Narasimha Purana — Chapter 54
NsP 54.1
अतःपरं प्रवक्ष्यामि शृणु राजन् समाहितः प्रादुर्भावं हरेः पुण्यं कल्क्याख्यं पापनाशनम्
ataḥparaṃ pravakṣyāmi śṛṇu rājan samāhitaḥ prādurbhāvaṃ hareḥ puṇyaṃ kalkyākhyaṃ pāpanāśanam
Next I shall relate—listen, O king, with attention—the holy manifestation of Hari called Kalki, destroyer of sin.
AI translation rendered from the Sanskrit, not a published edition
NsP 54.2
कलिकालेन राजेन्द्र नष्टे धर्मे महीतले वृद्धिं गते तथा पापे व्याधिसंपीडिते जने
kalikālena rājendra naṣṭe dharme mahītale vṛddhiṃ gate tathā pāpe vyādhisaṃpīḍite jane
When, O best of kings, by the agency of the Kali age dharma has perished on the earth's surface, and sin has grown, and people are afflicted by disease,
AI translation rendered from the Sanskrit, not a published edition
NsP 54.3
देवैः संप्रार्थितो विष्णुः क्षीराब्धौ स्तुतिपूर्वकम् साम्भलाख्ये महाग्रामे नानाजनसमाकुले
devaiḥ saṃprārthito viṣṇuḥ kṣīrābdhau stutipūrvakam sāmbhalākhye mahāgrāme nānājanasamākule
Entreated by the gods on the ocean of milk with praises, Viṣṇu (will be born) in the great village named Sāmbhala, thronged with people of many kinds,
AI translation rendered from the Sanskrit, not a published edition
NsP 54.4
नाम्ना विष्णुयशःपुत्रः कल्की राजा भविष्यति अश्वम् आरुह्य खड्गेन म्लेच्च्छान् उत्सादयिष्यति
nāmnā viṣṇuyaśaḥputraḥ kalkī rājā bhaviṣyati aśvam āruhya khaḍgena mleccchān utsādayiṣyati
as the son of Viṣṇuyaśas by name, and he will be King Kalki; mounting a horse, he will destroy the barbarians with his sword.
AI translation rendered from the Sanskrit, not a published edition
NsP 54.5
म्लेच्छान् समस्तान् क्षितिनाशभूतान् हत्वा स कल्की पुरुषोत्तमांशः कृत्वा च यागं बहुकाञ्चनाख्यं संस्थाप्य धर्मं दिवम् आरुरोह
mlecchān samastān kṣitināśabhūtān hatvā sa kalkī puruṣottamāṃśaḥ kṛtvā ca yāgaṃ bahukāñcanākhyaṃ saṃsthāpya dharmaṃ divam āruroha
Having slain all the barbarians, who were the ruin of the earth, that Kalki, a portion of the Supreme Person, and having performed the sacrifice called "much gold," and having established dharma, ascended to heaven.
AI translation rendered from the Sanskrit, not a published edition
NsP 54.6
दशावताराः कथितास् तवैव हरेर् मया पार्थिव पापहन्तुः इमं सदा यस् तु नृसिंहभक्तः शृणोति नित्यं स तु याति विष्णुम्
daśāvatārāḥ kathitās tavaiva harer mayā pārthiva pāpahantuḥ imaṃ sadā yas tu nṛsiṃhabhaktaḥ śṛṇoti nityaṃ sa tu yāti viṣṇum
The ten descents of Hari, the destroyer of sin, have been related by me to you, O king. And whoever, a devotee of Narasiṃha, listens to this always, daily, he goes to Viṣṇu.
AI translation rendered from the Sanskrit, not a published edition
NsP 54.7
तव प्रसादाद् विप्रेन्द्र प्रादुर्भावाः श्रुता मया नारायणस्य देवस्य शृण्वतां कल्मषापहाः
tava prasādād viprendra prādurbhāvāḥ śrutā mayā nārāyaṇasya devasya śṛṇvatāṃ kalmaṣāpahāḥ
By your favour, O best of brahmins, I have heard the manifestations of the god Nārāyaṇa, which remove the taint of those who hear them.
