Narasimha Purana — Chapter 38
NsP 38.1
पुरा देवासुरे युद्धे देवा दैत्यैः पराजिताः सर्वे ते शरणं जग्मुः क्षीराब्धितनयापतिम्
purā devāsure yuddhe devā daityaiḥ parājitāḥ sarve te śaraṇaṃ jagmuḥ kṣīrābdhitanayāpatim
Formerly, in the war of gods and demons, the gods were defeated by the demons; they all went for refuge to the husband of the daughter of the ocean of milk.
AI translation rendered from the Sanskrit, not a published edition
NsP 38.2
स्तोत्रेण तुष्टुवुः सर्वे समाराध्य जगत्पतिम् कृताञ्जलिपुटा राजन् ब्रह्माद्या देवतागणाः
stotreṇa tuṣṭuvuḥ sarve samārādhya jagatpatim kṛtāñjalipuṭā rājan brahmādyā devatāgaṇāḥ
All of them praised the Lord of the world with a hymn, having propitiated him, with palms joined in reverence, O king—the hosts of deities headed by Brahmā.
AI translation rendered from the Sanskrit, not a published edition
NsP 38.3
नमस् ते देवदेवाय लोकनाथाय शार्ङ्गिणे नमस् ते पद्मनाभाय लोकनाथाय शार्ङ्गिणे
namas te devadevāya lokanāthāya śārṅgiṇe namas te padmanābhāya lokanāthāya śārṅgiṇe
Homage to you, god of gods, lord of the worlds, bearer of the horn bow; homage to you, lotus-naveled one, lord of the worlds, bearer of the bow.
AI translation rendered from the Sanskrit, not a published edition
NsP 38.4
नमस् ते पद्मनाभाय सर्वदुःखापहारिणे नमस् ते विश्वरूपाय सर्वदेवमयाय च
namas te padmanābhāya sarvaduḥkhāpahāriṇe namas te viśvarūpāya sarvadevamayāya ca
Homage to you, lotus-naveled one, remover of all sorrows; homage to you, of universal form, consisting of all the gods.
AI translation rendered from the Sanskrit, not a published edition
NsP 38.5
मधुकैटभनाशाय केशवाय नमो नमः
madhukaiṭabhanāśāya keśavāya namo namaḥ
To the destroyer of Madhu and Kaiṭabha, to Keśava, homage, homage.
AI translation rendered from the Sanskrit, not a published edition
NsP 38.6
दैत्यैः पराजिता देव वयं युद्धे बलान्वितैः जयोपायं हि नो ब्रूहि करुणाकर ते नमः
daityaiḥ parājitā deva vayaṃ yuddhe balānvitaiḥ jayopāyaṃ hi no brūhi karuṇākara te namaḥ
O god, we have been defeated in battle by the demons endowed with strength; tell us the means of victory, O treasury of compassion—homage to you.
AI translation rendered from the Sanskrit, not a published edition
NsP 38.7
इति स्तुतो तदा दैवैर् देवदेवो जनार्दनः तान् अब्रवीद् धरिर् देवान् तेषाम् एवाग्रतः स्थितः
iti stuto tadā daivair devadevo janārdanaḥ tān abravīd dharir devān teṣām evāgrataḥ sthitaḥ
Thus praised then by the gods, Janārdana, the god of gods, Hari, standing right before them, spoke to those gods.
AI translation rendered from the Sanskrit, not a published edition
NsP 38.8
गत्वा तत्र सुराः सर्वे संधिं कुरुत दानवैः मन्थानं मन्दरं कृत्वा नेत्रं कृत्वा च वासुकिम्
gatvā tatra surāḥ sarve saṃdhiṃ kuruta dānavaiḥ manthānaṃ mandaraṃ kṛtvā netraṃ kṛtvā ca vāsukim
"Go there, all you gods, and make a pact with the Dānavas; making Mandara the churning-stick and making Vāsuki the churning-cord,
AI translation rendered from the Sanskrit, not a published edition
NsP 38.9
सर्वौषधीः समानीय प्रक्षिप्याब्धौ त्वरान्विताः दानवैः सहिता भूत्वा मन्थध्वं क्षीरसागरम्
sarvauṣadhīḥ samānīya prakṣipyābdhau tvarānvitāḥ dānavaiḥ sahitā bhūtvā manthadhvaṃ kṣīrasāgaram
bringing all the herbs and casting them into the ocean, in haste, joined together with the Dānavas, churn the ocean of milk.
