Narada Purana — Purva Bhaga — Chapter 121
NarP 1 121.1
सनातन उवाच अथ व्रतानि द्वादश्याः कथयामि तवानघ । यानि कृत्वा नरो लोके विष्णोः प्रियतरो भवेत्
sanātana uvāca atha vratāni dvādaśyāḥ kathayāmi tavānagha / yāni kṛtvā naro loke viṣṇoḥ priyataro bhavet
Sanātana said: Now I shall relate to you, O sinless one, the observances of the twelfth (day), by performing which a man becomes dearer to Viṣṇu in the world.
AI translation rendered from the Sanskrit, not a published edition
NarP 1 121.2
चैत्रस्य शुक्लद्वादश्यां मदनव्रतमाचरेत् । स्थापयेदव्रणं कुंभं सिततन्दुलपूरितम्
caitrasya śukladvādaśyāṃ madanavratamācaret / sthāpayedavraṇaṃ kuṃbhaṃ sitatandulapūritam
On the bright twelfth of Caitra one should perform the Madana observance: he should set up an unflawed jar filled with white rice-grains,
AI translation rendered from the Sanskrit, not a published edition
NarP 1 121.3
नानाफलयुतं तद्वदिक्षुदण्डसमन्वितम् । सितवस्त्रयुगच्छन्नं सितचन्दनचर्च्चितम्
nānāphalayutaṃ tadvadikṣudaṇḍasamanvitam / sitavastrayugacchannaṃ sitacandanacarccitam
provided likewise with various fruits and accompanied by a stalk of sugar-cane, covered with a pair of white cloths, smeared with white sandal-paste,
AI translation rendered from the Sanskrit, not a published edition
NarP 1 121.4
नानाभक्ष्यसमोपेतं सहिरण्यं स्वशक्तितः । ताम्रपात्रं गुडोपेतं तस्योपरि निवेशयेत्
nānābhakṣyasamopetaṃ sahiraṇyaṃ svaśaktitaḥ / tāmrapātraṃ guḍopetaṃ tasyopari niveśayet
furnished with various eatables, together with gold according to one's means; upon it he should place a copper vessel with molasses.
AI translation rendered from the Sanskrit, not a published edition
NarP 1 121.5
तत्र संपूजयेद्देवं कामरूपिणमच्युतम् । गन्धाद्यैरुपचारैस्तु सोपवासो परे ऽहनि
tatra saṃpūjayeddevaṃ kāmarūpiṇamacyutam / gandhādyairupacāraistu sopavāso pare 'hani
There he should worship the god Acyuta in the form of Kāma, with the offerings beginning with fragrance, while fasting; on the next day
AI translation rendered from the Sanskrit, not a published edition
NarP 1 121.6
पुनः प्रातः समभ्यर्च्य ब्राह्मणाय निवेदयेत् । ब्रह्मणान्भोजयेच्चैव तेभ्यो दद्याच्च दक्षिणाम्
punaḥ prātaḥ samabhyarcya brāhmaṇāya nivedayet / brahmaṇānbhojayeccaiva tebhyo dadyācca dakṣiṇām
again in the morning, having worshipped (him), he should present (the offering) to a brahmin; and he should feed brahmins and give them a fee.
AI translation rendered from the Sanskrit, not a published edition
NarP 1 121.7
वर्षमेवं व्रतं कृत्वा घृतधेनुसमन्विताम् । शय्यां तु दद्याद्गुरवे सर्वोपस्करसंयुताम्
varṣamevaṃ vrataṃ kṛtvā ghṛtadhenusamanvitām / śayyāṃ tu dadyādgurave sarvopaskarasaṃyutām
Having thus performed the observance for a year, he should give to his teacher a bed together with all its furnishings, along with a cow (made) of ghee.
AI translation rendered from the Sanskrit, not a published edition
NarP 1 121.8
काञ्चनं कामदेवं च शुक्तां गां च पयस्विनीम् । वासोभिर्द्विजदांपत्यं पूजयित्वा समर्पयेत्
kāñcanaṃ kāmadevaṃ ca śuktāṃ gāṃ ca payasvinīm / vāsobhirdvijadāṃpatyaṃ pūjayitvā samarpayet
And having honoured with garments a brahmin couple, he should present (to them) a golden Kāmadeva and a milk-giving cow.
AI translation rendered from the Sanskrit, not a published edition — the model flagged this verse as uncertain
NarP 1 121.9
प्रीयतां कामरूपी मे हरिरित्येवमुच्चरन् । यः कुर्याद्विधिनानेन मदनद्वादशीव्रतम्
prīyatāṃ kāmarūpī me harirityevamuccaran / yaḥ kuryādvidhinānena madanadvādaśīvratam
Uttering thus, "May Hari in the form of Kāma be pleased with me" — whoever performs the Madana-dvādaśī observance by this rule,
AI translation rendered from the Sanskrit, not a published edition
NarP 1 121.10
स सर्वपापनिर्भुक्तः प्राप्नोति हरिसाम्यताम् । अस्यामेव समुद्दिष्टं भर्तृद्वादशिकाव्रतम्
sa sarvapāpanirbhuktaḥ prāpnoti harisāmyatām / asyāmeva samuddiṣṭaṃ bhartṛdvādaśikāvratam
he, released from all sins, attains equality with Hari. On this same (day) the Bhartṛ-dvādaśī observance is prescribed.
AI translation rendered from the Sanskrit, not a published edition
NarP 1 121.11
स्वास्तृतां तत्र शय्यां तु कृत्वात्र श्रीयुतं हरिम् । संस्थाप्य मण्डपं पुष्पैस्तदुपर्प्युपकल्पयेत्
svāstṛtāṃ tatra śayyāṃ tu kṛtvātra śrīyutaṃ harim / saṃsthāpya maṇḍapaṃ puṣpaistaduparpyupakalpayet
Having there made up a well-spread bed and set Hari together with Śrī upon it, he should arrange a pavilion above it with flowers.
AI translation rendered from the Sanskrit, not a published edition
NarP 1 121.12
ततः संपूज्य गन्धाद्यैर्व्रती जागरणं निशि । नृत्यवादित्रगीताद्यैस्ततः प्रातः परे ऽहनि
tataḥ saṃpūjya gandhādyairvratī jāgaraṇaṃ niśi / nṛtyavāditragītādyaistataḥ prātaḥ pare 'hani
Then, having worshipped (him) with fragrances and the rest, the observer of the vow (should keep) a vigil through the night with dancing, instrumental music, singing and the like; then in the morning, on the next day,
AI translation rendered from the Sanskrit, not a published edition
NarP 1 121.13
सशय्यं श्रीहरिं हैमं द्विजग्र्याय निवेदयेत् । द्विजान्संभोज्य विसृजद्दक्षिणाभिः प्रतोषितान्
saśayyaṃ śrīhariṃ haimaṃ dvijagryāya nivedayet / dvijānsaṃbhojya visṛjaddakṣiṇābhiḥ pratoṣitān
he should present the golden Hari together with the bed to the foremost of brahmins; and having fed the brahmins, he should dismiss them, well pleased with gifts of money.
AI translation rendered from the Sanskrit, not a published edition
NarP 1 121.14
एवं कृतव्रतस्यापि दांपत्यं जायते स्थिरम् । सप्तजन्मसु भुङ्क्ते च भोगान् लोकद्वयेप्सितान्
evaṃ kṛtavratasyāpi dāṃpatyaṃ jāyate sthiram / saptajanmasu bhuṅkte ca bhogān lokadvayepsitān
For one who has performed the vow thus, the married state becomes stable, and through seven births he enjoys the pleasures desired in both worlds.
AI translation rendered from the Sanskrit, not a published edition
NarP 1 121.15
वैशाखशुक्लद्वादश्यां सोपवासो जितेन्द्रियः । संपूज्य माधवं भक्त्या गन्धाद्यैरुपचारकैः
vaiśākhaśukladvādaśyāṃ sopavāso jitendriyaḥ / saṃpūjya mādhavaṃ bhaktyā gandhādyairupacārakaiḥ
On the twelfth of the bright fortnight of Vaiśākha, fasting and with senses subdued, having worshipped Mādhava with devotion with fragrances and the (other) offerings of service,
AI translation rendered from the Sanskrit, not a published edition
NarP 1 121.16
पक्कान्नं तृप्तिजनकं मधुरं सोदकुंभकम् । विप्राय दद्याद्विधिवन्माधवः प्रीयतामिति
pakkānnaṃ tṛptijanakaṃ madhuraṃ sodakuṃbhakam / viprāya dadyādvidhivanmādhavaḥ prīyatāmiti
he should give to a brahmin, according to rule, cooked food that produces satisfaction, sweet, along with a water-pot, (saying) "May Mādhava be pleased."
