Narada Purana — Uttara Bhaga — Chapter 3
NarP 2 3.1
ऋषय ऊचुः विस्तरेण समाख्या हि विष्णोराराधनक्रियाम् । यया तोषं समायाति प्रददाति समीहितम्
ṛṣaya ūcuḥ vistareṇa samākhyā hi viṣṇorārādhanakriyām / yayā toṣaṃ samāyāti pradadāti samīhitam
The sages said: Tell us in full the rite of worshipping Viṣṇu, by which he comes to be pleased and grants what is desired.
AI translation rendered from the Sanskrit, not a published edition
NarP 2 3.2
लक्ष्मीभर्ताजगन्नाथोह्यशेषाघौघनाशनः । कर्मणा केन स प्रीतो भवेद्यः सचराचरः
lakṣmībhartājagannāthohyaśeṣāghaughanāśanaḥ / karmaṇā kena sa prīto bhavedyaḥ sacarācaraḥ
The husband of Lakṣmī, the Lord of the world, the destroyer of the whole flood of sins — by what act does he, who is (all) that moves and does not move, become pleased?
AI translation rendered from the Sanskrit, not a published edition
NarP 2 3.3
सौतिरुवाच भक्तिग्राह्यो हृषीकेशो न धनैर्द्धरणीधर । भक्त्या संपूजितो विष्णुः प्रददाति मनोरथम्
sautiruvāca bhaktigrāhyo hṛṣīkeśo na dhanairddharaṇīdhara / bhaktyā saṃpūjito viṣṇuḥ pradadāti manoratham
Sūti said: Hṛṣīkeśa is won by devotion, not by riches, O upholder of the earth; Viṣṇu, well worshipped with devotion, grants one's heart's wish.
AI translation rendered from the Sanskrit, not a published edition
NarP 2 3.4
तस्माद्विप्राः सदा भक्तिः कर्त्तव्या चक्रपाणिनः । जनेनापि जगन्नाथः पूजितः क्लेशहा भवेत्
tasmādviprāḥ sadā bhaktiḥ karttavyā cakrapāṇinaḥ / janenāpi jagannāthaḥ pūjitaḥ kleśahā bhavet
Therefore, O brahmins, devotion to the wielder of the discus should always be practised; the Lord of the world, worshipped even by a common man, becomes a remover of afflictions.
AI translation rendered from the Sanskrit, not a published edition
NarP 2 3.5
परितोषं व्रजत्याशुतृषितस्तु जलैर्यथा । अत्रापि श्रूयते विप्रा आख्यानं पापनाशनम्
paritoṣaṃ vrajatyāśutṛṣitastu jalairyathā / atrāpi śrūyate viprā ākhyānaṃ pāpanāśanam
He comes quickly to satisfaction, as a thirsty man does by water. On this matter too, O brahmins, a tale is heard that destroys sins,
AI translation rendered from the Sanskrit, not a published edition
NarP 2 3.6
रुक्माङ्गदस्य संवादमृषिणा गौतमेन हि । आसीद्ग्रुक्माङ्गदो राजा सार्वभौमः क्षमान्वितः
rukmāṅgadasya saṃvādamṛṣiṇā gautamena hi / āsīdgrukmāṅgado rājā sārvabhaumaḥ kṣamānvitaḥ
(namely) the conversation of Rukmāṅgada with the sage Gautama. There was a king Rukmāṅgada, a universal sovereign, endowed with patience,
AI translation rendered from the Sanskrit, not a published edition
NarP 2 3.7
क्षीरशायिप्रियो भक्तो हरिवासरतत्परः । नान्यं पश्यति देवेशात्पद्मनाभान्महीपतिः
kṣīraśāyipriyo bhakto harivāsaratatparaḥ / nānyaṃ paśyati deveśātpadmanābhānmahīpatiḥ
a devotee dear to him who lies on the ocean of milk, intent on Hari's day; that lord of the earth saw none other than the lord of gods, the lotus-navelled one.
AI translation rendered from the Sanskrit, not a published edition
NarP 2 3.8
पटहं वारणे धृत्वा वादयेद्धरि वासरे । अष्टवर्षाधिको यस्तु पञ्चाशीत्यूनवर्षकः
paṭahaṃ vāraṇe dhṛtvā vādayeddhari vāsare / aṣṭavarṣādhiko yastu pañcāśītyūnavarṣakaḥ
Mounting a drum on an elephant, he would have it beaten on Hari's day: "Whoever is over eight years of age and under eighty-five,
AI translation rendered from the Sanskrit, not a published edition
NarP 2 3.9
भुनक्ति मानवो ह्यद्य विष्णोरहनि मन्दधीः । स मे दण्ड्यश्चग वध्यश्च निर्वास्यो नगराद्बहिः
bhunakti mānavo hyadya viṣṇorahani mandadhīḥ / sa me daṇḍyaścaga vadhyaśca nirvāsyo nagarādbahiḥ
"If a dull-witted man eats today, on Viṣṇu's day, he is to be punished by me, and put to death, and driven out beyond the city."
