Matsya Purana — Chapter 82
MtP 82.1
गुडधेनुविधानं मे समाचक्ष्व जगत्पते किंरूपं केन मन्त्रेण दातव्यं तदिहोच्यताम्
guḍadhenuvidhānaṃ me samācakṣva jagatpate kiṃrūpaṃ kena mantreṇa dātavyaṃ tadihocyatām
"Tell me, O Lord of the world, the rule for the molasses-cow: of what form is it, and with what mantra is it to be given? Let that be told here."
AI translation rendered from the Sanskrit, not a published edition
MtP 82.2
गुडधेनुविधानस्य यद्रूपमिह यत्फलम् तदिदानीं प्रवक्ष्यामि सर्वपापविनाशनम्
guḍadhenuvidhānasya yadrūpamiha yatphalam tadidānīṃ pravakṣyāmi sarvapāpavināśanam
"The form and the fruit here of the rite of the molasses-cow—that I shall now declare, (a rite) which destroys all sins.
AI translation rendered from the Sanskrit, not a published edition
MtP 82.3
कृष्णाजिनं चतुर्हस्तं प्राग्ग्रीवं विन्यसेद्भुवि गोमयेनानुलिप्तायां दर्भानास्तीर्य सर्वतः
kṛṣṇājinaṃ caturhastaṃ prāggrīvaṃ vinyasedbhuvi gomayenānuliptāyāṃ darbhānāstīrya sarvataḥ
On ground smeared with cow dung, and with darbha grass strewn all around, he should lay down a black antelope skin four cubits (long), its neck to the east.
AI translation rendered from the Sanskrit, not a published edition
MtP 82.4
लघ्वेणकाजिनं तद्वद् वत्सं च परिकल्पयेत् प्राङ्मुखीं कल्पयेद्धेनुम् उदक्पादां सवत्सकाम्
laghveṇakājinaṃ tadvad vatsaṃ ca parikalpayet prāṅmukhīṃ kalpayeddhenum udakpādāṃ savatsakām
Likewise he should fashion the calf out of a small antelope's skin; he should form the cow facing east, its feet to the north, with the calf.
AI translation rendered from the Sanskrit, not a published edition
MtP 82.5
उत्तमा गुडधेनुः स्यात् सदा भारचतुष्टयम् वत्सं भारेण कुर्वीत द्वाभ्यां वै मध्यमा स्मृता
uttamā guḍadhenuḥ syāt sadā bhāracatuṣṭayam vatsaṃ bhāreṇa kurvīta dvābhyāṃ vai madhyamā smṛtā
The highest jaggery-cow should always be of four bhāras; one should make the calf with one bhāra; with two (bhāras) it is held to be the middling one.
AI translation rendered from the Sanskrit, not a published edition
MtP 82.6
अर्धभारेण वत्सः स्यात् कनिष्ठा भारकेण तु चतुर्थांशेन वत्सः स्याद् गृहवित्तानुसारतः
ardhabhāreṇa vatsaḥ syāt kaniṣṭhā bhārakeṇa tu caturthāṃśena vatsaḥ syād gṛhavittānusārataḥ
With half a bhāra the calf should be made; but the least (cow) is of one bhāra, and the calf should be of a quarter part — according to the wealth of the household.
AI translation rendered from the Sanskrit, not a published edition
MtP 82.7
धेनुवत्सौ घृतास्यौ च सितसूक्ष्माम्बरावृतौ शुक्तिकर्णाविक्षुपादौ शुचिमुक्ताफलेक्षणौ
dhenuvatsau ghṛtāsyau ca sitasūkṣmāmbarāvṛtau śuktikarṇāvikṣupādau śucimuktāphalekṣaṇau
The cow and calf have mouths of ghee, and are covered with fine white cloth; their ears are of shell, their feet of sugarcane, their eyes of pure pearls.
AI translation rendered from the Sanskrit, not a published edition
MtP 82.8
सितसूत्रशिरालौ तौ सितकम्बलकम्बलौ ताम्रगण्डकपृष्ठौ तौ सितचामररोमकौ
sitasūtraśirālau tau sitakambalakambalau tāmragaṇḍakapṛṣṭhau tau sitacāmararomakau
The two have veins of white thread and white woollen cloth for their dewlap-blanket; their backs are (set) with copper coins, and their hairs are of white chowrie.
