Matsya Purana — Chapter 7
MtP 7.1
दितेः पुत्राः कथं जाता मरुतो देववल्लभाः देवैर्जग्मुश्च सापत्नैः कस्मात्ते सख्यमुत्तमम्
diteḥ putrāḥ kathaṃ jātā maruto devavallabhāḥ devairjagmuśca sāpatnaiḥ kasmātte sakhyamuttamam
How were the Maruts, sons of Diti, born as favourites of the gods? And how did they come to supreme friendship with the gods, who were their rivals?
AI translation rendered from the Sanskrit, not a published edition
MtP 7.2
पुरा देवासुरे युद्धे हृतेषु हरिणा सुरैः पुत्रपौत्रेषु शोकार्ता गत्वा भूलोकमुत्तमम्
purā devāsure yuddhe hṛteṣu hariṇā suraiḥ putrapautreṣu śokārtā gatvā bhūlokamuttamam
Formerly, in the war of gods and asuras, when her sons and grandsons had been carried off by Hari together with the gods, she, stricken with grief, went to the excellent world of earth,
AI translation rendered from the Sanskrit, not a published edition
MtP 7.3
स्यमन्तपञ्चके क्षेत्रे सरस्वत्यास्तटे शुभे भर्तुर् आराधनपरा तप उग्रं चचार ह
syamantapañcake kṣetre sarasvatyāstaṭe śubhe bhartur ārādhanaparā tapa ugraṃ cacāra ha
and in the field of Syamantapañcaka, on the auspicious bank of the Sarasvatī, intent on propitiating her husband, she performed fierce austerity.
AI translation rendered from the Sanskrit, not a published edition
MtP 7.4
तदा दितिर् दैत्यमाता ऋषिरूपेण सुव्रता फलाहारा तपस् तेपे कृच्छ्रं चान्द्रायणादिकम्
tadā ditir daityamātā ṛṣirūpeṇa suvratā phalāhārā tapas tepe kṛcchraṃ cāndrāyaṇādikam
Then Diti, mother of the daityas, of good vows, in the form of a seer, living on fruit, practised austerity — the hard cāndrāyaṇa and the rest,
AI translation rendered from the Sanskrit, not a published edition
MtP 7.5
यावद्वर्षशतं साग्रं जराशोकसमाकुला ततः सा तपसा तप्ता वसिष्ठादीनपृच्छत
yāvadvarṣaśataṃ sāgraṃ jarāśokasamākulā tataḥ sā tapasā taptā vasiṣṭhādīnapṛcchata
for a full hundred years, overcome with old age and grief. Then she, burned by her austerity, questioned Vasiṣṭha and the others:
AI translation rendered from the Sanskrit, not a published edition
MtP 7.6
कथयन्तु भवन्तो मे पुत्रशोकविनाशनम् व्रतं सौभाग्यफलदम् इहलोके परत्र च
kathayantu bhavanto me putraśokavināśanam vrataṃ saubhāgyaphaladam ihaloke paratra ca
"Let your honours tell me the vow that destroys grief for sons and that yields the fruit of good fortune, in this world and in the next."
AI translation rendered from the Sanskrit, not a published edition
MtP 7.7
ऊचुर् वसिष्ठप्रमुखा मदनद्वादशीव्रतम् यस्याः प्रभावादभवत् सुतशोकविवर्जिता
ūcur vasiṣṭhapramukhā madanadvādaśīvratam yasyāḥ prabhāvādabhavat sutaśokavivarjitā
Those headed by Vasiṣṭha spoke of the Madanadvādaśī vow, by whose power she became freed from grief for her sons.
AI translation rendered from the Sanskrit, not a published edition
MtP 7.8
श्रोतुमिच्छामहे सूत मदनद्वादशीव्रतम् सुतानेकोनपञ्चाशद् येन लेभे दितिः पुनः
śrotumicchāmahe sūta madanadvādaśīvratam sutānekonapañcāśad yena lebhe ditiḥ punaḥ
We wish to hear, Sūta, of the Madana-dvādaśī observance, by which Diti again obtained forty-nine sons.
