Narasimha Purana — Chapter 53
NsP 53.1
अतः परं प्रवक्ष्यामि प्रादुर्भावद्वयं शुभम् तृतीयस्य तु रामस्य कृष्णस्य तु समासतः
ataḥ paraṃ pravakṣyāmi prādurbhāvadvayaṃ śubham tṛtīyasya tu rāmasya kṛṣṇasya tu samāsataḥ
Next I shall declare the auspicious pair of manifestations, of the third Rāma and of Kṛṣṇa, in brief.
AI translation rendered from the Sanskrit, not a published edition
NsP 53.2
पुरा ह्य् असुरभारार्ता मही प्राह नृपोत्तम आसीनं देवमध्ये तु ब्रह्माणं कमलासनम्
purā hy asurabhārārtā mahī prāha nṛpottama āsīnaṃ devamadhye tu brahmāṇaṃ kamalāsanam
For formerly, O best of kings, the Earth, afflicted by the burden of the demons, spoke to Brahmā, the lotus-seated, as he sat in the midst of the gods.
AI translation rendered from the Sanskrit, not a published edition
NsP 53.3
देवासुरे हता ये तु विष्णुना दैत्यदानवाः ते सर्वे क्षत्रिया जाताः कंसाद्याः कमलोद्भव
devāsure hatā ye tu viṣṇunā daityadānavāḥ te sarve kṣatriyā jātāḥ kaṃsādyāḥ kamalodbhava
"Those Daityas and Dānavas who were slain by Viṣṇu in the war of gods and demons—all of them have been born as kṣatriyas, Kaṃsa and the rest, O lotus-born one.
AI translation rendered from the Sanskrit, not a published edition
NsP 53.4
तद्भूरिभारसंप्राप्ता सीदन्ती चतुरानन मम तद्भारहानिः स्याद् यथा देव तथा कुरु
tadbhūribhārasaṃprāptā sīdantī caturānana mama tadbhārahāniḥ syād yathā deva tathā kuru
Beset by that great burden of theirs I am sinking, O four-faced one; act, O god, in such a way that this burden of mine may be removed."
AI translation rendered from the Sanskrit, not a published edition
NsP 53.5
तयैवम् उक्तो ब्रह्माथ देवैः सह जगाम ह क्षीरोदस्योत्तरं कूलं विष्णुं भक्तिविबोधितम्
tayaivam ukto brahmātha devaiḥ saha jagāma ha kṣīrodasyottaraṃ kūlaṃ viṣṇuṃ bhaktivibodhitam
Addressed thus by her, Brahmā then went with the gods to the northern shore of the Milk Ocean, to Viṣṇu who is awakened by devotion.
AI translation rendered from the Sanskrit, not a published edition
NsP 53.6
तत्र गत्वा जगत्स्रष्टा देवैः सार्धं जनार्दनम् नरसिंहं महादेवं गन्धपुष्पादिभिः क्रमात्
tatra gatvā jagatsraṣṭā devaiḥ sārdhaṃ janārdanam narasiṃhaṃ mahādevaṃ gandhapuṣpādibhiḥ kramāt
Having gone there, the world's creator, together with the gods, (worshipped) Janārdana, the Man-Lion, the great god, with perfumes, flowers and the rest in due order,
AI translation rendered from the Sanskrit, not a published edition
NsP 53.7
अभ्यर्च्य भक्त्या गोविन्दं वाक्पुष्पेण च केशवम् पूजयाम्_अस राजेन्द्र तेन तुष्टो जगत्पतिः
abhyarcya bhaktyā govindaṃ vākpuṣpeṇa ca keśavam pūjayām_asa rājendra tena tuṣṭo jagatpatiḥ
and having reverenced Govinda with devotion, he worshipped Keśava also with the flower of speech, O lord of kings; by that the lord of the world was pleased.
AI translation rendered from the Sanskrit, not a published edition
NsP 53.8
वाक्पुष्पेण कथं ब्रह्मन् ब्रह्माप्य् अर्चितवान् हरिम् तन् मे कथय विप्रेन्द्र ब्रह्मोक्तं स्तोत्रम् उत्तमम्
vākpuṣpeṇa kathaṃ brahman brahmāpy arcitavān harim tan me kathaya viprendra brahmoktaṃ stotram uttamam
"How, O brahmin, did Brahmā worship Hari with a flower of speech? Tell me that, O best of brahmins—the excellent hymn spoken by Brahmā."
AI translation rendered from the Sanskrit, not a published edition
NsP 53.9
शृणु राजन् प्रवक्ष्यामि स्तोत्रं ब्रह्ममुखेरितम् सर्वपापहरं पुण्यं विष्णुतुष्टिकरं परम्
śṛṇu rājan pravakṣyāmi stotraṃ brahmamukheritam sarvapāpaharaṃ puṇyaṃ viṣṇutuṣṭikaraṃ param
Listen, O king, I shall declare the hymn uttered from Brahmā's mouth, remover of all sins, meritorious, supremely pleasing to Viṣṇu.
