Narasimha Purana — Chapter 40
NsP 40.1
वाराहः कथितो ह्य् एवं प्रादुर्भावो हरेस् तव सांप्रतं नारसिंहं तु प्रवक्ष्यामि निबोध मे
vārāhaḥ kathito hy evaṃ prādurbhāvo hares tava sāṃprataṃ nārasiṃhaṃ tu pravakṣyāmi nibodha me
Thus the Boar manifestation of Hari has been told to you; now I shall declare the Man-Lion one — learn it from me.
AI translation rendered from the Sanskrit, not a published edition
NsP 40.2
दितेः पुत्रो महान् आसीद् *धिरण्यकशिपुः पुरा तपस् तेपे निराहारो बहुवर्षसहस्रकम्
diteḥ putro mahān āsīd *dhiraṇyakaśipuḥ purā tapas tepe nirāhāro bahuvarṣasahasrakam
Formerly there was a great son of Diti, Hiraṇyakaśipu; he practised austerity without food for many thousands of years.
AI translation rendered from the Sanskrit, not a published edition
NsP 40.3
तपतस् तस्य संतुष्टो ब्रह्मा तं प्राह दानवम् वरं वरय दैत्येन्द्र यस् ते मनसि वर्तते
tapatas tasya saṃtuṣṭo brahmā taṃ prāha dānavam varaṃ varaya daityendra yas te manasi vartate
Pleased with him as he practised austerity, Brahmā said to that Dānava: "Choose a boon, O lord of the Daityas, whatever is in your mind."
AI translation rendered from the Sanskrit, not a published edition
NsP 40.4
इत्युक्तो ब्रह्मणा दैत्यो हिरण्यकशिपुः पुरा उवाच नत्वा देवेशं ब्रह्माणं विनयान्वितः
ityukto brahmaṇā daityo hiraṇyakaśipuḥ purā uvāca natvā deveśaṃ brahmāṇaṃ vinayānvitaḥ
Addressed thus by Brahmā, the Daitya Hiraṇyakaśipu of old, bowing to Brahmā the lord of gods, spoke, filled with humility:
AI translation rendered from the Sanskrit, not a published edition
NsP 40.5
यदि त्वं वरदानाय प्रवृत्तो भगवन् मम यद् यद् वृणोम्य् अहं ब्रह्मंस् तत् तन् मे दातुम् अर्हसि
yadi tvaṃ varadānāya pravṛtto bhagavan mama yad yad vṛṇomy ahaṃ brahmaṃs tat tan me dātum arhasi
"If you, O Blessed One, are disposed to grant me a boon, then, O Brahmā, whatever I ask for, that you should give me:
AI translation rendered from the Sanskrit, not a published edition
NsP 40.6
न शुष्केण न चार्द्रेण न जलेन न वह्निना न काष्ठेन न कीटेन पाषाणेन न वायुना
na śuṣkeṇa na cārdreṇa na jalena na vahninā na kāṣṭhena na kīṭena pāṣāṇena na vāyunā
not by anything dry nor by anything wet, not by water nor by fire, not by wood nor by an insect, nor by stone, nor by wind,
AI translation rendered from the Sanskrit, not a published edition
NsP 40.7
नायुधेन न शूलेन न शैलेन न मानुषैः न सुरैर् असुरैर् वापि न गन्धर्वैर् न राक्षसैः
nāyudhena na śūlena na śailena na mānuṣaiḥ na surair asurair vāpi na gandharvair na rākṣasaiḥ
not by a weapon, not by a spear, not by a mountain, not by men, nor by gods or by asuras, not by gandharvas, not by rākṣasas,
AI translation rendered from the Sanskrit, not a published edition
NsP 40.8
न किंनरैर् न यक्षैस् तु विद्याधरभुजंगमैः न वानरैर् मृगैर् वापि नैव मातृगणैर् अपि
na kiṃnarair na yakṣais tu vidyādharabhujaṃgamaiḥ na vānarair mṛgair vāpi naiva mātṛgaṇair api
not by kiṃnaras nor by yakṣas, nor by vidyādharas and serpents, nor by monkeys or beasts, nor indeed by the troops of Mothers,
AI translation rendered from the Sanskrit, not a published edition
NsP 40.9
नाभ्यन्तरे न बाह्ये तु नान्यैर् मरणहेतुभिः न दिने न च नक्तं मे त्वत्प्रसादाद् भवेन् मृतिः
nābhyantare na bāhye tu nānyair maraṇahetubhiḥ na dine na ca naktaṃ me tvatprasādād bhaven mṛtiḥ
not inside nor outside, nor by other causes of death, not by day and not by night — by your grace, let there be no death for me."
