, he should not shake out his hair; a red garment, or a gaudy one, is not (to be worn), nor is blue commended.
AI translation rendered from the Sanskrit, not a published edition
NsP 58.73
मलाक्तं तु दशाहीनं वर्जयेद् अम्बरं बुधः ततः प्रक्षालयेत् पादौ मृत्तोयेन विचक्षणः
malāktaṃ tu daśāhīnaṃ varjayed ambaraṃ budhaḥ tataḥ prakṣālayet pādau mṛttoyena vicakṣaṇaḥ
The wise man should avoid a garment smeared with dirt or lacking a border; then the discerning one should wash his feet with earth and water.
AI translation rendered from the Sanskrit, not a published edition
NsP 58.74
त्रिः पिबेद् वीक्षितं तोयम् आस्यं द्विः परिमार्जयेत् पादौ शिरसि चाभ्युक्षेत् त्रिर् आचम्य तु संस्पृशेत्
triḥ pibed vīkṣitaṃ toyam āsyaṃ dviḥ parimārjayet pādau śirasi cābhyukṣet trir ācamya tu saṃspṛśet
He should drink water that he has looked at three times, wipe his mouth twice, sprinkle his feet and his head, and having sipped three times he should touch (the following parts):
AI translation rendered from the Sanskrit, not a published edition
NsP 58.75
अङ्गुष्ठेन प्रदेशिन्या नासिकां समुपस्पृशेत् अङ्गुष्ठकनिष्ठिकाभ्यां नाभौ हृदि तलेन च
aṅguṣṭhena pradeśinyā nāsikāṃ samupaspṛśet aṅguṣṭhakaniṣṭhikābhyāṃ nābhau hṛdi talena ca
With the thumb and the forefinger he should touch the nose; with the thumb and the little finger (the eyes), and the navel and the heart with the palm;
AI translation rendered from the Sanskrit, not a published edition
NsP 58.76
शिरश् चाङ्गुलिभिः सर्वैर् बाहुं चैव ततः स्पृशेत् अनेन विधिनाचम्य ब्राह्मणः शुद्धमानसः
śiraś cāṅgulibhiḥ sarvair bāhuṃ caiva tataḥ spṛśet anena vidhinācamya brāhmaṇaḥ śuddhamānasaḥ
and the head with all the fingers, and then he should touch the arm. Having sipped water by this rule, the brahmin, pure in mind,
AI translation rendered from the Sanskrit, not a published edition
NsP 58.77
दर्भे तु दर्भपाणिः स्यात् प्राङ्मुखः सुसमाहितः प्राणायामांस् तु कुर्वीत यथाशास्त्रम् अतन्द्रितः
darbhe tu darbhapāṇiḥ syāt prāṅmukhaḥ susamāhitaḥ prāṇāyāmāṃs tu kurvīta yathāśāstram atandritaḥ
should be seated on darbha grass with darbha in his hand, facing east and well composed; and he should perform the breath-restraints according to the scriptures, without sloth.
AI translation rendered from the Sanskrit, not a published edition
NsP 58.78
जपयज्ञं ततः कुर्याद् गायत्रीं वेदमातरम् त्रिविधो जपयज्ञः स्यात् तस्य भेदं निबोधत
japayajñaṃ tataḥ kuryād gāyatrīṃ vedamātaram trividho japayajñaḥ syāt tasya bhedaṃ nibodhata
Then he should perform the sacrifice of muttered recitation, (reciting) the Gāyatrī, the mother of the Vedas. The sacrifice of recitation is of three kinds; learn its divisions.
AI translation rendered from the Sanskrit, not a published edition
NsP 58.79
वाचिकश् च उपांशुश् च मानसस् त्रिविधः स्मृतः त्रयाणां जपयज्ञानां श्रेयः स्याद् उत्तरोत्तमम्
vācikaś ca upāṃśuś ca mānasas trividhaḥ smṛtaḥ trayāṇāṃ japayajñānāṃ śreyaḥ syād uttarottamam
It is held to be of three kinds: spoken aloud, murmured, and mental. Of the three sacrifices of recitation, each later one is the better.