AI translation rendered from the Sanskrit, not a published edition
NsP 53.10
तम् आराध्य जगन्नाथम् ऊर्ध्वबाहुः पितामहः भूत्वैकाग्रमना राजन्न् इदं स्तोत्रम् उदीरयत्
tam ārādhya jagannātham ūrdhvabāhuḥ pitāmahaḥ bhūtvaikāgramanā rājann idaṃ stotram udīrayat
Having propitiated him, the Lord of the world, the Grandfather, with arms raised and mind become one-pointed, O king, uttered this hymn:
AI translation rendered from the Sanskrit, not a published edition
NsP 53.11
नमामि देवं नरनाथम् अच्युतं नारायणं लोकगुरुं सनातनम् अनादिम् अव्यक्तम् अचिन्त्यम् अव्ययं वेदान्तवेद्यं पुरुषोत्तमं हरिम्
namāmi devaṃ naranātham acyutaṃ nārāyaṇaṃ lokaguruṃ sanātanam anādim avyaktam acintyam avyayaṃ vedāntavedyaṃ puruṣottamaṃ harim
I bow to the God, the Lord of men, the unfalling one, Nārāyaṇa, teacher of the worlds, everlasting, without beginning, unmanifest, unthinkable, imperishable, to be known through the Vedānta, the highest Person, Hari.
AI translation rendered from the Sanskrit, not a published edition
NsP 53.12
आनन्दरूपं परमं परात् परं चिदात्मकं ज्ञानवतां परां गतिम् सर्वात्मकं सर्वगतैकरूपं ध्येयस्वरूपं प्रणमामि माधवम्
ānandarūpaṃ paramaṃ parāt paraṃ cidātmakaṃ jñānavatāṃ parāṃ gatim sarvātmakaṃ sarvagataikarūpaṃ dhyeyasvarūpaṃ praṇamāmi mādhavam
Him whose form is bliss, supreme, higher than the high, whose nature is consciousness, the highest goal of those who possess knowledge, the Self of all, present everywhere and of one single form, whose very form is the object of meditation — to Mādhava I make obeisance.
AI translation rendered from the Sanskrit, not a published edition
NsP 53.13
भक्तप्रियं कान्तम् अतीवं निर्मलं सुराधिपं सूरिजनैर् अभिष्टुतम् चतुर्भुजं नीरजवर्णम् ईश्वरं रथाङ्गपाणिं प्रणतो ऽस्मि केशवम्
bhaktapriyaṃ kāntam atīvaṃ nirmalaṃ surādhipaṃ sūrijanair abhiṣṭutam caturbhujaṃ nīrajavarṇam īśvaraṃ rathāṅgapāṇiṃ praṇato 'smi keśavam
To him who is dear to his devotees, lovely, exceedingly spotless, lord of the gods, well praised by learned men, four-armed, of the colour of a blue lotus, the sovereign, holding the discus in his hand — to Keśava I am bowed down.
AI translation rendered from the Sanskrit, not a published edition
NsP 53.14
गदासिशङ्खाब्जकरं श्रियः पतिं सदाशिवं शार्ङ्गधरं रविप्रभम् पीताम्बरं हारविराजितोदरं नमामि विष्णुं सततं किरीटिनम्
gadāsiśaṅkhābjakaraṃ śriyaḥ patiṃ sadāśivaṃ śārṅgadharaṃ raviprabham pītāmbaraṃ hāravirājitodaraṃ namāmi viṣṇuṃ satataṃ kirīṭinam
Him who holds mace, sword, conch and lotus in his hands, the husband of Śrī, ever benign, bearer of the Śārṅga bow, radiant as the sun, clad in yellow, his breast resplendent with a necklace — I constantly salute Viṣṇu, the diademed one.
AI translation rendered from the Sanskrit, not a published edition
NsP 53.15
गण्डस्थलासक्तसुरक्तकुण्डलं सुदीपिताशेषदिशं निजत्विषा गन्धर्वसिद्धैर् उपगीतम् ऋग्ध्वनिं जनार्दनं भूतपतिं नमामि तम्
gaṇḍasthalāsaktasuraktakuṇḍalaṃ sudīpitāśeṣadiśaṃ nijatviṣā gandharvasiddhair upagītam ṛgdhvaniṃ janārdanaṃ bhūtapatiṃ namāmi tam
Him whose bright red earrings rest against his cheeks, who lights up all the directions with his own brilliance, who is sung to by gandharvas and siddhas, whose voice is the Ṛg (chants), Janārdana, the lord of beings — him I salute.
AI translation rendered from the Sanskrit, not a published edition
NsP 53.16
हत्वासुरान् पाति युगे युगे सुरान् स्वधर्मसंस्थान् भुवि संस्थितो हरिः करोति सृष्टिं जगतः क्षयं यस् तं वासुदेवं प्रणतो ऽस्मि केशवम्
hatvāsurān pāti yuge yuge surān svadharmasaṃsthān bhuvi saṃsthito hariḥ karoti sṛṣṭiṃ jagataḥ kṣayaṃ yas taṃ vāsudevaṃ praṇato 'smi keśavam
Having slain the asuras, age after age he protects the gods who abide in their own duty; stationed on the earth, Hari makes the creation and the destruction of the world — to that Vāsudeva, to Keśava, I am bowed down.
AI translation rendered from the Sanskrit, not a published edition
NsP 53.17
यो मत्स्यरूपेण रसातलस्थितान् वेदान् समाहृत्य मम प्रदत्तवान् निहत्य युद्धे मधुकैटभाव् उभौ तं वेदवेद्यं प्रणतो ऽस्म्य् अहं सदा
yo matsyarūpeṇa rasātalasthitān vedān samāhṛtya mama pradattavān nihatya yuddhe madhukaiṭabhāv ubhau taṃ vedavedyaṃ praṇato 'smy ahaṃ sadā
He who in the form of a fish gathered up the Vedas that lay in the netherworld and gave them to me, having slain in battle both Madhu and Kaiṭabha — to him, knowable through the Vedas, I am ever bowed down.
