Narasimha Purana — Chapter 12
NsP 12.1
श्रुत्वेमाम् अमृतां पुण्यां सर्वपापप्रणाशिनीम् अवितृप्तः स धर्मात्मा शुको व्यासम् अभाषत
śrutvemām amṛtāṃ puṇyāṃ sarvapāpapraṇāśinīm avitṛptaḥ sa dharmātmā śuko vyāsam abhāṣata
Having heard this nectarous, meritorious (account) that destroys all sin, the righteous Śuka, unsated, spoke to Vyāsa.
AI translation rendered from the Sanskrit, not a published edition
NsP 12.2
अहो ऽतीव तपश्चर्या मार्कण्डेयस्य धीमतः येन दृष्टो हरिः साक्षाद् येन मृत्युः पराजितः
aho 'tīva tapaścaryā mārkaṇḍeyasya dhīmataḥ yena dṛṣṭo hariḥ sākṣād yena mṛtyuḥ parājitaḥ
Ah, exceedingly great was the ascetic practice of the wise Mārkaṇḍeya, by which Hari was seen face to face, by which death was defeated!
AI translation rendered from the Sanskrit, not a published edition
NsP 12.3
न तृप्तिर् अस्ति मे तात श्रुत्वेमां वैष्णवीं कथाम् पुण्यां पापहरां तात तस्माद् अन्यत् तु मे वद
na tṛptir asti me tāta śrutvemāṃ vaiṣṇavīṃ kathām puṇyāṃ pāpaharāṃ tāta tasmād anyat tu me vada
There is no satiety for me, father, in hearing this Vaiṣṇava tale, meritorious and sin-removing; therefore, father, tell me another.
AI translation rendered from the Sanskrit, not a published edition
NsP 12.4
नराणां दृढचित्तानाम् अकार्यं नेह कुर्वताम् यत् पुण्यम् ऋषिभिः प्रोक्तं तन् मे वद महामते
narāṇāṃ dṛḍhacittānām akāryaṃ neha kurvatām yat puṇyam ṛṣibhiḥ proktaṃ tan me vada mahāmate
What merit has been declared by the seers for men of firm mind who do not do here what should not be done—tell me that, O great-minded one.
AI translation rendered from the Sanskrit, not a published edition
NsP 12.5
नराणां दृढचित्तानाम् इह लोके परत्र च पुण्यं यत् स्यान् मुनिश्रेष्ठ तन् मे निगदतः शृणु
narāṇāṃ dṛḍhacittānām iha loke paratra ca puṇyaṃ yat syān muniśreṣṭha tan me nigadataḥ śṛṇu
What merit there may be, best of sages, for men of firm mind, in this world and the next—hear that from me as I declare it.
AI translation rendered from the Sanskrit, not a published edition
NsP 12.6
अत्रैवोदाहरन्तीमाम् इतिहासं पुरातनम् यम्या च सह संवादं यमस्य च महात्मनः
atraivodāharantīmām itihāsaṃ purātanam yamyā ca saha saṃvādaṃ yamasya ca mahātmanaḥ
On just this (subject) they cite this ancient tale, the conversation of Yamī together with the great-souled Yama.
AI translation rendered from the Sanskrit, not a published edition
NsP 12.7
विवस्वान् अदितेः पुत्रस् तस्य पुत्रौ सुवर्चसौ जज्ञाते स यमश् चैव यमी चापि यवीयसी
vivasvān aditeḥ putras tasya putrau suvarcasau jajñāte sa yamaś caiva yamī cāpi yavīyasī
Vivasvān was the son of Aditi; to him two radiant children were born: Yama, and Yamī too, the younger.
AI translation rendered from the Sanskrit, not a published edition
NsP 12.8
तौ तत्र संविवर्धेते पितुर् भवन उत्तमे क्रीडमानौ स्वभावेन स्वच्छन्दगमनाव् उभौ
tau tatra saṃvivardhete pitur bhavana uttame krīḍamānau svabhāvena svacchandagamanāv ubhau
The two grew up there in their father's excellent house, playing by nature, both going about at their own will.
