Narasimha Purana — Chapter 44
NsP 44.1
अथागतं ते प्रह्लादं दृष्ट्वा दैत्याः सुविस्मिताः शशंसुर् दैत्यपतये यैः क्षिप्तः स महार्णवे
athāgataṃ te prahlādaṃ dṛṣṭvā daityāḥ suvismitāḥ śaśaṃsur daityapataye yaiḥ kṣiptaḥ sa mahārṇave
Then the Daityas, seeing Prahlāda returned, were greatly astonished, and those by whom he had been thrown into the great ocean reported it to the lord of the Daityas.
AI translation rendered from the Sanskrit, not a published edition
NsP 44.2
स्वस्थं तम् आगतं श्रुत्वा दैत्यराड् विस्मयाकुलः आहूयतां च इत्य् आह क्रोधान् मृत्युवशे स्थितः
svasthaṃ tam āgataṃ śrutvā daityarāḍ vismayākulaḥ āhūyatāṃ ca ity āha krodhān mṛtyuvaśe sthitaḥ
Hearing that he had come back safe and sound, the Daitya king, overcome with amazement, said out of anger, "Let him be summoned!" — himself standing in death's power.
AI translation rendered from the Sanskrit, not a published edition
NsP 44.3
तथासुरैर् दुरानीतः समासीनं स दिव्यदृक् आसन्नमृत्युं दैत्येन्द्रं ददर्शात्यूर्जितश्रियम्
tathāsurair durānītaḥ samāsīnaṃ sa divyadṛk āsannamṛtyuṃ daityendraṃ dadarśātyūrjitaśriyam
Thus brought by force by the Asuras, he of divine vision saw the lord of the Daityas seated, his death at hand, of exceedingly mighty splendour,
AI translation rendered from the Sanskrit, not a published edition
NsP 44.4
नीलांशुमिश्रमाणिक्यद्युतिच्छन्नविभूषणम् सधूमाग्निम् इव व्याप्तम् उच्चासनचितिस्थितम्
nīlāṃśumiśramāṇikyadyuticchannavibhūṣaṇam sadhūmāgnim iva vyāptam uccāsanacitisthitam
his ornaments veiled by the radiance of rubies mixed with blue rays, pervasive like fire with smoke, seated on a high throne-seat,
AI translation rendered from the Sanskrit, not a published edition
NsP 44.5
दंष्ट्रोत्कटैर् घोरतरैर् घनच्छविभिर् उद्भटैः कुमार्गदर्शिभिर् दैत्यैर् यमदूतैर् इवावृतम्
daṃṣṭrotkaṭair ghoratarair ghanacchavibhir udbhaṭaiḥ kumārgadarśibhir daityair yamadūtair ivāvṛtam
surrounded by Daityas with prominent tusks, most dreadful, of dense (dark) hue, arrogant, followers of evil paths, like the messengers of Yama.
AI translation rendered from the Sanskrit, not a published edition
NsP 44.6
दूरात् प्रणम्य पितरं प्राञ्जलिस् तु व्यवस्थितः अथाहाकरणक्रोधः स खलो भर्त्सयन् सुतम्
dūrāt praṇamya pitaraṃ prāñjalis tu vyavasthitaḥ athāhākaraṇakrodhaḥ sa khalo bhartsayan sutam
Having bowed from afar to his father, he stood with palms joined. Then that wicked one, angry at his (not obeying), rebuking his son,
AI translation rendered from the Sanskrit, not a published edition
NsP 44.7
भगवत्प्रियम् अत्युच्चैर् मृत्युम् एवाश्रयन्न् इव मूढ रे शृणु मद्वाक्यम् एतद् एवान्तिमं ध्रुवम्
bhagavatpriyam atyuccair mṛtyum evāśrayann iva mūḍha re śṛṇu madvākyam etad evāntimaṃ dhruvam
dear to the Blessed One, said very loudly, as if resorting to death itself: "Fool! Hear this word of mine; this indeed is surely the last.