AI translation rendered from the Sanskrit, not a published edition
NarP 1 121.17
द्वादश्यां ज्येष्ठशुक्लायां पूजयित्वा त्रिविक्रमम् । गन्धाद्यैर्मधुरान्नाढ्यं करक विनिवेदयेत्
dvādaśyāṃ jyeṣṭhaśuklāyāṃ pūjayitvā trivikramam / gandhādyairmadhurānnāḍhyaṃ karaka vinivedayet
On the twelfth of the bright fortnight of Jyeṣṭha, having worshipped Trivikrama with fragrances and the rest, he should present a water-vessel (karaka) filled with sweet food.
AI translation rendered from the Sanskrit, not a published edition
NarP 1 121.18
व्रती द्विजाय तत्पश्चादेकभक्तं समाचरेत् । व्रतेनानेन संतुष्टो देवदेवस्त्रिविक्रमः
vratī dvijāya tatpaścādekabhaktaṃ samācaret / vratenānena saṃtuṣṭo devadevastrivikramaḥ
After that the observer of the vow should (give it) to a brahmin and take a single meal (that day). Pleased by this vow, Trivikrama, god of gods,
AI translation rendered from the Sanskrit, not a published edition
NarP 1 121.19
ददाति विपुलान्भोगानन्ते मोक्षं च नारद । आषाढशुक्लद्वादश्यां द्विजान्द्वादश भोजयेत्
dadāti vipulānbhogānante mokṣaṃ ca nārada / āṣāḍhaśukladvādaśyāṃ dvijāndvādaśa bhojayet
grants abundant enjoyments and, at the end, liberation, O Nārada. On the twelfth of the bright fortnight of Āṣāḍha he should feed twelve brahmins.
AI translation rendered from the Sanskrit, not a published edition
NarP 1 121.20
मधुरान्नेन तान्पूज्य पृथग्गन्धादिकैः क्रमात् । तभ्यो वासांसि दण्डांश्च ब्रह्मसूत्राणि मुद्रिकाः
madhurānnena tānpūjya pṛthaggandhādikaiḥ kramāt / tabhyo vāsāṃsi daṇḍāṃśca brahmasūtrāṇi mudrikāḥ
Having honoured them with sweet food and separately, in order, with fragrances and the rest, (he should give) to them garments, staffs, sacred threads, rings,
AI translation rendered from the Sanskrit, not a published edition
NarP 1 121.21
पात्राणि च ददेद्भक्त्या विष्णुमें प्रीयतामिति । द्वादश्यां तु नभःशुक्ले श्रीधरं पूजयेद्व्रती
pātrāṇi ca dadedbhaktyā viṣṇumeṃ prīyatāmiti / dvādaśyāṃ tu nabhaḥśukle śrīdharaṃ pūjayedvratī
and vessels — he should give (these) with devotion, (saying) "May Viṣṇu be pleased with me." But on the twelfth of the bright fortnight of Nabhas (Śrāvaṇa) the observer of the vow should worship Śrīdhara
AI translation rendered from the Sanskrit, not a published edition
NarP 1 121.22
गन्धाद्यैस्तत्परो भक्त्या दधिभक्तैर्द्विजोत्तमान् । संभोज्य दक्षिणा रौप्यां दत्वा नत्वा विसर्ज्जयेत्
gandhādyaistatparo bhaktyā dadhibhaktairdvijottamān / saṃbhojya dakṣiṇā raupyāṃ datvā natvā visarjjayet
with fragrances and the rest; intent on that, having with devotion fed the best of brahmins with rice and curds, and having given a gift of silver, he should bow and dismiss (them),
AI translation rendered from the Sanskrit, not a published edition
NarP 1 121.23
व्रतेनानेन देवेशः श्रीधरः प्रीयतामिति । द्वादश्यां नभस्यशुक्ले व्रती संपूज्य वामनम्
vratenānena deveśaḥ śrīdharaḥ prīyatāmiti / dvādaśyāṃ nabhasyaśukle vratī saṃpūjya vāmanam
(saying) "By this vow may Śrīdhara, the lord of gods, be pleased." On the twelfth of the bright fortnight of Nabhasya (Bhādrapada) the observer of the vow, having worshipped Vāmana,
AI translation rendered from the Sanskrit, not a published edition
NarP 1 121.24
तदग्रे भोजयेद्विप्रान्पायसैर्द्वादशैव च । सौवर्णी दक्षिणां दत्वा विष्णुप्रीतिकरो भवेत्
tadagre bhojayedviprānpāyasairdvādaśaiva ca / sauvarṇī dakṣiṇāṃ datvā viṣṇuprītikaro bhavet
should feed twelve brahmins before him with milk-rice; and having given a gift of gold, he becomes one who causes Viṣṇu's pleasure.
AI translation rendered from the Sanskrit, not a published edition
NarP 1 121.25
द्वादश्यामिषशुक्लायां पद्मनाभं समर्चयेत् । गन्धाद्यैरुपचारैस्तु तदग्रे भोजयेद्द्विजान्
dvādaśyāmiṣaśuklāyāṃ padmanābhaṃ samarcayet / gandhādyairupacāraistu tadagre bhojayeddvijān
On the twelfth of the bright fortnight of Iṣa (Āśvina) he should worship Padmanābha with fragrances and the offerings of service, and before him he should feed brahmins
AI translation rendered from the Sanskrit, not a published edition
NarP 1 121.26
मधुरान्नेन वस्त्राढ्यां सौवर्णीं दक्षिणां ददेत् । व्रतेनैतेन संतुष्टः पद्मनाभो द्विजोत्तम
madhurānnena vastrāḍhyāṃ sauvarṇīṃ dakṣiṇāṃ dadet / vratenaitena saṃtuṣṭaḥ padmanābho dvijottama
with sweet food; he should give a gift of gold together with garments. Pleased by this vow, Padmanābha, O best of brahmins,
AI translation rendered from the Sanskrit, not a published edition
NarP 1 121.27
श्वेतद्वीपगतिं दद्याद्देहभोगांश्च वाञ्छितान् । कार्तिके कृष्णपक्षे तु गोवत्सद्वादशीव्रतम्
śvetadvīpagatiṃ dadyāddehabhogāṃśca vāñchitān / kārtike kṛṣṇapakṣe tu govatsadvādaśīvratam
would grant passage to Śvetadvīpa and the bodily enjoyments desired. But in Kārtika, in the dark fortnight, (comes) the Govatsa-dvādaśī vow.
AI translation rendered from the Sanskrit, not a published edition
NarP 1 121.28
तत्र वत्सयुतां गां तु समालिख्य सुगन्धिभिः । चन्दनाद्यैस्तथा पुष्पमालाभिः प्रार्च्य ताम्रके
tatra vatsayutāṃ gāṃ tu samālikhya sugandhibhiḥ / candanādyaistathā puṣpamālābhiḥ prārcya tāmrake
There, having drawn a cow together with her calf, and having worshipped her with fragrant things, with sandal-paste and the rest, and with flower garlands, in a copper
AI translation rendered from the Sanskrit, not a published edition
NarP 1 121.29
पात्रे पुष्पाक्षततिलैरर्घ्यं कृत्वा विधानतः । प्रदद्यात्पादमूले ऽस्या मन्त्रेणानेन नारद
pātre puṣpākṣatatilairarghyaṃ kṛtvā vidhānataḥ / pradadyātpādamūle 'syā mantreṇānena nārada
vessel, having prepared the water-offering with flowers, unbroken grains and sesame according to rule, he should offer it at the base of her feet with this mantra, O Nārada:
AI translation rendered from the Sanskrit, not a published edition
NarP 1 121.30
क्षीरोदार्णवसंभूते सुरासुरनमस्कृते । सर्वदेवमये देवि सर्वदेवैरलङ्कृते
kṣīrodārṇavasaṃbhūte surāsuranamaskṛte / sarvadevamaye devi sarvadevairalaṅkṛte
"O you born from the ocean of milk, saluted by gods and demons, made of all the gods, O goddess, adorned by all the gods,
AI translation rendered from the Sanskrit, not a published edition
NarP 1 121.31
मातर्मातर्गवां मातर्गृहाणार्घ्यं नमो ऽस्तु ते । ततो माषादिसंसिद्धान्वटकांश्च निवेदयेत्
mātarmātargavāṃ mātargṛhāṇārghyaṃ namo 'stu te / tato māṣādisaṃsiddhānvaṭakāṃśca nivedayet
O mother, mother, mother of cows, receive the water-offering; salutation be to you." Then he should present cakes (vaṭakas) prepared from beans and the like.
