Narasimha Purana — Chapter 5

NsP 5.1

रुद्रसर्गं तु मे ब्रूहि विस्तरेण महामते पुनः सर्वे मरीच्याद्याः ससृजुस् ते कथं पुनः

rudrasargaṃ tu me brūhi vistareṇa mahāmate punaḥ sarve marīcyādyāḥ sasṛjus te kathaṃ punaḥ

But tell me the creation of Rudra in detail, O greatly wise one; and again, how did all those, Marīci and the rest, create?

AI translation rendered from the Sanskrit, not a published edition

NsP 5.2

मित्रावरुणपुत्रत्वं वसिष्ठस्य कथं भवेत् ब्रह्मणो मनसः पूर्वम् उत्पन्नस्य महामते

mitrāvaruṇaputratvaṃ vasiṣṭhasya kathaṃ bhavet brahmaṇo manasaḥ pūrvam utpannasya mahāmate

How could Vasiṣṭha come to be the son of Mitra and Varuṇa, when he was produced earlier from the mind of Brahmā, O greatly wise one?

AI translation rendered from the Sanskrit, not a published edition

NsP 5.3

रुद्रसृष्टिं प्रवक्ष्यामि तत्सर्गाश् चैव सत्तम प्रतिसर्गं मुनीनां तु विस्तराद् वदतः शृणु

rudrasṛṣṭiṃ pravakṣyāmi tatsargāś caiva sattama pratisargaṃ munīnāṃ tu vistarād vadataḥ śṛṇu

I shall declare the creation by Rudra and his offspring too, O best of the good; hear from me as I tell at length the further creation of the sages.

AI translation rendered from the Sanskrit, not a published edition

NsP 5.4

कल्पादाव् आत्मनस् तुल्यं सुतं प्रध्यायतस् ततः प्रादुरासीत् प्रभोर् अङ्के कुमारो नीललोहितः

kalpādāv ātmanas tulyaṃ sutaṃ pradhyāyatas tataḥ prādurāsīt prabhor aṅke kumāro nīlalohitaḥ

At the beginning of the kalpa, as he was pondering upon a son equal to himself, then there appeared in the lap of the Lord a boy, dark-red (Nīlalohita).

AI translation rendered from the Sanskrit, not a published edition

NsP 5.5

अर्धनारीनरवपुः प्रचण्डो ऽतिशरीरवान् तेजसा भासयन् सर्वा दिशश् च प्रदिशश् च सः

ardhanārīnaravapuḥ pracaṇḍo 'tiśarīravān tejasā bhāsayan sarvā diśaś ca pradiśaś ca saḥ

His body half woman, half man, fierce, of vast frame, illuminating with his radiance all the directions and the intermediate directions.

AI translation rendered from the Sanskrit, not a published edition

NsP 5.6

तं दृष्ट्वा तेजसा दीप्तं प्रत्युवाच प्रजापतिः विभजात्मानम् अद्य त्वं मम वाक्यान् महामते

taṃ dṛṣṭvā tejasā dīptaṃ pratyuvāca prajāpatiḥ vibhajātmānam adya tvaṃ mama vākyān mahāmate

Seeing him blazing with radiance, Prajāpati said in reply: "Divide yourself now, at my word, O greatly wise one."

AI translation rendered from the Sanskrit, not a published edition

NsP 5.7

इत्युक्तो ब्रह्मणा विप्र रुद्रस् तेन प्रतापवान् स्त्रीभावं पुरुषत्वं च पृथक् पृथग् अथाकरोत्

ityukto brahmaṇā vipra rudras tena pratāpavān strībhāvaṃ puruṣatvaṃ ca pṛthak pṛthag athākarot

Addressed thus by Brahmā, O brahmin, that mighty Rudra then made the female nature and the male nature separately, each apart.

AI translation rendered from the Sanskrit, not a published edition

NsP 5.8

बिभेद पुरुषत्वं च दशधा चैकधा च सः तेषां नामानि वक्ष्यामि शृणु मे द्विजसत्तम

bibheda puruṣatvaṃ ca daśadhā caikadhā ca saḥ teṣāṃ nāmāni vakṣyāmi śṛṇu me dvijasattama

And he divided the male nature elevenfold (into ten and one); I shall tell their names — hear me, O best of the twice-born.

