Narada Purana — Purva Bhaga — Chapter 16
NarP 1 16.1
नारद उवाच हिमवद्गिरिमासाद्य किं चकार महीपतिः । कथमानीतवान्गङ्गामेतन्मे वक्तुमर्हसि
nārada uvāca himavadgirimāsādya kiṃ cakāra mahīpatiḥ / kathamānītavāngaṅgāmetanme vaktumarhasi
Nārada said: Having reached the Himālaya mountain, what did the lord of the earth do? How did he bring down the Ganges? This you ought to tell me.
AI translation rendered from the Sanskrit, not a published edition
NarP 1 16.2
सनक उवाच भगीरथो महाराजो जटाचीरधरो मुने । गच्छन्हिमाद्रिं तपसे प्राप्तो गोदावरी तटम्
sanaka uvāca bhagīratho mahārājo jaṭācīradharo mune / gacchanhimādriṃ tapase prāpto godāvarī taṭam
Sanaka said: The great king Bhagīratha, wearing matted hair and bark garments, O sage, while going to the snowy mountain for austerity, arrived at the bank of the Godāvarī.
AI translation rendered from the Sanskrit, not a published edition
NarP 1 16.3
तत्रापश्यन्महारण्ये भृगोराश्रममुत्तमम् । कृष्णसारसमाकीर्णं मातङ्गगणसेवितम्
tatrāpaśyanmahāraṇye bhṛgorāśramamuttamam / kṛṣṇasārasamākīrṇaṃ mātaṅgagaṇasevitam
There in the great forest he saw the excellent hermitage of Bhṛgu, thronged with black antelope and frequented by herds of elephants,
AI translation rendered from the Sanskrit, not a published edition
NarP 1 16.4
भ्रमद्भूमरसंघुष्टं कूजद्विहगसंकुलम् । व्रजद्वराहनिकरं चमरीपुच्छवीचितम्
bhramadbhūmarasaṃghuṣṭaṃ kūjadvihagasaṃkulam / vrajadvarāhanikaraṃ camarīpucchavīcitam
resounding with roaming bees, crowded with calling birds, having herds of boars moving about, dotted with the tails of yak-cows,
AI translation rendered from the Sanskrit, not a published edition
NarP 1 16.5
नृत्यन्मयूरनिकरं सारङ्गादिनिषेवितम् । प्रवर्द्धितमहावृक्षं मुनिकन्याभिरादरात्
nṛtyanmayūranikaraṃ sāraṅgādiniṣevitam / pravarddhitamahāvṛkṣaṃ munikanyābhirādarāt
with flocks of dancing peacocks, frequented by spotted deer and the like, its great trees carefully made to grow by the sages' daughters —
AI translation rendered from the Sanskrit, not a published edition
NarP 1 16.6
शालतालतमालाढ्यं नूनहिन्तालमण्डितम् । मालतीयूथिकाकुन्दचम्पकाशअवत्थभूषितम्
śālatālatamālāḍhyaṃ nūnahintālamaṇḍitam / mālatīyūthikākundacampakāśaavatthabhūṣitam
rich in śāla, palmyra and tamāla trees, adorned with hintāla palms, graced with mālatī, yūthikā, kunda, campaka and aśvattha trees,
AI translation rendered from the Sanskrit, not a published edition
NarP 1 16.7
उत्पुल्लकुसुमोपेत मृषिसङ्घनिषेवितम् । वेदशास्त्रमहाघोषमाश्रमं प्राविशद्भुगोः
utpullakusumopeta mṛṣisaṅghaniṣevitam / vedaśāstramahāghoṣamāśramaṃ prāviśadbhugoḥ
provided with blossoming flowers, frequented by throngs of sages, loud with the great sound of the Vedas and scriptures — he entered Bhṛgu's hermitage.
AI translation rendered from the Sanskrit, not a published edition
NarP 1 16.8
गृणन्तं परम ब्रह्म वृत्तं शिष्यगणैर्मुनिम् । तेजसा सूर्यसदृशं भृगुं तत्र ददर्श सः
gṛṇantaṃ parama brahma vṛttaṃ śiṣyagaṇairmunim / tejasā sūryasadṛśaṃ bhṛguṃ tatra dadarśa saḥ
There he saw the sage Bhṛgu, reciting the supreme Brahman, surrounded by groups of pupils, like the sun in radiance.
AI translation rendered from the Sanskrit, not a published edition
NarP 1 16.9
प्रणनामाथ विप्रेन्द्रं पादसंग्रहणादिना । आतिथ्यं भृगुरप्यस्य चक्रे सन्मानपूर्वकम्
praṇanāmātha viprendraṃ pādasaṃgrahaṇādinā / ātithyaṃ bhṛgurapyasya cakre sanmānapūrvakam
Then he bowed to that best of brahmins by clasping his feet and so forth, and Bhṛgu too showed him hospitality with due honour.
AI translation rendered from the Sanskrit, not a published edition
NarP 1 16.10
कृतातिथ्यक्रियो राजा भृगुणा परमर्षिणा । उवाच प्राञ्जलिर्भूत्वा विनयान्मुनिपुङ्गवम्
kṛtātithyakriyo rājā bhṛguṇā paramarṣiṇā / uvāca prāñjalirbhūtvā vinayānmunipuṅgavam
The king, having had the rites of hospitality performed for him by the great seer Bhṛgu, folded his hands and spoke modestly to that bull among sages.
AI translation rendered from the Sanskrit, not a published edition
NarP 1 16.11
भगीरथ उवाच भगवन्सर्वधर्मज्ञ सर्वशास्त्रविशारद । पृच्छामि भवभीतो ऽहं नृणामुद्धारकारणम्
bhagīratha uvāca bhagavansarvadharmajña sarvaśāstraviśārada / pṛcchāmi bhavabhīto 'haṃ nṛṇāmuddhārakāraṇam
Bhagīratha said: Lord, knower of all dharma, skilled in all the scriptures, I, being afraid of worldly existence, ask about the means of men's deliverance.
AI translation rendered from the Sanskrit, not a published edition
NarP 1 16.12
भगवांस्तुष्यते येन कर्मणा मुनिसत्तम । तन्ममाख्याहि सर्वज्ञ अनुग्राह्यो ऽस्मि ते यति
bhagavāṃstuṣyate yena karmaṇā munisattama / tanmamākhyāhi sarvajña anugrāhyo 'smi te yati
"By what act is the Lord pleased, O best of sages? Tell me that, all-knowing one, since I am one to be favoured by you."
AI translation rendered from the Sanskrit, not a published edition
NarP 1 16.13
भृगुरुवाच राजंस्तवेप्सितं ज्ञातं त्वं हि पुण्यवतां वरः । अन्यथा स्वकुलं सर्वं कथमुद्धर्त्तुमर्हसि
bhṛguruvāca rājaṃstavepsitaṃ jñātaṃ tvaṃ hi puṇyavatāṃ varaḥ / anyathā svakulaṃ sarvaṃ kathamuddharttumarhasi
Bhṛgu said: O king, your wish is known; you are indeed the best of the meritorious — otherwise how could you be fit to deliver your whole family?
AI translation rendered from the Sanskrit, not a published edition
NarP 1 16.14
यो वा को वापि भूपाल स्वकुलं शुभकर्मणा । उद्धर्त्तकामस्तं विद्यान्नररुपधरं हरिम्
yo vā ko vāpi bhūpāla svakulaṃ śubhakarmaṇā / uddharttakāmastaṃ vidyānnararupadharaṃ harim
Whoever it may be, O king, that wishes to raise up his own family by meritorious action — know him to be Hari bearing human form.
AI translation rendered from the Sanskrit, not a published edition
NarP 1 16.15
कर्मणा येन देवेशो नृणामिष्टफलप्रदः । तत्प्रवक्ष्यामि राजेन्द्र शृणुष्व सुसमाहितः
karmaṇā yena deveśo nṛṇāmiṣṭaphalapradaḥ / tatpravakṣyāmi rājendra śṛṇuṣva susamāhitaḥ
By which action the Lord of gods becomes the giver of the desired fruit to men — that I shall declare, O best of kings; listen with full attention.
