Narasimha Purana — Chapter 45
NsP 45.1
शृणु राजन् समासेन वामनस्य पराक्रमम् बलियागे हता येन पुरा दैत्याः सहस्रशः
śṛṇu rājan samāsena vāmanasya parākramam baliyāge hatā yena purā daityāḥ sahasraśaḥ
Hear, O king, in brief the valour of Vāmana, by whom of old, at Bali's sacrifice, the Daityas were slain by the thousand.
AI translation rendered from the Sanskrit, not a published edition
NsP 45.2
विरोचनसुतः पूर्वं महाबलपराक्रमः त्रैलोक्यं बुभुजे जित्वा देवान् इन्द्रपुरोगमान्
virocanasutaḥ pūrvaṃ mahābalaparākramaḥ trailokyaṃ bubhuje jitvā devān indrapurogamān
Formerly the son of Virocana, of great strength and valour, conquered the gods headed by Indra and enjoyed the three worlds.
AI translation rendered from the Sanskrit, not a published edition
NsP 45.3
ततः कृशतरा देवा बभूवुस् तेन खण्डिताः इन्द्रं कृशतरं दृष्ट्वा नष्टराज्यं नृपोत्तम
tataḥ kṛśatarā devā babhūvus tena khaṇḍitāḥ indraṃ kṛśataraṃ dṛṣṭvā naṣṭarājyaṃ nṛpottama
Then the gods, broken by him, became very lean; seeing Indra very lean and his kingdom lost, O best of kings,
AI translation rendered from the Sanskrit, not a published edition
NsP 45.4
अदितिर् देवमाता या सातप्यत् परमं तपः तुष्टाव वाग्भिर् इष्टाभिः प्रणिपत्य जनार्दनम्
aditir devamātā yā sātapyat paramaṃ tapaḥ tuṣṭāva vāgbhir iṣṭābhiḥ praṇipatya janārdanam
Aditi, who is the mother of the gods, practised supreme austerity, and bowing down, she praised Janārdana with words of her desire.
AI translation rendered from the Sanskrit, not a published edition
NsP 45.5
ततः स्तुत्याभिसंतुष्टो देवदेवो जनार्दनः स्थित्वा तत्पुरतो वाचम् उवाच मधुसूदनः
tataḥ stutyābhisaṃtuṣṭo devadevo janārdanaḥ sthitvā tatpurato vācam uvāca madhusūdanaḥ
Then Janārdana, god of gods, well pleased by the praise, Madhusūdana, standing before her, spoke these words:
AI translation rendered from the Sanskrit, not a published edition
NsP 45.6
तव पुत्रो भविष्यामि सुभगे बलिबन्धनः इत्य् उक्त्वा तां गतो विष्णुः स्वगृहं सा समाययौ
tava putro bhaviṣyāmi subhage balibandhanaḥ ity uktvā tāṃ gato viṣṇuḥ svagṛhaṃ sā samāyayau
"I shall become your son, fair lady, the binder of Bali." Having said this to her, Viṣṇu departed, and she went home.
AI translation rendered from the Sanskrit, not a published edition
NsP 45.7
ततः कालेन सा गर्भम् अवाप नृप कश्यपात् अजायत स विश्वेशो भगवान् वामनाकृतिः
tataḥ kālena sā garbham avāpa nṛpa kaśyapāt ajāyata sa viśveśo bhagavān vāmanākṛtiḥ
Then in time she conceived, O king, from Kaśyapa; and the lord of all, the Blessed One, was born in the form of a dwarf.
AI translation rendered from the Sanskrit, not a published edition
NsP 45.8
तस्मिञ् जाते समागत्य ब्रह्मा लोकपितामहः जातकर्मादिकाः सर्वाः क्रियास् तत्र चकार वै
tasmiñ jāte samāgatya brahmā lokapitāmahaḥ jātakarmādikāḥ sarvāḥ kriyās tatra cakāra vai
When he was born, Brahmā, the grandfather of the worlds, came and there performed all the rites, the birth-ceremony and the rest.
AI translation rendered from the Sanskrit, not a published edition
NsP 45.9
कृतोपनयनो देवो ब्रह्मचारी सनातनः अदितिं चप्य् अनुज्ञाप्य यज्ञशालां बलेर् ययौ
kṛtopanayano devo brahmacārī sanātanaḥ aditiṃ capy anujñāpya yajñaśālāṃ baler yayau
Having had his initiation performed, the god, an eternal celibate student, took leave of Aditi and went to Bali's sacrificial hall.