AI translation rendered from the Sanskrit, not a published edition

NsP 5.9

अजैकपाद् अहिर्बुध्न्यः कपाली रुद्र एव च हरश् च बहुरूपश् च त्र्यम्बकश् चापराजितः

ajaikapād ahirbudhnyaḥ kapālī rudra eva ca haraś ca bahurūpaś ca tryambakaś cāparājitaḥ

Ajaikapād, Ahirbudhnya, Kapālin, and Rudra himself, and Hara, and Bahurūpa, and Tryambaka, and Aparājita,

AI translation rendered from the Sanskrit, not a published edition

NsP 5.10

वृषाकपिश् च शंभुश् च कपर्दी रैवतस् तथा एकादशैते कथिता रुद्रास् त्रिभुवनेश्वराः

vṛṣākapiś ca śaṃbhuś ca kapardī raivatas tathā ekādaśaite kathitā rudrās tribhuvaneśvarāḥ

and Vṛṣākapi, and Śambhu, Kapardin, and likewise Raivata: these eleven Rudras, lords of the three worlds, have been named.

AI translation rendered from the Sanskrit, not a published edition

NsP 5.11

स्त्रीत्वं चैव तथा रुद्रो बिभेद दशधैकधा उमैव बहुरूपेण पत्नी सैव व्यवस्थिता

strītvaṃ caiva tathā rudro bibheda daśadhaikadhā umaiva bahurūpeṇa patnī saiva vyavasthitā

And likewise Rudra divided the female nature tenfold and onefold; Umā herself, in her many forms, is established as his wife.

AI translation rendered from the Sanskrit, not a published edition

NsP 5.12

तपः कृत्वा जले घोरम् उत्तीर्णः स यदा पुरा तदा स सृष्टवान् देवो रुद्रस् तत्र प्रतापवान्

tapaḥ kṛtvā jale ghoram uttīrṇaḥ sa yadā purā tadā sa sṛṣṭavān devo rudras tatra pratāpavān

When formerly, having performed dreadful austerity in the water, he emerged, then that mighty god Rudra created there,

AI translation rendered from the Sanskrit, not a published edition

NsP 5.13

तपोबलेन विप्रेन्द्र भूतानि विविधानि च पिशाचान् राक्षसांश् चैव सिंहोष्ट्रमकराननान्

tapobalena viprendra bhūtāni vividhāni ca piśācān rākṣasāṃś caiva siṃhoṣṭramakarānanān

by the power of his austerity, O chief of brahmins, various beings — piśācas and rākṣasas too, with the faces of lions, camels and sea-monsters —

AI translation rendered from the Sanskrit, not a published edition

NsP 5.14

वेतालप्रमुखान् भूतान् अन्यांश् चैव सहस्रशः विनायकानाम् उग्राणां त्रिंशत्कोट्य् अर्धम् एव च

vetālapramukhān bhūtān anyāṃś caiva sahasraśaḥ vināyakānām ugrāṇāṃ triṃśatkoṭy ardham eva ca

beings headed by the vetālas, and others by the thousands, and fifteen crore (half of thirty crore) of fierce Vināyakas.

AI translation rendered from the Sanskrit, not a published edition

NsP 5.15

अन्यकार्यं समुद्दिश्य सृष्टवान् स्कन्दम् एव च एवंप्रकारो रुद्रो ऽसौ मया ते कीर्तितः प्रभुः

anyakāryaṃ samuddiśya sṛṣṭavān skandam eva ca evaṃprakāro rudro 'sau mayā te kīrtitaḥ prabhuḥ

And with another task in view he created Skanda. Thus of such a kind has that lord Rudra been recounted by me to you.

AI translation rendered from the Sanskrit, not a published edition

NsP 5.16

अनुसर्गं मरीच्यादेः कथयामि निबोद्ध मे देवादिस्थावरान्ताश् च प्रजाः सृष्टाः स्वयंभुवा

anusargaṃ marīcyādeḥ kathayāmi niboddha me devādisthāvarāntāś ca prajāḥ sṛṣṭāḥ svayaṃbhuvā

I shall relate the subsequent creation, of Marīci and the rest — mark me: the creatures, beginning with the gods and ending with immobile things, were created by the Self-existent.

AI translation rendered from the Sanskrit, not a published edition

NsP 5.17

यदास्य च प्रजाः सर्वा न व्यवर्धन्त धीमतः तदा मानसपुत्रान् स सदृशान् आत्मनो ऽसृजत्

yadāsya ca prajāḥ sarvā na vyavardhanta dhīmataḥ tadā mānasaputrān sa sadṛśān ātmano 'sṛjat

And when all the creatures of that wise one did not increase, then he created mind-born sons like unto himself:

AI translation rendered from the Sanskrit, not a published edition

NsP 5.18

मरीचिम् अत्र्यङ्गिरसं पुलस्त्यं पुलहं क्रतुम् प्रचेतसं वसिष्ठं च भृगुं चैव महामतिम्

marīcim atryaṅgirasaṃ pulastyaṃ pulahaṃ kratum pracetasaṃ vasiṣṭhaṃ ca bhṛguṃ caiva mahāmatim

Marīci, Atri, Aṅgiras, Pulastya, Pulaha, Kratu, Pracetas, Vasiṣṭha, and Bhṛgu of great wisdom.