AI translation rendered from the Sanskrit, not a published edition
NsP 54.8
कलिं विस्तरतो ब्रूहि त्वं हि सर्वविदां वर ब्राह्मणाः क्षत्रिया वैश्याः शूद्राश् च मुनिसत्तम
kaliṃ vistarato brūhi tvaṃ hi sarvavidāṃ vara brāhmaṇāḥ kṣatriyā vaiśyāḥ śūdrāś ca munisattama
Tell (me) of the Kali (age) in detail, for you are the best of all who know—(and of) the brahmins, kṣatriyas, vaiśyas and śūdras, O most excellent of sages.
AI translation rendered from the Sanskrit, not a published edition
NsP 54.10
सर्वे धर्मा विनश्यन्ति कृष्णे कृष्णत्वम् आगते तस्मात् कलिर् महाघोरः सर्वपापस्य साधकः
sarve dharmā vinaśyanti kṛṣṇe kṛṣṇatvam āgate tasmāt kalir mahāghoraḥ sarvapāpasya sādhakaḥ
All the dharmas perish when the Dark One has come to darkness; therefore Kali is most terrible, the accomplisher of every sin.
AI translation rendered from the Sanskrit, not a published edition — the model flagged this verse as uncertain
NsP 54.11
ब्राह्मणाः क्षत्रिया वैश्याः शूद्रा धर्मपराङ्मुखाः घोरे कलियुगे प्राप्ते द्विजदेवपराङ्मुखाः
brāhmaṇāḥ kṣatriyā vaiśyāḥ śūdrā dharmaparāṅmukhāḥ ghore kaliyuge prāpte dvijadevaparāṅmukhāḥ
Brahmins, kṣatriyas, vaiśyas and śūdras turn away from dharma, and, when the terrible Kali age has arrived, turn away from the twice-born and the gods.
AI translation rendered from the Sanskrit, not a published edition
NsP 54.12
व्याजधर्मरताः सर्वे दम्भाचारपरायणाः असूयानिरताश् चैव वृथाहंकारदूषिताः
vyājadharmaratāḥ sarve dambhācāraparāyaṇāḥ asūyāniratāś caiva vṛthāhaṃkāradūṣitāḥ
All are devoted to a sham dharma, given over to hypocritical conduct, intent on envy, and spoiled by empty pride.
AI translation rendered from the Sanskrit, not a published edition
NsP 54.13
सर्वैः संक्षिप्यते सत्यं नरैः पण्डितगर्वितैः अहम् एवाधिक इति सर्व एव वदन्ति वै
sarvaiḥ saṃkṣipyate satyaṃ naraiḥ paṇḍitagarvitaiḥ aham evādhika iti sarva eva vadanti vai
Truth is cut short by all men who are proud of being learned; "I alone am superior"—so indeed do they all say.
AI translation rendered from the Sanskrit, not a published edition
NsP 54.14
अधर्मलोलुपाः सर्वे तथान्येषां च निन्दकाः अतः स्वल्पायुषः सर्वे भविष्यन्ति कलौ युगे
adharmalolupāḥ sarve tathānyeṣāṃ ca nindakāḥ ataḥ svalpāyuṣaḥ sarve bhaviṣyanti kalau yuge
All are greedy for unrighteousness and revilers of others; hence all will be short-lived in the Kali age.
AI translation rendered from the Sanskrit, not a published edition
NsP 54.15
अल्पायुष्ट्वान् मनुष्याणां न विद्याग्रहणं द्विजाः विद्याग्रहणशून्यत्वाद् अधर्मो वर्तते पुनः
alpāyuṣṭvān manuṣyāṇāṃ na vidyāgrahaṇaṃ dvijāḥ vidyāgrahaṇaśūnyatvād adharmo vartate punaḥ
Because of the short life of men, the twice-born do not acquire learning; and from the absence of the acquisition of learning, unrighteousness prevails again.
