Narasimha Purana — Chapter 24
NsP 24.1
अतः परं प्रवक्ष्यामि वंशानुचरितं शुभम् शृण्वताम् अपि पापघ्नं सूर्यसोमनृपात्मकम्
ataḥ paraṃ pravakṣyāmi vaṃśānucaritaṃ śubham śṛṇvatām api pāpaghnaṃ sūryasomanṛpātmakam
Next I shall proclaim the auspicious deeds of the dynasties, destroying the sins even of those who hear it, consisting of the kings of the solar and lunar lines.
AI translation rendered from the Sanskrit, not a published edition
NsP 24.2
सूर्यवंशोद्भवो यो वै मनुपुत्रः पुरोदितः इक्ष्वाकुर् नाम भूपालश् चरितं तस्य मे शृणु
sūryavaṃśodbhavo yo vai manuputraḥ puroditaḥ ikṣvākur nāma bhūpālaś caritaṃ tasya me śṛṇu
He who was born in the solar line, the son of Manu spoken of before, the king named Ikṣvāku—hear from me his deeds.
AI translation rendered from the Sanskrit, not a published edition
NsP 24.3
आसीद् भूमौ महाभाग पुरी दिव्या सुशोभना सरयूतीरम् आसाद्य अयोध्या नाम नामतः
āsīd bhūmau mahābhāga purī divyā suśobhanā sarayūtīram āsādya ayodhyā nāma nāmataḥ
There was on earth, O greatly fortunate one, a divine and most beautiful city, situated on the bank of the Sarayū, Ayodhyā by name.
AI translation rendered from the Sanskrit, not a published edition
NsP 24.4
अमरावत्यतिशया त्रिंशद्योजनजालिनी हस्त्यश्वरथपत्त्योघैर् द्रुमैः कल्पद्रुमप्रभैः
amarāvatyatiśayā triṃśadyojanajālinī hastyaśvarathapattyoghair drumaiḥ kalpadrumaprabhaiḥ
(It) surpassed Amarāvatī, spread over thirty yojanas, (thronged) with masses of elephants, horses, chariots and foot-soldiers, and with trees shining like the wish-granting trees.
AI translation rendered from the Sanskrit, not a published edition
NsP 24.5
प्राकाराट्टप्रतोलीभिस् तोरणैः काञ्चनप्रभैः विराजमाना सर्वत्र सुविभक्तचतुष्पथा
prākārāṭṭapratolībhis toraṇaiḥ kāñcanaprabhaiḥ virājamānā sarvatra suvibhaktacatuṣpathā
It shone everywhere with ramparts, watchtowers and broad streets, and with archways gleaming like gold, and its crossroads were well laid out.
AI translation rendered from the Sanskrit, not a published edition
NsP 24.6
अनेकभूमिप्रासादा बहुभाण्डसुविक्रया पद्मोत्पलशुभैस् तोयैर् वापीभिर् उपशोभिता
anekabhūmiprāsādā bahubhāṇḍasuvikrayā padmotpalaśubhais toyair vāpībhir upaśobhitā
It had many-storeyed palaces and a fine trade in many kinds of wares, and was adorned with step-wells whose waters were lovely with lotuses and water-lilies.
AI translation rendered from the Sanskrit, not a published edition
NsP 24.7
देवतायतनैर् दिव्यैर् वेदघोषैश् च शोभिता वीणावेणुमृदङ्गैश् च शब्दैर् उत्कृष्टकैर् युता
devatāyatanair divyair vedaghoṣaiś ca śobhitā vīṇāveṇumṛdaṅgaiś ca śabdair utkṛṣṭakair yutā
It was made beautiful by divine temples and by the sound of Vedic recitation, and was filled with the lofty sounds of lutes, flutes and drums.
AI translation rendered from the Sanskrit, not a published edition
NsP 24.8
शालैस् तालैर् नालिकेरैः पनसामलजम्बुकैः तथैवाम्रकपित्थाद्यैर् अशोकैर् उपशोभिता
śālais tālair nālikeraiḥ panasāmalajambukaiḥ tathaivāmrakapitthādyair aśokair upaśobhitā
It was adorned with sāl trees, palms, coconut palms, jackfruit, myrobalan and rose-apple trees, and likewise with mango, wood-apple and the rest, and with aśoka trees.
