Matsya Purana — Chapter 68
MtP 68.1
किमुद्वेगाद्भुते कृत्यम् अलक्ष्मीः केन हन्यते मृतवत्साभिषेकादिकार्येषु च किमिष्यते
kimudvegādbhute kṛtyam alakṣmīḥ kena hanyate mṛtavatsābhiṣekādikāryeṣu ca kimiṣyate
What is to be done in the case of an alarming portent? By what means is ill-fortune destroyed? And what is prescribed in rites such as the consecration of a woman whose children have died?
AI translation rendered from the Sanskrit, not a published edition — the model flagged this verse as uncertain
MtP 68.2
पुरा कृतानि पापानि फलन्त्यस्मिंस्तपोधन रोगदौर्गत्यरूपेण तथैवेष्टवधेन च
purā kṛtāni pāpāni phalantyasmiṃstapodhana rogadaurgatyarūpeṇa tathaiveṣṭavadhena ca
Sins done formerly bear fruit in this (world), O you rich in austerity, in the form of disease and misfortune, and likewise by the killing of those dear (to one).
AI translation rendered from the Sanskrit, not a published edition
MtP 68.3
तद्विघाताय वक्ष्यामि सदा कल्पाणकारकम् सप्तमीस्नपनं नाम जनपीडाविनाशनम्
tadvighātāya vakṣyāmi sadā kalpāṇakārakam saptamīsnapanaṃ nāma janapīḍāvināśanam
For the thwarting of that I shall declare (the rite) called the seventh-day bathing, which always brings about welfare and destroys the afflictions of people.
AI translation rendered from the Sanskrit, not a published edition
MtP 68.4
बालानां मरणं यत्र क्षीरपाणां प्रदृश्यते तद्वद्वृद्धातुराणां च यौवने चापि वर्तताम्
bālānāṃ maraṇaṃ yatra kṣīrapāṇāṃ pradṛśyate tadvadvṛddhāturāṇāṃ ca yauvane cāpi vartatām
Where the death of children who are still suckling is seen, and likewise of the aged and the sick, and of those who are in their youth —
AI translation rendered from the Sanskrit, not a published edition
MtP 68.5
शान्तये तत्र वक्ष्यामि मृतवत्साभिषेचनम् एतद् एवाद्भुतोद्वेगचित्तभ्रमविनाशनम्
śāntaye tatra vakṣyāmi mṛtavatsābhiṣecanam etad evādbhutodvegacittabhramavināśanam
there, for appeasement, I shall declare the consecration-bathing of the woman whose offspring have died; this same (rite) destroys portents, agitation, and confusion of mind.
AI translation rendered from the Sanskrit, not a published edition
MtP 68.6
भविष्यति च वाराहो यत्र कल्पस्तपोधन वैवस्वतश्च तत्रापि यदा तु मनुरुत्तमः
bhaviṣyati ca vārāho yatra kalpastapodhana vaivasvataśca tatrāpi yadā tu manuruttamaḥ
And when the Vārāha kalpa shall come to be, O you rich in austerity, and in it too when Vaivasvata is the highest Manu —
AI translation rendered from the Sanskrit, not a published edition
MtP 68.7
भविष्यति च तत्रैव पञ्चविंशतिमं यदा कृतं नाम युगं तत्र हैहयान्वयवर्धनः भविता नृपतिर्वीरः कृतवीर्यः प्रतापवान्
bhaviṣyati ca tatraiva pañcaviṃśatimaṃ yadā kṛtaṃ nāma yugaṃ tatra haihayānvayavardhanaḥ bhavitā nṛpatirvīraḥ kṛtavīryaḥ pratāpavān
and when, in that very (kalpa), the twenty-fifth age named Kṛta shall come, then there will be a king, a hero, mighty in valour, Kṛtavīrya, who increases the lineage of the Haihayas.
AI translation rendered from the Sanskrit, not a published edition
MtP 68.8
स सप्तद्वीपमखिलं पालयिष्यति भूतलम् यावद्वर्षसहस्राणि सप्तसप्तति नारद
sa saptadvīpamakhilaṃ pālayiṣyati bhūtalam yāvadvarṣasahasrāṇi saptasaptati nārada
He will protect the whole earth with its seven continents for as long as seventy-seven thousand years, O Nārada.
