Matsya Purana — Chapter 72
MtP 72.1
शृणु चान्यद्भविष्यं यद् रूपसम्पद्विधायकम् भविष्यति युगे तस्मिन् द्वापरान्ते पितामह पिप्पलादस्य संवादो युधिष्ठिरपुरःसरैः
śṛṇu cānyadbhaviṣyaṃ yad rūpasampadvidhāyakam bhaviṣyati yuge tasmin dvāparānte pitāmaha pippalādasya saṃvādo yudhiṣṭhirapuraḥsaraiḥ
And hear another thing that is to come, which confers beauty and prosperity: in that age, at the end of the Dvāpara, O grandfather, there will be a conversation of Pippalāda with those led by Yudhiṣṭhira.
AI translation rendered from the Sanskrit, not a published edition
MtP 72.2
वसन्तं नैमिषारण्ये पिप्पलादं महामुनिम् अभिगम्य तदा चैनं प्रश्नमेकं करिष्यति युधिष्ठिरो धर्मपुत्रो धर्मयुक्तस्तपोधनम्
vasantaṃ naimiṣāraṇye pippalādaṃ mahāmunim abhigamya tadā cainaṃ praśnamekaṃ kariṣyati yudhiṣṭhiro dharmaputro dharmayuktastapodhanam
Then Yudhiṣṭhira, the son of Dharma, endowed with dharma, having approached the great sage Pippalāda, dwelling in the Naimiṣa forest, whose wealth is asceticism, will put one question to him.
AI translation rendered from the Sanskrit, not a published edition
MtP 72.3
कथमारोग्यमैश्वर्यं मतिर्धर्मे गतिस्तथा अव्यङ्गता शिवे भक्तिर् वैष्णवो वा भवेत्कथम्
kathamārogyamaiśvaryaṃ matirdharme gatistathā avyaṅgatā śive bhaktir vaiṣṇavo vā bhavetkatham
"How (are there) health and lordship, and a mind (set) on dharma, and (good) destiny, freedom from bodily defect, devotion to Śiva — or how may one become a Vaiṣṇava?"
AI translation rendered from the Sanskrit, not a published edition
MtP 72.4
तस्योत्तरमिदं ब्रह्मन् पिप्पलादस्य धीमतः शृणुष्व यद्वक्ष्यति वै धर्मपुत्राय धार्मिकः
tasyottaramidaṃ brahman pippalādasya dhīmataḥ śṛṇuṣva yadvakṣyati vai dharmaputrāya dhārmikaḥ
Hear, O brahmin, this answer of the wise Pippalāda, what that righteous one will say to the son of Dharma.
AI translation rendered from the Sanskrit, not a published edition
MtP 72.5
साधु पृष्टं त्वया भद्र इदानीं कथयामि ते अङ्गारव्रतम् इत्येतत् स वक्ष्यति महीपतेः
sādhu pṛṣṭaṃ tvayā bhadra idānīṃ kathayāmi te aṅgāravratam ityetat sa vakṣyati mahīpateḥ
"Well have you asked, good sir; now I shall tell you" — thus he will speak to the king of this, the Aṅgāra vow.
AI translation rendered from the Sanskrit, not a published edition
MtP 72.6
अत्राप्युदाहरन्तीमम् इतिहासं पुरातनम् विरोचनस्य संवादं भार्गवस्य च धीमतः
atrāpyudāharantīmam itihāsaṃ purātanam virocanasya saṃvādaṃ bhārgavasya ca dhīmataḥ
On this too they relate this ancient tale, the conversation of Virocana and of the wise descendant of Bhṛgu.
AI translation rendered from the Sanskrit, not a published edition
MtP 72.7
प्रह्लादस्य सुतं दृष्ट्वा द्विरष्टपरिवत्सरम् रूपेणाप्रतिमं कान्त्या सो ऽहसद्भृगुनन्दनः
prahlādasya sutaṃ dṛṣṭvā dviraṣṭaparivatsaram rūpeṇāpratimaṃ kāntyā so 'hasadbhṛgunandanaḥ
Seeing Prahlāda's son, sixteen years of age, unequalled in form and in loveliness, that son of Bhṛgu laughed.
