Narada Purana — Uttara Bhaga — Chapter 1
NarP 2 1.1
पान्तु वो जलदश्यामाः शार्ङ्गज्याघातकर्कशाः । त्रैलोक्यमण्डपस्तंभाश्चत्वारो हरिबाहवः
pāntu vo jaladaśyāmāḥ śārṅgajyāghātakarkaśāḥ / trailokyamaṇḍapastaṃbhāścatvāro haribāhavaḥ
May the four arms of Hari protect you — dark as rain clouds, rough from the blows of the Śārṅga bow's string, the pillars of the pavilion of the three worlds.
AI translation rendered from the Sanskrit, not a published edition
NarP 2 1.2
सुरद सुरशिरोरत्ननिघृष्टमणिरञ्जितम् । हरिपादांबुजद्वन्द्वमभीष्टप्तदमस्तु नः
surada suraśiroratnanighṛṣṭamaṇirañjitam / haripādāṃbujadvandvamabhīṣṭaptadamastu naḥ
May the pair of Hari's lotus feet, tinged by the jewels polished (by their contact) with the crest-gems on the heads of gods and demons, be the granter of what we desire.
AI translation rendered from the Sanskrit, not a published edition — the model flagged this verse as uncertain
NarP 2 1.3
मान्धातोवाच पापेन्धनस्य घोरस्य शुष्कार्द्रस्य द्विजोत्तम । कोवह्निर्दहते तस्य तद्भवान्वक्तुमर्हति
māndhātovāca pāpendhanasya ghorasya śuṣkārdrasya dvijottama / kovahnirdahate tasya tadbhavānvaktumarhati
Māndhātṛ said: O best of the twice-born, what is the fire that burns up the dry and the moist fuel that is dreadful sin? That you should tell (me).
AI translation rendered from the Sanskrit, not a published edition
NarP 2 1.4
नाज्ञातं त्रिषु लोकेषु चतुर्मुखसमुद्भव । विद्यते तव विप्रेन्द्र त्रिविधस्य सुनिश्चितम्
nājñātaṃ triṣu lokeṣu caturmukhasamudbhava / vidyate tava viprendra trividhasya suniścitam
In the three worlds there is nothing unknown to you, O you sprung from the four-faced one, O lord of brahmins — nothing certainly of the threefold (kind).
AI translation rendered from the Sanskrit, not a published edition
NarP 2 1.5
अज्ञातं पातकं शुष्कं ज्ञातं चार्द्रमुदाहृतम् । भाव्यं वाप्यथवातीतं वर्तमान वदस्व नः
ajñātaṃ pātakaṃ śuṣkaṃ jñātaṃ cārdramudāhṛtam / bhāvyaṃ vāpyathavātītaṃ vartamāna vadasva naḥ
Unknown sin is called dry, and known sin moist; tell us (of sin) that is to come, or past, or present.
AI translation rendered from the Sanskrit, not a published edition
NarP 2 1.8
वह्निनो केन तद्भस्म भवेदेतन्मतं मम । वसिष्टं उवाच श्रूयतां नृपशार्दूल वह्निना येन तद्भवेत् ॥ नर्प्_२,१।६ ॥ भस्म शुष्कं तथार्द्रं च पापमस्य ह्येशेषतः ॥ नर्प्_२,१।७ ॥ अवाप्य वासरं विष्णोर्यो नरः संयतेन्द्रियः । उपवासपरो भूत्वा पूजयेन्मधुसूदनम्
vahnino kena tadbhasma bhavedetanmataṃ mama / vasiṣṭaṃ uvāca śrūyatāṃ nṛpaśārdūla vahninā yena tadbhavet // narp_2,1.6 // bhasma śuṣkaṃ tathārdraṃ ca pāpamasya hyeśeṣataḥ // narp_2,1.7 // avāpya vāsaraṃ viṣṇoryo naraḥ saṃyatendriyaḥ / upavāsaparo bhūtvā pūjayenmadhusūdanam
By what fire would that become ash? This is my question. Vasiṣṭha said: Hear, O tiger among kings, by what fire that would come about. // The dry and likewise the moist sin of a man becomes ash entirely. // Having obtained the day of Viṣṇu, the man who, with senses restrained and devoted to fasting, should worship the slayer of Madhu —
AI translation rendered from the Sanskrit, not a published edition
NarP 2 1.9
स धात्रीस्नानसहितो रात्रौ जागरणान्वितः । विशोधयति पापानि कितवो हि यथा धनम्
sa dhātrīsnānasahito rātrau jāgaraṇānvitaḥ / viśodhayati pāpāni kitavo hi yathā dhanam
he, together with the bath (in water) with āmalaka, keeping vigil at night, purges away his sins, just as a gambler (loses) his wealth.
