Matsya Purana — Chapter 62
MtP 62.1
सौभाग्यारोग्यफलदम् अमुत्राक्षय्यकारकम् भुक्तिमुक्तिप्रदं देव तन्मे ब्रूहि जनार्दन
saubhāgyārogyaphaladam amutrākṣayyakārakam bhuktimuktipradaṃ deva tanme brūhi janārdana
That which gives the fruit of good fortune and health, which makes (merit) imperishable in the world beyond, which grants enjoyment and release — tell me that, O god Janārdana.
AI translation rendered from the Sanskrit, not a published edition
MtP 62.2
यदुमायाः पुरा देव उवाच पुरसूदनः कैलासशिखरासीनो देव्या पृष्टस्तदा किल
yadumāyāḥ purā deva uvāca purasūdanaḥ kailāsaśikharāsīno devyā pṛṣṭastadā kila
What the god, the destroyer of the citadels, once told to Umā, seated on the peak of Kailāsa, when he was asked by the goddess —
AI translation rendered from the Sanskrit, not a published edition
MtP 62.3
कथासु सम्प्रवृत्तासु धर्म्यासु ललितासु च तदिदानीं प्रवक्ष्यामि भुक्तिमुक्तिफलप्रदम्
kathāsu sampravṛttāsu dharmyāsu lalitāsu ca tadidānīṃ pravakṣyāmi bhuktimuktiphalapradam
in the course of conversations that were both righteous and charming — that I shall now declare, (the rite) that yields the fruit of enjoyment and release.
AI translation rendered from the Sanskrit, not a published edition
MtP 62.4
शृणुष्वावहिता देवि तथैवानन्तपुण्यकृत् नराणामथ नारीणाम् आराधनमनुत्तमम्
śṛṇuṣvāvahitā devi tathaivānantapuṇyakṛt narāṇāmatha nārīṇām ārādhanamanuttamam
Listen attentively, O goddess, to that which likewise produces endless merit: the unsurpassed act of worship for men and for women.
AI translation rendered from the Sanskrit, not a published edition
MtP 62.5
नभस्ये वाथ वैशाखे पुण्यमार्गशिरस्य च शुक्लपक्षे तृतीयायां सुस्नातो गौरसर्षपैः
nabhasye vātha vaiśākhe puṇyamārgaśirasya ca śuklapakṣe tṛtīyāyāṃ susnāto gaurasarṣapaiḥ
In Nabhasya, or else in Vaiśākha, and in holy Mārgaśīrṣa, on the third of the bright fortnight, having bathed well with white mustard —
AI translation rendered from the Sanskrit, not a published edition
MtP 62.6
गोरोचनं सगोमूत्रम् उष्णं गोशकृतं तथा दधिचन्दनसम्मिश्रं ललाटे तिलकं न्यसेत् सौभाग्यारोग्यदं यस्मात् सदा च ललिताप्रियम्
gorocanaṃ sagomūtram uṣṇaṃ gośakṛtaṃ tathā dadhicandanasammiśraṃ lalāṭe tilakaṃ nyaset saubhāgyārogyadaṃ yasmāt sadā ca lalitāpriyam
he should place on his forehead a tilaka of gorocanā together with cow's urine, warm cow-dung, and mixed with curds and sandal — since it gives good fortune and health and is ever dear to Lalitā.
AI translation rendered from the Sanskrit, not a published edition
MtP 62.7
प्रतिपक्षं तृतीयासु पुमानापीतवाससी धारयेदथ रक्तानि नारी चेदथ संयता
pratipakṣaṃ tṛtīyāsu pumānāpītavāsasī dhārayedatha raktāni nārī cedatha saṃyatā
In every fortnight, on the third days, a man should wear yellow garments; and if it is a woman, red ones, she being restrained.
AI translation rendered from the Sanskrit, not a published edition
MtP 62.8
विधवा धातुरक्तानि कुमारी शुक्लवाससी देवीं तु पञ्चगव्येन ततः क्षीरेण केवलम् स्नापयेन्मधुना तद्वत् पुष्पगन्धोदकेन च
vidhavā dhāturaktāni kumārī śuklavāsasī devīṃ tu pañcagavyena tataḥ kṣīreṇa kevalam snāpayenmadhunā tadvat puṣpagandhodakena ca
A widow (should wear) garments red with mineral dye, a maiden white ones. But the goddess he should bathe with the five products of the cow, then with milk alone, likewise with honey, and with flower-scented water.