AI translation rendered from the Sanskrit, not a published edition
NsP 45.10
गच्छतः पादविक्षेपाच् चचाल सकला मही यज्ञभागान् न गृह्णन्ति दानवाश् च बलेर् मखात्
gacchataḥ pādavikṣepāc cacāla sakalā mahī yajñabhāgān na gṛhṇanti dānavāś ca baler makhāt
As he went, the whole earth shook from the fall of his feet; and the Dānavas did not take their shares of the offering at Bali's sacrifice.
AI translation rendered from the Sanskrit, not a published edition
NsP 45.11
प्रशान्ताश् चाग्नयस् तत्र ऋत्विजो मन्त्रतश् च्युताः विपरीतम् इदं दृष्ट्वा शुक्रम् आह महाबलः
praśāntāś cāgnayas tatra ṛtvijo mantrataś cyutāḥ viparītam idaṃ dṛṣṭvā śukram āha mahābalaḥ
And the fires there died down, and the officiating priests lapsed from their mantras. Seeing this reversal, the greatly powerful (Bali) spoke to Śukra.
AI translation rendered from the Sanskrit, not a published edition
NsP 45.12
न गृह्णन्ति मुने कस्माद् *धविर्भागं महासुराः कस्माच् च वह्नयः शान्ताः कस्माद् भूश् चलति द्विज
na gṛhṇanti mune kasmād *dhavirbhāgaṃ mahāsurāḥ kasmāc ca vahnayaḥ śāntāḥ kasmād bhūś calati dvija
"Why, O sage, do the great Asuras not take their share of the oblation? And why are the fires quenched? Why does the earth shake, O twice-born one?
AI translation rendered from the Sanskrit, not a published edition
NsP 45.13
कस्माच् च मन्त्रतो भ्रष्टा ऋत्विजः सकला अमी इत्युक्तो बलिना शुक्रो दानवेन्द्रं वचो ऽब्रवीत्
kasmāc ca mantrato bhraṣṭā ṛtvijaḥ sakalā amī ityukto balinā śukro dānavendraṃ vaco 'bravīt
And why have all these officiating priests fallen away from the mantra?" Thus addressed by Bali, Śukra spoke these words to the lord of the Dānavas:
AI translation rendered from the Sanskrit, not a published edition
NsP 45.14
हे बले शृणु मे वाक्यं त्वया देवा निराकृताः तेषां राज्यप्रदानाय अदित्याम् अच्युतो ऽसुर
he bale śṛṇu me vākyaṃ tvayā devā nirākṛtāḥ teṣāṃ rājyapradānāya adityām acyuto 'sura
"O Bali, hear my speech: by you the gods have been driven out. In order to give back their kingdom to them, the Imperishable One, O Asura, in Aditi—
AI translation rendered from the Sanskrit, not a published edition
NsP 45.15
देवदेवो जगद्योनिः संजातो वामनाकृतिः स त्व् आगच्छति ते यज्ञं तद्पदन्यासकम्पिता
devadevo jagadyoniḥ saṃjāto vāmanākṛtiḥ sa tv āgacchati te yajñaṃ tadpadanyāsakampitā
the god of gods, the womb of the world, has been born in the form of a dwarf. He indeed is coming to your sacrifice; shaken by the placing down of his feet
AI translation rendered from the Sanskrit, not a published edition
NsP 45.16
चलतीयं मही सर्वा तेनाद्यासुरभूपते तत्संनिधानाद् असुरा न गृह्णन्ति हविर् मखे
calatīyaṃ mahī sarvā tenādyāsurabhūpate tatsaṃnidhānād asurā na gṛhṇanti havir makhe
this whole earth trembles today because of him, O lord of the Asuras; and because of his nearness the Asuras do not take the oblation at the sacrifice.
AI translation rendered from the Sanskrit, not a published edition
NsP 45.17
तवाग्नयो ऽपि वै शान्ता वामनागमनाद् धि भोः ऋत्विजश् च न भासन्ते होममन्त्रो बले ऽधुना
tavāgnayo 'pi vai śāntā vāmanāgamanād dhi bhoḥ ṛtvijaś ca na bhāsante homamantro bale 'dhunā
Your fires too have died down, indeed by the coming of the Dwarf, sir; and the officiating priests do not shine (with) the mantra of oblation now, O Bali.