AI translation rendered from the Sanskrit, not a published edition
NsP 58.80
यद् उच्चनीचस्वरितैः स्पष्टशब्दवदक्षरैः शब्दम् उच्चारयेद् वाचा जपयज्ञः स वाचिकः
yad uccanīcasvaritaiḥ spaṣṭaśabdavadakṣaraiḥ śabdam uccārayed vācā japayajñaḥ sa vācikaḥ
When one utters the sound with the voice, with high, low and svarita (accents), with syllables having distinct sound, that sacrifice of recitation is the spoken one.
AI translation rendered from the Sanskrit, not a published edition
NsP 58.81
शनैर् उच्चारयेन् मन्त्रम् ईषद् ओष्ठौ प्रचालयेत् किंचिन् मन्त्रं स्वयं विन्द्याद् उपांशुः स जपः स्मृतः
śanair uccārayen mantram īṣad oṣṭhau pracālayet kiṃcin mantraṃ svayaṃ vindyād upāṃśuḥ sa japaḥ smṛtaḥ
When one utters the mantra softly, moves the lips slightly, and himself perceives something of the mantra, that recitation is held to be the murmured one.
AI translation rendered from the Sanskrit, not a published edition
NsP 58.82
धिया यद् अक्षरश्रेण्या वर्णाद् वर्णं पदात् पदम् शब्दार्थचिन्तनं ध्यानं तद् उक्तं मानसं जपः
dhiyā yad akṣaraśreṇyā varṇād varṇaṃ padāt padam śabdārthacintanaṃ dhyānaṃ tad uktaṃ mānasaṃ japaḥ
When with the mind, by the series of syllables, from letter to letter and from word to word, there is contemplation of the sound and its meaning — that meditation is called the mental recitation.
AI translation rendered from the Sanskrit, not a published edition
NsP 58.83
जपेन देवता नित्यं स्तूयमाना प्रसीदति प्रसन्ना विपुलान् भोगान् दद्यान् मुक्तिं च शाश्वतीम्
japena devatā nityaṃ stūyamānā prasīdati prasannā vipulān bhogān dadyān muktiṃ ca śāśvatīm
The deity, being constantly praised by recitation, is pleased; and being pleased she would grant abundant enjoyments and everlasting liberation.
AI translation rendered from the Sanskrit, not a published edition
NsP 58.84
यक्षरक्षः पिशाचाश् च ग्रहाः सूर्यादिदूषणाः जापिनं नोपसर्पन्ति दूरद् एवापयान्ति ते
yakṣarakṣaḥ piśācāś ca grahāḥ sūryādidūṣaṇāḥ jāpinaṃ nopasarpanti dūrad evāpayānti te
Yakṣas, rākṣasas and piśācas, and the planets that afflict beginning with the Sun, do not approach the reciter; they flee from afar.
AI translation rendered from the Sanskrit, not a published edition
NsP 58.85
ऋक्षादिकं परिज्ञाय जपयज्ञम् अतन्द्रितः जपेद् अहर् अहः स्नात्वा सावित्रीं तन्मना द्विजः
ṛkṣādikaṃ parijñāya japayajñam atandritaḥ japed ahar ahaḥ snātvā sāvitrīṃ tanmanā dvijaḥ
Having ascertained the lunar asterism and the rest (of the almanac data), the twice-born man, unwearied and with his mind fixed on her, should perform the sacrifice of muttering, reciting the Sāvitrī day after day after bathing.
AI translation rendered from the Sanskrit, not a published edition
NsP 58.86
सहस्रपरमां देवीं शतमध्यां दशावराम् गायत्रीं यो जपेन् नित्यं न स पापैर् हि लिप्यते
sahasraparamāṃ devīṃ śatamadhyāṃ daśāvarām gāyatrīṃ yo japen nityaṃ na sa pāpair hi lipyate
He who daily mutters the Gāyatrī goddess — a thousand (repetitions) at most, a hundred as the middling measure, ten at the least — is not stained by sins.