AI translation rendered from the Sanskrit, not a published edition
NsP 40.11
तपसा तव तुष्टो ऽहं महता तु वरान् इमान् दुर्लभान् अपि दैत्येन्द्र ददामि परमाद्भुतान्
tapasā tava tuṣṭo 'haṃ mahatā tu varān imān durlabhān api daityendra dadāmi paramādbhutān
"I am pleased by your great austerity, and I grant you these boons, hard to obtain though they are, O lord of the Daityas, and most wonderful.
AI translation rendered from the Sanskrit, not a published edition
NsP 40.12
अन्येषां नेदृशं दत्तं न तैर् इत्थं तपः कृतम् त्वत्प्रार्थितं मया दत्तं सर्वं ते चास्तु दैत्यप
anyeṣāṃ nedṛśaṃ dattaṃ na tair itthaṃ tapaḥ kṛtam tvatprārthitaṃ mayā dattaṃ sarvaṃ te cāstu daityapa
To others no such (boon) has been given, nor have they done austerity in this way; what you have asked has been given by me — let it all be yours, O ruler of the Daityas.
AI translation rendered from the Sanskrit, not a published edition
NsP 40.13
गच्छ भुङ्क्ष्व महाबाहो तपसाम् ऊर्जितं फलम् इत्य् एवं दैत्यराजस्य हिरण्यकशिपोः पुरा
gaccha bhuṅkṣva mahābāho tapasām ūrjitaṃ phalam ity evaṃ daityarājasya hiraṇyakaśipoḥ purā
Go, mighty-armed one, enjoy the abundant fruit of your austerities." Thus to the Daitya king Hiraṇyakaśipu of old,
AI translation rendered from the Sanskrit, not a published edition
NsP 40.14
दत्त्वा वरान् ययौ ब्रह्मा ब्रह्मलोकम् अनुत्तमम् सो ऽपि लब्धवरो दैत्यो बलवान् बलदर्पितः
dattvā varān yayau brahmā brahmalokam anuttamam so 'pi labdhavaro daityo balavān baladarpitaḥ
having given the boons, Brahmā went to the unsurpassed Brahma-world; and that Daitya, having obtained the boons, mighty and proud of his strength,
AI translation rendered from the Sanskrit, not a published edition
NsP 40.15
देवान् सिंहान् रणे जित्वा दिवः प्राच्यावयद् भुवि दिवि राज्यं स्वयं चक्रे सर्वशक्तिसमन्वितम्
devān siṃhān raṇe jitvā divaḥ prācyāvayad bhuvi divi rājyaṃ svayaṃ cakre sarvaśaktisamanvitam
Having conquered the gods, (who are like) lions, in battle, he made (them) fall from heaven to earth, and in heaven he made the kingship his own, endowed with every power.
AI translation rendered from the Sanskrit, not a published edition
NsP 40.16
देवा अपि भयात् तस्य रुद्राश् चैवर्षयो नृप विचेरुर् अवनौ सर्वे बिभ्राणा मानुषीं तनुम्
devā api bhayāt tasya rudrāś caivarṣayo nṛpa vicerur avanau sarve bibhrāṇā mānuṣīṃ tanum
And out of fear of him, O king, the gods and the Rudras and the seers all wandered on the earth, bearing human bodies.