AI translation rendered from the Sanskrit, not a published edition — the model flagged this verse as uncertain
NarP 2 1.10
एकदाशीसमाख्येन वह्निना पातकेन्धनम् । भस्मतां याति राजेन्द्र अपि जन्मशतोद्भवम्
ekadāśīsamākhyena vahninā pātakendhanam / bhasmatāṃ yāti rājendra api janmaśatodbhavam
By the fire named Ekādaśī the fuel that is sin is reduced to ashes, O lord of kings, even (sin) arisen from a hundred births.
AI translation rendered from the Sanskrit, not a published edition
NarP 2 1.11
नेदृश पावनं किञ्चिन्नाराणां भूप विद्यते । यादृशं पद्मनाभस्य दिनं पातकहानिदम्
nedṛśa pāvanaṃ kiñcinnārāṇāṃ bhūpa vidyate / yādṛśaṃ padmanābhasya dinaṃ pātakahānidam
There is no such purifier for men, O king, as the day of the Lotus-naveled one, which removes sin.
AI translation rendered from the Sanskrit, not a published edition
NarP 2 1.12
तावत्पापानि देहे ऽस्मिंस्तिष्ठन्ति मनुजाधिप । यावन्नोपवसेज्जन्तुः पद्मनाभदिमं शुभम्
tāvatpāpāni dehe 'smiṃstiṣṭhanti manujādhipa / yāvannopavasejjantuḥ padmanābhadimaṃ śubham
Just so long do sins remain in this body, O ruler of men, as a creature does not fast on this auspicious day of the Lotus-naveled one.
AI translation rendered from the Sanskrit, not a published edition
NarP 2 1.13
अश्वमेधसहस्राणि राजसूयशतानि च । एकादश्युपवासस्य कलां नार्हन्ति षोडशीम्
aśvamedhasahasrāṇi rājasūyaśatāni ca / ekādaśyupavāsasya kalāṃ nārhanti ṣoḍaśīm
A thousand horse-sacrifices and a hundred rājasūyas are not worth a sixteenth part of a fast on the eleventh day.
AI translation rendered from the Sanskrit, not a published edition
NarP 2 1.14
एकादशेन्द्रियैः पापं यत्कृतं भवति प्रभो । एकादश्युपवासेन तत्सर्वं विलयं व्रजेत्
ekādaśendriyaiḥ pāpaṃ yatkṛtaṃ bhavati prabho / ekādaśyupavāsena tatsarvaṃ vilayaṃ vrajet
Whatever sin is committed by the eleven senses, O lord, all of that goes to dissolution by fasting on the eleventh day.
AI translation rendered from the Sanskrit, not a published edition
NarP 2 1.15
एकादशीसमं किञ्चित्पापनाशं न विद्यते । व्याजेनापि कृता राजन्न दर्शयति भास्करिम्
ekādaśīsamaṃ kiñcitpāpanāśaṃ na vidyate / vyājenāpi kṛtā rājanna darśayati bhāskarim
There is no destruction of sin equal to the Ekādaśī; even if kept as a pretext, O king, it does not show (a man) the son of the Sun (Yama).
AI translation rendered from the Sanskrit, not a published edition
NarP 2 1.16
स्वर्गमोक्षप्रदा ह्येषा राज्यपुत्रप्रदायिनी । सुकलत्रप्रदा ह्येषा शरीरारोग्यदायिनी
svargamokṣapradā hyeṣā rājyaputrapradāyinī / sukalatrapradā hyeṣā śarīrārogyadāyinī
For this (observance) grants heaven and liberation, it bestows kingdom and sons; it gives a good wife, it gives health of body.
AI translation rendered from the Sanskrit, not a published edition
NarP 2 1.17
न गङ्गा न गया भूप न काशी न च पुष्करम् । न चापि कैरवं क्षेत्रं न रेवा न च देविका
na gaṅgā na gayā bhūpa na kāśī na ca puṣkaram / na cāpi kairavaṃ kṣetraṃ na revā na ca devikā
Not the Gaṅgā, not Gayā, O king, not Kāśī, nor Puṣkara, nor the Kairava field, nor the Revā, nor the Devikā,
AI translation rendered from the Sanskrit, not a published edition
NarP 2 1.18
यमुना चन्द्रभागा च पुण्या भूप हरेर्दिनात् । अनायासेन राजेन्द्र प्राप्यते हरिमन्दिरम्
yamunā candrabhāgā ca puṇyā bhūpa harerdināt / anāyāsena rājendra prāpyate harimandiram
nor the Yamunā and the Candrabhāgā are (as) holy, O king, as Hari's day; without effort, O lord of kings, the abode of Hari is attained (thereby).