AI translation rendered from the Sanskrit, not a published edition
NsP 58.87
अथ पुष्पाञ्जलिं दत्त्वा भानवे चोर्ध्वबाहुकः उदुत्यं च जपेन् मन्त्रं चित्रं तच्चक्षुर् इत्य् अपि
atha puṣpāñjaliṃ dattvā bhānave cordhvabāhukaḥ udutyaṃ ca japen mantraṃ citraṃ taccakṣur ity api
Then, offering a handful of flowers to the sun with arms raised aloft, he should recite the mantra "ud u tyam" and also "citraṃ tat cakṣuḥ."
AI translation rendered from the Sanskrit, not a published edition
NsP 58.88
प्रदक्षिणम् उपावृत्य नमस् कुर्याद् दिवाकरम् स्वेन तीर्थेन देवादीन् अद्भिः संतर्पयेद् बुधः
pradakṣiṇam upāvṛtya namas kuryād divākaram svena tīrthena devādīn adbhiḥ saṃtarpayed budhaḥ
Having circumambulated (him) to the right, he should make obeisance to the maker of day; the wise man should gratify the gods and the rest with water at his own ford.
AI translation rendered from the Sanskrit, not a published edition
NsP 58.89
देवान् देवगणांश् चैव ऋषीन् ऋषिगणांस् तथा पितॄन् पितृगणांश् चैव नित्यं संतर्पयेद् बुधः
devān devagaṇāṃś caiva ṛṣīn ṛṣigaṇāṃs tathā pitṝn pitṛgaṇāṃś caiva nityaṃ saṃtarpayed budhaḥ
The wise man should daily gratify the gods and the hosts of gods, the seers and the hosts of seers, and the fathers and the hosts of fathers.
AI translation rendered from the Sanskrit, not a published edition
NsP 58.90
स्नानवस्त्रं ततः पीड्य पुनर् आचमनं चरेत् दर्भेषु दर्भपाणिः स्याद् ब्रह्मयज्ञविधानतः
snānavastraṃ tataḥ pīḍya punar ācamanaṃ caret darbheṣu darbhapāṇiḥ syād brahmayajñavidhānataḥ
Then, wringing out the bathing garment, he should sip water again; he should be seated on darbha grass with darbha in his hand, according to the rule of the brahma-sacrifice.
AI translation rendered from the Sanskrit, not a published edition
NsP 58.91
प्राङ्मुखो ब्रह्मयज्ञं तु कुर्याद् बुद्धिसमन्वितः ततो ऽर्घं भानवे दद्यात् तिलपुष्पजलान्वितम्
prāṅmukho brahmayajñaṃ tu kuryād buddhisamanvitaḥ tato 'rghaṃ bhānave dadyāt tilapuṣpajalānvitam
Facing east, endowed with understanding, he should perform the brahma-sacrifice; then he should give the arghya offering to the sun, together with sesame, flowers and water.
AI translation rendered from the Sanskrit, not a published edition
NsP 58.92
उत्थाय मूर्धपर्यन्तं हंसः शुचिषद् इत्य् ऋचा जले देवं नमस्कृत्य ततो गृहगतः पुनः
utthāya mūrdhaparyantaṃ haṃsaḥ śuciṣad ity ṛcā jale devaṃ namaskṛtya tato gṛhagataḥ punaḥ
Rising up to the head with the verse "haṃsaḥ śuciṣad," having made obeisance to the god in the water, he then goes home again.
AI translation rendered from the Sanskrit, not a published edition — the model flagged this verse as uncertain
NsP 58.93
विधिना पुरुषसूक्तेन तत्र विष्णुं समर्चयेत् वैश्वदेवं ततः कुर्याद् बलिकर्म यथाविधि
vidhinā puruṣasūktena tatra viṣṇuṃ samarcayet vaiśvadevaṃ tataḥ kuryād balikarma yathāvidhi
There he should duly worship Viṣṇu with the Puruṣa hymn; then he should perform the Vaiśvadeva and the offering of the bali according to rule.