AI translation rendered from the Sanskrit, not a published edition

NsP 5.19

नव ब्रह्माण इत्य् एते पुराणे निश्चयं गताः अग्निश् च पितरश् चैव ब्रह्मपुत्रौ तु मानसौ

nava brahmāṇa ity ete purāṇe niścayaṃ gatāḥ agniś ca pitaraś caiva brahmaputrau tu mānasau

These are settled in the Purāṇa as the nine Brahmās; and Agni and the Fathers are the two mind-born sons of Brahmā,

AI translation rendered from the Sanskrit, not a published edition

NsP 5.20

सृष्टिकाले महाभागौ ब्रह्मन् स्वायंभुवोद्गतौ शतरूपां च सृष्ट्वा तु कन्यां स मनवे ददौ

sṛṣṭikāle mahābhāgau brahman svāyaṃbhuvodgatau śatarūpāṃ ca sṛṣṭvā tu kanyāṃ sa manave dadau

the two greatly fortunate ones arisen from the Self-existent at the time of creation, O brahmin. And having created the maiden Śatarūpā, he gave her to Manu.

AI translation rendered from the Sanskrit, not a published edition

NsP 5.21

तस्माच् च पुरुषाद् देवी शतरूपा व्यजायत प्रियव्रतोत्तानपादौ प्रसूतिं चैव कन्यकाम्

tasmāc ca puruṣād devī śatarūpā vyajāyata priyavratottānapādau prasūtiṃ caiva kanyakām

And from that man (Manu) the goddess Śatarūpā gave birth to Priyavrata and Uttānapāda, and to a daughter, Prasūti.

AI translation rendered from the Sanskrit, not a published edition

NsP 5.22

ददौ प्रसूतिं दक्षाय मनुः स्वायंभुवः सुताम् प्रसूत्यां च तदा दक्षश् चतुर्विंशतिकं तथा

dadau prasūtiṃ dakṣāya manuḥ svāyaṃbhuvaḥ sutām prasūtyāṃ ca tadā dakṣaś caturviṃśatikaṃ tathā

Manu the son of the Self-existent gave his daughter Prasūti to Dakṣa; and then Dakṣa begot in Prasūti twenty-four

AI translation rendered from the Sanskrit, not a published edition

NsP 5.23

ससर्ज कन्यकास् तासां शृणु नामानि मे ऽधुना श्रद्धा लक्ष्मीर् धृतिस् तुष्टिः पुष्टिर् मेधा तथा क्रिया

sasarja kanyakās tāsāṃ śṛṇu nāmāni me 'dhunā śraddhā lakṣmīr dhṛtis tuṣṭiḥ puṣṭir medhā tathā kriyā

maidens; hear now from me their names: Śraddhā, Lakṣmī, Dhṛti, Tuṣṭi, Puṣṭi, Medhā, and Kriyā,

AI translation rendered from the Sanskrit, not a published edition

NsP 5.24

बुद्धिर् लज्जा वपुः शान्तिः सिद्धिः कीर्तिस् त्रयोदशी अपत्यार्थं प्रजग्राह धर्मो दाक्षायणीः प्रभुः

buddhir lajjā vapuḥ śāntiḥ siddhiḥ kīrtis trayodaśī apatyārthaṃ prajagrāha dharmo dākṣāyaṇīḥ prabhuḥ

Buddhi, Lajjā, Vapus, Śānti, Siddhi, and Kīrti as the thirteenth. Lord Dharma took these daughters of Dakṣa for the sake of offspring.

AI translation rendered from the Sanskrit, not a published edition

NsP 5.25

श्रद्धादीनां तु पत्नीनां जाताः कामादयः सुताः धर्मस्य पुत्रपौत्राद्यैर् धर्मवंशो विवर्धितः

śraddhādīnāṃ tu patnīnāṃ jātāḥ kāmādayaḥ sutāḥ dharmasya putrapautrādyair dharmavaṃśo vivardhitaḥ

From the wives Śraddhā and the rest were born sons, Kāma and the others; by Dharma's sons and grandsons and their descendants the lineage of Dharma was increased.