AI translation rendered from the Sanskrit, not a published edition
NsP 40.17
प्राप्तत्रैलोक्यराज्यो ऽसौ हिरण्यकशिपुः प्रजाः आहूय सर्वा राजेन्द्र वाक्यं चेदम् अभाषत
prāptatrailokyarājyo 'sau hiraṇyakaśipuḥ prajāḥ āhūya sarvā rājendra vākyaṃ cedam abhāṣata
Having obtained the kingship of the three worlds, that Hiraṇyakaśipu summoned all the creatures, O lord of kings, and spoke this speech:
AI translation rendered from the Sanskrit, not a published edition
NsP 40.18
न यष्टव्यं न होतव्यं न दातव्यं सुरान् प्रति युष्माभिर् अहम् एवाद्य त्रैलोक्याधिपतिः प्रजाः
na yaṣṭavyaṃ na hotavyaṃ na dātavyaṃ surān prati yuṣmābhir aham evādya trailokyādhipatiḥ prajāḥ
"No sacrifice is to be made, no oblation offered, no gift given by you to the gods; I alone am now the lord of the three worlds, O creatures."
AI translation rendered from the Sanskrit, not a published edition
NsP 40.19
ममैव पूजां कुरुत यज्ञदानादिकर्मणा ताश् च सर्वास् तथा चक्रुर् दैत्येन्द्रस्य भयान् नृप
mamaiva pūjāṃ kuruta yajñadānādikarmaṇā tāś ca sarvās tathā cakrur daityendrasya bhayān nṛpa
"Perform worship of me alone with the rites of sacrifice, giving and the rest." And all those (creatures) did so, out of fear of the lord of the Daityas, O king.
AI translation rendered from the Sanskrit, not a published edition
NsP 40.20
यत्रैवं क्रियमाणेषु त्रैलोक्यं सचराचरम् अधर्मयुक्तं सकलं बभूव नृपसत्तम
yatraivaṃ kriyamāṇeṣu trailokyaṃ sacarācaram adharmayuktaṃ sakalaṃ babhūva nṛpasattama
When things were being done thus, the whole three worlds, with all that moves and does not move, became joined to unrighteousness, O best of kings.
AI translation rendered from the Sanskrit, not a published edition
NsP 40.21
स्वधर्मलोपात् सर्वेषां पापे मतिर् अजायत गते काले तु महति देवाः सेन्द्रा बृहस्पतिम्
svadharmalopāt sarveṣāṃ pāpe matir ajāyata gate kāle tu mahati devāḥ sendrā bṛhaspatim
Through the lapse of their own duties, the mind of all turned to sin. But when a great time had passed, the gods together with Indra (approached) Bṛhaspati,
AI translation rendered from the Sanskrit, not a published edition
NsP 40.22
नीतिज्ञं सर्वशास्त्रज्ञं पप्रच्छुर् विनयान्विताः हिरण्यकशिपोर् अस्य विनाशं मुनिसत्तम
nītijñaṃ sarvaśāstrajñaṃ papracchur vinayānvitāḥ hiraṇyakaśipor asya vināśaṃ munisattama
knower of polity, knower of all the treatises, and asked him, full of deference: "(Tell us) the destruction of this Hiraṇyakaśipu, O best of sages."