AI translation rendered from the Sanskrit, not a published edition
NsP 38.10
अहं च तत्र साहाय्यं करिष्यामि दिवौकसः भविष्यत्य् अमृतं तत्र तत्पानाद् बलवत्तराः
ahaṃ ca tatra sāhāyyaṃ kariṣyāmi divaukasaḥ bhaviṣyaty amṛtaṃ tatra tatpānād balavattarāḥ
And I too shall render assistance there, O dwellers in heaven. Nectar will arise there, and from drinking it (you will be) stronger.
AI translation rendered from the Sanskrit, not a published edition
NsP 38.11
भविष्यन्ति क्षणाद् देवा अमृतस्य प्रभावतः यूयं सर्वे महाभागास् तेजिष्ठा रणविक्रमाः
bhaviṣyanti kṣaṇād devā amṛtasya prabhāvataḥ yūyaṃ sarve mahābhāgās tejiṣṭhā raṇavikramāḥ
In an instant, O gods, by the power of the nectar, you shall all become greatly fortunate, most brilliant, valorous in battle.
AI translation rendered from the Sanskrit, not a published edition
NsP 38.12
इन्द्राद्यास् तु महोत्साहास् तल् लब्ध्वामृतम् उत्तमम् ततो हि दानवाञ् जेतुं समर्था नात्र संशयः
indrādyās tu mahotsāhās tal labdhvāmṛtam uttamam tato hi dānavāñ jetuṃ samarthā nātra saṃśayaḥ
And Indra and the others, of great vigor, having obtained that supreme nectar, will thereafter be able to conquer the Dānavas—no doubt of it."
AI translation rendered from the Sanskrit, not a published edition
NsP 38.13
इत्युक्ता देवदेवेन देवाः सर्वे जगत्पतिम् प्रणम्यागत्य निलयं संधिं कृत्वाथ दानवैः
ityuktā devadevena devāḥ sarve jagatpatim praṇamyāgatya nilayaṃ saṃdhiṃ kṛtvātha dānavaiḥ
Thus addressed by the god of gods, all the gods, having bowed to the Lord of the world and gone (back) to their abode, then made a pact with the Dānavas.
AI translation rendered from the Sanskrit, not a published edition
NsP 38.14
क्षीराब्धेर् मन्थने सर्वे चक्रुर् उद्योगम् उत्तमम् बलिना चोद्धृतो राजन् मन्दराख्यो महागिरिः
kṣīrābdher manthane sarve cakrur udyogam uttamam balinā coddhṛto rājan mandarākhyo mahāgiriḥ
They all made supreme effort at the churning of the ocean of milk; and by Bali, O king, the great mountain named Mandara was uprooted,
AI translation rendered from the Sanskrit, not a published edition
NsP 38.15
क्षीराब्धौ क्षेपितश् चैव तेनैकेन नृपोत्तम सर्वौषधींश् च प्रक्षिप्य देवदैत्यैः पयोनिधौ
kṣīrābdhau kṣepitaś caiva tenaikena nṛpottama sarvauṣadhīṃś ca prakṣipya devadaityaiḥ payonidhau
and cast into the ocean of milk by him alone, O best of kings; and all the herbs having been thrown into the milk-ocean by gods and demons,
AI translation rendered from the Sanskrit, not a published edition
NsP 38.16
वासुकिश् चागतस् तत्र राजन् नारायणाज्ञया सर्वे देवहितार्थाय विष्णुश् च स्वयम् आगतः
vāsukiś cāgatas tatra rājan nārāyaṇājñayā sarve devahitārthāya viṣṇuś ca svayam āgataḥ
Vāsuki too came there, O king, by Nārāyaṇa's command; all (came) for the welfare of the gods, and Viṣṇu himself came.