AI translation rendered from the Sanskrit, not a published edition
MtP 62.9
पूजयेच्छुक्लपुष्पैश्च फलैर्नानाविधैरपि धान्यकाजाजिलवणैर् गुडक्षीरघृतान्वितैः
pūjayecchuklapuṣpaiśca phalairnānāvidhairapi dhānyakājājilavaṇair guḍakṣīraghṛtānvitaiḥ
And (one) should worship (her) with white flowers and with fruits of various kinds, with coriander, cumin and salt, together with molasses, milk and ghee.
AI translation rendered from the Sanskrit, not a published edition
MtP 62.10
शुक्लाक्षततिलैरर्च्यां ततो देवीं सदार्चयेत् पादाद्यभ्यर्चनं कुर्यात् प्रतिपक्षं वरानने
śuklākṣatatilairarcyāṃ tato devīṃ sadārcayet pādādyabhyarcanaṃ kuryāt pratipakṣaṃ varānane
Then one should always worship the goddess, who is to be honoured, with white unbroken rice-grains and sesame; one should perform the worship (of her limbs) beginning with the feet, fortnight by fortnight, O fair-faced one.
AI translation rendered from the Sanskrit, not a published edition
MtP 62.11
वरदायै नमः पादौ तथा गुल्फौ नमः श्रियै अशोकायै नमो जङ्घे पार्वत्यै जानुनी तथा
varadāyai namaḥ pādau tathā gulphau namaḥ śriyai aśokāyai namo jaṅghe pārvatyai jānunī tathā
"Homage to Varadā" — the feet; and "homage to Śrī" — the ankles; "homage to Aśokā" — the shanks; and to Pārvatī — the knees.
AI translation rendered from the Sanskrit, not a published edition
MtP 62.12
ऊरू मङ्गलकारिण्यै वामदेव्यै तथा कटिम् पद्मोदरायै जठरम् उरः कामश्रियै नमः
ūrū maṅgalakāriṇyai vāmadevyai tathā kaṭim padmodarāyai jaṭharam uraḥ kāmaśriyai namaḥ
The thighs to Maṅgalakāriṇī, and the waist to Vāmadevī; the belly to Padmodarā; "homage to Kāmaśrī" — the chest.
AI translation rendered from the Sanskrit, not a published edition
MtP 62.13
करौ सौभाग्यदायिन्यै बाहू हरमुखश्रियै मुखं दर्पणवासिन्यै स्मरदायै स्मितं नमः
karau saubhāgyadāyinyai bāhū haramukhaśriyai mukhaṃ darpaṇavāsinyai smaradāyai smitaṃ namaḥ
The hands to Saubhāgyadāyinī, the arms to Haramukhaśrī, the face to Darpaṇavāsinī; "homage to Smaradā" — the smile.
AI translation rendered from the Sanskrit, not a published edition
MtP 62.14
गौर्यै नमस्तथा नासाम् उत्पलायै च लोचने तुष्ट्यै ललाटमलकान् कात्यायन्यै शिरस्तथा
gauryai namastathā nāsām utpalāyai ca locane tuṣṭyai lalāṭamalakān kātyāyanyai śirastathā
"Homage to Gaurī" — and so the nose; and the eyes to Utpalā; the forehead and the curls to Tuṣṭi; and the head to Kātyāyanī.
AI translation rendered from the Sanskrit, not a published edition
MtP 62.15
नमो गौर्यै नमो धिष्ण्यै नमः कान्त्यै नमः श्रियै रम्भायै ललितायै च वासुदेव्यै नमो नमः
namo gauryai namo dhiṣṇyai namaḥ kāntyai namaḥ śriyai rambhāyai lalitāyai ca vāsudevyai namo namaḥ
Homage to Gaurī, homage to Dhiṣṇyā, homage to Kānti, homage to Śrī; and to Rambhā, to Lalitā, to Vāsudevī, homage, homage.
AI translation rendered from the Sanskrit, not a published edition
MtP 62.16
एवं सम्पूज्य विधिवद् अग्रतः पद्ममालिखेत् पत्त्रैर्द्वादशभिर्युक्तं कुङ्कुमेन सकर्णिकम्
evaṃ sampūjya vidhivad agrataḥ padmamālikhet pattrairdvādaśabhiryuktaṃ kuṅkumena sakarṇikam
Having thus worshipped according to the rule, one should draw in front (of her) a lotus with twelve petals, with a pericarp, with saffron.
AI translation rendered from the Sanskrit, not a published edition
MtP 62.17
पूर्वेण विन्यसेद्गौरीम् अपर्णां च ततः परम् भवानीं दक्षिणे तद्वद् रुद्राणीं च ततः परम्
pūrveṇa vinyasedgaurīm aparṇāṃ ca tataḥ param bhavānīṃ dakṣiṇe tadvad rudrāṇīṃ ca tataḥ param
On the east one should set Gaurī, and after that Aparṇā; likewise Bhavānī on the south, and after that Rudrāṇī.