AI translation rendered from the Sanskrit, not a published edition
NsP 40.24
प्रायो हिरण्यकशिपुः क्षीणभागो महासुरः शोको नाशयति प्रज्ञां शोको नाशयति श्रुतम्
prāyo hiraṇyakaśipuḥ kṣīṇabhāgo mahāsuraḥ śoko nāśayati prajñāṃ śoko nāśayati śrutam
"Most likely the great Asura Hiraṇyakaśipu's portion (of fortune) is spent. Grief destroys wisdom, grief destroys learning;
AI translation rendered from the Sanskrit, not a published edition
NsP 40.25
शोको मतिं नाशयति नास्ति शोकसमो रिपुः सोढुं शक्यो ऽग्निसंबन्धः शस्त्रस्पर्शश् च दारुणः
śoko matiṃ nāśayati nāsti śokasamo ripuḥ soḍhuṃ śakyo 'gnisaṃbandhaḥ śastrasparśaś ca dāruṇaḥ
grief destroys the intellect; there is no enemy equal to grief. Contact with fire can be endured, and the cruel touch of a weapon,
AI translation rendered from the Sanskrit, not a published edition
NsP 40.26
न तु शोकभवं दुःखं संसोढुं नृप शक्यते कालान् निमित्ताच् च वयं लक्ष्यामस् तत्क्षयं सुराः
na tu śokabhavaṃ duḥkhaṃ saṃsoḍhuṃ nṛpa śakyate kālān nimittāc ca vayaṃ lakṣyāmas tatkṣayaṃ surāḥ
but the pain that arises from grief cannot be endured, O king. From the time and from the omens we gods perceive his destruction.
AI translation rendered from the Sanskrit, not a published edition
NsP 40.27
बुधाश् च सर्वे सर्वत्र स्थिता वक्ष्यन्ति नित्यशः अचिराद् एव दुष्टो ऽसौ नश्यत्य् एव परस्परम्
budhāś ca sarve sarvatra sthitā vakṣyanti nityaśaḥ acirād eva duṣṭo 'sau naśyaty eva parasparam
And all the wise, stationed everywhere, will constantly say: before long that wicked one will surely perish, (they) each other.
AI translation rendered from the Sanskrit, not a published edition — the model flagged this verse as uncertain
NsP 40.28
देवानां तु पराम् ऋद्धिं स्वपदप्राप्तिलक्षणाम् हिरण्यकशिपोर् नाशं शकुनानि वदन्ति मे
devānāṃ tu parām ṛddhiṃ svapadaprāptilakṣaṇām hiraṇyakaśipor nāśaṃ śakunāni vadanti me
The omens tell me of the supreme prosperity of the gods, marked by the regaining of their own station, and of the destruction of Hiraṇyakaśipu.
AI translation rendered from the Sanskrit, not a published edition
NsP 40.29
यत एवम् अतो देवाः सर्वे गच्छत माचिरम् क्षीरोदस्योत्तरं तीरं प्रसुप्तो यत्र केशवः
yata evam ato devāḥ sarve gacchata māciram kṣīrodasyottaraṃ tīraṃ prasupto yatra keśavaḥ
Since it is so, therefore, O gods, go all of you without delay to the northern shore of the Ocean of Milk, where Keśava lies asleep.
AI translation rendered from the Sanskrit, not a published edition
NsP 40.30
युष्माभिः संस्तुतो देवः प्रसन्नो भवति क्षणात् स हि प्रसन्नो दैत्यस्य वधोपायं वदिष्यति
yuṣmābhiḥ saṃstuto devaḥ prasanno bhavati kṣaṇāt sa hi prasanno daityasya vadhopāyaṃ vadiṣyati
Praised by you the god becomes gracious in a moment; and he, being gracious, will tell the means of slaying the Daitya.
AI translation rendered from the Sanskrit, not a published edition
NsP 40.31
इत्युक्तास् तेन देवास् ते साधु साध्व् इत्य् अथाब्रुवन् प्रीत्या च परया युक्ता गन्तुं चक्रुर् अथोद्यमम्
ityuktās tena devās te sādhu sādhv ity athābruvan prītyā ca parayā yuktā gantuṃ cakrur athodyamam
Thus addressed by him, those gods said "Good, good!" and, filled with the highest joy, they then made effort to go.