AI translation rendered from the Sanskrit, not a published edition
NsP 38.17
तत्र विष्णुं समासाद्य ततः सर्वे सुरासुराः सर्वे ते मैत्रभावेन क्षीराब्धेस् तटम् आश्रिताः
tatra viṣṇuṃ samāsādya tataḥ sarve surāsurāḥ sarve te maitrabhāvena kṣīrābdhes taṭam āśritāḥ
There, having approached Viṣṇu, all the gods and demons then, all of them in a friendly spirit, took their place on the shore of the ocean of milk.
AI translation rendered from the Sanskrit, not a published edition
NsP 38.18
मन्थानं मन्दरं कृत्वा नेत्रं कृत्वाथ वासुकिम् ततो मथितुम् आरब्धं नृपते तरसामृतम्
manthānaṃ mandaraṃ kṛtvā netraṃ kṛtvātha vāsukim tato mathitum ārabdhaṃ nṛpate tarasāmṛtam
Making Mandara the churning-stick and Vāsuki the churning-rope, then, O king, they began swiftly to churn out the nectar.
AI translation rendered from the Sanskrit, not a published edition
NsP 38.19
विष्णुना मुखभागे तु योजिता दानवास् तदा देवताः पुच्छभागे तु मथनाय नियोजिताः
viṣṇunā mukhabhāge tu yojitā dānavās tadā devatāḥ pucchabhāge tu mathanāya niyojitāḥ
By Viṣṇu the demons were then set at the mouth-end, while the gods were appointed at the tail-end for the churning.
AI translation rendered from the Sanskrit, not a published edition
NsP 38.20
एवं च मथनात् तत्र मन्दरो ऽधः प्रविश्य च आधारेण विना राजन् तं दृष्ट्वा सहसा हरिः
evaṃ ca mathanāt tatra mandaro 'dhaḥ praviśya ca ādhāreṇa vinā rājan taṃ dṛṣṭvā sahasā hariḥ
And so, from the churning, Mandara sank down there, being without a support; seeing that, O king, Hari at once—
AI translation rendered from the Sanskrit, not a published edition
NsP 38.21
सर्वलोकहितार्थाय कूर्मरूपम् आधारयत् आत्मानं संप्रविश्याथ मन्दरस्य गिरेर् अधः
sarvalokahitārthāya kūrmarūpam ādhārayat ātmānaṃ saṃpraviśyātha mandarasya girer adhaḥ
—for the welfare of all the worlds, held (it) up in the form of a tortoise, having entered himself beneath Mount Mandara.
AI translation rendered from the Sanskrit, not a published edition
NsP 38.22
प्रविश्य धृतवान् शैलं मन्दरं मधुसूदनः उपर्य् आक्रान्तवान् शैलं पृथग्रूपेण केशवः
praviśya dhṛtavān śailaṃ mandaraṃ madhusūdanaḥ upary ākrāntavān śailaṃ pṛthagrūpeṇa keśavaḥ
Having entered (below), Madhusūdana held up the mountain Mandara; and in a separate form Keśava pressed down upon the mountain from above.
AI translation rendered from the Sanskrit, not a published edition
NsP 38.23
चकर्ष नागराजं च देवैः सार्धं जनार्दनः सुरैर् अदृश्यरूपेण दैत्यमध्ये जनार्दनः ततस् ते त्वरया युक्ता ममन्थुः क्षीरसागरम्
cakarṣa nāgarājaṃ ca devaiḥ sārdhaṃ janārdanaḥ surair adṛśyarūpeṇa daityamadhye janārdanaḥ tatas te tvarayā yuktā mamanthuḥ kṣīrasāgaram
And Janārdana, together with the gods, pulled the king of serpents; and Janārdana, in a form invisible (even) to the gods, (was) in the midst of the demons. Then they, being intent with haste, churned the ocean of milk.