AI translation rendered from the Sanskrit, not a published edition
NsP 44.8
इतो न त्वां प्रवक्ष्यामि श्रुत्वा कुरु यथेप्सितम् उक्त्वेति द्रूतम् आकृष्य चन्द्रहासासिम् अद्भुतम्
ito na tvāṃ pravakṣyāmi śrutvā kuru yathepsitam uktveti drūtam ākṛṣya candrahāsāsim adbhutam
After this I shall not speak to you (again); having heard, do as you wish." Saying this, he swiftly drew out the marvellous sword Candrahāsa,
AI translation rendered from the Sanskrit, not a published edition
NsP 44.9
संभ्रमाद् वीक्षितः सर्वैश् चालयन्न् आह तं पुनः क्व चास्ति मूढ ते विष्णुः स त्वाम् अद्य प्ररक्षतु
saṃbhramād vīkṣitaḥ sarvaiś cālayann āha taṃ punaḥ kva cāsti mūḍha te viṣṇuḥ sa tvām adya prarakṣatu
and, gazed at by all in agitation, brandishing it, he said to him again: "And where is your Viṣṇu, fool? Let him protect you now!
AI translation rendered from the Sanskrit, not a published edition
NsP 44.10
त्वयोक्तं स हि सर्वत्र कस्मात् स्तम्भे न दृश्यते यदि पश्यामि तं विष्णुम् अधुना स्तम्भमध्यगम्
tvayoktaṃ sa hi sarvatra kasmāt stambhe na dṛśyate yadi paśyāmi taṃ viṣṇum adhunā stambhamadhyagam
"You said that he is indeed everywhere; why then is he not seen in this pillar? If I now see that Viṣṇu present inside the pillar—"
AI translation rendered from the Sanskrit, not a published edition
NsP 44.11
तर्हि त्वां न वधिष्यामि भविष्यसि द्विधान्यथा प्रह्लादो ऽपि तथा दृष्ट्वा दध्यौ तं परमेश्वरम्
tarhi tvāṃ na vadhiṣyāmi bhaviṣyasi dvidhānyathā prahlādo 'pi tathā dṛṣṭvā dadhyau taṃ parameśvaram
"—then I shall not kill you; otherwise you will be split in two." Prahlāda too, seeing (him) thus, meditated on that Supreme Lord.
AI translation rendered from the Sanskrit, not a published edition
NsP 44.12
पुरोक्तं तद्वचः स्मृत्वा प्रणनाम कृताञ्जलिः तावत्प्रस्फुटितस्तम्भो वीक्षितो दैत्यसूनुना
puroktaṃ tadvacaḥ smṛtvā praṇanāma kṛtāñjaliḥ tāvatprasphuṭitastambho vīkṣito daityasūnunā
Remembering that word (of the Lord) spoken before, he bowed with joined palms; just then the pillar burst open (and) was seen by the son of the Daitya.
AI translation rendered from the Sanskrit, not a published edition
NsP 44.13
आदर्शरूपे दैत्यस्य खड्गजो यः प्रतिष्ठितः तन्मध्ये दृश्यते रूपं बहुयोजनम् आयतम्
ādarśarūpe daityasya khaḍgajo yaḥ pratiṣṭhitaḥ tanmadhye dṛśyate rūpaṃ bahuyojanam āyatam
In the mirror-like surface that was set (there) by the Daitya's swordsmith—within it is seen a form extending many leagues.