AI translation rendered from the Sanskrit, not a published edition
NsP 24.9
आरामैर् विविधैर् युक्ता सर्वत्र फलपादपैः मल्लिकामालतीजातिपाटलानागचम्पकः
ārāmair vividhair yuktā sarvatra phalapādapaiḥ mallikāmālatījātipāṭalānāgacampakaḥ
It was furnished with various pleasure-gardens and everywhere with fruit trees—with jasmine, mālatī, jāti-jasmine, trumpet-flower, nāga and campaka.
AI translation rendered from the Sanskrit, not a published edition
NsP 24.10
करवीरैः कर्णिकारैः केतकीभिर् अलंकृता कदलीलवलीजातिमातुलुङ्गमहाफलैः क्वचिच् चन्दनगन्धाद्यैर् नारङ्गैश् च सुशोभिता
karavīraiḥ karṇikāraiḥ ketakībhir alaṃkṛtā kadalīlavalījātimātuluṅgamahāphalaiḥ kvacic candanagandhādyair nāraṅgaiś ca suśobhitā
It was ornamented with oleanders, karṇikāras and ketakīs, and beautified with plantains, lavalī, jāti, citron and great-fruited trees, in places with sandal-scented (trees) and the like, and with oranges.
AI translation rendered from the Sanskrit, not a published edition
NsP 24.11
नित्योत्सवप्रमुदिता गीतवाद्यविचक्षणैः नरनारीभिर् आढ्याभी रूपद्रविणप्रेक्षणैः
nityotsavapramuditā gītavādyavicakṣaṇaiḥ naranārībhir āḍhyābhī rūpadraviṇaprekṣaṇaiḥ
It was gladdened by constant festivals, (and filled) with men and women rich (in ornament) and skilled in song and instrumental music, who were spectacles of beauty and wealth.
AI translation rendered from the Sanskrit, not a published edition — the model flagged this verse as uncertain
NsP 24.12
नानाजनपदाकीर्णा पताकाध्वजशोभिता देवतुल्यप्रभायुक्तैर् नृपपुत्रैश् च संयुता
nānājanapadākīrṇā patākādhvajaśobhitā devatulyaprabhāyuktair nṛpaputraiś ca saṃyutā
It was thronged by people from many regions, adorned with banners and flags, and endowed with princes possessing a splendour equal to the gods'.
AI translation rendered from the Sanskrit, not a published edition
NsP 24.13
सरूपाभिर् वरस्त्रीभिर् देवस्त्रीभिर् इवावृता विप्रैः सत्कविभिर् युक्ता बृहस्पतिसमप्रभैः
sarūpābhir varastrībhir devastrībhir ivāvṛtā vipraiḥ satkavibhir yuktā bṛhaspatisamaprabhaiḥ
It was crowded with lovely, excellent women as if with the women of the gods, and furnished with brahmins and good poets whose brilliance equalled Bṛhaspati's.
AI translation rendered from the Sanskrit, not a published edition
NsP 24.14
वणिग्जनैस् तथा पौरैः कल्पवृक्षवरैर् युता अश्वैर् उच्चैःश्रवस्तुल्यैर् दन्तिभिर् दिग्गजैर् इव
vaṇigjanais tathā pauraiḥ kalpavṛkṣavarair yutā aśvair uccaiḥśravastulyair dantibhir diggajair iva
So too with merchants and townsfolk, it was endowed with the best of wish-granting trees, with horses like Uccaiḥśravas and with tusked elephants like the elephants of the quarters.