AI translation rendered from the Sanskrit, not a published edition
NsP 45.18
असुराणां श्रियो हन्ति सुराणां भूतिर् उत्तमा इत्युक्तः स बलिः प्राह शुक्रं नीतिमतां वरम्
asurāṇāṃ śriyo hanti surāṇāṃ bhūtir uttamā ityuktaḥ sa baliḥ prāha śukraṃ nītimatāṃ varam
He destroys the fortunes of the Asuras; (he is) the highest prosperity of the gods." Thus addressed, Bali said to Śukra, the best of those who know policy:
AI translation rendered from the Sanskrit, not a published edition
NsP 45.19
शृणु ब्रह्मन् वचो मे त्वम् आगते वामने मखे यन् मया चाद्य कर्तव्यं वामनस्यास्य धीमतः
śṛṇu brahman vaco me tvam āgate vāmane makhe yan mayā cādya kartavyaṃ vāmanasyāsya dhīmataḥ
"Hear my word, O brahmin: (tell me) what is to be done by me now, when the Dwarf has come to the sacrifice, with regard to this wise Dwarf."
AI translation rendered from the Sanskrit, not a published edition
NsP 45.21
तम् उवाच बलिं वाक्यं ममापि शृणु सांप्रतम् देवानाम् उपकाराय भवतां संक्षयाय च
tam uvāca baliṃ vākyaṃ mamāpi śṛṇu sāṃpratam devānām upakārāya bhavatāṃ saṃkṣayāya ca
(Śukra) spoke these words to that Bali: "Now hear mine too—(what is) for the benefit of the gods and for the destruction of you (Asuras).
AI translation rendered from the Sanskrit, not a published edition
NsP 45.22
स नूनम् आयाति बले तव यज्ञे न शंशयः आगते वामने देवे त्वया तस्य महात्मनः
sa nūnam āyāti bale tava yajñe na śaṃśayaḥ āgate vāmane deve tvayā tasya mahātmanaḥ
He is surely coming to your sacrifice, O Bali; there is no doubt. When the divine Dwarf has come, by you to that great one
AI translation rendered from the Sanskrit, not a published edition
NsP 45.23
प्रतिज्ञा नैव कर्तव्या ददाम्य् एतत् तवेति वै इति श्रुत्वा वचस् तस्य बलिर् बलवतां वरः
pratijñā naiva kartavyā dadāmy etat taveti vai iti śrutvā vacas tasya balir balavatāṃ varaḥ
no promise at all should be made, saying 'I give you this.'" Having heard his speech, Bali, the best of the strong,
AI translation rendered from the Sanskrit, not a published edition
NsP 45.24
उवाच तां शुभां वाणीं शुक्रम् आत्मपुरोहितम् आगते वामने शुक्र यज्ञे मे मधुसूदने
uvāca tāṃ śubhāṃ vāṇīṃ śukram ātmapurohitam āgate vāmane śukra yajñe me madhusūdane
spoke these auspicious words to Śukra, his own family priest: "When the Dwarf, the slayer of Madhu, has come to my sacrifice, O Śukra,
AI translation rendered from the Sanskrit, not a published edition
NsP 45.25
न शक्यते प्रतिख्यातुं दानं प्रति मया गुरो अन्येषाम् अपि जन्तूनाम् इत्य् उक्तं ते मयाधुना
na śakyate pratikhyātuṃ dānaṃ prati mayā guro anyeṣām api jantūnām ity uktaṃ te mayādhunā
it cannot be refused by me as regards a gift, O teacher—even to other creatures; that has now been said by me to you.
AI translation rendered from the Sanskrit, not a published edition
NsP 45.26
किं पुनर् वासुदेवस्य आगतस्य तु शार्ङ्गिणः त्वया विघ्नो न कर्तव्यो वामने ऽत्रागते द्विज
kiṃ punar vāsudevasya āgatasya tu śārṅgiṇaḥ tvayā vighno na kartavyo vāmane 'trāgate dvija
How much more (in the case) of Vāsudeva, the bearer of the Śārṅga bow, when he has come! No obstruction is to be made by you when the Dwarf has come here, O twice-born one.
AI translation rendered from the Sanskrit, not a published edition
NsP 45.27
यद् यद् द्रव्यं प्रार्थयते तत् तद् द्रव्यं ददाम्य् अहम् कृतार्थो ऽहं मुनिश्रेष्ठ यद्य् आगच्छति वामनः
yad yad dravyaṃ prārthayate tat tad dravyaṃ dadāmy aham kṛtārtho 'haṃ muniśreṣṭha yady āgacchati vāmanaḥ
Whatever thing he asks for, that very thing I shall give. I have attained my aim, O best of sages, if the Dwarf comes."
AI translation rendered from the Sanskrit, not a published edition
NsP 45.28
इत्य् एवं वदतस् तस्य यज्ञशालां स वामनः आगत्य प्रविवेशाथ प्रशशंस बलेर् मखम्
ity evaṃ vadatas tasya yajñaśālāṃ sa vāmanaḥ āgatya praviveśātha praśaśaṃsa baler makham
As he was speaking thus, that Vāmana came and entered the sacrificial hall, and then praised Bali's sacrifice.