AI translation rendered from the Sanskrit, not a published edition — the model flagged this verse as uncertain
MtP 82.9
विद्रुमभ्रूयुगोपेतौ नवनीतस्तनावुभौ क्षौमपुच्छौ कांस्यदोहाव् इन्द्रनीलकतारकौ
vidrumabhrūyugopetau navanītastanāvubhau kṣaumapucchau kāṃsyadohāv indranīlakatārakau
They are furnished with a pair of eyebrows of coral, both have udders of fresh butter, tails of linen, milk-pails of bronze, and pupils of sapphire.
AI translation rendered from the Sanskrit, not a published edition
MtP 82.10
सुवर्णशृङ्गाभरणौ राजतैः खुरसंयुतौ नानाफलसमायुक्तौ घ्राणगन्धकरण्डकौ इत्येवं रचयित्वा तौ धूपदीपैरथार्चयेत्
suvarṇaśṛṅgābharaṇau rājataiḥ khurasaṃyutau nānāphalasamāyuktau ghrāṇagandhakaraṇḍakau ityevaṃ racayitvā tau dhūpadīpairathārcayet
Their horns are adorned with gold, they are provided with hooves of silver, joined with various fruits, with caskets of fragrance for the nose. Having arranged the two in just this way, one should then worship them with incense and lamps.
AI translation rendered from the Sanskrit, not a published edition
MtP 82.11
या लक्ष्मीः सर्वभूतानां या च देवेष्ववस्थिता धेनुरूपेण सा देवी मम शान्तिं प्रयच्छतु
yā lakṣmīḥ sarvabhūtānāṃ yā ca deveṣvavasthitā dhenurūpeṇa sā devī mama śāntiṃ prayacchatu
The Lakṣmī who belongs to all beings, and she who abides among the gods — may that goddess, in the form of a cow, grant me peace.
AI translation rendered from the Sanskrit, not a published edition
MtP 82.12
देहस्था या च रुद्राणी शंकरस्य सदा प्रिया धेनुरूपेण सा देवी मम पापं व्यपोहतु
dehasthā yā ca rudrāṇī śaṃkarasya sadā priyā dhenurūpeṇa sā devī mama pāpaṃ vyapohatu
And Rudrāṇī, who dwells in the body, ever dear to Śaṃkara — may that goddess, in the form of a cow, drive away my sin.
AI translation rendered from the Sanskrit, not a published edition
MtP 82.13
विष्णोर्वक्षसि या लक्ष्मीः स्वाहा या च विभावसोः चन्द्रार्कशक्रशक्तिर्या धेनुरूपास्तु सा श्रिये
viṣṇorvakṣasi yā lakṣmīḥ svāhā yā ca vibhāvasoḥ candrārkaśakraśaktiryā dhenurūpāstu sā śriye
The Lakṣmī who is on Viṣṇu's breast, and Svāhā who belongs to the fire, and she who is the power of the moon, the sun and Śakra — may she, in the form of a cow, be (a source of) prosperity.
AI translation rendered from the Sanskrit, not a published edition
MtP 82.14
चतुर्मुखस्य या लक्ष्मीर् या लक्ष्मीर्धनदस्य च लक्ष्मीर्या लोकपालानां सा धेनुर्वरदास्तु मे
caturmukhasya yā lakṣmīr yā lakṣmīrdhanadasya ca lakṣmīryā lokapālānāṃ sā dhenurvaradāstu me
The Lakṣmī of the four-faced one, and the Lakṣmī of the giver of wealth, and the Lakṣmī of the world-guardians — may that cow be a granter of boons to me.
AI translation rendered from the Sanskrit, not a published edition
MtP 82.15
स्वधा या पितृमुख्याणां स्वाहा यज्ञभुजां च या सर्वपापहरा धेनुस् तस्माच्छान्तिं प्रयच्छ मे
svadhā yā pitṛmukhyāṇāṃ svāhā yajñabhujāṃ ca yā sarvapāpaharā dhenus tasmācchāntiṃ prayaccha me
She who is Svadhā of the chief among the fathers, and she who is Svāhā of the eaters of the sacrifice — the cow is the remover of all sins; therefore grant me peace.