AI translation rendered from the Sanskrit, not a published edition
NarP 1 16.16
भव सत्यपरो राजन्न हिंसानिरतस्तथा । सर्वभूतहितो नित्यं मानृतं वद वै क्वचित्
bhava satyaparo rājanna hiṃsāniratastathā / sarvabhūtahito nityaṃ mānṛtaṃ vada vai kvacit
Be devoted to truth, O king, and not given to violence; (be) always a benefactor of all beings; do not ever speak untruth.
AI translation rendered from the Sanskrit, not a published edition
NarP 1 16.17
त्यज दुर्जनसंसर्गं भज साधुसमागमम् । कुरु पुण्यमहोरात्रं स्मर विष्णुं सनातनम्
tyaja durjanasaṃsargaṃ bhaja sādhusamāgamam / kuru puṇyamahorātraṃ smara viṣṇuṃ sanātanam
Abandon association with the wicked; cultivate the company of the good; perform merit day and night; remember Viṣṇu, the eternal.
AI translation rendered from the Sanskrit, not a published edition
NarP 1 16.18
कुरु पूजां महाविष्णोर्याहि शान्ति मनुत्तमाम् । द्वादशाष्टाक्षरं मन्त्रं जय श्रेयो भविष्यति
kuru pūjāṃ mahāviṣṇoryāhi śānti manuttamām / dvādaśāṣṭākṣaraṃ mantraṃ jaya śreyo bhaviṣyati
Perform the worship of the great Viṣṇu; attain the highest peace; (repeat) the twelve- and the eight-syllabled mantra — conquer, and good will come to be.
AI translation rendered from the Sanskrit, not a published edition — the model flagged this verse as uncertain
NarP 1 16.19
भगीरथा उवाच सत्यं तु कीदृशं प्रोक्तं सर्वभूतहितं मुने । अनृतं कीदृशं प्रोक्तं दुर्जनाश्चापि कीदृशाः
bhagīrathā uvāca satyaṃ tu kīdṛśaṃ proktaṃ sarvabhūtahitaṃ mune / anṛtaṃ kīdṛśaṃ proktaṃ durjanāścāpi kīdṛśāḥ
Bhagīratha said: What sort of thing is that truth called, which is the benefit of all beings, O sage? What sort of thing is called untruth, and what sort are the wicked?
AI translation rendered from the Sanskrit, not a published edition
NarP 1 16.20
साधवः कीदृशाः प्रोक्तास्तथा पुण्यं च कीदृशम् । स्मर्तव्यश्च कथं विष्णुस्तस्य पूजा च कीदृशी
sādhavaḥ kīdṛśāḥ proktāstathā puṇyaṃ ca kīdṛśam / smartavyaśca kathaṃ viṣṇustasya pūjā ca kīdṛśī
What sort are those called good men, and what sort is merit? And how is Viṣṇu to be remembered, and what sort is his worship?
AI translation rendered from the Sanskrit, not a published edition
NarP 1 16.21
शान्तिश्च कीदृशी प्रोक्ता को मन्त्रो ऽष्टाक्षरो मुने । को वा द्वादशवर्णश्च मुने तत्त्वार्थकोविद
śāntiśca kīdṛśī proktā ko mantro 'ṣṭākṣaro mune / ko vā dvādaśavarṇaśca mune tattvārthakovida
And what sort is that called peace? What is the eight-syllabled mantra, O sage? And which is the one of twelve letters, O sage, knower of the true meaning?
AI translation rendered from the Sanskrit, not a published edition
NarP 1 16.22
कृपां कृत्वा मयि परां सर्वं व्याख्यातमर्हसि । भृगुरुवाच साधु साधुमहाप्राज्ञ तव बुद्धिरनुत्तमा
kṛpāṃ kṛtvā mayi parāṃ sarvaṃ vyākhyātamarhasi / bhṛguruvāca sādhu sādhumahāprājña tava buddhiranuttamā
Showing me the highest favour, you ought to explain it all. Bhṛgu said: Well, well, O greatly wise one! Your understanding is unsurpassed.
AI translation rendered from the Sanskrit, not a published edition
NarP 1 16.23
यत्पृष्टो ऽहं त्वया भूप तत्सर्वं प्रवदामि ते । यथार्थकथनं यत्तत्सत्यमाहुर्विपश्चितः
yatpṛṣṭo 'haṃ tvayā bhūpa tatsarvaṃ pravadāmi te / yathārthakathanaṃ yattatsatyamāhurvipaścitaḥ
What you have asked me, O king, all that I shall tell you. That speaking which accords with the fact — the learned call that truth.
AI translation rendered from the Sanskrit, not a published edition
NarP 1 16.24
धर्माविरोधतो वाच्यं तद्धि धर्मपरायणैः । देशकालादि विज्ञाय स्वयमस्याविरोधतः
dharmāvirodhato vācyaṃ taddhi dharmaparāyaṇaiḥ / deśakālādi vijñāya svayamasyāvirodhataḥ
It should be spoken without conflict with dharma — indeed by those devoted to dharma; having considered place, time and the rest, and without conflict with these oneself.
AI translation rendered from the Sanskrit, not a published edition — the model flagged this verse as uncertain
NarP 1 16.25
यद्वचः प्रोच्यते सद्भिस्तस्तत्यमभिधीयते । सर्वेषामेव जन्तूनामक्लेषजननं हि तत्
yadvacaḥ procyate sadbhistastatyamabhidhīyate / sarveṣāmeva jantūnāmakleṣajananaṃ hi tat
Whatever speech is uttered by the good is declared to be truth; for it produces no affliction for any of the creatures at all.
AI translation rendered from the Sanskrit, not a published edition
NarP 1 16.26
अहिंसा सा नृप प्रोक्ता सर्वकामप्रदायिनी । कर्मकार्यसहायत्वमकार्यपरिपन्थिता
ahiṃsā sā nṛpa proktā sarvakāmapradāyinī / karmakāryasahāyatvamakāryaparipanthitā
That, O king, is called non-violence, the bestower of all desires: being a helper in acts that ought to be done, and an obstructor of what ought not to be done —
AI translation rendered from the Sanskrit, not a published edition
NarP 1 16.27
सर्वलोकहितत्वं वै प्रोच्यते धर्मकोविदैः । इच्छानुवृत्तकथनं धर्माधर्मविवेकिनः
sarvalokahitatvaṃ vai procyate dharmakovidaiḥ / icchānuvṛttakathanaṃ dharmādharmavivekinaḥ
— this is declared by those skilled in dharma to be the welfare of all the world. But the speech that merely follows (another's) wish, (spoken) to one who discriminates dharma and non-dharma,
AI translation rendered from the Sanskrit, not a published edition — the model flagged this verse as uncertain
NarP 1 16.28
अनृतं तद्धि विज्ञेय सर्वश्रेयोविरोधि तत् । ये लोके द्वेषिणो मूर्खाः कुमार्गरतबुद्धयः
anṛtaṃ taddhi vijñeya sarvaśreyovirodhi tat / ye loke dveṣiṇo mūrkhāḥ kumārgaratabuddhayaḥ
— that indeed is to be known as untruth, for it opposes all welfare. Those in the world who are hateful, foolish, whose minds delight in the evil path,
AI translation rendered from the Sanskrit, not a published edition
NarP 1 16.29
ते राजन्दुर्ज्जना ज्ञेयाः सर्वधर्मबहिष्कृताः । धर्माधर्मविवेकेन वेदमार्गानुसारिणः
te rājandurjjanā jñeyāḥ sarvadharmabahiṣkṛtāḥ / dharmādharmavivekena vedamārgānusāriṇaḥ
they, O king, are to be known as wicked, cast out from all dharma. Those who follow the path of the Veda through discrimination of dharma and non-dharma,
AI translation rendered from the Sanskrit, not a published edition
NarP 1 16.30
सर्वलोकहितासक्ताः साधवः परिकीर्त्तिताः । हरि भक्तिकरं यत्तत्सद्भिश्च परिरञ्चितम्
sarvalokahitāsaktāḥ sādhavaḥ parikīrttitāḥ / hari bhaktikaraṃ yattatsadbhiśca parirañcitam
who are intent on the welfare of all the world, are proclaimed to be the good. Whatever produces devotion to Hari and is delighted in by the good,
AI translation rendered from the Sanskrit, not a published edition
NarP 1 16.31
आत्मनः प्रीतिजनकं तत्पुण्यं परिकीर्त्तितम् । सर्वं जगदिदं विष्णुर्वष्णुः सर्वस्य कारणम्
ātmanaḥ prītijanakaṃ tatpuṇyaṃ parikīrttitam / sarvaṃ jagadidaṃ viṣṇurvaṣṇuḥ sarvasya kāraṇam
and generates joy in oneself — that is proclaimed as merit. All this world is Viṣṇu; Viṣṇu is the cause of all.