AI translation rendered from the Sanskrit, not a published edition
MtP 72.8
साधु साधु महाबाहो विरोचन शिवं तव तत्तथा हसितं तस्य पप्रच्छ सुरसूदनः
sādhu sādhu mahābāho virocana śivaṃ tava tattathā hasitaṃ tasya papraccha surasūdanaḥ
"Bravo, bravo, mighty-armed Virocana, may it be well with you!" — (Virocana,) the slayer of the gods, asked him about that laughter of his.
AI translation rendered from the Sanskrit, not a published edition
MtP 72.9
ब्रह्मन्किमर्थमेतत्ते हास्यमाकस्मिकं कृतम् साधुसाध्विति मामेवम् उक्तवांस्त्वं वदस्व मे
brahmankimarthametatte hāsyamākasmikaṃ kṛtam sādhusādhviti māmevam uktavāṃstvaṃ vadasva me
"O brahmin, for what purpose was this sudden laughter of yours made? You said to me thus, 'Bravo, bravo' — tell me!"
AI translation rendered from the Sanskrit, not a published edition
MtP 72.10
तमेवंवादिनं शुक्र उवाच वदतां वरः विस्मयाद्व्रतमाहात्म्याद् धास्यमेतत्कृतं मया
tamevaṃvādinaṃ śukra uvāca vadatāṃ varaḥ vismayādvratamāhātmyād dhāsyametatkṛtaṃ mayā
To him who spoke thus Śukra, best of speakers, said: "This laughter was made by me out of astonishment at the greatness of a vow.
AI translation rendered from the Sanskrit, not a published edition
MtP 72.11
पुरा दक्षविनाशाय कुपितस्य तु शूलिनः अथ तद्भीमवक्त्रस्य स्वेदबिन्दुर्ललाटजः
purā dakṣavināśāya kupitasya tu śūlinaḥ atha tadbhīmavaktrasya svedabindurlalāṭajaḥ
"Long ago, when the trident-bearer was enraged for the destruction of Dakṣa, then from the forehead of that terrible-faced one (came) a drop of sweat,
AI translation rendered from the Sanskrit, not a published edition
MtP 72.12
भित्त्वा स सप्त पातालान् अदहत्सप्त सागरान् अनेकवक्त्रनयनो ज्वलज्ज्वलनभीषणः
bhittvā sa sapta pātālān adahatsapta sāgarān anekavaktranayano jvalajjvalanabhīṣaṇaḥ
Having split the seven nether worlds, he burned up the seven oceans — many-mouthed and many-eyed, terrifying with blazing fire.
AI translation rendered from the Sanskrit, not a published edition
MtP 72.13
वीरभद्र इति ख्यातः करपादायुतैर्युतः कृत्वासौ यज्ञमथनं पुनर्भूतलसम्भवः त्रिजगन्निर्दहन्भूयः शिवेन विनिवारितः
vīrabhadra iti khyātaḥ karapādāyutairyutaḥ kṛtvāsau yajñamathanaṃ punarbhūtalasambhavaḥ trijagannirdahanbhūyaḥ śivena vinivāritaḥ
Known as Vīrabhadra, furnished with ten thousand hands and feet, he, having wrecked the sacrifice, was again born on the surface of the earth; and as he was burning up the three worlds once more, he was restrained by Śiva.
AI translation rendered from the Sanskrit, not a published edition
MtP 72.14
कृतं त्वया वीरभद्र दक्षयज्ञविनाशनम् इदानीमलमेतेन लोकदाहेन कर्मणा
kṛtaṃ tvayā vīrabhadra dakṣayajñavināśanam idānīmalametena lokadāhena karmaṇā
"You have accomplished, Vīrabhadra, the destruction of Dakṣa's sacrifice; now enough of this deed of burning the worlds.
AI translation rendered from the Sanskrit, not a published edition
MtP 72.15
शान्तिप्रदाता सर्वेषां ग्रहाणां प्रथमो भव प्रेक्षिष्यन्ते जनाः पूजां करिष्यन्ति वरान्मम
śāntipradātā sarveṣāṃ grahāṇāṃ prathamo bhava prekṣiṣyante janāḥ pūjāṃ kariṣyanti varānmama
Become the giver of peace, the first among the planets; people will gaze (upon you) and will do (you) worship, by my boons.
