Narasimha Purana — Chapter 25
NsP 25.1
कथं स्तुतो गणाध्यक्षस् तेन राज्ञा महात्मना यथा तेन तपस् तप्तं तन् मे वद महामते
kathaṃ stuto gaṇādhyakṣas tena rājñā mahātmanā yathā tena tapas taptaṃ tan me vada mahāmate
How was the lord of the hosts praised by that great-souled king, and how was the austerity performed by him? Tell me that, O greatly wise one.
AI translation rendered from the Sanskrit, not a published edition
NsP 25.2
चतुर्थीदिवसे राजा स्नात्वा त्रिषवणं द्विज रक्ताम्बरधरो भूत्वा रक्तगन्धानुलेपनः
caturthīdivase rājā snātvā triṣavaṇaṃ dvija raktāmbaradharo bhūtvā raktagandhānulepanaḥ
On the day of the fourth (of the lunar fortnight), O twice-born, the king, having bathed at the three (daily) times, wearing red garments and anointed with red fragrant paste,
AI translation rendered from the Sanskrit, not a published edition
NsP 25.3
सुरक्तकुसुमैर् हृद्यैर् विनायकम् अथार्चयत् रक्तचन्दनतोयेन स्नानपूर्वं यथाविधि
suraktakusumair hṛdyair vināyakam athārcayat raktacandanatoyena snānapūrvaṃ yathāvidhi
then worshipped Vināyaka with pleasing, deep-red flowers, preceded by a bath with red sandal water, according to the prescribed rule.
AI translation rendered from the Sanskrit, not a published edition
NsP 25.4
विलिप्य रक्तगन्धेन रक्तपुष्पैः प्रपूजयत् ततो ऽसौ दत्तवान् धूपम् आज्ययुक्तं सचन्दनम् नैवेद्यं चैव हारिद्रं गुडखण्डघृतप्लुतम्
vilipya raktagandhena raktapuṣpaiḥ prapūjayat tato 'sau dattavān dhūpam ājyayuktaṃ sacandanam naivedyaṃ caiva hāridraṃ guḍakhaṇḍaghṛtaplutam
Having anointed (him) with red fragrant paste, he worshipped (him) with red flowers; then he offered incense mixed with clarified butter and sandal, and a yellow (turmeric-colored) food offering soaked in molasses, sugar-lumps and ghee.
AI translation rendered from the Sanskrit, not a published edition
NsP 25.6
महागणपतिं शूरम् अजितं ज्ञानवर्धनम् एकदन्तं द्विदन्तं च चतुर्दन्तं चतुर्भुजम्
mahāgaṇapatiṃ śūram ajitaṃ jñānavardhanam ekadantaṃ dvidantaṃ ca caturdantaṃ caturbhujam
(He praised) the great Gaṇapati, the hero, the unconquered, the increaser of knowledge, the one-tusked, the two-tusked, the four-tusked and four-armed,
AI translation rendered from the Sanskrit, not a published edition
NsP 25.7
त्र्यक्षं त्रिशूलहस्तं च रक्तनेत्रं वरप्रदम् आम्बिकेयं शूर्पकर्णं प्रचण्डं च विनायकम्
tryakṣaṃ triśūlahastaṃ ca raktanetraṃ varapradam āmbikeyaṃ śūrpakarṇaṃ pracaṇḍaṃ ca vināyakam
the three-eyed, holding a trident in his hand, red-eyed, granter of boons, the son of Ambikā, having ears like winnowing baskets, the fierce Vināyaka,
AI translation rendered from the Sanskrit, not a published edition
NsP 25.8
आरक्तं दण्डिनं चैवम् वह्निवक्त्रं हुतप्रियम् अनर्चितो विघ्नकरः सर्वकार्येषु यो नृणाम्
āraktaṃ daṇḍinaṃ caivam vahnivaktraṃ hutapriyam anarcito vighnakaraḥ sarvakāryeṣu yo nṛṇām
the reddish one, the staff-bearer, thus, the fire-faced, fond of oblations, who, when unworshipped, causes obstruction in all the undertakings of men —
AI translation rendered from the Sanskrit, not a published edition
NsP 25.9
तं नमामि गणाध्यक्षं भीमम् उग्रम् उमासुतम् मदमत्तं विरूपाक्षं भक्तविघ्ननिवारकम्
taṃ namāmi gaṇādhyakṣaṃ bhīmam ugram umāsutam madamattaṃ virūpākṣaṃ bhaktavighnanivārakam
to him I bow, the lord of the hosts, the terrible, the fierce, the son of Umā, intoxicated with rut, of misshapen eyes, the averter of obstacles for his devotees.