AI translation rendered from the Sanskrit, not a published edition
NarP 2 3.10
पिता च यदि वा भ्राता पुत्रो भार्या सुहृन्मम । पद्मनाभदिने भोक्ता निग्राह्यो दस्युवद्भवेत्
pitā ca yadi vā bhrātā putro bhāryā suhṛnmama / padmanābhadine bhoktā nigrāhyo dasyuvadbhavet
"Be it my father, or my brother, my son, my wife, my friend—whoever eats on the day of the Lotus-navelled One is to be seized like a robber."
AI translation rendered from the Sanskrit, not a published edition
NarP 2 3.11
ददघ्वंम विप्रमुख्यभ्यो मज्जध्वं जाह्नवीजले । ममेद वचनं शृत्वा राज्यं भुञ्जीत मामकम्
dadaghvaṃma vipramukhyabhyo majjadhvaṃ jāhnavījale / mameda vacanaṃ śṛtvā rājyaṃ bhuñjīta māmakam
"Give (gifts) to the foremost of brahmins, immerse yourselves in the water of the Jāhnavī (Ganges); whoever, having heard this command of mine (obeys it), let him enjoy my kingdom."
AI translation rendered from the Sanskrit, not a published edition — the model flagged this verse as uncertain
NarP 2 3.12
वासरे वासरे विष्णोः शुक्लपक्षे महीपतिः । अशुक्ले तु विशेषेण पटहे हेमसंपुटे
vāsare vāsare viṣṇoḥ śuklapakṣe mahīpatiḥ / aśukle tu viśeṣeṇa paṭahe hemasaṃpuṭe
On every day of Viṣṇu, in the bright fortnight, the lord of the earth (had this proclaimed), and especially in the dark (fortnight), by a drum (carried) in a golden casket.
AI translation rendered from the Sanskrit, not a published edition — the model flagged this verse as uncertain
NarP 2 3.13
एवं प्रघुष्टे भूपेन सर्वभूमौ द्विजोत्तमाः । गच्छिद्भिः संकुलो मार्गः कृतो कृतो लोकैर्हरेर्द्विजाः
evaṃ praghuṣṭe bhūpena sarvabhūmau dvijottamāḥ / gacchidbhiḥ saṃkulo mārgaḥ kṛto kṛto lokairharerdvijāḥ
When this had thus been proclaimed by the king throughout all the earth, O best of twice-born, the road was made crowded by the people going to Hari (i.e. to Hari's temple), O brahmins.
AI translation rendered from the Sanskrit, not a published edition — the model flagged this verse as uncertain
NarP 2 3.14
ये केचिन्निधनं यान्ति भूपालविषये नराः । ज्ञानात्प्रमादतो वापि ते यान्ति हरिमन्दिरम्
ye kecinnidhanaṃ yānti bhūpālaviṣaye narāḥ / jñānātpramādato vāpi te yānti harimandiram
Whatever men meet their death in that king's realm, whether knowingly or through heedlessness, they go to Hari's abode.
AI translation rendered from the Sanskrit, not a published edition
NarP 2 3.15
अवश्यं वैष्णवो लोकः प्राप्यते मानवैर्द्विजाः । व्याजेनापि प्रकुर्वाणैर्द्वादशीं पापनाशिनीम्
avaśyaṃ vaiṣṇavo lokaḥ prāpyate mānavairdvijāḥ / vyājenāpi prakurvāṇairdvādaśīṃ pāpanāśinīm
The world of Viṣṇu is certainly attained by men, O brahmins, even by those who observe the sin-destroying Twelfth (day) merely as a pretence.
AI translation rendered from the Sanskrit, not a published edition
NarP 2 3.16
सो ऽश्नाति पार्थिवं पापं यो ऽश्नाति हरिवासरे । स प्राप्नोति धराधर्मं यो नाश्नाति हरेर्दिने
so 'śnāti pārthivaṃ pāpaṃ yo 'śnāti harivāsare / sa prāpnoti dharādharmaṃ yo nāśnāti harerdine
He who eats on Hari's day eats the king's sin; he who does not eat on Hari's day obtains the merit of (ruling) the earth.
AI translation rendered from the Sanskrit, not a published edition — the model flagged this verse as uncertain
NarP 2 3.17
ब्राह्मणो नैव हन्तव्य इत्येषा वैदिकी स्मृतिः । एकादश्यां न भोक्तव्यं पक्षयोरुभयोरपि
brāhmaṇo naiva hantavya ityeṣā vaidikī smṛtiḥ / ekādaśyāṃ na bhoktavyaṃ pakṣayorubhayorapi
"A brahmin must never be killed"—this is the injunction of the Veda; (likewise) "one must not eat on the eleventh day, in either fortnight."