AI translation rendered from the Sanskrit, not a published edition
MtP 62.18
विन्यसेत्पश्चिमे सौम्यां सदा मदनवासिनीम् वायव्ये पाटलामुग्राम् अन्तरेण ततो ऽप्युमाम्
vinyasetpaścime saumyāṃ sadā madanavāsinīm vāyavye pāṭalāmugrām antareṇa tato 'pyumām
On the west one should set Saumyā, then Madanavāsinī; in the north-west Pāṭalā and Ugrā, and then in between Umā as well.
AI translation rendered from the Sanskrit, not a published edition
MtP 62.19
मध्ये यथास्वं मांसाङ्गां मङ्गलां कुमुदां सतीम् रुद्रं च मध्ये संस्थाप्य ललितां कर्णिकोपरि कुसुमैरक्षतैर्वार्भिर् नमस्कारेण विन्यसेत्
madhye yathāsvaṃ māṃsāṅgāṃ maṅgalāṃ kumudāṃ satīm rudraṃ ca madhye saṃsthāpya lalitāṃ karṇikopari kusumairakṣatairvārbhir namaskāreṇa vinyaset
In the middle, each in its own place, Māṃsāṅgā, Maṅgalā, Kumudā, Satī; and having established Rudra in the middle, one should set Lalitā upon the pericarp with flowers, unbroken rice-grains and water, with an act of homage.
AI translation rendered from the Sanskrit, not a published edition
MtP 62.20
गीतमङ्गलनिर्घोषान् कारयित्वा सुवासिनीः पूजयेद्रक्तवासोभी रक्तमाल्यानुलेपनैः सिन्दूरं स्नानचूर्णं च तासां शिरसि पातयेत्
gītamaṅgalanirghoṣān kārayitvā suvāsinīḥ pūjayedraktavāsobhī raktamālyānulepanaiḥ sindūraṃ snānacūrṇaṃ ca tāsāṃ śirasi pātayet
Having had songs and auspicious sounds made, one should honour married women with red garments, red garlands and unguents; and one should let fall vermilion and bathing-powder on their heads.
AI translation rendered from the Sanskrit, not a published edition
MtP 62.21
सिन्दूरकुङ्कुमस्नानम् अतीवेष्टतमं यतः तथोपदेष्टारमपि पूजयेद्यत्नतो गुरुम् न पूज्यते गुरुर्यत्र सर्वास्तत्राफलाः क्रियाः
sindūrakuṅkumasnānam atīveṣṭatamaṃ yataḥ tathopadeṣṭāramapi pūjayedyatnato gurum na pūjyate gururyatra sarvāstatrāphalāḥ kriyāḥ
Since bathing with vermilion and saffron is exceedingly the most desired; likewise one should carefully honour the guru who instructs (one). Where the guru is not honoured, there all rites are fruitless.
AI translation rendered from the Sanskrit, not a published edition
MtP 62.22
नभस्ये पूजयेद्गौरीम् उत्पलैरसितैः सदा बन्धुजीवैराश्वयुजे कार्त्तिके शतपत्त्रकैः
nabhasye pūjayedgaurīm utpalairasitaiḥ sadā bandhujīvairāśvayuje kārttike śatapattrakaiḥ
In Nabhasya (Bhādrapada) one should always worship Gaurī with dark blue lotuses, in Āśvayuja with bandhujīva flowers, in Kārttika with hundred-petalled (lotuses).
AI translation rendered from the Sanskrit, not a published edition
MtP 62.23
जातीपुष्पैर्मार्गशीर्षे पौषे पीतैः कुरण्टकैः कुन्दकुङ्कुमपुष्पैस्तु देवीं माघे तु पूजयेत् सिन्दुवारेण जात्या वा फाल्गुने ऽप्यर्चयेदुमाम्
jātīpuṣpairmārgaśīrṣe pauṣe pītaiḥ kuraṇṭakaiḥ kundakuṅkumapuṣpaistu devīṃ māghe tu pūjayet sinduvāreṇa jātyā vā phālgune 'pyarcayedumām
With jasmine flowers in Mārgaśīrṣa, in Pauṣa with yellow kuraṇṭaka flowers; but in Māgha one should worship the goddess with kunda and saffron flowers; and in Phālguna one should honour Umā with sinduvāra or with jasmine.