AI translation rendered from the Sanskrit, not a published edition
NsP 24.15
इति नानाविधैर् भावैर् अयोध्येन्द्रपुरीसमा तां दृष्ट्वा नारदः श्लोकं सभामध्ये पुरोक्तवान्
iti nānāvidhair bhāvair ayodhyendrapurīsamā tāṃ dṛṣṭvā nāradaḥ ślokaṃ sabhāmadhye puroktavān
Thus, in its manifold aspects, Ayodhyā was the equal of Indra's city; seeing it, Nārada formerly spoke a verse in the midst of the assembly:
AI translation rendered from the Sanskrit, not a published edition
NsP 24.16
स्वर्गं वै सृजमानस्य व्यर्थं स्यात् पद्मजन्मनः जातायोध्याधिका स्वर्गात् कामभोगसमन्विता
svargaṃ vai sṛjamānasya vyarthaṃ syāt padmajanmanaḥ jātāyodhyādhikā svargāt kāmabhogasamanvitā
"Indeed the lotus-born one's creating of heaven would be pointless: Ayodhyā has come into being, greater than heaven, provided with the enjoyment of every desire."
AI translation rendered from the Sanskrit, not a published edition
NsP 24.17
ताम् आवसद् अयोध्यां तु स्वभिषिक्तो महीपतिः जितवान् सर्वभूपालान् धर्मेण स महाबलः
tām āvasad ayodhyāṃ tu svabhiṣikto mahīpatiḥ jitavān sarvabhūpālān dharmeṇa sa mahābalaḥ
And the lord of the earth, duly consecrated, dwelt in that Ayodhyā; that mighty one conquered all the kings of the earth by righteous means.
AI translation rendered from the Sanskrit, not a published edition
NsP 24.18
माणिक्यमुकुटैर् युक्तै राजभिर् मण्डलाधिपैः नमद्भिर् भक्तिभीतिभ्यां पादौ तस्य किणीकृतौ
māṇikyamukuṭair yuktai rājabhir maṇḍalādhipaiḥ namadbhir bhaktibhītibhyāṃ pādau tasya kiṇīkṛtau
His two feet were made callused by the kings, rulers of provinces, wearing ruby crowns, bowing down out of devotion and fear.
AI translation rendered from the Sanskrit, not a published edition
NsP 24.19
इक्ष्वाकुर् अक्षतबलः सर्वशास्त्रविशारदः तेजसेन्द्रेण सदृशो मनोः सूनुः प्रतापवन्
ikṣvākur akṣatabalaḥ sarvaśāstraviśāradaḥ tejasendreṇa sadṛśo manoḥ sūnuḥ pratāpavan
Ikṣvāku, of unbroken strength, skilled in all the sciences, in energy like Indra, was the majestic son of Manu.
AI translation rendered from the Sanskrit, not a published edition
NsP 24.20
धर्मतो न्यायतश् चैव वेदज्ञैर् ब्राह्मणैर् युतः पालयाम्_अस धर्मात्मा आसमुद्रां महीम् इमाम्
dharmato nyāyataś caiva vedajñair brāhmaṇair yutaḥ pālayām_asa dharmātmā āsamudrāṃ mahīm imām
Righteously and justly, accompanied by brahmins who knew the Vedas, that righteous-souled one protected this earth up to the ocean.
AI translation rendered from the Sanskrit, not a published edition
NsP 24.21
अस्त्रैर् जिगाय सकलान् संयुगे भूपतीन् बली अवजित्य सुतीक्ष्णैस् तु तन्मण्डलम् अथाहरत्
astrair jigāya sakalān saṃyuge bhūpatīn balī avajitya sutīkṣṇais tu tanmaṇḍalam athāharat
The strong one conquered all the kings of the earth in battle with his weapons, and having vanquished (them) with very sharp (arrows) he then took away their territory.
AI translation rendered from the Sanskrit, not a published edition
NsP 24.22
जितवान् परलोकांश् च क्रतुभिर् भूरिदक्षिणैः दानैश् च विविधैर् ब्रह्मन् राजेक्ष्वाकुः प्रतापवान्
jitavān paralokāṃś ca kratubhir bhūridakṣiṇaiḥ dānaiś ca vividhair brahman rājekṣvākuḥ pratāpavān
And, O brahmin, the majestic king Ikṣvāku won the other worlds too, by sacrifices with abundant priestly fees and by gifts of many kinds.
AI translation rendered from the Sanskrit, not a published edition
NsP 24.23
बाहुद्वयेन वसुधां जिह्वाग्रेण सरस्वतीम् बभार पद्माम् उरसा भक्तिं चित्तेन माधवे
bāhudvayena vasudhāṃ jihvāgreṇa sarasvatīm babhāra padmām urasā bhaktiṃ cittena mādhave
With his two arms he bore the earth, with the tip of his tongue Sarasvatī, upon his chest Padmā, and in his mind devotion to Mādhava.