AI translation rendered from the Sanskrit, not a published edition
NsP 25.10
सूर्यकोटिप्रतीकाशं भिन्नाञ्जनसमप्रभम् बद्धं सुनिर्मलं शान्तं नमस्यामि विनायकम्
sūryakoṭipratīkāśaṃ bhinnāñjanasamaprabham baddhaṃ sunirmalaṃ śāntaṃ namasyāmi vināyakam
Resembling ten million suns, of a radiance like ground collyrium, bound (in yoga), utterly spotless, tranquil — I make obeisance to Vināyaka.
AI translation rendered from the Sanskrit, not a published edition
NsP 25.11
नमो ऽस्तु गजवक्त्राय गणानां पतये नमः मेरुमन्दररूपाय नमः कैलासवासिने
namo 'stu gajavaktrāya gaṇānāṃ pataye namaḥ merumandararūpāya namaḥ kailāsavāsine
Homage be to the elephant-faced one; homage to the lord of the hosts; homage to him whose form is Meru and Mandara; homage to the dweller on Kailāsa.
AI translation rendered from the Sanskrit, not a published edition
NsP 25.12
विरूपाय नमस् ते ऽस्तु नमस् ते ब्रह्मचारिणे भक्तस्तुताय देवाय नमस् तुभ्यं विनायक
virūpāya namas te 'stu namas te brahmacāriṇe bhaktastutāya devāya namas tubhyaṃ vināyaka
Homage be to you, the misshapen one; homage to you, the celibate; homage to you, O Vināyaka, the god praised by devotees.
AI translation rendered from the Sanskrit, not a published edition
NsP 25.13
त्वया पुराण पूर्वेषां देवानां कार्यसिद्धये गजरूपं समास्थाय त्रासिताः सर्वदानवाः
tvayā purāṇa pūrveṣāṃ devānāṃ kāryasiddhaye gajarūpaṃ samāsthāya trāsitāḥ sarvadānavāḥ
By you, O ancient one, for the accomplishment of the purpose of the gods of old, taking on the form of an elephant, all the Dānavas were terrified.
AI translation rendered from the Sanskrit, not a published edition
NsP 25.14
ऋषीणां देवतानां च नायकत्वं प्रकाशितम् यतस् ततः सुरैर् अग्रे पूज्यसे त्वं भवात्मज
ṛṣīṇāṃ devatānāṃ ca nāyakatvaṃ prakāśitam yatas tataḥ surair agre pūjyase tvaṃ bhavātmaja
And since (your) leadership over the sages and the deities was made manifest, therefore you are worshipped first by the gods, O son of Bhava.
AI translation rendered from the Sanskrit, not a published edition
NsP 25.15
त्वाम् आराध्य गणाध्यक्षं सर्वज्ञं कामरूपिणम् कार्यार्थं रक्तकुसुमै रक्तचन्दनवारिभिः
tvām ārādhya gaṇādhyakṣaṃ sarvajñaṃ kāmarūpiṇam kāryārthaṃ raktakusumai raktacandanavāribhiḥ
Having propitiated you, the lord of the hosts, the all-knowing, who takes what form he wishes, for the sake of one's purpose, with red flowers and with red sandal water —
AI translation rendered from the Sanskrit, not a published edition
NsP 25.16
रक्ताम्बरधरो भूत्वा चतुर्थ्याम् अर्चयेज् जपेत् त्रिकालं एककालं वा पूजयेन् नियताशनः
raktāmbaradharo bhūtvā caturthyām arcayej japet trikālaṃ ekakālaṃ vā pūjayen niyatāśanaḥ
wearing red garments, one should worship and recite (the mantra) on the fourth day; one should worship at the three times of day or at one time, eating restricted food.
AI translation rendered from the Sanskrit, not a published edition
NsP 25.17
राजानं राजपुत्रं वा राजमन्त्रिणम् एव वा राज्यं च सर्वविघ्नेश वशं कुर्यात् सराष्ट्रकम्
rājānaṃ rājaputraṃ vā rājamantriṇam eva vā rājyaṃ ca sarvavighneśa vaśaṃ kuryāt sarāṣṭrakam
O lord of all obstacles, (such a one) would bring under his control a king, or a king's son, or a king's minister, and a kingdom together with its realm.
AI translation rendered from the Sanskrit, not a published edition
NsP 25.18
अविघ्नं तपसो मह्यं कुरु नौमि विनायक मयेत्थं संस्तुतो भक्त्या पूजितश् च विशेषतः
avighnaṃ tapaso mahyaṃ kuru naumi vināyaka mayetthaṃ saṃstuto bhaktyā pūjitaś ca viśeṣataḥ
Make my austerity free of obstruction; I praise you, O Vināyaka. Thus praised by me with devotion, and worshipped especially—
AI translation rendered from the Sanskrit, not a published edition
NsP 25.19
यत् फलं सर्वतीर्थेषु सर्वयज्ञेषु यत् फलम् तत् फलं पूर्णम् आप्नोति स्तुत्वा देवं विनायकम्
yat phalaṃ sarvatīrtheṣu sarvayajñeṣu yat phalam tat phalaṃ pūrṇam āpnoti stutvā devaṃ vināyakam
Whatever fruit (is gained) at all the sacred fords, whatever fruit at all the sacrifices, that fruit he obtains in full, having praised the god Vināyaka.