AI translation rendered from the Sanskrit, not a published edition
NsP 53.18
देवासुरैः क्षीरसमुद्रमध्यतो न्यस्तो गिरिर् येन धृतः पुरा महान् हिताय कौर्मं वपुर् आस्थितो यस् तं विष्णुम् आद्यं प्रणतो ऽस्मि भास्करम्
devāsuraiḥ kṣīrasamudramadhyato nyasto girir yena dhṛtaḥ purā mahān hitāya kaurmaṃ vapur āsthito yas taṃ viṣṇum ādyaṃ praṇato 'smi bhāskaram
The great mountain that was set down by the gods and asuras in the midst of the ocean of milk, which he of old upheld, taking on a tortoise body for (their) benefit — to that primordial Viṣṇu, the shining one, I am bowed down.
AI translation rendered from the Sanskrit, not a published edition
NsP 53.19
हत्वा हिरण्याक्षम् अतीवं दर्पितं वराहरूपी भगवान् सनातनः यो भूमिम् एतां सकलां समुद्धरंस् तं वेदमूर्तिं प्रणमामि सूकरम्
hatvā hiraṇyākṣam atīvaṃ darpitaṃ varāharūpī bhagavān sanātanaḥ yo bhūmim etāṃ sakalāṃ samuddharaṃs taṃ vedamūrtiṃ praṇamāmi sūkaram
Having slain the exceedingly arrogant Hiraṇyākṣa, the everlasting Lord in boar form, who lifted up this whole earth — to that embodiment of the Vedas, the Boar, I make obeisance.
AI translation rendered from the Sanskrit, not a published edition
NsP 53.20
कृत्वा नृसिंहं वपुर् आत्मनः परं हिताय लोकस्य सनातनो हरिः जघान यस् तीक्ष्णनखैर् दितेः सुतं तं नारसिंहं पुरुषं नमामि
kṛtvā nṛsiṃhaṃ vapur ātmanaḥ paraṃ hitāya lokasya sanātano hariḥ jaghāna yas tīkṣṇanakhair diteḥ sutaṃ taṃ nārasiṃhaṃ puruṣaṃ namāmi
Having made his own body into a supreme man-lion for the good of the world, the everlasting Hari who slew with sharp claws the son of Diti — to that Man-Lion Person I bow.
AI translation rendered from the Sanskrit, not a published edition
NsP 53.21
यो वामनो ऽसौ भगवान् जनार्दनो बलिं बबन्ध त्रिभिर् ऊर्जितैः पदैः जगत्त्रयं क्रम्य ददौ पुरंदरे तद् एवं आद्यं प्रणतो ऽस्मि वामनम्
yo vāmano 'sau bhagavān janārdano baliṃ babandha tribhir ūrjitaiḥ padaiḥ jagattrayaṃ kramya dadau puraṃdare tad evaṃ ādyaṃ praṇato 'smi vāmanam
That Vāmana, the Lord Janārdana, who bound Bali with three mighty steps and, having strode over the three worlds, gave (them) to Puraṃdara — to that primordial Vāmana I am thus bowed down.
AI translation rendered from the Sanskrit, not a published edition
NsP 53.22
यः कार्तवीर्यं निजघान रोषात् त्रिःसप्तकृत्वः क्षितिपात्मजान् अपि तं जामदग्न्यं क्षितिभारनाशकं नतो ऽस्मि विष्णुं पुरुषोत्तमं सदा
yaḥ kārtavīryaṃ nijaghāna roṣāt triḥsaptakṛtvaḥ kṣitipātmajān api taṃ jāmadagnyaṃ kṣitibhāranāśakaṃ nato 'smi viṣṇuṃ puruṣottamaṃ sadā
He who in wrath slew Kārtavīrya and also the sons of kings thrice seven times over — to him, the son of Jamadagni, the remover of the earth's burden, to Viṣṇu the highest Person, I am ever bowed.
AI translation rendered from the Sanskrit, not a published edition
NsP 53.23
सेतुं महान्तं जलधौ बबन्ध यः संप्राप्य लङ्कां सगणं दशाननम् जघान भृत्यै जगतां सनातनं तं रामदेवं सततं नतो ऽस्मि
setuṃ mahāntaṃ jaladhau babandha yaḥ saṃprāpya laṅkāṃ sagaṇaṃ daśānanam jaghāna bhṛtyai jagatāṃ sanātanaṃ taṃ rāmadevaṃ satataṃ nato 'smi
He who bound a great causeway across the ocean and, having reached Laṅkā, slew the ten-faced one together with his host, the everlasting one, for the well-being of the worlds — to that Lord Rāma I am constantly bowed.
AI translation rendered from the Sanskrit, not a published edition
NsP 53.24
यथा तु वाराहनृसिंहरूपैः कृतं त्वया देव हितं सुराणाम् तथाद्य भूमेः कुरु भारहानिं प्रसीद विष्णो भगवन् नमस् ते
yathā tu vārāhanṛsiṃharūpaiḥ kṛtaṃ tvayā deva hitaṃ surāṇām tathādya bhūmeḥ kuru bhārahāniṃ prasīda viṣṇo bhagavan namas te
Just as by you, O God, the good of the gods was accomplished through the boar and man-lion forms, so today bring about the removal of the earth's burden. Be gracious, O Viṣṇu, O Lord; homage to you.