AI translation rendered from the Sanskrit, not a published edition
NarP 1 16.32
अहं च विष्णुर्यज्ज्ञानं तद्विष्णुस्म रणं विदुः । सर्वदेवमयो विष्णुर्विधिना पूजयामि तम्
ahaṃ ca viṣṇuryajjñānaṃ tadviṣṇusma raṇaṃ viduḥ / sarvadevamayo viṣṇurvidhinā pūjayāmi tam
"I too am Viṣṇu" — that knowledge they know as the remembrance of Viṣṇu. "Viṣṇu consists of all the gods; I worship him according to the rule" —
AI translation rendered from the Sanskrit, not a published edition
NarP 1 16.33
इति या भवति श्रद्धा सा तद्भक्तिः प्रकीर्तिताः । सर्वभूतमयो विष्णुः परिपूर्णः सनातनः
iti yā bhavati śraddhā sā tadbhaktiḥ prakīrtitāḥ / sarvabhūtamayo viṣṇuḥ paripūrṇaḥ sanātanaḥ
such faith as arises is proclaimed to be devotion to him. "Viṣṇu consists of all beings, wholly full, eternal" —
AI translation rendered from the Sanskrit, not a published edition
NarP 1 16.34
इत्यभेदेन या बुद्धिः समता सा प्रकीर्त्तिता । समता शत्रुमित्रेषु वशित्वं च तथा नृप
ityabhedena yā buddhiḥ samatā sā prakīrttitā / samatā śatrumitreṣu vaśitvaṃ ca tathā nṛpa
The understanding that (arises) thus through non-difference is declared to be equality (samatā); and equality toward enemies and friends is self-mastery, O king.
AI translation rendered from the Sanskrit, not a published edition
NarP 1 16.35
यदृच्छालाभसंतुष्टिः सा शान्तिः परिकीर्तिता । एते सर्वे समाख्यातास्तपः सिद्धिप्रदा नृणाम्
yadṛcchālābhasaṃtuṣṭiḥ sā śāntiḥ parikīrtitā / ete sarve samākhyātāstapaḥ siddhipradā nṛṇām
Contentment with whatever is obtained by chance is called peace. All these have been declared to be austerity, granting success to men.
AI translation rendered from the Sanskrit, not a published edition
NarP 1 16.36
समस्तपापराशीनां तरसा नाशहेतवः । अष्टाक्षरं महामन्त्रं सर्वपापप्रणाशनम्
samastapāparāśīnāṃ tarasā nāśahetavaḥ / aṣṭākṣaraṃ mahāmantraṃ sarvapāpapraṇāśanam
(They are) the causes of the swift destruction of whole heaps of sins. The eight-syllable great mantra destroys all sins.
AI translation rendered from the Sanskrit, not a published edition
NarP 1 16.37
वक्ष्यामि तव राजेन्द्र पुरुषार्थैकसाधनम् । विष्णोः प्रियकरं चैव सर्वसिद्धिप्रदायकम्
vakṣyāmi tava rājendra puruṣārthaikasādhanam / viṣṇoḥ priyakaraṃ caiva sarvasiddhipradāyakam
I shall declare (it) to you, O best of kings — the single means to the goal of man, and what is dear to Viṣṇu and grants all attainments.
AI translation rendered from the Sanskrit, not a published edition
NarP 1 16.38
नमो नारायणायेति जपेत्प्रणक्पूर्वकम् । नमो भगवते प्रोच्य वासुदेवाय तत्परम्
namo nārāyaṇāyeti japetpraṇakpūrvakam / namo bhagavate procya vāsudevāya tatparam
One should recite "oṃ namo nārāyaṇāya," preceded by the praṇava (oṃ); saying "namo bhagavate," then "vāsudevāya" after that.
AI translation rendered from the Sanskrit, not a published edition
NarP 1 16.39
प्रणवाद्यं महाराज द्वादशार्णमुदाहृतम् । द्वयोः समं फलं राजन्नष्टद्वादशवर्णयोः
praṇavādyaṃ mahārāja dvādaśārṇamudāhṛtam / dvayoḥ samaṃ phalaṃ rājannaṣṭadvādaśavarṇayoḥ
With the praṇava at its head, O great king, the twelve-syllabled (mantra) has been stated; the fruit of the two is equal, O king — of the eight-syllabled and the twelve-syllabled.
AI translation rendered from the Sanskrit, not a published edition
NarP 1 16.40
प्रवृत्तौ च निवृत्तौ च साम्यमुद्दिष्टमेतयोः । शङ्खचचक्रधरं शान्तं नारायणमनामयम्
pravṛttau ca nivṛttau ca sāmyamuddiṣṭametayoḥ / śaṅkhacacakradharaṃ śāntaṃ nārāyaṇamanāmayam
In (the path of) activity and in (the path of) cessation, an equivalence of these two has been taught. (One should meditate on) Nārāyaṇa, bearer of conch and discus, tranquil, free from ill,
AI translation rendered from the Sanskrit, not a published edition
NarP 1 16.41
लक्ष्मीसंश्रितवामाङ्कं तथाभयकरं प्रभुम् । किरीटकुण्डलधरं नानामण्डनशोभितम्
lakṣmīsaṃśritavāmāṅkaṃ tathābhayakaraṃ prabhum / kirīṭakuṇḍaladharaṃ nānāmaṇḍanaśobhitam
the Lord, on whose left side Lakṣmī rests, whose hand grants fearlessness, wearing crown and earrings, adorned with various ornaments,
AI translation rendered from the Sanskrit, not a published edition
NarP 1 16.42
भ्राजत्कौस्तुभमालाढ्यं श्रीवत्साङ्कितवक्षसम् । पीताम्बरधरं देवं सुरासुरनमस्कृतम्
bhrājatkaustubhamālāḍhyaṃ śrīvatsāṅkitavakṣasam / pītāmbaradharaṃ devaṃ surāsuranamaskṛtam
rich with the shining Kaustubha garland, his chest marked with the śrīvatsa, the god clad in yellow garments, saluted by gods and demons —
AI translation rendered from the Sanskrit, not a published edition
NarP 1 16.43
ध्यायेदनादिनिधनं सर्वकामफलप्रदम् । अन्तर्यामी ज्ञानरुपी परिपूर्णः सनातनः
dhyāyedanādinidhanaṃ sarvakāmaphalapradam / antaryāmī jñānarupī paripūrṇaḥ sanātanaḥ
one should meditate on him who is without beginning or end, the giver of the fruit of all desires — the inner controller, of the nature of knowledge, complete, eternal.
AI translation rendered from the Sanskrit, not a published edition
NarP 1 16.44
एतत्सर्वं समाख्यातं यत्तु पुष्टं त्वया नृप । स्वस्ति ते ऽस्तु तपः सिद्धिं गच्छ लब्धुं यथासुखम्
etatsarvaṃ samākhyātaṃ yattu puṣṭaṃ tvayā nṛpa / svasti te 'stu tapaḥ siddhiṃ gaccha labdhuṃ yathāsukham
All this has been declared, whatever was asked by you, O king. May welfare be yours; go, at your ease, to attain the fruition of austerity.
AI translation rendered from the Sanskrit, not a published edition
NarP 1 16.45
एवमुक्तो महीपालो भृगुणा परमर्षिणा । परमां प्रीतिमापन्नः प्रपेदेतपसे वनम्
evamukto mahīpālo bhṛguṇā paramarṣiṇā / paramāṃ prītimāpannaḥ prapedetapase vanam
Thus addressed by Bhṛgu, the supreme seer, the king, having attained the highest delight, went to the forest for austerity.
