Narada Purana — Purva Bhaga — Chapter 37
NarP 1 37.1
सनक उवाच भूयः शृणुष्व विप्रेन्द्र माहात्म्यं कमलापतेः । कस्य नो जायते प्रीतिः श्रोतुं हरिकथामृतम्
sanaka uvāca bhūyaḥ śṛṇuṣva viprendra māhātmyaṃ kamalāpateḥ / kasya no jāyate prītiḥ śrotuṃ harikathāmṛtam
Sanaka said: Hear further, O chief of brahmins, the greatness of the Lord of Lakṣmī. In whom does delight not arise at hearing the nectar of Hari's story?
AI translation rendered from the Sanskrit, not a published edition
NarP 1 37.2
नराणां विषयान्धानां ममताकुलचेतसाम् । एकमेव हरेर्नाम सर्वपापप्रणाशनम्
narāṇāṃ viṣayāndhānāṃ mamatākulacetasām / ekameva harernāma sarvapāpapraṇāśanam
For men blinded by the objects of sense, whose minds are agitated by the sense of 'mine,' the single name of Hari alone destroys all sins.
AI translation rendered from the Sanskrit, not a published edition
NarP 1 37.3
सकृद्वा न नमेद्यस्तु विष्णुं पापहरं नृणाम् । श्वपचं तं विजानीयात्कदाचिन्नालपेञ्च तम्
sakṛdvā na namedyastu viṣṇuṃ pāpaharaṃ nṛṇām / śvapacaṃ taṃ vijānīyātkadācinnālapeñca tam
But whoever does not bow even once to Viṣṇu, remover of men's sins—one should know him as a dog-cooker, and should never speak with him.
AI translation rendered from the Sanskrit, not a published edition
NarP 1 37.4
हरिपूजाविहीनं तु यस्य वेश्म द्विजोत्तम । श्मशानसदृशं तद्धि कदाचिदपि नो विशेत्
haripūjāvihīnaṃ tu yasya veśma dvijottama / śmaśānasadṛśaṃ taddhi kadācidapi no viśet
But the house of one who is devoid of the worship of Hari, O best of the twice-born, that is like a cremation ground: one should never enter it.
AI translation rendered from the Sanskrit, not a published edition
NarP 1 37.5
हरिपूजाविहीनाश्च वेदविद्वेषिणस्तथा । गोद्विजद्वेषनिरता राक्षसाः परिकीर्त्तिताः
haripūjāvihīnāśca vedavidveṣiṇastathā / godvijadveṣaniratā rākṣasāḥ parikīrttitāḥ
Those devoid of the worship of Hari, and likewise haters of the Vedas, and those bent on hatred of cows and brahmins, are declared to be demons.
AI translation rendered from the Sanskrit, not a published edition
NarP 1 37.6
यो वा को वापि विप्रेन्द्र विप्रद्वेषपरायणः । समर्चयति गोविन्दं तत्पूजा विफला भवेत्
yo vā ko vāpi viprendra vipradveṣaparāyaṇaḥ / samarcayati govindaṃ tatpūjā viphalā bhavet
Whoever it may be, O chief of brahmins, who is given over to hatred of brahmins, though he worship Govinda, that worship of his becomes fruitless.
AI translation rendered from the Sanskrit, not a published edition
NarP 1 37.7
अन्यश्रेयोविनाशार्थं येर्ऽचयन्ति जनार्दनम् । सा पूजैव महाभाग पूजकानाशु हॄन्ति वै
anyaśreyovināśārthaṃ yer'cayanti janārdanam / sā pūjaiva mahābhāga pūjakānāśu hṝnti vai
Those who worship Janārdana for the sake of destroying another's good—that very worship, O greatly blessed one, swiftly kills the worshippers.
AI translation rendered from the Sanskrit, not a published edition
NarP 1 37.8
हरिपूजाकरो यस्तु यदि पापं समाचरेत् । तमेव विष्मुद्वेष्टारं प्राहुस्तत्त्वार्त्थकोविदाः
haripūjākaro yastu yadi pāpaṃ samācaret / tameva viṣmudveṣṭāraṃ prāhustattvārtthakovidāḥ
But one who performs worship of Hari, if he should commit sin, him the knowers of the true meaning call a hater of Viṣṇu.
AI translation rendered from the Sanskrit, not a published edition
NarP 1 37.9
ये विष्णुनिरताः संति लोकानुग्रहतत्पराः । धर्मकार्यरताः शश्वद्विष्णुरुपास्तु ते मताः
ye viṣṇuniratāḥ saṃti lokānugrahatatparāḥ / dharmakāryaratāḥ śaśvadviṣṇurupāstu te matāḥ
Those who are devoted to Viṣṇu, intent on doing good to the world, ever engaged in acts of dharma—they are held to be forms of Viṣṇu.