AI translation rendered from the Sanskrit, not a published edition
NarP 1 121.32
एवं पञ्च दशैकं वा यथाविभवमात्मनः । सुरभि त्वं जगन्माता नित्यं विष्णुपदे स्थिता
evaṃ pañca daśaikaṃ vā yathāvibhavamātmanaḥ / surabhi tvaṃ jaganmātā nityaṃ viṣṇupade sthitā
Thus (one should offer) fifteen or one, according to one's own means: "You are Surabhi, mother of the world, ever established at Viṣṇu's feet."
AI translation rendered from the Sanskrit, not a published edition — the model flagged this verse as uncertain
NarP 1 121.33
सर्वदेवमये ग्रासं मया दत्तमिमं ग्रस । सर्वदेवमये देवि सर्वदेवैरलङ्कृते
sarvadevamaye grāsaṃ mayā dattamimaṃ grasa / sarvadevamaye devi sarvadevairalaṅkṛte
"O you who consist of all the gods, swallow this mouthful given by me; O goddess consisting of all the gods, adorned with all the gods —
AI translation rendered from the Sanskrit, not a published edition
NarP 1 121.34
मातर्ममाभिलषितं सफलं कुरु नन्दिनी । तद्दिने तैलपक्वं च स्थालीपक्वं द्विजोत्तम
mātarmamābhilaṣitaṃ saphalaṃ kuru nandinī / taddine tailapakvaṃ ca sthālīpakvaṃ dvijottama
"O mother, make my wish fruitful, O Nandinī." On that day, O best of the twice-born, what is cooked in oil and what is cooked in a pot,
AI translation rendered from the Sanskrit, not a published edition
NarP 1 121.35
गोक्षीरं गोघृतं चैव दधि तक्रं च वर्जयेत् । द्वादश्यामूर्जशुक्लायां देवं दामोदरं द्विज
gokṣīraṃ goghṛtaṃ caiva dadhi takraṃ ca varjayet / dvādaśyāmūrjaśuklāyāṃ devaṃ dāmodaraṃ dvija
and cow's milk, cow's ghee, curd and buttermilk, he should avoid. On the twelfth of the bright fortnight of Ūrja (Kārttika), O twice-born, the god Dāmodara —
AI translation rendered from the Sanskrit, not a published edition
NarP 1 121.36
समभ्यर्च्योपचारैस्तु गन्धाद्यैः सुसमाहितः । तदग्रे भोजयेद्विप्रान्पक्वान्नेनार्कसंख्यकान्
samabhyarcyopacāraistu gandhādyaiḥ susamāhitaḥ / tadagre bhojayedviprānpakvānnenārkasaṃkhyakān
having worshipped (him) well with the offerings of service, with perfumes and the rest, well concentrated, he should feed before him twelve brahmins with cooked food.
AI translation rendered from the Sanskrit, not a published edition
NarP 1 121.37
ततः कुंभानपांपूर्णान्वस्त्राच्छन्नान्समर्चितान् । सपूगमोदकस्वर्णांस्तेभ्यः प्रीत्या समर्पयेत्
tataḥ kuṃbhānapāṃpūrṇānvastrācchannānsamarcitān / sapūgamodakasvarṇāṃstebhyaḥ prītyā samarpayet
Then he should with affection present to them pots filled with water, covered with cloth, duly worshipped, together with areca nuts, sweetmeats and gold.
AI translation rendered from the Sanskrit, not a published edition
NarP 1 121.38
एवं कृते प्रियो विष्णोर्जायते ऽखिलभोगभुक् । देहान्ते विष्णुसायुज्यं लभते नात्र संशयः
evaṃ kṛte priyo viṣṇorjāyate 'khilabhogabhuk / dehānte viṣṇusāyujyaṃ labhate nātra saṃśayaḥ
When this is done he becomes dear to Viṣṇu and an enjoyer of every pleasure; at the end of the body he obtains union with Viṣṇu — there is no doubt here.
AI translation rendered from the Sanskrit, not a published edition
NarP 1 121.39
नीराजनव्रतं चात्र गदितं तन्निबोध मे । सुप्तोत्थितं जगन्नाथमलङ्कृत्य निशागमे
nīrājanavrataṃ cātra gaditaṃ tannibodha me / suptotthitaṃ jagannāthamalaṅkṛtya niśāgame
And in this connection the Nīrājana observance is declared; learn that from me. Having adorned the Lord of the world, risen from sleep, at the coming of night,
AI translation rendered from the Sanskrit, not a published edition
NarP 1 121.40
अलङ्कृतो नवं वह्निमुत्पाद्याभ्यर्च्य मन्त्रतः । हुत्वा तत्र समुद्दीप्ते रौप्य दीपिकया मुने
alaṅkṛto navaṃ vahnimutpādyābhyarcya mantrataḥ / hutvā tatra samuddīpte raupya dīpikayā mune
himself adorned, having produced new fire and worshipped it with mantras, and having made the oblation there, when it is well kindled, with a silver lamp, O sage,
AI translation rendered from the Sanskrit, not a published edition
NarP 1 121.41
गन्धपुष्पाद्यर्चितया जनैर्नीराजयेद्धरिम् । तत्रैवानुगतां लक्ष्मीं ब्रह्माणीं चण्डिकां तथा
gandhapuṣpādyarcitayā janairnīrājayeddharim / tatraivānugatāṃ lakṣmīṃ brahmāṇīṃ caṇḍikāṃ tathā
worshipped with perfumes, flowers and the rest, he should have Hari waved round with lights by the people; and Lakṣmī who attends him there, and Brahmāṇī and Caṇḍikā likewise,
AI translation rendered from the Sanskrit, not a published edition
NarP 1 121.42
आदित्यं शङ्करं गौरीं यक्षं गणपतिं ग्रहान् । मातॄः पितॄन्नगान्नागान्सर्वान्नीराजयेत्क्रमात्
ādityaṃ śaṅkaraṃ gaurīṃ yakṣaṃ gaṇapatiṃ grahān / mātṝḥ pitṝnnagānnāgānsarvānnīrājayetkramāt
Āditya, Śaṅkara, Gaurī, the Yakṣa, Gaṇapati, the planets, the Mothers, the Fathers, the mountains, the Nāgas — all these he should wave the lights before, in order.