AI translation rendered from the Sanskrit, not a published edition
MtP 7.9
यद्वसिष्ठादिभिः पूर्वं दितेः कथितमुत्तमम् विस्तरेण तदेवेदं मत्सकाशान्निबोधत
yadvasiṣṭhādibhiḥ pūrvaṃ diteḥ kathitamuttamam vistareṇa tadevedaṃ matsakāśānnibodhata
That excellent (rite) which was formerly told to Diti by Vasiṣṭha and the others — learn that very thing in detail from me.
AI translation rendered from the Sanskrit, not a published edition
MtP 7.10
चैत्रे मासि सिते पक्षे द्वादश्यां नियतव्रतः स्थापयेदव्रणं कुम्भं सिततण्डुलपूरितम्
caitre māsi site pakṣe dvādaśyāṃ niyatavrataḥ sthāpayedavraṇaṃ kumbhaṃ sitataṇḍulapūritam
In the month of Caitra, in the bright fortnight, on the twelfth day, one of steadfast vow should set up an unbroken pot filled with white rice.
AI translation rendered from the Sanskrit, not a published edition
MtP 7.11
नानाफलयुतं तद्वद् इक्षुदण्डसमन्वितम् सितवस्त्रयुगच्छन्नं सितचन्दनचर्चितम्
nānāphalayutaṃ tadvad ikṣudaṇḍasamanvitam sitavastrayugacchannaṃ sitacandanacarcitam
Likewise (the pot should be) furnished with various fruits and provided with a stalk of sugarcane, covered with a pair of white garments and smeared with white sandal paste.
AI translation rendered from the Sanskrit, not a published edition
MtP 7.12
नानाभक्ष्यसमोपेतं सहिरण्यं तु शक्तितः ताम्रपात्रं गुडोपेतं तस्योपरि निवेशयेत्
nānābhakṣyasamopetaṃ sahiraṇyaṃ tu śaktitaḥ tāmrapātraṃ guḍopetaṃ tasyopari niveśayet
Provided with various foods and, according to one's means, with gold; upon it one should place a copper vessel containing molasses.
AI translation rendered from the Sanskrit, not a published edition
MtP 7.13
तस्मादुपरि कामं तु कदलीदलसंस्थितम् कुर्याच्छर्करयोपेतां रतिं तस्य च वामतः
tasmādupari kāmaṃ tu kadalīdalasaṃsthitam kuryāccharkarayopetāṃ ratiṃ tasya ca vāmataḥ
Above that (one should place) Kāma, set upon a banana leaf, and one should make Rati, made with sugar, to his left.
AI translation rendered from the Sanskrit, not a published edition
MtP 7.14
गन्धं धूपं ततो दद्याद् गीतं वाद्यं च कारयेत् तदभावे कथां कुर्यात् कामकेशवयोर्नरः
gandhaṃ dhūpaṃ tato dadyād gītaṃ vādyaṃ ca kārayet tadabhāve kathāṃ kuryāt kāmakeśavayornaraḥ
Then one should offer perfume and incense, and have singing and instrumental music performed; in the absence of that, the man should recite the story of Kāma and Keśava.
AI translation rendered from the Sanskrit, not a published edition
MtP 7.15
कामनाम्ना हरेरर्चां स्नापयेद्गन्धवारिणा शुक्लपुष्पाक्षततिलैर् अर्चयेन्मधुसूदनम्
kāmanāmnā harerarcāṃ snāpayedgandhavāriṇā śuklapuṣpākṣatatilair arcayenmadhusūdanam
With the name Kāma one should bathe the image of Hari with scented water, and worship Madhusūdana with white flowers, unbroken rice grains and sesame.
AI translation rendered from the Sanskrit, not a published edition
MtP 7.16
कामाय पादौ सम्पूज्य जङ्घे सौभाग्यदाय च ऊरू स्मरायेति पुनर् मन्मथायेति वै कटिम्
kāmāya pādau sampūjya jaṅghe saubhāgyadāya ca ūrū smarāyeti punar manmathāyeti vai kaṭim
Having worshipped the feet with "To Kāma," the shanks with "To the giver of good fortune," the thighs with "To Smara," and again the hips with "To Manmatha,"
AI translation rendered from the Sanskrit, not a published edition
MtP 7.17
स्वच्छोदरायेत्युदरम् अनङ्गायेत्युरो हरेः मुखं पद्ममुखायेति बाहू पञ्चशराय वै
svacchodarāyetyudaram anaṅgāyetyuro hareḥ mukhaṃ padmamukhāyeti bāhū pañcaśarāya vai
the belly with "To him of the clear belly," the chest of Hari with "To Anaṅga," the face with "To the lotus-faced one," and the arms with "To him of the five arrows,"
AI translation rendered from the Sanskrit, not a published edition
MtP 7.18
नमः सर्वात्मने मौलिम् अर्चयेदिति केशवम् ततः प्रभाते तं कुम्भं ब्राह्मणाय निवेदयेत्
namaḥ sarvātmane maulim arcayediti keśavam tataḥ prabhāte taṃ kumbhaṃ brāhmaṇāya nivedayet
one should worship Keśava's head with "Homage to the Self of all"; then at dawn one should present that pot to a brahmin.