AI translation rendered from the Sanskrit, not a published edition
NarP 1 37.10
कोटिजन्मार्दजितैः पुण्यैर्विष्णुभक्तिः प्रजायते । दृढभक्तिमतां विष्णौ पापबुद्धिः कथं भवेत्
koṭijanmārdajitaiḥ puṇyairviṣṇubhaktiḥ prajāyate / dṛḍhabhaktimatāṃ viṣṇau pāpabuddhiḥ kathaṃ bhavet
By merits earned over half a crore of births, devotion to Viṣṇu is born; in those whose devotion to Viṣṇu is firm, how could a sinful mind arise?
AI translation rendered from the Sanskrit, not a published edition — the model flagged this verse as uncertain
NarP 1 37.11
जन्मकोट्यर्जितं पापं विष्णुपूजारतात्मनाम् । क्षयं याति क्षणादेव तेषां स्यात्पापधीः कथम्
janmakoṭyarjitaṃ pāpaṃ viṣṇupūjāratātmanām / kṣayaṃ yāti kṣaṇādeva teṣāṃ syātpāpadhīḥ katham
The sin earned in a crore of births, for those whose selves are devoted to the worship of Viṣṇu, perishes in a single instant; how could they have a sinful mind?
AI translation rendered from the Sanskrit, not a published edition
NarP 1 37.12
विष्णुभक्तिविहीना ये चण्डालाः परिकीर्तिताः । चण्डाला अपि वै श्रेष्ठा हरिभक्तिपरायणाः
viṣṇubhaktivihīnā ye caṇḍālāḥ parikīrtitāḥ / caṇḍālā api vai śreṣṭhā haribhaktiparāyaṇāḥ
Those who lack devotion to Viṣṇu are declared to be caṇḍālas; but even caṇḍālas are the best (of men) if they are wholly devoted to Hari.
AI translation rendered from the Sanskrit, not a published edition
NarP 1 37.13
नराणां विषयान्धानां सर्वदुःखविनाशिनी । हरिसेवेति विख्याता भुक्तिमुक्तिप्रदायिनी
narāṇāṃ viṣayāndhānāṃ sarvaduḥkhavināśinī / hariseveti vikhyātā bhuktimuktipradāyinī
For men blinded by the objects of sense, the service of Hari is renowned as the destroyer of all suffering and the giver of enjoyment and liberation.
AI translation rendered from the Sanskrit, not a published edition
NarP 1 37.14
संगात्स्नेहाद्भयाल्लोभादज्ञानाद्वापि यो नरः । विष्णोरुपासनं कुर्यात्सो ऽक्षयं सुखमश्नुते
saṃgātsnehādbhayāllobhādajñānādvāpi yo naraḥ / viṣṇorupāsanaṃ kuryātso 'kṣayaṃ sukhamaśnute
Whatever man, out of association, out of affection, out of fear, out of greed, or even out of ignorance, performs the worship of Viṣṇu, he attains imperishable happiness.
AI translation rendered from the Sanskrit, not a published edition
NarP 1 37.15
हरिपादोदकं यस्तु कणमात्रं पिबेदपि । स स्नातः सर्वतीर्थेषु विष्णोः प्रियतरो भवेत्
haripādodakaṃ yastu kaṇamātraṃ pibedapi / sa snātaḥ sarvatīrtheṣu viṣṇoḥ priyataro bhavet
And whoever drinks even a mere drop of the water from Hari's feet, he has bathed in all the sacred fords and becomes dearer to Viṣṇu.
AI translation rendered from the Sanskrit, not a published edition
NarP 1 37.16
अकालमृत्युशमनं सर्वव्याधिविनाशनम् । सर्वदुःखोपशमनं हरिपोदोदक स्मृतम्
akālamṛtyuśamanaṃ sarvavyādhivināśanam / sarvaduḥkhopaśamanaṃ haripododaka smṛtam
The water from Hari's feet is held to be the queller of untimely death, the destroyer of all diseases, the allayer of all sorrows.
AI translation rendered from the Sanskrit, not a published edition
NarP 1 37.17
नारायणं परं धाम ज्योतिषां ज्योतिरुत्तमम् । ये प्रपन्ना महात्मानस्तेषां मुक्तिर्हि शाश्वती
nārāyaṇaṃ paraṃ dhāma jyotiṣāṃ jyotiruttamam / ye prapannā mahātmānasteṣāṃ muktirhi śāśvatī
Those great-souled ones who have taken refuge in Nārāyaṇa, the supreme abode, the highest light of lights — for them liberation is everlasting.