AI translation rendered from the Sanskrit, not a published edition
NsP 24.24
संतिष्ठतो हरे रूपम् उपविष्टं च माधवम् शयानम् अप्य् अनन्तं तु कारयित्वा पटे ऽमलम्
saṃtiṣṭhato hare rūpam upaviṣṭaṃ ca mādhavam śayānam apy anantaṃ tu kārayitvā paṭe 'malam
Having had (painted) on a spotless cloth the form of Hari standing, and Mādhava seated, and also the Endless One (Ananta) reclining —
AI translation rendered from the Sanskrit, not a published edition
NsP 24.25
त्रिकालं त्रयम् आराध्य रूपं विष्णोर् महात्मनः गन्धपुष्पादिभिर् नित्यं रेमे दृष्ट्वा पटे हरिम्
trikālaṃ trayam ārādhya rūpaṃ viṣṇor mahātmanaḥ gandhapuṣpādibhir nityaṃ reme dṛṣṭvā paṭe harim
Worshipping at the three times of day the threefold form of Viṣṇu, the great-souled, constantly with perfumes, flowers and the rest, he took delight in gazing at Hari on the cloth.
AI translation rendered from the Sanskrit, not a published edition
NsP 24.26
कृष्णं तं कृष्णमेघाभं भुजगेन्द्रनिवासिनम् पद्माक्षं पीतवासं च स्वप्नेष्व् अपि स दृष्टवान्
kṛṣṇaṃ taṃ kṛṣṇameghābhaṃ bhujagendranivāsinam padmākṣaṃ pītavāsaṃ ca svapneṣv api sa dṛṣṭavān
That Kṛṣṇa, dark as a black cloud, resting upon the lord of serpents, lotus-eyed and clad in yellow, he saw even in his dreams.
AI translation rendered from the Sanskrit, not a published edition
NsP 24.27
चकार मेघे तद्वर्णे बहुमानमतिं नृपः पक्षपातं च तन्नाम्नि मृगे पद्मे च तादृशे
cakāra meghe tadvarṇe bahumānamatiṃ nṛpaḥ pakṣapātaṃ ca tannāmni mṛge padme ca tādṛśe
The king came to hold in high esteem a cloud of that colour, and had a partiality for the deer that bears that name (the kṛṣṇasāra) and for a lotus of such (a hue).
AI translation rendered from the Sanskrit, not a published edition
NsP 24.28
दिव्याकृतिं हरेः साक्षाद् द्रष्टुं तस्य महीभृतः अतीव तृष्णा संजाता अपूर्वैव हि सत्तम
divyākṛtiṃ hareḥ sākṣād draṣṭuṃ tasya mahībhṛtaḥ atīva tṛṣṇā saṃjātā apūrvaiva hi sattama
In that ruler of the earth there arose an exceedingly great thirst to behold directly the divine form of Hari — a thing without precedent, O best of beings.
AI translation rendered from the Sanskrit, not a published edition
NsP 24.29
तृष्णायां तु प्रबुद्धायां मनसैव हि पार्थिवः चिन्तयाम्_अस मतिमान् राज्यभोगम् असारवत्
tṛṣṇāyāṃ tu prabuddhāyāṃ manasaiva hi pārthivaḥ cintayām_asa matimān rājyabhogam asāravat
And when that thirst had awakened, the intelligent king reflected in his very mind that the enjoyment of kingship was without substance.
AI translation rendered from the Sanskrit, not a published edition
NsP 24.30
वेश्मदारसुतक्षेत्रं संयस्तं येन दुःखदम् वैराग्यज्ञानपूर्वेण लोके ऽस्मिन् नास्ति तत्समः
veśmadārasutakṣetraṃ saṃyastaṃ yena duḥkhadam vairāgyajñānapūrveṇa loke 'smin nāsti tatsamaḥ
He by whom house, wife, sons and land — which give pain — have been renounced, with dispassion and knowledge going before, has no equal in this world.