AI translation rendered from the Sanskrit, not a published edition
NsP 54.16
ब्राह्मणाद्यास् तथा वर्णाः संकीर्यन्ते परस्परम् कामक्रोधपरा मूढा वृथा संतापपीडिताः
brāhmaṇādyās tathā varṇāḥ saṃkīryante parasparam kāmakrodhaparā mūḍhā vṛthā saṃtāpapīḍitāḥ
The classes, brahmins and the rest, are mingled with one another; given over to desire and anger, deluded, afflicted with pointless distress,
AI translation rendered from the Sanskrit, not a published edition
NsP 54.17
बद्धवैरा भविष्यन्ति परस्परवधेप्सवः ब्राह्मणाः क्षत्रिया वैश्याः सर्वे धर्मपराङ्मुखाः
baddhavairā bhaviṣyanti parasparavadhepsavaḥ brāhmaṇāḥ kṣatriyā vaiśyāḥ sarve dharmaparāṅmukhāḥ
they will become locked in enmity, wishing to kill one another; brahmins, kṣatriyas, vaiśyas—all turned away from dharma.
AI translation rendered from the Sanskrit, not a published edition
NsP 54.18
शूद्रतुल्या भविष्यन्ति तपःसत्यविवर्जिताः उत्तमा नीचतां यान्ति नीचाश् चोत्तमतां तथा
śūdratulyā bhaviṣyanti tapaḥsatyavivarjitāḥ uttamā nīcatāṃ yānti nīcāś cottamatāṃ tathā
They will become equal to śūdras, devoid of austerity and truth; the highest go to lowness, and the low likewise to highness.
AI translation rendered from the Sanskrit, not a published edition
NsP 54.19
राजानो द्रव्यनिरतास् तथा लोभपरायणाः धर्मकञ्चुकसंवीता धर्मविध्वंसकारिणः
rājāno dravyaniratās tathā lobhaparāyaṇāḥ dharmakañcukasaṃvītā dharmavidhvaṃsakāriṇaḥ
Kings (will be) intent on wealth and given over to greed, wrapped in the cloak of dharma (but) working the destruction of dharma.
AI translation rendered from the Sanskrit, not a published edition
NsP 54.20
घोरे कलियुगे प्राप्ते सर्वाधर्मसमन्विते यो यो ऽश्वरथनागाढ्यः स स राजा भविष्यति
ghore kaliyuge prāpte sarvādharmasamanvite yo yo 'śvarathanāgāḍhyaḥ sa sa rājā bhaviṣyati
When the terrible Kali age has come, filled with every unrighteousness, whoever is rich in horses, chariots and elephants, he will be king.
AI translation rendered from the Sanskrit, not a published edition
NsP 54.21
पितॄन् पुत्रा नियोक्ष्यन्ति वध्वः श्वश्रूश् च कर्मसु पतीन् पुत्रान् वञ्चयित्वा गमिष्यन्ति स्त्रियो ऽन्यतः
pitṝn putrā niyokṣyanti vadhvaḥ śvaśrūś ca karmasu patīn putrān vañcayitvā gamiṣyanti striyo 'nyataḥ
Sons will give orders to their fathers, and daughters-in-law to their mothers-in-law in household tasks; women, having deceived their husbands and sons, will go off elsewhere.
AI translation rendered from the Sanskrit, not a published edition
NsP 54.22
पुरुषाल्पं बहुस्त्रीकं श्वबाहुल्यं गवां क्षयः धनानि श्लघनीयानि सतां वृत्तम् अपूजितम् खण्डवर्षी च पर्जन्यः पन्थानस् तस्करावृताः सर्वः सर्वं च जानाति वृद्धान् अनुपसेव्य च
puruṣālpaṃ bahustrīkaṃ śvabāhulyaṃ gavāṃ kṣayaḥ dhanāni ślaghanīyāni satāṃ vṛttam apūjitam khaṇḍavarṣī ca parjanyaḥ panthānas taskarāvṛtāḥ sarvaḥ sarvaṃ ca jānāti vṛddhān anupasevya ca
Few men, many women, an abundance of dogs, the decline of cattle; riches are what is praised, the conduct of the good is unhonoured; the rain-cloud rains in patches, the roads are beset with thieves, and everyone knows everything without having served the elders.