AI translation rendered from the Sanskrit, not a published edition
NarP 1 37.18
अत्राप्युदाहरन्तीममितिहासं पुरातनम् । पठतां शृण्वतां चैव सर्वपापप्रणाशनम्
atrāpyudāharantīmamitihāsaṃ purātanam / paṭhatāṃ śṛṇvatāṃ caiva sarvapāpapraṇāśanam
On this too they recount this ancient tale, which destroys all sins for those who recite and for those who hear it.
AI translation rendered from the Sanskrit, not a published edition
NarP 1 37.19
आसीत्पुरा कृतयुगे गुलिको नाम लुब्धकः । परदारपरद्रव्यहरणे सततोद्यतः
āsītpurā kṛtayuge guliko nāma lubdhakaḥ / paradāraparadravyaharaṇe satatodyataḥ
Formerly, in the Kṛta age, there was a hunter named Gulika, ever intent on carrying off others' wives and others' property.
AI translation rendered from the Sanskrit, not a published edition
NarP 1 37.20
परनिन्दापरो नित्यं जन्तूपद्रवकृत्तथा । हतवान्ब्राह्मणान् गाश्च शतशो ऽथ सहस्रशः
paranindāparo nityaṃ jantūpadravakṛttathā / hatavānbrāhmaṇān gāśca śataśo 'tha sahasraśaḥ
Always given to reviling others, and a doer of harm to living creatures, he killed brahmins and cows by hundreds and by thousands.
AI translation rendered from the Sanskrit, not a published edition
NarP 1 37.21
देवस्वहरणे नित्यं परस्वहरणे तथा । उद्युक्तः सर्वदा विप्र कीनाशानामधीश्वरः
devasvaharaṇe nityaṃ parasvaharaṇe tathā / udyuktaḥ sarvadā vipra kīnāśānāmadhīśvaraḥ
Always bent on carrying off what belonged to the gods, and likewise on carrying off what belonged to others — always active (in this), O brahmin, he was the overlord of the misers/wretches.
AI translation rendered from the Sanskrit, not a published edition
NarP 1 37.22
तेन पापान्यनेकानि कृतानि सुमहान्ति च । न तेषां शक्यते वक्तुं संख्या वत्सरकोटिभिः
tena pāpānyanekāni kṛtāni sumahānti ca / na teṣāṃ śakyate vaktuṃ saṃkhyā vatsarakoṭibhiḥ
By him many and very great sins were committed; their number could not be told in crores of years.
AI translation rendered from the Sanskrit, not a published edition
NarP 1 37.23
स कदा चिन्महापापो जतृनामन्तकोपमः । सौवीरराज्ञो नगरं सर्वैश्वर्यसमन्वितम्
sa kadā cinmahāpāpo jatṛnāmantakopamaḥ / sauvīrarājño nagaraṃ sarvaiśvaryasamanvitam
Once that great sinner, cruel by nature, like Death (himself), (came to) the city of the king of Sauvīra, endowed with every kind of splendour,
AI translation rendered from the Sanskrit, not a published edition — the model flagged this verse as uncertain
NarP 1 37.24
योषिद्धिर्भूषितार्भिश्च सरोभिनिर्मलोदकैः । अलङ्कृतं विपणिभिर्ययो देवपुरोपमम्
yoṣiddhirbhūṣitārbhiśca sarobhinirmalodakaiḥ / alaṅkṛtaṃ vipaṇibhiryayo devapuropamam
(a city) with adorned women and with lakes of clear water, decked with market-streets, which was like the city of the gods.
AI translation rendered from the Sanskrit, not a published edition — the model flagged this verse as uncertain
NarP 1 37.25
तस्योपवनमध्यस्थं रम्यं केशवमन्दिरम् । छदितं हेमकलशैर्दृष्ट्वा व्याधो मुदं ययौ
tasyopavanamadhyasthaṃ ramyaṃ keśavamandiram / chaditaṃ hemakalaśairdṛṣṭvā vyādho mudaṃ yayau
Seeing the lovely temple of Keśava standing in the midst of its garden, covered with golden pinnacles, the hunter felt delight.
AI translation rendered from the Sanskrit, not a published edition
NarP 1 37.26
हराम्यत्र सुवर्णानि बहूनीति विनिश्चितम् । जगामाभ्यन्तरं तस्य कीनाशश्चौर्यलोलुपः
harāmyatra suvarṇāni bahūnīti viniścitam / jagāmābhyantaraṃ tasya kīnāśaścauryalolupaḥ
"I shall carry off much gold here" — having so resolved, the wretch, greedy for theft, went into its interior.
