Matsya Purana — Chapter 92
MtP 92.1
अथातः सम्प्रवक्ष्यामि शर्कराशैलमुत्तमम् यस्य प्रदानाद्विष्ण्वर्करुद्रास्तुष्यन्ति सर्वदा
athātaḥ sampravakṣyāmi śarkarāśailamuttamam yasya pradānādviṣṇvarkarudrāstuṣyanti sarvadā
Now next I shall declare the excellent mountain of sugar, by the giving of which Viṣṇu, the Sun and Rudra are always pleased.
AI translation rendered from the Sanskrit, not a published edition
MtP 92.2
अष्टाभिः शर्कराभारैर् उत्तमः स्यान्महाचलः चतुर्भिर्मध्यमः प्रोक्तो भाराभ्यामधमः स्मृतः
aṣṭābhiḥ śarkarābhārair uttamaḥ syānmahācalaḥ caturbhirmadhyamaḥ prokto bhārābhyāmadhamaḥ smṛtaḥ
With eight loads of sugar the great mountain would be of the best (kind); with four it is said to be middling; with two it is held to be the lowest.
AI translation rendered from the Sanskrit, not a published edition
MtP 92.3
भारेण वार्धभारेण कुर्याद्यः स्वल्पवित्तवान् विष्कम्भपर्वतान्कुर्यात् तुरीयांशेन मानवः
bhāreṇa vārdhabhāreṇa kuryādyaḥ svalpavittavān viṣkambhaparvatānkuryāt turīyāṃśena mānavaḥ
One who has little wealth should make (it) with a load or with half a load; and a person should make the supporting (subsidiary) mountains with a fourth part.
AI translation rendered from the Sanskrit, not a published edition
MtP 92.4
धान्यपर्वतवत्सर्वम् आसाद्यामरसंयुतम् मेरोरुपरि तद्वच्च स्थाप्यं हेमतरुत्रयम्
dhānyaparvatavatsarvam āsādyāmarasaṃyutam merorupari tadvacca sthāpyaṃ hematarutrayam
Everything (is to be arranged) as in the grain-mountain (rite), having procured (the images) together with the gods; and likewise, on top of the Meru, three golden trees are to be set up.
AI translation rendered from the Sanskrit, not a published edition
MtP 92.5
मन्दारः पारिजातश्च तृतीयः कल्पपादपः एतद्वृक्षत्रयं मूर्ध्नि सर्वेष्वपि नियोजयेत्
mandāraḥ pārijātaśca tṛtīyaḥ kalpapādapaḥ etadvṛkṣatrayaṃ mūrdhni sarveṣvapi niyojayet
Mandāra, Pārijāta, and third the Kalpa tree — this triad of trees one should install on the summit in all (the mountains) as well.
AI translation rendered from the Sanskrit, not a published edition
MtP 92.6
हरिचन्दनसंतानौ पूर्वपश्चिमभागयोः निवेश्यौ सर्वशैलेषु विशेषाच्छर्कराचले
haricandanasaṃtānau pūrvapaścimabhāgayoḥ niveśyau sarvaśaileṣu viśeṣāccharkarācale
The haricandana and the santāna (trees) are to be set in the eastern and western portions, on all the (ceremonial) mountains, and especially on the mountain of sugar.
AI translation rendered from the Sanskrit, not a published edition
MtP 92.7
मन्दरे कामदेवस्तु प्रत्यग्वक्त्रः सदा भवेत् गन्धमादनशृङ्गे तु धनदः स्यादुदङ्मुखः
mandare kāmadevastu pratyagvaktraḥ sadā bhavet gandhamādanaśṛṅge tu dhanadaḥ syādudaṅmukhaḥ
On (the peak) Mandara there should always be Kāmadeva, facing west; but on the peak Gandhamādana let there be the Giver of Wealth (Kubera), facing north.
AI translation rendered from the Sanskrit, not a published edition
MtP 92.8
प्राङ्मुखो वेदमूर्तिस्तु हंसः स्याद्विपुलाचले हैमी सुपार्श्वे सुरभिर् दक्षिणाभिमुखी भवेत्
prāṅmukho vedamūrtistu haṃsaḥ syādvipulācale haimī supārśve surabhir dakṣiṇābhimukhī bhavet
On Vipulācala (mountain) there should be a swan facing east, being the embodiment of the Veda; and on Supārśva a golden cow (Surabhi) facing south.
