Narada Purana — Uttara Bhaga — Chapter 26
NarP 2 26.1
राजोवाच कीर्तिर्नश्यतु मे पुत्र ह्यनृती वा भवाम्यहम् । गतो वा नरकं घोरं कथं भोक्ष्ये हरेर्दिने
rājovāca kīrtirnaśyatu me putra hyanṛtī vā bhavāmyaham / gato vā narakaṃ ghoraṃ kathaṃ bhokṣye harerdine
The king said: Let my fame perish, my son, or let me become a liar, or let me go to dreadful hell — (but) how shall I eat on Hari's day?
AI translation rendered from the Sanskrit, not a published edition
NarP 2 26.2
ब्रह्मणो निलयं यातु देवीयं मोहिनी सुत । भूयो भूयो वदति मां दुर्मेधाश्च सुबालिशा
brahmaṇo nilayaṃ yātu devīyaṃ mohinī suta / bhūyo bhūyo vadati māṃ durmedhāśca subāliśā
Let this goddess Mohinī go to Brahmā's abode, my son; again and again she tells me (this), she of evil wits and utterly childish.
AI translation rendered from the Sanskrit, not a published edition
NarP 2 26.3
नापरं कामये राज्यं वसुधां वसु किञ्चन । मुक्त्वैवं वासरे विष्णोर्भोजनं पापनाशने
nāparaṃ kāmaye rājyaṃ vasudhāṃ vasu kiñcana / muktvaivaṃ vāsare viṣṇorbhojanaṃ pāpanāśane
I desire nothing else — no kingdom, no earth, no wealth whatever — except this: (abstaining from) eating on Viṣṇu's day, which destroys sin.
AI translation rendered from the Sanskrit, not a published edition
NarP 2 26.4
यद्यहं कुत्सितां योनिं व्रजेयं क्रिमिसंज्ञिताम् । तथापि नैव कर्ताहं भोजनं हरिवासरे
yadyahaṃ kutsitāṃ yoniṃ vrajeyaṃ krimisaṃjñitām / tathāpi naiva kartāhaṃ bhojanaṃ harivāsare
Even if I should go to a despicable womb, one called that of a worm, even so I will not take food on Hari's day.
AI translation rendered from the Sanskrit, not a published edition
NarP 2 26.5
एषा गुरुतरा भूत्वा लोकानां शिक्षयान्विता । दुन्दुभी कुर्वती नादं सा कथं वितथा भवेत्
eṣā gurutarā bhūtvā lokānāṃ śikṣayānvitā / dundubhī kurvatī nādaṃ sā kathaṃ vitathā bhavet
This (vow), having become weightier, is fraught with instruction for the worlds; like a drum making its sound, how should it become false?
AI translation rendered from the Sanskrit, not a published edition
NarP 2 26.6
अभक्ष्यभक्षणं कृत्वा अगम्यागमनं तथा । अपेयं चैव पीत्वा तु किं जीवेच्छरदः शतम्
abhakṣyabhakṣaṇaṃ kṛtvā agamyāgamanaṃ tathā / apeyaṃ caiva pītvā tu kiṃ jīveccharadaḥ śatam
Having eaten what should not be eaten, and gone to (a woman) who should not be approached, and drunk what should not be drunk — what (good is it) if one lives a hundred autumns?
AI translation rendered from the Sanskrit, not a published edition
NarP 2 26.7
असत्यं वापि कृत्वाहं त्यक्तराज्यनयः क्षितौ । धिक्कृतो ऽपि जनैः सर्वैर्न भोक्ष्ये हरिवासरे
asatyaṃ vāpi kṛtvāhaṃ tyaktarājyanayaḥ kṣitau / dhikkṛto 'pi janaiḥ sarvairna bhokṣye harivāsare
Even having spoken falsehood, having abandoned the rule of the kingdom on earth, even reviled by all people, I will not eat on Hari's day.
AI translation rendered from the Sanskrit, not a published edition
NarP 2 26.8
वियोगे चपलापाङ्ग्या यदि चेन्मरणं मम । तच्चापि वरमेवात्र न भोक्ष्ये हरिवासरे
viyoge capalāpāṅgyā yadi cenmaraṇaṃ mama / taccāpi varamevātra na bhokṣye harivāsare
If my death should come from separation from the tremulous-eyed one, that too is better here (than eating) — I will not eat on Hari's day.
AI translation rendered from the Sanskrit, not a published edition
NarP 2 26.9
कथं हर्षमहं कर्ता मार्तण्डतनयस्य वै । व्रजद्भिर्मनुजैर्मार्गे निरयस्यातिदुःखितैः
kathaṃ harṣamahaṃ kartā mārtaṇḍatanayasya vai / vrajadbhirmanujairmārge nirayasyātiduḥkhitaiḥ
How shall I give joy to the son of the Sun (Yama), while men go along the road to hell exceedingly miserable?