AI translation rendered from the Sanskrit, not a published edition
NarP 1 16.46
हिमवद्गिरिमासाद्य पुण्यदेशे मनोहरे । नादेश्वरे महाक्षेत्रे तपस्तेपे ऽतिदुश्चरम्
himavadgirimāsādya puṇyadeśe manohare / nādeśvare mahākṣetre tapastepe 'tiduścaram
Reaching the Himālaya mountain, in a lovely holy region, in the great sacred field of Nādeśvara, he practised most difficult austerity.
AI translation rendered from the Sanskrit, not a published edition
NarP 1 16.47
राजा त्रिषवणस्नायी कन्दमूलफलाशनः । कृतातिथ्यर्हणश्चापि नित्यं होमपरायणः
rājā triṣavaṇasnāyī kandamūlaphalāśanaḥ / kṛtātithyarhaṇaścāpi nityaṃ homaparāyaṇaḥ
The king bathed at the three junctures (of the day), ate bulbs, roots and fruits, performed the honouring of guests, and was constantly devoted to the fire-offering,
AI translation rendered from the Sanskrit, not a published edition
NarP 1 16.48
सर्वभूतहितः शान्तो नारायणपरायणः । पत्रैः पुष्पैः फलैस्तोयैस्त्रिकालं हरिपूजकः
sarvabhūtahitaḥ śānto nārāyaṇaparāyaṇaḥ / patraiḥ puṣpaiḥ phalaistoyaistrikālaṃ haripūjakaḥ
intent on the good of all beings, tranquil, wholly given to Nārāyaṇa, worshipping Hari at the three times with leaves, flowers, fruits and water.
AI translation rendered from the Sanskrit, not a published edition
NarP 1 16.49
एवं बहुतिथं कालं नीत्वा चात्यन्तधैर्यवान् । ध्यायन्नारायणं देवं शीर्णपर्णाशनो ऽभवत्
evaṃ bahutithaṃ kālaṃ nītvā cātyantadhairyavān / dhyāyannārāyaṇaṃ devaṃ śīrṇaparṇāśano 'bhavat
Having thus passed a very long time, being of utmost steadfastness, meditating on the god Nārāyaṇa, he came to live on withered leaves.
AI translation rendered from the Sanskrit, not a published edition
NarP 1 16.50
प्राणायामपरो भूत्वा राजा परमधार्मिकः । निरुच्छ्वास स्तपस्तप्तुं ततः समुपचक्रमे
prāṇāyāmaparo bhūtvā rājā paramadhārmikaḥ / nirucchvāsa stapastaptuṃ tataḥ samupacakrame
Then the king, supremely righteous, becoming devoted to breath-control, set about practising austerity without breathing.
AI translation rendered from the Sanskrit, not a published edition
NarP 1 16.51
ध्यायन्नारायणं देवमनं तमपराजितम् । षष्टिवर्षसहस्ताणि निरुच्छ्वासपरो ऽभवत्
dhyāyannārāyaṇaṃ devamanaṃ tamaparājitam / ṣaṣṭivarṣasahastāṇi nirucchvāsaparo 'bhavat
Meditating on the god Nārāyaṇa, the unconquered, free from darkness (or: from sin), for sixty thousand years he remained intent on breathlessness.
AI translation rendered from the Sanskrit, not a published edition — the model flagged this verse as uncertain
NarP 1 16.52
तस्य नान्मापुटाद्राज्ञो वह्निर्जज्ञं भयङ्करः । तं दृष्ट्वा देवताः सर्वे वित्रस्ता वह्निता पिताः
tasya nānmāpuṭādrājño vahnirjajñaṃ bhayaṅkaraḥ / taṃ dṛṣṭvā devatāḥ sarve vitrastā vahnitā pitāḥ
From that king's nostrils a terrifying fire arose; seeing it, all the gods were terrified, scorched by the fire.
AI translation rendered from the Sanskrit, not a published edition
NarP 1 16.53
अभिजग्मुर्महाविष्णुं यत्रास्ते जगतां पतिः । क्षीरोदस्योत्तरं तीर संप्राप्य त्रिदशेश्वराः । अस्तुवन्देवदेवेशं शरणागतपालकम्
abhijagmurmahāviṣṇuṃ yatrāste jagatāṃ patiḥ / kṣīrodasyottaraṃ tīra saṃprāpya tridaśeśvarāḥ / astuvandevadeveśaṃ śaraṇāgatapālakam
They went to the great Viṣṇu, where the Lord of the worlds abides; and the lords of the thirty (gods), having reached the northern shore of the milk-ocean, praised the god of gods, the protector of those who come for refuge.
AI translation rendered from the Sanskrit, not a published edition
NarP 1 16.54
देवा ऊचुः नताः स्म विष्णुं जगदेकनाथं स्मरत्समस्तार्तिहरं परेशम् । स्वभावशुद्धं परिपूर्णभावं वदन्ति यज्ज्ञानतनुं च तज्ज्ञाः
devā ūcuḥ natāḥ sma viṣṇuṃ jagadekanāthaṃ smaratsamastārtiharaṃ pareśam / svabhāvaśuddhaṃ paripūrṇabhāvaṃ vadanti yajjñānatanuṃ ca tajjñāḥ
The gods said: We bow to Viṣṇu, the one lord of the world, who removes all afflictions of him who remembers (him), the supreme Lord; pure in his own nature, of wholly complete being — and those who know him call him one whose body is knowledge.
AI translation rendered from the Sanskrit, not a published edition
NarP 1 16.55
ध्येयः सदा योगिवरैर्महात्मा स्वेच्छाशरीरैः कुतदेवकार्यः । जगत्स्वरुपो जगदादिनाथस्तस्मै नताः स्मः पुरुषोत्तमाय
dhyeyaḥ sadā yogivarairmahātmā svecchāśarīraiḥ kutadevakāryaḥ / jagatsvarupo jagadādināthastasmai natāḥ smaḥ puruṣottamāya
Always to be meditated on by the best of yogins, the great Self, who accomplishes the gods' business with bodies (taken) at his own will; whose form is the world, the primal lord of the world — to that Highest Person we are bowed.
AI translation rendered from the Sanskrit, not a published edition
NarP 1 16.56
यनन्नामसंकीर्त्तनतो खलानां समस्त पापानि लयं प्रयान्ति । तमीशमीड्यं पुरुषं पुराणं नताः स्म विष्णुं पुरुषाथसिद्ध्यै
yanannāmasaṃkīrttanato khalānāṃ samasta pāpāni layaṃ prayānti / tamīśamīḍyaṃ puruṣaṃ purāṇaṃ natāḥ sma viṣṇuṃ puruṣāthasiddhyai
He by the chanting of whose name all the sins of the wicked come to dissolution — to that Lord, worthy of praise, the ancient Person, to Viṣṇu, we are bowed, for the attainment of the aims of man.
AI translation rendered from the Sanskrit, not a published edition
NarP 1 16.57
यत्तेजसा भान्ति दिवाकराद्या नातिक्रमं त्यस्य कदापि शिक्षाः । कालात्मकं तं त्रिदशाधिनाथं नमामहे वै पुरुषार्थरुपम्
yattejasā bhānti divākarādyā nātikramaṃ tyasya kadāpi śikṣāḥ / kālātmakaṃ taṃ tridaśādhināthaṃ namāmahe vai puruṣārtharupam
By whose radiance the sun and the rest shine; his ordinances they never transgress — to him whose self is Time, the overlord of the thirty (gods), we make obeisance, the very form of the aims of man.
AI translation rendered from the Sanskrit, not a published edition
NarP 1 16.58
जगत्करो ऽत्यब्जभवो ऽत्ति रुद्रः पुनाति लोकाञ्श्रुतिभिश्च विप्राः । तमादिदेवं गुणसन्निधानं सर्वोपदेष्टारमिताः शरण्यम्
jagatkaro 'tyabjabhavo 'tti rudraḥ punāti lokāñśrutibhiśca viprāḥ / tamādidevaṃ guṇasannidhānaṃ sarvopadeṣṭāramitāḥ śaraṇyam
The lotus-born makes the world, Rudra devours (it), and the brahmins purify the worlds by the Vedic texts — to that primal God, the seat of (all) qualities, the instructor of all, the (only) refuge, have we gone.