AI translation rendered from the Sanskrit, not a published edition
MtP 68.9
जातमात्रं च तस्यापि यावत्पुत्रशतं तथा च्यवनस्य तु शापेन विनाशमपयास्यति
jātamātraṃ ca tasyāpi yāvatputraśataṃ tathā cyavanasya tu śāpena vināśamapayāsyati
And his hundred sons too, as soon as they are born, will come to destruction through the curse of Cyavana.
AI translation rendered from the Sanskrit, not a published edition
MtP 68.10
सहस्रबाहुश्च यदा भविता तस्य वै सुतः कुरङ्गनयनः श्रीमान् सम्भूतो नृपलक्षणैः
sahasrabāhuśca yadā bhavitā tasya vai sutaḥ kuraṅganayanaḥ śrīmān sambhūto nṛpalakṣaṇaiḥ
And when there shall be born to him a son, Sahasrabāhu, with eyes like a deer's, glorious, endowed with the marks of a king —
AI translation rendered from the Sanskrit, not a published edition
MtP 68.11
कृतवीर्यस्तदाराध्य सहस्रांशुं दिवाकरम् उपवासैर्व्रतैर्दिव्यैर् वेदसूक्तैश्च नारद पुत्रस्य जीवनायालम् एतत्स्नानमवाप्स्यति
kṛtavīryastadārādhya sahasrāṃśuṃ divākaram upavāsairvratairdivyair vedasūktaiśca nārada putrasya jīvanāyālam etatsnānamavāpsyati
then Kṛtavīrya, having propitiated the thousand-rayed maker of day with fasts, with divine observances, and with Vedic hymns, O Nārada, will obtain this bathing (rite), sufficient for the survival of his son.
AI translation rendered from the Sanskrit, not a published edition
MtP 68.12
कृतवीर्येण वै पृष्ट इदं वक्ष्यति भास्करः अशेषदुष्टशमनं सदा कल्मषनाशनम्
kṛtavīryeṇa vai pṛṣṭa idaṃ vakṣyati bhāskaraḥ aśeṣaduṣṭaśamanaṃ sadā kalmaṣanāśanam
Questioned by Kṛtavīrya, the Sun will declare this (rite), which quells all evils and ever destroys stain.
AI translation rendered from the Sanskrit, not a published edition
MtP 68.13
अलं क्लेशेन महता पुत्रस्तव नराधिप भविष्यति चिरंजीवी किंतु कल्मषनाशनम्
alaṃ kleśena mahatā putrastava narādhipa bhaviṣyati ciraṃjīvī kiṃtu kalmaṣanāśanam
Enough of great distress! Your son, O king of men, will be long-lived; but (there must be) the destruction of the stain.
AI translation rendered from the Sanskrit, not a published edition
MtP 68.14
सप्तमीस्नपनं वक्ष्ये सर्वलोकहिताय वै जातस्य मृतवत्सायाः सप्तमे मासि नारद अथवा शुक्लसप्तम्याम् एतत्सर्वं प्रशस्यते
saptamīsnapanaṃ vakṣye sarvalokahitāya vai jātasya mṛtavatsāyāḥ saptame māsi nārada athavā śuklasaptamyām etatsarvaṃ praśasyate
I shall declare the seventh-day bathing, for the benefit of all the world: in the seventh month of the child born to the woman whose offspring have died, O Nārada, or else on the bright (fortnight's) seventh — all this is commended.
AI translation rendered from the Sanskrit, not a published edition
MtP 68.15
ग्रहताराबलं लब्ध्वा कृत्वा ब्राह्मणवाचनम् बालस्य जन्मनक्षत्रं वर्जयेत्तां तिथिं बुधः तद्वद्वृद्धातुराणां च कृत्यं स्यादितरेषु च
grahatārābalaṃ labdhvā kṛtvā brāhmaṇavācanam bālasya janmanakṣatraṃ varjayettāṃ tithiṃ budhaḥ tadvadvṛddhāturāṇāṃ ca kṛtyaṃ syāditareṣu ca
Having obtained the strength of the planets and stars, and having had the brahmins pronounce (the auspicious formula), the wise man should avoid that lunar day which is the child's birth-asterism; and likewise the rite may be performed for the aged and the sick, and for others too.