AI translation rendered from the Sanskrit, not a published edition
NsP 53.25
इति स्तुतो जगन्नाथः श्रीधरः पद्मयोनिना आविर् बभूव भगवान् शङ्खचक्रगदाधरः
iti stuto jagannāthaḥ śrīdharaḥ padmayoninā āvir babhūva bhagavān śaṅkhacakragadādharaḥ
Thus praised by the lotus-born, the Lord of the world, Śrīdhara, the Lord bearing conch, discus and mace, became manifest.
AI translation rendered from the Sanskrit, not a published edition
NsP 53.26
उवाच च हृषीकेशः पद्मयोनिं सुरान् अपि स्तुत्यानयाहं संतुष्टः पितामह दिवौकसः
uvāca ca hṛṣīkeśaḥ padmayoniṃ surān api stutyānayāhaṃ saṃtuṣṭaḥ pitāmaha divaukasaḥ
And Hṛṣīkeśa said to the lotus-born and to the gods as well: "By this hymn I am well pleased, O Grandfather, O dwellers in heaven,
AI translation rendered from the Sanskrit, not a published edition
NsP 53.27
पठतां पापनाशाय नृणां भक्तिमताम् अपि यतो ऽस्मि प्रकटीभूतो दुर्लभो ऽपि हरिः सुराः
paṭhatāṃ pāpanāśāya nṛṇāṃ bhaktimatām api yato 'smi prakaṭībhūto durlabho 'pi hariḥ surāḥ
— (a hymn) for the destruction of the sins of men who recite it and who are full of devotion — since I, Hari, though hard to obtain, have become visible, O gods.
AI translation rendered from the Sanskrit, not a published edition
NsP 53.28
देवैः सेन्द्रैः सरुद्रैस् तु पृथ्व्या च प्रार्थितो ह्य् अहम् पद्मयोने वदाद्य त्वं श्रुत्वा तत् करवाणि ते
devaiḥ sendraiḥ sarudrais tu pṛthvyā ca prārthito hy aham padmayone vadādya tvaṃ śrutvā tat karavāṇi te
I have indeed been entreated by the gods together with Indra and with Rudra, and by the Earth. O lotus-born, do you speak now; having heard it, I shall do that for you."
AI translation rendered from the Sanskrit, not a published edition
NsP 53.29
इत्युक्ते विष्णुना प्राह ब्रह्मा लोकपितामहः दैत्यानां गुरुभारेण पीडितेयं मही भृशम्
ityukte viṣṇunā prāha brahmā lokapitāmahaḥ daityānāṃ gurubhāreṇa pīḍiteyaṃ mahī bhṛśam
When Viṣṇu had spoken thus, Brahmā, the grandfather of the worlds, said: "This earth is grievously oppressed by the heavy burden of the daityas.
AI translation rendered from the Sanskrit, not a published edition
NsP 53.30
लघ्वीम् इमां कारयितुं त्वयाहं पुरुषोत्तम तेनागतः सुरैः सार्धं नान्यद् अस्तीति कारणम्
laghvīm imāṃ kārayituṃ tvayāhaṃ puruṣottama tenāgataḥ suraiḥ sārdhaṃ nānyad astīti kāraṇam
To have her made light by you, O highest Person — for that I have come together with the gods; there is no other reason."
AI translation rendered from the Sanskrit, not a published edition
NsP 53.31
इत्युक्तो भगवान् प्राह गच्छध्वम् अमराः स्वयम् स्थानं निरामयाः सर्वे पद्मयोनिस् तु गच्छतु
ityukto bhagavān prāha gacchadhvam amarāḥ svayam sthānaṃ nirāmayāḥ sarve padmayonis tu gacchatu
Addressed thus, the Lord said: "Go, immortals, yourselves to your own place, all of you free from affliction; but let the lotus-born (Brahmā) go (too)."
AI translation rendered from the Sanskrit, not a published edition
NsP 53.32
देवक्यां वसुदेवाच् च अवतीर्य महीतले सितकृष्णे च मच्छक्ती कंसादीन् घातयिष्यतः
devakyāṃ vasudevāc ca avatīrya mahītale sitakṛṣṇe ca macchaktī kaṃsādīn ghātayiṣyataḥ
"Descending upon the earth's surface in Devakī and from Vasudeva, my two powers, the white and the black, will slay Kaṃsa and the others."
AI translation rendered from the Sanskrit, not a published edition
NsP 53.33
इत्य् आकर्ण्य हरेर् वाक्यं हरिं नत्वा ययुः सुराः गतेषु त्रिदिवौकःसु देवदेवो जनार्दनः
ity ākarṇya harer vākyaṃ hariṃ natvā yayuḥ surāḥ gateṣu tridivaukaḥsu devadevo janārdanaḥ
Having heard this speech of Hari, the gods bowed to Hari and departed; and when the dwellers of heaven had gone, Janārdana, the god of gods,
AI translation rendered from the Sanskrit, not a published edition
NsP 53.34
शिष्टानां पालनार्थाय दुष्टनिग्रहणाय च प्रेषयाम्_अस ते शक्ती सितकृष्णे स्वके नृप
śiṣṭānāṃ pālanārthāya duṣṭanigrahaṇāya ca preṣayām_asa te śaktī sitakṛṣṇe svake nṛpa
—for the sake of protecting the good and for the restraint of the wicked—sent forth those two powers of his own, the white and the black, O king.