AI translation rendered from the Sanskrit, not a published edition
MtP 7.19
ब्राह्मणान्भोजयेद्भक्त्या स्वयं च लवणादृते भुक्त्या तु दक्षिणां दद्याद् इमं मन्त्रमुदीरयेत्
brāhmaṇānbhojayedbhaktyā svayaṃ ca lavaṇādṛte bhuktyā tu dakṣiṇāṃ dadyād imaṃ mantramudīrayet
One should feed brahmins with devotion, and eat oneself without salt; and after eating one should give a fee and utter this formula:
AI translation rendered from the Sanskrit, not a published edition
MtP 7.20
प्रीयताम् अत्र भगवान् कामरूपी जनार्दनः हृदये सर्वभूतानां य आनन्दो ऽभिधीयते
prīyatām atra bhagavān kāmarūpī janārdanaḥ hṛdaye sarvabhūtānāṃ ya ānando 'bhidhīyate
"May the Lord Janārdana, having the form of Kāma, be pleased herein — he who is called the bliss in the heart of all beings."
AI translation rendered from the Sanskrit, not a published edition
MtP 7.21
अनेन विधिना सर्वं मासि मासि व्रतं चरेत् उपवासी त्रयोदश्याम् अर्चयेद्विष्णुमव्ययम्
anena vidhinā sarvaṃ māsi māsi vrataṃ caret upavāsī trayodaśyām arcayedviṣṇumavyayam
By this procedure one should perform the whole observance month after month; fasting, on the thirteenth one should worship the imperishable Viṣṇu.
AI translation rendered from the Sanskrit, not a published edition
MtP 7.22
फलमेकं च संप्राश्य द्वादश्यां भूतले स्वपेत् ततस्त्रयोदशे मासि धृतधेनुसमन्विताम्
phalamekaṃ ca saṃprāśya dvādaśyāṃ bhūtale svapet tatastrayodaśe māsi dhṛtadhenusamanvitām
And having eaten a single fruit, on the twelfth one should sleep on the ground; then in the thirteenth month, together with a cow (and) ghee,
AI translation rendered from the Sanskrit, not a published edition
MtP 7.23
शय्यां दद्यादनङ्गाय सर्वोपस्करसंयुताम् काञ्चनं कामदेवं च शुक्लां गां च पयस्विनीम्
śayyāṃ dadyādanaṅgāya sarvopaskarasaṃyutām kāñcanaṃ kāmadevaṃ ca śuklāṃ gāṃ ca payasvinīm
one should give to Anaṅga a bed furnished with all its appurtenances, a golden Kāmadeva, and a white milch cow.
AI translation rendered from the Sanskrit, not a published edition
MtP 7.24
वासोभिर् द्विजदाम्पत्यं पूज्यं शक्त्या विभूषणैः शय्यागन्धादिकं दद्यात् प्रीयताम् इत्युदीरयेत्
vāsobhir dvijadāmpatyaṃ pūjyaṃ śaktyā vibhūṣaṇaiḥ śayyāgandhādikaṃ dadyāt prīyatām ityudīrayet
A brahmin couple is to be honoured with garments and, according to means, with ornaments; one should give the bed, perfumes and the rest, and say "May (he) be pleased."
AI translation rendered from the Sanskrit, not a published edition
MtP 7.25
होमः शुक्लतिलैः कार्यः कामनामानि कीर्तयेत् गव्येन हविषा तद्वत् पायसेन च धर्मवित्
homaḥ śuklatilaiḥ kāryaḥ kāmanāmāni kīrtayet gavyena haviṣā tadvat pāyasena ca dharmavit
The oblation is to be made with white sesame, and one should recite the names of Kāma; likewise the knower of dharma (should offer) with cow-ghee oblation and with milk-rice.