AI translation rendered from the Sanskrit, not a published edition
MtP 82.16
एवमामन्त्र्य तां धेनुं ब्राह्मणाय निवेदयेत् विधानमेतद्धेनूनां सर्वासाम् अभिपठ्यते
evamāmantrya tāṃ dhenuṃ brāhmaṇāya nivedayet vidhānametaddhenūnāṃ sarvāsām abhipaṭhyate
Having thus invoked her, one should present that cow to a brahmin. This is declared to be the procedure for all the (kinds of) cows.
AI translation rendered from the Sanskrit, not a published edition
MtP 82.17
यास्ताः पापविनाशिन्यः पठ्यन्ते दश धेनवः तासां स्वरूपं वक्ष्यामि नामानि च नराधिप
yāstāḥ pāpavināśinyaḥ paṭhyante daśa dhenavaḥ tāsāṃ svarūpaṃ vakṣyāmi nāmāni ca narādhipa
Those ten cows which are recited as destroyers of sin — I shall tell their forms and their names, O lord of men.
AI translation rendered from the Sanskrit, not a published edition
MtP 82.18
प्रथमा गुडधेनुः स्याद् घृतधेनुस् तथापरा तिलधेनुस्तृतीया तु चतुर्थी जलसंज्ञिता
prathamā guḍadhenuḥ syād ghṛtadhenus tathāparā tiladhenustṛtīyā tu caturthī jalasaṃjñitā
The first should be the jaggery-cow, the next likewise the ghee-cow, the third the sesame-cow, and the fourth is called the water(-cow).
AI translation rendered from the Sanskrit, not a published edition
MtP 82.19
क्षीरधेनुश्च विख्याता मधुधेनुस्तथा परा सप्तमी शर्कराधेनुर् दधिधेनुस्तथाष्टमी रसधेनुश्च नवमी दशमी स्यात् स्वरूपतः
kṣīradhenuśca vikhyātā madhudhenustathā parā saptamī śarkarādhenur dadhidhenustathāṣṭamī rasadhenuśca navamī daśamī syāt svarūpataḥ
And the milk-cow is well known, and likewise the honey-cow as the next; the seventh is the sugar-cow, the eighth likewise the curd-cow, and the ninth the juice-cow; the tenth should be (so named) after its own substance.
AI translation rendered from the Sanskrit, not a published edition — the model flagged this verse as uncertain
MtP 82.20
कुम्भाः स्युर्द्रवधेनूनाम् इतरासां तु राशयः सुवर्णधेनुमप्यत्र केचिदिच्छन्ति भानवः
kumbhāḥ syurdravadhenūnām itarāsāṃ tu rāśayaḥ suvarṇadhenumapyatra kecidicchanti bhānavaḥ
For the liquid cows there should be pots, but for the others heaps; some Bhānus (descendants of Bhānu) wish for a gold cow here as well.
AI translation rendered from the Sanskrit, not a published edition — the model flagged this verse as uncertain
MtP 82.21
नवनीतेन रत्नैश्च तथान्ये तु महर्षयः एतदेवंविधानं स्यात् त एवोपस्कराः स्मृताः
navanītena ratnaiśca tathānye tu maharṣayaḥ etadevaṃvidhānaṃ syāt ta evopaskarāḥ smṛtāḥ
And still other great sages (wish it made) with fresh butter and with jewels. The procedure should be just this; those same things are held to be the accessories.
AI translation rendered from the Sanskrit, not a published edition — the model flagged this verse as uncertain
MtP 82.22
मन्त्रावाहनसंयुक्ताः सदा पर्वणि पर्वणि यथाश्रद्धं प्रदातव्या भुक्तिमुक्तिफलप्रदाः
mantrāvāhanasaṃyuktāḥ sadā parvaṇi parvaṇi yathāśraddhaṃ pradātavyā bhuktimuktiphalapradāḥ
Joined with the mantras of invocation, they are to be given always at each festival juncture, according to one's faith; they bestow the fruit of enjoyment and liberation.
AI translation rendered from the Sanskrit, not a published edition
MtP 82.23
गुडधेनुप्रसङ्गेन सर्वास्तावन्मयोदिताः अशेषयज्ञफलदाः सर्वाः पापहराः शुभाः
guḍadhenuprasaṅgena sarvāstāvanmayoditāḥ aśeṣayajñaphaladāḥ sarvāḥ pāpaharāḥ śubhāḥ
In connection with the jaggery-cow, all of them have thus been described by me; all are auspicious, removers of sin, giving the fruit of every sacrifice.