AI translation rendered from the Sanskrit, not a published edition
NarP 1 121.43
गवां नीराजनं कुर्यान्महिष्यादेश्च मण्डलम् । नमो जयेति शब्दैश्च घण्टाशङ्खा दिनिःस्वनैः
gavāṃ nīrājanaṃ kuryānmahiṣyādeśca maṇḍalam / namo jayeti śabdaiśca ghaṇṭāśaṅkhā diniḥsvanaiḥ
He should perform the waving of lights for the cows, and a circle (of it) for the buffaloes and the rest, with cries of "Homage!" and "Victory!" and with the sounds of bells, conches and so forth,
AI translation rendered from the Sanskrit, not a published edition
NarP 1 121.44
सिंदूरालिप्तशृङ्गाणां चित्राङ्गाणां च वर्णकैः । गवां कोलाहले वृत्ते नीराजनमहोत्सवे
siṃdūrāliptaśṛṅgāṇāṃ citrāṅgāṇāṃ ca varṇakaiḥ / gavāṃ kolāhale vṛtte nīrājanamahotsave
for the cows, whose horns are smeared with vermilion and whose bodies are variegated with pigments. When the tumult of the cows has taken place at the great festival of the light-waving,
AI translation rendered from the Sanskrit, not a published edition
NarP 1 121.45
तुरगांल्लक्षणोपेताम् गजांश्च मदविप्लुतान् । राजचिह्नानि सर्वाणि च्छत्रादीनि च नारद
turagāṃllakṣaṇopetām gajāṃśca madaviplutān / rājacihnāni sarvāṇi cchatrādīni ca nārada
(then also) the horses endowed with good marks, and the elephants flowing with rut, and all the royal emblems, the parasol and the rest, O Nārada —
AI translation rendered from the Sanskrit, not a published edition
NarP 1 121.46
राजा पुरोधसा सार्धं मन्त्रिभृत्यपरः सरः । पूजयित्वा यथान्यायं नीरज्य स्वयमादरात्
rājā purodhasā sārdhaṃ mantribhṛtyaparaḥ saraḥ / pūjayitvā yathānyāyaṃ nīrajya svayamādarāt
the king, together with his chaplain, preceded by ministers and servants, having worshipped (them) according to rule and himself waved the lights with reverence,
AI translation rendered from the Sanskrit, not a published edition — the model flagged this verse as uncertain
NarP 1 121.47
शङ्खतूर्यादिघोषैश्च नानारत्नविनिर्मिते । सिंहासने नवे कॢप्ते तिष्ठेत्सम्यगलङ्कृतः
śaṅkhatūryādighoṣaiśca nānāratnavinirmite / siṃhāsane nave kḷpte tiṣṭhetsamyagalaṅkṛtaḥ
amid the blare of conches, trumpets and the rest, should sit, well adorned, on a new lion-throne prepared and made of various jewels.
AI translation rendered from the Sanskrit, not a published edition
NarP 1 121.48
ततः सुलक्षणैर्युक्ता वेश्या वाथ कुलाङ्गना । शीर्षोपरि नरेद्रस्य तया नीराजयेच्छनैः
tataḥ sulakṣaṇairyuktā veśyā vātha kulāṅganā / śīrṣopari naredrasya tayā nīrājayecchanaiḥ
Then a courtesan endowed with auspicious marks, or else a woman of good family — by her one should slowly wave the light above the head of the king.
AI translation rendered from the Sanskrit, not a published edition
NarP 1 121.49
एवमेषा महासांतिः कर्तव्या प्रतिवत्सरम् । राज्ञा वित्तवतान्येन वर्षमारोग्यमिच्छता
evameṣā mahāsāṃtiḥ kartavyā prativatsaram / rājñā vittavatānyena varṣamārogyamicchatā
Thus this great appeasement rite is to be performed every year by a king, or by another man of wealth who desires health for the year.
AI translation rendered from the Sanskrit, not a published edition
NarP 1 121.50
येषां राष्ट्रे पुरे ग्रामे क्रियते शान्तिरुत्तमा । नीराजनाभिधा विप्र तद्रोगा यान्ति संक्षयम्
yeṣāṃ rāṣṭre pure grāme kriyate śāntiruttamā / nīrājanābhidhā vipra tadrogā yānti saṃkṣayam
Those in whose realm, city or village this excellent appeasement rite called Nīrājana is performed — their diseases, O brahmin, go to destruction.
AI translation rendered from the Sanskrit, not a published edition
NarP 1 121.51
द्वादश्यां मार्गशुक्लायां साध्यव्रतमनुत्तमम् । मनोभवस्तथा प्राणो नरो यातश्च वीर्यवान्
dvādaśyāṃ mārgaśuklāyāṃ sādhyavratamanuttamam / manobhavastathā prāṇo naro yātaśca vīryavān
On the twelfth of the bright fortnight of Mārgaśīrṣa (falls) the unsurpassed observance of the Sādhyas: Manobhava, and Prāṇa, Nara, Yāta, and Vīryavān,
AI translation rendered from the Sanskrit, not a published edition — the model flagged this verse as uncertain
NarP 1 121.52
चितिर्हयो नृपश्चैव हंसो नारायणस्तथा । विभुश्चापि प्रभुश्चैव साध्या द्वादश कीर्तिताः
citirhayo nṛpaścaiva haṃso nārāyaṇastathā / vibhuścāpi prabhuścaiva sādhyā dvādaśa kīrtitāḥ
Citi, Haya, Nṛpa, Haṃsa, Nārāyaṇa, and also Vibhu and Prabhu — (these) are proclaimed as the twelve Sādhyas.
AI translation rendered from the Sanskrit, not a published edition
NarP 1 121.53
पूजयेद्गन्धपुष्पाद्यैरेतांस्तन्दुलकल्पितान् । ततो द्विजाग्र्यान्संभोज्य द्वादशात्र सुदक्षिणाः
pūjayedgandhapuṣpādyairetāṃstandulakalpitān / tato dvijāgryānsaṃbhojya dvādaśātra sudakṣiṇāḥ
He should worship these, fashioned out of rice grains, with fragrances, flowers and the rest; then, having fed twelve foremost brahmins here with generous gifts,
AI translation rendered from the Sanskrit, not a published edition
NarP 1 121.54
दत्वा तेभ्यस्तु विसृजेत्प्रीयान्नारयणस्त्विति । एतस्यामेव विदितं द्वादशादित्यसंज्ञितम्
datvā tebhyastu visṛjetprīyānnārayaṇastviti / etasyāmeva viditaṃ dvādaśādityasaṃjñitam
and having given (the gifts) to them, he should dismiss (them) with the words, "May Nārāyaṇa be pleased." On this very (twelfth day) is known (the observance) called Dvādaśāditya.
AI translation rendered from the Sanskrit, not a published edition
NarP 1 121.55
व्रतं तत्रार्चयेद्धीमानादित्यान्द्वादशापि च । धातामित्रोर्ऽयमा पूषा शक्र्ॐऽशो वरुणो भगः
vrataṃ tatrārcayeddhīmānādityāndvādaśāpi ca / dhātāmitror'yamā pūṣā śakroṃ'śo varuṇo bhagaḥ
The wise man should there perform the vow and worship the twelve Ādityas as well: Dhātā, Mitra, Aryaman, Pūṣan, Śakra, Aṃśa, Varuṇa, Bhaga,
AI translation rendered from the Sanskrit, not a published edition
NarP 1 121.56
त्वष्टा विवस्वान्सविता विष्णुर्द्वादश ईरिताः । प्रतिमासं तु शुक्लायां द्वादश्यामर्च्य यत्नतः
tvaṣṭā vivasvānsavitā viṣṇurdvādaśa īritāḥ / pratimāsaṃ tu śuklāyāṃ dvādaśyāmarcya yatnataḥ
Tvaṣṭā, Vivasvān, Savitā, Viṣṇu — (these) twelve are declared. Having worshipped (them) diligently every month on the twelfth of the bright fortnight,
AI translation rendered from the Sanskrit, not a published edition
NarP 1 121.57
वर्षं नयेद्व्रतान्ते तु प्रतिमा द्वादशापि च । हैमीः संपूज्य विधिना भोजयित्वा द्विजोत्तमान्
varṣaṃ nayedvratānte tu pratimā dvādaśāpi ca / haimīḥ saṃpūjya vidhinā bhojayitvā dvijottamān
he should pass a year; and at the end of the vow, having duly worshipped all twelve golden images and fed the best of brahmins,
AI translation rendered from the Sanskrit, not a published edition
NarP 1 121.58
मधुरान्नैः सुसत्कृत्य प्रत्येकं चार्पयेद्व्रती । एव व्रतं नरः कृत्वा द्वादशादित्यसंज्ञकम्
madhurānnaiḥ susatkṛtya pratyekaṃ cārpayedvratī / eva vrataṃ naraḥ kṛtvā dvādaśādityasaṃjñakam
honouring them well with sweet food, the observer of the vow should present (an image) to each one. A man who has thus performed the vow named Dvādaśāditya,
AI translation rendered from the Sanskrit, not a published edition
NarP 1 121.59
सूर्यलोकं समासाद्य भुक्त्वा भोगांश्चरं ततः । जायते भुवि धर्मात्मा मानुष्ये रोगवर्जितः
sūryalokaṃ samāsādya bhuktvā bhogāṃścaraṃ tataḥ / jāyate bhuvi dharmātmā mānuṣye rogavarjitaḥ
having reached the world of the Sun and enjoyed pleasures (there) for long, is then born on earth, righteous in nature, free from disease in his human state.