AI translation rendered from the Sanskrit, not a published edition
NsP 25.20
विषमं न भवेत् तस्य न च गच्छेत् पराभवम् न च विघ्नो भवेत् तस्य जातो जातिस्मरो भवेत्
viṣamaṃ na bhavet tasya na ca gacchet parābhavam na ca vighno bhavet tasya jāto jātismaro bhavet
For him there will be no adversity, nor will he come to defeat, nor will any obstacle befall him; when born, he becomes one who remembers his (former) births.
AI translation rendered from the Sanskrit, not a published edition
NsP 25.21
य इदं पठते स्तोत्रं षड्भिर् मासैर् वरं लभेत् संवत्सरेण सिद्धिं च लभते नात्र संशयः
ya idaṃ paṭhate stotraṃ ṣaḍbhir māsair varaṃ labhet saṃvatsareṇa siddhiṃ ca labhate nātra saṃśayaḥ
Whoever recites this hymn will obtain a boon within six months, and within a year he obtains success — there is no doubt in this.
AI translation rendered from the Sanskrit, not a published edition
NsP 25.22
एवं स्तुत्वा पुरा राजा गणाध्यक्षं द्विजोत्तम तापसं वेषम् आस्थाय तपश् चर्तुम् गतो वनम्
evaṃ stutvā purā rājā gaṇādhyakṣaṃ dvijottama tāpasaṃ veṣam āsthāya tapaś cartum gato vanam
Having thus praised the lord of the hosts (Gaṇādhyakṣa), O best of brahmins, the king of old, assuming the garb of an ascetic, went to the forest to practise austerity.
AI translation rendered from the Sanskrit, not a published edition
NsP 25.23
उत्सृज्य वस्त्रं नागत्वक्सदृशं बहुमूल्यकम् कठिनां तु त्वचं वार्क्षीं कट्यां धत्ते नृपोत्तमः
utsṛjya vastraṃ nāgatvaksadṛśaṃ bahumūlyakam kaṭhināṃ tu tvacaṃ vārkṣīṃ kaṭyāṃ dhatte nṛpottamaḥ
Casting off his costly garment, which was like the skin of a snake, that best of kings wore on his loins a rough bark of a tree.
AI translation rendered from the Sanskrit, not a published edition
NsP 25.24
तथा रत्नानि दिव्यानि वलयानि निरस्य तु अक्षसूत्रम् अलंकारं फलैः पद्मस्य शोभनम्
tathā ratnāni divyāni valayāni nirasya tu akṣasūtram alaṃkāraṃ phalaiḥ padmasya śobhanam
Likewise, having cast aside his divine jewels and bracelets, (he took) as ornament a rosary, beautiful with the seeds of the lotus.
AI translation rendered from the Sanskrit, not a published edition
NsP 25.25
तथोत्तमाङ्गे मुकुटं रत्नहाटकशोभितम् त्यक्त्वा जटाकलापं तु तपोर्थे बिभृयान् नृपः
tathottamāṅge mukuṭaṃ ratnahāṭakaśobhitam tyaktvā jaṭākalāpaṃ tu taporthe bibhṛyān nṛpaḥ
Likewise, having given up the crown on his head, adorned with jewels and gold, the king would wear a mass of matted hair for the sake of austerity.
AI translation rendered from the Sanskrit, not a published edition
NsP 25.26
कृत्वेत्थं स तपोवेषं वसिष्ठोक्तं तपोवनम् प्रविश्य च तपस् तेपे शाकमूलफलाशनः
kṛtvetthaṃ sa tapoveṣaṃ vasiṣṭhoktaṃ tapovanam praviśya ca tapas tepe śākamūlaphalāśanaḥ
Having thus adopted the ascetic's garb, he entered the penance-grove told of by Vasiṣṭha and practised austerity, eating (only) vegetables, roots and fruit.
AI translation rendered from the Sanskrit, not a published edition
NsP 25.27
ग्रीष्मे पञ्चाग्निमध्यस्थो ऽतपत् काले महातपाः वर्षाकाले निरालम्बो हेमन्ते च सरोजले
grīṣme pañcāgnimadhyastho 'tapat kāle mahātapāḥ varṣākāle nirālambo hemante ca sarojale
In summer, that man of great austerity heated himself, standing in the midst of five fires at the (proper) time; in the rainy season without shelter, and in winter in water (up to?) the lotuses.