AI translation rendered from the Sanskrit, not a published edition
NarP 1 37.27
तत्रापश्यद्द्विजवरं शान्तं तत्त्वार्थकोविदम् । परिचर्यापरं विष्णोरुत्तङ्कं तपसां निधिम्
tatrāpaśyaddvijavaraṃ śāntaṃ tattvārthakovidam / paricaryāparaṃ viṣṇoruttaṅkaṃ tapasāṃ nidhim
There he saw the best of brahmins, tranquil, skilled in the meaning of the truth, devoted to the service of Viṣṇu — Uttaṅka, a treasury of austerities,
AI translation rendered from the Sanskrit, not a published edition
NarP 1 37.28
एकाकिनं दयासुं च निस्पृहं ध्यानलोलुपम् । चौर्यान्तरायकर्तारं तं दृष्ट्वा लुब्धको मुने
ekākinaṃ dayāsuṃ ca nispṛhaṃ dhyānalolupam / cauryāntarāyakartāraṃ taṃ dṛṣṭvā lubdhako mune
alone, compassionate in spirit, free of longing, absorbed in meditation; seeing him as one who would be an obstacle to the theft, O sage, the hunter,
AI translation rendered from the Sanskrit, not a published edition
NarP 1 37.29
द्रव्यजातं तु देवस्य हर्तुकामो ऽतिसाहसी । उत्तङ्कं हॄन्तुमारेभे विधृतासिर्मदोद्धतः
dravyajātaṃ tu devasya hartukāmo 'tisāhasī / uttaṅkaṃ hṝntumārebhe vidhṛtāsirmadoddhataḥ
exceedingly reckless, wishing to steal the god's store of property, drew his sword and, swollen with frenzy, set about killing Uttaṅka.
AI translation rendered from the Sanskrit, not a published edition
NarP 1 37.30
पादेनाक्रम्य तद्वक्षो जटाः संगृह्य पाणिना । हॄन्तुं कृतमतिं व्याधमुत्तङ्कः प्रेक्ष्य चाब्रवीत्
pādenākramya tadvakṣo jaṭāḥ saṃgṛhya pāṇinā / hṝntuṃ kṛtamatiṃ vyādhamuttaṅkaḥ prekṣya cābravīt
Pressing his chest with his foot and seizing his matted locks with his hand, the hunter set his mind on killing (him); and Uttaṅka, seeing this, spoke.
AI translation rendered from the Sanskrit, not a published edition
NarP 1 37.31
उत्तङ्क उवाच भो भो साधो वृथा मां त्वं हनिष्यसि निरागसम् । मया किमपराद्धं ते तद्वदस्व महामत्ते
uttaṅka uvāca bho bho sādho vṛthā māṃ tvaṃ haniṣyasi nirāgasam / mayā kimaparāddhaṃ te tadvadasva mahāmatte
Uttaṅka said: Ho there, good man! In vain will you slay me, who am guiltless. What wrong has been done to you by me? Tell me that, O greatly intoxicated one.
AI translation rendered from the Sanskrit, not a published edition
NarP 1 37.32
कृतापराधिनां लोके शक्ताः शिक्षां प्रकुर्वते । नहि सौम्य वृथा घ्नन्ति सज्जना अपि पापिनः
kṛtāparādhināṃ loke śaktāḥ śikṣāṃ prakurvate / nahi saumya vṛthā ghnanti sajjanā api pāpinaḥ
In this world the powerful inflict punishment on those who have committed an offence; for, gentle sir, even sinful men — indeed good men — do not kill without cause.
AI translation rendered from the Sanskrit, not a published edition — the model flagged this verse as uncertain
NarP 1 37.33
विरोधिष्वपि मूर्खेषु निरीक्ष्यावस्थितान् गुणान् । विरोधं नहि कुर्वन्ति सज्जनाः शान्तचेतसः
virodhiṣvapi mūrkheṣu nirīkṣyāvasthitān guṇān / virodhaṃ nahi kurvanti sajjanāḥ śāntacetasaḥ
Even in the case of hostile fools, good men of tranquil mind, observing the good qualities that reside (in them), do not enter into enmity.
AI translation rendered from the Sanskrit, not a published edition
NarP 1 37.34
बहुधा बोध्यमानो ऽपि यो नरः क्षमयान्वितः । तमुत्तमं नरं प्राहुर्विष्णोः प्रियतरं सदा
bahudhā bodhyamāno 'pi yo naraḥ kṣamayānvitaḥ / tamuttamaṃ naraṃ prāhurviṣṇoḥ priyataraṃ sadā
The man who, though admonished in many ways, is possessed of patience — him they call the highest of men, ever dearer to Viṣṇu.