AI translation rendered from the Sanskrit, not a published edition
NsP 24.31
इत्य् एवं चिन्तयित्वा तु तपस्य् आसक्तचेतनः वसिष्ठं परिपप्रच्छ तत्रोपायं पुरोहितम्
ity evaṃ cintayitvā tu tapasy āsaktacetanaḥ vasiṣṭhaṃ paripapraccha tatropāyaṃ purohitam
Having reflected thus, his mind attached to austerity, he asked Vasiṣṭha, the family priest, about the means to that.
AI translation rendered from the Sanskrit, not a published edition
NsP 24.32
तपोबलेन देवेशं नारायणम् अजं मुने द्रष्टुम् इच्छाम्य् अहं तत्र उपायं तं वदस्व मे
tapobalena deveśaṃ nārāyaṇam ajaṃ mune draṣṭum icchāmy ahaṃ tatra upāyaṃ taṃ vadasva me
"By the power of austerity, O sage, I wish to see the lord of gods, the unborn Nārāyaṇa; tell me the means to that."
AI translation rendered from the Sanskrit, not a published edition
NsP 24.33
इत्युक्तः प्राह राजानां तपस्य् आसक्तमानसम् वसिष्ठः सर्वधर्मज्ञः सदा तस्य हिते रतः
ityuktaḥ prāha rājānāṃ tapasy āsaktamānasam vasiṣṭhaḥ sarvadharmajñaḥ sadā tasya hite rataḥ
Thus addressed, Vasiṣṭha, knower of all duty, ever devoted to his welfare, spoke to the king whose mind was set on austerity:
AI translation rendered from the Sanskrit, not a published edition
NsP 24.34
यदीच्छसि महाराज द्रष्टुं नारायणं परम् तपसा सुकृतेनेह आराधय जनार्दनम्
yadīcchasi mahārāja draṣṭuṃ nārāyaṇaṃ param tapasā sukṛteneha ārādhaya janārdanam
"If, great king, you wish to see the supreme Nārāyaṇa, then here worship Janārdana with well-performed austerity.
AI translation rendered from the Sanskrit, not a published edition
NsP 24.35
केनाप्य् अतप्ततपसा देवदेवो जनार्दनः द्रष्टुं न शक्यते जातु तस्मात् तं तपसार्चय
kenāpy ataptatapasā devadevo janārdanaḥ draṣṭuṃ na śakyate jātu tasmāt taṃ tapasārcaya
By anyone who has not performed austerity, Janārdana, the god of gods, can never be seen; therefore worship him with austerity.
AI translation rendered from the Sanskrit, not a published edition
NsP 24.36
पूर्वदक्षिणदिग्भागे सरयूतीरगे नृप गालवप्रमुखानां च ऋषीणाम् अस्ति चाश्रमः
pūrvadakṣiṇadigbhāge sarayūtīrage nṛpa gālavapramukhānāṃ ca ṛṣīṇām asti cāśramaḥ
In the south-eastern quarter, on the bank of the Sarayū, O king, there is the hermitage of the sages headed by Gālava.
AI translation rendered from the Sanskrit, not a published edition
NsP 24.37
पञ्चयोजनम् अध्वानं स्थानम् अस्मात् तु पावनम् नानाद्रुमलताकीर्णं नानापुष्पसमाकुलम्
pañcayojanam adhvānaṃ sthānam asmāt tu pāvanam nānādrumalatākīrṇaṃ nānāpuṣpasamākulam
That purifying place is a journey of five yojanas from here, strewn with many trees and creepers and thick with many flowers.