AI translation rendered from the Sanskrit, not a published edition
NsP 54.23
न कश्चिद् अकविर् नाम सुरापा ब्रह्मवादिनः किंकराश् च भविष्यन्ति शूद्राणां च द्विजातयः
na kaścid akavir nāma surāpā brahmavādinaḥ kiṃkarāś ca bhaviṣyanti śūdrāṇāṃ ca dvijātayaḥ
There is no one who is not called a poet; drinkers of liquor are expounders of the Veda; and the twice-born will become the servants of śūdras.
AI translation rendered from the Sanskrit, not a published edition
NsP 54.24
द्विषन्ति पितरं पुत्राः गुरुं शिष्या द्विषन्ति च पतिं च वनिता द्वेष्टि कलौ घोरे समागते
dviṣanti pitaraṃ putrāḥ guruṃ śiṣyā dviṣanti ca patiṃ ca vanitā dveṣṭi kalau ghore samāgate
Sons hate their father, and pupils hate their teacher, and a wife hates her husband, when the dreadful Kali (age) has come.
AI translation rendered from the Sanskrit, not a published edition
NsP 54.25
लोभाभिभूतमनसः सर्वे दुष्कर्मशीलिनः परान्नलोलुपा नित्यं भविष्यन्ति द्विजातयः
lobhābhibhūtamanasaḥ sarve duṣkarmaśīlinaḥ parānnalolupā nityaṃ bhaviṣyanti dvijātayaḥ
With minds overcome by greed, all of them practising evil deeds, always craving the food of others—so will the twice-born become.
AI translation rendered from the Sanskrit, not a published edition
NsP 54.26
परस्त्रीनिरताः सर्वे परद्रव्यपरायणाः घोरे कलियुगे प्राप्ते नरं धर्मपरायणम्
parastrīniratāḥ sarve paradravyaparāyaṇāḥ ghore kaliyuge prāpte naraṃ dharmaparāyaṇam
All are devoted to other men's wives, intent upon other men's property, when the dreadful Kali age has arrived — (and they mock) a man devoted to dharma;
AI translation rendered from the Sanskrit, not a published edition — the model flagged this verse as uncertain
NsP 54.27
असूयानिरताः सर्वे उपहासं प्रकुर्वते न व्रतानि चरिष्यन्ति ब्राह्मणा वेदनिन्दकाः
asūyāniratāḥ sarve upahāsaṃ prakurvate na vratāni cariṣyanti brāhmaṇā vedanindakāḥ
All are given over to envy, (and) they make (him) an object of ridicule; the brahmins will not perform the observances, being revilers of the Veda.
AI translation rendered from the Sanskrit, not a published edition
NsP 54.28
न यक्ष्यन्ति न होष्यन्ति हेतुवादैर् विकुत्सिताः द्विजाः कुर्वन्ति दम्भार्थं पितृयज्ञादिकाः क्रियाः
na yakṣyanti na hoṣyanti hetuvādair vikutsitāḥ dvijāḥ kurvanti dambhārthaṃ pitṛyajñādikāḥ kriyāḥ
They will not sacrifice, they will not offer oblations, being corrupted by rationalist arguments; the twice-born perform the rites such as the offering to the ancestors for the sake of ostentation.
AI translation rendered from the Sanskrit, not a published edition
NsP 54.29
न पात्रेष्व् एव दानानि कुर्वन्ति न नरास् तथा क्षीरोपाधिनिमित्तेन गोषु प्रीतिं प्रकुर्वते
na pātreṣv eva dānāni kurvanti na narās tathā kṣīropādhinimittena goṣu prītiṃ prakurvate
Nor do men bestow gifts on worthy recipients; they show affection for cows (only) on account of the pretext of milk.
AI translation rendered from the Sanskrit, not a published edition
NsP 54.30
बध्नन्ति च द्विजान् एव धनार्थं राजकिंकराः दानयज्ञजपादीनां विक्रीणन्ते फलं द्विजाः
badhnanti ca dvijān eva dhanārthaṃ rājakiṃkarāḥ dānayajñajapādīnāṃ vikrīṇante phalaṃ dvijāḥ
And the king's servants bind up the twice-born themselves for the sake of money; the twice-born sell the fruit of gifts, sacrifices, recitations and the rest.