AI translation rendered from the Sanskrit, not a published edition
NarP 1 37.35
सुजनो न याति वैरं परहितबुद्धिर्वनाशकाले ऽपि । छेदे ऽपि चन्दनतरुः सुरभयति मुखं कुठारस्य
sujano na yāti vairaṃ parahitabuddhirvanāśakāle 'pi / chede 'pi candanataruḥ surabhayati mukhaṃ kuṭhārasya
A good man does not fall into enmity, being intent on others' welfare even at the time of his own destruction: even when it is cut, the sandal tree makes fragrant the blade of the axe.
AI translation rendered from the Sanskrit, not a published edition
NarP 1 37.36
अहो विधिः सुबलवान्बा धते बहुधा जनान् । सर्वसंगविहीनो ऽपि बाध्यते हि दुरात्मना
aho vidhiḥ subalavānbā dhate bahudhā janān / sarvasaṃgavihīno 'pi bādhyate hi durātmanā
Ah, fate is very strong; it afflicts people in many ways. For even one wholly free from attachments is oppressed by an evil-natured man.
AI translation rendered from the Sanskrit, not a published edition
NarP 1 37.37
अहो निष्कारणं लोके बाधन्ते बहुधा जनान् । सर्वसंगविहीनो ऽपि बाध्यते पिशुनैर्जनैः । तत्रापि साधून्बाधन्ते न समानान्कदाचन
aho niṣkāraṇaṃ loke bādhante bahudhā janān / sarvasaṃgavihīno 'pi bādhyate piśunairjanaiḥ / tatrāpi sādhūnbādhante na samānānkadācana
Ah, in this world they afflict people in many ways without cause; even one wholly free from attachments is oppressed by malicious men. And even so they afflict the good, never those who are their equals.
AI translation rendered from the Sanskrit, not a published edition
NarP 1 37.38
मृगमीनसज्जनानां तृणजलसंतोषविहितवृत्तानाम् । लुब्धकधीवरपिशुना निष्कारणवैरिणो जगति
mṛgamīnasajjanānāṃ tṛṇajalasaṃtoṣavihitavṛttānām / lubdhakadhīvarapiśunā niṣkāraṇavairiṇo jagati
For deer, fish, and good men, whose livelihood is made up of contentment with grass and water (and virtue), hunters, fishermen, and slanderers are enemies without cause in this world.
AI translation rendered from the Sanskrit, not a published edition
NarP 1 37.39
अहो बलवती माया मोहयत्यखिलं जगत् । पुत्रमित्रकलत्रार्थं सर्वं दुःखेन योजयेत्
aho balavatī māyā mohayatyakhilaṃ jagat / putramitrakalatrārthaṃ sarvaṃ duḥkhena yojayet
Ah, powerful is māyā; it deludes the whole world. For the sake of son, friend, and wife it would yoke everyone to suffering.
AI translation rendered from the Sanskrit, not a published edition
NarP 1 37.40
परद्रव्यापहारेण कलत्रं पोषितं त्वया । अन्ते तत्सर्वमुत्सृज्य एक एव प्रयति वै
paradravyāpahāreṇa kalatraṃ poṣitaṃ tvayā / ante tatsarvamutsṛjya eka eva prayati vai
By the seizing of others' property you have maintained a wife; in the end, abandoning all that, one goes forth quite alone.
AI translation rendered from the Sanskrit, not a published edition
NarP 1 37.41
मम माता मम पिता मम भार्या ममात्मजाः । ममेदमिति जन्तूनां ममता बाधते वृथा
mama mātā mama pitā mama bhāryā mamātmajāḥ / mamedamiti jantūnāṃ mamatā bādhate vṛthā
"My mother, my father, my wife, my children, this is mine" — thus the sense of ownership afflicts creatures in vain.
AI translation rendered from the Sanskrit, not a published edition
NarP 1 37.42
यावदर्जयति द्रव्यं बान्धवास्तावदेव हि । धर्माधर्मौं सहैवास्तामिहामुत्र न चापरः
yāvadarjayati dravyaṃ bāndhavāstāvadeva hi / dharmādharmauṃ sahaivāstāmihāmutra na cāparaḥ
Only so long as one earns wealth are there kinsmen; let merit and demerit alone accompany (one) here and hereafter — nothing else.
AI translation rendered from the Sanskrit, not a published edition
NarP 1 37.43
धर्माधर्मार्जितैर्द्रव्यैः पोषिता येन ये नराः । मृतमग्निमुखे हुत्वा घृतान्नं भुञ्जते हि ते
dharmādharmārjitairdravyaiḥ poṣitā yena ye narāḥ / mṛtamagnimukhe hutvā ghṛtānnaṃ bhuñjate hi te
Those men who have been maintained by someone with wealth got by right and wrong—they, having offered the dead man into the mouth of the fire, eat food with ghee.