AI translation rendered from the Sanskrit, not a published edition
NsP 38.24
यावच्छक्त्या नृपश्रेष्ठ बलवन्तः सुरासुराः मथ्यमानात् ततस् तस्मात् क्षीराब्धेर् अभवन् नृप
yāvacchaktyā nṛpaśreṣṭha balavantaḥ surāsurāḥ mathyamānāt tatas tasmāt kṣīrābdher abhavan nṛpa
With all their might, O best of kings, the mighty gods and demons (churned); then, O king, from that ocean of milk being churned there arose—
AI translation rendered from the Sanskrit, not a published edition
NsP 38.25
कालकूटम् इति ख्यातं विषम् अत्यन्तदुःसहम् तं नागा जगृहुः सर्वे तच्छेषं शंकरो ऽग्रहीत्
kālakūṭam iti khyātaṃ viṣam atyantaduḥsaham taṃ nāgā jagṛhuḥ sarve taccheṣaṃ śaṃkaro 'grahīt
—the poison known as Kālakūṭa, utterly unbearable. All the serpents took it, and Śaṃkara took the remainder of it.
AI translation rendered from the Sanskrit, not a published edition
NsP 38.26
नारायणाज्ञया तेन नीलकण्ठत्वम् आप्तवान् ऐरावतश् च नागेन्द्रो हरिश् चोच्चैःश्रवाः पुनः
nārāyaṇājñayā tena nīlakaṇṭhatvam āptavān airāvataś ca nāgendro hariś coccaiḥśravāḥ punaḥ
By Nārāyaṇa's command, through that he obtained the state of being blue-throated. And again (there arose) Airāvata the lord of elephants and the horse Uccaiḥśravas—
AI translation rendered from the Sanskrit, not a published edition
NsP 38.27
द्वितीयावर्तनाद् राजन्न् उत्पन्नाव् इति नः श्रुतम् तृतीयावर्तनाद् राजन्न् अप्सराश् च सुशोभना चतुर्थात् परिजातश् च उत्पन्नः स महाद्रुमः
dvitīyāvartanād rājann utpannāv iti naḥ śrutam tṛtīyāvartanād rājann apsarāś ca suśobhanā caturthāt parijātaś ca utpannaḥ sa mahādrumaḥ
—from the second turning (of the churning), O king: so we have heard that these two arose. From the third turning, O king, (arose) the very beautiful Apsarases; and from the fourth arose the Pārijāta, that great tree.
AI translation rendered from the Sanskrit, not a published edition
NsP 38.28
पञ्चमाद् धि हिमांशुस् तु प्रोत्थितः क्षीरसागरात् तं भवः शिरसा धत्ते नारीवत् स्वस्तिकं नृप
pañcamād dhi himāṃśus tu protthitaḥ kṣīrasāgarāt taṃ bhavaḥ śirasā dhatte nārīvat svastikaṃ nṛpa
And from the fifth, the cool-rayed moon rose up from the ocean of milk; Bhava wears it on his head like a woman (wears) an auspicious mark, O king.
AI translation rendered from the Sanskrit, not a published edition
NsP 38.29
नानाविधानि दिव्यानि रत्नान्य् आभरणानि च क्षीरोदधेर् उत्थिताश् च गन्धर्वाश् च सहस्रशः
nānāvidhāni divyāni ratnāny ābharaṇāni ca kṣīrodadher utthitāś ca gandharvāś ca sahasraśaḥ
Divine jewels and ornaments of many kinds, and Gandharvas by the thousands, rose up from the milk-ocean.
AI translation rendered from the Sanskrit, not a published edition
NsP 38.30
एतान् दृष्ट्वा तथोत्पन्नान् अत्याश्चर्यसमन्वितान् अभवन् जातहर्षास् ते तत्र सर्वे सुरासुराः
etān dṛṣṭvā tathotpannān atyāścaryasamanvitān abhavan jātaharṣās te tatra sarve surāsurāḥ
Seeing these things thus arisen, filled with utmost wonder, all the gods and demons there became joyful.