AI translation rendered from the Sanskrit, not a published edition
MtP 72.16
अङ्गारक इति ख्यातिं गमिष्यसि धरात्मज देवलोके ऽद्वितीयं च तव रूपं भविष्यति
aṅgāraka iti khyātiṃ gamiṣyasi dharātmaja devaloke 'dvitīyaṃ ca tava rūpaṃ bhaviṣyati
You will attain fame as Aṅgāraka, son of Earth, and in the world of the gods your form will be without a second.
AI translation rendered from the Sanskrit, not a published edition
MtP 72.17
ये च त्वां पूजयिष्यन्ति चतुर्थ्यां त्वद्दिने नराः रूपमारोग्यमैश्वर्यं तेष्वनन्तं भविष्यति
ye ca tvāṃ pūjayiṣyanti caturthyāṃ tvaddine narāḥ rūpamārogyamaiśvaryaṃ teṣvanantaṃ bhaviṣyati
And those men who worship you on the fourth day, on your day, in them there will be endless beauty, health and lordship."
AI translation rendered from the Sanskrit, not a published edition
MtP 72.18
एवमुक्तस्तदा शान्तिम् अगमत् कामरूपधृक् संजातस्तत्क्षणाद्राजन् ग्रहत्वम् अगमत्पुनः
evamuktastadā śāntim agamat kāmarūpadhṛk saṃjātastatkṣaṇādrājan grahatvam agamatpunaḥ
Addressed thus, he then attained peace, taking on a form at will; and having come into being, from that very moment, O king, he again attained the status of a planet.
AI translation rendered from the Sanskrit, not a published edition
MtP 72.19
स कदाचिद्भवांस्तस्य पूजार्घ्यादिकमुत्तमम् दृष्टवान्क्रियमाणं च शूद्रेण च व्यवस्थितः
sa kadācidbhavāṃstasya pūjārghyādikamuttamam dṛṣṭavānkriyamāṇaṃ ca śūdreṇa ca vyavasthitaḥ
You, sir, at some time saw the excellent worship, water-offering and the rest of him being performed by a śūdra, and you stood by (watching).
AI translation rendered from the Sanskrit, not a published edition
MtP 72.20
तेन त्वं रूपवाञ्जातः सुरशत्रुकुलोद्वह विविधा च रुचिर्जाता यस्मात्तव विदूरगा
tena tvaṃ rūpavāñjātaḥ suraśatrukulodvaha vividhā ca rucirjātā yasmāttava vidūragā
By that you were born possessed of beauty, O upholder of the race of the gods' foes, and your manifold radiance arose, which reaches far.
AI translation rendered from the Sanskrit, not a published edition
MtP 72.21
विरोचन इति प्राहुस् तस्मात्त्वां देवदानवाः शूद्रेण क्रियमाणस्य व्रतस्य तव दर्शनात् ईदृशीं रूपसम्पत्तिं दृष्ट्वा विस्मितवानहम्
virocana iti prāhus tasmāttvāṃ devadānavāḥ śūdreṇa kriyamāṇasya vratasya tava darśanāt īdṛśīṃ rūpasampattiṃ dṛṣṭvā vismitavānaham
Therefore the gods and dānavas call you Virocana; because of your seeing the observance performed by a śūdra — seeing such an abundance of beauty (arise from it), I was amazed.
AI translation rendered from the Sanskrit, not a published edition — the model flagged this verse as uncertain
MtP 72.22
साधु साध्विति तेनोक्तम् अहो माहात्म्यमुत्तमम् पश्यतो ऽपि भवेद्रूपम् ऐश्वर्यं किमु कुर्वतः
sādhu sādhviti tenoktam aho māhātmyamuttamam paśyato 'pi bhavedrūpam aiśvaryaṃ kimu kurvataḥ
"Well done, well done!" was said by him. "Ah, this excellence of greatness! If even for one who (merely) looks on there is beauty and lordship, how much more for one who performs (it)!"
AI translation rendered from the Sanskrit, not a published edition
MtP 72.23
यस्माच्च भक्त्या धरणीसुतस्य विनिन्द्यमानेन गवादिदानम् आलोकितं तेन सुरारिगर्भे सम्भूतिरेषा तव दैत्य जाता
yasmācca bhaktyā dharaṇīsutasya vinindyamānena gavādidānam ālokitaṃ tena surārigarbhe sambhūtireṣā tava daitya jātā
And because with devotion the gift of cows and the rest, made by one who was being reviled, was beheld by (you), by that this birth of yours in the womb of a foe of the gods came about, O Daitya, (through the grace) of the son of Earth.