AI translation rendered from the Sanskrit, not a published edition
NsP 58.94
गोदोहमात्रम् अतिथिं प्रतिवीक्षेत वै गृही अदृष्टपूर्वम् अतिथिम् आगतं प्राक् समर्चयेत्
godohamātram atithiṃ prativīkṣeta vai gṛhī adṛṣṭapūrvam atithim āgataṃ prāk samarcayet
The householder should indeed watch out for a guest for the length of time it takes to milk a cow; a guest never seen before, when he arrives, he should worship first.
AI translation rendered from the Sanskrit, not a published edition
NsP 58.95
आगत्य च पुनर् द्वारं प्रत्युत्थानेन साधुना स्वागतेनाग्नयस् तुष्टा भवन्ति गृहमेधिनाम्
āgatya ca punar dvāraṃ pratyutthānena sādhunā svāgatenāgnayas tuṣṭā bhavanti gṛhamedhinām
And when (the guest) has come to the door, by proper rising to meet him and by welcome the fires of householders are satisfied.
AI translation rendered from the Sanskrit, not a published edition
NsP 58.96
आसनेन तु दत्तेन प्रीतो भवति देवराट् पादशौचेन पितरः प्रीतिम् आयान्ति तस्य च
āsanena tu dattena prīto bhavati devarāṭ pādaśaucena pitaraḥ prītim āyānti tasya ca
By a seat given (to him) the king of the gods is pleased, and by the washing of his feet the fathers come to satisfaction.
AI translation rendered from the Sanskrit, not a published edition
NsP 58.97
अन्नाद्येन च दत्तेन तृप्यतीह प्रजापतिः तस्माद् अतिथये कार्यं पूजनं गृहमेधिना
annādyena ca dattena tṛpyatīha prajāpatiḥ tasmād atithaye kāryaṃ pūjanaṃ gṛhamedhinā
And by the giving of food Prajāpati is satisfied here; therefore honour should be paid to a guest by the householder.
AI translation rendered from the Sanskrit, not a published edition
NsP 58.98
भक्त्या च भक्तिमान् नित्यं विष्णुम् अभ्यर्च्य चिन्तयेत् भिक्षां च भिक्षवे दद्यात् परिव्राड्ब्रह्मचारिणे
bhaktyā ca bhaktimān nityaṃ viṣṇum abhyarcya cintayet bhikṣāṃ ca bhikṣave dadyāt parivrāḍbrahmacāriṇe
And the devoted man, having worshipped Viṣṇu daily with devotion, should meditate (on him), and should give alms to a mendicant, to a wandering ascetic or a student.
AI translation rendered from the Sanskrit, not a published edition
NsP 58.99
आकल्पितान्नाद् उद्धृत्य सर्वव्यञ्जनसंयुतम् दद्याच् च मनसा नित्यं भिक्षां भिक्षोः प्रयत्नतः
ākalpitānnād uddhṛtya sarvavyañjanasaṃyutam dadyāc ca manasā nityaṃ bhikṣāṃ bhikṣoḥ prayatnataḥ
Taking (a portion) from the food prepared, together with all the condiments, he should daily and carefully give alms to a mendicant with a willing mind.
AI translation rendered from the Sanskrit, not a published edition
NsP 58.100
अकृते वैश्वदेवे तु भिक्षौ भिक्षार्थम् आगते अवश्यम् एव दातव्यं स्वर्गसोपानकारकम्
akṛte vaiśvadeve tu bhikṣau bhikṣārtham āgate avaśyam eva dātavyaṃ svargasopānakārakam
But when a mendicant has come for alms while the Vaiśvadeva has not yet been performed, (food) must certainly be given, for it makes a stairway to heaven.
AI translation rendered from the Sanskrit, not a published edition
NsP 58.101
उद्धृत्य वैश्वदेवान्नं भिक्षां दत्त्वा विसर्जयेत् वैश्वदेवाकृतं दोषं शक्तो भिक्षुर् व्यपोहितुम्
uddhṛtya vaiśvadevānnaṃ bhikṣāṃ dattvā visarjayet vaiśvadevākṛtaṃ doṣaṃ śakto bhikṣur vyapohitum
Having taken out the food for the Vaiśvadeva, he should give alms and dismiss (the mendicant); the mendicant is able to remove the fault of the Vaiśvadeva not having been performed.