AI translation rendered from the Sanskrit, not a published edition
NsP 53.35
तयोः सिता च रोहिण्यां वसुदेवाद् बभूव ह तद्वत् कृष्णा च देवक्यां वसुदेवाद् बभूव ह
tayoḥ sitā ca rohiṇyāṃ vasudevād babhūva ha tadvat kṛṣṇā ca devakyāṃ vasudevād babhūva ha
Of those two, the white one came to be in Rohiṇī from Vasudeva; likewise the black one came to be in Devakī from Vasudeva.
AI translation rendered from the Sanskrit, not a published edition
NsP 53.36
रौहिणेयो ऽथ पुण्यात्मा रामनामाश्रितो महान् देवकीनन्दनः कृष्णस् तयोः कर्म शृणुष्व मे
rauhiṇeyo 'tha puṇyātmā rāmanāmāśrito mahān devakīnandanaḥ kṛṣṇas tayoḥ karma śṛṇuṣva me
Then Rohiṇī's son, of holy soul, the great one, bore the name Rāma; Devakī's son and delight was Kṛṣṇa. Hear from me the deeds of those two.
AI translation rendered from the Sanskrit, not a published edition
NsP 53.37
गोकुले बालकाले तु राक्षसी शकुनी निशि रामेण निहता राजन् तथा कृष्णेन पूतना
gokule bālakāle tu rākṣasī śakunī niśi rāmeṇa nihatā rājan tathā kṛṣṇena pūtanā
In Gokula, in their childhood, the demoness Śakunī was slain at night by Rāma, O king, and likewise Pūtanā by Kṛṣṇa.
AI translation rendered from the Sanskrit, not a published edition
NsP 53.38
धेनुकः सगणस् तालवने रामेण घातितः शकटश् चार्जुनौ वृक्षौ तद्वत् कृष्णेन घातितौ
dhenukaḥ sagaṇas tālavane rāmeṇa ghātitaḥ śakaṭaś cārjunau vṛkṣau tadvat kṛṣṇena ghātitau
Dhenuka together with his troop was killed by Rāma in the palm grove; likewise the cart and the two arjuna trees were destroyed by Kṛṣṇa.
AI translation rendered from the Sanskrit, not a published edition
NsP 53.39
प्रलम्बो निधनं नीतो दैत्यो रामेण मुष्टिना कालियो दमितस् तोये कालिन्द्यां विषपन्नगः
pralambo nidhanaṃ nīto daityo rāmeṇa muṣṭinā kāliyo damitas toye kālindyāṃ viṣapannagaḥ
The demon Pralamba was brought to death by Rāma with his fist; Kāliya, the venomous serpent, was subdued in the water of the Kālindī.
AI translation rendered from the Sanskrit, not a published edition
NsP 53.40
गोवर्धनश् च कृष्णेन धृतो वर्षति वासवे गोकुलं रक्षता तेन अरिष्टश् च निपातितः
govardhanaś ca kṛṣṇena dhṛto varṣati vāsave gokulaṃ rakṣatā tena ariṣṭaś ca nipātitaḥ
And Govardhana was held up by Kṛṣṇa when Vāsava (Indra) rained; and by him, as he protected Gokula, Ariṣṭa too was struck down.
AI translation rendered from the Sanskrit, not a published edition
NsP 53.41
केशी च निधनं नीतो दुष्टवाजी महासुरः अक्रूरेण च तौ नीतौ मथुरायां महात्मना
keśī ca nidhanaṃ nīto duṣṭavājī mahāsuraḥ akrūreṇa ca tau nītau mathurāyāṃ mahātmanā
And Keśī, the wicked horse, the great demon, was brought to death; and the two were taken to Mathurā by the great-souled Akrūra.
AI translation rendered from the Sanskrit, not a published edition
NsP 53.42
ददर्श तु निमग्नश् च रामकृष्णौ महामते स्वं स्वं रूपं जले तस्य अक्रूरस्य विभूतिदम्
dadarśa tu nimagnaś ca rāmakṛṣṇau mahāmate svaṃ svaṃ rūpaṃ jale tasya akrūrasya vibhūtidam
And when he had plunged in (the water) he saw Rāma and Kṛṣṇa, O great-minded one, each in his own form, in the water—which gave (a vision of) majesty to that Akrūra.
AI translation rendered from the Sanskrit, not a published edition — the model flagged this verse as uncertain
NsP 53.43
अनयोर् भावम् अतुलं ज्ञात्वा दृष्ट्वा च यादवाः बभूवुः प्रीतमनसो ह्य् अक्रूरश् च नृपात्मज
anayor bhāvam atulaṃ jñātvā dṛṣṭvā ca yādavāḥ babhūvuḥ prītamanaso hy akrūraś ca nṛpātmaja
Having known and seen the incomparable nature of these two, the Yādavas became glad of heart, and so did Akrūra, O son of the king.
AI translation rendered from the Sanskrit, not a published edition
NsP 53.44
दुर्वचश् च प्रजल्पन्तं कंसस्य रजकं ततः कृष्णो जघान रामश् च तद्वस्त्रं ब्रह्मणे ददौ
durvacaś ca prajalpantaṃ kaṃsasya rajakaṃ tataḥ kṛṣṇo jaghāna rāmaś ca tadvastraṃ brahmaṇe dadau
Then Kṛṣṇa slew Kaṃsa's washerman, who was uttering foul words; and Rāma gave his garment to a brahmin.