AI translation rendered from the Sanskrit, not a published edition — the model flagged this verse as uncertain
NarP 1 16.59
वरं वरेण्यं मधुकैटभारिं सुरासुराभ्यर्चितपादपीठम् । ॥ सद्भक्तिसंकल्पितासिद्धिहेतुं ज्ञानैकवेद्यं प्रणताः स्म देवम्
varaṃ vareṇyaṃ madhukaiṭabhāriṃ surāsurābhyarcitapādapīṭham / // sadbhaktisaṃkalpitāsiddhihetuṃ jñānaikavedyaṃ praṇatāḥ sma devam
The excellent one, worthy of choosing, the foe of Madhu and Kaiṭabha, whose footstool is worshipped by gods and demons alike, the cause of the fulfilment of what is resolved upon in true devotion, to be known by knowledge alone — to that God we are bowed down.
AI translation rendered from the Sanskrit, not a published edition
NarP 1 16.60
अनादिमध्यान्तमजं परेशमनाद्यविद्याख्यतमोविनाशम् । सच्चित्परानन्दघनस्वरुपं रुपादिहीनं प्रणताः स्म देवम्
anādimadhyāntamajaṃ pareśamanādyavidyākhyatamovināśam / saccitparānandaghanasvarupaṃ rupādihīnaṃ praṇatāḥ sma devam
Without beginning, middle, or end, unborn, the supreme Lord, the destroyer of the darkness called beginningless ignorance, whose own form is a mass of being, consciousness, and supreme bliss, devoid of form and the like — to that God we are bowed down.
AI translation rendered from the Sanskrit, not a published edition
NarP 1 16.61
नारायणं विष्णुमनन्तमीशं पीताम्बरं पद्मभवादिसेव्यम् । यज्ञाप्रियं यज्ञकरं विशुद्धं नताः स्म सर्वोत्तममव्ययं तम्
nārāyaṇaṃ viṣṇumanantamīśaṃ pītāmbaraṃ padmabhavādisevyam / yajñāpriyaṃ yajñakaraṃ viśuddhaṃ natāḥ sma sarvottamamavyayaṃ tam
To Nārāyaṇa, Viṣṇu, the endless Lord, clad in yellow, to be served by the lotus-born (Brahmā) and others, dear to sacrifice and the maker of sacrifice, wholly pure — to him, best of all, undecaying, we are bowed.
AI translation rendered from the Sanskrit, not a published edition
NarP 1 16.62
इति स्तुतो महाविष्णुर्देवैरिन्द्रादिभिस्तदा । चरितं तस्य राजर्षेर्देवानां संन्यवेदयत्
iti stuto mahāviṣṇurdevairindrādibhistadā / caritaṃ tasya rājarṣerdevānāṃ saṃnyavedayat
Thus praised by the gods, Indra and the rest, Mahāviṣṇu then made known to the gods the deeds of that royal sage.
AI translation rendered from the Sanskrit, not a published edition
NarP 1 16.63
ततो देवान्समाश्वास्य दत्त्वाभयमनञ्जनः । जगाम यत्र राजर्षिस्तपस्तपति नारद
tato devānsamāśvāsya dattvābhayamanañjanaḥ / jagāma yatra rājarṣistapastapati nārada
Then, having reassured the gods and granted (them) freedom from fear, the unblemished one went, O Nārada, to where the royal sage was performing his austerity.
AI translation rendered from the Sanskrit, not a published edition
NarP 1 16.64
शङ्खचक्रधरो देवः सच्चिदानन्दविग्रहः । प्रत्यक्षतामगात्तस्य राज्ञः सर्वजगद्गुरुः
śaṅkhacakradharo devaḥ saccidānandavigrahaḥ / pratyakṣatāmagāttasya rājñaḥ sarvajagadguruḥ
The God bearing conch and discus, whose body is being, consciousness, and bliss, the teacher of the whole world, came into that king's direct sight.
AI translation rendered from the Sanskrit, not a published edition
NarP 1 16.65
तं दुष्ट्वा पुण्डरीकाक्षं भाभासितदिगन्तरम् । अतिसीपुष्पंसंकाशं स्फुरत्कुण्डलमण्डितम्
taṃ duṣṭvā puṇḍarīkākṣaṃ bhābhāsitadigantaram / atisīpuṣpaṃsaṃkāśaṃ sphuratkuṇḍalamaṇḍitam
Seeing him, the lotus-eyed, who lit up the ends of the directions with his splendour, like an atasī flower (in hue), adorned with flashing earrings —
AI translation rendered from the Sanskrit, not a published edition
NarP 1 16.66
स्निग्ध कुन्तलवक्राब्जं विभ्राजन्मुकुटोज्ज्वलम् । श्रीवत्सकौस्तुमधरं वनमालाविभूषितम्
snigdha kuntalavakrābjaṃ vibhrājanmukuṭojjvalam / śrīvatsakaustumadharaṃ vanamālāvibhūṣitam
with his lotus face (framed) by glossy curling locks, radiant with a gleaming diadem, wearing the Śrīvatsa mark and the Kaustubha (gem), adorned with a garland of wild flowers —
AI translation rendered from the Sanskrit, not a published edition
NarP 1 16.67
दीर्घबाहुमुदाराङ्गं लोकेशार्चितपन्त्कजम् । ननाम दण्डवद्भूमौ भूपतिर्नम्रकन्धरः
dīrghabāhumudārāṅgaṃ lokeśārcitapantkajam / nanāma daṇḍavadbhūmau bhūpatirnamrakandharaḥ
long-armed, with noble limbs, his lotus feet worshipped by the lords of the worlds — the king, his neck bent, bowed to the ground like a fallen staff,
AI translation rendered from the Sanskrit, not a published edition
NarP 1 16.68
अत्यन्तहर्षसंपूर्णः सरोमाञ्चः सगद्गदः । कृष्ण कृष्णेति श्रीकृष्णेति समुच्चरन्
atyantaharṣasaṃpūrṇaḥ saromāñcaḥ sagadgadaḥ / kṛṣṇa kṛṣṇeti śrīkṛṣṇeti samuccaran
filled with the utmost joy, with his hair bristling, his voice faltering, uttering aloud "Kṛṣṇa, Kṛṣṇa, Śrī Kṛṣṇa."
AI translation rendered from the Sanskrit, not a published edition
NarP 1 16.69
तस्य विष्णुः प्रसन्नात्मा ह्यन्तर्यामी जगद्गुरुः । उवाच कृपयाविष्टो भगवान्भूतभावनः
tasya viṣṇuḥ prasannātmā hyantaryāmī jagadguruḥ / uvāca kṛpayāviṣṭo bhagavānbhūtabhāvanaḥ
To him Viṣṇu, gracious of heart, the indweller, the world's teacher, the Lord who brings beings into being, filled with compassion, spoke:
AI translation rendered from the Sanskrit, not a published edition
NarP 1 16.70
श्रीभगवानुवाच भगीरथ महाभाग तवाभीष्टं भविष्यति । आगमिष्यन्ति मल्लोकं तव पूर्वपितामहाः
śrībhagavānuvāca bhagīratha mahābhāga tavābhīṣṭaṃ bhaviṣyati / āgamiṣyanti mallokaṃ tava pūrvapitāmahāḥ
The Blessed Lord said: Bhagīratha, greatly fortunate one, what you desire shall come to pass; your forefathers shall come to my world.
AI translation rendered from the Sanskrit, not a published edition
NarP 1 16.71
मम मूर्त्यन्तरं शम्भुं राजन्स्तोत्रैः स्वशक्तिवः । स्तुहि ते सकलं कामं सवै सद्यः करिष्यन्ति
mama mūrtyantaraṃ śambhuṃ rājanstotraiḥ svaśaktivaḥ / stuhi te sakalaṃ kāmaṃ savai sadyaḥ kariṣyanti
O king, praise Śambhu, my other form, with hymns according to your own power; he will surely fulfil your every wish at once.