AI translation rendered from the Sanskrit, not a published edition

NsP 5.26

ताभ्यः शिष्टा यवीयस्यस् तासां नामानि कीर्तये संभूतिश् चानसूया च स्मृतिः प्रीतिः क्षमाः तथा

tābhyaḥ śiṣṭā yavīyasyas tāsāṃ nāmāni kīrtaye saṃbhūtiś cānasūyā ca smṛtiḥ prītiḥ kṣamāḥ tathā

The remaining ones, younger than these — I proclaim their names: Sambhūti, Anasūyā, Smṛti, Prīti, and Kṣamā,

AI translation rendered from the Sanskrit, not a published edition

NsP 5.27

संनतिश् चाथ सत्या च ऊर्जा ख्यातिर् द्विजोत्तम तद्वत् पुत्रौ महाभागौ मातरिश्वाथ सत्यवान्

saṃnatiś cātha satyā ca ūrjā khyātir dvijottama tadvat putrau mahābhāgau mātariśvātha satyavān

And Saṃnati, and Satyā, Ūrjā and Khyāti, O best of the twice-born; likewise (there were) two greatly fortunate sons, Mātariśvan and Satyavat.

AI translation rendered from the Sanskrit, not a published edition — the model flagged this verse as uncertain

NsP 5.28

स्वाहाथ दशमी ज्ञेया स्वधा चैकादशी स्मृता एताश् च दत्ता दक्षेण ऋषीणां भावितात्मनाम्

svāhātha daśamī jñeyā svadhā caikādaśī smṛtā etāś ca dattā dakṣeṇa ṛṣīṇāṃ bhāvitātmanām

Svāhā is to be known as the tenth, and Svadhā is remembered as the eleventh; and these were given by Dakṣa to the sages whose selves were purified.

AI translation rendered from the Sanskrit, not a published edition

NsP 5.29

मरीच्यादीनां तु ये पुत्रास् तान् अहं कथयामि ते पत्नी मरीचेः संभूतिर् जज्ञे सा कश्यपं मुनिम्

marīcyādīnāṃ tu ye putrās tān ahaṃ kathayāmi te patnī marīceḥ saṃbhūtir jajñe sā kaśyapaṃ munim

But those who are the sons of Marīci and the rest — those I shall tell you of. Marīci's wife was Saṃbhūti; she bore the sage Kaśyapa.

AI translation rendered from the Sanskrit, not a published edition

NsP 5.30

स्मृतिश् चाङ्गिरसः पत्नी प्रसूता कन्यकास् तथा सिनीवाली कुहूस् चैव राका चानुमतिस् तथा

smṛtiś cāṅgirasaḥ patnī prasūtā kanyakās tathā sinīvālī kuhūs caiva rākā cānumatis tathā

And Smṛti, the wife of Aṅgiras, brought forth daughters: Sinīvālī and Kuhū, and Rākā and Anumati.

AI translation rendered from the Sanskrit, not a published edition

NsP 5.31

अनसूया तथा चात्रेर् जज्ञे पुत्रान् अकल्मषान् सोमं दुर्वाससं चैव दत्तात्रेयं च योगिनम्

anasūyā tathā cātrer jajñe putrān akalmaṣān somaṃ durvāsasaṃ caiva dattātreyaṃ ca yoginam

And Anasūyā bore to Atri sons free of stain: Soma, and Durvāsas, and Dattātreya the yogin.

AI translation rendered from the Sanskrit, not a published edition

NsP 5.32

यो ऽसाव् अग्नेर् अभीमानी ब्रह्मणस् तनयो ऽग्रजः तस्मात् स्वाहा सुतांल् लेभे त्रीन् उदारौजसो द्विज

yo 'sāv agner abhīmānī brahmaṇas tanayo 'grajaḥ tasmāt svāhā sutāṃl lebhe trīn udāraujaso dvija

He who is the self-conscious (presiding spirit) of fire, the eldest son of Brahmā — from him Svāhā obtained three sons of lofty vigour, O twice-born one.

AI translation rendered from the Sanskrit, not a published edition — the model flagged this verse as uncertain

NsP 5.33

पावकं पवमानं च शुचिं चापि जलाशिनम् तेषां तु संतताव् अन्ये चत्वारिंशच् च पञ्च च

pāvakaṃ pavamānaṃ ca śuciṃ cāpi jalāśinam teṣāṃ tu saṃtatāv anye catvāriṃśac ca pañca ca

Pāvaka, and Pavamāna, and Śuci who feeds on water; and in their lineage there are others, forty and five.

AI translation rendered from the Sanskrit, not a published edition

NsP 5.34

कथयन्ते वह्नयश् चैते पिता पुत्रत्रयं च यत् एवम् एकोनपञ्चाशद् वह्नयः परिकीर्तिताः

kathayante vahnayaś caite pitā putratrayaṃ ca yat evam ekonapañcāśad vahnayaḥ parikīrtitāḥ

These are declared to be the fires, together with the father and the three sons; thus forty-nine fires are proclaimed.