AI translation rendered from the Sanskrit, not a published edition — the model flagged this verse as uncertain
NsP 44.14
अतिरौद्रं महाकायं दानवानां भयंकरम् महानेत्रं महावक्त्रं महादंष्ट्रं महाभुजम्
atiraudraṃ mahākāyaṃ dānavānāṃ bhayaṃkaram mahānetraṃ mahāvaktraṃ mahādaṃṣṭraṃ mahābhujam
Exceedingly terrible, huge of body, causing fear to the Dānavas, with great eyes, a great mouth, great fangs, great arms,
AI translation rendered from the Sanskrit, not a published edition
NsP 44.15
महानखं महापादं कालाग्निसदृशाननम् कर्णान्तकृतविस्तारवदनं चातिभीषणम्
mahānakhaṃ mahāpādaṃ kālāgnisadṛśānanam karṇāntakṛtavistāravadanaṃ cātibhīṣaṇam
with great claws, great feet, a face like the fire of time, its mouth stretched wide to the ends of the ears, and utterly frightful—
AI translation rendered from the Sanskrit, not a published edition
NsP 44.16
कृत्वेत्थं नारसिंहं तु ययौ विष्णुस् त्रिविक्रमः नरसिंहः स्तम्भमध्याद् निर्गत्य प्रणनाद च
kṛtvetthaṃ nārasiṃhaṃ tu yayau viṣṇus trivikramaḥ narasiṃhaḥ stambhamadhyād nirgatya praṇanāda ca
having thus made (himself into) the Man-Lion, Viṣṇu Trivikrama went (forth); and the Man-Lion, coming out from the midst of the pillar, roared.
AI translation rendered from the Sanskrit, not a published edition
NsP 44.17
निनादश्रवणाद् दैत्या नरसिंहम् अवेष्टयन् तान् हत्वा सकलांस् तत्र स्वपौरुषपराक्रमात्
ninādaśravaṇād daityā narasiṃham aveṣṭayan tān hatvā sakalāṃs tatra svapauruṣaparākramāt
At hearing the roar the Daityas surrounded the Man-Lion; having killed them all there by the valour of his own manly strength,
AI translation rendered from the Sanskrit, not a published edition
NsP 44.18
बभञ्ज च सभां दिव्यां हिरण्यकशिपोर् नृप वारयाम्_असुर् अभ्येत्य नरसिंहं महाभटाः
babhañja ca sabhāṃ divyāṃ hiraṇyakaśipor nṛpa vārayām_asur abhyetya narasiṃhaṃ mahābhaṭāḥ
he also broke apart the celestial hall of Hiraṇyakaśipu, O king; the great warriors, coming up, tried to hold back the Man-Lion.
AI translation rendered from the Sanskrit, not a published edition
NsP 44.19
ते तु राजन् क्षणाद् एव नरसिंहेन वै हताः ततः शस्त्राणि वर्षन्ति नरसिंहे प्रतापिनि
te tu rājan kṣaṇād eva narasiṃhena vai hatāḥ tataḥ śastrāṇi varṣanti narasiṃhe pratāpini
But they, O king, were slain in an instant by the Man-Lion; then weapons rained down upon the blazing Man-Lion.
AI translation rendered from the Sanskrit, not a published edition
NsP 44.20
स तु क्षणेन भगवान् हत्वा तद् बलम् ओजसा ननाद च महानादं दिशः शब्देन पूरयन्
sa tu kṣaṇena bhagavān hatvā tad balam ojasā nanāda ca mahānādaṃ diśaḥ śabdena pūrayan
And that Lord, having destroyed that army in a moment by his might, roared a great roar, filling the directions with the sound.
AI translation rendered from the Sanskrit, not a published edition
NsP 44.21
तान् मृतान् अपि विज्ञाय पुनर् अन्यान् महासुरः अष्टाशीतिसहस्राणि हेतिहस्तान् समादिशत्
tān mṛtān api vijñāya punar anyān mahāsuraḥ aṣṭāśītisahasrāṇi hetihastān samādiśat
Learning that these too were dead, the great Asura commanded yet others—eighty-eight thousand with missiles in hand.
AI translation rendered from the Sanskrit, not a published edition
NsP 44.22
ते ऽप्य् आगत्य वै तं देवं रुरुधुः सर्वतो दिशम् हत्वा तान् अखिलान् युद्धे युध्यमानो ननाद सः
te 'py āgatya vai taṃ devaṃ rurudhuḥ sarvato diśam hatvā tān akhilān yuddhe yudhyamāno nanāda saḥ
They too came and blocked that God from every direction; having slain them all in the battle, he roared as he fought.