AI translation rendered from the Sanskrit, not a published edition
MtP 7.26
विप्रेभ्यो भोजनं दद्याद् वित्तशाठ्यं विवर्जयेत् इक्षुदण्डानथो दद्यात् पुष्पमालाश् च शक्तितः
viprebhyo bhojanaṃ dadyād vittaśāṭhyaṃ vivarjayet ikṣudaṇḍānatho dadyāt puṣpamālāś ca śaktitaḥ
One should give food to the brahmins and avoid stinginess with wealth; and then one should give sugarcane stalks and flower garlands according to one's means.
AI translation rendered from the Sanskrit, not a published edition
MtP 7.27
यः कुर्याद् विधिनानेन मदनद्वादशीमिमाम् स सर्वपापनिर्मुक्तः प्राप्नोति हरिसाम्यताम्
yaḥ kuryād vidhinānena madanadvādaśīmimām sa sarvapāpanirmuktaḥ prāpnoti harisāmyatām
He who performs this Madana-dvādaśī by this procedure is freed from all sins and attains equality with Hari.
AI translation rendered from the Sanskrit, not a published edition
MtP 7.28
इहलोके वरान् पुत्रान् सौभाग्यफलम् अश्नुते यः स्मरः संस्मृतो विष्णुर् आनन्दात्मा महेश्वरः
ihaloke varān putrān saubhāgyaphalam aśnute yaḥ smaraḥ saṃsmṛto viṣṇur ānandātmā maheśvaraḥ
In this world she obtains excellent sons and the fruit of good fortune — (that) Smara who, when remembered, is Viṣṇu, whose nature is bliss, the Great Lord.
AI translation rendered from the Sanskrit, not a published edition — the model flagged this verse as uncertain
MtP 7.29
सुखार्थी कामरूपेण स्मरेदङ्गजमीश्वरम् एतच्छ्रुत्वा चकारासौ दितिः सर्वमशेषतः
sukhārthī kāmarūpeṇa smaredaṅgajamīśvaram etacchrutvā cakārāsau ditiḥ sarvamaśeṣataḥ
One who seeks pleasure should remember the Lord born of the body (Kāma) in the form of desire. Having heard this, that Diti did it all, completely.
AI translation rendered from the Sanskrit, not a published edition
MtP 7.30
कश्यपो व्रतमाहात्म्याद् आगत्य परया मुदा चकार कर्कशां भूयो रूपयौवनशालिनीम्
kaśyapo vratamāhātmyād āgatya parayā mudā cakāra karkaśāṃ bhūyo rūpayauvanaśālinīm
By the power of the vow Kaśyapa came with the greatest delight and made Karkaśā once again endowed with beauty and youth.
AI translation rendered from the Sanskrit, not a published edition
MtP 7.31
वरैर् आछन्दयामास सा तु वव्रे ततो वरम् पुत्रं शक्रवधार्थाय समर्थममितौजसम्
varair āchandayāmāsa sā tu vavre tato varam putraṃ śakravadhārthāya samarthamamitaujasam
He pressed her with (offers of) boons, and she then chose as her boon a son capable of killing Śakra, of measureless might.
AI translation rendered from the Sanskrit, not a published edition
MtP 7.32
वरयामि महात्मानं सर्वामरनिषूदनम् उवाच कश्यपो वाक्यम् इन्द्रहन्तारम् ऊर्जितम्
varayāmi mahātmānaṃ sarvāmaraniṣūdanam uvāca kaśyapo vākyam indrahantāram ūrjitam
"I choose a great-souled one, a slayer of all the immortals." Kaśyapa spoke these words (about) the mighty killer of Indra:
AI translation rendered from the Sanskrit, not a published edition — the model flagged this verse as uncertain
MtP 7.33
प्रदास्याम्यहमेवेह किं त्व् एतत् क्रियतां शुभे आपस्तम्बः करोत्विष्टिं पुत्रीयामद्य सुव्रते
pradāsyāmyahameveha kiṃ tv etat kriyatāṃ śubhe āpastambaḥ karotviṣṭiṃ putrīyāmadya suvrate
"I myself shall grant this here; but let this be done, O lovely one: let Āpastamba perform the sacrifice for a son today, O you of good vows.