AI translation rendered from the Sanskrit, not a published edition — the model flagged this verse as uncertain
MtP 72.24
अथ तद्वचनं श्रुत्वा भार्गवस्य महात्मनः प्रह्रादनन्दनो वीरः पुनः पप्रच्छ विस्मितः
atha tadvacanaṃ śrutvā bhārgavasya mahātmanaḥ prahrādanandano vīraḥ punaḥ papraccha vismitaḥ
Then, having heard that speech of the great-souled descendant of Bhṛgu, the hero, son of Prahrāda, amazed, asked again:
AI translation rendered from the Sanskrit, not a published edition
MtP 72.25
भगवंस्तद्व्रतं सम्यक् श्रोतुमिच्छामि तत्त्वतः दीयमानं तु यद्दानं मया दृष्टं भवान्तरे
bhagavaṃstadvrataṃ samyak śrotumicchāmi tattvataḥ dīyamānaṃ tu yaddānaṃ mayā dṛṣṭaṃ bhavāntare
"Lord, I wish to hear that observance fully and truly — the gift that was being given, which I saw in another existence.
AI translation rendered from the Sanskrit, not a published edition
MtP 72.26
माहात्म्यं च विधिं तस्य यथावद्वक्तुमर्हसि इति तद्वचनं श्रुत्वा पुनः प्रोवाच विस्तरात्
māhātmyaṃ ca vidhiṃ tasya yathāvadvaktumarhasi iti tadvacanaṃ śrutvā punaḥ provāca vistarāt
And you should tell, as it is, its greatness and its procedure." Having heard that speech (of his), he spoke again at length:
AI translation rendered from the Sanskrit, not a published edition
MtP 72.27
चतुर्थ्यङ्गारकदिने यदा भवति दानव मृदा स्नानं तदा कुर्यात् पद्मरागविभूषितः
caturthyaṅgārakadine yadā bhavati dānava mṛdā snānaṃ tadā kuryāt padmarāgavibhūṣitaḥ
"When the fourth falls on the day of Aṅgāraka, O dānava, then one should bathe with clay, adorned with a ruby.
AI translation rendered from the Sanskrit, not a published edition
MtP 72.28
अग्निर्मूर्धा दिवो मन्त्रं जपन्नास्ते उदङ्मुखः शूद्रस्तूष्णीं स्मरन्भौमम् आस्ते भोगविवर्जितः
agnirmūrdhā divo mantraṃ japannāste udaṅmukhaḥ śūdrastūṣṇīṃ smaranbhaumam āste bhogavivarjitaḥ
Facing north, he remains muttering the mantra "Fire is the head of heaven"; a śūdra remains silent, calling Bhauma to mind, abstaining from enjoyments.
AI translation rendered from the Sanskrit, not a published edition
MtP 72.29
तथास्तमित आदित्ये गोमयेनानुलेपयेत् प्राङ्गणं पुष्पमालाभिर् अक्षताभिः समन्ततः
tathāstamita āditye gomayenānulepayet prāṅgaṇaṃ puṣpamālābhir akṣatābhiḥ samantataḥ
Likewise, when the sun has set, he should smear the forecourt with cow-dung, (and cover it) all around with flower garlands and unbroken grains.
AI translation rendered from the Sanskrit, not a published edition
MtP 72.30
अभ्यर्च्याभिलिखेत्पद्मं कुङ्कुमेनाष्टपत्त्रकम् कुङ्कुमस्याप्यभावे तु रक्तचन्दनमिष्यते
abhyarcyābhilikhetpadmaṃ kuṅkumenāṣṭapattrakam kuṅkumasyāpyabhāve tu raktacandanamiṣyate
Having worshipped, he should draw an eight-petalled lotus with saffron; but in the absence of saffron, red sandal is prescribed.
AI translation rendered from the Sanskrit, not a published edition
MtP 72.31
चत्वारः करकाः कार्या भक्ष्यभोज्यसमन्विताः तण्डुलै रक्तशालीयैः पद्मरागैश्च संयुताः
catvāraḥ karakāḥ kāryā bhakṣyabhojyasamanvitāḥ taṇḍulai raktaśālīyaiḥ padmarāgaiśca saṃyutāḥ
Four water-jars are to be prepared, provided with food to chew and food to eat, filled with grains of red rice and with rubies.