AI translation rendered from the Sanskrit, not a published edition
MtP 68.16
गोमयेनानुलिप्तायां भूमावेकाग्निवत्तदा तण्डुलै रक्तशालीयैश् चरुं गोक्षीरसंयुतम् निर्वपेत्सूर्यरुद्राभ्यां तन्मन्त्राभ्यां विधानतः
gomayenānuliptāyāṃ bhūmāvekāgnivattadā taṇḍulai raktaśālīyaiś caruṃ gokṣīrasaṃyutam nirvapetsūryarudrābhyāṃ tanmantrābhyāṃ vidhānataḥ
Then, on ground smeared with cow-dung, as with a single fire, he should offer out an oblation of rice-grains of red śāli mixed with cow's milk, to Sūrya and Rudra with their respective mantras, according to the rule.
AI translation rendered from the Sanskrit, not a published edition
MtP 68.17
कीर्तयेत्सूर्यदेवत्यं सप्तर्चं च घृताहुतीः जुहुयाद्रुद्रसूक्तेन तद्वद्रुद्राय नारद
kīrtayetsūryadevatyaṃ saptarcaṃ ca ghṛtāhutīḥ juhuyādrudrasūktena tadvadrudrāya nārada
He should recite the seven-versed (hymn) whose deity is Sūrya, and should offer oblations of ghee with the Rudra hymn to Rudra likewise, O Nārada.
AI translation rendered from the Sanskrit, not a published edition
MtP 68.18
होतव्याः समिधश्चात्र तथैवार्कपलाशयोः यवकृष्णतिलैर्होमः कर्तव्यो ऽष्टशतं पुनः
hotavyāḥ samidhaścātra tathaivārkapalāśayoḥ yavakṛṣṇatilairhomaḥ kartavyo 'ṣṭaśataṃ punaḥ
And here kindling-sticks of arka and palāśa are to be offered; and again an oblation of barley and black sesame is to be made, one hundred and eight times.
AI translation rendered from the Sanskrit, not a published edition
MtP 68.19
व्याहृतीभिस्तथाज्येन तथैवाष्टशतं पुनः हुत्वा स्नानं च कर्तव्यं मङ्गलं येन धीमता
vyāhṛtībhistathājyena tathaivāṣṭaśataṃ punaḥ hutvā snānaṃ ca kartavyaṃ maṅgalaṃ yena dhīmatā
And likewise, again, one hundred and eight (offerings) with the utterances and with ghee; and when he has offered, the auspicious bathing is to be performed by the wise man —
AI translation rendered from the Sanskrit, not a published edition
MtP 68.20
विप्रेण वेदविदुषा विधिवद्दर्भपाणिना स्थापयित्वा तु चतुरः कुम्भान्कोणेषु शोभनान्
vipreṇa vedaviduṣā vidhivaddarbhapāṇinā sthāpayitvā tu caturaḥ kumbhānkoṇeṣu śobhanān
by a brahmin learned in the Veda, with darbha grass in his hand, according to rule, having set down four fine jars at the corners;
AI translation rendered from the Sanskrit, not a published edition
MtP 68.21
पञ्चमं च पुनर्मध्ये दध्यक्षतविभूषितम् स्थापयेदव्रणं कुम्भं सप्तर्चेनाभिमन्त्रितम्
pañcamaṃ ca punarmadhye dadhyakṣatavibhūṣitam sthāpayedavraṇaṃ kumbhaṃ saptarcenābhimantritam
and again a fifth in the middle, adorned with curds and unbroken grains; he should set down an unflawed jar, consecrated with the seven-versed (hymn),
AI translation rendered from the Sanskrit, not a published edition
MtP 68.22
सौरेण तीर्थतोयेन पूर्णं रत्नसमन्वितम् सर्वान्सर्वौषधैर्युक्तान् पञ्चगव्यसमन्वितान् पञ्चरत्नफलैः पुष्पैर् वासोभिः परिवेष्टयेत्
saureṇa tīrthatoyena pūrṇaṃ ratnasamanvitam sarvānsarvauṣadhairyuktān pañcagavyasamanvitān pañcaratnaphalaiḥ puṣpair vāsobhiḥ pariveṣṭayet
(He should set up) a jar filled with holy water (consecrated) with the solar (mantra) and furnished with jewels; and he should wrap all (the jars), which are provided with all the herbs and with the five products of the cow, round about with the five jewels, with fruits, flowers and cloths.
