Narasimha Purana — Chapter 16
NsP 16.1
संसारवृक्षम् आरुह्य द्वंद्वपाशशतैर् दृढैः बध्यमानः सुतैश्वर्यैः पतितो योनिसागरे
saṃsāravṛkṣam āruhya dvaṃdvapāśaśatair dṛḍhaiḥ badhyamānaḥ sutaiśvaryaiḥ patito yonisāgare
Having climbed the tree of transmigration, being bound by hundreds of firm fetters of the pairs of opposites, one falls, through sons and lordship, into the ocean of wombs.
AI translation rendered from the Sanskrit, not a published edition
NsP 16.2
यः कामक्रोधलोभैस् तु विषयैः परिपीडितः बद्धः स्वकर्मभिर् गौणैः पुत्रदारैषणादिभिः
yaḥ kāmakrodhalobhais tu viṣayaiḥ paripīḍitaḥ baddhaḥ svakarmabhir gauṇaiḥ putradāraiṣaṇādibhiḥ
He who is tormented by desire, anger and greed, by the sense-objects, bound by his own secondary acts, by the cravings for sons and wife and the rest —
AI translation rendered from the Sanskrit, not a published edition
NsP 16.3
स केन निस्तरत्य् आशु दुस्तरं भवसागरम् पृच्छाम् आख्याहि मे तात तस्य मुक्तिं कथं भवेत्
sa kena nistaraty āśu dustaraṃ bhavasāgaram pṛcchām ākhyāhi me tāta tasya muktiṃ kathaṃ bhavet
by what does he swiftly cross over the ocean of existence, hard to cross? Answer my question, father: how would there be liberation for him?
AI translation rendered from the Sanskrit, not a published edition
NsP 16.4
शृणु वत्स महाप्राज्ञ यज् ज्ञात्वा मुक्तिम् आप्नुयात् तच् च वक्ष्यामि ते दिव्यं नारदेन श्रुतं पुरा
śṛṇu vatsa mahāprājña yaj jñātvā muktim āpnuyāt tac ca vakṣyāmi te divyaṃ nāradena śrutaṃ purā
Listen, child, greatly wise one, to that by knowing which one would attain liberation; and I shall tell you that divine (teaching), heard formerly from Nārada.
AI translation rendered from the Sanskrit, not a published edition
NsP 16.5
नरके रौरवे घोरे धर्मज्ञानविवर्जिताः स्वकर्मभिर् महादुःखं प्राप्ता यत्र यमालये
narake raurave ghore dharmajñānavivarjitāḥ svakarmabhir mahāduḥkhaṃ prāptā yatra yamālaye
In the dreadful Raurava hell, in Yama's abode, (there were) those devoid of the knowledge of dharma, who by their own deeds had come to great suffering.
AI translation rendered from the Sanskrit, not a published edition
NsP 16.6
महापापकृतं घोरं संप्राप्ताः पापकृज्जनाः आलोक्य नारदः शीघ्रं गत्वा यत्र त्रिलोचनः
mahāpāpakṛtaṃ ghoraṃ saṃprāptāḥ pāpakṛjjanāḥ ālokya nāradaḥ śīghraṃ gatvā yatra trilocanaḥ
Having seen the sinful people who had come to that dreadful (state) brought about by great sin, Nārada quickly went to where the Three-eyed One was.
AI translation rendered from the Sanskrit, not a published edition
NsP 16.7
गङ्गाधरं महादेवं शंकरं शूलपाणिनम् प्रणम्य विधिवद् देवं नारदः परिपृच्छति
gaṅgādharaṃ mahādevaṃ śaṃkaraṃ śūlapāṇinam praṇamya vidhivad devaṃ nāradaḥ paripṛcchati
Having bowed down duly to the god Mahādeva, bearer of the Gaṅgā, Śaṃkara who holds the trident, Nārada asks (him):
AI translation rendered from the Sanskrit, not a published edition
NsP 16.8
यः संसारे महाद्वंद्वैः कामभोगैः शुभाशुभैः शब्दादिविषयैर् बद्धः पीड्यमानः षडूर्मिभिः
yaḥ saṃsāre mahādvaṃdvaiḥ kāmabhogaiḥ śubhāśubhaiḥ śabdādiviṣayair baddhaḥ pīḍyamānaḥ ṣaḍūrmibhiḥ
"He who in the round of rebirth is bound by the great pairs of opposites, by desires and enjoyments, by good and evil, by the objects of sense beginning with sound, and is tormented by the six waves —
AI translation rendered from the Sanskrit, not a published edition
NsP 16.9
कथं नु मुच्यते क्षिप्रं मृत्युसंसारसागरात् भगवन् ब्रूहि मे तत्त्वं श्रोतुम् इच्छामि शंकर
kathaṃ nu mucyate kṣipraṃ mṛtyusaṃsārasāgarāt bhagavan brūhi me tattvaṃ śrotum icchāmi śaṃkara
how indeed is he quickly freed from the ocean of death and rebirth? Tell me the truth of it, Lord; I wish to hear, O Śaṃkara."