AI translation rendered from the Sanskrit, not a published edition
NarP 1 37.44
गच्छन्तं परलोकं च नरं तु ह्यनुतिष्टतः । धर्माधर्मौं न च धनं न पुत्रा न च बान्धवाः
gacchantaṃ paralokaṃ ca naraṃ tu hyanutiṣṭataḥ / dharmādharmauṃ na ca dhanaṃ na putrā na ca bāndhavāḥ
And of the man going to the other world, what follow after (him) are merit and demerit — not wealth, not sons, not kinsmen.
AI translation rendered from the Sanskrit, not a published edition
NarP 1 37.47
कामः समृद्धिमायाति नराणां पापकर्मिणाम् । कामः संक्षयमायाति नराणां पुण्यकर्मणाम् ॥ नर्प्_१,३७।४५ ॥ वृथैव व्याकुला लोका धनादानां सदार्जने ॥ नर्प्_१,३७।४६ ॥ यद्भावि तद्भवत्येव यदभाव्यं न तद्भवेत् । इति निश्चितबुद्धीनां न चिन्ता बाधते क्वचित्
kāmaḥ samṛddhimāyāti narāṇāṃ pāpakarmiṇām / kāmaḥ saṃkṣayamāyāti narāṇāṃ puṇyakarmaṇām // narp_1,37.45 // vṛthaiva vyākulā lokā dhanādānāṃ sadārjane // narp_1,37.46 // yadbhāvi tadbhavatyeva yadabhāvyaṃ na tadbhavet / iti niścitabuddhīnāṃ na cintā bādhate kvacit
Desire comes to increase in men of evil deeds; desire comes to destruction in men of meritorious deeds. [45] In vain are people agitated in the constant earning of wealth and the like. [46] What is to be will surely be; what is not to be will not be — for those whose minds are settled thus, anxiety nowhere afflicts (them).
AI translation rendered from the Sanskrit, not a published edition
NarP 1 37.48
र्दवाधीनमिदं सर्वं जगत्स्थावरजङ्गमम् । तस्माज्जन्म च मृत्युं च दैवं जानाति नापरः
rdavādhīnamidaṃ sarvaṃ jagatsthāvarajaṅgamam / tasmājjanma ca mṛtyuṃ ca daivaṃ jānāti nāparaḥ
All this world, moving and unmoving, is subject to fate; therefore fate alone knows birth and death, and no other.
AI translation rendered from the Sanskrit, not a published edition
NarP 1 37.49
यत्र कुत्र स्थितस्यापि यद्भाव्यं तद्भवेद् ध्रुवम् । लोकस्तु तत्र विज्ञाय वृथायासं करोति हि
yatra kutra sthitasyāpi yadbhāvyaṃ tadbhaved dhruvam / lokastu tatra vijñāya vṛthāyāsaṃ karoti hi
Wherever a man may be placed, what is to happen will certainly happen; yet the world, though knowing this, engages in vain exertion.
AI translation rendered from the Sanskrit, not a published edition
NarP 1 37.50
अहो दुःखं मनुष्याणां ममताकुलचेतसाम् । महापापानि कृत्वापि परान्पुष्यान्ति यत्नतः
aho duḥkhaṃ manuṣyāṇāṃ mamatākulacetasām / mahāpāpāni kṛtvāpi parānpuṣyānti yatnataḥ
Ah, the suffering of men whose minds are troubled by the sense of ownership! Even after committing great sins, they nourish others with effort.
AI translation rendered from the Sanskrit, not a published edition
NarP 1 37.51
अर्जितं च धनं सर्वं भुञ्जते बान्धवाः सदा । स्वयमेकतमो मूढस्तत्पापफलमश्नुते
arjitaṃ ca dhanaṃ sarvaṃ bhuñjate bāndhavāḥ sadā / svayamekatamo mūḍhastatpāpaphalamaśnute
And all the wealth earned the kinsmen always enjoy; the fool alone by himself reaps the fruit of that sin.
AI translation rendered from the Sanskrit, not a published edition
NarP 1 37.52
इति ब्रवाणं तमृषिं विमुच्य भयविह्वलः । गुलिकः प्राञ्जलिः प्राह क्षमस्वेति पुनः पुनः
iti bravāṇaṃ tamṛṣiṃ vimucya bhayavihvalaḥ / gulikaḥ prāñjaliḥ prāha kṣamasveti punaḥ punaḥ
When the sage said this, Gulika, overcome with fear, released him and with folded hands said, "Forgive me," again and again.