AI translation rendered from the Sanskrit, not a published edition
NsP 12.9
यमी यमं समासाद्य स्वसा भ्रातरम् अब्रवीत्
yamī yamaṃ samāsādya svasā bhrātaram abravīt
Yamī, the sister, approaching Yama her brother, said:
AI translation rendered from the Sanskrit, not a published edition
NsP 12.10
न भ्राता भगिनीं योग्यां कामयन्तीं च कामयेत् भ्रातृभूतेन किं तस्य स्वसुर् यो न पतिर् भवेत्
na bhrātā bhaginīṃ yogyāṃ kāmayantīṃ ca kāmayet bhrātṛbhūtena kiṃ tasya svasur yo na patir bhavet
"A brother should not desire a sister (even) if she is suitable and desires him—(but) what use is his being a brother, if he does not become the sister's husband?
AI translation rendered from the Sanskrit, not a published edition — the model flagged this verse as uncertain
NsP 12.11
अभूत इव स ज्ञेयो न तु भूतः कथंचन अनाथां नाथम् इच्छन्तीं स्वसारं यो न नाथति
abhūta iva sa jñeyo na tu bhūtaḥ kathaṃcana anāthāṃ nātham icchantīṃ svasāraṃ yo na nāthati
He is to be regarded as one who does not exist, not as existing at all—he who does not protect a sister who is without a protector and wants a protector.
AI translation rendered from the Sanskrit, not a published edition
NsP 12.12
काङ्क्षन्तीं भ्रातरं नाथं भर्तारं यस् तु नेच्छति भ्रातेति नोच्यते लोके स पुमान् मुनिसत्तमः
kāṅkṣantīṃ bhrātaraṃ nāthaṃ bhartāraṃ yas tu necchati bhrāteti nocyate loke sa pumān munisattamaḥ
He who does not want (her) who longs for a brother as protector and husband—that male is not called 'brother' in the world, O best of sages.
AI translation rendered from the Sanskrit, not a published edition
NsP 12.13
स्याद् वान्यतनया तस्य भर्या भवति किं तया ईक्षतस् तु स्वसा भ्रातुः कामेन परिदह्यते
syād vānyatanayā tasya bharyā bhavati kiṃ tayā īkṣatas tu svasā bhrātuḥ kāmena paridahyate
Or she may become the wife of some other man's son—what good is she then? But the sister, looking at her brother, is consumed with desire.
AI translation rendered from the Sanskrit, not a published edition — the model flagged this verse as uncertain
NsP 12.14
यत् कार्यम् अहम् इच्छामि त्वम् एवेच्छ तद् एव हि अन्यथाहं मरिष्यामि त्वाम् इच्छन्ती विचेतना
yat kāryam aham icchāmi tvam eveccha tad eva hi anyathāhaṃ mariṣyāmi tvām icchantī vicetanā
The deed that I desire—do you desire that very same thing; otherwise I shall die, desiring you, out of my senses.
AI translation rendered from the Sanskrit, not a published edition
NsP 12.15
कामदुःखम् असह्यं नु भ्रातः किं त्वं न चेच्छसि कामाग्निना भृशं तप्ता प्रलीयाम्य् अङ्ग मा चिरम्
kāmaduḥkham asahyaṃ nu bhrātaḥ kiṃ tvaṃ na cecchasi kāmāgninā bhṛśaṃ taptā pralīyāmy aṅga mā ciram
The pain of desire is unbearable, brother—why do you not want (it)? Sorely burned by the fire of desire, I am dissolving, dear one; do not delay.
AI translation rendered from the Sanskrit, not a published edition
NsP 12.16
कामार्तायाः स्त्रियाः कान्त वशगो भव मा चिरम् स्वेन कायेन मे कायं संयोजयितुम् अर्हसि
kāmārtāyāḥ striyāḥ kānta vaśago bhava mā ciram svena kāyena me kāyaṃ saṃyojayitum arhasi
"Beloved, submit to a woman tormented by desire—do not delay; you should join my body with your own body."
AI translation rendered from the Sanskrit, not a published edition
NsP 12.17
किम् इदं लोकविद्विष्टं धर्मं भगिनि भाषसे अकार्यम् इह कः कुर्यात् पुमान् भद्रे सुचेतनः
kim idaṃ lokavidviṣṭaṃ dharmaṃ bhagini bhāṣase akāryam iha kaḥ kuryāt pumān bhadre sucetanaḥ
"What is this practice you speak of, sister, that the world abhors? Who here, good lady, would do a deed not to be done, if he be a man of sound mind?"