AI translation rendered from the Sanskrit, not a published edition — the model flagged this verse as uncertain
NsP 25.28
इन्द्रियाणि समस्तानि नियम्य हृदये पुनः मनो विष्णौ समावेश्य मन्त्रं वै द्वादशाक्षरम्
indriyāṇi samastāni niyamya hṛdaye punaḥ mano viṣṇau samāveśya mantraṃ vai dvādaśākṣaram
Having restrained all his senses in his heart, and further having fixed his mind on Viṣṇu, (he recited) the twelve-syllabled mantra.
AI translation rendered from the Sanskrit, not a published edition
NsP 25.29
जपतो वायुभक्षस्य तस्य राज्ञो महात्मनः आविर् बभूव भगवान् ब्रह्मा लोकपितामहः
japato vāyubhakṣasya tasya rājño mahātmanaḥ āvir babhūva bhagavān brahmā lokapitāmahaḥ
To that great-souled king, muttering (the mantra) and living on air, the lord Brahmā, grandfather of the worlds, became manifest.
AI translation rendered from the Sanskrit, not a published edition
NsP 25.30
तम् आगतम् अथालोक्य पद्मयोनिं चतुर्मुखम् प्रणम्य भक्तिभावेन स्तुत्या च पर्यतोषयत्
tam āgatam athālokya padmayoniṃ caturmukham praṇamya bhaktibhāvena stutyā ca paryatoṣayat
Then, seeing him come — the four-faced one born of the lotus — he bowed and with devout feeling pleased him fully with a hymn of praise.
AI translation rendered from the Sanskrit, not a published edition
NsP 25.31
नमो हिरण्यगर्भाय जगत्स्रष्ट्रे महात्मने वेदशास्त्रार्थविदुषे चतुर्वक्त्राय ते नमः
namo hiraṇyagarbhāya jagatsraṣṭre mahātmane vedaśāstrārthaviduṣe caturvaktrāya te namaḥ
Homage to Hiraṇyagarbha, the great-souled creator of the world; homage to you, the four-faced, who know the meaning of the Vedas and the treatises.
AI translation rendered from the Sanskrit, not a published edition
NsP 25.33
मुनीनाम् अपि सर्वेषां सदा मान्यो मनुः पिता कृतवन्तौ तपः पूर्वं तीव्रं पितृपितामहौ
munīnām api sarveṣāṃ sadā mānyo manuḥ pitā kṛtavantau tapaḥ pūrvaṃ tīvraṃ pitṛpitāmahau
Manu, the father, always to be honoured even by all the sages — (and) my father and grandfather — both performed severe austerity formerly.
AI translation rendered from the Sanskrit, not a published edition — the model flagged this verse as uncertain
NsP 25.34
किमर्थं राज्यभोगं तु त्यक्त्वा सर्वं नृपोत्तम तपः करोषि घोरं त्वं समाचक्ष्व महामते
kimarthaṃ rājyabhogaṃ tu tyaktvā sarvaṃ nṛpottama tapaḥ karoṣi ghoraṃ tvaṃ samācakṣva mahāmate
For what purpose, O best of kings, having abandoned all enjoyment of the kingdom, do you perform this terrible austerity? Tell (me), O you of great mind.
AI translation rendered from the Sanskrit, not a published edition
NsP 25.35
इत्युक्तो ब्रह्मणा राजा तं प्रणम्याब्रवीद् वचः दृष्टुम् इच्छंस् तपश्चर्याबलेन मधुसूदनम्
ityukto brahmaṇā rājā taṃ praṇamyābravīd vacaḥ dṛṣṭum icchaṃs tapaścaryābalena madhusūdanam
Thus addressed by Brahmā, the king bowed to him and spoke these words, wishing to see the slayer of Madhu by the power of his practice of austerity:
AI translation rendered from the Sanskrit, not a published edition
NsP 25.36
करोम्य् एवं तपो ब्रह्मन् शङ्खचक्रगदाधरम् इत्युक्तः प्राह राजानं पद्मजन्मा हसन्न् इव
karomy evaṃ tapo brahman śaṅkhacakragadādharam ityuktaḥ prāha rājānaṃ padmajanmā hasann iva
"I perform austerity thus, O Brahman, (to see) the bearer of the conch, discus and mace." Thus addressed, the lotus-born one spoke to the king, as if laughing:
AI translation rendered from the Sanskrit, not a published edition
NsP 25.37
न शक्यस् तपसा द्रष्टुं त्वया नारायणो विभुः मादृशैर् अपि नो दृश्यः केशवः क्लेशनाशनः
na śakyas tapasā draṣṭuṃ tvayā nārāyaṇo vibhuḥ mādṛśair api no dṛśyaḥ keśavaḥ kleśanāśanaḥ
"Nārāyaṇa, the all-pervading, cannot be seen by you through austerity; Keśava, the destroyer of afflictions, is not visible even to such as me.