AI translation rendered from the Sanskrit, not a published edition
NsP 40.32
पुण्ये तिथौ शुभे लग्ने पुण्यं स्वस्ति च मङ्गलम् कारयित्वा मुनिवरैः प्रस्थितास् ते दिवौकसः
puṇye tithau śubhe lagne puṇyaṃ svasti ca maṅgalam kārayitvā munivaraiḥ prasthitās te divaukasaḥ
On an auspicious lunar day, at a favourable hour, having had the merit-rite, the svasti and the benediction performed by the best of sages, those dwellers in heaven set out,
AI translation rendered from the Sanskrit, not a published edition
NsP 40.33
नाशाय दुष्टदैत्यस्य स्वभूत्यै च नृपोत्तम ते शर्वम् अग्रतः कृत्वा क्षीराब्धेर् उत्तरं तटम्
nāśāya duṣṭadaityasya svabhūtyai ca nṛpottama te śarvam agrataḥ kṛtvā kṣīrābdher uttaraṃ taṭam
for the destruction of the wicked Daitya and for their own welfare, O best of kings; putting Śarva at their head, (they went to) the northern shore of the Ocean of Milk.
AI translation rendered from the Sanskrit, not a published edition
NsP 40.34
तत्र गत्वा सुराः सर्वे विष्णुं जिष्णुं जनार्दनम् अस्तुवन् विविधैः स्तोत्रैः पूजयन्तः प्रतस्थिरे
tatra gatvā surāḥ sarve viṣṇuṃ jiṣṇuṃ janārdanam astuvan vividhaiḥ stotraiḥ pūjayantaḥ pratasthire
Having gone there, all the gods praised Viṣṇu, the victorious, Janārdana, with various hymns, and worshipping him they took their stand.
AI translation rendered from the Sanskrit, not a published edition
NsP 40.35
भवो ऽपि भगवान् भक्त्या भगवन्तं जनार्दनम् अस्तुवन् नामभिः पुण्यैर् एकाग्रमनसा हरिम्
bhavo 'pi bhagavān bhaktyā bhagavantaṃ janārdanam astuvan nāmabhiḥ puṇyair ekāgramanasā harim
The Lord Bhava too, with devotion and with one-pointed mind, praised the Lord Janārdana, Hari, with holy names:
AI translation rendered from the Sanskrit, not a published edition
NsP 40.36
विष्णुर् जिष्णुर् विभुर् देवो यज्ञेशो यज्ञपालकः प्रभविष्णुर् ग्रसिष्णुश् च लोकात्मा लोकपालकः
viṣṇur jiṣṇur vibhur devo yajñeśo yajñapālakaḥ prabhaviṣṇur grasiṣṇuś ca lokātmā lokapālakaḥ
Viṣṇu, the victorious one, the pervading lord, the god, the lord of sacrifice, the protector of sacrifice, mighty and devouring, the self of the worlds, the guardian of the worlds;
AI translation rendered from the Sanskrit, not a published edition
NsP 40.37
केशवः केशिहा कल्पः सर्वकारणकारणम् कर्मकृद् वामनाधीशो वासुदेवः पुरुष्टुतः
keśavaḥ keśihā kalpaḥ sarvakāraṇakāraṇam karmakṛd vāmanādhīśo vāsudevaḥ puruṣṭutaḥ
Keśava, slayer of Keśin, Kalpa, the cause of all causes, the doer of deeds, the dwarf, the overlord, Vāsudeva, praised by many;
AI translation rendered from the Sanskrit, not a published edition
NsP 40.38
आदिकर्ता वराहश् च माधवो मधुसूदनः नारायणो नरो हंसो विष्णुसेनो हुताशनः
ādikartā varāhaś ca mādhavo madhusūdanaḥ nārāyaṇo naro haṃso viṣṇuseno hutāśanaḥ
the first maker, the boar, Mādhava, slayer of Madhu, Nārāyaṇa, Nara, the swan, he whose army is Viṣṇu('s hosts), the fire-eater;
AI translation rendered from the Sanskrit, not a published edition — the model flagged this verse as uncertain
NsP 40.39