AI translation rendered from the Sanskrit, not a published edition
MtP 72.32
चतुष्कोणेषु तान्कृत्वा फलानि विविधानि च गन्धमाल्यादिकं सर्वं तथैव विनिवेदयेत्
catuṣkoṇeṣu tānkṛtvā phalāni vividhāni ca gandhamālyādikaṃ sarvaṃ tathaiva vinivedayet
Having set them at the four corners, along with fruits of various kinds, he should present in the same way all the perfume, garlands and the rest.
AI translation rendered from the Sanskrit, not a published edition
MtP 72.33
सुवर्णशृङ्गीं कपिलाम् अथार्च्य रौप्यैः सुरैः कांस्यदोहां सवत्साम् धुरंधरं रक्तमतीव सौम्यं धान्यानि सप्ताम्बरसंयुतानि
suvarṇaśṛṅgīṃ kapilām athārcya raupyaiḥ suraiḥ kāṃsyadohāṃ savatsām dhuraṃdharaṃ raktamatīva saumyaṃ dhānyāni saptāmbarasaṃyutāni
Then, having worshipped a tawny cow with golden horns, with silver hooves, with a bronze milking-pail, together with her calf, and a yoke-bearing bull, red and exceedingly gentle, and the seven grains together with garments —
AI translation rendered from the Sanskrit, not a published edition — the model flagged this verse as uncertain
MtP 72.34
अङ्गुष्ठमात्रं पुरुषं तथैव सौवर्णमत्यायतबाहुदण्डम् चतुर्भुजं हेममये निविष्टं पात्रे गुडस्योपरि सर्पियुक्ते
aṅguṣṭhamātraṃ puruṣaṃ tathaiva sauvarṇamatyāyatabāhudaṇḍam caturbhujaṃ hemamaye niviṣṭaṃ pātre guḍasyopari sarpiyukte
and likewise a golden man of the size of a thumb, with very long arms, four-armed, set in a golden vessel upon jaggery mixed with ghee —
AI translation rendered from the Sanskrit, not a published edition
MtP 72.35
समस्तयज्ञाय जितेन्द्रियाय पात्राय शीलान्वयसंयुताय दातव्यमेतत्सकलं द्विजाय कुटुम्बिने नैव तु दाम्भिकाय समर्पयेद्विप्रवराय भक्त्या कृताञ्जलिः पूर्वमुदीर्य मन्त्रम्
samastayajñāya jitendriyāya pātrāya śīlānvayasaṃyutāya dātavyametatsakalaṃ dvijāya kuṭumbine naiva tu dāmbhikāya samarpayedvipravarāya bhaktyā kṛtāñjaliḥ pūrvamudīrya mantram
all this is to be given to a twice-born who is (like) the totality of sacrifice, who has conquered his senses, who is a worthy recipient, endowed with good conduct and (good) lineage, and a householder — but never to a hypocrite; one should present it with devotion to that best of brahmins, with joined palms, having first uttered the mantra:
AI translation rendered from the Sanskrit, not a published edition
MtP 72.36
भूमिपुत्र महाभाग स्वेदोद्भव पिनाकिनः रूपार्थी त्वां प्रपन्नो ऽहं गृहाणार्घ्यं नमो ऽस्तु ते
bhūmiputra mahābhāga svedodbhava pinākinaḥ rūpārthī tvāṃ prapanno 'haṃ gṛhāṇārghyaṃ namo 'stu te
"O son of the Earth, greatly blessed one, arisen from the sweat of the bearer of the Pināka, desiring beauty I have taken refuge in you; accept the offering of water, homage be to you."
AI translation rendered from the Sanskrit, not a published edition
MtP 72.37
मन्त्रेणानेन दत्त्वार्घ्यं रक्तचन्दनवारिणा ततो ऽर्चयेद्विप्रवरं रक्तमाल्याम्बरादिभिः
mantreṇānena dattvārghyaṃ raktacandanavāriṇā tato 'rcayedvipravaraṃ raktamālyāmbarādibhiḥ
Having given the water-offering with this mantra, with water containing red sandal, one should then worship the best of brahmins with red garlands, garments and the rest.