AI translation rendered from the Sanskrit, not a published edition
MtP 62.24
चैत्रे तु मल्लिकाशोकैर् वैशाखे गन्धपाटलैः ज्येष्ठे कमलमन्दारैर् आषाढे च नवाम्बुजैः कदम्बैरथ मालत्या श्रावणे पूजयेत्सदा
caitre tu mallikāśokair vaiśākhe gandhapāṭalaiḥ jyeṣṭhe kamalamandārair āṣāḍhe ca navāmbujaiḥ kadambairatha mālatyā śrāvaṇe pūjayetsadā
But in Caitra with mallikā and aśoka flowers, in Vaiśākha with fragrant pāṭala; in Jyeṣṭha with lotus and mandāra, and in Āṣāḍha with fresh lotuses; and then in Śrāvaṇa one should always worship with kadamba and mālatī.
AI translation rendered from the Sanskrit, not a published edition
MtP 62.25
गोमूत्रं गोमयं क्षीरं दधि सर्पिः कुशोदकम् बिल्वपत्त्रार्कपुष्पं च यवान्गोशृङ्गवारि च
gomūtraṃ gomayaṃ kṣīraṃ dadhi sarpiḥ kuśodakam bilvapattrārkapuṣpaṃ ca yavāngośṛṅgavāri ca
Cow's urine, cow-dung, milk, curds, ghee, kuśa-water, bilva leaf and arka flower, barley, and water (poured) from a cow's horn —
AI translation rendered from the Sanskrit, not a published edition
MtP 62.26
पञ्चगव्यं च बिल्वं च प्राशयेत्क्रमशस्तदा एतद्भाद्रपदाद्यं तु प्राशनं समुदाहृतम्
pañcagavyaṃ ca bilvaṃ ca prāśayetkramaśastadā etadbhādrapadādyaṃ tu prāśanaṃ samudāhṛtam
and the five cow-products and the bilva — (these) one should then consume in order; this consuming has been declared as beginning in Bhādrapada.
AI translation rendered from the Sanskrit, not a published edition
MtP 62.27
प्रतिपक्षं च मिथुनं तृतीयायां वरानने पूजयित्वार्चयेद्भक्त्या वस्त्रमाल्यानुलेपनैः
pratipakṣaṃ ca mithunaṃ tṛtīyāyāṃ varānane pūjayitvārcayedbhaktyā vastramālyānulepanaiḥ
And fortnight by fortnight a couple, on the third day, O fair-faced one — having worshipped (them) one should honour (them) with devotion, with garments, garlands and unguents.
AI translation rendered from the Sanskrit, not a published edition
MtP 62.28
पुंसः पीताम्बरे दद्यात् स्त्रियै कौसुम्भवाससी निष्पावाजाजिलवणम् इक्षुदण्डगुडान्वितम् तस्यै दद्यात्फलं पुष्पं सुवर्णोत्पलसंयुतम्
puṃsaḥ pītāmbare dadyāt striyai kausumbhavāsasī niṣpāvājājilavaṇam ikṣudaṇḍaguḍānvitam tasyai dadyātphalaṃ puṣpaṃ suvarṇotpalasaṃyutam
To the man one should give a yellow garment, to the woman a pair of safflower-dyed garments; beans, cumin and salt, together with sugar-cane stalks and molasses; to her one should give fruit and flower, along with a golden lotus.
AI translation rendered from the Sanskrit, not a published edition
MtP 62.29
यथा न देवि देवेशस् त्वां परित्यज्य गच्छति तथा माम् उद्धराशेषदुःखसंसारसागरात्
yathā na devi deveśas tvāṃ parityajya gacchati tathā mām uddharāśeṣaduḥkhasaṃsārasāgarāt
"Just as, O Goddess, the Lord of the gods does not go away forsaking you, so lift me up out of the ocean of transmigration with its endless sorrows."
AI translation rendered from the Sanskrit, not a published edition
MtP 62.30
कुमुदा विमलानन्ता भवानी च सुधा शिवा ललिता कमला गौरी सती रम्भाथ पार्वती
kumudā vimalānantā bhavānī ca sudhā śivā lalitā kamalā gaurī satī rambhātha pārvatī
Kumudā, Vimalā, Anantā, and Bhavānī, Sudhā, Śivā, Lalitā, Kamalā, Gaurī, Satī, then Rambhā, and Pārvatī —
AI translation rendered from the Sanskrit, not a published edition
MtP 62.31
नभस्यादिषु मासेषु प्रीयतामित्युदीरयेत् व्रतान्ते शयनं दद्यात् सुवर्णकमलान्वितम्
nabhasyādiṣu māseṣu prīyatāmityudīrayet vratānte śayanaṃ dadyāt suvarṇakamalānvitam
— in the months beginning with Nabhasya (Bhādrapada) one should say, "May she be pleased"; at the end of the observance one should give a bed together with a golden lotus.