AI translation rendered from the Sanskrit, not a published edition
NsP 54.31
प्रतिग्रहं प्रकुर्वन्ति चण्डालादेर् अपि द्विजाः कलेः प्रथमपादे ऽपि विनिन्दन्ति हरिं नराः
pratigrahaṃ prakurvanti caṇḍālāder api dvijāḥ kaleḥ prathamapāde 'pi vinindanti hariṃ narāḥ
The twice-born accept gifts even from a caṇḍāla and the like; even in the first quarter of the Kali (age) men revile Hari.
AI translation rendered from the Sanskrit, not a published edition
NsP 54.32
युगान्ते च हरेर् नाम नैव कश्चित् स्मरिष्यति शूद्रस्त्रीसङ्गनिरता विधवासङ्गलोलुपाः
yugānte ca harer nāma naiva kaścit smariṣyati śūdrastrīsaṅganiratā vidhavāsaṅgalolupāḥ
And at the end of the age no one at all will remember the name of Hari; (men will be) devoted to intercourse with śūdra women, craving union with widows.
AI translation rendered from the Sanskrit, not a published edition
NsP 54.33
शूद्रान्नभोगनिरता भविष्यन्ति कलौ द्विजाः न च द्विजातिशूस्रूषां न स्वधर्मप्रवर्तनम्
śūdrānnabhoganiratā bhaviṣyanti kalau dvijāḥ na ca dvijātiśūsrūṣāṃ na svadharmapravartanam
In the Kali (age) the twice-born will be devoted to eating the food of śūdras, and (there will be) no service to the twice-born, no practice of one's own duty.
AI translation rendered from the Sanskrit, not a published edition
NsP 54.34
करिष्यन्ति तदा शूद्राः प्रव्रज्यालिङ्गिनो ऽधमाः सुखाय परिवीताश् च जटिला भस्मधूर्धराः
kariṣyanti tadā śūdrāḥ pravrajyāliṅgino 'dhamāḥ sukhāya parivītāś ca jaṭilā bhasmadhūrdharāḥ
Then the lowly śūdras will bear the marks of the renunciant's state, and, for the sake of comfort, they will be wrapped up, matted-haired, smeared with ash and dust.
AI translation rendered from the Sanskrit, not a published edition
NsP 54.35
शूद्रा धर्मान् प्रवक्ष्यन्ति कूटबुद्धिविशारदाः एते चान्ये च बहवः पाषण्डा विप्रसत्तमाः
śūdrā dharmān pravakṣyanti kūṭabuddhiviśāradāḥ ete cānye ca bahavaḥ pāṣaṇḍā viprasattamāḥ
Śūdras will expound the dharmas, skilled in crooked reasoning; these and many other heretics, O best of brahmins—
AI translation rendered from the Sanskrit, not a published edition
NsP 54.36
ब्राह्मणाः क्षत्रिया वैश्या भविष्यन्ति कलौ युगे गीतवाद्यरता विप्रा वेदवादपराङ्मुखाः
brāhmaṇāḥ kṣatriyā vaiśyā bhaviṣyanti kalau yuge gītavādyaratā viprā vedavādaparāṅmukhāḥ
—brahmins, kṣatriyas and vaiśyas will (so) become in the Kali age; the brahmins, delighting in song and instrumental music, will turn their faces away from the discourse of the Veda.
AI translation rendered from the Sanskrit, not a published edition
NsP 54.37
भविष्यन्ति कलौ प्राप्ते शूद्रमार्गप्रवर्तिनः अल्पद्रव्या वृथालिङ्गा वृथाहंकारदूषिताः
bhaviṣyanti kalau prāpte śūdramārgapravartinaḥ alpadravyā vṛthāliṅgā vṛthāhaṃkāradūṣitāḥ
When Kali has come they will become followers of the way of the śūdras, of little wealth, wearing marks (of rank) in vain, spoiled by vain pride.