AI translation rendered from the Sanskrit, not a published edition
NarP 2 3.18
वैलक्ष्यमगमद्राजा रविसूनुर्द्विजोत्तमाः । लेख्यकर्मणि विश्रान्तश्चित्रगुप्तो ऽभवत्तदा
vailakṣyamagamadrājā ravisūnurdvijottamāḥ / lekhyakarmaṇi viśrāntaścitragupto 'bhavattadā
The king, the son of the Sun, fell into embarrassment, O best of the twice-born; and Citragupta then had a rest from the work of record-keeping.
AI translation rendered from the Sanskrit, not a published edition
NarP 2 3.19
संमार्जितानि लेख्यानि पूर्वकर्मोद्भवानि च । गच्छन्ति वैष्णवं लोकं स्वधर्मैर्मानवाः क्षणात्
saṃmārjitāni lekhyāni pūrvakarmodbhavāni ca / gacchanti vaiṣṇavaṃ lokaṃ svadharmairmānavāḥ kṣaṇāt
The records arising from former deeds were wiped clean; by their own dharmas men go in an instant to the world of Viṣṇu.
AI translation rendered from the Sanskrit, not a published edition
NarP 2 3.20
शून्या स्तु निरयाः सर्वे पापप्राणिविवर्जिताः । भग्नो याम्यो ऽभवन्मार्गो द्वादशादित्यतापितः
śūnyā stu nirayāḥ sarve pāpaprāṇivivarjitāḥ / bhagno yāmyo 'bhavanmārgo dvādaśādityatāpitaḥ
All the hells were empty, devoid of sinful creatures; Yama's road was broken up, scorched by twelve suns.
AI translation rendered from the Sanskrit, not a published edition
NarP 2 3.21
सर्वे हि गरुडारूढा जना यान्ति हरेः पदम् । देवा नामपि ये लोकास्ते शून्या ह्यभवंस्तथा
sarve hi garuḍārūḍhā janā yānti hareḥ padam / devā nāmapi ye lokāste śūnyā hyabhavaṃstathā
For all people, mounted on Garuḍa, go to Hari's station; and likewise even those worlds that belong to the gods became empty.
AI translation rendered from the Sanskrit, not a published edition
NarP 2 3.22
उत्सन्नाः पितृदेवेज्यास्तीर्थदानादिसत्क्रियाः । मुक्त्वैकां द्वादशीं मर्त्या नान्यं जानन्ति ते व्रतम्
utsannāḥ pitṛdevejyāstīrthadānādisatkriyāḥ / muktvaikāṃ dvādaśīṃ martyā nānyaṃ jānanti te vratam
Offerings to the ancestors and the gods, and pious acts such as pilgrimage and gift-giving, have died out; apart from the single Twelfth, mortals know no other observance.
AI translation rendered from the Sanskrit, not a published edition
NarP 2 3.23
शून्ये त्रिविष्टपे जाते शून्ये च नरके तथा । नारदो धर्मराजानं गत्वा चेदमुवाच ह
śūnye triviṣṭape jāte śūnye ca narake tathā / nārado dharmarājānaṃ gatvā cedamuvāca ha
When heaven had become empty and hell likewise empty, Nārada went to the King of Dharma and said this:
AI translation rendered from the Sanskrit, not a published edition
NarP 2 3.24
नारद उवाच नाक्रन्दः श्रूयते राजन् प्राङ्गणे नरकेष्वथ । न चापि क्रियते लेख्यं किञ्चिद्दुष्कृतकर्मणाम्
nārada uvāca nākrandaḥ śrūyate rājan prāṅgaṇe narakeṣvatha / na cāpi kriyate lekhyaṃ kiñcidduṣkṛtakarmaṇām
Nārada said: No cry of distress is heard, O king, in the courtyard or in the hells; nor is any record being made of evildoers.