AI translation rendered from the Sanskrit, not a published edition
MtP 7.34
विधास्यामि ततो गर्भम् इन्द्रशत्रुनिषूदनम् आपस्तम्बस्ततश्चक्रे पुत्रेष्टिं द्रविणाधिकाम्
vidhāsyāmi tato garbham indraśatruniṣūdanam āpastambastataścakre putreṣṭiṃ draviṇādhikām
Then I shall place in you an embryo that will destroy the enemy of Indra." Then Āpastamba performed the son-sacrifice, rich in offerings.
AI translation rendered from the Sanskrit, not a published edition — the model flagged this verse as uncertain
MtP 7.35
इन्द्रशत्रुर् भवस्वेति जुहाव च सविस्तरम् देवा मुमुदिरे दैत्या विमुखाः स्युश्च दानवाः
indraśatrur bhavasveti juhāva ca savistaram devā mumudire daityā vimukhāḥ syuśca dānavāḥ
"Be the slayer of Indra!" — thus he made the oblation at length. The gods rejoiced; the Daityas and Dānavas were turned away (disheartened).
AI translation rendered from the Sanskrit, not a published edition — the model flagged this verse as uncertain
MtP 7.36
दित्यां गर्भम् अथाधत्त कश्यपः प्राह तां पुनः त्वया यत्नो विधातव्यो ह्य् अस्मिन्गर्भे वरानने
dityāṃ garbham athādhatta kaśyapaḥ prāha tāṃ punaḥ tvayā yatno vidhātavyo hy asmingarbhe varānane
Then Kaśyapa placed the embryo in Diti and said to her again: "Effort must be made by you regarding this embryo, O fair-faced one.
AI translation rendered from the Sanskrit, not a published edition
MtP 7.37
संवत्सरशतं त्व् एकम् अस्मिन्न् एव तपोवने संख्यायां नैव भोक्तव्यं गर्भिण्या वरवर्णिनि
saṃvatsaraśataṃ tv ekam asminn eva tapovane saṃkhyāyāṃ naiva bhoktavyaṃ garbhiṇyā varavarṇini
For one hundred full years, in this very penance-grove, a pregnant woman must not eat at the (evening) reckoning, O you of excellent complexion.
AI translation rendered from the Sanskrit, not a published edition — the model flagged this verse as uncertain
MtP 7.38
न स्थातव्यं न गन्तव्यं वृक्षमूलेषु सर्वदा नोपस्करेषूपविशेन् मुसलोलूखलादिषु
na sthātavyaṃ na gantavyaṃ vṛkṣamūleṣu sarvadā nopaskareṣūpaviśen musalolūkhalādiṣu
She should never stand or go at the roots of trees; she should not sit on household implements, on pestles, mortars and the like.
AI translation rendered from the Sanskrit, not a published edition
MtP 7.39
जले च नावगाहेत शून्यागारं च वर्जयेत् वल्मीकायां न तिष्ठेत न चोद्विग्नमना भवेत्
jale ca nāvagāheta śūnyāgāraṃ ca varjayet valmīkāyāṃ na tiṣṭheta na codvignamanā bhavet
And she should not plunge into water, and she should avoid an empty house; she should not stand on an anthill, nor become agitated in mind.
AI translation rendered from the Sanskrit, not a published edition
MtP 7.40
विलिखेन्न नखैर्भूमिं नाङ्गारेण न भस्मना न शयालुः सदा तिष्ठेद् व्यायामं च विवर्जयेत्
vilikhenna nakhairbhūmiṃ nāṅgāreṇa na bhasmanā na śayāluḥ sadā tiṣṭhed vyāyāmaṃ ca vivarjayet
She should not scratch the ground with her nails, nor with charcoal nor with ash; she should not be always given to lying down, and she should avoid strenuous exercise.
AI translation rendered from the Sanskrit, not a published edition
MtP 7.41
न तुषाङ्गारभस्मास्थिकपालेषु समाविशेत् वर्जयेत्कलहं लोकैर् गात्रभङ्गं तथैव च
na tuṣāṅgārabhasmāsthikapāleṣu samāviśet varjayetkalahaṃ lokair gātrabhaṅgaṃ tathaiva ca
She should not sit down on husks, charcoal, ash, bones or potsherds; she should avoid quarrelling with people, and likewise the stretching (or twisting) of the limbs.