AI translation rendered from the Sanskrit, not a published edition
NsP 38.31
देवपक्षे ततो मेघाः स्वल्पं वर्षन्ति संस्थिताः कृष्णाज्ञया च वायुश् च सुखं वाति सुरान् प्रति
devapakṣe tato meghāḥ svalpaṃ varṣanti saṃsthitāḥ kṛṣṇājñayā ca vāyuś ca sukhaṃ vāti surān prati
Then, on the gods' side, clouds stood and rained a little; and by Kṛṣṇa's command the wind blew pleasantly toward the gods.
AI translation rendered from the Sanskrit, not a published edition
NsP 38.32
विषनिःश्वासवातेन वासुकेश् चापरे हताः निस्तेजसो ऽभवन् दैत्या निर्वीर्याश् च महामते
viṣaniḥśvāsavātena vāsukeś cāpare hatāḥ nistejaso 'bhavan daityā nirvīryāś ca mahāmate
But others were slain by the wind of Vāsuki's poisonous breath; the demons became devoid of lustre and without valour, O great-minded one.
AI translation rendered from the Sanskrit, not a published edition
NsP 38.33
ततः श्रीर् उत्थिता तस्मात् क्षीरोदाद् धृतपङ्कजा विभ्राजमाना राजेन्द्र दिशः सर्वाः स्वतेजसा
tataḥ śrīr utthitā tasmāt kṣīrodād dhṛtapaṅkajā vibhrājamānā rājendra diśaḥ sarvāḥ svatejasā
Then Śrī rose from that milk-ocean, holding a lotus, illuminating all the directions with her own radiance, O lord of kings.
AI translation rendered from the Sanskrit, not a published edition
NsP 38.34
ततस् तीर्थोदकैः स्नाता दिव्यवस्त्रैर् अलंकृता दिव्यगन्धानुलिप्ताङ्गी सुमनोभिः सुभूषणैह्
tatas tīrthodakaiḥ snātā divyavastrair alaṃkṛtā divyagandhānuliptāṅgī sumanobhiḥ subhūṣaṇaih
Then, bathed with the waters of the sacred fords, adorned with divine garments, her limbs anointed with divine perfumes, (decked) with flowers and fine ornaments—
AI translation rendered from the Sanskrit, not a published edition
NsP 38.35
देवपक्षं समासाद्य स्थित्वा क्षणम् अरिंदम हरिवक्षःस्थलं प्राप्ता ततः सा कमलालया
devapakṣaṃ samāsādya sthitvā kṣaṇam ariṃdama harivakṣaḥsthalaṃ prāptā tataḥ sā kamalālayā
—having come to the gods' side and stood there a moment, O subduer of foes, she who dwells in the lotus then reached the breast of Hari.
AI translation rendered from the Sanskrit, not a published edition
NsP 38.36
ततो ऽमृतघटं पूर्णं दुग्ध्वा तु पयसो निधेः धन्वन्तरिः समुत्तस्थौ ततः प्रीताः सुरा नृप
tato 'mṛtaghaṭaṃ pūrṇaṃ dugdhvā tu payaso nidheḥ dhanvantariḥ samuttasthau tataḥ prītāḥ surā nṛpa
Then, having milked from the treasury of milk a jar full of nectar, Dhanvantari rose up; thereupon the gods were delighted, O king.
AI translation rendered from the Sanskrit, not a published edition
NsP 38.37
दैत्याः श्रिया परित्यक्ता दुःखितास् ते ऽभवन् नृप नीत्वामृतघटं पूर्णं ते च जग्मुर् यथासुखम्
daityāḥ śriyā parityaktā duḥkhitās te 'bhavan nṛpa nītvāmṛtaghaṭaṃ pūrṇaṃ te ca jagmur yathāsukham
The demons, abandoned by Śrī, became sorrowful, O king; and they (the gods), taking the full jar of nectar, went away at their ease.