AI translation rendered from the Sanskrit, not a published edition
NarP 2 3.25
चित्रगुप्तो मुनिरिव स्थितो ऽयं मौनसंयुतः । कारणं किं न चायान्ति पापिनो येन ते गृहम्
citragupto muniriva sthito 'yaṃ maunasaṃyutaḥ / kāraṇaṃ kiṃ na cāyānti pāpino yena te gṛham
This Citragupta sits like a sage, keeping silence. What is the reason that the sinners do not come to your house—
AI translation rendered from the Sanskrit, not a published edition
NarP 2 3.26
मायादंभसमाक्रान्ता दुष्टकर्मरतास्तथा । एवमुक्ते तु वचने नारदेन महात्मना
māyādaṃbhasamākrāntā duṣṭakarmaratāstathā / evamukte tu vacane nāradena mahātmanā
—(those) overcome by illusion and hypocrisy, and given to evil deeds? When these words had been spoken by the great-souled Nārada,
AI translation rendered from the Sanskrit, not a published edition
NarP 2 3.27
प्राह वैवस्वतो राजा किञ्चिद्दैन्यसमन्वितः । यम उवाच यो ऽयं नारद भूपालः पृथिव्यां सांप्रतं स्थितः
prāha vaivasvato rājā kiñciddainyasamanvitaḥ / yama uvāca yo 'yaṃ nārada bhūpālaḥ pṛthivyāṃ sāṃprataṃ sthitaḥ
the king, the son of Vivasvat, spoke with something of dejection. Yama said: This king, Nārada, who is at present established on earth—
AI translation rendered from the Sanskrit, not a published edition
NarP 2 3.28
स हि भक्तो हृषीकेशे पुराणपुरुषोत्तमे । प्रबोधयति राजेन्द्रः स जनं पटहेन हि
sa hi bhakto hṛṣīkeśe purāṇapuruṣottame / prabodhayati rājendraḥ sa janaṃ paṭahena hi
—he is a devotee of Hṛṣīkeśa, the ancient Supreme Person; that lord of kings rouses the people with a drum,
AI translation rendered from the Sanskrit, not a published edition
NarP 2 3.29
न भोक्तव्यं न भोक्तव्यं संप्राप्ते हरिवासरे । ये केचिद्भुञ्जते मर्त्यास्ते मे दण्डेषु यान्ति हि
na bhoktavyaṃ na bhoktavyaṃ saṃprāpte harivāsare / ye kecidbhuñjate martyāste me daṇḍeṣu yānti hi
"It must not be eaten, it must not be eaten, when Hari's day has arrived! Whatever mortals do eat, they indeed come under my punishments."
AI translation rendered from the Sanskrit, not a published edition
NarP 2 3.30
तद्भयाद्धि जनाः सर्वे द्वादशीं समुपासते । व्याजेनापि मुनुश्रेष्ठ द्वादश्यां समुपोषिताः
tadbhayāddhi janāḥ sarve dvādaśīṃ samupāsate / vyājenāpi munuśreṣṭha dvādaśyāṃ samupoṣitāḥ
Out of fear of that, all people attend upon the twelfth day; and even if (they do it) under a pretext, best of sages, having fasted on the twelfth,
AI translation rendered from the Sanskrit, not a published edition
NarP 2 3.31
प्रयान्ति वैष्णवं लोकं दाहप्रलयवर्जितम् । द्वादशीसेवनाल्लोकाः प्रायान्ति हरिमन्दिरम्
prayānti vaiṣṇavaṃ lokaṃ dāhapralayavarjitam / dvādaśīsevanāllokāḥ prāyānti harimandiram
they go to Viṣṇu's world, which is free from the burning of the dissolution; through service of the twelfth day the people go on to Hari's mansion.
AI translation rendered from the Sanskrit, not a published edition
NarP 2 3.32
तेन राज्ञा द्विजश्रेष्ठ मार्गा लुप्ता ममाधुना । कृत हि नरकाः शून्या लोकाश्चापि दिवौकसाम्
tena rājñā dvijaśreṣṭha mārgā luptā mamādhunā / kṛta hi narakāḥ śūnyā lokāścāpi divaukasām
By that king, best of the twice-born, my roads have now been wiped out; for the hells have been made empty—and also the worlds of the dwellers in heaven.
AI translation rendered from the Sanskrit, not a published edition
NarP 2 3.33
विश्रान्तं लेखकेर्लेख्यं लिखितं मार्जितं जनैः । एकादश्युपवासस्य माहात्म्येन द्विजोत्तम
viśrāntaṃ lekhakerlekhyaṃ likhitaṃ mārjitaṃ janaiḥ / ekādaśyupavāsasya māhātmyena dvijottama
The scribes' writing has come to rest; what was written has been erased by the people, by the greatness of the fast of the eleventh day, O best of the twice-born.
AI translation rendered from the Sanskrit, not a published edition — the model flagged this verse as uncertain
NarP 2 3.34
ब्रह्महत्यादिपापानि अभुक्त्वैव जना द्विज । समुपोष्य दिनं विष्णोः प्रयान्ति हरिमन्दिरम्
brahmahatyādipāpāni abhuktvaiva janā dvija / samupoṣya dinaṃ viṣṇoḥ prayānti harimandiram
O twice-born one, without having suffered them at all, people, having fasted on Viṣṇu's day, go to Hari's mansion (though they have) the sins of brahmin-murder and the rest.