AI translation rendered from the Sanskrit, not a published edition
NsP 25.38
पुरातनीं पुण्यकथां कथयामि निबोध मे निशान्ते प्रलये लोकान् निनीय कमलेक्षणः
purātanīṃ puṇyakathāṃ kathayāmi nibodha me niśānte pralaye lokān ninīya kamalekṣaṇaḥ
I shall tell an ancient, holy story; listen to me. At the end of the night, at the dissolution, the lotus-eyed one, having withdrawn the worlds,
AI translation rendered from the Sanskrit, not a published edition
NsP 25.39
अनन्तभोगशयने योगनिद्रां गतो हरिः सनन्दनाद्यैर् मुनिभिः स्तूयमानो महामते
anantabhogaśayane yoganidrāṃ gato hariḥ sanandanādyair munibhiḥ stūyamāno mahāmate
Hari went into yogic sleep on the couch of the endless serpent's coils, being praised by the sages Sanandana and the rest, O great-minded one.
AI translation rendered from the Sanskrit, not a published edition
NsP 25.40
तस्य सुप्तस्य नाभौ तु महत् पद्मम् अजायत तस्मिन् पद्मे शुभे राजन् जातो ऽहं वेदवित् पुरा
tasya suptasya nābhau tu mahat padmam ajāyata tasmin padme śubhe rājan jāto 'haṃ vedavit purā
And in the navel of him as he slept a great lotus arose; in that auspicious lotus, O king, I, the knower of the Veda, was born of old.
AI translation rendered from the Sanskrit, not a published edition
NsP 25.41
ततो भूत्वा त्व् अधोदृष्टिर् दृष्टवान् कमलेक्षणम् अनन्तभोगपर्यङ्के भिन्नाञ्जननिभं हरिम्
tato bhūtvā tv adhodṛṣṭir dṛṣṭavān kamalekṣaṇam anantabhogaparyaṅke bhinnāñjananibhaṃ harim
Then, casting my gaze downward, I saw the lotus-eyed Hari on the couch of Ananta's coils, dark as ground collyrium.
AI translation rendered from the Sanskrit, not a published edition
NsP 25.42
अतसीकुसुमाभासं शयानं पीतवाससम् दिव्यरत्नविचित्राङ्गं मुकुटेन विराजितम्
atasīkusumābhāsaṃ śayānaṃ pītavāsasam divyaratnavicitrāṅgaṃ mukuṭena virājitam
(I saw him) with the sheen of a flax blossom, lying down, clad in yellow, his limbs variegated with divine jewels, resplendent with a diadem.
AI translation rendered from the Sanskrit, not a published edition
NsP 25.43
कुन्देन्दुसदृशाकारम् अनन्तं च महामते सहस्रफणमध्यस्थैर् मणिभिर् दीप्तिमत्तरम्
kundendusadṛśākāram anantaṃ ca mahāmate sahasraphaṇamadhyasthair maṇibhir dīptimattaram
And (I saw) Ananta, whose form resembled jasmine and the moon, O greatly wise one, made all the more brilliant by the gems set in the midst of his thousand hoods.
AI translation rendered from the Sanskrit, not a published edition
NsP 25.44
क्षणमात्रं तु तं दृष्ट्वा पुनस् तत्र न दृष्टवान् दुःखेन महताविष्टो बभूवाहं नृपोत्तम
kṣaṇamātraṃ tu taṃ dṛṣṭvā punas tatra na dṛṣṭavān duḥkhena mahatāviṣṭo babhūvāhaṃ nṛpottama
But having seen him for only a moment, I did not see (him) there again; overcome with great grief I became (miserable), O best of kings.
AI translation rendered from the Sanskrit, not a published edition
NsP 25.45
ततो न्व् अवातरं तस्मात् पद्मनालं समाश्रितः कौतूहलेन तं द्रष्टुं नारायणम् अनामयम्
tato nv avātaraṃ tasmāt padmanālaṃ samāśritaḥ kautūhalena taṃ draṣṭuṃ nārāyaṇam anāmayam
Then I descended from there, clinging to the lotus stalk, out of eagerness to see that Nārāyaṇa, the flawless one.
AI translation rendered from the Sanskrit, not a published edition
NsP 25.46
ततस् त्व् अन्विष्य राजेन्द्र सलिलान्ते न दृष्टवान् श्रीशं पुनस् तम् एवाहं पद्मम् आश्रित्य चिन्तयन्
tatas tv anviṣya rājendra salilānte na dṛṣṭavān śrīśaṃ punas tam evāhaṃ padmam āśritya cintayan
Then, having searched, O lord of kings, I did not see Śrī's lord at the water's end; so again, resorting to that very lotus, reflecting,
AI translation rendered from the Sanskrit, not a published edition
NsP 25.47
तद् रूपं वासुदेवस्य द्रष्टुं तेपे महत् तपः ततो माम् अन्तरिक्षस्था वाग् उवाचाशरीरिणी
tad rūpaṃ vāsudevasya draṣṭuṃ tepe mahat tapaḥ tato mām antarikṣasthā vāg uvācāśarīriṇī
I performed great austerity in order to see that form of Vāsudeva. Then a bodiless voice, standing in the air, spoke to me:
AI translation rendered from the Sanskrit, not a published edition
NsP 25.48
वृथा किं क्लिश्यते ब्रह्मन् सांप्रतं कुरु मे वचः न दृश्यो भगवान् विष्णुस् तपसा महतापि ते
vṛthā kiṃ kliśyate brahman sāṃprataṃ kuru me vacaḥ na dṛśyo bhagavān viṣṇus tapasā mahatāpi te
"Why do you trouble yourself in vain, O brahman? Now do as I say. The Lord Viṣṇu is not to be seen by you, even by great austerity.