AI translation rendered from the Sanskrit, not a published edition
NsP 44.23
पुनः सभां बभञ्जासौ हिरण्यकशिपोः शुभाम् तान् हतान् अपि विज्ञाय क्रोधसंरक्तलोचनः
punaḥ sabhāṃ babhañjāsau hiraṇyakaśipoḥ śubhām tān hatān api vijñāya krodhasaṃraktalocanaḥ
Again he broke apart the fair hall of Hiraṇyakaśipu; and (Hiraṇyakaśipu), learning that these too were slain, his eyes reddened with rage—
AI translation rendered from the Sanskrit, not a published edition
NsP 44.24
ततो हिरण्यकशिपुर् निश्चक्राम महाबलः उवाच च महीपाल दानवान् बलदर्पितान्
tato hiraṇyakaśipur niścakrāma mahābalaḥ uvāca ca mahīpāla dānavān baladarpitān
then Hiraṇyakaśipu of great strength came forth, and, O ruler of the earth, he said to the Dānavas who were proud of their strength:
AI translation rendered from the Sanskrit, not a published edition
NsP 44.25
हन्यतां हन्यताम् एव गृह्यतां गृह्यताम् अयम् इत्य् एवं वदतस् तस्य प्रमुखे तु महासुरान्
hanyatāṃ hanyatām eva gṛhyatāṃ gṛhyatām ayam ity evaṃ vadatas tasya pramukhe tu mahāsurān
"Let him be killed, killed! Let him be seized, seized!" And while he was speaking thus, right before his face the great Asuras—
AI translation rendered from the Sanskrit, not a published edition
NsP 44.26
युध्यमानान् रणे हत्वा नरसिंहो ननाद च ततो ऽतिदुद्रुवुर् दैत्या हतशेषा दिशो दिशः
yudhyamānān raṇe hatvā narasiṃho nanāda ca tato 'tidudruvur daityā hataśeṣā diśo diśaḥ
—fighting in battle, the Man-Lion slew them and roared; then the Daityas who survived the slaughter fled in all directions.
AI translation rendered from the Sanskrit, not a published edition
NsP 44.27
यावद् धता युध्यमाना दैत्याः कोटिसहस्रशः नरसिंहेन तावच् च नभोभागं गतो रविः
yāvad dhatā yudhyamānā daityāḥ koṭisahasraśaḥ narasiṃhena tāvac ca nabhobhāgaṃ gato raviḥ
By the time that the fighting Daityas had been slain by the Man-Lion in their thousands of crores, the sun had reached the (western) region of the sky.
AI translation rendered from the Sanskrit, not a published edition
NsP 44.28
शस्त्रास्त्रवर्षचतुरं हिरण्यकशिपुं जवात् प्रगृह्य तु बलाद् राजन् नरसिंहो महाबलः
śastrāstravarṣacaturaṃ hiraṇyakaśipuṃ javāt pragṛhya tu balād rājan narasiṃho mahābalaḥ
Having swiftly and forcibly seized Hiraṇyakaśipu, who was skilled at raining down weapons and missiles, O king, the mighty Man-Lion—
AI translation rendered from the Sanskrit, not a published edition
NsP 44.29
संध्याकाले गृहद्वारि स्थित्वोरौ स्थाप्य तं रिपुम् वज्रतुल्यमहोरस्कं हिरण्यकशिपुं रुषा नखैर् किसलयम् इव दारयत्य् आह सो ऽसुरः
saṃdhyākāle gṛhadvāri sthitvorau sthāpya taṃ ripum vajratulyamahoraskaṃ hiraṇyakaśipuṃ ruṣā nakhair kisalayam iva dārayaty āha so 'suraḥ
—at the twilight hour, standing at the door of the house, placing that enemy upon his thigh, as he tore with his claws, as if (tearing) a young shoot, Hiraṇyakaśipu whose great chest was equal to adamant, that Asura said (this) in his fury:
AI translation rendered from the Sanskrit, not a published edition
NsP 44.30
यत्राखण्डलदन्तिदन्तमुसलान्य् आखण्डितान्य् आहवे धारा यत्र पिनाकपाणिपरशोर् आकुण्ठताम् आगमत् तन् मे तावद् उरो नृसिंहकरजैर् व्यादीर्यते सांप्रतं दैवे दुर्जनतां गते तृणम् अपि प्रायो ऽप्य् अवज्ञायते
yatrākhaṇḍaladantidantamusalāny ākhaṇḍitāny āhave dhārā yatra pinākapāṇiparaśor ākuṇṭhatām āgamat tan me tāvad uro nṛsiṃhakarajair vyādīryate sāṃprataṃ daive durjanatāṃ gate tṛṇam api prāyo 'py avajñāyate
"That chest of mine — on which the pestle-like tusks of Indra's elephant were broken in battle, on which the blade of the Pināka-bearer's axe grew blunt — is now being ripped apart by a man-lion's claws! When fate turns malicious, even a blade of grass, as a rule, treats one with contempt."