AI translation rendered from the Sanskrit, not a published edition — the model flagged this verse as uncertain
NarP 2 3.35
सो ऽहं काषाटमृगेणैव तुल्यो जातो महामुने । नेत्रहीनः कर्णहीनः संध्याहीनो द्विजो यथा
so 'haṃ kāṣāṭamṛgeṇaiva tulyo jāto mahāmune / netrahīnaḥ karṇahīnaḥ saṃdhyāhīno dvijo yathā
So I have become just like a deer of the wilds, great sage—like a twice-born man without eyes, without ears, without his twilight rites.
AI translation rendered from the Sanskrit, not a published edition — the model flagged this verse as uncertain
NarP 2 3.36
स्त्रीजितो वा पुमान्यद्वत्षण्ढो वा प्रमदापतिः । त्यक्तकामस्त्वहं ब्रह्मंल्लोकपालत्वमीदृशम्
strījito vā pumānyadvatṣaṇḍho vā pramadāpatiḥ / tyaktakāmastvahaṃ brahmaṃllokapālatvamīdṛśam
Like a man ruled by a woman, or a eunuch who is a lady's husband—I, O brahmin, with desire abandoned: such is my status as a world-guardian!
AI translation rendered from the Sanskrit, not a published edition — the model flagged this verse as uncertain
NarP 2 3.37
यास्यामि ब्रह्मलोके वै दुःखं ज्ञापयितुं स्वकम् । निर्व्यापारो नियोगी तु नियोगे यस्तु तिष्ठति
yāsyāmi brahmaloke vai duḥkhaṃ jñāpayituṃ svakam / nirvyāpāro niyogī tu niyoge yastu tiṣṭhati
I shall go to Brahmā's world to make my own sorrow known. But an appointed officer who has no business, yet remains in his appointment,
AI translation rendered from the Sanskrit, not a published edition
NarP 2 3.38
स्वामिवित्तं समश्नाति स याति नरकं ध्रुवम् । सौतिरुवाच एवमुक्त्वा यमो विप्रा नारदेन समन्वितः
svāmivittaṃ samaśnāti sa yāti narakaṃ dhruvam / sautiruvāca evamuktvā yamo viprā nāradena samanvitaḥ
and consumes his master's wealth—he surely goes to hell. Sauti said: Having spoken thus, O brahmins, Yama, accompanied by Nārada
AI translation rendered from the Sanskrit, not a published edition
NarP 2 3.39
ययौ विरञ्चिसदनं चित्रचिसदनं चित्रगुप्तेन चान्वितः । स ददर्श समासीनं मूर्तामूरतजनावृतम्
yayau virañcisadanaṃ citracisadanaṃ citraguptena cānvitaḥ / sa dadarśa samāsīnaṃ mūrtāmūratajanāvṛtam
went to Brahmā's abode, accompanied also by Citragupta; he saw (him) seated there, surrounded by beings with form and without form,
AI translation rendered from the Sanskrit, not a published edition
NarP 2 3.40
वेदाश्रयं जगद्बीजं सर्वेषां प्रपितामहम् । स्वभवं भूतनिलयमोङ्काराख्यमकल्मषम्
vedāśrayaṃ jagadbījaṃ sarveṣāṃ prapitāmaham / svabhavaṃ bhūtanilayamoṅkārākhyamakalmaṣam
the support of the Vedas, the seed of the world, the great-grandfather of all, self-existent, the resting-place of beings, called Oṃkāra, stainless,
AI translation rendered from the Sanskrit, not a published edition
NarP 2 3.41
शुचिं शुचिपदं हंसं ब्रह्माणं दर्भलाञ्छनम् । उपास्यमानं विविधैर्लोकपालैर्दिगीश्वरैः
śuciṃ śucipadaṃ haṃsaṃ brahmāṇaṃ darbhalāñchanam / upāsyamānaṃ vividhairlokapālairdigīśvaraiḥ
pure, of pure station, the goose, Brahmā, marked with darbha grass, being worshipped by the various world-guardians, the lords of the directions,
AI translation rendered from the Sanskrit, not a published edition
NarP 2 3.42
इतिहासपुराणैश्च वेदौर्वेग्रहसंस्थितैः । मूर्तिमद्भिः समुद्रैश्य नदीभिश्च सरोवरैः
itihāsapurāṇaiśca vedaurvegrahasaṃsthitaiḥ / mūrtimadbhiḥ samudraiśya nadībhiśca sarovaraiḥ
and by the epics and Purāṇas, and by the Vedas standing in bodily form, by the oceans embodied, and by the rivers and lakes,
AI translation rendered from the Sanskrit, not a published edition — the model flagged this verse as uncertain