AI translation rendered from the Sanskrit, not a published edition
NarP 1 16.72
यस्तु जग्राह शशिनं शूरणं समुपागतम् । तस्मादाराधयेशानं स्तोत्रैः स्तुत्यं सुखप्रदम्
yastu jagrāha śaśinaṃ śūraṇaṃ samupāgatam / tasmādārādhayeśānaṃ stotraiḥ stutyaṃ sukhapradam
For it was he who caught the moon(-bearing stream?) as it came down; therefore worship Īśāna, praiseworthy with hymns, the giver of happiness.
AI translation rendered from the Sanskrit, not a published edition — the model flagged this verse as uncertain
NarP 1 16.73
अनादिनिधनो देवः सर्वकाम फलप्रदः । त्वया संपुजितो राजन्सद्यः श्रेयो विधास्यति
anādinidhano devaḥ sarvakāma phalapradaḥ / tvayā saṃpujito rājansadyaḥ śreyo vidhāsyati
That God, without beginning or end, who grants the fruit of every desire, when fully worshipped by you, O king, will at once bring about your welfare.
AI translation rendered from the Sanskrit, not a published edition
NarP 1 16.74
इत्युक्त्वा देवदेवेशो जगतां पतिरच्युतः । अन्तर्दधे मुनिश्रेष्ठ उत्तस्थौसो ऽपि भूपतिः
ityuktvā devadeveśo jagatāṃ patiracyutaḥ / antardadhe muniśreṣṭha uttasthauso 'pi bhūpatiḥ
Having spoken thus, the God of gods, the lord of the worlds, Acyuta, vanished, O best of sages; and that king too rose up.
AI translation rendered from the Sanskrit, not a published edition
NarP 1 16.75
किमिदं स्मम आहोस्वित्सत्यं साक्षाद्विजोत्तम् । भूपतिर्विस्मयं प्रात्पः किं करोमीति विस्मितः
kimidaṃ smama āhosvitsatyaṃ sākṣādvijottam / bhūpatirvismayaṃ prātpaḥ kiṃ karomīti vismitaḥ
"What is this? Was it a dream of mine, or was it real, seen face to face, O best of the twice-born?" The king was filled with amazement, and, astonished, (thought) "What shall I do?"
AI translation rendered from the Sanskrit, not a published edition
NarP 1 16.76
अथान्तरिक्षे वागुज्चैः प्राह तं भ्रान्तचेतसम् । सत्यमेतदिति व्यक्तं न चिन्तां कर्तुमर्हसि
athāntarikṣe vāgujcaiḥ prāha taṃ bhrāntacetasam / satyametaditi vyaktaṃ na cintāṃ kartumarhasi
Then a voice in the sky spoke loudly to him whose mind was bewildered: "This is real — that is plain; you ought not to worry."
AI translation rendered from the Sanskrit, not a published edition
NarP 1 16.77
तन्निशम्यावनीपाल ईशानं सर्वकारणम् । समस्तदेवताराजमस्तौषीद्भक्तितत्परः
tanniśamyāvanīpāla īśānaṃ sarvakāraṇam / samastadevatārājamastauṣīdbhaktitatparaḥ
Hearing that, the protector of the earth, intent on devotion, praised Īśāna, the cause of all, the king of all the gods.
AI translation rendered from the Sanskrit, not a published edition
NarP 1 16.78
भगीरथ उवाच प्रणमामि जगन्नाथं प्रणतार्तिप्रणाशनम् । प्रमाणागोचरं देवमीशानं प्रणवात्मकम्
bhagīratha uvāca praṇamāmi jagannāthaṃ praṇatārtipraṇāśanam / pramāṇāgocaraṃ devamīśānaṃ praṇavātmakam
Bhagīratha said: I bow to the Lord of the world, the destroyer of the distress of those who bow (to him), the god beyond the reach of the means of knowledge, Īśāna, whose essence is the syllable Om.
AI translation rendered from the Sanskrit, not a published edition
NarP 1 16.79
जगद्रूपमजं नित्यं सर्गस्थित्यन्तकारणम् । विश्वरुपं विरुपाक्ष प्रणतो ऽस्म्युग्ररेतसम्
jagadrūpamajaṃ nityaṃ sargasthityantakāraṇam / viśvarupaṃ virupākṣa praṇato 'smyugraretasam
(He) whose form is the world, unborn, eternal, the cause of creation, continuance and end, of universal form — O you of misshapen eyes, I bow to (him) of fiery seed.
AI translation rendered from the Sanskrit, not a published edition
NarP 1 16.80
आदिमध्यान्तरहितमनन्तमजमव्ययम् । समामनन्ति योगीन्द्रा स्तं वन्दे पुष्टिवर्धनम्
ādimadhyāntarahitamanantamajamavyayam / samāmananti yogīndrā staṃ vande puṣṭivardhanam
(That) which the best of yogins declare to be without beginning, middle or end, endless, unborn, imperishable — him I praise, the increaser of prosperity.
AI translation rendered from the Sanskrit, not a published edition
NarP 1 16.81
नमो लोकाधिनाथाप वञ्चते परिवञ्चते । नमो ऽस्तु नीलग्रीवाय पसूनां पतये नमः
namo lokādhināthāpa vañcate parivañcate / namo 'stu nīlagrīvāya pasūnāṃ pataye namaḥ
Homage to the overlord of the worlds, ... to the deceiver, to the utter deceiver; homage be to the blue-throated one, homage to the lord of beasts (creatures).
AI translation rendered from the Sanskrit, not a published edition — the model flagged this verse as uncertain
NarP 1 16.82
नमः कपालहस्ताय पाशपतये नमः । नमो ऽकल्पप्रकल्पाय भूतानां पतये नमः
namaḥ kapālahastāya pāśapataye namaḥ / namo 'kalpaprakalpāya bhūtānāṃ pataye namaḥ
Homage to him with a skull in his hand, homage to the lord of the noose; homage to him who ordains what is not ordained, homage to the lord of beings.
AI translation rendered from the Sanskrit, not a published edition
NarP 1 16.83
नमः पिनाकहस्ताय शूलहस्ताय ते नमः । नमः कपालहस्ताय पाशमुद्गरधारिणे
namaḥ pinākahastāya śūlahastāya te namaḥ / namaḥ kapālahastāya pāśamudgaradhāriṇe
Homage to him with the Pināka bow in his hand, homage to you with the trident in your hand; homage to him with the skull in his hand, to the bearer of noose and mallet.
AI translation rendered from the Sanskrit, not a published edition
NarP 1 16.84
नमस्ते सर्वभूताय घण्टाहस्ताय ते नमः । नमः पञ्चास्यदेवाय क्षेत्राणां पतये नमः
namaste sarvabhūtāya ghaṇṭāhastāya te namaḥ / namaḥ pañcāsyadevāya kṣetrāṇāṃ pataye namaḥ
Homage to you who are all beings, homage to you with the bell in your hand; homage to the five-faced god, homage to the lord of the fields.
AI translation rendered from the Sanskrit, not a published edition
NarP 1 16.85
नमः समस्तभूतानामादिभृताय भूभृते । अनेकरुपरुपाय निर्गुणाय परात्मने
namaḥ samastabhūtānāmādibhṛtāya bhūbhṛte / anekaruparupāya nirguṇāya parātmane
Homage to the primal supporter of all beings, to the bearer of the earth, to him of many forms, to the one without qualities, to the supreme Self.
AI translation rendered from the Sanskrit, not a published edition
NarP 1 16.86
नमो दणाधिदेवाय गणानां पतये नमः । नमो हिरण्यगर्भाय हिरण्यपतये नमः
namo daṇādhidevāya gaṇānāṃ pataye namaḥ / namo hiraṇyagarbhāya hiraṇyapataye namaḥ
Homage to the god who presides over the staff (of punishment), homage to the lord of the hosts; homage to Hiraṇyagarbha, homage to the lord of gold.
AI translation rendered from the Sanskrit, not a published edition
NarP 1 16.87
हिरण्यरेतसे तुभ्यंनमो हिरण्यबाहवे । नमो ध्यानस्वरुपाय नमस्ते ध्यानसाक्षिणे
hiraṇyaretase tubhyaṃnamo hiraṇyabāhave / namo dhyānasvarupāya namaste dhyānasākṣiṇe
Homage to you of golden seed, homage to him of golden arms; homage to him whose form is meditation, homage to you the witness of meditation.