AI translation rendered from the Sanskrit, not a published edition
MtP 92.9
धान्यपर्वतवत्सर्वम् आवाहनविधानकम् कृत्वा तु गुरवे दद्यान् मध्यमं पर्वतोत्तमम् ऋत्विग्भ्यश् चतुरः शैलान् इमान्मन्त्रानुदीरयन्
dhānyaparvatavatsarvam āvāhanavidhānakam kṛtvā tu gurave dadyān madhyamaṃ parvatottamam ṛtvigbhyaś caturaḥ śailān imānmantrānudīrayan
Having performed the whole rite of invocation just as with the grain-mountain, he should give the middle one, the best of the mountains, to the teacher, and the four (other) mountains to the officiating priests, while uttering these mantras.
AI translation rendered from the Sanskrit, not a published edition
MtP 92.10
सौभाग्यामृतसारो ऽयं पर्वतः शर्करायुतः तस्मादानन्दकारी त्वं भव शैलेन्द्र सर्वदा
saubhāgyāmṛtasāro 'yaṃ parvataḥ śarkarāyutaḥ tasmādānandakārī tvaṃ bhava śailendra sarvadā
— tr. refused: cyber
MtP 92.11
अमृतं पिबतां ये तु निपेतुर्भुवि शीकराः देवानां तत्समुत्थस्त्वं पाहि नः शर्कराचल
amṛtaṃ pibatāṃ ye tu nipeturbhuvi śīkarāḥ devānāṃ tatsamutthastvaṃ pāhi naḥ śarkarācala
— tr. refused: cyber
MtP 92.12
मनोभवधनुर्मध्याद् उद्भूता शर्करा यतः तन्मयो ऽसि महाशैल पाहि संसारसागरात्
manobhavadhanurmadhyād udbhūtā śarkarā yataḥ tanmayo 'si mahāśaila pāhi saṃsārasāgarāt
Since sugar arose from the middle of the bow of the Mind-born (Kāma), you consist of that, O great mountain — protect (me) from the ocean of transmigration.
AI translation rendered from the Sanskrit, not a published edition
MtP 92.13
यो दद्याच्छर्कराशैलम् अनेन विधिना नरः सर्वपापैर् विनिर्मुक्तः स याति परमं पदम्
yo dadyāccharkarāśailam anena vidhinā naraḥ sarvapāpair vinirmuktaḥ sa yāti paramaṃ padam
The man who gives a mountain of sugar by this rule is freed from all sins and goes to the highest state.
AI translation rendered from the Sanskrit, not a published edition
MtP 92.14
चन्द्रतारार्कसंकाशम् अधिरुह्यानुजीविभिः सहैव यानमातिष्ठेत् तत्र विष्णुप्रचोदितः
candratārārkasaṃkāśam adhiruhyānujīvibhiḥ sahaiva yānamātiṣṭhet tatra viṣṇupracoditaḥ
Having mounted, together with his dependents, a vehicle shining like the moon, the stars and the sun, he would remain in it, impelled by Viṣṇu.
AI translation rendered from the Sanskrit, not a published edition
MtP 92.15
ततः कल्पशतान्ते तु सप्तद्वीपाधिपो भवेत् आयुरारोग्यसम्पन्नो यावज्जन्मार्बुदत्रयम्
tataḥ kalpaśatānte tu saptadvīpādhipo bhavet āyurārogyasampanno yāvajjanmārbudatrayam
Then, at the end of a hundred kalpas, he becomes lord of the seven continents, endowed with long life and health, for as many as three arbudas of births.