AI translation rendered from the Sanskrit, not a published edition
NsP 25.49
सृष्टिं कुरु तदाज्ञप्तो यदि द्रष्टुम् इहेच्छसि शुद्धस्फटिकसंकाशनागपर्यङ्कशायिनम्
sṛṣṭiṃ kuru tadājñapto yadi draṣṭum ihecchasi śuddhasphaṭikasaṃkāśanāgaparyaṅkaśāyinam
Carry out creation, being commanded to that, if you wish to see here (him) who lies on the serpent-couch resembling pure crystal —
AI translation rendered from the Sanskrit, not a published edition
NsP 25.50
यद् दृष्टं शार्ङ्गिणो रूपं भिन्नाञ्जनसमप्रभम् प्रतिभानियतं रूपं विमानस्थं महामते
yad dṛṣṭaṃ śārṅgiṇo rūpaṃ bhinnāñjanasamaprabham pratibhāniyataṃ rūpaṃ vimānasthaṃ mahāmate
that form of the bearer of the bow which you saw, with the radiance of ground collyrium: worship constantly, without sloth, an image-form fixed (in likeness to it), set in a shrine, O greatly wise one;
AI translation rendered from the Sanskrit, not a published edition — the model flagged this verse as uncertain
NsP 25.51
भज नित्यम् अनालस्यस् ततो द्रक्ष्यसि माधवम् तयेत्थं चोदितो राजंस् त्यक्त्वा तप्तम् अनुक्षणम्
bhaja nityam anālasyas tato drakṣyasi mādhavam tayetthaṃ codito rājaṃs tyaktvā taptam anukṣaṇam
then you shall see Mādhava." Thus urged by her, O king, abandoning the austerity he had practised moment by moment,
AI translation rendered from the Sanskrit, not a published edition
NsP 25.52
सृष्टवान् लोकभूतानां सृष्टिं सृष्ट्वा स्थितस्य च आविर् बभूव मनसि विश्वकर्मा प्रजापतिः
sṛṣṭavān lokabhūtānāṃ sṛṣṭiṃ sṛṣṭvā sthitasya ca āvir babhūva manasi viśvakarmā prajāpatiḥ
he created the creation of the world's beings; and while he stood after creating, Viśvakarman the Prajāpati appeared in his mind.
AI translation rendered from the Sanskrit, not a published edition
NsP 25.53
अनन्तकृष्णयोस् तेन द्वे रूपे निर्मिते शुभे विमानस्थो यथापूर्वं मया दृष्टो जले नृप
anantakṛṣṇayos tena dve rūpe nirmite śubhe vimānastho yathāpūrvaṃ mayā dṛṣṭo jale nṛpa
By him were fashioned two auspicious images, of Ananta and of Kṛṣṇa; set in the shrine, as before, he was seen by me in the water, O king.
AI translation rendered from the Sanskrit, not a published edition
NsP 25.54
तथैव तं ततो भक्त्या संपूज्याहं हरिं स्थितः तत्प्रसादात् तपः श्रेष्ठं मया ज्ञानम् अनुत्तमम्
tathaiva taṃ tato bhaktyā saṃpūjyāhaṃ hariṃ sthitaḥ tatprasādāt tapaḥ śreṣṭhaṃ mayā jñānam anuttamam
So then, having duly worshipped that Hari with devotion, I remained (there); by his grace the highest austerity and unsurpassed knowledge (were attained) by me,
AI translation rendered from the Sanskrit, not a published edition
NsP 25.55
लब्ध्वा मुक्तिं च पश्यामि अविकारक्रियासुखम् तद् अहं ते प्रवक्ष्यामि हितं नृपवरेश्वर
labdhvā muktiṃ ca paśyāmi avikārakriyāsukham tad ahaṃ te pravakṣyāmi hitaṃ nṛpavareśvara
and having attained release I behold the bliss that is without change and without action. That beneficial (teaching) I shall declare to you, O lord of the best of kings.