AI translation rendered from the Sanskrit, not a published edition
MtP 7.42
न मुक्तकेशा तिष्ठेत नाशुचिः स्यात्कदाचन न शयीतोत्तरशिरा न चापरशिराः क्वचित्
na muktakeśā tiṣṭheta nāśuciḥ syātkadācana na śayītottaraśirā na cāparaśirāḥ kvacit
She should not remain with her hair loose, nor ever be unclean; she should not sleep with her head to the north, nor anywhere with her head to the west.
AI translation rendered from the Sanskrit, not a published edition
MtP 7.43
न वस्त्रहीना नोद्विग्ना न चार्द्रचरणा सती नामङ्गल्यां वदेद्वाचं न च हास्याधिका भवेत्
na vastrahīnā nodvignā na cārdracaraṇā satī nāmaṅgalyāṃ vadedvācaṃ na ca hāsyādhikā bhavet
(She should) not (be) without clothing, not agitated, nor with wet feet, being virtuous; she should not utter inauspicious speech, nor be given to excessive laughter.
AI translation rendered from the Sanskrit, not a published edition
MtP 7.44
कुर्यात्तु गुरुशुश्रूषां नित्यं माङ्गल्यतत्परा सर्वौषधीभिः कोष्णेन वारिणा स्नानमाचरेत्
kuryāttu guruśuśrūṣāṃ nityaṃ māṅgalyatatparā sarvauṣadhībhiḥ koṣṇena vāriṇā snānamācaret
She should render service to her elders, always intent on what is auspicious; she should bathe with lukewarm water (infused) with all the herbs.
AI translation rendered from the Sanskrit, not a published edition
MtP 7.45
कृतरक्षा सुभूषा च वास्तुपूजनतत्परा तिष्ठेत्प्रसन्नवदना भर्तुः प्रियहिते रता
kṛtarakṣā subhūṣā ca vāstupūjanatatparā tiṣṭhetprasannavadanā bhartuḥ priyahite ratā
Having made her protective rites, well adorned, intent on the worship of the house-site, she should remain with a cheerful face, devoted to what is dear and beneficial to her husband.
AI translation rendered from the Sanskrit, not a published edition
MtP 7.46
दानशीला तृतीयायां पार्वण्यं नक्तमाचरेत् इतिवृत्ता भवेन्नारी विशेषेण तु गर्भिणी
dānaśīlā tṛtīyāyāṃ pārvaṇyaṃ naktamācaret itivṛttā bhavennārī viśeṣeṇa tu garbhiṇī
Being of a charitable disposition, on the third (lunar day) she should observe the festival-rite, eating at night. A woman should conduct herself thus, and a pregnant one especially.
AI translation rendered from the Sanskrit, not a published edition
MtP 7.47
यस्तु तस्या भवेत्पुत्रः शीलायुर्वृद्धिसंयुतः अन्यथा गर्भपतनम् अवाप्नोति न संशयः
yastu tasyā bhavetputraḥ śīlāyurvṛddhisaṃyutaḥ anyathā garbhapatanam avāpnoti na saṃśayaḥ
For then her son will be endowed with (good) character, long life, and growth; otherwise she incurs miscarriage of the embryo, there is no doubt.
AI translation rendered from the Sanskrit, not a published edition
MtP 7.48
तस्मात्त्वमनया वृत्त्या गर्भे ऽस्मिन्यत्नमाचर स्वस्त्यस्तु ते गमिष्यामि तथेत्युक्तस्तया पुनः
tasmāttvamanayā vṛttyā garbhe 'sminyatnamācara svastyastu te gamiṣyāmi tathetyuktastayā punaḥ
"Therefore, by this observance, make effort for this embryo. May it be well with you; I shall go." Being told "So be it" by her again,
AI translation rendered from the Sanskrit, not a published edition
MtP 7.49
पश्यतां सर्वभूतानां तत्रैवान्तरधीयत ततः सा कश्यपोक्तेन विधिना समतिष्ठत
paśyatāṃ sarvabhūtānāṃ tatraivāntaradhīyata tataḥ sā kaśyapoktena vidhinā samatiṣṭhata
(he) vanished right there, while all beings looked on. Then she abided by the rule declared by Kaśyapa.
