Narasimha Purana — Chapter 14
NsP 14.1
शृणु वत्स महाबुद्धे शिष्याश् चैतां परां कथाम् मयोच्यमानां शृण्वन्तु सर्वपापप्रणाशिनीम्
śṛṇu vatsa mahābuddhe śiṣyāś caitāṃ parāṃ kathām mayocyamānāṃ śṛṇvantu sarvapāpapraṇāśinīm
Listen, my child of great intellect, and let the pupils listen to this supreme tale, told by me, which destroys all sins.
AI translation rendered from the Sanskrit, not a published edition
NsP 14.2
पुरा द्विजवरः कश्चिद् वेदशास्त्रविशारदः मृतभार्यो गतस् तीर्थं चक्रे स्नानं यथाविधि
purā dvijavaraḥ kaścid vedaśāstraviśāradaḥ mṛtabhāryo gatas tīrthaṃ cakre snānaṃ yathāvidhi
Long ago a certain excellent brahmin, skilled in the Vedas and śāstras, his wife having died, went to a sacred ford and bathed according to rule.
AI translation rendered from the Sanskrit, not a published edition
NsP 14.3
तपः सुतप्तं विजने निःस्पृहो दारकर्मणि भिक्षाहारः प्रवसितो जपस्नानपरायणः
tapaḥ sutaptaṃ vijane niḥspṛho dārakarmaṇi bhikṣāhāraḥ pravasito japasnānaparāyaṇaḥ
Severe austerity was performed (by him) in a solitary place, without desire for the business of marriage; living on alms, dwelling abroad, devoted to muttering prayers and to bathing.
AI translation rendered from the Sanskrit, not a published edition
NsP 14.4
स्नात्वा स गङ्गां यमुनां सरस्वतीं पुण्यां वितस्ताम् अथ गोमतीं च गयां समासाद्य पितृन् पितामहान् संतर्पयन् सन् गतवान् महेन्द्रम्
snātvā sa gaṅgāṃ yamunāṃ sarasvatīṃ puṇyāṃ vitastām atha gomatīṃ ca gayāṃ samāsādya pitṛn pitāmahān saṃtarpayan san gatavān mahendram
Having bathed in the Gaṅgā, the Yamunā, the Sarasvatī, the holy Vitastā and the Gomatī, and having reached Gayā and satisfied his fathers and forefathers, he went to Mahendra (mountain).
AI translation rendered from the Sanskrit, not a published edition
NsP 14.5
तत्रापि कुण्डेषु गिरौ महामतिः स्नात्वा नु दृष्ट्वा भृगुनन्दनोत्तमम् कृत्वा पितृभ्यस् तु तथैव तृप्तिं व्रजन् वनं पापहरं प्रविष्टः
tatrāpi kuṇḍeṣu girau mahāmatiḥ snātvā nu dṛṣṭvā bhṛgunandanottamam kṛtvā pitṛbhyas tu tathaiva tṛptiṃ vrajan vanaṃ pāpaharaṃ praviṣṭaḥ
There too, in the pools on the mountain, the great-minded one bathed, and beheld the best of Bhṛgu's descendants; and having likewise made satisfaction for the fathers, going on, he entered the sin-removing forest.
AI translation rendered from the Sanskrit, not a published edition
NsP 14.6
धारां पतन्तीं महतीं शिलोच्चयात् संधार्य भक्त्या त्व् अनु नारसिंहे शिरस्य् अशेषाघविनाशिनीं तदा विशुद्धदेहः स बभूव विप्रः
dhārāṃ patantīṃ mahatīṃ śiloccayāt saṃdhārya bhaktyā tv anu nārasiṃhe śirasy aśeṣāghavināśinīṃ tadā viśuddhadehaḥ sa babhūva vipraḥ
Devoutly receiving on his head the great stream falling from the rock-mass — the stream that destroys every sin — there before Narasiṃha, the brahmin then became pure of body.
AI translation rendered from the Sanskrit, not a published edition
NsP 14.7
विन्ध्याचले सक्तम् अनन्तम् अच्युतं भक्तैर् मुनीन्द्रैर् अपि पूजितं सदा आराध्य पुष्पैर् गिरिसंभवैर् शुभैस् तत्रैव सिद्धिं त्व् अभिकाङ्क्ष्य संस्थितः
vindhyācale saktam anantam acyutaṃ bhaktair munīndrair api pūjitaṃ sadā ārādhya puṣpair girisaṃbhavair śubhais tatraiva siddhiṃ tv abhikāṅkṣya saṃsthitaḥ
Having worshipped with auspicious flowers grown on the mountain the endless, unfallen one who abides on the Vindhya range and is ever honoured by devotees and by the chief sages, he remained right there, desiring perfection.
AI translation rendered from the Sanskrit, not a published edition
NsP 14.8
स नारसिंहो बहुकालपूजया तुष्टः सुनिद्रागतम् आह भक्तम् अनाश्रमित्वं गृहभङ्गकारणं ह्य् अतो गृहाणाश्रमम् उत्तमं द्विज
sa nārasiṃho bahukālapūjayā tuṣṭaḥ sunidrāgatam āha bhaktam anāśramitvaṃ gṛhabhaṅgakāraṇaṃ hy ato gṛhāṇāśramam uttamaṃ dvija
That Narasiṃha, pleased by the long-continued worship, spoke to the devotee who had fallen into deep sleep: "Being without an āśrama is the cause of the ruin of a household; therefore take up the highest āśrama, O brahmin."