NarP 2 3.43
देहधृग्भिस्तथा वृक्षैरश्वत्थाद्यैर्विशेषतः । वापीकूपतडागाद्यैर्मूर्तिमद्भिश्च पर्वतैः
dehadhṛgbhistathā vṛkṣairaśvatthādyairviśeṣataḥ / vāpīkūpataḍāgādyairmūrtimadbhiśca parvataiḥ
likewise by the trees bearing bodies, especially the aśvattha and others, by step-wells, wells, ponds and the rest, and by the mountains embodied,
AI translation rendered from the Sanskrit, not a published edition
NarP 2 3.44
अहोरात्रैस्तथा पक्षैर्मासैः संवत्सरैर्द्विजाः । कलाकाष्ठानिमेषैश्च ऋतुभिश्चायनैर्युगैः
ahorātraistathā pakṣairmāsaiḥ saṃvatsarairdvijāḥ / kalākāṣṭhānimeṣaiśca ṛtubhiścāyanairyugaiḥ
likewise by the days and nights, by the fortnights, months and years, O twice-born ones, and by the kalās, kāṣṭhās and moments, by the seasons, the half-years and the ages,
AI translation rendered from the Sanskrit, not a published edition
NarP 2 3.45
मन्वन्तरैस्तथा कल्पैर्निमेषैरुन्मिषैरपि । ऋक्षैर्योगैश्च करणैः पौर्णमासेंदुसंक्षयैः
manvantaraistathā kalpairnimeṣairunmiṣairapi / ṛkṣairyogaiśca karaṇaiḥ paurṇamāseṃdusaṃkṣayaiḥ
likewise by the manvantaras and the kalpas, by the closings and openings (of the eye), by the lunar mansions, the yogas and the karaṇas, by the full moons and the moon's waning,
AI translation rendered from the Sanskrit, not a published edition
NarP 2 3.46
सुखैर्दुःखैस्तथा द्वन्द्वैर्लाभालाभैर्जयाजयैः । सत्यानृतैश्च देवेशो वेष्टितो धर्मपावकः
sukhairduḥkhaistathā dvandvairlābhālābhairjayājayaiḥ / satyānṛtaiśca deveśo veṣṭito dharmapāvakaḥ
by pleasures and pains and the (other) pairs, by gain and loss, by victory and defeat, and by truth and falsehood: (so) the lord of the gods, the purifier of dharma, was encircled;
AI translation rendered from the Sanskrit, not a published edition
NarP 2 3.47
कर्मविद्भिश्च पुरुषैरनुपैरुपास्यते । सत्त्वेन रजसा चैव तमसा च पितामहः
karmavidbhiśca puruṣairanupairupāsyate / sattvena rajasā caiva tamasā ca pitāmahaḥ
and by men who know (the rites of) action... he is worshipped; the grandfather (is attended) by sattva, by rajas and by tamas,
AI translation rendered from the Sanskrit, not a published edition — the model flagged this verse as uncertain
NarP 2 3.48
शान्तमूढातिघोरैश्च विकारैः प्राकृतैर्विभुः । वायुना श्लेष्मपित्ताभ्यां मूर्तैरातङ्कनामभिः
śāntamūḍhātighoraiśca vikāraiḥ prākṛtairvibhuḥ / vāyunā śleṣmapittābhyāṃ mūrtairātaṅkanāmabhiḥ
and the mighty one (is encircled) by the modifications of primal matter, calm, dull and most terrible, by wind, by phlegm and bile, by the embodied things named diseases,
AI translation rendered from the Sanskrit, not a published edition — the model flagged this verse as uncertain
NarP 2 3.49
आनन्देन च विश्वात्मा परधर्मं समाश्रितः । अनुक्तैरपि भूतैश्च संवृतो लोककृत्स्वयम्
ānandena ca viśvātmā paradharmaṃ samāśritaḥ / anuktairapi bhūtaiśca saṃvṛto lokakṛtsvayam
and by bliss — the Self of all, having resorted to another's nature; surrounded too by beings not (here) named, himself the maker of the world.
AI translation rendered from the Sanskrit, not a published edition — the model flagged this verse as uncertain
NarP 2 3.50
दुरुक्तैः कटुवाक्याद्यैर्मूर्तिमद्भिरुपास्यते । तेषां मध्ये ऽविशत्सौरिः सव्रीडेव वधूर्यथा
duruktaiḥ kaṭuvākyādyairmūrtimadbhirupāsyate / teṣāṃ madhye 'viśatsauriḥ savrīḍeva vadhūryathā
He is attended by ill speech, harsh words and the like, embodied. Into their midst the son of the Sun entered, bashful as a bride.