AI translation rendered from the Sanskrit, not a published edition
MtP 92.16
भोजनं शक्तितः कुर्यात् सर्वशैलेष्वमत्सरः सर्वत्राक्षारलवणम् अश्नीयात्तदनुज्ञया पर्वतोपस्करान्सर्वान् प्रापयेद्ब्राह्मणालयम्
bhojanaṃ śaktitaḥ kuryāt sarvaśaileṣvamatsaraḥ sarvatrākṣāralavaṇam aśnīyāttadanujñayā parvatopaskarānsarvān prāpayedbrāhmaṇālayam
He should provide food to the extent of his means at (the ceremonies of) all the mountains (i.e., all the mountain-gifts), free from grudging; in every case he should eat food without alkali and salt, with (the officiant's) permission; and all the mountain's accessory articles he should have conveyed to the brahmin's dwelling.
AI translation rendered from the Sanskrit, not a published edition — the model flagged this verse as uncertain
MtP 92.17
आसीत्पुरा बृहत्कल्पे धर्ममूर्तिर्जनाधिपः सुहृच्छक्रस्य निहता येन दैत्याः सहस्रशः
āsītpurā bṛhatkalpe dharmamūrtirjanādhipaḥ suhṛcchakrasya nihatā yena daityāḥ sahasraśaḥ
Formerly, in the Bṛhat Kalpa, there was a lord of men, Dharmamūrti, a friend of Śakra, by whom Daityas were slain by the thousand.
AI translation rendered from the Sanskrit, not a published edition
MtP 92.18
सोमसूर्यादयो यस्य तेजसा विगतप्रभाः भवन्ति शतशो येन शत्रवश्चापराजिताः यथेच्छारूपधारी च मनुष्यो ऽप्यपराजितः
somasūryādayo yasya tejasā vigataprabhāḥ bhavanti śataśo yena śatravaścāparājitāḥ yathecchārūpadhārī ca manuṣyo 'pyaparājitaḥ
By whose blazing energy the moon, the sun and the rest become bereft of their light, and by whom enemies were (defeated) by the hundreds — he was unconquered, and though a man, he could take on any form at will.
AI translation rendered from the Sanskrit, not a published edition — the model flagged this verse as uncertain
MtP 92.19
तस्य भानुमती नाम भार्या त्रैलोक्यसुन्दरी लक्ष्मीवद् दिव्यरूपेण निर्जितामरसुन्दरी
tasya bhānumatī nāma bhāryā trailokyasundarī lakṣmīvad divyarūpeṇa nirjitāmarasundarī
His wife was named Bhānumatī, the beauty of the three worlds, who like Lakṣmī by her divine form surpassed the loveliest of the immortals.
AI translation rendered from the Sanskrit, not a published edition
MtP 92.20
राज्ञस्तस्याग्र्यमहिषी प्राणेभ्यो ऽपि गरीयसी दशनारीसहस्राणां मध्ये श्रीरिव राजते
rājñastasyāgryamahiṣī prāṇebhyo 'pi garīyasī daśanārīsahasrāṇāṃ madhye śrīriva rājate
That king's chief queen, dearer to him than his own breath, shines like Śrī in the midst of the ten thousand women.
AI translation rendered from the Sanskrit, not a published edition
MtP 92.21
नृपकोटिसहस्रेण न कदाचित्स मुच्यते कदाचिदास्थानगतः पप्रच्छ स पुरोधसम् विस्मयेनावृतो राजा वसिष्ठमृषिसत्तमम्
nṛpakoṭisahasreṇa na kadācitsa mucyate kadācidāsthānagataḥ papraccha sa purodhasam vismayenāvṛto rājā vasiṣṭhamṛṣisattamam
He is never left unattended by a thousand crores of kings. Once, having gone to the assembly hall, the king, overcome with wonder, asked his household priest, Vasiṣṭha, best of sages:
AI translation rendered from the Sanskrit, not a published edition
MtP 92.22
भगवन्केन धर्मेण मम लक्ष्मीरनुत्तमा कस्माच्च विपुलं तेजो मच्छरीरे सदोत्तमम्
bhagavankena dharmeṇa mama lakṣmīranuttamā kasmācca vipulaṃ tejo maccharīre sadottamam
"Blessed one, by what merit is my prosperity unsurpassed? And why is there in my body always this great and excellent splendour?"