AI translation rendered from the Sanskrit, not a published edition
NarP 1 37.53
सत्संगस्य प्रभावेण हरिसन्निधिमात्रतः । गतपापो लुबग्दकश्च ह्यनुतापीदमब्रवीत्
satsaṃgasya prabhāveṇa harisannidhimātrataḥ / gatapāpo lubagdakaśca hyanutāpīdamabravīt
By the power of company with the good, merely from the nearness of Hari, the hunter, his sin gone, spoke this in remorse:
AI translation rendered from the Sanskrit, not a published edition
NarP 1 37.54
मया कृता नि पापानि महान्ति सुबहूनि च । तानि सर्वाणि नष्टानि विप्रेन्द्र तव दर्शनात्
mayā kṛtā ni pāpāni mahānti subahūni ca / tāni sarvāṇi naṣṭāni viprendra tava darśanāt
"The sins committed by me were great and very many; all of them have been destroyed by the sight of you, O best of brahmins.
AI translation rendered from the Sanskrit, not a published edition
NarP 1 37.55
अहो ऽहं पापधीर्नित्यं महापापमुपाचरम् । कथं मे निष्कृतिर् भूयो यामि कं शरणं विभोः
aho 'haṃ pāpadhīrnityaṃ mahāpāpamupācaram / kathaṃ me niṣkṛtir bhūyo yāmi kaṃ śaraṇaṃ vibhoḥ
Alas, I, of sinful mind, have always practised great sin. How is there expiation for me? To whose shelter shall I go, of the Lord?
AI translation rendered from the Sanskrit, not a published edition
NarP 1 37.56
पूर्वजन्मार्जितैः पापैर्लुब्धकत्वमवाप्तवान् । अत्रापि पापजालानि कृत्वा कां गतिमाप्नुयाम्
pūrvajanmārjitaiḥ pāpairlubdhakatvamavāptavān / atrāpi pāpajālāni kṛtvā kāṃ gatimāpnuyām
By sins accumulated in a former birth I attained the state of a hunter; and here too, having made nets of sins, what destiny shall I attain?
AI translation rendered from the Sanskrit, not a published edition
NarP 1 37.57
अहो ममायुः क्षयमेति शीघ्रं पापान्यनेकानि समर्ज्जितानि । प्रातिक्रिया नैव कृता मयैषां गतिश्च का स्यान्ममजन्म किं वा
aho mamāyuḥ kṣayameti śīghraṃ pāpānyanekāni samarjjitāni / prātikriyā naiva kṛtā mayaiṣāṃ gatiśca kā syānmamajanma kiṃ vā
Alas, my life is swiftly coming to its end, and many sins have been amassed; no counteraction for them has been done by me. What will my destiny be, or what my birth?
AI translation rendered from the Sanskrit, not a published edition
NarP 1 37.58
अहो विधिः पापशता कुलं मां किं सृष्टवान्पापतरं च शश्वत् । कथं च यत्पापफलं हि भोक्ष्ये कियत्सु जन्मस्वहमुग्रकर्मा
aho vidhiḥ pāpaśatā kulaṃ māṃ kiṃ sṛṣṭavānpāpataraṃ ca śaśvat / kathaṃ ca yatpāpaphalaṃ hi bhokṣye kiyatsu janmasvahamugrakarmā
Alas, why has the Creator made me of a family with a hundred sins, and ever more sinful? And how indeed shall I consume the fruit of that sin? Through how many births shall I, of cruel deeds, (do so)?
AI translation rendered from the Sanskrit, not a published edition — the model flagged this verse as uncertain
NarP 1 37.59
एवं विनिन्दन्नात्मानमात्मना लुब्धकस्तदा । अन्तस्तापाग्निसंतप्तः सद्यः पञ्चत्वमागतः
evaṃ vinindannātmānamātmanā lubdhakastadā / antastāpāgnisaṃtaptaḥ sadyaḥ pañcatvamāgataḥ
Thus reproaching himself by himself, the hunter then, burned by the inner fire of anguish, at once met death.
AI translation rendered from the Sanskrit, not a published edition
NarP 1 37.60
उत्तङ्कः पतितं प्रेक्ष्य लुबग्धकं तं दयापरः । विष्णुपादोदकेनैवमभ्यषिञ्चन्महामतिः
uttaṅkaḥ patitaṃ prekṣya lubagdhakaṃ taṃ dayāparaḥ / viṣṇupādodakenaivamabhyaṣiñcanmahāmatiḥ
Uttaṅka, seeing that hunter fallen, filled with compassion, the greatly wise one sprinkled him with the water from Viṣṇu's feet.