AI translation rendered from the Sanskrit, not a published edition

NsP 5.35

पितरो ब्रह्मणा सृष्टा व्याख्याता ये मया तव तेभ्यः स्वधा सुते जज्ञे मेनां वै धारिणीं तथा

pitaro brahmaṇā sṛṣṭā vyākhyātā ye mayā tava tebhyaḥ svadhā sute jajñe menāṃ vai dhāriṇīṃ tathā

The Fathers created by Brahmā, whom I have explained to you — to them Svadhā bore two daughters, Menā and Dhāriṇī.

AI translation rendered from the Sanskrit, not a published edition

NsP 5.36

प्रजाः सृजेति व्यादिष्टः पूर्वं दक्षः स्वयंभुवा यथा ससर्ज भूतानि तथा मे शृणु सत्तम

prajāḥ sṛjeti vyādiṣṭaḥ pūrvaṃ dakṣaḥ svayaṃbhuvā yathā sasarja bhūtāni tathā me śṛṇu sattama

Formerly Dakṣa was commanded by the Self-existent, "Bring forth creatures"; hear from me, O best one, how he created beings.

AI translation rendered from the Sanskrit, not a published edition

NsP 5.37

मनसैव हि भूतानि पूर्वं दक्षो ऽसृजन् मुनिः देवान् ऋषींश् च गन्धर्वान् असुरान् पन्नगांस् तथा

manasaiva hi bhūtāni pūrvaṃ dakṣo 'sṛjan muniḥ devān ṛṣīṃś ca gandharvān asurān pannagāṃs tathā

For at first the sage Dakṣa created beings by mind alone: gods and seers and gandharvas, asuras and serpents.

AI translation rendered from the Sanskrit, not a published edition

NsP 5.38

यदास्य मनसा जाता नाभ्यवर्धन्त ते द्विज तदा संचिन्त्य स मुनिः सृष्टिहेतोः प्रजापतिः

yadāsya manasā jātā nābhyavardhanta te dvija tadā saṃcintya sa muniḥ sṛṣṭihetoḥ prajāpatiḥ

When those born of his mind did not increase, O twice-born one, then that sage, the lord of creatures, reflecting on the cause of creation,

AI translation rendered from the Sanskrit, not a published edition

NsP 5.39

मैथुनेनैव धर्मेण सिसृक्षुर् विविधाः प्रजाः असिक्नीम् उद्वहन् कन्यां वीरणस्य प्रजापतेः

maithunenaiva dharmeṇa sisṛkṣur vividhāḥ prajāḥ asiknīm udvahan kanyāṃ vīraṇasya prajāpateḥ

and desiring to bring forth manifold creatures by the way of sexual union, married the maiden Asiknī, daughter of the Prajāpati Vīraṇa.

AI translation rendered from the Sanskrit, not a published edition

NsP 5.40

षष्टिं दक्षो ऽसृजत् कन्या वीरण्याम् इति नः श्रुतम् ददौ स दश धर्माय कश्यपाय त्रयोदश

ṣaṣṭiṃ dakṣo 'sṛjat kanyā vīraṇyām iti naḥ śrutam dadau sa daśa dharmāya kaśyapāya trayodaśa

Dakṣa begot sixty daughters upon Vīraṇī — so we have heard. He gave ten to Dharma, thirteen to Kaśyapa,

AI translation rendered from the Sanskrit, not a published edition

NsP 5.41

सप्तविंशति सोमाय चतस्रो ऽरिष्टनेमिने द्वे चैव बहुपुत्राय द्वे चैवाङ्गिरसे तथा

saptaviṃśati somāya catasro 'riṣṭanemine dve caiva bahuputrāya dve caivāṅgirase tathā

twenty-seven to Soma, four to Ariṣṭanemi, and two to Bahuputra, and likewise two to Aṅgiras,

AI translation rendered from the Sanskrit, not a published edition

NsP 5.42

द्वे कृशाश्वाय विदुषे तदपत्यानि मे शृणु विश्वेदेवांस् तु विश्वा या साध्या साध्यान् असूयत

dve kṛśāśvāya viduṣe tadapatyāni me śṛṇu viśvedevāṃs tu viśvā yā sādhyā sādhyān asūyata

and two to the learned Kṛśāśva. Hear from me their offspring: Viśvā bore the Viśvedevas, and Sādhyā bore the Sādhyas.