AI translation rendered from the Sanskrit, not a published edition
MtP 72.38
दद्यात्तेनैव मन्त्रेण भौमं गोमिथुनान्वितम् शय्यां च शक्तितो दद्यात् सर्वोपस्करसंयुताम्
dadyāttenaiva mantreṇa bhaumaṃ gomithunānvitam śayyāṃ ca śaktito dadyāt sarvopaskarasaṃyutām
With that same mantra he should give the (thing) belonging to Bhauma (Mars) together with a pair of cattle, and he should give, according to his ability, a bed furnished with all its accessories.
AI translation rendered from the Sanskrit, not a published edition
MtP 72.39
यद्यदिष्टतमं लोके यच्चास्य दयितं गृहे तत्तद्गुणवते देयं तदेवाक्षय्यमिच्छता
yadyadiṣṭatamaṃ loke yaccāsya dayitaṃ gṛhe tattadguṇavate deyaṃ tadevākṣayyamicchatā
Whatever is most desired in the world, and whatever is dear to him in his house — that very thing should be given to one possessed of merit by him who wishes it to be imperishable.
AI translation rendered from the Sanskrit, not a published edition
MtP 72.40
प्रदक्षिणं ततः कृत्वा विसर्ज्य द्विजपुंगवम् नक्तमक्षारलवणम् अश्नीयाद्घृतसंयुतम्
pradakṣiṇaṃ tataḥ kṛtvā visarjya dvijapuṃgavam naktamakṣāralavaṇam aśnīyādghṛtasaṃyutam
Then, having circumambulated (him) and dismissed that bull among the twice-born, at night he should eat food free of alkali and salt, mixed with ghee.
AI translation rendered from the Sanskrit, not a published edition
MtP 72.41
भक्त्या यस्तु पुनः कुर्याद् एवमङ्गारकाष्टकम् चतुरो वाथ वा तस्य यत्पुण्यं तद्वदामि ते
bhaktyā yastu punaḥ kuryād evamaṅgārakāṣṭakam caturo vātha vā tasya yatpuṇyaṃ tadvadāmi te
But whoever with devotion performs the Aṅgāraka rite thus eight times, or else four, the merit that is his I shall tell you.
AI translation rendered from the Sanskrit, not a published edition
MtP 72.42
रूपसौभाग्यसम्पन्नः पुनर्जन्मनि जन्मनि विष्णौ वाथ शिवे भक्तः सप्तद्वीपाधिपो भवेत्
rūpasaubhāgyasampannaḥ punarjanmani janmani viṣṇau vātha śive bhaktaḥ saptadvīpādhipo bhavet
Endowed with beauty and good fortune in birth after birth, devoted to Viṣṇu or to Śiva, he becomes lord of the seven continents;
AI translation rendered from the Sanskrit, not a published edition
MtP 72.43
सप्त कल्पसहस्राणि रुद्रलोके महीयते तस्मात्त्वमपि दैत्येन्द्र व्रतमेतत्समाचर
sapta kalpasahasrāṇi rudraloke mahīyate tasmāttvamapi daityendra vratametatsamācara
for seven thousand kalpas he is honoured in the world of Rudra. Therefore you too, O lord of the Daityas, carry out this observance.
AI translation rendered from the Sanskrit, not a published edition
MtP 72.44
इत्येवमुक्त्वा भृगुनन्दनो ऽपि जगाम दैत्यश्च चकार सर्वम् त्वं चापि राजन्कुरु सर्वमेतद् यतो ऽक्षयं वेदविदो वदन्ति
ityevamuktvā bhṛgunandano 'pi jagāma daityaśca cakāra sarvam tvaṃ cāpi rājankuru sarvametad yato 'kṣayaṃ vedavido vadanti
Having spoken thus, the son of Bhṛgu departed, and the Daitya performed it all. And you too, O king, do all this, since those who know the Vedas call it imperishable.
AI translation rendered from the Sanskrit, not a published edition
MtP 72.45
तथेति सम्पूज्य स पिप्पलादं वाक्यं चकाराद्भुतवीर्यकर्मा शृणोति यश्चैनमनन्यचेतास् तस्यापि सिद्धिं भगवान्विधत्ते
tatheti sampūjya sa pippalādaṃ vākyaṃ cakārādbhutavīryakarmā śṛṇoti yaścainamananyacetās tasyāpi siddhiṃ bhagavānvidhatte
Saying "So be it" and honouring Pippalāda, he of wondrous valour and deeds carried out the instruction; and for whoever hears this with undistracted mind, for him too the Lord brings about success.
AI translation rendered from the Sanskrit, not a published edition