AI translation rendered from the Sanskrit, not a published edition
NsP 53.45
मालाकारेण भक्त्या तु सुमनोभिः प्रपूजितौ ततस् तस्य वरान् दत्त्वा दुर्लभान् रामकेशवौ
mālākāreṇa bhaktyā tu sumanobhiḥ prapūjitau tatas tasya varān dattvā durlabhān rāmakeśavau
They were worshipped with devotion by a garland-maker with flowers; then Rāma and Keśava gave him boons hard to obtain.
AI translation rendered from the Sanskrit, not a published edition
NsP 53.46
गच्छन्तौ राजमार्गे तु कुब्जया पूजितौ ततः तत्कौटिल्यम् अपानीय विरूपं कार्मुकं ततः
gacchantau rājamārge tu kubjayā pūjitau tataḥ tatkauṭilyam apānīya virūpaṃ kārmukaṃ tataḥ
Then, as they went along the royal road, they were honoured by the hunchbacked woman; and having removed her crookedness, then the misshapen bow—
AI translation rendered from the Sanskrit, not a published edition
NsP 53.47
बभञ्ज कृष्णो बलवान् कंसस्याकृष्य तत्क्षणात् रक्षपालान् जघानाथ रामस् तत्र खलान् बहून् हत्वा कुवलयाख्यं च गजं रामजनार्दनौ
babhañja kṛṣṇo balavān kaṃsasyākṛṣya tatkṣaṇāt rakṣapālān jaghānātha rāmas tatra khalān bahūn hatvā kuvalayākhyaṃ ca gajaṃ rāmajanārdanau
—mighty Kṛṣṇa drew Kaṃsa's bow and broke it that very instant; then Rāma slew the guards, many villains there; and Rāma and Janārdana, having killed the elephant named Kuvalaya,
AI translation rendered from the Sanskrit, not a published edition
NsP 53.48
प्रविश्य रङ्गं गजदन्तपाणी मदानुलिप्तौ वसुदेवपुत्रौ युद्धे तु रामो निजघान मल्लं शैलोपमं मुष्टिकम् अव्ययात्मा
praviśya raṅgaṃ gajadantapāṇī madānuliptau vasudevaputrau yuddhe tu rāmo nijaghāna mallaṃ śailopamaṃ muṣṭikam avyayātmā
—the two sons of Vasudeva, with elephant tusks in their hands, smeared with the beast's temple-fluid, entered the arena; and in the fight Rāma, whose self is imperishable, slew the wrestler Muṣṭika, who was like a mountain.
AI translation rendered from the Sanskrit, not a published edition
NsP 53.49
कृष्णो ऽपि चाणूरम् अतिप्रसिद्धं बलेन वीर्येण च कंसमल्लकम् युद्ध्वा तु तेनाथ चिरं जघान तं दैत्यमल्लं जनसंसदीशः
kṛṣṇo 'pi cāṇūram atiprasiddhaṃ balena vīryeṇa ca kaṃsamallakam yuddhvā tu tenātha ciraṃ jaghāna taṃ daityamallaṃ janasaṃsadīśaḥ
Kṛṣṇa too, the lord, in the assembly of the people, having fought long with Cāṇūra—Kaṃsa's wrestler, most renowned for strength and valour—then slew that demon-wrestler.
AI translation rendered from the Sanskrit, not a published edition
NsP 53.50
मृतस्य मल्लस्य च मुष्टिकस्य मित्रं पुनः पुष्करकं स रामः युद्धार्थम् उत्थाय कृतक्षणं तं मुष्टिप्रहारेण जघान वीरः
mṛtasya mallasya ca muṣṭikasya mitraṃ punaḥ puṣkarakaṃ sa rāmaḥ yuddhārtham utthāya kṛtakṣaṇaṃ taṃ muṣṭiprahāreṇa jaghāna vīraḥ
Again, the friend of the dead wrestler Muṣṭika, Puṣkaraka, having risen up ready for the fight—that hero Rāma slew him with a blow of his fist.
AI translation rendered from the Sanskrit, not a published edition
NsP 53.51
कृष्णः पुनस् तान् सकलान् निहत्य निगृह्य कंसं विनिपात्य भूमौ स्वयं च देहे विनिपत्य तस्य हत्वा तथोर्व्यां निचकर्ष कृष्णः
kṛṣṇaḥ punas tān sakalān nihatya nigṛhya kaṃsaṃ vinipātya bhūmau svayaṃ ca dehe vinipatya tasya hatvā tathorvyāṃ nicakarṣa kṛṣṇaḥ
Then Kṛṣṇa, having slain all of them, seized Kaṃsa and threw him down on the ground, and himself falling upon his body and killing him, Kṛṣṇa dragged him along the earth.
AI translation rendered from the Sanskrit, not a published edition
NsP 53.52
हते तु कंसे हरिणातिक्रुद्धो भ्रातापि तस्यातिरुषेण चोत्थितः सुनाभसंज्ञो बलवीर्ययुक्तो रामेण नीतो यमसादनं क्षणात्
hate tu kaṃse hariṇātikruddho bhrātāpi tasyātiruṣeṇa cotthitaḥ sunābhasaṃjño balavīryayukto rāmeṇa nīto yamasādanaṃ kṣaṇāt
When Kaṃsa had been slain by Hari, his brother too, exceedingly enraged, rose up in great fury—one named Sunābha, endowed with strength and valour—and was in an instant brought by Rāma to the abode of Yama.