AI translation rendered from the Sanskrit, not a published edition
NsP 25.56
विसृज्यैतत् तपो घोरं पुरीं व्रज निजां नृप प्रजानां पालनं धर्मस् तपश् चैव महीभृताम्
visṛjyaitat tapo ghoraṃ purīṃ vraja nijāṃ nṛpa prajānāṃ pālanaṃ dharmas tapaś caiva mahībhṛtām
Give up this fearsome austerity and go to your own city, O king; the protection of subjects is the duty and the very austerity of rulers of the earth.
AI translation rendered from the Sanskrit, not a published edition
NsP 25.57
विमानं प्रेषयिष्यामि सिद्धद्विजगणान्वितम् तत्राराधय देवेशं बाह्यार्थैर् अखिलैः शुभैः
vimānaṃ preṣayiṣyāmi siddhadvijagaṇānvitam tatrārādhaya deveśaṃ bāhyārthair akhilaiḥ śubhaiḥ
I shall send a shrine (temple-car) attended by hosts of siddhas and brahmans; there worship the lord of gods with all auspicious external offerings —
AI translation rendered from the Sanskrit, not a published edition — the model flagged this verse as uncertain
NsP 25.58
नारायणम् अनन्ताख्ये शयानं क्रतुभिर् यजन् निष्कामो नृपशार्दूल प्रजा धर्मेण पालय
nārāyaṇam anantākhye śayānaṃ kratubhir yajan niṣkāmo nṛpaśārdūla prajā dharmeṇa pālaya
Nārāyaṇa, lying upon the one named Ananta — sacrificing to him with rites, free of desire, O tiger among kings, protect your subjects with righteousness.
AI translation rendered from the Sanskrit, not a published edition
NsP 25.59
प्रसादाद् वासुदेवस्य मुक्तिस् ते भविता नृप इत्य् उक्त्वा तं जगामाथ ब्रह्मलोकं पितामहः
prasādād vāsudevasya muktis te bhavitā nṛpa ity uktvā taṃ jagāmātha brahmalokaṃ pitāmahaḥ
By the grace of Vāsudeva release shall be yours, O king." Having spoken thus to him, the Grandfather then went to the world of Brahmā.
AI translation rendered from the Sanskrit, not a published edition
NsP 25.60
इक्ष्वाकुश् चिन्तयन्न् आस्ते पद्मयोनिवचो द्विज आविर् बभूव पुरतो विमानं तन् महीभृतः
ikṣvākuś cintayann āste padmayonivaco dvija āvir babhūva purato vimānaṃ tan mahībhṛtaḥ
Ikṣvāku remained pondering the words of the lotus-born, O twice-born; and that shrine appeared before the king,
AI translation rendered from the Sanskrit, not a published edition
NsP 25.61
ब्रह्मदत्तं द्विजयुतं माधवानन्तयोः शुभम् तं दृष्ट्वा परया भक्त्या नत्वा च पुरुषोत्तमम्
brahmadattaṃ dvijayutaṃ mādhavānantayoḥ śubham taṃ dṛṣṭvā parayā bhaktyā natvā ca puruṣottamam
(That celestial car was) given by Brahmā, attended by brahmins, auspicious, (belonging) to Mādhava and Ananta; seeing it, and bowing with supreme devotion to Puruṣottama,
AI translation rendered from the Sanskrit, not a published edition — the model flagged this verse as uncertain
NsP 25.62
ऋषीन् प्रणम्य विप्रांश् च तद् आदाय ययौ पुरीम् पौरैर् जनैश् च नारीभिर् दृष्टः शोभासमन्वितैः
ṛṣīn praṇamya viprāṃś ca tad ādāya yayau purīm paurair janaiś ca nārībhir dṛṣṭaḥ śobhāsamanvitaiḥ
and saluting the seers and the brahmins, he took it and went to the city, gazed upon by the townsmen and by the people and by the women, all adorned with splendour.
AI translation rendered from the Sanskrit, not a published edition
NsP 25.63
लाजा विनिक्षिपद्भिश् च नीतो राजा स्वकं गृहम् स्वमन्दिरे विशाले तु विमानं वैष्णवं शुभम्
lājā vinikṣipadbhiś ca nīto rājā svakaṃ gṛham svamandire viśāle tu vimānaṃ vaiṣṇavaṃ śubham
And by those scattering parched grain the king was conducted to his own house; and in his own spacious palace (he set) the auspicious Vaiṣṇava celestial car,
AI translation rendered from the Sanskrit, not a published edition
NsP 25.64
संस्थाप्याराधयाम्_अस तैर् द्विजैर् अर्चितं हरिम् महिष्यः शोभना यास् तु पिष्ट्वा तु हरिचन्दनम्
saṃsthāpyārādhayām_asa tair dvijair arcitaṃ harim mahiṣyaḥ śobhanā yās tu piṣṭvā tu haricandanam
and having installed (it) he worshipped Hari, who had been honoured by those brahmins; and the lovely queens, grinding yellow sandalwood,
AI translation rendered from the Sanskrit, not a published edition
NsP 25.65
मालां कृत्वा सुगन्धाढ्यां प्रीतिस् तस्य ववर्ध ह पौराः कर्पूरं श्रीखण्डं कुङ्कुमाद्य् अगुरुं तथा
mālāṃ kṛtvā sugandhāḍhyāṃ prītis tasya vavardha ha paurāḥ karpūraṃ śrīkhaṇḍaṃ kuṅkumādy aguruṃ tathā
and making a garland rich in fragrance — his delight grew. The townsmen (brought) camphor, sandal paste, saffron and the like, and aguru,
AI translation rendered from the Sanskrit, not a published edition
NsP 25.66
कृत्स्नं विशेषतो वस्त्रं महिषाख्यं च गुग्गुलम् पुष्पाणि विष्णुयोग्यानि ददुर् आनीय भूपतेः
kṛtsnaṃ viśeṣato vastraṃ mahiṣākhyaṃ ca guggulam puṣpāṇi viṣṇuyogyāni dadur ānīya bhūpateḥ
and cloth entire, of special quality, and the guggulu called mahiṣa, and flowers fit for Viṣṇu — these they brought and gave to the king.