AI translation rendered from the Sanskrit, not a published edition
NsP 16.10
तस्य तद् वचनं श्रुत्वा नारदस्य त्रिलोचनः उवाच तम् ऋषिं शंभुः प्रसन्नवदनो हरः
tasya tad vacanaṃ śrutvā nāradasya trilocanaḥ uvāca tam ṛṣiṃ śaṃbhuḥ prasannavadano haraḥ
Having heard that speech of his, of Nārada, the Three-eyed One, Śambhu, Hara, with a gracious face, said to that sage:
AI translation rendered from the Sanskrit, not a published edition
NsP 16.11
ज्ञानामृतं च गुह्यं च रहस्यम् ऋषिसत्तम वक्ष्यामि शृणु दुःखघ्नं सर्वबन्धभयापहम्
jñānāmṛtaṃ ca guhyaṃ ca rahasyam ṛṣisattama vakṣyāmi śṛṇu duḥkhaghnaṃ sarvabandhabhayāpaham
"The nectar of knowledge, secret and hidden, O best of sages, I shall declare; listen — it destroys suffering and takes away all bondage and fear.
AI translation rendered from the Sanskrit, not a published edition
NsP 16.12
तृणादि चतुरास्यान्तं भूतग्रामं चतुर्विधम् चराचरं जगत् सर्वं प्रसुप्तं यस्य मायया
tṛṇādi caturāsyāntaṃ bhūtagrāmaṃ caturvidham carācaraṃ jagat sarvaṃ prasuptaṃ yasya māyayā
The fourfold host of beings, from grass up to the four-faced (Brahmā), the whole world with its moving and unmoving things, lies asleep through his māyā —
AI translation rendered from the Sanskrit, not a published edition
NsP 16.13
तस्य विष्णोः प्रसादेन यदि कश्चित् प्रबुध्यते स निस्तरति संसारं देवानाम् अपि दुस्तरम्
tasya viṣṇoḥ prasādena yadi kaścit prabudhyate sa nistarati saṃsāraṃ devānām api dustaram
by the grace of that Viṣṇu, if anyone awakens, he crosses over the round of rebirth, hard to cross even for the gods.
AI translation rendered from the Sanskrit, not a published edition
NsP 16.14
भोगैश्वर्यमदोन्मत्तस् तत्त्वज्ञानपराङ्मुखः संसारसुमहापङ्के जीर्णा गौर् इव मज्जति
bhogaiśvaryamadonmattas tattvajñānaparāṅmukhaḥ saṃsārasumahāpaṅke jīrṇā gaur iva majjati
He who is maddened by the intoxication of enjoyments and lordship, and turns his face away from the knowledge of reality, sinks in the vast mire of saṃsāra like an aged cow.
AI translation rendered from the Sanskrit, not a published edition
NsP 16.15
यस् त्व् आत्मानं निबध्नाति कर्मभिः कोशकारवत् तस्य मुक्तिं न पश्यामि जन्मकोटिशतैर् अपि
yas tv ātmānaṃ nibadhnāti karmabhiḥ kośakāravat tasya muktiṃ na paśyāmi janmakoṭiśatair api
But he who binds himself by his deeds, like a silkworm (making its cocoon) — for him I see no release even in hundreds of millions of births.
AI translation rendered from the Sanskrit, not a published edition
NsP 16.16
तस्मान् नारद सर्वेशं देवानां देवम् अव्ययम् आराधयेत् सदा संयग् ध्यायेद् विष्णुं समाहितः
tasmān nārada sarveśaṃ devānāṃ devam avyayam ārādhayet sadā saṃyag dhyāyed viṣṇuṃ samāhitaḥ
Therefore, Nārada, one should always properly worship the Lord of all, the imperishable god of gods, and, collected in mind, should meditate on Viṣṇu.