AI translation rendered from the Sanskrit, not a published edition
NsP 53.53
तौ वन्द्य मातापितरौ सुहृष्टौ जनैः समस्तैर् यदुभिः सुसंवृतौ कृत्वा नृपं चोग्रसेनं यदूनां सभां सुधर्मां ददतुर् महेन्द्रीम्
tau vandya mātāpitarau suhṛṣṭau janaiḥ samastair yadubhiḥ susaṃvṛtau kṛtvā nṛpaṃ cograsenaṃ yadūnāṃ sabhāṃ sudharmāṃ dadatur mahendrīm
Then the two, greatly delighted, having saluted their mother and father, well surrounded by all the people, the Yadus, and having made Ugrasena king, gave to the Yadus the Sudharmā assembly hall, (the hall) of great Indra.
AI translation rendered from the Sanskrit, not a published edition
NsP 53.54
सर्वज्ञभावाव् अपि रामकृष्णौ संप्राप्य सांदीपनितो ऽस्त्रविद्याम् गुरोः कृते पञ्चजनं निहत्य यमं च जित्वा गुरवे सुतं ददौ
sarvajñabhāvāv api rāmakṛṣṇau saṃprāpya sāṃdīpanito 'stravidyām guroḥ kṛte pañcajanaṃ nihatya yamaṃ ca jitvā gurave sutaṃ dadau
Though the two, Rāma and Kṛṣṇa, were by nature omniscient, having received the science of weapons from Sāndīpani, for the teacher's sake (Kṛṣṇa) slew Pañcajana and conquered Yama, and gave the son back to the teacher.
AI translation rendered from the Sanskrit, not a published edition
NsP 53.55
निहत्य रामो मगधेश्वरस्य बलं समस्तं बहुशः समागतम् दिव्यास्त्रपूरैर् अमराव् इमाव् उभौ शुभां पुरीं चक्रतुः सागरान्ते
nihatya rāmo magadheśvarasya balaṃ samastaṃ bahuśaḥ samāgatam divyāstrapūrair amarāv imāv ubhau śubhāṃ purīṃ cakratuḥ sāgarānte
Rāma having slain the whole army of the lord of Magadha, which had come together many times over, these two immortals, with floods of divine weapons, made a fair city at the ocean's edge.
AI translation rendered from the Sanskrit, not a published edition
NsP 53.56
तस्यां विधायाथ जनस्य वासं हत्वा शृगालं हरिर् अव्ययात्मा दग्ध्वा महान्तं यवनं ह्य् उपायाद् वरं च दत्त्वा नृपतेर् जगाम
tasyāṃ vidhāyātha janasya vāsaṃ hatvā śṛgālaṃ harir avyayātmā dagdhvā mahāntaṃ yavanaṃ hy upāyād varaṃ ca dattvā nṛpater jagāma
Then, having arranged the dwelling of the people in it, Hari of imperishable self, having slain Śṛgāla (Śiśupāla?) and burnt up the great Yavana by a stratagem, and having granted a boon to the king, departed.
AI translation rendered from the Sanskrit, not a published edition — the model flagged this verse as uncertain
NsP 53.57
रामो ऽथ संशान्तसमस्तविग्रहः संप्राप्य नन्दस्य पुनः स गोकुलम् वृन्दावने गोपजनैः सुभाषितः सीरेण रामो यमुनां चकर्ष
rāmo 'tha saṃśāntasamastavigrahaḥ saṃprāpya nandasya punaḥ sa gokulam vṛndāvane gopajanaiḥ subhāṣitaḥ sīreṇa rāmo yamunāṃ cakarṣa
Then Rāma, all his conflicts being quieted, reaching again Nanda's Gokula, was well addressed by the cowherd folk in Vṛndāvana; and Rāma dragged the Yamunā with his plough.
AI translation rendered from the Sanskrit, not a published edition
NsP 53.58
संप्राप्य भार्याम् अथ रेवतीं च रेमे तया द्वारवतीं स लाङ्गली क्षात्रेण संप्राप्य तदा स रुक्मिणीं कृष्णो ऽपि रेमे पुरुषः पुराणः
saṃprāpya bhāryām atha revatīṃ ca reme tayā dvāravatīṃ sa lāṅgalī kṣātreṇa saṃprāpya tadā sa rukmiṇīṃ kṛṣṇo 'pi reme puruṣaḥ purāṇaḥ
Then, having won Revatī as wife, the plough-bearer enjoyed himself with her in Dvāravatī; and Kṛṣṇa too, the ancient Person, having then won Rukmiṇī by the warrior's manner, enjoyed himself.
AI translation rendered from the Sanskrit, not a published edition
NsP 53.59
द्यूते कलिङ्गराजस्य दन्तान् उत्पाट्य लाङ्गली जघानाष्टपदेनैव रुक्मिणं चानृतान्वितम्
dyūte kaliṅgarājasya dantān utpāṭya lāṅgalī jaghānāṣṭapadenaiva rukmiṇaṃ cānṛtānvitam
At the gambling match the plough-bearer knocked out the teeth of the king of Kaliṅga and struck down Rukmin, who was full of falsehood, with the very gaming board.