AI translation rendered from the Sanskrit, not a published edition
MtP 92.23
पुरा लीलावती नाम वेश्या शिवपरायणा तया दत्तश्चतुर्दश्यां गुरवे लवणाचलः हेमवृक्षादिभिः सार्धं यथावद्विधिपूर्वकम्
purā līlāvatī nāma veśyā śivaparāyaṇā tayā dattaścaturdaśyāṃ gurave lavaṇācalaḥ hemavṛkṣādibhiḥ sārdhaṃ yathāvadvidhipūrvakam
"Formerly there was a courtesan named Līlāvatī, devoted to Śiva. On the fourteenth day she gave to her teacher a mountain of salt, together with golden trees and the rest, duly and according to the prescribed rite.
AI translation rendered from the Sanskrit, not a published edition
MtP 92.24
शूद्रः सुवर्णकारश्च नाम्ना शौण्डो ऽभवत्तदा भृत्यो लीलावतीगेहे तेन हेम्ना विनिर्मिताः
śūdraḥ suvarṇakāraśca nāmnā śauṇḍo 'bhavattadā bhṛtyo līlāvatīgehe tena hemnā vinirmitāḥ
There was then a śūdra goldsmith named Śauṇḍa, a servant in Līlāvatī's house; by him were fashioned out of that gold
AI translation rendered from the Sanskrit, not a published edition
MtP 92.25
तरवः सुरमुख्याश्च श्रद्धायुक्तेन पार्थिव अतिरूपेण सम्पन्ना घटयित्वा विना भृतिम् धर्मकार्यमिति ज्ञात्वा न गृह्णाति कथंचन
taravaḥ suramukhyāśca śraddhāyuktena pārthiva atirūpeṇa sampannā ghaṭayitvā vinā bhṛtim dharmakāryamiti jñātvā na gṛhṇāti kathaṃcana
trees and the chief gods, O king, with faith and endowed with surpassing beauty; having shaped (them) without wages — knowing "this is a work of dharma," he would by no means accept (payment).
AI translation rendered from the Sanskrit, not a published edition
MtP 92.26
उज्ज्वालिताश्च तत्पत्न्या सौवर्णामरपादपाः लीलावती गिरेः पार्श्वे परिचर्यां च पार्थिव
ujjvālitāśca tatpatnyā sauvarṇāmarapādapāḥ līlāvatī gireḥ pārśve paricaryāṃ ca pārthiva
And by his wife the golden trees of the immortals were lit up, and (they performed) service at the side of Līlāvatī's mountain, O king,
AI translation rendered from the Sanskrit, not a published edition
MtP 92.27
कृत्वा ताभ्याम् अशाठ्येन गुरुशुश्रूषणादिकम् सा च लीलावती वेश्याकालेन महतापि च
kṛtvā tābhyām aśāṭhyena guruśuśrūṣaṇādikam sā ca līlāvatī veśyākālena mahatāpi ca
the two of them having done, without guile, the waiting upon the teacher and the rest. And that courtesan Līlāvatī, after a very long time,
AI translation rendered from the Sanskrit, not a published edition
MtP 92.28
कालधर्ममनुप्राप्ता कर्मयोगेण नारद सर्वपापविनिर्मुक्ता जगाम शिवमन्दिरम्
kāladharmamanuprāptā karmayogeṇa nārada sarvapāpavinirmuktā jagāma śivamandiram
met with the law of time (i.e. died), O Nārada, and by the power of her deeds, freed from all sins, she went to the abode of Śiva.
AI translation rendered from the Sanskrit, not a published edition
MtP 92.29
यो ऽसौ सुवर्णकारस्तु दरिद्रो ऽप्यतिसत्त्ववान् न मौल्यमादाद्वेश्यातः स भवानिह साम्प्रतम्
yo 'sau suvarṇakārastu daridro 'pyatisattvavān na maulyamādādveśyātaḥ sa bhavāniha sāmpratam
And that goldsmith who, though poor, was of very great character and did not take payment from the courtesan — he is you, here, now,
AI translation rendered from the Sanskrit, not a published edition
MtP 92.30
सप्तद्वीपपतिर्जातः सूर्यायुतसमप्रभः यया सुवर्णकारस्य तरवो हेमनिर्मिताः सम्यगुज्ज्वालिताः पत्न्या सेयं भानुमती तव
saptadvīpapatirjātaḥ sūryāyutasamaprabhaḥ yayā suvarṇakārasya taravo hemanirmitāḥ samyagujjvālitāḥ patnyā seyaṃ bhānumatī tava
born lord of the seven continents, with a radiance equal to ten thousand suns. She by whom the goldsmith's trees made of gold were properly lit up, his wife, is this Bhānumatī of yours.