AI translation rendered from the Sanskrit, not a published edition
NsP 45.29
तं दृष्ट्वा सहसा राजन् राजा दैत्याधिपो बलिः उपचारेण संपूज्य वाक्यम् एतद् उवाच ह
taṃ dṛṣṭvā sahasā rājan rājā daityādhipo baliḥ upacāreṇa saṃpūjya vākyam etad uvāca ha
Seeing him, O king, the king Bali, lord of the Daityas, at once honoured (him) with the customary rites and spoke these words:
AI translation rendered from the Sanskrit, not a published edition
NsP 45.30
यद् यत् प्रार्थयसे मां त्वं देवदेव धनादिकम् तत् सर्वं तव दास्यामि मां याचस्वाद्य वामन
yad yat prārthayase māṃ tvaṃ devadeva dhanādikam tat sarvaṃ tava dāsyāmi māṃ yācasvādya vāmana
"Whatever you ask of me, O god of gods—wealth or anything else—all that I shall give you; ask of me today, O Vāmana."
AI translation rendered from the Sanskrit, not a published edition
NsP 45.31
इत्युक्तो वामनस् तत्र नृपेन्द्र बलिना तदा याचयाम्_अस देवेशो भूमेर् देहि पदत्रयम्
ityukto vāmanas tatra nṛpendra balinā tadā yācayām_asa deveśo bhūmer dehi padatrayam
Addressed thus by Bali, O best of kings, Vāmana, the lord of the gods, then asked: "Give (me) three paces of ground,
AI translation rendered from the Sanskrit, not a published edition
NsP 45.32
ममाग्निशरणार्थाय न मे ऽर्थे ऽस्ति प्रयोजनम् इत्युक्तो वामनेनाथ बलिः प्राह च वामनम्
mamāgniśaraṇārthāya na me 'rthe 'sti prayojanam ityukto vāmanenātha baliḥ prāha ca vāmanam
for the purpose of my fire-shelter; I have no need of wealth." Thus addressed by Vāmana, Bali then said to Vāmana:
AI translation rendered from the Sanskrit, not a published edition
NsP 45.33
पदत्रयेण चेत् तृप्तिर् मया दत्तं पदत्रयम् एवम् उक्ते तु बलिना वामनो बलिम् अब्रवीत्
padatrayeṇa cet tṛptir mayā dattaṃ padatrayam evam ukte tu balinā vāmano balim abravīt
"If satisfaction comes with three paces, the three paces are given by me." But when Bali had spoken thus, Vāmana said to Bali:
AI translation rendered from the Sanskrit, not a published edition
NsP 45.34
दीयतां मे करे तोयं यदि दत्तं पदत्रयम् इत्युक्तो देवदेवेन तदा तत्र स्वयं बलिः
dīyatāṃ me kare toyaṃ yadi dattaṃ padatrayam ityukto devadevena tadā tatra svayaṃ baliḥ
"If the three paces are given, let the water be poured into my hand." Thus addressed by the god of gods, Bali there himself then,
AI translation rendered from the Sanskrit, not a published edition
NsP 45.35
सजलं हेमकलशं गृहीत्वोत्थाय भक्तितः यावत् स वामनकरे तोयं दातुम् उपस्थितः
sajalaṃ hemakalaśaṃ gṛhītvotthāya bhaktitaḥ yāvat sa vāmanakare toyaṃ dātum upasthitaḥ
rising up and devoutly taking the golden pitcher filled with water—just as he stood ready to pour the water into Vāmana's hand,
AI translation rendered from the Sanskrit, not a published edition
NsP 45.36
तावच् छुक्रः कलशगो जलधारां रोरोध ह ततश् च वामनः क्रुद्धः पवित्राग्रेण सत्तम
tāvac chukraḥ kalaśago jaladhārāṃ rorodha ha tataś ca vāmanaḥ kruddhaḥ pavitrāgreṇa sattama
at that moment Śukra, having entered the pitcher, blocked the stream of water. Thereupon Vāmana, angered, O best of beings, with the tip of the purificatory grass
AI translation rendered from the Sanskrit, not a published edition
NsP 45.37
उदके कलशद्वारि तच्छुक्राक्षिम् अवेधयत् ततो व्यपगतः शुक्रो विद्धैकाक्षो नरोत्तम
udake kalaśadvāri tacchukrākṣim avedhayat tato vyapagataḥ śukro viddhaikākṣo narottama
pierced that eye of Śukra in the water at the pitcher's mouth. Then Śukra went away, blinded in one eye, O best of men.