AI translation rendered from the Sanskrit, not a published edition
NsP 25.67
विमानस्थं हरिं पूज्य गन्धपुष्पादिभिः क्रमात् त्रिसंध्यं परया भक्त्या जपैः स्तोत्रैश् च वैष्णवैः
vimānasthaṃ hariṃ pūjya gandhapuṣpādibhiḥ kramāt trisaṃdhyaṃ parayā bhaktyā japaiḥ stotraiś ca vaiṣṇavaiḥ
Worshipping Hari, who stood in the celestial car, with perfumes, flowers and the rest in due order, at the three junctures of the day, with supreme devotion, with mutterings of prayer and with Vaiṣṇava hymns,
AI translation rendered from the Sanskrit, not a published edition
NsP 25.68
गीतैः कोलाहलैः शब्दैः शङ्खवादित्रनादितैः प्रेक्षणैर् अपि शास्त्रोक्तैः प्रीतैश् च निशि जागरैः
gītaiḥ kolāhalaiḥ śabdaiḥ śaṅkhavāditranāditaiḥ prekṣaṇair api śāstroktaiḥ prītaiś ca niśi jāgaraiḥ
with songs, with clamorous sounds, with the blaring of conches and instruments, and with the spectacles prescribed in the treatises, and with delighted night-long vigils,
AI translation rendered from the Sanskrit, not a published edition
NsP 25.69
कारयाम्_अस सुचिरम् उत्सवं परमं हरेः यागैश् च तोषयित्वा तं सर्वदेवमयं हरिम्
kārayām_asa suciram utsavaṃ paramaṃ hareḥ yāgaiś ca toṣayitvā taṃ sarvadevamayaṃ harim
he had a supreme festival of Hari performed for a long time; and having pleased with sacrifices that Hari who comprises all the gods,
AI translation rendered from the Sanskrit, not a published edition
NsP 25.70
निष्कामो दानधर्मैश् च परं ज्ञानम् अवाप्तवान् यजन् यज्ञं महीं रक्षन् स कुर्वन् केशवार्चनम्
niṣkāmo dānadharmaiś ca paraṃ jñānam avāptavān yajan yajñaṃ mahīṃ rakṣan sa kurvan keśavārcanam
free of desire, and by acts of giving, he obtained the highest knowledge. Offering sacrifice, protecting the earth, performing the worship of Keśava,
AI translation rendered from the Sanskrit, not a published edition
NsP 25.71
उत्पाद्य पुत्रान् पित्रर्थं ध्यानात् त्यक्त्वा कलेवरम् ध्यायन् वै केवलं ब्रह्म प्राप्तवान् वैष्णवं पदम्
utpādya putrān pitrarthaṃ dhyānāt tyaktvā kalevaram dhyāyan vai kevalaṃ brahma prāptavān vaiṣṇavaṃ padam
and having begotten sons for the sake of the ancestors, he abandoned the body through meditation, and meditating on the absolute Brahman alone he attained the station of Viṣṇu.
AI translation rendered from the Sanskrit, not a published edition
NsP 25.72
अजं विशोकं विमलं विशुद्धं शान्तं सदानन्दचिदात्मकं ततः विहाय संसारम् अनन्तदुःखं जगाम तद् विष्णुपदं हि राजा
ajaṃ viśokaṃ vimalaṃ viśuddhaṃ śāntaṃ sadānandacidātmakaṃ tataḥ vihāya saṃsāram anantaduḥkhaṃ jagāma tad viṣṇupadaṃ hi rājā
Then, leaving behind transmigratory existence with its endless suffering, the king went indeed to that station of Viṣṇu, which is unborn, free of grief, spotless, wholly pure, tranquil, whose nature is eternal bliss and consciousness.
AI translation rendered from the Sanskrit, not a published edition