AI translation rendered from the Sanskrit, not a published edition
NsP 38.38
ततः स्त्रीरूपम् अकरोद् विष्णुर् देवहिताय वै आत्मानं नृपशार्दूल सर्वलक्षणसंयुतम्
tataḥ strīrūpam akarod viṣṇur devahitāya vai ātmānaṃ nṛpaśārdūla sarvalakṣaṇasaṃyutam
Then Viṣṇu made himself into the form of a woman, for the good of the gods, O tiger among kings—(a form) endowed with all auspicious marks.
AI translation rendered from the Sanskrit, not a published edition
NsP 38.39
ततो जगाम भगवान् स्त्रीरूपेणासुरान् प्रति दिव्यरूपां तु तां दृष्ट्वा मोहितास् ते सुरद्विषः
tato jagāma bhagavān strīrūpeṇāsurān prati divyarūpāṃ tu tāṃ dṛṣṭvā mohitās te suradviṣaḥ
Then the Lord went in the form of a woman toward the asuras; and seeing her of divine form, those enemies of the gods were bewildered.
AI translation rendered from the Sanskrit, not a published edition
NsP 38.40
सुधापूर्णघटं ते तु मोहैः संस्थाप्य सत्तम कामेन पीडिता ह्य् आसन्न् असुरास् तत्र तत्क्षणात्
sudhāpūrṇaghaṭaṃ te tu mohaiḥ saṃsthāpya sattama kāmena pīḍitā hy āsann asurās tatra tatkṣaṇāt
And they, O best one, having set down the jar full of nectar in their bewilderment, the asuras there were at that very moment tormented by desire.
AI translation rendered from the Sanskrit, not a published edition
NsP 38.41
मोहयित्वा तु तान् एवम् असुरान् अवनीपते अमृतं तु समादाय देवेभ्यः प्रददौ हरिः
mohayitvā tu tān evam asurān avanīpate amṛtaṃ tu samādāya devebhyaḥ pradadau hariḥ
Having thus deluded those asuras, O lord of the earth, Hari took the nectar and gave it to the gods.
AI translation rendered from the Sanskrit, not a published edition
NsP 38.42
तत् पीत्वा तु ततो देवा देवदेवप्रसादतः बलवन्तो महावीर्या रणे जग्मुस् ततो ऽसुरान्
tat pītvā tu tato devā devadevaprasādataḥ balavanto mahāvīryā raṇe jagmus tato 'surān
Having drunk it, the gods then, by the grace of the God of gods, becoming strong and of great valour, went against the asuras in battle.
AI translation rendered from the Sanskrit, not a published edition
NsP 38.43
जित्वा रणे ऽसुरान् देवाः स्वानि राज्यानि चक्रिरे एतत् ते कथितं राजन् प्रादुर्भावो हरेर् अयम्
jitvā raṇe 'surān devāḥ svāni rājyāni cakrire etat te kathitaṃ rājan prādurbhāvo harer ayam
Having conquered the asuras in battle, the gods made their own kingdoms (their own again). This has been told to you, O king—this manifestation of Hari,
AI translation rendered from the Sanskrit, not a published edition
NsP 38.44
कूर्माख्यः पुण्यदो नॄणां शृण्वतां पठताम् अपि आविस्कृतं कौर्मम् अनन्तवर्चसं नारायणेनाद्भुतकर्मकारिणा दिवौकसानां तु हिताय केवलं रूपं परं पावनम् एव कीर्तितम्
kūrmākhyaḥ puṇyado nṝṇāṃ śṛṇvatāṃ paṭhatām api āviskṛtaṃ kaurmam anantavarcasaṃ nārāyaṇenādbhutakarmakāriṇā divaukasānāṃ tu hitāya kevalaṃ rūpaṃ paraṃ pāvanam eva kīrtitam
named the Tortoise, granting merit to men who hear it and also who recite it. The Tortoise (form), of endless splendour, was manifested by Nārāyaṇa, the doer of wondrous deeds, solely for the benefit of the dwellers in heaven; that supreme form is declared to be purifying indeed.
AI translation rendered from the Sanskrit, not a published edition