ज्योतिष्मान् द्युतिमान् श्रीमान् आयुष्मान् पुरुषोत्तमः वैकुण्ठः पुण्डरीकाक्षः कृष्णः सूर्यः सुरार्चितः
jyotiṣmān dyutimān śrīmān āyuṣmān puruṣottamaḥ vaikuṇṭhaḥ puṇḍarīkākṣaḥ kṛṣṇaḥ sūryaḥ surārcitaḥ
possessed of light, radiant, glorious, possessed of long life, the highest person, Vaikuṇṭha, lotus-eyed, Kṛṣṇa, the sun, worshipped by the gods;
AI translation rendered from the Sanskrit, not a published edition
NsP 40.40
नरसिंहो महाभीमो वज्रदंस्त्रो नखायुधः आदिदेवो जगत्कर्ता योगेशो गरुडध्वजः
narasiṃho mahābhīmo vajradaṃstro nakhāyudhaḥ ādidevo jagatkartā yogeśo garuḍadhvajaḥ
the man-lion, greatly terrible, having thunderbolt fangs, whose weapons are his claws, the primeval god, the maker of the world, the lord of yoga, whose banner is Garuḍa;
AI translation rendered from the Sanskrit, not a published edition
NsP 40.41
गोविन्दो गोपतिर् गोप्ता भूपतिर् भुवनेश्वरः पद्मनाभो हृषीकेशो विभुर् दामोदरो हरिः
govindo gopatir goptā bhūpatir bhuvaneśvaraḥ padmanābho hṛṣīkeśo vibhur dāmodaro hariḥ
Govinda, lord of cows, the protector, lord of the earth, lord of the world, whose navel is a lotus, Hṛṣīkeśa, the pervader, Dāmodara, Hari;
AI translation rendered from the Sanskrit, not a published edition
NsP 40.42
त्रिविक्रमस् त्रिलोकेशो ब्रह्मेशः प्रीतिवर्धनः वामनो दुष्टदमनो गोविन्दो गोपवल्लभः
trivikramas trilokeśo brahmeśaḥ prītivardhanaḥ vāmano duṣṭadamano govindo gopavallabhaḥ
Trivikrama, lord of the three worlds, lord of Brahmā, increaser of love, the dwarf, subduer of the wicked, Govinda, beloved of the cowherds;
AI translation rendered from the Sanskrit, not a published edition
NsP 40.43
भक्तिप्रियो ऽच्युतः सत्यः सत्यकीर्तिर् ध्रुवः शुचिः कारुण्यः करुणो व्यासः पापहा शान्तिवर्धनः
bhaktipriyo 'cyutaḥ satyaḥ satyakīrtir dhruvaḥ śuciḥ kāruṇyaḥ karuṇo vyāsaḥ pāpahā śāntivardhanaḥ
fond of devotion, unfallen, true, of true renown, fixed, pure, compassion itself, compassionate, Vyāsa, destroyer of sin, increaser of peace;
AI translation rendered from the Sanskrit, not a published edition
NsP 40.44
संन्यासी शास्त्रतत्त्वज्ञो मन्दारगिरिकेतनः बदरीनिलयः शान्तस् तपस्वी वैद्युतप्रभः
saṃnyāsī śāstratattvajño mandāragiriketanaḥ badarīnilayaḥ śāntas tapasvī vaidyutaprabhaḥ
the renouncer, knower of the truth of the scriptures, dwelling on Mount Mandāra, whose abode is Badarī, tranquil, an ascetic, of lightning-like splendour;
AI translation rendered from the Sanskrit, not a published edition
NsP 40.45
भूतावासो गुहावासः श्रीनिवासः श्रियःपतिः तपोवासो दमो वासः सत्यवासः सनातनः
bhūtāvāso guhāvāsaḥ śrīnivāsaḥ śriyaḥpatiḥ tapovāso damo vāsaḥ satyavāsaḥ sanātanaḥ
the dwelling of beings, dwelling in the cave, the abode of Śrī, husband of Śrī, dwelling in austerity, self-control, the dwelling, dwelling in truth, the eternal one;
AI translation rendered from the Sanskrit, not a published edition — the model flagged this verse as uncertain
NsP 40.46
पुरुषः पुष्कलः पुण्यः पुष्कराक्षो महेश्वरः पूर्णः पूर्तिः पुराणज्ञः पुण्यज्ञः पुण्यवर्धनः