AI translation rendered from the Sanskrit, not a published edition
NarP 2 1.19
रात्रौ जामरण कृत्वा समुपोष्य हरेर्दिनम् । सर्वपापविनिर्मुक्तो विष्णुलोके व्रजेन्नरः
rātrau jāmaraṇa kṛtvā samupoṣya harerdinam / sarvapāpavinirmukto viṣṇuloke vrajennaraḥ
Keeping vigil at night and fasting on Hari's day, a man, freed from all sins, goes to the world of Viṣṇu.
AI translation rendered from the Sanskrit, not a published edition
NarP 2 1.20
दशैव मातृके पक्षे दश राजेन्द्र पैतृके । भार्याया दश पक्षे च पुरुषानुद्धरेत्तथा
daśaiva mātṛke pakṣe daśa rājendra paitṛke / bhāryāyā daśa pakṣe ca puruṣānuddharettathā
Ten men on the mother's side, ten, O lord of kings, on the father's side, and ten on the wife's side he thus rescues.
AI translation rendered from the Sanskrit, not a published edition
NarP 2 1.21
आत्मानमपि राजेन्द्र स नयेद्वैष्णवं पुरम् । चिन्तामणिसमा ह्येषा अथवापि निधेः समा
ātmānamapi rājendra sa nayedvaiṣṇavaṃ puram / cintāmaṇisamā hyeṣā athavāpi nidheḥ samā
And, O lord of kings, he would lead even himself to the city of Viṣṇu; for this (twelfth day) is like a wish-granting gem, or else like a treasure-hoard.
AI translation rendered from the Sanskrit, not a published edition
NarP 2 1.22
संकल्पपादपप्रख्या वेदवाक्योपमाथवा । द्वादशीं ये प्रपन्ना हि नरा नरवरोत्तम
saṃkalpapādapaprakhyā vedavākyopamāthavā / dvādaśīṃ ye prapannā hi narā naravarottama
It is like the wish-fulfilling tree, or comparable to the words of the Veda. O best of the best of men, those men who have taken refuge in the twelfth day —
AI translation rendered from the Sanskrit, not a published edition
NarP 2 1.23
ते द्वन्द्वबाहवो जाता नागारिकृतवाहनाः । स्रग्विणः पीतवस्त्राश्च प्रयान्ति हरिमन्दिरम्
te dvandvabāhavo jātā nāgārikṛtavāhanāḥ / sragviṇaḥ pītavastrāśca prayānti harimandiram
they, become two-armed, with Garuḍa (the enemy of serpents) made their vehicle, wearing garlands and yellow garments, go to the palace of Hari.
AI translation rendered from the Sanskrit, not a published edition
NarP 2 1.24
एष प्रभावो हि मया द्वादश्याः परिकीर्तितः । पापेन्धनस्य घोरस्य पावकाख्यो महीपते
eṣa prabhāvo hi mayā dvādaśyāḥ parikīrtitaḥ / pāpendhanasya ghorasya pāvakākhyo mahīpate
This power of the twelfth has been proclaimed by me, O lord of the earth — it is called the fire for the dreadful fuel that is sin.
AI translation rendered from the Sanskrit, not a published edition
NarP 2 1.25
हरेर्द्दिनं सदोपोष्यं नरैर्धर्मपरायणैः । इच्छद्भिर्विपुलान्योगान्पुत्रपौत्रादिकांस्तथा
harerddinaṃ sadopoṣyaṃ narairdharmaparāyaṇaiḥ / icchadbhirvipulānyogānputrapautrādikāṃstathā
The day of Hari should always be fasted upon by men devoted to dharma, who desire abundant unions (of prosperity) and likewise sons, grandsons and the rest.
AI translation rendered from the Sanskrit, not a published edition
NarP 2 1.26
हरिदिनमिह मर्त्यो यः करोत्यादरेण नरवर स तु कुक्षिं मातुराप्नोति नैव । बहुवृजिनसमेतो ऽकामतः कामतो वा व्रजति पदमनन्तं लोकनाथस्य विष्णोः
haridinamiha martyo yaḥ karotyādareṇa naravara sa tu kukṣiṃ māturāpnoti naiva / bahuvṛjinasameto 'kāmataḥ kāmato vā vrajati padamanantaṃ lokanāthasya viṣṇoḥ
O best of men, that mortal who here observes Hari's day with reverence does not again reach a mother's womb; though joined with much sin, whether unintentionally or intentionally (he observes it), he goes to the endless station of Viṣṇu, lord of the worlds.
AI translation rendered from the Sanskrit, not a published edition