AI translation rendered from the Sanskrit, not a published edition
NarP 2 26.10
यास्तु शून्याः कृतास्तात मया नरकपङ्क्तयः । जनैः पूर्णा भविष्यन्ति मयि भुक्ते तु ताः सुत
yāstu śūnyāḥ kṛtāstāta mayā narakapaṅktayaḥ / janaiḥ pūrṇā bhaviṣyanti mayi bhukte tu tāḥ suta
Those rows of hells that were made empty by me, my son — they will become full of people if I eat, my child.
AI translation rendered from the Sanskrit, not a published edition
NarP 2 26.11
मास्म सीमन्तिनी पुत्र कुक्षौ संधारयेत्सुतम् । समर्थो यस्तु शत्रूणां हर्षं संजनयेद्भुवि
māsma sīmantinī putra kukṣau saṃdhārayetsutam / samartho yastu śatrūṇāṃ harṣaṃ saṃjanayedbhuvi
Let no woman, my son, carry in her womb a son who, being able (to prevent it), would produce joy for enemies on earth.
AI translation rendered from the Sanskrit, not a published edition
NarP 2 26.12
भोजनं वासरे विष्णोरेतदेव हियाचते । तन्न दास्यामि मोहिन्या याचितो ऽपि सुरासुरैः
bhojanaṃ vāsare viṣṇoretadeva hiyācate / tanna dāsyāmi mohinyā yācito 'pi surāsuraiḥ
It is just this that she asks for — eating on Viṣṇu's day; that I will not grant to Mohinī, even if asked by gods and demons.
AI translation rendered from the Sanskrit, not a published edition
NarP 2 26.13
पिबेद्विषं विशेद्वह्निं निपतेत्पर्वताग्रतः । आकाशभासा स्वशिरश्छिन्द्यादेव वरासिना
pibedviṣaṃ viśedvahniṃ nipatetparvatāgrataḥ / ākāśabhāsā svaśiraśchindyādeva varāsinā
He may drink poison, enter fire, fall from a mountain peak, or cut off his own head with a fine sword bright as the sky —
AI translation rendered from the Sanskrit, not a published edition — the model flagged this verse as uncertain
NarP 2 26.14
न भोक्ष्यते हरिदिने राजा रुक्माङ्गदः क्षितौ । रुक्माङ्गदेति मन्नाम प्रसिद्धं भुवनत्रये
na bhokṣyate haridine rājā rukmāṅgadaḥ kṣitau / rukmāṅgadeti mannāma prasiddhaṃ bhuvanatraye
(but) King Rukmāṅgada on earth will not eat on Hari's day. This name of mine, 'Rukmāṅgada', is famed in the three worlds.
AI translation rendered from the Sanskrit, not a published edition
NarP 2 26.15
एकादश्युपवासेन तन्मया संचितं यशः । स कथं भोजनं कृत्वा नाशये स्वकृतं यशः
ekādaśyupavāsena tanmayā saṃcitaṃ yaśaḥ / sa kathaṃ bhojanaṃ kṛtvā nāśaye svakṛtaṃ yaśaḥ
That fame was amassed by me through fasting on the eleventh day; how should he, by taking food, destroy the fame he himself has made?
AI translation rendered from the Sanskrit, not a published edition
NarP 2 26.16
म्रियते यदि वा गच्छति निपतति नश्येच्च खण्डशो वापि । विरमति तदपि न चेतो मामकमिति मोहिनीहेतोः
mriyate yadi vā gacchati nipatati naśyecca khaṇḍaśo vāpi / viramati tadapi na ceto māmakamiti mohinīhetoḥ
Though (this body) die, or depart, or fall, or be destroyed piece by piece, even then my mind does not turn back (from the vow) for Mohinī's sake.
AI translation rendered from the Sanskrit, not a published edition
NarP 2 26.17
परित्यजाम्येष निजं हि जीवितं लोकैः समेतः सहदारभृत्यैः । न त्वेव कुर्यां मधुसूदनस्य दिने सुपुण्ये ऽन्ननिषेवणं हि
parityajāmyeṣa nijaṃ hi jīvitaṃ lokaiḥ sametaḥ sahadārabhṛtyaiḥ / na tveva kuryāṃ madhusūdanasya dine supuṇye 'nnaniṣevaṇaṃ hi
I will give up my own life, together with (my) people, along with wife and servants; but I will not eat food on the most holy day of Madhusūdana.
AI translation rendered from the Sanskrit, not a published edition