AI translation rendered from the Sanskrit, not a published edition
NsP 12.18
न ते संयोजयिष्यामि कायं कायेन भामिनि न भ्राता मदनार्तायाः स्वसुः कामं प्रयच्छति
na te saṃyojayiṣyāmi kāyaṃ kāyena bhāmini na bhrātā madanārtāyāḥ svasuḥ kāmaṃ prayacchati
"I will not join my body with your body, passionate woman; a brother does not grant her desire to a sister tormented by love."
AI translation rendered from the Sanskrit, not a published edition
NsP 12.19
महापातकम् इत्य् आहुः स्वसारं यो ऽधिगच्छति पशूनाम् एष धर्मः स्यात् तिर्यग्योनिवतां शुभे
mahāpātakam ity āhuḥ svasāraṃ yo 'dhigacchati paśūnām eṣa dharmaḥ syāt tiryagyonivatāṃ śubhe
"They call it a great sin—he who goes in to his own sister. This would be the way of beasts, of those born in animal wombs, fair lady."
AI translation rendered from the Sanskrit, not a published edition
NsP 12.20
एकस्थाने यथा पूर्वं संयोगो नौ न दुष्यति मातृगर्भे तथैवायं संयोगो नौ न दुष्यति
ekasthāne yathā pūrvaṃ saṃyogo nau na duṣyati mātṛgarbhe tathaivāyaṃ saṃyogo nau na duṣyati
"Just as formerly, in one place, in our mother's womb, our joining was not a fault, so too this joining of ours is not a fault."
AI translation rendered from the Sanskrit, not a published edition
NsP 12.21
किं भ्रातर् अप्य् अनाथां त्वं मा नेच्छसि शोभनम् स्वसारं निरृती रक्षः संगच्छति च नित्यशः
kiṃ bhrātar apy anāthāṃ tvaṃ mā necchasi śobhanam svasāraṃ nirṛtī rakṣaḥ saṃgacchati ca nityaśaḥ
"How is it, brother, that you do not wish for me, protectorless as I am—and I so lovely? Even Nirṛti's demon consorts with his sister, and does so constantly."
AI translation rendered from the Sanskrit, not a published edition — the model flagged this verse as uncertain
NsP 12.22
स्वयंभुवापि निन्द्येत लोकवृत्तं जुगुप्सितम् प्रधानपुरुषाचीर्णं लोको ऽयम् अनुवर्तते
svayaṃbhuvāpi nindyeta lokavṛttaṃ jugupsitam pradhānapuruṣācīrṇaṃ loko 'yam anuvartate
"Even by the Self-existent One a loathsome worldly practice would be censured. What is practised by a man of the first rank—that this world follows."
AI translation rendered from the Sanskrit, not a published edition
NsP 12.23
तस्माद् अनिन्दितं धर्मं प्रधानपुरुषश् चरेत् निन्दितं वर्जयेद् यत्नाद् एतद् धर्मस्य लक्षणम्
tasmād aninditaṃ dharmaṃ pradhānapuruṣaś caret ninditaṃ varjayed yatnād etad dharmasya lakṣaṇam
"Therefore a man of the first rank should follow uncensured practice, and should carefully avoid what is censured: this is the mark of dharma."
AI translation rendered from the Sanskrit, not a published edition
NsP 12.24
यद् यद् आचरति श्रेष्ठस् तत् तद् एवेतरो जनः स यत् प्रमाणं कुरुते लोकस् तद् अनुवर्तते
yad yad ācarati śreṣṭhas tat tad evetaro janaḥ sa yat pramāṇaṃ kurute lokas tad anuvartate
"Whatever the best of men does, just that other people do too; whatever he makes his standard, the world follows that."
AI translation rendered from the Sanskrit, not a published edition
NsP 12.25
अतिपापम् अहं मन्ये सुभगे वचनं तव विरुद्धं सर्वधर्मेषु लोकेषु च विशेषतः
atipāpam ahaṃ manye subhage vacanaṃ tava viruddhaṃ sarvadharmeṣu lokeṣu ca viśeṣataḥ
"I consider your words exceedingly sinful, fair one—contrary to all the dharmas, and especially to the worlds (of men)."