AI translation rendered from the Sanskrit, not a published edition
MtP 7.50
अथ भीतस्तथेन्द्रो ऽपि दितेः पार्श्वमुपागमत् विहाय देवसदनं तच्छुश्रूषुरवस्थितः
atha bhītastathendro 'pi diteḥ pārśvamupāgamat vihāya devasadanaṃ tacchuśrūṣuravasthitaḥ
Then Indra too, being afraid, came to Diti's side; leaving the abode of the gods, he stayed there wishing to serve her.
AI translation rendered from the Sanskrit, not a published edition
MtP 7.51
दितेश्छिद्रान्तरप्रेप्सुर् अभवत्पाकशासनः विनीतो ऽभवद् अव्यग्रः प्रशान्तवदनो बहिः
diteśchidrāntaraprepsur abhavatpākaśāsanaḥ vinīto 'bhavad avyagraḥ praśāntavadano bahiḥ
The chastiser of Pāka became eager to find some gap (in her observance) in Diti; outwardly he was humble, unagitated, with a wholly calm face,
AI translation rendered from the Sanskrit, not a published edition
MtP 7.52
अजानन्किल तत्कार्यम् आत्मनः शुभमाचरन् ततो वर्षशतान्ते सा न्यूने तु दिवसैस् त्रिभिः
ajānankila tatkāryam ātmanaḥ śubhamācaran tato varṣaśatānte sā nyūne tu divasais tribhiḥ
acting, indeed without her knowing it, for his own good in that service. Then, at the end of the hundred years, short by three days, she
AI translation rendered from the Sanskrit, not a published edition — the model flagged this verse as uncertain
MtP 7.53
मेने कृतार्थमात्मानं प्रीत्या विस्मितमानसा अकृत्वा पादयोः शौचं प्रसुप्ता मुक्तमूर्धजा
mene kṛtārthamātmānaṃ prītyā vismitamānasā akṛtvā pādayoḥ śaucaṃ prasuptā muktamūrdhajā
deemed herself to have accomplished her aim, her mind amazed with joy; without washing her feet she fell asleep with her hair loose,
AI translation rendered from the Sanskrit, not a published edition
MtP 7.54
निद्राभरसमाक्रान्ता दिवापरशिराः क्वचित् ततस्तदन्तरं लब्ध्वा प्रविष्टस्तु शचीपतिः
nidrābharasamākrāntā divāparaśirāḥ kvacit tatastadantaraṃ labdhvā praviṣṭastu śacīpatiḥ
overcome by the weight of sleep, by day with her head somewhere lower(?). Then, getting that opening, Śacī's husband entered (her),
AI translation rendered from the Sanskrit, not a published edition — the model flagged this verse as uncertain
MtP 7.55
वज्रेण सप्तधा चक्रे तं गर्भं त्रिदशाधिपः ततः सप्तैव ते जाताः कुमाराः सूर्यवर्चसः
vajreṇa saptadhā cakre taṃ garbhaṃ tridaśādhipaḥ tataḥ saptaiva te jātāḥ kumārāḥ sūryavarcasaḥ
and the lord of the thirty (gods) made that embryo sevenfold with his thunderbolt. Then those seven were born as boys with the splendour of the sun.
AI translation rendered from the Sanskrit, not a published edition
MtP 7.56
रुदन्तः सप्त ते बाला निषिद्धा गिरिदारिणा भूयो ऽपि रुदतश्चैतान् एकैकं सप्तधा हरिः
rudantaḥ sapta te bālā niṣiddhā giridāriṇā bhūyo 'pi rudataścaitān ekaikaṃ saptadhā hariḥ
Those seven children (were) weeping, and were forbidden (to weep) by the cleaver of mountains; and as they wept still more, Hari cut each one of them sevenfold—
AI translation rendered from the Sanskrit, not a published edition
MtP 7.57
चिछेद वृत्रहन्ता वै पुनस्तदुदरे स्थितः एवमेकोनपञ्चाशद् भूत्वा ते रुरुदुर्भृशम्
cicheda vṛtrahantā vai punastadudare sthitaḥ evamekonapañcāśad bhūtvā te rurudurbhṛśam
the slayer of Vṛtra cut (them), again standing in her belly; thus, having become forty-nine, they wept greatly.