AI translation rendered from the Sanskrit, not a published edition

NsP 5.43

मरुत्वत्यां मरुत्वन्तो वसोस् तु वसवः स्मृताः भानोस् तु भानवो देवा मुहूर्तायां मुहूर्तजाः

marutvatyāṃ marutvanto vasos tu vasavaḥ smṛtāḥ bhānos tu bhānavo devā muhūrtāyāṃ muhūrtajāḥ

In Marutvatī (were born) the Marutvats; of Vasu the Vasus are recorded; of Bhānu the Bhānava gods; in Muhūrtā, those born of the moments.

AI translation rendered from the Sanskrit, not a published edition

NsP 5.44

लम्बायाश् चैव घोषाख्यो नागवीथिश् च जामिजा पृथिवीविषयं सर्वम् अरुन्धत्याम् अजायत

lambāyāś caiva ghoṣākhyo nāgavīthiś ca jāmijā pṛthivīviṣayaṃ sarvam arundhatyām ajāyata

And of Lambā (was born) the one named Ghoṣa, and Nāgavīthi was born of Jāmi; the whole realm of earth was born in Arundhatī.

AI translation rendered from the Sanskrit, not a published edition

NsP 5.45

संकल्पायाश् च संकल्पः पुत्रो जज्ञे महामते ये त्व् अनेकवसुप्राणा देवा ज्योतिःपुरोगमाः

saṃkalpāyāś ca saṃkalpaḥ putro jajñe mahāmate ye tv anekavasuprāṇā devā jyotiḥpurogamāḥ

And of Saṃkalpā a son Saṃkalpa was born, O great-minded one. But those gods who have many vasus for their life-breaths, led by Jyotis —

AI translation rendered from the Sanskrit, not a published edition — the model flagged this verse as uncertain

NsP 5.46

वसवो ऽष्टौ समाख्यातास् तेषां नामानि मे शृणु आपो ध्रुवश् च सोमश् च धर्मश् चैवानिलो ऽनलः

vasavo 'ṣṭau samākhyātās teṣāṃ nāmāni me śṛṇu āpo dhruvaś ca somaś ca dharmaś caivānilo 'nalaḥ

— eight Vasus are named; hear their names from me: Āpa, and Dhruva, and Soma, and Dharma, and Anila, Anala,

AI translation rendered from the Sanskrit, not a published edition

NsP 5.47

प्रत्यूषश् च प्रभासश् च वसवो ऽष्टौ प्रकीर्तिताः तेषां पुत्राश् च पौत्राश् च शतशो ऽथ सहस्रशा

pratyūṣaś ca prabhāsaś ca vasavo 'ṣṭau prakīrtitāḥ teṣāṃ putrāś ca pautrāś ca śataśo 'tha sahasraśā

Pratyūṣa and Prabhāsa — these are declared to be the eight Vasus; and their sons and grandsons (are) by hundreds and by thousands.

AI translation rendered from the Sanskrit, not a published edition

NsP 5.48

साध्याश् च बहवः प्रोक्तास् तत्पुत्राश् च सहस्रशः कश्यपस्य तु भार्यां यास् तासां नामानि मे शृणु अदितिर् दितिर् दनुश् चैव अरिष्टा सुरसा खसा

sādhyāś ca bahavaḥ proktās tatputrāś ca sahasraśaḥ kaśyapasya tu bhāryāṃ yās tāsāṃ nāmāni me śṛṇu aditir ditir danuś caiva ariṣṭā surasā khasā

And the Sādhyas are said to be many, and their sons by thousands. But hear from me the names of those who were the wives of Kaśyapa: Aditi, Diti, and Danu, Ariṣṭā, Surasā, Khasā,

AI translation rendered from the Sanskrit, not a published edition

NsP 5.49

सुरभिर् विनता चैव ताम्रा क्रोधवशा इरा कद्रुर् मुनिश् च धर्मज्ञ तदपत्यानि मे शृणु

surabhir vinatā caiva tāmrā krodhavaśā irā kadrur muniś ca dharmajña tadapatyāni me śṛṇu

Surabhi and Vinatā, Tāmrā, Krodhavaśā, Irā, Kadru and Muni — O knower of dharma, hear from me their offspring.

AI translation rendered from the Sanskrit, not a published edition

NsP 5.50

अदित्यां कश्यपाज् जाताः पुत्रा द्वादश शोभनाः तान् अहं नामतो वक्ष्ये शृणुष्व गदतो मम

adityāṃ kaśyapāj jātāḥ putrā dvādaśa śobhanāḥ tān ahaṃ nāmato vakṣye śṛṇuṣva gadato mama

From Kaśyapa there were born in Aditi twelve splendid sons; I shall name them for you — listen as I speak.