AI translation rendered from the Sanskrit, not a published edition
NsP 12.26
मत्तो ऽन्यो यो भवेद् यो वै विशिष्टो रूपशीलतः तेन सार्धं प्रमोदस्व न ते भर्ता भवाम्य् अहम्
matto 'nyo yo bhaved yo vai viśiṣṭo rūpaśīlataḥ tena sārdhaṃ pramodasva na te bhartā bhavāmy aham
"Whoever else there may be besides me, one who is superior in beauty and character—take your pleasure with him; I will not become your husband."
AI translation rendered from the Sanskrit, not a published edition
NsP 12.27
नाहं स्पृशामि तन्वा ते तनुं भद्रे दृढव्रतः मुनयः पापम् आहुस् तं यः स्वसारं निगृह्णति
nāhaṃ spṛśāmi tanvā te tanuṃ bhadre dṛḍhavrataḥ munayaḥ pāpam āhus taṃ yaḥ svasāraṃ nigṛhṇati
"I do not touch your body with my body, good lady, for I am firm in my vow; the sages call him a sinner who takes hold of his own sister."
AI translation rendered from the Sanskrit, not a published edition
NsP 12.28
दुर्लभं चैव पश्यामि लोके रूपम् इहेदृशम् यत्र रूपं वयश् चैव पृथिव्यां क्व प्रतिष्ठितम्
durlabhaṃ caiva paśyāmi loke rūpam ihedṛśam yatra rūpaṃ vayaś caiva pṛthivyāṃ kva pratiṣṭhitam
"And indeed I see that such beauty as this is hard to find in the world—where else on earth is beauty together with youth established?"
AI translation rendered from the Sanskrit, not a published edition
NsP 12.29
न विजानामि ते चित्तं कुत एतत् प्रतिष्ठितम् आत्मरूपगुणोपेतां न कामयसि मोहिताम्
na vijānāmi te cittaṃ kuta etat pratiṣṭhitam ātmarūpaguṇopetāṃ na kāmayasi mohitām
"I do not understand your mind—on what is this (resolve) founded? You do not desire one endowed with your own beauty and qualities, one bewildered (with love)."
AI translation rendered from the Sanskrit, not a published edition
NsP 12.30
लतेव पादपे लग्ना कामं त्वच्छरणं गता बाहुभ्यां संपरिष्वज्य निवसामि शुचिस्मिता
lateva pādape lagnā kāmaṃ tvaccharaṇaṃ gatā bāhubhyāṃ saṃpariṣvajya nivasāmi śucismitā
"Clinging like a creeper to a tree, having gone for refuge to you as I please, embracing you with both arms I shall dwell (with you), smiling brightly."
AI translation rendered from the Sanskrit, not a published edition
NsP 12.31
अन्यं श्रयस्व सुश्रोणि देवं देव्य् असितेक्षणे यस् तु ते काममोहेन चेतसा विभ्रमं गतः तस्य देवस्य देवी त्वं भवेथा वरवर्णिनि
anyaṃ śrayasva suśroṇi devaṃ devy asitekṣaṇe yas tu te kāmamohena cetasā vibhramaṃ gataḥ tasya devasya devī tvaṃ bhavethā varavarṇini
"Take refuge with another god, fair-hipped goddess of dark eyes; but he who, through infatuation of desire, has come to distraction of mind over you—of that god you should become the goddess, O you of excellent complexion."
AI translation rendered from the Sanskrit, not a published edition
NsP 12.32
ईप्सितां सर्वभूतानां वर्यां शंसन्ति मानवाः सुभद्रां चारुसर्वाङ्गीं संस्कृतां परिचक्षते
īpsitāṃ sarvabhūtānāṃ varyāṃ śaṃsanti mānavāḥ subhadrāṃ cārusarvāṅgīṃ saṃskṛtāṃ paricakṣate
"Men praise as choiceworthy her who is desired by all beings; they call her auspicious, lovely in every limb, and well-bred."
AI translation rendered from the Sanskrit, not a published edition
NsP 12.33
तत्कृते ऽपि सुविद्वांसो न करिष्यन्ति दूषणम् परितापं महाप्राज्ञे न करिष्ये दृढव्रतः
tatkṛte 'pi suvidvāṃso na kariṣyanti dūṣaṇam paritāpaṃ mahāprājñe na kariṣye dṛḍhavrataḥ
"Even for that reason the truly learned will not lay blame. Yet I, firm in my vow, will not cause you torment, greatly wise one."