AI translation rendered from the Sanskrit, not a published edition
NsP 53.60
कृष्णः प्राग्ज्योतिषो दैत्यान् हयग्रीवादिकान् बहून् हत्वा तु नरकं चापि जग्राह च महद् धनम्
kṛṣṇaḥ prāgjyotiṣo daityān hayagrīvādikān bahūn hatvā tu narakaṃ cāpi jagrāha ca mahad dhanam
Kṛṣṇa, having slain the many demons of Prāgjyotiṣa, Hayagrīva and the rest, and Naraka too, took away great wealth.
AI translation rendered from the Sanskrit, not a published edition
NsP 53.61
अदित्यै कुण्डले दत्त्वा जित्वेन्द्रं दैवतैः सह गृहीत्वा पारिजातं तु ततो द्वारावतीं पुरीम्
adityai kuṇḍale dattvā jitvendraṃ daivataiḥ saha gṛhītvā pārijātaṃ tu tato dvārāvatīṃ purīm
Having given the earrings to Aditi, having conquered Indra together with the gods, and having taken the Pārijāta tree, (he went) then to the city Dvārāvatī.
AI translation rendered from the Sanskrit, not a published edition
NsP 53.62
कुरुभिश् च धृतं साम्बं राम एको महाबलः कुरूणां भयम् उत्पाद्य मोचयाम्_अस वीर्यवान्
kurubhiś ca dhṛtaṃ sāmbaṃ rāma eko mahābalaḥ kurūṇāṃ bhayam utpādya mocayām_asa vīryavān
And Sāmba, who was held captive by the Kurus, Rāma alone, of great strength and valour, released, having struck fear into the Kurus.
AI translation rendered from the Sanskrit, not a published edition
NsP 53.63
बाणबाहुवनं छिन्नं कृष्णेन युधि धीमता रामेण तद्बलं नीतं क्षयं कोटिगुणं क्षणात्
bāṇabāhuvanaṃ chinnaṃ kṛṣṇena yudhi dhīmatā rāmeṇa tadbalaṃ nītaṃ kṣayaṃ koṭiguṇaṃ kṣaṇāt
The forest of Bāṇa's arms was cut down by wise Kṛṣṇa in battle; by Rāma his army, a crore times (greater), was brought to destruction in an instant.
AI translation rendered from the Sanskrit, not a published edition
NsP 53.64
देवापकारी रामेण निहतो वानरो महान् ततो ऽर्जुनस्य साहाय्यं कुर्वता कंसशत्रुणा
devāpakārī rāmeṇa nihato vānaro mahān tato 'rjunasya sāhāyyaṃ kurvatā kaṃsaśatruṇā
The great monkey who did harm to the gods was slain by Rāma; then, by the enemy of Kaṃsa, who was rendering aid to Arjuna—
AI translation rendered from the Sanskrit, not a published edition
NsP 53.65
सर्वभूतवधाद् राजन् भुवो भारो ऽवरोपितः तीर्थयात्रा कृता तद्वद् रामेण जगतः कृते
sarvabhūtavadhād rājan bhuvo bhāro 'varopitaḥ tīrthayātrā kṛtā tadvad rāmeṇa jagataḥ kṛte
—by the slaying of all those beings, O king, the burden of the earth was lightened. Likewise a pilgrimage to the sacred fords was made by Rāma for the world's sake.
AI translation rendered from the Sanskrit, not a published edition
NsP 53.66
रामेण निहिता ये तु तान् न संख्यातुम् उत्सहे एवं तौ रामकृष्णौ तु कृत्वा दुष्टवधं नृप
rāmeṇa nihitā ye tu tān na saṃkhyātum utsahe evaṃ tau rāmakṛṣṇau tu kṛtvā duṣṭavadhaṃ nṛpa
But those who were slain by Rāma—them I am not able to count. Thus these two, Rāma and Kṛṣṇa, O king, having accomplished the slaughter of the wicked,
AI translation rendered from the Sanskrit, not a published edition
NsP 53.67
अवतार्य भुवो भारं जग्मतुः स्वेच्छया दिवम् इत्य् एतौ कथितौ दिव्यौ प्रादुर्भावौ मया तव संक्षेपाद् रामकृष्णस्य काल्क्यं शृणु ममाधुना
avatārya bhuvo bhāraṃ jagmatuḥ svecchayā divam ity etau kathitau divyau prādurbhāvau mayā tava saṃkṣepād rāmakṛṣṇasya kālkyaṃ śṛṇu mamādhunā
and having taken down the burden of the earth, went by their own will to heaven. Thus these two divine manifestations of Rāma and Kṛṣṇa have been told by me to you in brief; now hear from me the Kalki (manifestation).
AI translation rendered from the Sanskrit, not a published edition
NsP 53.68
इत्थं हि शक्ती सितकृष्णरूपे हरेर् अनन्तस्य महाबलाढ्ये कृत्वा तु भूमेर् नृप भारहानिं पुनश् च विष्णुं प्रतिजग्मतुस् ते
itthaṃ hi śaktī sitakṛṣṇarūpe harer anantasya mahābalāḍhye kṛtvā tu bhūmer nṛpa bhārahāniṃ punaś ca viṣṇuṃ pratijagmatus te
Thus indeed the two powers of endless Hari, in white and dark form, rich in great strength, O king, having brought about the reduction of the earth's burden, went back again to Viṣṇu.
AI translation rendered from the Sanskrit, not a published edition