AI translation rendered from the Sanskrit, not a published edition
NarP 2 3.51
विलोकयन्नधोभागं नम्रवक्त्रो व्यदर्शयत् । ते प्रविष्टं यमं दृष्ट्वा सकायस्थं सनारदम्
vilokayannadhobhāgaṃ namravaktro vyadarśayat / te praviṣṭaṃ yamaṃ dṛṣṭvā sakāyasthaṃ sanāradam
Gazing at the ground, his face bowed, he showed (himself). They, seeing that Yama had entered together with his scribe and with Nārada—
AI translation rendered from the Sanskrit, not a published edition — the model flagged this verse as uncertain
NarP 2 3.52
विस्मिताक्षा मिथः प्रोचुः किमयं भास्करिस्त्विह । संप्राप्तो हि लोककरं द्रष्टुं देवं पितामहम्
vismitākṣā mithaḥ procuḥ kimayaṃ bhāskaristviha / saṃprāpto hi lokakaraṃ draṣṭuṃ devaṃ pitāmaham
—with astonished eyes said to one another: "Why is the son of the Sun here? Surely he has come to see the god Grandfather, the maker of the worlds.
AI translation rendered from the Sanskrit, not a published edition
NarP 2 3.53
निर्व्यापारः क्षणं नास्ति यो ऽयं व्यग्रो रवेः सुतः । सो ऽयमभ्यागतः कस्मात्कञ्चित्क्षेमं दिवौकसाम्
nirvyāpāraḥ kṣaṇaṃ nāsti yo 'yaṃ vyagro raveḥ sutaḥ / so 'yamabhyāgataḥ kasmātkañcitkṣemaṃ divaukasām
This busy son of the Sun, who is not idle for a moment — why has he come here? (Is there) some matter of safety for the dwellers in heaven?"
AI translation rendered from the Sanskrit, not a published edition
NarP 2 3.54
आश्चर्यातिशयं मन्ये यन्मार्जितपटस्त्वयम् । लेखकः समनुप्राप्तो दैन्येन महतान्वितः
āścaryātiśayaṃ manye yanmārjitapaṭastvayam / lekhakaḥ samanuprāpto dainyena mahatānvitaḥ
"I think it the greatest wonder that this scribe has arrived with his cloth wiped clean, and filled with great dejection.
AI translation rendered from the Sanskrit, not a published edition
NarP 2 3.55
न केनचित्पटो ह्यस्य मार्जितो ऽभूच्च धर्मिणा । यन्न दृष्टं श्रुन्त वापि तदिहैव प्रदृश्यते
na kenacitpaṭo hyasya mārjito 'bhūcca dharmiṇā / yanna dṛṣṭaṃ śrunta vāpi tadihaiva pradṛśyate
Indeed, his cloth has been wiped clean by no righteous man; what has been neither seen nor heard, that very thing is seen here."
AI translation rendered from the Sanskrit, not a published edition
NarP 2 3.56
एवमुच्चरतां तेषां भूतानां कृतशासनः । निपपाताग्रतो विप्रा ब्रह्मणो रविनन्दनः
evamuccaratāṃ teṣāṃ bhūtānāṃ kṛtaśāsanaḥ / nipapātāgrato viprā brahmaṇo ravinandanaḥ
While those beings were speaking thus, O brahmins, the son of the Sun, whose commands are (always) carried out, fell down before Brahmā,
AI translation rendered from the Sanskrit, not a published edition
NarP 2 3.57
मूलच्छिन्नो यथा शाखी त्राहि त्राहीति संरुदन् । परिभूतो ऽस्मि देवेश यन्मार्जितपटः कृतः
mūlacchinno yathā śākhī trāhi trāhīti saṃrudan / paribhūto 'smi deveśa yanmārjitapaṭaḥ kṛtaḥ
like a tree cut at the root, weeping aloud, "Save me, save me! I am humiliated, O lord of gods, in that my cloth has been wiped clean.
AI translation rendered from the Sanskrit, not a published edition
NarP 2 3.58
त्वया नाथेन विधुरं पश्यामि कमलासन । एवं ब्रुवन्स निश्चेष्टो बभूव द्विजसंत्तमाः
tvayā nāthena vidhuraṃ paśyāmi kamalāsana / evaṃ bruvansa niśceṣṭo babhūva dvijasaṃttamāḥ
Though you are my protector, I find myself helpless, O lotus-seated one." Speaking thus he became motionless, O best of the twice-born.