AI translation rendered from the Sanskrit, not a published edition — the model flagged this verse as uncertain
NsP 12.34
चित्तं मे निर्मलं भद्रे विष्णौ रुद्रे च संस्थितम् अतः पापं नु नेच्छामि धर्मचित्तो दृढव्रतः
cittaṃ me nirmalaṃ bhadre viṣṇau rudre ca saṃsthitam ataḥ pāpaṃ nu necchāmi dharmacitto dṛḍhavrataḥ
"My mind is spotless, good lady, and fixed on Viṣṇu and on Rudra; therefore I do not want sin—my mind is set on dharma and I am firm in my vow."
AI translation rendered from the Sanskrit, not a published edition
NsP 12.35
असकृत् प्रोच्यमानो ऽपि तया चैवं दृढव्रतः कृतवान् न यमः कार्यं तेन देवत्वम् आप्तवान्
asakṛt procyamāno 'pi tayā caivaṃ dṛḍhavrataḥ kṛtavān na yamaḥ kāryaṃ tena devatvam āptavān
Though thus addressed by her again and again, Yama, firm in his vow, did not do the deed; by that he attained godhood.
AI translation rendered from the Sanskrit, not a published edition
NsP 12.36
नराणां दृढचित्तानाम् एवं पापम् अकुर्वताम् अनन्तं फलम् इत्य् आहुस् तेषां स्वर्गफलं भवेत्
narāṇāṃ dṛḍhacittānām evaṃ pāpam akurvatām anantaṃ phalam ity āhus teṣāṃ svargaphalaṃ bhavet
For men of firm mind who thus refrain from sin, the fruit is endless, so they say; heaven would be their reward.
AI translation rendered from the Sanskrit, not a published edition
NsP 12.37
एतत् तु यम्युपाख्यानं पूर्ववृत्तं सनातनम् सर्वपापहरं पुण्यं श्रोतव्यम् अनसूयया
etat tu yamyupākhyānaṃ pūrvavṛttaṃ sanātanam sarvapāpaharaṃ puṇyaṃ śrotavyam anasūyayā
But this tale of Yamī, which happened long ago and is eternal, removes all sin and is meritorious; it should be listened to without ill will.
AI translation rendered from the Sanskrit, not a published edition
NsP 12.38
यश् चैतत् पठते नित्यं हव्यकव्येषु ब्राह्मणः संतृप्ताः पितरस् तस्य न विशन्ति यमालयम्
yaś caitat paṭhate nityaṃ havyakavyeṣu brāhmaṇaḥ saṃtṛptāḥ pitaras tasya na viśanti yamālayam
And the brahmin who constantly recites this at the offerings to gods and ancestors—his forefathers are fully satisfied and do not enter Yama's abode.
AI translation rendered from the Sanskrit, not a published edition
NsP 12.39
यश् चैतत् पठते नित्यं पितॄणाम् अनृणो भवेत् वैवस्वतीभ्यस् तीव्राभ्यो यातनाभ्यः प्रमुच्यते
yaś caitat paṭhate nityaṃ pitṝṇām anṛṇo bhavet vaivasvatībhyas tīvrābhyo yātanābhyaḥ pramucyate
And whoever constantly recites this becomes free of debt to the ancestors, and is released from the fierce torments of the son of the Sun (Yama).
AI translation rendered from the Sanskrit, not a published edition
NsP 12.40
पुत्रैतद् आख्यानम् अनुत्तमं मया तवोदितं वेदपदार्थनिश्चितम् पुरातनं पापहरं सदा नृणां किम् अन्यद् अद्यैव वदामि शंस मे
putraitad ākhyānam anuttamaṃ mayā tavoditaṃ vedapadārthaniścitam purātanaṃ pāpaharaṃ sadā nṛṇāṃ kim anyad adyaiva vadāmi śaṃsa me
My son, this unsurpassed tale, settled upon the meaning of the words of the Veda, ancient, ever sin-removing for men, has been told to you by me; what else shall I tell you this very day? Tell me.
AI translation rendered from the Sanskrit, not a published edition