AI translation rendered from the Sanskrit, not a published edition
NsP 16.17
यस् तं विश्वम् अनाद्यन्तम् आद्यं स्वात्मनि संस्थितम् सर्वज्ञम् अमलं विष्णुं सदा ध्यायन् विमुच्यते
yas taṃ viśvam anādyantam ādyaṃ svātmani saṃsthitam sarvajñam amalaṃ viṣṇuṃ sadā dhyāyan vimucyate
He who always meditates on that Viṣṇu — the All, without beginning or end, the primal one, established in his own self, all-knowing, spotless — is set free.
AI translation rendered from the Sanskrit, not a published edition
NsP 16.18
निर्विकल्पं निराकाशं निष्प्रपञ्चं निरामयम् वासुदेवम् अजं विष्णुं सदा ध्यायन् विमुच्यते
nirvikalpaṃ nirākāśaṃ niṣprapañcaṃ nirāmayam vāsudevam ajaṃ viṣṇuṃ sadā dhyāyan vimucyate
Meditating always on Viṣṇu, Vāsudeva, the unborn, free of differentiation, without space, without manifold extension, without affliction, one is set free.
AI translation rendered from the Sanskrit, not a published edition
NsP 16.19
निरञ्जनं परं शान्तम् अच्युतं भूतभावनम् देवगर्भं विभुं विष्णुं सदा ध्यायन् विमुच्यते
nirañjanaṃ paraṃ śāntam acyutaṃ bhūtabhāvanam devagarbhaṃ vibhuṃ viṣṇuṃ sadā dhyāyan vimucyate
Meditating always on Viṣṇu — unstained, supreme, tranquil, unfalling, the bringer-into-being of beings, the womb of the gods, all-pervading — one is set free.
AI translation rendered from the Sanskrit, not a published edition
NsP 16.20
सर्वपापविनिर्मुक्तम् अप्रमेयम् अलक्षणम् निर्वाणम् अनघं विष्णुं सदा ध्यायन् विमुच्यते
sarvapāpavinirmuktam aprameyam alakṣaṇam nirvāṇam anaghaṃ viṣṇuṃ sadā dhyāyan vimucyate
Meditating always on Viṣṇu — wholly free of all sin, immeasurable, without characteristic mark, extinction (itself), faultless — one is set free.
AI translation rendered from the Sanskrit, not a published edition
NsP 16.21
अमृतं परमानन्दं सर्वपापविवर्जितम् ब्रह्मण्यं शंकरं विष्णुं सदा संकीर्त्य मुच्यते
amṛtaṃ paramānandaṃ sarvapāpavivarjitam brahmaṇyaṃ śaṃkaraṃ viṣṇuṃ sadā saṃkīrtya mucyate
By always praising Viṣṇu — the immortal, supreme bliss, free of all sin, devoted to brahman, the benefactor — one is released.
AI translation rendered from the Sanskrit, not a published edition
NsP 16.22
योगेश्वरं पुराणाख्यम् अशरीरं गुहाशयम् अमात्रम् अव्ययं विष्णुं सदा ध्यायन् विमुच्यते
yogeśvaraṃ purāṇākhyam aśarīraṃ guhāśayam amātram avyayaṃ viṣṇuṃ sadā dhyāyan vimucyate
Meditating always on Viṣṇu — lord of yoga, called the ancient, bodiless, lying in the cave (of the heart), without measure, imperishable — one is set free.
AI translation rendered from the Sanskrit, not a published edition
NsP 16.23
शुभाशुभविनिर्मुक्तम् ऊर्मिषट्कपरं विभुम् अचिन्त्यम् अमलं विष्णुं सदा ध्यायन् विमुच्यते
śubhāśubhavinirmuktam ūrmiṣaṭkaparaṃ vibhum acintyam amalaṃ viṣṇuṃ sadā dhyāyan vimucyate
Meditating always on Viṣṇu — freed from good and evil, beyond the six waves, all-pervading, unthinkable, spotless — one is set free.
AI translation rendered from the Sanskrit, not a published edition
NsP 16.24
सर्वद्वंद्वविनिर्मुक्तं सर्वदुःखविवर्जितम् अप्रतर्क्यम् अजं विष्णुं सदा ध्यायन् विमुच्यते
sarvadvaṃdvavinirmuktaṃ sarvaduḥkhavivarjitam apratarkyam ajaṃ viṣṇuṃ sadā dhyāyan vimucyate
Meditating always on Viṣṇu — free of all pairs of opposites, devoid of all suffering, beyond reasoning, unborn — one is set free.