puruṣaḥ puṣkalaḥ puṇyaḥ puṣkarākṣo maheśvaraḥ pūrṇaḥ pūrtiḥ purāṇajñaḥ puṇyajñaḥ puṇyavardhanaḥ
the person, the abundant, the meritorious, lotus-eyed, the great lord, the full, fulfilment, knower of the ancient (lore), knower of merit, increaser of merit;
AI translation rendered from the Sanskrit, not a published edition
NsP 40.47
शङ्खी चक्री गदी शार्ङ्गी लाङ्गली मुशली हली किरीटी कुण्डली हारी मेखली कवची ध्वजी
śaṅkhī cakrī gadī śārṅgī lāṅgalī muśalī halī kirīṭī kuṇḍalī hārī mekhalī kavacī dhvajī
bearer of the conch, the discus, the mace, the horn bow, the plough, the pestle, the ploughshare, wearer of the diadem, of earrings, of the necklace, of the girdle, of armour, of the banner;
AI translation rendered from the Sanskrit, not a published edition
NsP 40.48
जिष्णुर् जेता महावीरः शत्रुघ्नः शत्रुतापनः शान्तः शान्तिकरः शास्ता शंकरः शंतनुस्तुतः
jiṣṇur jetā mahāvīraḥ śatrughnaḥ śatrutāpanaḥ śāntaḥ śāntikaraḥ śāstā śaṃkaraḥ śaṃtanustutaḥ
the victorious, the conqueror, the great hero, slayer of foes, tormentor of foes, the tranquil, the maker of peace, the ruler, the benefactor, praised by Śaṃtanu;
AI translation rendered from the Sanskrit, not a published edition — the model flagged this verse as uncertain
NsP 40.49
सारथिः सात्त्विकः स्वामी सामवेदप्रियः समः सावनः साहसी सत्त्वः संपूर्णांशः समृद्धिमान्
sārathiḥ sāttvikaḥ svāmī sāmavedapriyaḥ samaḥ sāvanaḥ sāhasī sattvaḥ saṃpūrṇāṃśaḥ samṛddhimān
the charioteer, the sattvic one, the master, fond of the Sāmaveda, the impartial, the impeller (or: possessed of the Soma-pressing), the daring, being itself, whose portions are complete, possessed of abundance;
AI translation rendered from the Sanskrit, not a published edition — the model flagged this verse as uncertain
NsP 40.50
स्वर्गदः कामदः श्रीदः कीर्तिदः कीर्तिनाशनः मोक्षदः पुण्डरीकाक्षः क्षीराब्धिकृतकेतनः
svargadaḥ kāmadaḥ śrīdaḥ kīrtidaḥ kīrtināśanaḥ mokṣadaḥ puṇḍarīkākṣaḥ kṣīrābdhikṛtaketanaḥ
giver of heaven, giver of desires, giver of prosperity, giver of fame, destroyer of fame, giver of liberation, lotus-eyed, who has made his abode in the ocean of milk;
AI translation rendered from the Sanskrit, not a published edition
NsP 40.51
स्तुतः सुरासुरैर् ईशः प्रेरकः पापनाशनः त्वं यज्ञस् त्वं वषट्कारस् त्वम् ॐकारस् त्वम् अग्नयः
stutaḥ surāsurair īśaḥ prerakaḥ pāpanāśanaḥ tvaṃ yajñas tvaṃ vaṣaṭkāras tvam oṃkāras tvam agnayaḥ
praised by gods and demons, the lord, the impeller, the destroyer of sin — you are the sacrifice, you are the utterance vaṣaṭ, you are the syllable oṃ, you are the fires;
AI translation rendered from the Sanskrit, not a published edition
NsP 40.52
त्वं स्वाहा त्वं स्वधा देवस् त्वं सुधा पुरुषोत्तम नमो देवादिदेवाय विष्णवे शाश्वताय च
tvaṃ svāhā tvaṃ svadhā devas tvaṃ sudhā puruṣottama namo devādidevāya viṣṇave śāśvatāya ca
you are svāhā, you are svadhā, O god, you are the nectar, O highest person; homage to the god of the primal gods, to Viṣṇu, the everlasting.