AI translation rendered from the Sanskrit, not a published edition — the model flagged this verse as uncertain
NarP 1 121.60
ततो व्रतस्य पुण्येन पुनरेव लभेद्व्रतम् । तत्पुण्येन रवेन्भित्वा मण्डलं द्विजसत्तम
tato vratasya puṇyena punareva labhedvratam / tatpuṇyena ravenbhitvā maṇḍalaṃ dvijasattama
Then, by the merit of that vow, he obtains the vow once more; and by that merit, having pierced the orb of the sun, O best of the twice-born,
AI translation rendered from the Sanskrit, not a published edition
NarP 1 121.61
निरञ्जनं निरा कारं निर्द्वन्द्वं ब्रह्म चाप्नुयात् । अत्रैवाखण्डसंज्ञं च व्रतमुक्त द्विजोत्तम
nirañjanaṃ nirā kāraṃ nirdvandvaṃ brahma cāpnuyāt / atraivākhaṇḍasaṃjñaṃ ca vratamukta dvijottama
he attains Brahman, which is stainless, formless and free from opposites. Here too the vow named Akhaṇḍa has been declared, O best of the twice-born.
AI translation rendered from the Sanskrit, not a published edition
NarP 1 121.62
मूर्तिं निर्माय सौवर्णीं जनार्दनसमाह्वयाम् । अभ्यर्च्य गन्धपुष्पाद्यैस्तदग्रे भोजयेद्द्विजान्
mūrtiṃ nirmāya sauvarṇīṃ janārdanasamāhvayām / abhyarcya gandhapuṣpādyaistadagre bhojayeddvijān
Having made a golden image bearing the name of Janārdana, and having worshipped (it) with fragrances, flowers and the rest, he should feed brahmins before it,
AI translation rendered from the Sanskrit, not a published edition
NarP 1 121.63
द्वादश प्रतिमासं तु नक्ताशीः स्याज्जितेन्द्रियः । ततः समान्ते तां मूर्तिं समभ्यर्च्य विधानतः
dvādaśa pratimāsaṃ tu naktāśīḥ syājjitendriyaḥ / tataḥ samānte tāṃ mūrtiṃ samabhyarcya vidhānataḥ
twelve (of them) each month; and he should eat only at night, with his senses subdued. Then, at the completion of the year, having duly worshipped that image,
AI translation rendered from the Sanskrit, not a published edition
NarP 1 121.64
गुरवे धेनुसहितां दद्यात्संप्रार्थयेत्तथा । शतजन्मसु यत्किञ्चिन्मयाखण्डव्रतं कृतम्
gurave dhenusahitāṃ dadyātsaṃprārthayettathā / śatajanmasu yatkiñcinmayākhaṇḍavrataṃ kṛtam
he should give it, together with a cow, to his teacher, and should pray thus: "Whatever unbroken vow has been performed by me in a hundred births,
AI translation rendered from the Sanskrit, not a published edition
NarP 1 121.65
भगवंस्त्वत्प्रसादेन तदखण्डमिहास्तु मे । ततः संभोज्य विप्राग्र्यान्सखण्डाढ्यैस्तु पायसैः
bhagavaṃstvatprasādena tadakhaṇḍamihāstu me / tataḥ saṃbhojya viprāgryānsakhaṇḍāḍhyaistu pāyasaiḥ
O Lord, by your grace let that be unbroken for me here." Then, having fed the foremost brahmins with milk-rice rich in sugar,
AI translation rendered from the Sanskrit, not a published edition
NarP 1 121.66
द्वादशैव हि सौवर्णीं दक्षिणां प्रददेन्नमेत् । इति कृत्वा व्रतं विप्र प्रीणयित्वा जनार्दनम्
dvādaśaiva hi sauvarṇīṃ dakṣiṇāṃ pradadennamet / iti kṛtvā vrataṃ vipra prīṇayitvā janārdanam
he should give twelve gold (pieces) as the sacrificial fee and bow down. Having performed the vow thus, O brahmin, and having gratified Janārdana,
AI translation rendered from the Sanskrit, not a published edition
NarP 1 121.67
सौवर्णेन विमानेन याति विष्णोः परं पदम् । पौषस्य कृष्णद्वादश्यां रूपव्रतमुदीरितम्
sauvarṇena vimānena yāti viṣṇoḥ paraṃ padam / pauṣasya kṛṣṇadvādaśyāṃ rūpavratamudīritam
he goes by a golden aerial car to the supreme abode of Viṣṇu. On the dark-fortnight twelfth of Pauṣa, the Rūpa vow is declared.
AI translation rendered from the Sanskrit, not a published edition
NarP 1 121.68
दशम्यां विधिवत्स्नात्वा गृह्णीयाद्गोमयं व्रती । श्वेताया वैकवर्णाया अन्तरिक्षगतं द्विज
daśamyāṃ vidhivatsnātvā gṛhṇīyādgomayaṃ vratī / śvetāyā vaikavarṇāyā antarikṣagataṃ dvija
On the tenth, having bathed according to rule, the observer of the vow should take cow-dung — of a white cow, of a single colour — caught while still in the air, O twice-born one.
AI translation rendered from the Sanskrit, not a published edition
NarP 1 121.69
अष्टोत्तरशतं तेन पिण्डिकाः कल्प्य नारद । शोषयेदातपे धृत्वा पात्रे ताम्रे ऽथ मृन्मये
aṣṭottaraśataṃ tena piṇḍikāḥ kalpya nārada / śoṣayedātape dhṛtvā pātre tāmre 'tha mṛnmaye
With that he should form a hundred and eight little balls, O Nārada, and dry them in the sun, having placed them in a vessel of copper or of clay.
AI translation rendered from the Sanskrit, not a published edition
NarP 1 121.70
एकादश्यां सोपवासः समभ्यर्च्य विधानतः । सौवर्णीं प्रतिमां विष्णोर्निशायां जागरं चरेत्
ekādaśyāṃ sopavāsaḥ samabhyarcya vidhānataḥ / sauvarṇīṃ pratimāṃ viṣṇorniśāyāṃ jāgaraṃ caret
On the eleventh, fasting, having duly worshipped a golden image of Viṣṇu, he should keep vigil through the night,
AI translation rendered from the Sanskrit, not a published edition
NarP 1 121.71
सुमङ्गलैर्गीतवाद्यैः स्तोत्रपाठैर्जपादिभिः । ततः प्रभाते द्वादश्यां तिलपात्रोपरि स्थिताम्
sumaṅgalairgītavādyaiḥ stotrapāṭhairjapādibhiḥ / tataḥ prabhāte dvādaśyāṃ tilapātropari sthitām
with highly auspicious songs and instrumental music, with recitations of hymns, with muttered prayers and the like. Then at dawn on the twelfth, (the image) placed upon a vessel of sesame,
AI translation rendered from the Sanskrit, not a published edition
NarP 1 121.72
अंबुपूर्णे घटे न्यस्य पूजयेदुपचारकैः । ततो ऽग्निं नवमुत्पाद्य काष्ठसंघर्षणादिभिः
aṃbupūrṇe ghaṭe nyasya pūjayedupacārakaiḥ / tato 'gniṃ navamutpādya kāṣṭhasaṃgharṣaṇādibhiḥ
Having placed (it) on a pot filled with water, one should worship (it) with the (customary) services; then, having produced new fire by rubbing sticks and so on,
AI translation rendered from the Sanskrit, not a published edition
NarP 1 121.73
तं समभ्यर्च्य विधिवदेकैकां पिण्डिकां सुधीः । होमयेत्सतिलाज्यां च द्वादशाक्षरविद्यया
taṃ samabhyarcya vidhivadekaikāṃ piṇḍikāṃ sudhīḥ / homayetsatilājyāṃ ca dvādaśākṣaravidyayā
having duly worshipped it (the fire), the wise man should offer as oblation each single lump, together with sesame and ghee, with the twelve-syllable formula,
AI translation rendered from the Sanskrit, not a published edition
NarP 1 121.74
वैष्णव्याथ च पूरणां च शतमष्टोत्तर ततः । भोजयेत्पायसैर्विप्रान्प्रीत्या सुस्निग्धमानसः
vaiṣṇavyātha ca pūraṇāṃ ca śatamaṣṭottara tataḥ / bhojayetpāyasairviprānprītyā susnigdhamānasaḥ
and with the Vaiṣṇava (mantra), and (the offerings) in full, one hundred and eight; then, with a heart full of affection, he should feed brahmins with milk-rice out of love.