AI translation rendered from the Sanskrit, not a published edition
NarP 1 16.90
नमस्ते ध्यानसंस्थाय ध्यानगम्याय ते नमः । येनेदं विश्वमखिलं चराचरविराजितम् ॥ नर्प्_१,१६।८८ ॥ वर्षेवाभ्रेण जनितं प्रधानपुरुषात्मना ॥ नर्प्_१,१६।८९ ॥ स्वप्रकाशं महात्मानं परं ज्योतिः सनातनम् । यमामनन्ति तत्त्वज्ञाः सवितारं नृचक्षुषाम्
namaste dhyānasaṃsthāya dhyānagamyāya te namaḥ / yenedaṃ viśvamakhilaṃ carācaravirājitam // narp_1,16.88 // varṣevābhreṇa janitaṃ pradhānapuruṣātmanā // narp_1,16.89 // svaprakāśaṃ mahātmānaṃ paraṃ jyotiḥ sanātanam / yamāmananti tattvajñāḥ savitāraṃ nṛcakṣuṣām
Homage to you who abide in meditation, homage to you who are attained by meditation. (He) by whom this whole universe, resplendent with moving and unmoving things, was generated, as (grass) in the rains by a cloud, in the form of Pradhāna and Puruṣa — the self-luminous great Self, the supreme eternal light, whom the knowers of reality declare to be the sun of men's eyes...
AI translation rendered from the Sanskrit, not a published edition — the model flagged this verse as uncertain
NarP 1 16.91
उमाकान्तनन्दिकेशन्तं नीलकण्ठं सदाशिवम् । मृत्युञ्जयं महादेवं परात्परतरं विभुम्
umākāntanandikeśantaṃ nīlakaṇṭhaṃ sadāśivam / mṛtyuñjayaṃ mahādevaṃ parātparataraṃ vibhum
(Him,) the beloved of Umā, the lord of Nandin, the blue-throated, ever-auspicious, the conqueror of death, the great god, higher than the highest, the all-pervading one —
AI translation rendered from the Sanskrit, not a published edition
NarP 1 16.92
परं शब्दब्रह्मरुपं तं वन्दे ऽखिलकारणम् । कपर्द्दिने नमस्तुभ्यं सद्यो जाताय वै नमः
paraṃ śabdabrahmarupaṃ taṃ vande 'khilakāraṇam / kaparddine namastubhyaṃ sadyo jātāya vai namaḥ
the supreme one whose form is the Word-Brahman, the cause of all — him I praise. Homage to you, wearer of matted locks; homage indeed to him who is born in an instant (Sadyojāta).
AI translation rendered from the Sanskrit, not a published edition
NarP 1 16.93
भवोद्भवाय शुद्धाय ज्येष्ठाय च कनीयसे । मन्यवे त इषे त्रघय्याः पतये यज्ञतन्तवे
bhavodbhavāya śuddhāya jyeṣṭhāya ca kanīyase / manyave ta iṣe traghayyāḥ pataye yajñatantave
To him arisen from Bhava, to the pure one, to the eldest and to the youngest, to your wrath, to your arrow, ... to the lord of the ... , to him who is the extension of the sacrifice.
AI translation rendered from the Sanskrit, not a published edition — the model flagged this verse as uncertain
NarP 1 16.94
ऊर्जे दिशां च पतये कालायाघोररुपिणे । कृशानुरेतसे तुभ्यं नमो ऽस्तु सुमाहात्मने
ūrje diśāṃ ca pataye kālāyāghorarupiṇe / kṛśānuretase tubhyaṃ namo 'stu sumāhātmane
To (him who is) vigour, and to the lord of the directions, to Time, to him of terrible form, to you of fire-seed — homage be to the greatly exalted one.
AI translation rendered from the Sanskrit, not a published edition — the model flagged this verse as uncertain
NarP 1 16.95
यतः समुद्राः सरितो ऽद्रयश्च गन्धर्वयक्षासुरसिद्धसङ्घाः । स्थाणु श्चरिष्णुर्महदल्पकं च असञ्च सज्जीवमजीमास
yataḥ samudrāḥ sarito 'drayaśca gandharvayakṣāsurasiddhasaṅghāḥ / sthāṇu ścariṣṇurmahadalpakaṃ ca asañca sajjīvamajīmāsa
From whom the oceans, the rivers and the mountains, the throngs of Gandharvas, Yakṣas, Asuras and Siddhas, the standing and the moving, the great and the small, and the non-existent and the existent, the living and the lifeless, came to be —
AI translation rendered from the Sanskrit, not a published edition — the model flagged this verse as uncertain
NarP 1 16.96
नतो ऽस्मि तं योगिनताङ्घ्रिपद्मं सर्वान्तरात्मानमरुपमीशम् । स्वतन्त्रमेकं गुणुनां गुणं च नमामि भूयः प्रणमामि भूयः
nato 'smi taṃ yoginatāṅghripadmaṃ sarvāntarātmānamarupamīśam / svatantramekaṃ guṇunāṃ guṇaṃ ca namāmi bhūyaḥ praṇamāmi bhūyaḥ
I bow to him whose lotus feet the yogins salute, the inner Self of all, the formless Lord; independent, one, and the (very) quality of the qualities — I bow again, I bow down again.
AI translation rendered from the Sanskrit, not a published edition — the model flagged this verse as uncertain
NarP 1 16.97
इत्थं स्तुतो महादेवः शङ्करो लोकशङ्करः । आविर्बभूव भृपस्य संतत्पतपसोग्रतः
itthaṃ stuto mahādevaḥ śaṅkaro lokaśaṅkaraḥ / āvirbabhūva bhṛpasya saṃtatpatapasogrataḥ
Praised thus, the Great God Śaṅkara, the benefactor of the world, became manifest before the king who was engaged in austerity.
AI translation rendered from the Sanskrit, not a published edition
NarP 1 16.98
पञ्चवक्रं दशभुजं चन्द्रार्ध्दकृतशएखरम् । त्रिलोचनमुदाराङ्गं नागयज्ञोपवीतिनम्
pañcavakraṃ daśabhujaṃ candrārdhdakṛtaśaekharam / trilocanamudārāṅgaṃ nāgayajñopavītinam
(He was) five-faced, ten-armed, with the half-moon as his crest-jewel, three-eyed, of noble limbs, wearing a serpent as his sacred thread,
AI translation rendered from the Sanskrit, not a published edition
NarP 1 16.99
विशालवक्षसं देवं तुहिनाद्रिसमप्रभम् । गजचर्माम्बरधरं सुरार्चितपदाम्बुजम्
viśālavakṣasaṃ devaṃ tuhinādrisamaprabham / gajacarmāmbaradharaṃ surārcitapadāmbujam
broad-chested, the god whose radiance equalled the snow-mountain, wearing an elephant's hide as garment, his lotus feet worshipped by the gods.
AI translation rendered from the Sanskrit, not a published edition
NarP 1 16.100
दृष्ट्वा पपात पादाग्रे दण्डवद्भुवि नारद । तत उत्थाय सहसा शिवाग्रे विहिताञ्जलिः
dṛṣṭvā papāta pādāgre daṇḍavadbhuvi nārada / tata utthāya sahasā śivāgre vihitāñjaliḥ
Seeing (him), he fell to the ground at (his) feet like a staff, O Nārada; then, rising up at once, with palms joined before Śiva,
AI translation rendered from the Sanskrit, not a published edition
NarP 1 16.101
प्रणनाम महादेवं कीर्तयञ्शङ्कराह्वयम् । विज्ञाय भक्तिं भूपस्य शङ्करः शशिशेखरः
praṇanāma mahādevaṃ kīrtayañśaṅkarāhvayam / vijñāya bhaktiṃ bhūpasya śaṅkaraḥ śaśiśekharaḥ
he bowed to the Great God, proclaiming the name of Śaṅkara. Recognising the king's devotion, Śaṅkara, the moon-crested one,
AI translation rendered from the Sanskrit, not a published edition
NarP 1 16.102
उवाच राज्ञे तुष्टो ऽस्मि वरं वरय वाञ्छितम् । तोषितो ऽस्मि त्वया सम्यक् स्तोत्रेण तपसा तथा
uvāca rājñe tuṣṭo 'smi varaṃ varaya vāñchitam / toṣito 'smi tvayā samyak stotreṇa tapasā tathā
said to the king: "I am pleased; choose the boon you desire. I have been well gratified by you with your hymn and likewise with your austerity."