AI translation rendered from the Sanskrit, not a published edition — the model flagged this verse as uncertain
MtP 68.23
गजाश्वरथ्यावल्मीकात् संगमाद्ध्रदगोकुलात् संशुद्धां मृदमानीय सर्वेष्वेव विनिक्षिपेत्
gajāśvarathyāvalmīkāt saṃgamāddhradagokulāt saṃśuddhāṃ mṛdamānīya sarveṣveva vinikṣipet
Having brought well-purified earth from (the ground trodden by) an elephant, a horse, from a highway, an ant-hill, a confluence (of rivers), a pool, and a cow-pen, he should cast it into all of them.
AI translation rendered from the Sanskrit, not a published edition
MtP 68.24
चतुर्ष्वपि च कुम्भेषु रत्नगर्भेषु मध्यमम् गृहीत्वा ब्राह्मणस्तत्र सौरान्मन्त्रानुदीरयेत्
caturṣvapi ca kumbheṣu ratnagarbheṣu madhyamam gṛhītvā brāhmaṇastatra saurānmantrānudīrayet
And of the four jars, which have jewels within, the brahmin, taking the middle one there, should recite the solar mantras.
AI translation rendered from the Sanskrit, not a published edition
MtP 68.26
नारीभिः सप्तसंख्याभिर् अव्यङ्गाङ्गीभिरत्र च पूजिताभिर्यथाशक्त्या माल्यवस्त्रविभूषणैः सविप्राभिश्च कर्तव्यं मृतवत्साभिषेचनम् ॥ मत्स्प्_६८।२५ एते ऽभिषेकमन्त्राः दीर्घायुरस्तु बालो ऽयं जीवत्पुत्रा च भामिनी आदित्यश्चन्द्रमाः सार्धं ग्रहनक्षत्रमण्डलैः
nārībhiḥ saptasaṃkhyābhir avyaṅgāṅgībhiratra ca pūjitābhiryathāśaktyā mālyavastravibhūṣaṇaiḥ saviprābhiśca kartavyaṃ mṛtavatsābhiṣecanam // MatsP_68.25 ete 'bhiṣekamantrāḥ dīrghāyurastu bālo 'yaṃ jīvatputrā ca bhāminī ādityaścandramāḥ sārdhaṃ grahanakṣatramaṇḍalaiḥ
And here the bathing (rite) for a woman whose children have died is to be performed with seven women, unblemished in their limbs, honoured according to (one's) means with garlands, garments and ornaments, and accompanied by brahmins. These are the consecration mantras: "May this child be long-lived, and may the lady have a living son. The sun, the moon, together with the circles of planets and stars,
AI translation rendered from the Sanskrit, not a published edition
MtP 68.27
सशक्रा लोकपाला वै ब्रह्मविष्णुमहेश्वराः ते ते चान्ये च देवौघाः सदा पान्तु कुमारकम्
saśakrā lokapālā vai brahmaviṣṇumaheśvarāḥ te te cānye ca devaughāḥ sadā pāntu kumārakam
the guardians of the quarters along with Śakra, Brahmā, Viṣṇu and Maheśvara, these and the other hosts of gods—may they always protect the little boy.