AI translation rendered from the Sanskrit, not a published edition — the model flagged this verse as uncertain
NarP 1 121.75
सहितां च घटेनैव प्रतिमां गुरवऽपेयेत् । विप्रेभ्यो दक्षिणां शक्त्या दत्वा नत्वा विसर्जयेत् । नरो वा यदि वा नारी व्रतं कृत्वैवमादरात्
sahitāṃ ca ghaṭenaiva pratimāṃ gurava'peyet / viprebhyo dakṣiṇāṃ śaktyā datvā natvā visarjayet / naro vā yadi vā nārī vrataṃ kṛtvaivamādarāt
And he should offer the image together with the pot itself to the teacher; having given the brahmins a fee according to his ability, he should bow and dismiss them. Whether a man or a woman, having performed the vow thus with reverence,
AI translation rendered from the Sanskrit, not a published edition
NarP 1 121.76
लभते रूपसौभाग्यं नात्र कार्या विचारणा । सहस्ये शुक्लपक्षे तु सुजन्मद्वादशीव्रतम्
labhate rūpasaubhāgyaṃ nātra kāryā vicāraṇā / sahasye śuklapakṣe tu sujanmadvādaśīvratam
(such a one) obtains beauty and good fortune — no doubt need be entertained here. But in the bright fortnight of Sahasya (Pauṣa) (is) the Sujanmadvādaśī vow.
AI translation rendered from the Sanskrit, not a published edition
NarP 1 121.77
स्नात्वा विधानेन गृह्णोयाद्वार्षिकव्रतम् । पीत्वा गशृङ्गवार्यादौ तां च कृत्वा प्रदक्षिणम्
snātvā vidhānena gṛhṇoyādvārṣikavratam / pītvā gaśṛṅgavāryādau tāṃ ca kṛtvā pradakṣiṇam
Having bathed, one should undertake the year-long vow according to the rule; first drinking water (poured) from a cow's horn, and making circumambulation of her,
AI translation rendered from the Sanskrit, not a published edition — the model flagged this verse as uncertain
NarP 1 121.78
प्रतिमासं ततः शुक्लेद्वादश्यां दानमाचरेत् । घृतप्रस्थं तच्चतुष्कं क्रमाद्वीहेर्यवस्य च
pratimāsaṃ tataḥ śukledvādaśyāṃ dānamācaret / ghṛtaprasthaṃ taccatuṣkaṃ kramādvīheryavasya ca
then each month, on the twelfth of the bright fortnight, he should perform a gift: a prastha of ghee, and four of that, in order, of rice and of barley,
AI translation rendered from the Sanskrit, not a published edition — the model flagged this verse as uncertain
NarP 1 121.79
द्विरक्तिकं हेम तिलाढकार्द्धं पयसां घटम् । रौप्यस्य माषमेकं च तृप्तिकृन्मिष्टपक्वकम्
dviraktikaṃ hema tilāḍhakārddhaṃ payasāṃ ghaṭam / raupyasya māṣamekaṃ ca tṛptikṛnmiṣṭapakvakam
gold of two raktikās, half an āḍhaka of sesame, a pot of milk, one māṣa of silver, and sweet cooked food that gives satisfaction,
AI translation rendered from the Sanskrit, not a published edition
NarP 1 121.80
छत्रं माषार्धहेम्नश्च प्रस्थं फआणितमुत्तमम् । चन्दनं पलिकं वस्त्रं पञ्चहस्तोन्मितं तनुम्
chatraṃ māṣārdhahemnaśca prasthaṃ phaāṇitamuttamam / candanaṃ palikaṃ vastraṃ pañcahastonmitaṃ tanum
an umbrella, half a māṣa of gold, a prastha of the finest molasses-syrup, a pala of sandal, and a fine garment measuring five cubits.
AI translation rendered from the Sanskrit, not a published edition
NarP 1 121.81
एवं तु मासिकं दानं कृत्वा प्राश्य यथाक्रमम् । गोमूत्रं जलमाज्यं वा पक्त्वा शाकं चतुर्विधम्
evaṃ tu māsikaṃ dānaṃ kṛtvā prāśya yathākramam / gomūtraṃ jalamājyaṃ vā paktvā śākaṃ caturvidham
Having thus made the monthly gift, and having consumed in due order cow's urine, water, or ghee, and having cooked vegetables of four kinds,
AI translation rendered from the Sanskrit, not a published edition
NarP 1 121.82
दधियुक्तं च यावान्नं तिलाज्यं शर्करान्विताम् । दर्भांबुक्षीरमुदितं प्राशनं प्रतिमासिकम्
dadhiyuktaṃ ca yāvānnaṃ tilājyaṃ śarkarānvitām / darbhāṃbukṣīramuditaṃ prāśanaṃ pratimāsikam
and barley-food mixed with curds, sesame with ghee, (and food) with sugar, (and) water with darbha and milk — such is said to be the monthly consumption.
AI translation rendered from the Sanskrit, not a published edition — the model flagged this verse as uncertain
NarP 1 121.83
एवं कृतव्रतो वर्षं सौवर्णीं प्रतिमां रवेः । कृत्वा वै ताम्रपात्रस्थां न्यस्याभ्यर्च्य विधानतः
evaṃ kṛtavrato varṣaṃ sauvarṇīṃ pratimāṃ raveḥ / kṛtvā vai tāmrapātrasthāṃ nyasyābhyarcya vidhānataḥ
One who has thus performed the vow for a year, having made a golden image of the Sun, and having placed it in a copper vessel and worshipped it according to rule,
AI translation rendered from the Sanskrit, not a published edition
NarP 1 121.84
गुरवे धेनुसहितां प्रत्यर्प्य प्रणमेत्पुरः । विप्रान्द्रादश संभोज्य तेभ्यो दद्याच्च दक्षिणाम्
gurave dhenusahitāṃ pratyarpya praṇametpuraḥ / viprāndrādaśa saṃbhojya tebhyo dadyācca dakṣiṇām
should present it, along with a cow, to the teacher and bow before him; and having fed twelve brahmins, he should give them a fee.
AI translation rendered from the Sanskrit, not a published edition
NarP 1 121.85
एवं कृतव्रतो विप्र जन्माप्नोत्युत्तमे कुले । निरोगो धनधान्याढ्यो भवेच्चाविकलेद्रियः
evaṃ kṛtavrato vipra janmāpnotyuttame kule / nirogo dhanadhānyāḍhyo bhaveccāvikaledriyaḥ
One who has performed the vow thus, O brahmin, obtains birth in an excellent family; he becomes free of disease, rich in wealth and grain, and unimpaired in his senses.
AI translation rendered from the Sanskrit, not a published edition
NarP 1 121.86
माघस्य शुक्लद्वादश्यां शालग्रामशिलां द्विज । अभ्यच्य विधिवद्भक्त्या सुवर्णं तन्मुखे न्यसेत्
māghasya śukladvādaśyāṃ śālagrāmaśilāṃ dvija / abhyacya vidhivadbhaktyā suvarṇaṃ tanmukhe nyaset
On the twelfth of the bright fortnight of Māgha, O twice-born, having worshipped a śālagrāma stone duly and with devotion, one should place gold in its mouth (opening).