AI translation rendered from the Sanskrit, not a published edition
NsP 14.9
अनाश्रमीति द्विज वेदपारगान् अपि त्व् अहं नानुगृह्णामि चात्र तथापि निष्ठां तव वीक्ष्य सत्तम त्वयि प्रसन्नेन मयेत्य् उदीरितम्
anāśramīti dvija vedapāragān api tv ahaṃ nānugṛhṇāmi cātra tathāpi niṣṭhāṃ tava vīkṣya sattama tvayi prasannena mayety udīritam
"Being outside an āśrama, O brahmin — even those who have mastered the Vedas — I do not favour in this matter; nevertheless, seeing your steadfastness, O best one, this has been spoken by me, who am pleased with you."
AI translation rendered from the Sanskrit, not a published edition
NsP 14.10
तेनैवम् उक्तः परमेश्वरेण द्विजो ऽपि बुद्ध्या प्रविचिन्त्य वाक्यम् हरेर् अलङ्घ्यं नरसिंहमूर्तेर् भाधं च कृत्वा स यतिर् बभूव
tenaivam uktaḥ parameśvareṇa dvijo 'pi buddhyā pravicintya vākyam harer alaṅghyaṃ narasiṃhamūrter bhādhaṃ ca kṛtvā sa yatir babhūva
Thus addressed by the supreme lord, the brahmin too, pondering with his mind the unsurpassable word of Hari in the Narasiṃha form, and making an end (of household life?), became an ascetic.
AI translation rendered from the Sanskrit, not a published edition — the model flagged this verse as uncertain
NsP 14.11
त्रिदण्डवृक्षाक्षपवित्रपाणिर् आप्लुत्य तोये त्व् अघहारिणि स्थितः जपन् सदा मन्त्रम् अपास्तदोषं सावित्र्यम् ईशं हृदये स्मरन् हरिम्
tridaṇḍavṛkṣākṣapavitrapāṇir āplutya toye tv aghahāriṇi sthitaḥ japan sadā mantram apāstadoṣaṃ sāvitryam īśaṃ hṛdaye smaran harim
With the triple staff, the rudrākṣa beads and the pavitra in his hand, having plunged into the sin-removing water, he stood constantly muttering the fault-dispelling Sāvitrī mantra, remembering in his heart the Lord Hari.
AI translation rendered from the Sanskrit, not a published edition
NsP 14.12
यथाकथंचित् प्रतिलभ्य शाकं भैक्ष्याभितुष्टो वनवासवासी अभ्यर्च्य विष्णुं नरसिंहमूर्तिं ध्यात्वा च नित्यं हृदि शुद्धम् आद्यम्
yathākathaṃcit pratilabhya śākaṃ bhaikṣyābhituṣṭo vanavāsavāsī abhyarcya viṣṇuṃ narasiṃhamūrtiṃ dhyātvā ca nityaṃ hṛdi śuddham ādyam
Obtaining greens somehow or other, content with alms, dwelling as a forest-dweller, worshipping Viṣṇu in the Narasiṃha form, and meditating always in his heart on the pure primal one—
AI translation rendered from the Sanskrit, not a published edition
NsP 14.13
विविक्तदेशे विपुले कुशासने निवेश्य सर्वं हृदये ऽस्य सर्वम् बाह्यं समस्तं गुणम् इन्द्रियाणां विलीय भेदं भगवत्य् अनन्ते
viviktadeśe vipule kuśāsane niveśya sarvaṃ hṛdaye 'sya sarvam bāhyaṃ samastaṃ guṇam indriyāṇāṃ vilīya bhedaṃ bhagavaty anante
—in a solitary, spacious place, on a seat of kuśa grass, placing all of that in his heart, dissolving the whole external quality of the senses and (all) difference in the endless Lord—
AI translation rendered from the Sanskrit, not a published edition — the model flagged this verse as uncertain
NsP 14.14
विज्ञेयम् आनन्दम् अजं विशालं सत्यात्मकं क्षेमपदं वरेण्यम् संचिन्त्य तस्मिन् प्रविहाय देहं बभूव मुक्तः परमात्मरूपी
vijñeyam ānandam ajaṃ viśālaṃ satyātmakaṃ kṣemapadaṃ vareṇyam saṃcintya tasmin pravihāya dehaṃ babhūva muktaḥ paramātmarūpī
Having meditated upon that which is to be known, blissful, unborn, vast, whose essence is truth, the abode of security, the most excellent — he abandoned the body there and became liberated, having the form of the supreme Self.
AI translation rendered from the Sanskrit, not a published edition
NsP 14.15
इमां कथां मुक्तिपरां यथोक्तां पठन्ति ये नारसिंहं स्मरन्तः प्रयागतीर्थप्लवने तु यत् फलं तत् प्राप्य ते यान्ति हरेः पदं महत्
imāṃ kathāṃ muktiparāṃ yathoktāṃ paṭhanti ye nārasiṃhaṃ smarantaḥ prayāgatīrthaplavane tu yat phalaṃ tat prāpya te yānti hareḥ padaṃ mahat
Those who, remembering the Man-Lion, recite this tale devoted to liberation as it has been told, obtain that fruit which (comes) from bathing at the sacred ford of Prayāga, and go to the great abode of Hari.
AI translation rendered from the Sanskrit, not a published edition
NsP 14.16
इत्य् एतद् उक्तं तव पुत्र पृच्छतः पुरातनं पुण्यतमं पवित्रकम् संसारवृक्षस्य विनाशनं परं पुनः कम् इच्छस्य् अभिवाञ्छितं वद
ity etad uktaṃ tava putra pṛcchataḥ purātanaṃ puṇyatamaṃ pavitrakam saṃsāravṛkṣasya vināśanaṃ paraṃ punaḥ kam icchasy abhivāñchitaṃ vada
Thus this has been told to you, my son, who asked — ancient, most meritorious, purifying, the supreme destroyer of the tree of transmigration. Say now what else you wish, what you desire.
AI translation rendered from the Sanskrit, not a published edition