AI translation rendered from the Sanskrit, not a published edition
NsP 54.38
हर्तारो न च दातारो भविष्यन्ति कलौ युगे प्रतिग्रहपरा नित्यं द्विजाः सन्मार्गशीलिनः
hartāro na ca dātāro bhaviṣyanti kalau yuge pratigrahaparā nityaṃ dvijāḥ sanmārgaśīlinaḥ
In the Kali age they will be takers and not givers; the twice-born, though of good conduct (in appearance), will be constantly intent upon receiving gifts.
AI translation rendered from the Sanskrit, not a published edition
NsP 54.39
आत्मस्तुतिपराः सर्वे परनिन्दापरास् तथा विश्वासहीनाः पुरुषा देववेदद्विजातिषु
ātmastutiparāḥ sarve paranindāparās tathā viśvāsahīnāḥ puruṣā devavedadvijātiṣu
All are given to praising themselves and likewise to blaming others; men are without faith in the gods, the Vedas, and the twice-born.
AI translation rendered from the Sanskrit, not a published edition
NsP 54.40
असंश्रुतोक्तिवक्तारो द्विजद्वेषरतास् तथा स्वधर्मत्यागिनः सर्वे कृतघ्ना भिन्नवृत्तयः
asaṃśrutoktivaktāro dvijadveṣaratās tathā svadharmatyāginaḥ sarve kṛtaghnā bhinnavṛttayaḥ
Speakers of words not heard (from tradition), and likewise delighting in hatred of the twice-born, all abandoning their own duty, ungrateful, of deviant livelihood.
AI translation rendered from the Sanskrit, not a published edition — the model flagged this verse as uncertain
NsP 54.41
याचकाः पिशुनाश् चैव भविष्यन्ति कलौ युगे परापवादनिरता आत्मस्तुतिपरायणाः
yācakāḥ piśunāś caiva bhaviṣyanti kalau yuge parāpavādaniratā ātmastutiparāyaṇāḥ
In the Kali age they will be beggars and slanderers, given to speaking ill of others, devoted to praising themselves.
AI translation rendered from the Sanskrit, not a published edition
NsP 54.42
परस्वहरणोपायचिन्तकाः सर्वदा जनाः अत्याह्लादपरास् तत्र भुञ्जानाः परवेश्मनि
parasvaharaṇopāyacintakāḥ sarvadā janāḥ atyāhlādaparās tatra bhuñjānāḥ paraveśmani
People are always contriving means of seizing others' property; there (in that age) they are given to excessive merriment, eating in another's house.
AI translation rendered from the Sanskrit, not a published edition
NsP 54.43
तस्मिन्न् एव दिने प्रायो देवतार्चनतत्पराः तत्रैव निन्दानिरता भुक्त्वा चैकत्र संस्थिताः
tasminn eva dine prāyo devatārcanatatparāḥ tatraiva nindāniratā bhuktvā caikatra saṃsthitāḥ
On that very day (they are) for the most part intent upon worshipping the deities; and in that very (house), having eaten and sat down together, they are given to slander.
AI translation rendered from the Sanskrit, not a published edition — the model flagged this verse as uncertain
NsP 54.44
द्विजाश् च क्षत्रिया वैश्याः शूद्राश् चान्ये च जातयः अत्यन्तकामिनश् चैव संकीर्यन्ते परस्परम्
dvijāś ca kṣatriyā vaiśyāḥ śūdrāś cānye ca jātayaḥ atyantakāminaś caiva saṃkīryante parasparam
Brahmins, kṣatriyas, vaiśyas, śūdras, and the other castes as well, being excessively lustful, become intermingled with one another.
AI translation rendered from the Sanskrit, not a published edition
NsP 54.45
न शिष्यो न गुरुः कश्चिन् न पुत्रो न पिता तथा न भार्या न पतिश् चैव भविता तत्र संकरे
na śiṣyo na guruḥ kaścin na putro na pitā tathā na bhāryā na patiś caiva bhavitā tatra saṃkare
There will be no pupil and no teacher, no son and likewise no father, no wife and no husband either, in that confusion.