AI translation rendered from the Sanskrit, not a published edition
NsP 44.31
एवं वदति दैत्येन्द्रे ददार नरकेसरी हृदयं दैत्यराजस्य पद्मपत्रम् इव द्विपः
evaṃ vadati daityendre dadāra narakesarī hṛdayaṃ daityarājasya padmapatram iva dvipaḥ
While the lord of the Daityas was speaking thus, the man-lion tore open the heart of the Daitya king as an elephant tears a lotus leaf.
AI translation rendered from the Sanskrit, not a published edition
NsP 44.32
शकले द्वे तिरोभूते नखरन्ध्रे महात्मने ततः क्व यातो दुष्टो ऽसाव् इति देवो ऽतिविस्मितः
śakale dve tirobhūte nakharandhre mahātmane tataḥ kva yāto duṣṭo 'sāv iti devo 'tivismitaḥ
When the two halves disappeared into the gaps of the great one's claws, the god was much amazed: "Where then has that wicked one gone?"
AI translation rendered from the Sanskrit, not a published edition
NsP 44.33
निरीक्ष्य सर्वतो राजन् वृथैतत् कर्म मे ऽभवत् इति संचिन्त्य राजेन्द्र नरसिंहो महाबलः
nirīkṣya sarvato rājan vṛthaitat karma me 'bhavat iti saṃcintya rājendra narasiṃho mahābalaḥ
Having looked in every direction, O king, (he thought,) "This deed of mine has been in vain" — so reflecting, O best of kings, the mighty Narasiṃha
AI translation rendered from the Sanskrit, not a published edition
NsP 44.34
व्यधूनयत् कराव् उच्चैस् ततस् ते शकले नृप नखरन्ध्रान् निपतिते भूमौ रेणुसमे हरेः
vyadhūnayat karāv uccais tatas te śakale nṛpa nakharandhrān nipatite bhūmau reṇusame hareḥ
shook his hands violently; then, O king, those two halves fell from Hari's claw-hollows to the ground, (reduced) to dust.
AI translation rendered from the Sanskrit, not a published edition
NsP 44.35
दृष्ट्वा व्यतीतसंरोषो जहास परमेश्वरः पुष्पवर्षं च वर्षन्तो नरसिंहस्य मूर्धनि
dṛṣṭvā vyatītasaṃroṣo jahāsa parameśvaraḥ puṣpavarṣaṃ ca varṣanto narasiṃhasya mūrdhani
Seeing (this), the supreme Lord, his rage now past, laughed; and (the gods,) raining a rain of flowers on Narasiṃha's head,
AI translation rendered from the Sanskrit, not a published edition
NsP 44.36
देवा सब्रह्मकाः सर्वे आगताः प्रीतिसंयुताः आगत्य पूजयाम्_असुर् नरसिंहं परं प्रभुम्
devā sabrahmakāḥ sarve āgatāḥ prītisaṃyutāḥ āgatya pūjayām_asur narasiṃhaṃ paraṃ prabhum
all the gods together with Brahmā came, filled with delight, and having come they worshipped Narasiṃha, the supreme Lord.