AI translation rendered from the Sanskrit, not a published edition
NarP 1 121.87
तां स्थाप्य रौप्यपात्रे तु सितवस्त्रयुगावृताम् । प्रदद्याद्वेदविदुषे तं हि संभोजयेत्ततः
tāṃ sthāpya raupyapātre tu sitavastrayugāvṛtām / pradadyādvedaviduṣe taṃ hi saṃbhojayettataḥ
Having set it in a silver vessel, wrapped in a pair of white cloths, he should give it to one learned in the Vedas, and should then feed him
AI translation rendered from the Sanskrit, not a published edition
NarP 1 121.88
पायसान्नेन खण्डाज्यसहितेन हितेन च । एवं कृत्वैकभक्तः सन्विष्णु चिन्तनतत्परः
pāyasānnena khaṇḍājyasahitena hitena ca / evaṃ kṛtvaikabhaktaḥ sanviṣṇu cintanatatparaḥ
with milk-rice together with sugar and ghee, and wholesome (food). Having done thus, eating but once a day, intent on the contemplation of Viṣṇu,
AI translation rendered from the Sanskrit, not a published edition
NarP 1 121.89
वैष्णवं लभते धाम भुक्त्वा भोगानिहेप्सितान् । अन्त्ये सितायां द्वादश्यां सौवर्णीं प्रतिमां हरेः
vaiṣṇavaṃ labhate dhāma bhuktvā bhogānihepsitān / antye sitāyāṃ dvādaśyāṃ sauvarṇīṃ pratimāṃ hareḥ
he attains the abode of Viṣṇu, after enjoying here the pleasures he desires. On the last twelfth of a bright fortnight, a golden image of Hari
AI translation rendered from the Sanskrit, not a published edition
NarP 1 121.90
अभ्यर्च्य गन्धपुष्पाद्यैर्दद्याद्वेदविदे द्विज । द्विषट्कसंख्यान्विप्रांश्च भोजयित्वा च दक्षिणाम्
abhyarcya gandhapuṣpādyairdadyādvedavide dvija / dviṣaṭkasaṃkhyānviprāṃśca bhojayitvā ca dakṣiṇām
having worshipped it with perfumes, flowers and the rest, he should give it to one who knows the Veda, O twice-born; and having fed twice-six brahmins, (he should give) a fee.
AI translation rendered from the Sanskrit, not a published edition
NarP 1 121.91
दत्वा विसर्जयेत्पश्चात्स्वयं भुञ्जीत बान्धवैः । त्रिस्पृशोन्मीलिनी पक्षवर्द्धिनी वञ्जुली तथा
datvā visarjayetpaścātsvayaṃ bhuñjīta bāndhavaiḥ / trispṛśonmīlinī pakṣavarddhinī vañjulī tathā
Having given (it), he should afterwards dismiss (them), and himself eat with his kinsmen. Trispṛśā, Unmīlinī, Pakṣavardhinī, and Vañjulī,
AI translation rendered from the Sanskrit, not a published edition
NarP 1 121.92
जया च विजया चैव जयन्ती चापराजिता । एता अष्टौ सदोपोष्या द्वादश्यः पापहारिकाः
jayā ca vijayā caiva jayantī cāparājitā / etā aṣṭau sadopoṣyā dvādaśyaḥ pāpahārikāḥ
And Jayā, and Vijayā, and Jayantī, and Aparājitā — these eight twelfth-days are always to be kept as fasts; they carry away sin.
AI translation rendered from the Sanskrit, not a published edition
NarP 1 121.93
श्रीनारद उवाच कीदृशं लक्षणं ब्रह्मन्नेतासां किं फलं तथा । तत्सर्वं मे समाचक्ष्व याश्चन्याः पुण्यदायुकाः
śrīnārada uvāca kīdṛśaṃ lakṣaṇaṃ brahmannetāsāṃ kiṃ phalaṃ tathā / tatsarvaṃ me samācakṣva yāścanyāḥ puṇyadāyukāḥ
Śrī Nārada said: What, O Brahman, is the characteristic mark of these, and what the fruit? Tell me all that, and which others bestow merit.
AI translation rendered from the Sanskrit, not a published edition
NarP 1 121.94
सूत उवाच इत्थं सनातनः पृष्टो नारदेन द्विजोत्तमः । प्रशस्य भ्रातरं प्राह महाभागवतं मुनिः
sūta uvāca itthaṃ sanātanaḥ pṛṣṭo nāradena dvijottamaḥ / praśasya bhrātaraṃ prāha mahābhāgavataṃ muniḥ
Sūta said: Thus questioned by Nārada, Sanātana, best of the twice-born, the sage, praising his brother, the great devotee, spoke.
AI translation rendered from the Sanskrit, not a published edition
NarP 1 121.95
सनातन उवाच साधु पृष्टं त्वया भ्रातः साधूनां संशयच्छिदा । वक्ष्ये महाद्वादशीनां लक्षणं च फलं पृथक्
sanātana uvāca sādhu pṛṣṭaṃ tvayā bhrātaḥ sādhūnāṃ saṃśayacchidā / vakṣye mahādvādaśīnāṃ lakṣaṇaṃ ca phalaṃ pṛthak
Sanātana said: Well have you asked, brother, you who cut away the doubts of the good. I shall declare the mark of the great twelfth-days and their fruit, each separately.
AI translation rendered from the Sanskrit, not a published edition
NarP 1 121.96
एकादशी निवृत्ता चेत्सूर्यस्योदयतः पुरा । तदा तु त्रिस्पृशा नाम द्वादशी सा महाफला
ekādaśī nivṛttā cetsūryasyodayataḥ purā / tadā tu trispṛśā nāma dvādaśī sā mahāphalā
If the eleventh (lunar day) has come to an end before sunrise, then that twelfth is named Trispṛśā, and it is of great fruit.
AI translation rendered from the Sanskrit, not a published edition
NarP 1 121.97
अस्यामुपोष्य गोविन्दं यः पूजयति नारद । अश्वमेधसहस्रस्य फलं लभते ध्रुवम्
asyāmupoṣya govindaṃ yaḥ pūjayati nārada / aśvamedhasahasrasya phalaṃ labhate dhruvam
He who, fasting on this (day), worships Govinda, Nārada, surely obtains the fruit of a thousand horse-sacrifices.
AI translation rendered from the Sanskrit, not a published edition
NarP 1 121.98
यदारुणोदये विद्धा दशम्यैकादशी तिथिः । तदा तां संपरित्यज्य द्वादशीं समुपोषयेत्
yadāruṇodaye viddhā daśamyaikādaśī tithiḥ / tadā tāṃ saṃparityajya dvādaśīṃ samupoṣayet
When at dawn the eleventh lunar day is tainted by the tenth, then, abandoning that one, one should fast on the twelfth.
AI translation rendered from the Sanskrit, not a published edition
NarP 1 121.99
तत्रेष्ट्वा वासुदेवाख्यं सम्यक्पूजाविधानतः । राजसूयसहस्रस्य फलमुन्मीलिते लभेत्
tatreṣṭvā vāsudevākhyaṃ samyakpūjāvidhānataḥ / rājasūyasahasrasya phalamunmīlite labhet
Having there worshipped (the god) named Vāsudeva properly according to the rule of worship, on the Unmīlinī one would obtain the fruit of a thousand Rājasūya sacrifices.
AI translation rendered from the Sanskrit, not a published edition
NarP 1 121.100
यदोदये तु सवितुर्याम्या त्वेकादशीं स्पृशेत् । तदा वञ्जुलिकाख्यां तु तां त्यक्त्वोपोषयेत्सदा
yadodaye tu savituryāmyā tvekādaśīṃ spṛśet / tadā vañjulikākhyāṃ tu tāṃ tyaktvopoṣayetsadā
But when at sunrise the southern (i.e. the eleventh day's portion?) touches the eleventh, then, abandoning that one, one should always fast on the (day) called Vañjulikā.
AI translation rendered from the Sanskrit, not a published edition — the model flagged this verse as uncertain
NarP 1 121.101
अस्यां संकर्षणं देवं गन्धाद्यैरुपचारकैः । पूजयेत्सततं भक्त्या सर्वस्याभयदं परम्
asyāṃ saṃkarṣaṇaṃ devaṃ gandhādyairupacārakaiḥ / pūjayetsatataṃ bhaktyā sarvasyābhayadaṃ param
On this (day) one should constantly worship with devotion the god Saṃkarṣaṇa with sandal-paste and the other offerings — the supreme (god) who gives freedom from fear to all.
AI translation rendered from the Sanskrit, not a published edition
NarP 1 121.102
एषा महाद्वादशी तु सर्वक्रतुफलप्रदा । सर्वपापहरा प्रोक्ता सर्वसंपत्प्रदायिनी
eṣā mahādvādaśī tu sarvakratuphalapradā / sarvapāpaharā proktā sarvasaṃpatpradāyinī
This great twelfth grants the fruit of all sacrifices; it is declared to remove all sin and to bestow all prosperity.
AI translation rendered from the Sanskrit, not a published edition
NarP 1 121.103
कुहूराके यदा वृद्धे स्यातां विप्र यदा तदा । पक्षवर्द्धनिका नाम द्वादशी सा महाफला
kuhūrāke yadā vṛddhe syātāṃ vipra yadā tadā / pakṣavarddhanikā nāma dvādaśī sā mahāphalā
When, O brahman, the new-moon day and the sun('s day?) both occur in the increase, then that twelfth is named Pakṣavardhanikā, of great fruit.