AI translation rendered from the Sanskrit, not a published edition
NsP 58.102
सुवासिनीः कुमारीश् च भोजयित्वातुरान् अपि बालवृद्धांस् ततः शेषं स्वयं भुञ्जीत वै गृही
suvāsinīḥ kumārīś ca bhojayitvāturān api bālavṛddhāṃs tataḥ śeṣaṃ svayaṃ bhuñjīta vai gṛhī
Having fed married women and maidens, and also the sick, children and the aged, the householder should then eat the remainder himself.
AI translation rendered from the Sanskrit, not a published edition
NsP 58.103
प्राङ्मुखोदङ्मुखो वापि मौनी च मितभाषणः अन्नं पूर्वं नमस्कृत्य प्रहृष्टेनान्तरात्मना
prāṅmukhodaṅmukho vāpi maunī ca mitabhāṣaṇaḥ annaṃ pūrvaṃ namaskṛtya prahṛṣṭenāntarātmanā
Facing east or else facing north, silent or speaking little, having first made obeisance to the food with a delighted inner self,
AI translation rendered from the Sanskrit, not a published edition
NsP 58.104
पञ्च प्राणाहुतीः कुर्यात् स मन्त्रेण पृथक् पृथक् ततः स्वादुकरं चान्नं भुञ्जीत सुसमाहितः
pañca prāṇāhutīḥ kuryāt sa mantreṇa pṛthak pṛthak tataḥ svādukaraṃ cānnaṃ bhuñjīta susamāhitaḥ
he should make the five oblations to the breaths, each separately with its mantra; then he should eat the food, made savoury, with full concentration.
AI translation rendered from the Sanskrit, not a published edition
NsP 58.105
आचम्य देवताम् इष्टां संस्मरेद् उदरं स्पृशन् इतिहासपुराणाभ्यां कंचित् कालं नयेद् बुधः
ācamya devatām iṣṭāṃ saṃsmared udaraṃ spṛśan itihāsapurāṇābhyāṃ kaṃcit kālaṃ nayed budhaḥ
Having sipped water, he should call to mind his chosen deity while touching his belly; the wise man should pass some time with the epics and the Purāṇas.
AI translation rendered from the Sanskrit, not a published edition
NsP 58.106
ततः संध्याम् उपासीत बहिर् गत्वा विधानतः कृतहोमश् च भुञ्जीत रात्राव् अतिथिम् अर्चयेत्
tataḥ saṃdhyām upāsīta bahir gatvā vidhānataḥ kṛtahomaś ca bhuñjīta rātrāv atithim arcayet
Then, having gone outside, he should worship the twilight according to the rule; and having performed the fire-offering he should eat, and at night he should honour a guest.
AI translation rendered from the Sanskrit, not a published edition
NsP 58.107
सायं प्रातर् द्विजातीनाम् अशनं श्रुतिचोदितम् नान्तरा भोजनं कुर्याद् अग्निहोत्रसमो विधिः
sāyaṃ prātar dvijātīnām aśanaṃ śruticoditam nāntarā bhojanaṃ kuryād agnihotrasamo vidhiḥ
For the twice-born, eating at evening and at dawn is enjoined by scripture; he should not take food in between—this rule is equal to the Agnihotra.
AI translation rendered from the Sanskrit, not a published edition
NsP 58.108
शिष्यान् अध्यापयेत् तद्वद् अनध्यायं विवर्जयेत् स्मृत्युक्तान् सकलान् पूर्वं पुराणोक्तान् अपि द्विजः
śiṣyān adhyāpayet tadvad anadhyāyaṃ vivarjayet smṛtyuktān sakalān pūrvaṃ purāṇoktān api dvijaḥ
Likewise he should teach his pupils, and should avoid (the times of) non-recitation—the twice-born (should avoid) all those stated in the Smṛtis first, and also those stated in the Purāṇas.