AI translation rendered from the Sanskrit, not a published edition
NsP 24.38
स्वमन्त्रिणि महाप्राज्ञे नीतिमत्य् अर्जुने नृप स्वराज्यभारं विन्यस्य कर्मकाण्डम् अपि द्विज
svamantriṇi mahāprājñe nītimaty arjune nṛpa svarājyabhāraṃ vinyasya karmakāṇḍam api dvija
Having laid the burden of your kingdom, and the round of ritual acts as well, upon your own minister Arjuna, greatly wise and versed in statecraft, O king — O twice-born one —
AI translation rendered from the Sanskrit, not a published edition — the model flagged this verse as uncertain
NsP 24.39
स्तुत्वाराध्य गणाध्यक्षम् इतो व्रज विनायकम् तपःसिद्ध्यर्थम् अन्विच्छंस् तस्मात् तत्र तपः कुरु
stutvārādhya gaṇādhyakṣam ito vraja vināyakam tapaḥsiddhyartham anvicchaṃs tasmāt tatra tapaḥ kuru
and having praised and worshipped Vināyaka, the lord of the hosts, go from here; seeking the success of your austerity, perform austerity there.
AI translation rendered from the Sanskrit, not a published edition
NsP 24.40
तापसं वेषम् आस्थाय शाकमूलफलाशनः ध्यायन् नारायणं देवम् इमं मन्त्रं सदा जप
tāpasaṃ veṣam āsthāya śākamūlaphalāśanaḥ dhyāyan nārāyaṇaṃ devam imaṃ mantraṃ sadā japa
Assuming the garb of an ascetic, eating (only) herbs, roots and fruit, meditating on the god Nārāyaṇa, recite this mantra constantly.
AI translation rendered from the Sanskrit, not a published edition
NsP 24.41
एष सिद्धिकरो मन्त्रो द्वादशाक्षरसंज्ञितः जप्त्वैनं मुनयः सिद्धिं परां प्राप्ताः पुरातनाः
eṣa siddhikaro mantro dvādaśākṣarasaṃjñitaḥ japtvainaṃ munayaḥ siddhiṃ parāṃ prāptāḥ purātanāḥ
This mantra, known as the one of twelve syllables, brings accomplishment; by reciting it the sages of old attained the highest accomplishment.
AI translation rendered from the Sanskrit, not a published edition
NsP 24.42
गत्वा गत्वा निवर्तन्ते चन्द्रसूर्यादयो ग्रहाः अद्यापि न निवर्तन्ते द्वादशाक्षरचिन्तकाः
gatvā gatvā nivartante candrasūryādayo grahāḥ adyāpi na nivartante dvādaśākṣaracintakāḥ
Going and going again, the moon, the sun and the other heavenly bodies return; but those who meditate on the twelve-syllabled (mantra) have not returned even to this day.
AI translation rendered from the Sanskrit, not a published edition
NsP 24.43
बाह्येन्द्रियं हृदि स्थाप्य मनः सूक्ष्मे परात्मनि नृप संजप तन् मन्त्रं द्रष्टव्यो मधुसूदनः
bāhyendriyaṃ hṛdi sthāpya manaḥ sūkṣme parātmani nṛpa saṃjapa tan mantraṃ draṣṭavyo madhusūdanaḥ
Fixing the outer senses in the heart and the mind on the subtle supreme Self, O king, recite that mantra: Madhusūdana is to be seen (thereby).
AI translation rendered from the Sanskrit, not a published edition
NsP 24.44
इति ते कथितोपायो हरिप्राप्तेस् तपःकृतौ पृच्छतः सांप्रतं भूयो यदीच्छसि कुरुष्व तत्
iti te kathitopāyo hariprāptes tapaḥkṛtau pṛcchataḥ sāṃprataṃ bhūyo yadīcchasi kuruṣva tat
Thus the means of attaining Hari through the performance of austerity has been told to you who asked; now, if you wish for anything further, do that.
AI translation rendered from the Sanskrit, not a published edition
NsP 24.45
इत्य् एवम् उक्तो मुनिना स राजा राज्यं भुवो मन्त्रिवरे समर्प्य स्तुत्वा गणेशं सुमनोभिर् अर्च्य गतः पुरात् स्वात् तपसे धृतात्मा
ity evam ukto muninā sa rājā rājyaṃ bhuvo mantrivare samarpya stutvā gaṇeśaṃ sumanobhir arcya gataḥ purāt svāt tapase dhṛtātmā
Addressed thus by the sage, that king handed over the kingdom of the earth to his chief minister, and having praised Gaṇeśa and worshipped (him) with flowers, went from his own city to (perform) austerity, his mind resolved.
AI translation rendered from the Sanskrit, not a published edition