AI translation rendered from the Sanskrit, not a published edition
NarP 1 16.103
एवमुक्तः स देवेन राजा संतुष्टमानसः । उवाच प्राञ्जलिर्भूत्वा जगतामीश्वरेश्वरेश्वरम्
evamuktaḥ sa devena rājā saṃtuṣṭamānasaḥ / uvāca prāñjalirbhūtvā jagatāmīśvareśvareśvaram
Addressed thus by the god, the king, his mind delighted, joined his palms and spoke to the Lord of the lords of the lords of the worlds:
AI translation rendered from the Sanskrit, not a published edition
NarP 1 16.104
भगीरथ उवाच अनुग्राह्यो ऽस्मि यदि ते वरदानान्महेश्वर । तदा गङ्गां प्रयच्छास्मत्पितॄणां मुक्तिहेतवे
bhagīratha uvāca anugrāhyo 'smi yadi te varadānānmaheśvara / tadā gaṅgāṃ prayacchāsmatpitṝṇāṃ muktihetave
Bhagīratha said: "If I am to be favoured by you with the granting of a boon, O Great Lord, then bestow the Gaṅgā, for the liberation of our ancestors."
AI translation rendered from the Sanskrit, not a published edition
NarP 1 16.105
श्रीशिव उवाच दत्ता गङ्गा मया तुभ्यं पितॄणां ते गतिः परा । तुभ्यं मोक्षं परश्चेति तमुक्त्वान्तर्दधे शिवः
śrīśiva uvāca dattā gaṅgā mayā tubhyaṃ pitṝṇāṃ te gatiḥ parā / tubhyaṃ mokṣaṃ paraśceti tamuktvāntardadhe śivaḥ
Śrī Śiva said: "The Gaṅgā is given by me to you; your ancestors' highest course (is assured), and for you the supreme release." Having said this to him, Śiva vanished.
AI translation rendered from the Sanskrit, not a published edition
NarP 1 16.106
परर्दिनो जटास्त्रस्ता गङ्गा लोकैकपाविर्नी । पावयन्ती जगत्सर्वमन्वगच्छद्भगीरथम्
parardino jaṭāstrastā gaṅgā lokaikapāvirnī / pāvayantī jagatsarvamanvagacchadbhagīratham
Released from (his) matted locks, the Gaṅgā, the sole purifier of the world, purifying the whole universe, followed after Bhagīratha.
AI translation rendered from the Sanskrit, not a published edition — the model flagged this verse as uncertain
NarP 1 16.107
ततः प्रभृति सा देवी निर्मला मलहारिणी । भागीरथीति विख्याता त्रिषु लोकेष्वभून्मुने
tataḥ prabhṛti sā devī nirmalā malahāriṇī / bhāgīrathīti vikhyātā triṣu lokeṣvabhūnmune
From that time on, that goddess, stainless and remover of stain, became famed as Bhāgīrathī in the three worlds, O sage.
AI translation rendered from the Sanskrit, not a published edition
NarP 1 16.108
सगरस्यात्मजाः पूर्वं यत्र दग्धाः स्वपाप्मना । तं देशं प्लावयामास गङ्गा सर्वसरिद्वरा
sagarasyātmajāḥ pūrvaṃ yatra dagdhāḥ svapāpmanā / taṃ deśaṃ plāvayāmāsa gaṅgā sarvasaridvarā
The Gaṅgā, best of all rivers, flooded that place where formerly the sons of Sagara had been burnt up by their own sin.
AI translation rendered from the Sanskrit, not a published edition
NarP 1 16.109
यदा संप्लावितं भस्म सागराणां तु गङ्गाया । तदैव नरके मग्ना उद्धृताश्च गतैनसः
yadā saṃplāvitaṃ bhasma sāgarāṇāṃ tu gaṅgāyā / tadaiva narake magnā uddhṛtāśca gatainasaḥ
When the ashes of Sagara's sons were flooded over by the Gaṅgā, at that very moment those sunk in hell were lifted out, their sin gone.
AI translation rendered from the Sanskrit, not a published edition
NarP 1 16.110
पुरा संक्रुश्यमानेन ये यमेनातिपूडिताः । त एव पूचितास्तेन गङ्गाजलपरिप्लुताः
purā saṃkruśyamānena ye yamenātipūḍitāḥ / ta eva pūcitāstena gaṅgājalapariplutāḥ
Those who formerly were sorely tormented by Yama as he raged, they very ones, bathed in the water of the Gaṅgā, were honoured by him.
AI translation rendered from the Sanskrit, not a published edition — the model flagged this verse as uncertain
NarP 1 16.111
गतपापान्य विज्ञाय यमः सगरसंभवान् । प्रणम्याभ्यर्च्य विधिवत्प्राह तान्प्रीतमानसः
gatapāpānya vijñāya yamaḥ sagarasaṃbhavān / praṇamyābhyarcya vidhivatprāha tānprītamānasaḥ
Recognising that the sons of Sagara were freed of sin, Yama bowed to them and worshipped them duly, and with a pleased mind said to them:
AI translation rendered from the Sanskrit, not a published edition
NarP 1 16.112
भो भो राजसुता यूयं नरकाद् भृशदारुणात् । मुक्ता विमानमारुह्य गच्छध्वं विष्णुमन्दिरम्
bho bho rājasutā yūyaṃ narakād bhṛśadāruṇāt / muktā vimānamāruhya gacchadhvaṃ viṣṇumandiram
"Ho, ho, you princes! You are released from the exceedingly terrible hell; mount a celestial car and go to the abode of Viṣṇu."
AI translation rendered from the Sanskrit, not a published edition
NarP 1 16.113
इत्युक्तास्ते महात्मानो यमेन गतकल्मषाः । दिव्यदेहधरा भूत्वा विष्णुलोकं प्रपेदिरे
ityuktāste mahātmāno yamena gatakalmaṣāḥ / divyadehadharā bhūtvā viṣṇulokaṃ prapedire
Addressed thus by Yama, those great-souled ones, their taint gone, took on divine bodies and reached the world of Viṣṇu.
AI translation rendered from the Sanskrit, not a published edition
NarP 1 16.114
एवंप्रभावा सा गङ्गा विष्णुपादाग्रसंभवा । सर्वलोकेषु विख्याता महापातकनाशिनी
evaṃprabhāvā sā gaṅgā viṣṇupādāgrasaṃbhavā / sarvalokeṣu vikhyātā mahāpātakanāśinī
Of such power is that Gaṅgā, sprung from the tip of Viṣṇu's foot, renowned in all the worlds, destroyer of the great sins.
AI translation rendered from the Sanskrit, not a published edition
NarP 1 16.115
य इदं पुण्यमाख्यानं महापातकनाशनम् । पठेच्च शृणुयाद्वापि गङ्गास्नानफलं लभेत्
ya idaṃ puṇyamākhyānaṃ mahāpātakanāśanam / paṭhecca śṛṇuyādvāpi gaṅgāsnānaphalaṃ labhet
Whoever recites, or even hears, this holy narrative that destroys the great sins, obtains the fruit of bathing in the Gaṅgā.
AI translation rendered from the Sanskrit, not a published edition
NarP 1 16.116
यस्त्वे तत्पुण्यमाख्यानं कथयेद्र्वाह्यणाग्रतः । स याति विष्णुभवनं पुनरावृत्तिवर्जितम्
yastve tatpuṇyamākhyānaṃ kathayedrvāhyaṇāgrataḥ / sa yāti viṣṇubhavanaṃ punarāvṛttivarjitam
But he who recites that meritorious narrative in the presence of brahmins goes to Viṣṇu's abode, from which there is no return.
AI translation rendered from the Sanskrit, not a published edition