AI translation rendered from the Sanskrit, not a published edition

NsP 5.51

भर्गो ऽंशुश् चार्यमा चैव मित्रो ऽथ वरुणस् तथा सविता चैव धाता च विवस्वांश् च महामते

bhargo 'ṃśuś cāryamā caiva mitro 'tha varuṇas tathā savitā caiva dhātā ca vivasvāṃś ca mahāmate

Bharga, Aṃśu, and Aryaman, Mitra, then Varuṇa likewise, and Savitṛ, and Dhātṛ, and Vivasvat, O you of great mind;

AI translation rendered from the Sanskrit, not a published edition

NsP 5.52

त्वष्टा पूषा तथा चेन्द्रो द्वादशो विष्णुर् उच्यते दित्याः पुत्रद्वयं जज्ञे कश्यपाद् इति नः श्रुतं

tvaṣṭā pūṣā tathā cendro dvādaśo viṣṇur ucyate dityāḥ putradvayaṃ jajñe kaśyapād iti naḥ śrutaṃ

Tvaṣṭṛ, Pūṣan, and likewise Indra; the twelfth is said to be Viṣṇu. Of Diti a pair of sons was born from Kaśyapa — so we have heard.

AI translation rendered from the Sanskrit, not a published edition

NsP 5.53

हिरण्याक्षो महाकायो वाराहेण तु यो हतः हिरण्यकशिपुश् चैव नरसिंहेन यो हतः

hiraṇyākṣo mahākāyo vārāheṇa tu yo hataḥ hiraṇyakaśipuś caiva narasiṃhena yo hataḥ

Hiraṇyākṣa (Hiraṇyākṣa/Hiraṇyākṣa) of huge body, who was slain by the Boar (form), and Hiraṇyakaśipu, who was slain by the Man-Lion.

AI translation rendered from the Sanskrit, not a published edition

NsP 5.54

अन्ये च बहवो दैत्या दनुपुत्राश् च दानवाः अरिष्टायां तु गन्धर्वा जज्ञिरे कश्यपात् तथा

anye ca bahavo daityā danuputrāś ca dānavāḥ ariṣṭāyāṃ tu gandharvā jajñire kaśyapāt tathā

And many other Daityas, and the Dānavas, sons of Danu; and from Kaśyapa the Gandharvas were born in Ariṣṭā.

AI translation rendered from the Sanskrit, not a published edition

NsP 5.55

सुरसायाम् अथोत्पन्ना विद्याधरगणा बहु गा वै स जनयाम्_अस सुरभ्यां कश्यपो मुनिः

surasāyām athotpannā vidyādharagaṇā bahu gā vai sa janayām_asa surabhyāṃ kaśyapo muniḥ

Then in Surasā the hosts of Vidyādharas arose, many (of them); and in Surabhi the sage Kaśyapa begot the cows.

AI translation rendered from the Sanskrit, not a published edition

NsP 5.56

विनतायां तु द्वौ पुत्रौ प्रख्यातौ गरुडारुणौ गरुडो देवदेवस्य विष्णोर् अमिततेजसः

vinatāyāṃ tu dvau putrau prakhyātau garuḍāruṇau garuḍo devadevasya viṣṇor amitatejasaḥ

But in Vinatā (there were) two renowned sons, Garuḍa and Aruṇa; Garuḍa, out of love, became the vehicle of the God of gods, Viṣṇu of measureless splendour,

AI translation rendered from the Sanskrit, not a published edition

NsP 5.57

वाहनत्वम् इयात् प्रीत्या अरुणः सूर्यसारथिः ताम्रायां कश्यपाज् जाताः षट् पुत्रास् तान् निबोध मे

vāhanatvam iyāt prītyā aruṇaḥ sūryasārathiḥ tāmrāyāṃ kaśyapāj jātāḥ ṣaṭ putrās tān nibodha me

he attained the state of being (his) vehicle out of affection; Aruṇa (became) the charioteer of the Sun. From Kaśyapa in Tāmrā six sons were born — learn of them from me.

AI translation rendered from the Sanskrit, not a published edition

NsP 5.58

अश्वा उष्ट्रा गर्दभाश् च हस्तिनो गवया मृगाः क्रोधायां जज्ञिरे तद्वद् ये भूम्यां दुष्टजातयः

aśvā uṣṭrā gardabhāś ca hastino gavayā mṛgāḥ krodhāyāṃ jajñire tadvad ye bhūmyāṃ duṣṭajātayaḥ

Horses, camels, and donkeys, elephants, gayals, deer; and likewise in Krodhā (Krodhavaśā) were born those species on earth that are noxious.