AI translation rendered from the Sanskrit, not a published edition
NsP 54.46
शूद्रवृत्त्यैव जीवन्ति द्विजा नरकभोगिनः अनावृष्टिभयप्राया गगनासक्तदृष्टयः
śūdravṛttyaiva jīvanti dvijā narakabhoginaḥ anāvṛṣṭibhayaprāyā gaganāsaktadṛṣṭayaḥ
Brahmins live by the occupation of śūdras and go to hell; they are mostly fearful of drought, their eyes fixed on the sky.
AI translation rendered from the Sanskrit, not a published edition
NsP 54.47
भविष्यन्ति जनाः सर्वे तदा क्षुद्भयकातराः अन्नोपाधिनिमित्तेन शिष्यान् गृह्णन्ति भिक्षवः
bhaviṣyanti janāḥ sarve tadā kṣudbhayakātarāḥ annopādhinimittena śiṣyān gṛhṇanti bhikṣavaḥ
Then all people will be distressed by the fear of hunger; mendicants take on pupils for the sake of the pretext of food.
AI translation rendered from the Sanskrit, not a published edition
NsP 54.48
उभाभ्याम् अपि पाणिभ्यां शिरःकण्डूयनं स्त्रियः कुर्वन्त्यो गुरुभर्तृणाम् आज्ञा भेत्स्यन्ति ता हिताः
ubhābhyām api pāṇibhyāṃ śiraḥkaṇḍūyanaṃ striyaḥ kurvantyo gurubhartṛṇām ājñā bhetsyanti tā hitāḥ
Women, scratching their heads with both hands, will break the commands of their elders and husbands—those (who once were) devoted to their welfare.
AI translation rendered from the Sanskrit, not a published edition — the model flagged this verse as uncertain
NsP 54.49
यदा यदा न यक्ष्यन्ति न होष्यन्ति द्विजातयः तदा तदा कलेर् वृद्धिर् अनुमेया विचक्षणैः
yadā yadā na yakṣyanti na hoṣyanti dvijātayaḥ tadā tadā kaler vṛddhir anumeyā vicakṣaṇaiḥ
Whenever the twice-born will not sacrifice and will not make oblations, then and there the increase of the Kali (age) is to be inferred by the discerning.
AI translation rendered from the Sanskrit, not a published edition
NsP 54.51
हरिभक्तिपरान् एवं न कलिर् बाधते द्विजाः तपः परं कृतयुगे त्रेतायां ध्यानम् एव हि
haribhaktiparān evaṃ na kalir bādhate dvijāḥ tapaḥ paraṃ kṛtayuge tretāyāṃ dhyānam eva hi
Thus the Kali (age) does not afflict those devoted to devotion to Hari, O brahmins. In the Kṛta age austerity is highest, in the Tretā meditation indeed,
AI translation rendered from the Sanskrit, not a published edition
NsP 54.52
द्वापरे यज्ञम् एवाहुर् दानम् एकं कलौ युगे यतते दशभिर् वर्षैस् त्रेतायां हायनेन तत्
dvāpare yajñam evāhur dānam ekaṃ kalau yuge yatate daśabhir varṣais tretāyāṃ hāyanena tat
in the Dvāpara they call sacrifice (highest), and in the Kali age giving alone. What one strives for with ten years (in the Kṛta) is (attained) in the Tretā in a single year,
AI translation rendered from the Sanskrit, not a published edition
NsP 54.53
द्वापरे तच् च मासेन अहोरात्रेण तत् कलौ ध्यायन् कृते यजन् यज्ञैस् त्रेतायां द्वापरे ऽर्चयन्
dvāpare tac ca māsena ahorātreṇa tat kalau dhyāyan kṛte yajan yajñais tretāyāṃ dvāpare 'rcayan
and in the Dvāpara that (takes) a month, and in the Kali that (takes) a day and a night. What one attains by meditating in the Kṛta, by sacrificing with sacrifices in the Tretā, by worshipping in the Dvāpara—
AI translation rendered from the Sanskrit, not a published edition
NsP 54.54
यद् आप्नोति तद् आप्नोति कलौ संकीर्त्य केशवम् समस्तजगदाधारं परमार्थस्वरूपिणम्
yad āpnoti tad āpnoti kalau saṃkīrtya keśavam samastajagadādhāraṃ paramārthasvarūpiṇam
that very thing one attains in the Kali by praising Keśava, the support of the entire world, whose form is the highest reality.