AI translation rendered from the Sanskrit, not a published edition
NsP 16.25
अनामगोत्रम् अद्वैतं चतुर्थं परमं पदम् तं सर्वहृद्गतं विष्णुं सदा ध्यायन् विमुच्यते
anāmagotram advaitaṃ caturthaṃ paramaṃ padam taṃ sarvahṛdgataṃ viṣṇuṃ sadā dhyāyan vimucyate
(Him who is) without name or lineage, without a second, the fourth, the supreme state — meditating always on that Viṣṇu who dwells in all hearts, one is set free.
AI translation rendered from the Sanskrit, not a published edition
NsP 16.26
अरूपं सत्यसंकल्पं शुद्धम् आकाशवत् परम् एकाग्रमनसा विष्णुं सदा ध्यायन् विमुच्यते
arūpaṃ satyasaṃkalpaṃ śuddham ākāśavat param ekāgramanasā viṣṇuṃ sadā dhyāyan vimucyate
Formless, whose will is true, pure, like space, supreme — meditating always on Viṣṇu with a one-pointed mind, one is set free.
AI translation rendered from the Sanskrit, not a published edition
NsP 16.27
सर्वात्मकं स्वभावस्थम् आत्मचैतन्यरूपकम् शुभ्रम् एकाक्षरं विष्णुं सदा ध्यायन् विमुच्यते
sarvātmakaṃ svabhāvastham ātmacaitanyarūpakam śubhram ekākṣaraṃ viṣṇuṃ sadā dhyāyan vimucyate
(Him who is) the self of all, established in his own nature, having the form of the consciousness of the self, radiant, the single syllable — meditating always on Viṣṇu, one is set free.
AI translation rendered from the Sanskrit, not a published edition
NsP 16.28
अनिर्वाच्यम् अविज्ञेयम् अक्षरादिम् असंभवम् एकं नूत्नं सदा विष्णुं सदा ध्यायन् विमुच्यते
anirvācyam avijñeyam akṣarādim asaṃbhavam ekaṃ nūtnaṃ sadā viṣṇuṃ sadā dhyāyan vimucyate
Unspeakable, unknowable, having the imperishable as (his) beginning, unborn, one, ever new — meditating always on Viṣṇu, one is set free.
AI translation rendered from the Sanskrit, not a published edition
NsP 16.29
विश्वाद्यं विश्वगोप्तारं विश्वादं सर्वकामदम् स्थानत्रयातिगं विष्णुं सदा ध्यायन् विमुच्यते
viśvādyaṃ viśvagoptāraṃ viśvādaṃ sarvakāmadam sthānatrayātigaṃ viṣṇuṃ sadā dhyāyan vimucyate
(Him who is) the origin of the universe, the protector of the universe, the devourer of the universe, the giver of all desires — meditating always on Viṣṇu, who goes beyond the three states, one is set free.
AI translation rendered from the Sanskrit, not a published edition
NsP 16.30
सर्वदुःखक्षयकरं सर्वशान्तिकरं हरिम् सर्वपापहरं विष्णुं सदा ध्यायन् विमुच्यते
sarvaduḥkhakṣayakaraṃ sarvaśāntikaraṃ harim sarvapāpaharaṃ viṣṇuṃ sadā dhyāyan vimucyate
(Him who) makes all sorrow perish, who makes all peace, Hari, the remover of all sin — meditating always on Viṣṇu, one is set free.
AI translation rendered from the Sanskrit, not a published edition
NsP 16.31
ब्रह्मादिदेवगन्धर्वैर् मुनिभिः सिद्धचारणैः योगिभिः सेवितं विष्णुं सदा ध्यायन् विमुच्यते
brahmādidevagandharvair munibhiḥ siddhacāraṇaiḥ yogibhiḥ sevitaṃ viṣṇuṃ sadā dhyāyan vimucyate
Meditating always on Viṣṇu, who is served by Brahmā and the other gods and the gandharvas, by sages, by siddhas and cāraṇas, by yogins, one is set free.
AI translation rendered from the Sanskrit, not a published edition
NsP 16.32
विष्णौ प्रतिष्ठितं विश्वं विष्णुर् विश्वे प्रतिष्ठितः विश्वेश्वरम् अजं विष्णुं कीर्तयन्न् एव मुच्यते
viṣṇau pratiṣṭhitaṃ viśvaṃ viṣṇur viśve pratiṣṭhitaḥ viśveśvaram ajaṃ viṣṇuṃ kīrtayann eva mucyate
In Viṣṇu the universe is established; Viṣṇu is established in the universe — merely by praising Viṣṇu, the unborn lord of the universe, one is released.