AI translation rendered from the Sanskrit, not a published edition
MtP 68.28
मित्रः शनिर्वा हुतभुग् ये च बालग्रहाः क्वचित् पीडां कुर्वन्तु बालस्य मा मातुर्जनकस्य वै
mitraḥ śanirvā hutabhug ye ca bālagrahāḥ kvacit pīḍāṃ kurvantu bālasya mā māturjanakasya vai
Mitra, or Saturn, or the fire-god, and whatever child-seizing spirits (there are) anywhere—let them do no harm to the child, nor to the mother, nor indeed to the father.
AI translation rendered from the Sanskrit, not a published edition
MtP 68.29
ततः शुक्लाम्बरधरा कुमारपतिसंयुता सप्तकं पूजयेद्भक्त्या स्त्रीणामथ गुरुं पुनः
tataḥ śuklāmbaradharā kumārapatisaṃyutā saptakaṃ pūjayedbhaktyā strīṇāmatha guruṃ punaḥ
Then, wearing white garments, together with her son and husband, she should worship with devotion the group of seven women, and then again the teacher.
AI translation rendered from the Sanskrit, not a published edition
MtP 68.30
काञ्चनीं च ततः कुर्यात् ताम्रपात्रोपरिस्थिताम् प्रतिमां धर्मराजस्य गुरवे विनिवेदयेत्
kāñcanīṃ ca tataḥ kuryāt tāmrapātroparisthitām pratimāṃ dharmarājasya gurave vinivedayet
And then she should have made a golden image of Dharmarāja, set upon a copper vessel, and present it to the teacher.
AI translation rendered from the Sanskrit, not a published edition
MtP 68.31
वस्त्रकाञ्चनरत्नौघैर् भक्ष्यैः सघृतपायसैः पूजयेद्ब्राह्मणांस्तद्वद् वित्तशाठ्यविवर्जितः
vastrakāñcanaratnaughair bhakṣyaiḥ saghṛtapāyasaiḥ pūjayedbrāhmaṇāṃstadvad vittaśāṭhyavivarjitaḥ
With garments, gold, heaps of jewels, with foods and with milk-rice with ghee, he should likewise worship the brahmins, free from miserliness with wealth.
AI translation rendered from the Sanskrit, not a published edition
MtP 68.32
भुक्त्वा च गुरुणा चेयम् उच्चार्या मन्त्रसंततिः दीर्घायुरस्तु बालो ऽयं यावद्वर्षशतं सुखी
bhuktvā ca guruṇā ceyam uccāryā mantrasaṃtatiḥ dīrghāyurastu bālo 'yaṃ yāvadvarṣaśataṃ sukhī
And when he has eaten, this series of mantras is to be uttered by the teacher: "May this child be long-lived, happy for a full hundred years.
AI translation rendered from the Sanskrit, not a published edition
MtP 68.33
यत्किंचिदस्य दुरितं तत्क्षिप्तं वडवानले ब्रह्मा रुद्रो वसुः स्कन्दो विष्णुः शक्रो हुताशनः
yatkiṃcidasya duritaṃ tatkṣiptaṃ vaḍavānale brahmā rudro vasuḥ skando viṣṇuḥ śakro hutāśanaḥ
Whatever evil (deed) of his there is, that is cast into the submarine fire. Brahmā, Rudra, Vasu, Skanda, Viṣṇu, Śakra, the fire-god—
AI translation rendered from the Sanskrit, not a published edition
MtP 68.34
रक्षन्तु सर्वे दुष्टेभ्यो वरदाः सन्तु सर्वदा एवमादीनि वाक्यानि वदन्तं पूजयेद्गुरुम्
rakṣantu sarve duṣṭebhyo varadāḥ santu sarvadā evamādīni vākyāni vadantaṃ pūjayedgurum
let them all protect (him) from evil beings, and let them always be granters of boons." One should honour the teacher as he speaks these and similar words.