AI translation rendered from the Sanskrit, not a published edition
NsP 40.57
हिरण्यकविनाशार्थं स्तुतो ऽहं शंकरेण तु पुण्यनामशतेनैव संस्तुतो ऽहं भवेन च
hiraṇyakavināśārthaṃ stuto 'haṃ śaṃkareṇa tu puṇyanāmaśatenaiva saṃstuto 'haṃ bhavena ca
"I have been praised by Śaṃkara for the sake of the destruction of Hiraṇyaka, and I have been well praised by Bhava with just a hundred holy names.
AI translation rendered from the Sanskrit, not a published edition
NsP 40.58
एतेन यस् तु मां नित्यं त्वयोक्तेन महामते तेनाहं पूजितो नित्यं भवामीह त्वया यथा
etena yas tu māṃ nityaṃ tvayoktena mahāmate tenāhaṃ pūjito nityaṃ bhavāmīha tvayā yathā
Whoever (praises) me constantly with this (hymn) spoken by you, O greatly wise one, by him I am constantly worshipped here, just as by you.
AI translation rendered from the Sanskrit, not a published edition
NsP 40.59
प्रीतो ऽहं गच्छ देव त्वं कैलासशिखरं शुभम् त्वया स्तुतो हनिष्यामि हिरण्यकशिपुं भव
prīto 'haṃ gaccha deva tvaṃ kailāsaśikharaṃ śubham tvayā stuto haniṣyāmi hiraṇyakaśipuṃ bhava
I am pleased; go, O god, to the auspicious peak of Kailāsa. Praised by you, I shall slay Hiraṇyakaśipu, O Bhava.
AI translation rendered from the Sanskrit, not a published edition
NsP 40.60
गच्छध्वम् अधुना देवाः कालं कंचित् प्रतीक्षताम् यदास्य तनयो धीमान् प्रह्लादो नाम वैष्णवः
gacchadhvam adhunā devāḥ kālaṃ kaṃcit pratīkṣatām yadāsya tanayo dhīmān prahlādo nāma vaiṣṇavaḥ
"Go now, O gods, and wait for some time. When his wise son named Prahlāda, a devotee of Viṣṇu (is born) —"
AI translation rendered from the Sanskrit, not a published edition
NsP 40.61
तस्य द्रोहं यदा दैत्यः करिष्यति सुरांस् तदा हनिष्यामि वरैर् गुप्तम् अजेयं देवदानवैः इत्य् उक्त्वा विष्णुना देवा नत्वा विष्णुं ययुर् नृप
tasya drohaṃ yadā daityaḥ kariṣyati surāṃs tadā haniṣyāmi varair guptam ajeyaṃ devadānavaiḥ ity uktvā viṣṇunā devā natvā viṣṇuṃ yayur nṛpa
"— when the demon does injury to him, then I shall slay him who is protected by boons and unconquerable by gods and demons." Having been thus addressed by Viṣṇu, the gods bowed to Viṣṇu and departed, O king.
AI translation rendered from the Sanskrit, not a published edition