AI translation rendered from the Sanskrit, not a published edition
NarP 2 3.59
ततो हलहलाशब्दः सभायां समवर्तत । योर्ऽथं रोदयते लोकान्सर्वान्स्थावरज गमान्
tato halahalāśabdaḥ sabhāyāṃ samavartata / yor'thaṃ rodayate lokānsarvānsthāvaraja gamān
Then an uproar arose in the assembly: "He who makes all the worlds, moving and unmoving, weep for his sake—
AI translation rendered from the Sanskrit, not a published edition — the model flagged this verse as uncertain
NarP 2 3.60
सो ऽयं रोदिति दुःखार्तः कस्माद्वैवस्वतो यमः । अथवा सत्यगाथेयं लौकिकी प्रतिभाति नः
so 'yaṃ roditi duḥkhārtaḥ kasmādvaivasvato yamaḥ / athavā satyagātheyaṃ laukikī pratibhāti naḥ
—why does he, Yama the son of Vivasvat, now weep, stricken with grief? Or rather, this common saying appears true to us:
AI translation rendered from the Sanskrit, not a published edition
NarP 2 3.61
जनसन्तापकर्ता यः सो ऽचिरेणोपतप्यते । नहि दुष्कृतकर्मा हि नरः प्राप्नोति शोभनम्
janasantāpakartā yaḥ so 'cireṇopatapyate / nahi duṣkṛtakarmā hi naraḥ prāpnoti śobhanam
he who causes people pain is himself before long burned; for a man of evil deeds does not obtain what is good."
AI translation rendered from the Sanskrit, not a published edition
NarP 2 3.62
ततो निवारयामास वायुस्तेषां वचस्तदा । लोकानां समचित्तानां मतं ज्ञात्वा हि वेधसः
tato nivārayāmāsa vāyusteṣāṃ vacastadā / lokānāṃ samacittānāṃ mataṃ jñātvā hi vedhasaḥ
Then Vāyu checked their talk at that time, having understood the mind of the Creator and of the like-minded worlds.
AI translation rendered from the Sanskrit, not a published edition — the model flagged this verse as uncertain
NarP 2 3.63
निवार्य शङ्कां मार्तण्डिं शनैरुत्थापयन् विभुः । भुजाभ्यां साधुपीनाभ्यां लोकमूर्तिरुदारधीः
nivārya śaṅkāṃ mārtaṇḍiṃ śanairutthāpayan vibhuḥ / bhujābhyāṃ sādhupīnābhyāṃ lokamūrtirudāradhīḥ
Having quelled the misgiving, the mighty one, whose form is the world, of noble mind, slowly raised up the son of the Sun with his two well-rounded arms.
AI translation rendered from the Sanskrit, not a published edition
NarP 2 3.64
विह्वलं तं पलायन्तमासने संन्यवेशयत् । सकायस्थमुवाचेदं व्योममूर्तिं रवेः सुतम्
vihvalaṃ taṃ palāyantamāsane saṃnyaveśayat / sakāyasthamuvācedaṃ vyomamūrtiṃ raveḥ sutam
Him, distraught and about to flee, he settled upon a seat, and he whose form is the sky said this to the son of the Sun together with his scribe:
AI translation rendered from the Sanskrit, not a published edition
NarP 2 3.65
केन त्वमभिभूतो ऽसि केन स्थानाद्विवासितः । केनापमार्जितो देवपटो लोकपटस्तव
kena tvamabhibhūto 'si kena sthānādvivāsitaḥ / kenāpamārjito devapaṭo lokapaṭastava
"By whom have you been overpowered? By whom have you been driven from your place? By whom has your divine cloth, the register of the worlds, been wiped away?
AI translation rendered from the Sanskrit, not a published edition
NarP 2 3.66
ब्रूहि सर्वमशेषेण कुशकेतुर्वदत्वयम् । यः प्रभुस्तात सर्वेषां स ते कर्ता समुन्नतिम् । अपनेष्यति मार्तण्डे दुःखं हृदयसंस्थितम्
brūhi sarvamaśeṣeṇa kuśaketurvadatvayam / yaḥ prabhustāta sarveṣāṃ sa te kartā samunnatim / apaneṣyati mārtaṇḍe duḥkhaṃ hṛdayasaṃsthitam
Tell it all without remainder — this Kuśaketu bids you speak. He who is the lord of all, my dear, will bring about your advancement; he will remove, O son of the Sun, the sorrow lodged in your heart."
AI translation rendered from the Sanskrit, not a published edition — the model flagged this verse as uncertain
NarP 2 3.67
स एवमुक्तस्तु प्रभञ्जनेन दिनेशसूनुस्तमथो बभाषे । विलोक्य वक्त्रं कुशकेतुसूनोः सगद्गदं मन्दमुदीरयन्वचः
sa evamuktastu prabhañjanena dineśasūnustamatho babhāṣe / vilokya vaktraṃ kuśaketusūnoḥ sagadgadaṃ mandamudīrayanvacaḥ
Thus addressed by the Wind, the son of the Day-maker then spoke to him, looking at the face of Kuśaketu's son, uttering his words slowly and with a choking voice.
AI translation rendered from the Sanskrit, not a published edition