AI translation rendered from the Sanskrit, not a published edition
MtP 68.35
शक्तितः कपिलां दद्यात् प्रणम्य च विसर्जयेत् चरुं च पुत्रसहिता प्रणम्य रविशंकरौ
śaktitaḥ kapilāṃ dadyāt praṇamya ca visarjayet caruṃ ca putrasahitā praṇamya raviśaṃkarau
According to his means he should give a tawny cow, and, having bowed, dismiss (the teacher); and she, together with her son, having bowed to the Sun and to Śaṃkara, (should eat) the oblation-gruel—
AI translation rendered from the Sanskrit, not a published edition — the model flagged this verse as uncertain
MtP 68.36
हुतशेषं तदाश्नीयाद् आदित्याय नमो ऽस्त्विति इदमेवाद्भुतोद्वेगदुःस्वप्नेषु प्रशस्यते
hutaśeṣaṃ tadāśnīyād ādityāya namo 'stviti idamevādbhutodvegaduḥsvapneṣu praśasyate
she should then eat the remnant of the offering with (the words) "Homage be to the Sun." This very (rite) is commended in (cases of) portents, agitation, and bad dreams.
AI translation rendered from the Sanskrit, not a published edition
MtP 68.37
कर्तुर्जन्मदिनर्क्षं च त्यक्त्वा सम्पूजयेत्सदा शान्त्यर्थं शुक्लसप्तम्याम् एतत्कुर्वन्न सीदति
karturjanmadinarkṣaṃ ca tyaktvā sampūjayetsadā śāntyarthaṃ śuklasaptamyām etatkurvanna sīdati
Leaving aside the day and lunar mansion of the performer's birth, one should always perform the worship; one who does this on the bright seventh for the sake of appeasement does not come to grief.
AI translation rendered from the Sanskrit, not a published edition
MtP 68.38
सदानेन विधानेन दीर्घायुरभवन्नरः संवत्सराणामयुतं शशास पृथिवीमिमाम्
sadānena vidhānena dīrghāyurabhavannaraḥ saṃvatsarāṇāmayutaṃ śaśāsa pṛthivīmimām
By this rite the man became long-lived, and he ruled this earth for ten thousand years.
AI translation rendered from the Sanskrit, not a published edition
MtP 68.39
पुण्यं पवित्रमायुष्यं सप्तमीस्नपनं रविः कथयित्वा द्विजश्रेष्ठ तत्रैवान्तरधीयत
puṇyaṃ pavitramāyuṣyaṃ saptamīsnapanaṃ raviḥ kathayitvā dvijaśreṣṭha tatraivāntaradhīyata
Having declared the seventh-day bathing (rite), which is meritorious, purifying and life-giving, the Sun, O best of the twice-born, vanished on that very spot.
AI translation rendered from the Sanskrit, not a published edition
MtP 68.40
एतत्सर्वं समाख्यातं सप्तमीस्नानमुत्तमम् सर्वदुष्टोपशमनं बालानां परमं हितम्
etatsarvaṃ samākhyātaṃ saptamīsnānamuttamam sarvaduṣṭopaśamanaṃ bālānāṃ paramaṃ hitam
All this has been fully told—the excellent bathing (rite) of the seventh, which quells all evils and is the highest benefit for children.
AI translation rendered from the Sanskrit, not a published edition
MtP 68.41
आरोग्यं भास्करादिच्छेद् धनमिच्छेद्धुताशनात् ईश्वराज्ज्ञानम् अन्विच्छेन् मोक्षम् इच्छेज्जनार्दनात्
ārogyaṃ bhāskarādicched dhanamiccheddhutāśanāt īśvarājjñānam anvicchen mokṣam icchejjanārdanāt
One should wish for health from the Sun, wish for wealth from the Fire, should seek knowledge from Īśvara, and should wish for liberation from Janārdana.
AI translation rendered from the Sanskrit, not a published edition
MtP 68.42
एतन्महापातकनाशनं स्यात् परं हितं बालविवर्धनं च शृणोति यश्चैनमनन्यचेतास् तस्यापि सिद्धिं मुनयो वदन्ति
etanmahāpātakanāśanaṃ syāt paraṃ hitaṃ bālavivardhanaṃ ca śṛṇoti yaścainamananyacetās tasyāpi siddhiṃ munayo vadanti
This would be the destroyer of the great sins, the highest good, and a promoter of children's growth; and of him too who listens to it with undistracted mind the sages declare (that he attains) success.
AI translation rendered from the Sanskrit, not a published edition