AI translation rendered from the Sanskrit, not a published edition
MtP 82.24
व्रतानामुत्तमं यस्माद् विशोकद्वादशीव्रतम् तदङ्गत्वेन चैवात्र गुडधेनुः प्रशस्यते
vratānāmuttamaṃ yasmād viśokadvādaśīvratam tadaṅgatvena caivātra guḍadhenuḥ praśasyate
Since the best of the vows is the sorrowless-twelfth vow, the jaggery-cow is here commended as a part of it.
AI translation rendered from the Sanskrit, not a published edition
MtP 82.25
अयने विषुवे पुण्ये व्यतीपाते ऽथवा पुनः गुडधेन्वादयो देयास् तूपरागादिपर्वसु
ayane viṣuve puṇye vyatīpāte 'thavā punaḥ guḍadhenvādayo deyās tūparāgādiparvasu
At a solstice, at an equinox, on an auspicious vyatīpāta, or again, the molasses-cow and the rest should be given at eclipses and other conjunctions.
AI translation rendered from the Sanskrit, not a published edition
MtP 82.26
विशोकद्वादशी चैषा पुण्या पापहरा शुभा यामुपोष्य नरो याति तद्विष्णोः परमं पदम्
viśokadvādaśī caiṣā puṇyā pāpaharā śubhā yāmupoṣya naro yāti tadviṣṇoḥ paramaṃ padam
And this Viśokā Dvādaśī is meritorious, remover of sin, auspicious; by fasting on it a man goes to that highest station of Viṣṇu.
AI translation rendered from the Sanskrit, not a published edition
MtP 82.27
इह लोके च सौभाग्यम् आयुरारोग्यमेव च वैष्णवं पुरमाप्नोति मरणे च स्मरन्हरिम्
iha loke ca saubhāgyam āyurārogyameva ca vaiṣṇavaṃ puramāpnoti maraṇe ca smaranharim
And in this world (he obtains) good fortune, long life and health as well; and remembering Hari at death, he attains the city of Viṣṇu.
AI translation rendered from the Sanskrit, not a published edition
MtP 82.28
नवार्बुदसहस्राणि दश चाष्टौ च धर्मवित् न शोकदुःखदौर्गत्यं तस्य संजायते नृप
navārbudasahasrāṇi daśa cāṣṭau ca dharmavit na śokaduḥkhadaurgatyaṃ tasya saṃjāyate nṛpa
For nine thousand arbudas, and ten and eight (more), O knower of dharma — no grief, pain or misfortune arises for him, O king.
AI translation rendered from the Sanskrit, not a published edition — the model flagged this verse as uncertain
MtP 82.29
नारी वा कुरुते या तु विशोकद्वादशीव्रतम् नृत्यगीतपरा नित्यं सापि तत्फलमाप्नुयात्
nārī vā kurute yā tu viśokadvādaśīvratam nṛtyagītaparā nityaṃ sāpi tatphalamāpnuyāt
And whatever woman performs the Viśokā Dvādaśī observance, being constantly devoted to dance and song, she too obtains that fruit.
AI translation rendered from the Sanskrit, not a published edition
MtP 82.30
तस्मादग्रे हरेर्नित्यम् अनन्तं गीतवादनम् कर्तव्यं भूतिकामेन भक्त्या तु परया नृप
tasmādagre harernityam anantaṃ gītavādanam kartavyaṃ bhūtikāmena bhaktyā tu parayā nṛpa
Therefore, by one who desires prosperity, endless song and instrumental music should always be performed before Hari with supreme devotion, O king.
AI translation rendered from the Sanskrit, not a published edition
MtP 82.31
इति पठति य इत्थं यः शृणोतीह सम्यङ् मधुमुरनरकारेर् अर्चनं यश्च पश्येत् मतिमाप च जनानां यो ददातीन्द्रलोके वसति स विबुधौघैः पूज्यते कल्पमेकम्
iti paṭhati ya itthaṃ yaḥ śṛṇotīha samyaṅ madhumuranarakārer arcanaṃ yaśca paśyet matimāpa ca janānāṃ yo dadātīndraloke vasati sa vibudhaughaiḥ pūjyate kalpamekam
Whoever thus recites in this way, whoever here hears (it) properly, and whoever looks upon the worship of the foe of Madhu, Mura and Naraka, and whoever imparts understanding to people — he dwells in Indra's world and is honoured by the throngs of gods for one kalpa.
AI translation rendered from the Sanskrit, not a published edition