AI translation rendered from the Sanskrit, not a published edition
NsP 16.33
संसारबन्धनान् मुक्तिम् इच्छन् कामम् अशेषतः भक्त्यैव वरदं विष्णुं सदा ध्यायन् विमुच्यते
saṃsārabandhanān muktim icchan kāmam aśeṣataḥ bhaktyaiva varadaṃ viṣṇuṃ sadā dhyāyan vimucyate
Desiring release from the bondage of saṃsāra, and desire (fulfilled) without remainder, meditating always on Viṣṇu, the giver of boons, with devotion alone, one is set free.
AI translation rendered from the Sanskrit, not a published edition — the model flagged this verse as uncertain
NsP 16.34
नारदेन पुरा पृष्ट एवं स वृषभध्वजः यद् उवाच तदा तस्मै तन् मया कथितं तव
nāradena purā pṛṣṭa evaṃ sa vṛṣabhadhvajaḥ yad uvāca tadā tasmai tan mayā kathitaṃ tava
What that one whose banner is the bull said long ago to Nārada, when he was thus questioned by him, that has been told by me to you.
AI translation rendered from the Sanskrit, not a published edition
NsP 16.35
तम् एव सततं ध्याहि निर्बीजं ब्रह्म केवलम् अवाप्स्यसि ध्रुवं तात शाश्वतं पदम् अव्ययम्
tam eva satataṃ dhyāhi nirbījaṃ brahma kevalam avāpsyasi dhruvaṃ tāta śāśvataṃ padam avyayam
Meditate constantly on him alone, the seedless, sole Brahman; you will surely attain, my son, the eternal, imperishable state.
AI translation rendered from the Sanskrit, not a published edition
NsP 16.36
श्रुत्वा सुरऋषिविष्णोः प्राधान्यम् इदम् ईश्वरात् स विष्णुं संयग् आराध्य परां सिद्धिम् अवाप्तवान्
śrutvā suraṛṣiviṣṇoḥ prādhānyam idam īśvarāt sa viṣṇuṃ saṃyag ārādhya parāṃ siddhim avāptavān
Having heard from Īśvara this pre-eminence of Viṣṇu, the divine sage, worshipping Viṣṇu rightly, attained the supreme perfection.
AI translation rendered from the Sanskrit, not a published edition
NsP 16.37
यश् चैनं पठते चैव नृसिंहकृतमानसः शतजन्मकृतं पापम् अपि तस्य प्रणश्यति
yaś cainaṃ paṭhate caiva nṛsiṃhakṛtamānasaḥ śatajanmakṛtaṃ pāpam api tasya praṇaśyati
And whoever recites this with his mind fixed on Nṛsiṃha — even sin committed in a hundred births perishes for him.
AI translation rendered from the Sanskrit, not a published edition
NsP 16.38
विष्णोः स्तवम् इदं पुण्यं महादेवेन कीर्तितम् प्रातः स्नात्वा पठेन् नित्यम् अमृतत्वं स गच्छति
viṣṇoḥ stavam idaṃ puṇyaṃ mahādevena kīrtitam prātaḥ snātvā paṭhen nityam amṛtatvaṃ sa gacchati
This meritorious hymn to Viṣṇu, proclaimed by Mahādeva — should one bathe at dawn and recite it daily, he goes to immortality.
AI translation rendered from the Sanskrit, not a published edition
NsP 16.39
ध्यायन्ति ये नित्यम् अनन्तम् अच्युतं हृत्पद्ममध्येष्व् अथ कीर्तयन्ति ये उपासकानां प्रभुम् ईश्वरं परं ते यान्ति सिद्धिं परमां तु वैष्णवीम्
dhyāyanti ye nityam anantam acyutaṃ hṛtpadmamadhyeṣv atha kīrtayanti ye upāsakānāṃ prabhum īśvaraṃ paraṃ te yānti siddhiṃ paramāṃ tu vaiṣṇavīm
Those who meditate constantly on the infinite, unfalling one in the midst of the lotus of the heart, and those who praise the lord of worshippers, the supreme Īśvara — they attain the highest perfection, that of Viṣṇu.
AI translation rendered from the Sanskrit, not a published edition