AI translation rendered from the Sanskrit, not a published edition
NsP 54.55
घोरे कलियुगे प्राप्ते विष्णुं ध्यायन् न सीदति अहो ऽतीव महाभाग्याः सकृद् ये केशवार्चकाः
ghore kaliyuge prāpte viṣṇuṃ dhyāyan na sīdati aho 'tīva mahābhāgyāḥ sakṛd ye keśavārcakāḥ
When the terrible Kali age has come, one who meditates on Viṣṇu does not sink down. Ah, exceedingly greatly fortunate are those who worship Keśava even once!
AI translation rendered from the Sanskrit, not a published edition
NsP 54.56
घोरे कलियुगे प्राप्ते सर्वकर्मबहिष्कृते न्यूनातिरिक्तता न स्यात् कलौ वेदोक्तकर्मणाम्
ghore kaliyuge prāpte sarvakarmabahiṣkṛte nyūnātiriktatā na syāt kalau vedoktakarmaṇām
When the terrible Kali age has come, in which all rites are cast out, there would be no deficiency or excess (in the results) of the rites prescribed by the Veda in the Kali.
AI translation rendered from the Sanskrit, not a published edition — the model flagged this verse as uncertain
NsP 54.57
हरिस्मरणम् एवात्र संपूर्णफलदायकम् हरे केशव गोविन्द वासुदेव जगन्मय
harismaraṇam evātra saṃpūrṇaphaladāyakam hare keśava govinda vāsudeva jaganmaya
Here (in the Kali) the remembrance of Hari alone is the giver of complete fruit: "O Hari, Keśava, Govinda, Vāsudeva, you who pervade the world,
AI translation rendered from the Sanskrit, not a published edition
NsP 54.58
जनार्दन जगद्धाम पीताम्बरधराच्युत इतीरयन्ति ये नित्यं न हि तान् बाधते कलिः
janārdana jagaddhāma pītāmbaradharācyuta itīrayanti ye nityaṃ na hi tān bādhate kaliḥ
Janārdana, abode of the world, wearer of the yellow garment, Acyuta"—those who constantly utter thus, the Kali does not afflict them.
AI translation rendered from the Sanskrit, not a published edition
NsP 54.59
अहो हरिपरा ये तु कलौ सर्वभयंकरे ते सभाग्या महात्मानस् तत्संगतिरता अपि
aho hariparā ye tu kalau sarvabhayaṃkare te sabhāgyā mahātmānas tatsaṃgatiratā api
Ah, those who are devoted to Hari in the Kali that causes every fear—they are fortunate, great souls; and so too are those who delight in company with them.
AI translation rendered from the Sanskrit, not a published edition
NsP 54.60
हरिनामपरा ये च हरिकीर्तनतत्पराः हरिपूजारता ये च ते कृतार्था न संशयः
harināmaparā ye ca harikīrtanatatparāḥ haripūjāratā ye ca te kṛtārthā na saṃśayaḥ
Those who are devoted to the name of Hari, and those intent on singing of Hari, and those who delight in the worship of Hari—they have accomplished their aim, there is no doubt.
AI translation rendered from the Sanskrit, not a published edition
NsP 54.61
इत्य् एतद् वः समाख्यातं सर्वदुःखनिवारणम् समस्तपुण्यफलदं कलौ विष्णोः प्रकीर्तनम्
ity etad vaḥ samākhyātaṃ sarvaduḥkhanivāraṇam samastapuṇyaphaladaṃ kalau viṣṇoḥ prakīrtanam
Thus this has been fully declared to you: the praising of Viṣṇu in the Kali, which wards off all suffering and gives the fruit of all merits.
AI translation rendered from the Sanskrit, not a published edition