AI translation rendered from the Sanskrit, not a published edition
MtP 7.58
इन्द्रो निवारयामास मां रोदिष्ट पुनः पुनः ततः स चिन्तयामास किमेतदिति वृत्रहा
indro nivārayāmāsa māṃ rodiṣṭa punaḥ punaḥ tataḥ sa cintayāmāsa kimetaditi vṛtrahā
Indra kept restraining (them): "Do not weep!" again and again. Then the slayer of Vṛtra thought: "What is this?"
AI translation rendered from the Sanskrit, not a published edition
MtP 7.59
धर्मस्य कस्य माहात्म्यात् पुनः संजीवितास्त्वमी विदित्वा ध्यानयोगेन मदनद्वादशीफलम्
dharmasya kasya māhātmyāt punaḥ saṃjīvitāstvamī viditvā dhyānayogena madanadvādaśīphalam
"By the greatness of what merit are these brought back to life again?" Having learned, by the practice of meditation, (that it was) the fruit of the Madana-dvādaśī (vow),
AI translation rendered from the Sanskrit, not a published edition
MtP 7.60
नूनम् एतत् परिणतम् अधुना कृष्णपूजनात् वज्रेणापि हताः सन्तो न विनाशम् अवाप्नुयुः
nūnam etat pariṇatam adhunā kṛṣṇapūjanāt vajreṇāpi hatāḥ santo na vināśam avāpnuyuḥ
(he thought:) "Surely this has now ripened from the worship of Kṛṣṇa; being struck even by the thunderbolt, they do not meet destruction.
AI translation rendered from the Sanskrit, not a published edition
MtP 7.61
एको ऽप्यनेकतामाप यस्मादुदरगो ऽप्यलम् अवध्या नूनमेते वै तस्माद्देवा भवन्त्विति
eko 'pyanekatāmāpa yasmādudarago 'pyalam avadhyā nūnamete vai tasmāddevā bhavantviti
Since even one, though inside the belly, attained multiplicity in full measure, surely these are unslayable; therefore let them be gods.
AI translation rendered from the Sanskrit, not a published edition
MtP 7.62
यस्मान्मा रुदतेत्युक्ता रुदन्तो गर्भसंस्थिताः मरुतो नाम ते नाम्ना भवन्तु मखभागिनः
yasmānmā rudatetyuktā rudanto garbhasaṃsthitāḥ maruto nāma te nāmnā bhavantu makhabhāginaḥ
Since, when told 'Do not weep' (mā rudata), they wept while set in the womb, let them by name be called Maruts, sharers in the sacrifice."
AI translation rendered from the Sanskrit, not a published edition
MtP 7.63
ततः प्रसाद्य देवेशः क्षमस्वेति दितिं पुनः अर्थशास्त्रं समास्थाय मयैतद् दुष्कृतं कृतम्
tataḥ prasādya deveśaḥ kṣamasveti ditiṃ punaḥ arthaśāstraṃ samāsthāya mayaitad duṣkṛtaṃ kṛtam
Then the lord of the gods propitiated Diti again, (saying) "Forgive (me); relying on the science of statecraft, this evil deed was done by me."
AI translation rendered from the Sanskrit, not a published edition
MtP 7.64
कृत्वा मरुद्गणं देवैः समानममराधिपः दितिं विमानमारोप्य ससुतामनयद्दिवम्
kṛtvā marudgaṇaṃ devaiḥ samānamamarādhipaḥ ditiṃ vimānamāropya sasutāmanayaddivam
Having made the host of Maruts equal to the gods, the lord of the immortals set Diti on a celestial car and led her, together with her sons, to heaven.
AI translation rendered from the Sanskrit, not a published edition
MtP 7.65
यज्ञभागभुजो जाता मरुतस्ते ततो द्विजाः न जग्मुरैक्यमसुरैर् अतस्ते सुरवल्लभाः
yajñabhāgabhujo jātā marutaste tato dvijāḥ na jagmuraikyamasurair ataste suravallabhāḥ
Thus, O twice-born ones, those Maruts became enjoyers of shares in the sacrifice; they did not go into union with the Asuras, hence they are dear to the gods.
AI translation rendered from the Sanskrit, not a published edition