AI translation rendered from the Sanskrit, not a published edition
NarP 1 37.61
हरिपादोदकस्पर्शाल्लुब्धको गतकल्मषः । दिव्यं विमानमारुह्य मुनिमेतदथाब्रवीत्
haripādodakasparśāllubdhako gatakalmaṣaḥ / divyaṃ vimānamāruhya munimetadathābravīt
By the touch of the water from Hari's feet the hunter's stain was gone; mounting a divine aerial car, he then said this to the sage:
AI translation rendered from the Sanskrit, not a published edition
NarP 1 37.62
गुलिक उवाच उत्तङ्क मुनिशार्दूल गुरुस्त्वं मम सुव्रत । विमुक्तस्त्वत्प्रसादेन महापातककञ्चुकात्
gulika uvāca uttaṅka muniśārdūla gurustvaṃ mama suvrata / vimuktastvatprasādena mahāpātakakañcukāt
Gulika said: Uttaṅka, tiger among sages, you are my teacher, O you of good vows; by your grace I am freed from the armour of great sin.
AI translation rendered from the Sanskrit, not a published edition
NarP 1 37.63
गतस्त्वदुपदेशान्मे संतापो मुनिपुङ्गव । तथैव सर्वपापानि विनष्टान्यतिवेगतः
gatastvadupadeśānme saṃtāpo munipuṅgava / tathaiva sarvapāpāni vinaṣṭānyativegataḥ
By your instruction my anguish is gone, O bull among sages, and just so all my sins have perished with great speed.
AI translation rendered from the Sanskrit, not a published edition
NarP 1 37.64
हरिपादोदकं यस्मान्मयि त्वं सिक्तवान्मुने । प्रापितो ऽस्मि त्वया तस्मात्तद्विष्णोः परमं पदम्
haripādodakaṃ yasmānmayi tvaṃ siktavānmune / prāpito 'smi tvayā tasmāttadviṣṇoḥ paramaṃ padam
Since you, O sage, sprinkled the water of Hari's feet upon me, therefore I have been brought by you to that supreme state of Viṣṇu.
AI translation rendered from the Sanskrit, not a published edition
NarP 1 37.65
त्वयाहं तारितो विप्र पापादस्माच्छरीरतः । तस्मान्नतो ऽस्मि ते विद्वन्मत्कृतं तत्क्षमस्व च
tvayāhaṃ tārito vipra pāpādasmāccharīrataḥ / tasmānnato 'smi te vidvanmatkṛtaṃ tatkṣamasva ca
By you I have been carried across, O brahmin, out of this sinful body; therefore I bow to you, O learned one, and forgive what I did.
AI translation rendered from the Sanskrit, not a published edition
NarP 1 37.66
इत्युक्त्वा देवकुसुमैर्मुनिश्रेष्ठं समाकिरम् । प्रदक्षिणात्रयं कृत्वा नमस्कारं चकार सः
ityuktvā devakusumairmuniśreṣṭhaṃ samākiram / pradakṣiṇātrayaṃ kṛtvā namaskāraṃ cakāra saḥ
Having said this, he scattered divine flowers over the best of sages, and going around him three times to the right, he made obeisance.
AI translation rendered from the Sanskrit, not a published edition
NarP 1 37.67
ततो विमानमारुह्य सर्वकामसमन्वितम् । अप्सरोगणसंकीर्णः प्रपेदे हरिमन्दिरम्
tato vimānamāruhya sarvakāmasamanvitam / apsarogaṇasaṃkīrṇaḥ prapede harimandiram
Then, mounting the aerial car furnished with all desirable things, thronged with hosts of apsarases, he reached the abode of Hari.
AI translation rendered from the Sanskrit, not a published edition
NarP 1 37.68
एतद्दृष्ट्वा विस्मितो ऽसौ ह्युत्तङ्कस्तपसांनिधिः । शिरस्यञ्जलिमाधाय तुष्टाव कमलापतिम्
etaddṛṣṭvā vismito 'sau hyuttaṅkastapasāṃnidhiḥ / śirasyañjalimādhāya tuṣṭāva kamalāpatim
Seeing this, Uttaṅka, that treasury of austerities, was amazed, and placing his folded hands on his head he praised the husband of Kamalā.
AI translation rendered from the Sanskrit, not a published edition
NarP 1 37.69
तेन स्तुतो महाविष्णुर्दत्तवान्वरमत्तमम् । वरेण तेनोक्तङ्को ऽपि प्रपेदे परमं पदम्
tena stuto mahāviṣṇurdattavānvaramattamam / vareṇa tenoktaṅko 'pi prapede paramaṃ padam
Praised by him, the great Viṣṇu granted a most excellent boon; and by that boon Uttaṅka too attained the supreme state.
AI translation rendered from the Sanskrit, not a published edition