AI translation rendered from the Sanskrit, not a published edition — the model flagged this verse as uncertain
NarP 1 121.104
तस्यां संपूजयेद्देवं प्रद्युम्नं जगतां पतिम् । सर्वैश्वर्य्यप्रदं साक्षात्पुत्र पौत्रविवर्धनम्
tasyāṃ saṃpūjayeddevaṃ pradyumnaṃ jagatāṃ patim / sarvaiśvaryyapradaṃ sākṣātputra pautravivardhanam
On that (day) one should duly worship the god Pradyumna, lord of the worlds, who directly grants all lordship and increases sons and grandsons.
AI translation rendered from the Sanskrit, not a published edition
NarP 1 121.105
यदा तु धवले पक्षे द्वादशी स्यान्मधान्विता ॥ठ तदा प्रोक्ता जया नाम सर्वशत्रुविनाशिनी
yadā tu dhavale pakṣe dvādaśī syānmadhānvitā //ṭha tadā proktā jayā nāma sarvaśatruvināśinī
But when in the bright fortnight the twelfth is joined with (the asterism) Maghā, then it is called Jayā, destroyer of all enemies.
AI translation rendered from the Sanskrit, not a published edition
NarP 1 121.106
अस्यां संपूजयेद्देव मनिरुद्धं रमापतिम् । सर्वकामप्रदं नॄणां सर्वसौभाग्यदायकम्
asyāṃ saṃpūjayeddeva maniruddhaṃ ramāpatim / sarvakāmapradaṃ nṝṇāṃ sarvasaubhāgyadāyakam
On this (day) one should duly worship the god Aniruddha, lord of Ramā, who grants all desires to men and bestows all good fortune.
AI translation rendered from the Sanskrit, not a published edition
NarP 1 121.107
श्रवणर्क्षयुता चेत्स्याद्द्वादशी धवले दले । तदा सा विजया नाम तस्यामचेद्गदाधरम्
śravaṇarkṣayutā cetsyāddvādaśī dhavale dale / tadā sā vijayā nāma tasyāmacedgadādharam
If the twelfth in the bright half is joined with the asterism Śravaṇa, then it is called Vijayā; on it one should worship the bearer of the mace,
AI translation rendered from the Sanskrit, not a published edition
NarP 1 121.108
सर्वसौख्यप्रदं शश्वत्सर्वभोगपरायणम् । सर्वतीर्थफलं विप्र तां चोपोष्याप्नुयान्नरः
sarvasaukhyapradaṃ śaśvatsarvabhogaparāyaṇam / sarvatīrthaphalaṃ vipra tāṃ copoṣyāpnuyānnaraḥ
(him who is) the constant giver of all happiness, devoted to all enjoyments; and by fasting on it, O brahman, a man would obtain the fruit of all pilgrimage-places.
AI translation rendered from the Sanskrit, not a published edition
NarP 1 121.109
यदा स्याच्च सिते पक्षे प्राजापत्यर्क्षसंयुता । द्वादशी सा महापुण्या जयन्ती नामतः स्मृता
yadā syācca site pakṣe prājāpatyarkṣasaṃyutā / dvādaśī sā mahāpuṇyā jayantī nāmataḥ smṛtā
And when in the bright fortnight it is joined with the asterism of Prajāpati (Rohiṇī), that twelfth is of great merit, known by the name Jayantī.
AI translation rendered from the Sanskrit, not a published edition
NarP 1 121.110
यस्यां समर्च्चयेद्देवं वामनं सिद्धिदं नृणाम् । उपोषितैषा विप्रेन्द्र सर्वव्रतफलप्रदा
yasyāṃ samarccayeddevaṃ vāmanaṃ siddhidaṃ nṛṇām / upoṣitaiṣā viprendra sarvavrataphalapradā
On which (day) one should worship the god Vāmana, giver of success to men. Kept as a fast, this (day), O best of brahmans, gives the fruit of all vows,
AI translation rendered from the Sanskrit, not a published edition
NarP 1 121.111
सर्वदानफला चापि भुक्तिमुक्तिप्रदायिनी । यदा तु स्यात्सिते पक्षे द्वादशी जीवभान्विता
sarvadānaphalā cāpi bhuktimuktipradāyinī / yadā tu syātsite pakṣe dvādaśī jīvabhānvitā
and also has the fruit of all gifts, and bestows enjoyment and liberation. But when in the bright fortnight the twelfth is joined with Jupiter's day (Thursday),
AI translation rendered from the Sanskrit, not a published edition
NarP 1 121.112
तदापराजिता प्रोक्ता सर्वज्ञा नप्रदायिनी । अस्यां समर्चयेद्देवं नारायणमनामयम्
tadāparājitā proktā sarvajñā napradāyinī / asyāṃ samarcayeddevaṃ nārāyaṇamanāmayam
then it is called Aparājitā ("the unconquered"), all-knowing, granting (all wishes). On this (day) one should worship the god Nārāyaṇa, who is free of ill,
AI translation rendered from the Sanskrit, not a published edition — the model flagged this verse as uncertain
NarP 1 121.113
संसारपाशविच्छित्तिकारकं ज्ञानसागरम् । अस्यास्तूपोषणादेव मुक्तः स्याद्विप्र भोजनः
saṃsārapāśavicchittikārakaṃ jñānasāgaram / asyāstūpoṣaṇādeva muktaḥ syādvipra bhojanaḥ
(him) who cuts through the noose of saṃsāra, the ocean of knowledge. Merely by fasting on this (day), O brahmin, one who feeds brahmins becomes liberated.
AI translation rendered from the Sanskrit, not a published edition — the model flagged this verse as uncertain
NarP 1 121.114
यदा त्वाषाढशुक्लायां द्वादश्यां मैत्रभं भवेत् । तदा व्रतद्वयं कार्य्यं न दोषो ऽत्रैकदैवतम्
yadā tvāṣāḍhaśuklāyāṃ dvādaśyāṃ maitrabhaṃ bhavet / tadā vratadvayaṃ kāryyaṃ na doṣo 'traikadaivatam
But when on the bright twelfth of Āṣāḍha the maitra asterism (Anurādhā) occurs, then the pair of vows is to be performed; there is no fault in this, since the deity is one and the same.
AI translation rendered from the Sanskrit, not a published edition
NarP 1 121.115
श्रवणर्क्षयुतायां च द्वादश्यां भाद्रशुक्लके । ऊर्ज्जे सितायां द्वादश्यामन्त्यभे च व्रतद्वयम्
śravaṇarkṣayutāyāṃ ca dvādaśyāṃ bhādraśuklake / ūrjje sitāyāṃ dvādaśyāmantyabhe ca vratadvayam
And on the twelfth joined with the asterism Śravaṇa in the bright half of Bhādra, and on the bright twelfth in Ūrja (Kārttika) with the last asterism (Revatī), (there too) the pair of vows (is done).
AI translation rendered from the Sanskrit, not a published edition
NarP 1 121.116
एताभ्यो ऽन्त्र विप्रेन्द्र द्वादश्यामेकभुक्तकम् । निसर्गतः समुद्दिष्टं व्रतं पातकनाशनम्
etābhyo 'ntra viprendra dvādaśyāmekabhuktakam / nisargataḥ samuddiṣṭaṃ vrataṃ pātakanāśanam
Apart from these, O best of brahmins, on the twelfth eating but once (is enjoined); by (this) rule the sin-destroying vow has been declared.
AI translation rendered from the Sanskrit, not a published edition — the model flagged this verse as uncertain
NarP 1 121.117
एकादश्या व्रतं नित्यं द्वादश्याः सहितं यतः । नोद्यापनमिहोद्दिष्टं कर्त्तव्यं जीविताविधि
ekādaśyā vrataṃ nityaṃ dvādaśyāḥ sahitaṃ yataḥ / nodyāpanamihoddiṣṭaṃ karttavyaṃ jīvitāvidhi
Since the vow of the eleventh is always joined with that of the twelfth, no concluding rite (udyāpana) is prescribed here; it is to be performed as long as life lasts.
AI translation rendered from the Sanskrit, not a published edition