AI translation rendered from the Sanskrit, not a published edition
NsP 58.109
महानवम्यां द्वादश्यां भरण्याम् अपि चैव हि तथाक्षय्यतृतीयायां शिष्यान् नाध्यापयेद् बुधः
mahānavamyāṃ dvādaśyāṃ bharaṇyām api caiva hi tathākṣayyatṛtīyāyāṃ śiṣyān nādhyāpayed budhaḥ
On the Great Ninth, on the twelfth, and also on (the day of) Bharaṇī, and likewise on the Akṣayya-tṛtīyā, the wise man should not teach his pupils.
AI translation rendered from the Sanskrit, not a published edition
NsP 58.110
माघमासे तु सप्तम्यां रथ्याम् अध्ययनं त्यजेत् अध्यापनम् अथाभ्यज्य स्नानकाले विवर्जयेत्
māghamāse tu saptamyāṃ rathyām adhyayanaṃ tyajet adhyāpanam athābhyajya snānakāle vivarjayet
But in the month of Māgha, on the seventh, he should give up study on the street; and further, having anointed himself, and at the time of bathing, he should avoid teaching.
AI translation rendered from the Sanskrit, not a published edition — the model flagged this verse as uncertain
NsP 58.111
दानं च विधिना देयं गृहस्थेन हितैषिणा हिरण्यदानं गोदानं भूमिदानं विशेषतः
dānaṃ ca vidhinā deyaṃ gṛhasthena hitaiṣiṇā hiraṇyadānaṃ godānaṃ bhūmidānaṃ viśeṣataḥ
And a gift should be given according to the rule by a householder who seeks (others') welfare—the gift of gold, the gift of a cow, and especially the gift of land.
AI translation rendered from the Sanskrit, not a published edition
NsP 58.112
एतानि यः प्रयच्छेत श्रोत्रियेभ्यो द्विजोत्तमः सर्वपापविनिर्मुक्तः स्वर्गलोके महीयते
etāni yaḥ prayaccheta śrotriyebhyo dvijottamaḥ sarvapāpavinirmuktaḥ svargaloke mahīyate
That best of the twice-born who bestows these upon Vedic scholars is freed from all sins and is honoured in the world of heaven.
AI translation rendered from the Sanskrit, not a published edition
NsP 58.113
मङ्गलाचारयुक्तश् च शुचिः श्रद्धापरो गृही श्राद्धं च श्रद्धया कुर्यात् स याति ब्रह्मणः पदम्
maṅgalācārayuktaś ca śuciḥ śraddhāparo gṛhī śrāddhaṃ ca śraddhayā kuryāt sa yāti brahmaṇaḥ padam
And the householder who is devoted to auspicious observances, pure, intent on faith, and who performs the śrāddha with faith—he goes to the station of Brahman.
AI translation rendered from the Sanskrit, not a published edition
NsP 58.114
जाताव् उत्कर्षम् आयाति नरसिंहप्रसादतः स तस्मान् मुक्तिम् आप्नोति ब्रह्मणा सह सत्तमाः
jātāv utkarṣam āyāti narasiṃhaprasādataḥ sa tasmān muktim āpnoti brahmaṇā saha sattamāḥ
By the grace of Narasiṃha he attains eminence in (his next) birth; from that, O best of men, he obtains liberation together with Brahmā.
AI translation rendered from the Sanskrit, not a published edition
NsP 58.115
एवं हि विप्राः कथितो मया वः समासतः शाश्वतधर्मराशिः सम्यग् गृहस्थस्य सतो हि धर्मं कुर्वन् प्रयत्नाद् धरिम् एति मुक्तः
evaṃ hi viprāḥ kathito mayā vaḥ samāsataḥ śāśvatadharmarāśiḥ samyag gṛhasthasya sato hi dharmaṃ kurvan prayatnād dharim eti muktaḥ
Thus, O brahmins, the eternal mass of duty of one who is truly a householder has been told to you by me in brief; performing that duty with effort, one is freed and reaches Hari.
AI translation rendered from the Sanskrit, not a published edition