AI translation rendered from the Sanskrit, not a published edition
MtP 92.31
उज्ज्वालनादुज्ज्वलरुपमस्याः संजातमस्मिन्भुवनाधिपत्यम् यस्मात्कृतं तत्परिकर्म रात्राव् अनुद्धताभ्यां लवणाचलस्य
ujjvālanādujjvalarupamasyāḥ saṃjātamasminbhuvanādhipatyam yasmātkṛtaṃ tatparikarma rātrāv anuddhatābhyāṃ lavaṇācalasya
From the lighting (of the lamps) her radiant form has come about, (and) for him lordship over this world; and because that attendant service upon the salt-mountain was performed by the two at night without arrogance,
AI translation rendered from the Sanskrit, not a published edition
MtP 92.32
तस्माच्च लोकेष्वपराजितत्वम् आरोग्यसौभाग्ययुता च लक्ष्मीः तस्मात्त्वमप्यत्र विधानपूर्वं धान्याचलादीन्दशधा कुरुष्व
tasmācca lokeṣvaparājitatvam ārogyasaubhāgyayutā ca lakṣmīḥ tasmāttvamapyatra vidhānapūrvaṃ dhānyācalādīndaśadhā kuruṣva
therefore (there is) unconquerableness among the worlds, and prosperity joined with health and good fortune. Therefore you too here, according to the prescription, make the mountains of grain and the rest, in their ten kinds."
AI translation rendered from the Sanskrit, not a published edition
MtP 92.33
तथेति सत्कृत्य स धर्ममूर्तिर् वचो वसिष्ठस्य ददौ च सर्वान् धान्याचलदीञ्छतशो मुरारेर् लोकं जगामामरपूज्यमानः
tatheti satkṛtya sa dharmamūrtir vaco vasiṣṭhasya dadau ca sarvān dhānyācaladīñchataśo murārer lokaṃ jagāmāmarapūjyamānaḥ
Saying "so be it," he, the very embodiment of dharma, honoured Vasiṣṭha's word, and gave all the mountains of grain and the rest by hundreds, and went, honoured by the immortals, to the world of Murāri.
AI translation rendered from the Sanskrit, not a published edition
MtP 92.34
पश्येदपीमानधनो ऽतिभक्त्या स्पृशेन्मनुष्यैरपि दीयमानान् शृणोति भक्त्याथ मतिं ददाति विकल्मषः सो ऽपि दिवं प्रयाति
paśyedapīmānadhano 'tibhaktyā spṛśenmanuṣyairapi dīyamānān śṛṇoti bhaktyātha matiṃ dadāti vikalmaṣaḥ so 'pi divaṃ prayāti
Even a man without wealth who merely looks (at them) with great devotion, or touches them as they are being given by (other) men, or listens with devotion and then gives his assent — he too, freed of stain, goes to heaven.
AI translation rendered from the Sanskrit, not a published edition
MtP 92.35
दुःस्वप्नं प्रशममुपैति पठ्यमानैः शैलेन्द्रैर्भवभयभेदनैर्मनुष्यैः यः कुर्यात्किमु मुनिपुंगवेह सम्यक् शान्तात्मा सकलगिरीन्द्रसम्प्रदानम्
duḥsvapnaṃ praśamamupaiti paṭhyamānaiḥ śailendrairbhavabhayabhedanairmanuṣyaiḥ yaḥ kuryātkimu munipuṃgaveha samyak śāntātmā sakalagirīndrasampradānam
Bad dreams come to rest for men when these (chapters on) the great mountains, which shatter the fear of worldly existence, are recited — how much more (for) one who here, O bull among sages, with a tranquil self, properly makes the gift of all the mountain-lords!
AI translation rendered from the Sanskrit, not a published edition