AI translation rendered from the Sanskrit, not a published edition
NsP 44.37
ब्रह्मा च दैत्यराजानं प्रह्लादम् अभिषेचयत् धर्मे रतिः समस्तानां जनानाम् अभवत् तदा
brahmā ca daityarājānaṃ prahlādam abhiṣecayat dharme ratiḥ samastānāṃ janānām abhavat tadā
And Brahmā consecrated Prahlāda as king of the Daityas; then delight in dharma arose among all people.
AI translation rendered from the Sanskrit, not a published edition
NsP 44.38
इन्द्रो ऽपि सर्वदेवैस् तु हरिणा स्थापितो दिवि नरसिंहो ऽपि भगवान् सर्वलोकहिताय वै
indro 'pi sarvadevais tu hariṇā sthāpito divi narasiṃho 'pi bhagavān sarvalokahitāya vai
Indra too was installed in heaven by Hari together with all the gods; and the Lord Narasiṃha too, for the welfare of all the worlds,
AI translation rendered from the Sanskrit, not a published edition
NsP 44.39
श्रीशैलशिखरं प्राप्य विश्रुतः सुरपूजितः स्थितो भक्तहितार्थाय अभक्तानां क्षमाय च
śrīśailaśikharaṃ prāpya viśrutaḥ surapūjitaḥ sthito bhaktahitārthāya abhaktānāṃ kṣamāya ca
having reached the peak of Śrīśaila, renowned and worshipped by the gods, remained there for the good of the devotees and for the forbearance of the non-devotees.
AI translation rendered from the Sanskrit, not a published edition
NsP 44.40
इत्य् एतन् नरसिंहस्य माहात्म्यं यः पठेन् नरः शृणोति वा नृपश्रेष्ठ मुच्यते सर्वपातकैः
ity etan narasiṃhasya māhātmyaṃ yaḥ paṭhen naraḥ śṛṇoti vā nṛpaśreṣṭha mucyate sarvapātakaiḥ
Thus, the man who recites or hears this greatness of Narasiṃha, O best of kings, is freed from all sins.
AI translation rendered from the Sanskrit, not a published edition
NsP 44.41
नरो वा यदि वा नारी शृणोत्य् आख्यानम् उत्तमम् वैधव्याद् दुःखशोकाच् च दुष्टसङ्गात् प्रमुच्यते
naro vā yadi vā nārī śṛṇoty ākhyānam uttamam vaidhavyād duḥkhaśokāc ca duṣṭasaṅgāt pramucyate
Whether man or woman, whoever hears this excellent narrative is released from widowhood, from grief and sorrow, and from the company of the wicked.
AI translation rendered from the Sanskrit, not a published edition
NsP 44.42
दुश्शीलो ऽपि दुराचारो दुष्प्रजो दोषकर्मकृत् अधर्मिष्ठो ऽनभोगी च शृण्वन् शुद्धो भवेन् नरः
duśśīlo 'pi durācāro duṣprajo doṣakarmakṛt adharmiṣṭho 'nabhogī ca śṛṇvan śuddho bhaven naraḥ
Even a man of bad character, of bad conduct, of bad offspring, a doer of faulty deeds, most irreligious and enjoying nothing, becomes pure by hearing (it).
AI translation rendered from the Sanskrit, not a published edition — the model flagged this verse as uncertain
NsP 44.43
हरिः सुरेशो नरलोकपूजितो हिताय लोकस्य चराचरस्य कृत्वा विरूपं च पुरात्ममायया हिरण्यकं दुःखकरं नखैश् छिनत्
hariḥ sureśo naralokapūjito hitāya lokasya carācarasya kṛtvā virūpaṃ ca purātmamāyayā hiraṇyakaṃ duḥkhakaraṃ nakhaiś chinat
Hari, lord of the gods, worshipped by the world of men, for the good of the world of moving and unmoving beings, having long ago made himself misshapen by his own magic power, cut down with his claws Hiraṇyaka, the bringer of suffering.
AI translation rendered from the Sanskrit, not a published edition