AI translation rendered from the Sanskrit, not a published edition
NsP 45.38
तोयधारा निपतिता वामनस्य करे पुनः करे निपतिते तोये वामनो ववृधे क्षणात्
toyadhārā nipatitā vāmanasya kare punaḥ kare nipatite toye vāmano vavṛdhe kṣaṇāt
The stream of water fell again into Vāmana's hand; and when the water had fallen into his hand, Vāmana grew in an instant.
AI translation rendered from the Sanskrit, not a published edition
NsP 45.39
पादेनैकेन विक्रान्ता तेनैव सकला मही अन्तरिक्षं द्वितीयेन द्यौस् तृतीयेन सत्तम
pādenaikena vikrāntā tenaiva sakalā mahī antarikṣaṃ dvitīyena dyaus tṛtīyena sattama
With one foot the whole earth was strode over by him; with the second the mid-region, with the third the sky, O best of beings.
AI translation rendered from the Sanskrit, not a published edition
NsP 45.40
अनेकान् दानवान् हत्वा हृत्वा त्रिभुवनं बलेः पुरंदराय त्रैलोक्यं दत्त्वा बलिम् उवाच ह
anekān dānavān hatvā hṛtvā tribhuvanaṃ baleḥ puraṃdarāya trailokyaṃ dattvā balim uvāca ha
Having slain many Dānavas and taken the three worlds from Bali, and having given the three worlds to Puraṃdara (Indra), he said to Bali:
AI translation rendered from the Sanskrit, not a published edition
NsP 45.41
यस्मात् ते भक्तितो दत्तं तोयम् अद्य करे मम तस्मात् ते सांप्रतं दत्तं पातालतलम् उत्तमम्
yasmāt te bhaktito dattaṃ toyam adya kare mama tasmāt te sāṃprataṃ dattaṃ pātālatalam uttamam
"Because water was given by you today with devotion into my hand, therefore the excellent floor of Pātāla is now given to you.
AI translation rendered from the Sanskrit, not a published edition
NsP 45.42
तत्र गत्वा महाभाग भुङ्क्ष्व त्वं मत्प्रसादतः वैवस्वते ऽन्तरे ऽतीते पुनर् इन्द्रो भविष्यसि
tatra gatvā mahābhāga bhuṅkṣva tvaṃ matprasādataḥ vaivasvate 'ntare 'tīte punar indro bhaviṣyasi
Going there, O greatly fortunate one, enjoy it by my grace; and when the Vaivasvata interval has passed, you will again become Indra."
AI translation rendered from the Sanskrit, not a published edition
NsP 45.43
प्रणम्य च ततो गत्वा तलं भोगम् अवाप्तवान्
praṇamya ca tato gatvā talaṃ bhogam avāptavān
And having bowed down, he then went to that region and obtained enjoyment (there).
AI translation rendered from the Sanskrit, not a published edition
NsP 45.44
शुक्रो ऽपि स्वर्गम् आरुह्य प्रसादाद् वामनस्य वै समागतास् त्रिभुवनं राजन् देवसमन्वितः
śukro 'pi svargam āruhya prasādād vāmanasya vai samāgatās tribhuvanaṃ rājan devasamanvitaḥ
Śukra too, by Vāmana's grace, ascended to heaven; (and) they, together with the gods, came to the three worlds, O king.
AI translation rendered from the Sanskrit, not a published edition — the model flagged this verse as uncertain
NsP 45.45
यः स्मरेत् प्रातर् उत्थाय वामनस्य कथाम् इमाम् सर्वपापविनिर्मुक्तो विष्णुलोके महीयते
yaḥ smaret prātar utthāya vāmanasya kathām imām sarvapāpavinirmukto viṣṇuloke mahīyate
He who, rising at dawn, recalls this story of Vāmana is freed from all sins and is honoured in Viṣṇu's world.
AI translation rendered from the Sanskrit, not a published edition
NsP 45.46
इत्थं पुरा वामनरूपम् आस्थितो हरिर् बलेर् हृत्य जगत्त्रयं नृप कृत्वा प्रसादं च दिवौकसां पतेर् दत्त्वा त्रिलोकं स ययौ महोदधिम्
itthaṃ purā vāmanarūpam āsthito harir baler hṛtya jagattrayaṃ nṛpa kṛtvā prasādaṃ ca divaukasāṃ pater dattvā trilokaṃ sa yayau mahodadhim
Thus of old Hari, having assumed the dwarf form, took the three worlds from Bali, O king, and having shown favour and given the three worlds to the lord of the sky-dwellers, he went to the great ocean.
AI translation rendered from the Sanskrit, not a published edition