AI translation rendered from the Sanskrit, not a published edition

NsP 5.59

इरा वृक्षलतावल्लीशणजातीश् च जज्ञिरे खसा तु यक्षरक्षांसि मुनिर् अप्सरसस् तथा

irā vṛkṣalatāvallīśaṇajātīś ca jajñire khasā tu yakṣarakṣāṃsi munir apsarasas tathā

Irā gave birth to the kinds of trees, creepers, vines and rushes; but Khasā to the Yakṣas and Rākṣasas, and Muni to the Apsarases.

AI translation rendered from the Sanskrit, not a published edition

NsP 5.60

कद्रुपुत्रा महानागा दंदशूका विषोल्बणाः सप्तविंशति याः प्रोक्ताः सोमपत्न्यो ऽथ सव्रताः

kadruputrā mahānāgā daṃdaśūkā viṣolbaṇāḥ saptaviṃśati yāḥ proktāḥ somapatnyo 'tha savratāḥ

Kadru's sons (were) the great serpents, biting and full of venom. And those twenty-seven who are called the wives of Soma, faithful to their vows —

AI translation rendered from the Sanskrit, not a published edition

NsP 5.61

तासां पुत्रा महासत्त्वा बुधाद्यास् त्व् अभवन् द्विज अरिष्टनेमिपत्नीनाम् अपत्यानीह षोडश

tāsāṃ putrā mahāsattvā budhādyās tv abhavan dvija ariṣṭanemipatnīnām apatyānīha ṣoḍaśa

their sons, of great strength, were Budha and the rest, O twice-born. Of the wives of Ariṣṭanemi there are sixteen offspring here.

AI translation rendered from the Sanskrit, not a published edition

NsP 5.62

बहुपुत्रस्य विदुषश् चतस्रो विद्युतः स्मृताः प्रत्यङ्गिरस्सुताः श्रेष्ठा ऋषयश् चर्षिसत्कृताः

bahuputrasya viduṣaś catasro vidyutaḥ smṛtāḥ pratyaṅgirassutāḥ śreṣṭhā ṛṣayaś carṣisatkṛtāḥ

Of the learned Bahuputra four lightnings are recorded; the sons of Pratyaṅgiras (are) the foremost seers, honoured by seers.

AI translation rendered from the Sanskrit, not a published edition

NsP 5.63

कृशाश्वस्य तु देवर्षेर् देवाश् च ऋषयः सुताः एते युगसहस्रान्ते जायन्ते पुनर् एव हि

kṛśāśvasya tu devarṣer devāś ca ṛṣayaḥ sutāḥ ete yugasahasrānte jāyante punar eva hi

But of the divine seer Kṛśāśva the sons are gods and seers; these are born again at the end of a thousand ages.

AI translation rendered from the Sanskrit, not a published edition

NsP 5.64

एते कश्यपदायादाः कीर्तिताः स्थाणुजङ्गमाः स्थितौ स्थितस्य देवस्य नरसिंहस्य धर्मतः

ete kaśyapadāyādāḥ kīrtitāḥ sthāṇujaṅgamāḥ sthitau sthitasya devasya narasiṃhasya dharmataḥ

These heirs of Kaśyapa, immobile and moving, have been recounted; (they exist) by the ordinance of the god Narasiṃha, who abides in (their) maintenance.

AI translation rendered from the Sanskrit, not a published edition — the model flagged this verse as uncertain

NsP 5.65

एता विभूतयो विप्र मया ते परिकीर्तिताः कथिता दक्षकन्यानां मया ते ऽपत्यसंततिः

etā vibhūtayo vipra mayā te parikīrtitāḥ kathitā dakṣakanyānāṃ mayā te 'patyasaṃtatiḥ

These manifestations, O brahmin, have been fully recounted by me to you; the succession of offspring of Dakṣa's daughters has been told by you by me.

AI translation rendered from the Sanskrit, not a published edition

NsP 5.66

श्रद्धावान् संस्मरेद् एतां स सुसंतानवान् भवेत्

śraddhāvān saṃsmared etāṃ sa susaṃtānavān bhavet

One who has faith should call this to mind; he will become blessed with good progeny.

AI translation rendered from the Sanskrit, not a published edition

NsP 5.67

सर्गानुसर्गौ कथितौ मया ते समासतः सृष्टिविवृद्धिहेतोः पठन्ति ये विष्णुपराः सदा नरा इदं द्विजास् ते विमला भवन्ति

sargānusargau kathitau mayā te samāsataḥ sṛṣṭivivṛddhihetoḥ paṭhanti ye viṣṇuparāḥ sadā narā idaṃ dvijās te vimalā bhavanti

The creation and the secondary creation have been told by me to you in summary, for the sake of the growth of creation. Those men, ever devoted to Viṣṇu, who recite this, O twice-born ones, become stainless.

AI translation rendered from the Sanskrit, not a published edition