AI translation rendered from the Sanskrit, not a published edition
MtP 62.32
मिथुनानि चतुर्विंशद् दश द्वो च समर्चयेत् अष्टौ षड्वाप्यथ पुनश् चानुमासं समर्चयेत्
mithunāni caturviṃśad daśa dvo ca samarcayet aṣṭau ṣaḍvāpyatha punaś cānumāsaṃ samarcayet
One should honour twenty-four couples, or ten, or two, or eight, or six; and again one should honour (them) month by month.
AI translation rendered from the Sanskrit, not a published edition
MtP 62.33
पूर्वं दत्त्वा तु गुरवे शेषानप्यर्चयेद्बुधः उक्तानन्ततृतीयैषा सदानन्तफलप्रदा
pūrvaṃ dattvā tu gurave śeṣānapyarcayedbudhaḥ uktānantatṛtīyaiṣā sadānantaphalapradā
But having given first to the teacher, the wise man should honour the rest as well. This is the Ananta-tṛtīyā that has been described, always granting endless fruit,
AI translation rendered from the Sanskrit, not a published edition
MtP 62.34
सर्वपापहरां देवि सौभाग्यारोग्यवर्धिनीम् न चैनां वित्तशाठ्येन कदाचिदपि लङ्घयेत् नरो वा यदि वा नारी वित्तशाठ्यात् पतत्यधः
sarvapāpaharāṃ devi saubhāgyārogyavardhinīm na caināṃ vittaśāṭhyena kadācidapi laṅghayet naro vā yadi vā nārī vittaśāṭhyāt patatyadhaḥ
removing all sins, O Goddess, increasing good fortune and health; and one should never transgress it out of stinginess with money — whether man or woman, one falls downward through stinginess with money.
AI translation rendered from the Sanskrit, not a published edition
MtP 62.35
गर्भिणी सूतिका नक्तं कुमारी वाथ रोगिणी यद्यशुद्धा तदान्येन वारयेत्प्रयता स्वयम्
garbhiṇī sūtikā naktaṃ kumārī vātha rogiṇī yadyaśuddhā tadānyena vārayetprayatā svayam
If she is a pregnant woman, a woman recently delivered, (or observes it) at night, or a girl, or a sick woman — if she is impure, then, being restrained, she should have it performed by another in her own stead.
AI translation rendered from the Sanskrit, not a published edition — the model flagged this verse as uncertain
MtP 62.36
इमामनन्तफलदां यस्तृतीयां समाचरेत् कल्पकोटिशतं साग्रं शिवलोके महीयते
imāmanantaphaladāṃ yastṛtīyāṃ samācaret kalpakoṭiśataṃ sāgraṃ śivaloke mahīyate
Whoever performs this Tṛtīyā, which grants endless fruit, is honoured in the world of Śiva for a full hundred crores of kalpas.
AI translation rendered from the Sanskrit, not a published edition
MtP 62.37
वित्तहीनो ऽपि कुरुते वर्षत्रयमुपोषणैः पुष्पमन्त्रविधानेन सो ऽपि तत्फलमाप्नुयात्
vittahīno 'pi kurute varṣatrayamupoṣaṇaiḥ puṣpamantravidhānena so 'pi tatphalamāpnuyāt
Even one lacking wealth who performs (it) for three years with fastings, by the rite of flowers and mantras — he too would obtain that fruit.
AI translation rendered from the Sanskrit, not a published edition
MtP 62.38
नारी वा कुरुते या तु कुमारी विधवाथवा सापि तत्फलमाप्नोति गौर्यनुग्रहलालिता
nārī vā kurute yā tu kumārī vidhavāthavā sāpi tatphalamāpnoti gauryanugrahalālitā
And whatever woman performs (it), or a maiden or a widow, she too obtains that fruit, cherished by Gaurī's favour.
AI translation rendered from the Sanskrit, not a published edition
MtP 62.39
इति पठति शृणोति वा य इत्थं गिरितनयाव्रतम् इन्द्रवाससंस्थः मतिमपि च ददाति सो ऽपि देवैर् अमरवधूजनकिंनरैश्च पूज्यः
iti paṭhati śṛṇoti vā ya itthaṃ giritanayāvratam indravāsasaṃsthaḥ matimapi ca dadāti so 'pi devair amaravadhūjanakiṃnaraiśca pūjyaḥ
Whoever thus recites or hears in this way the observance of the Mountain's daughter, and also gives his mind (to it), he too, dwelling in Indra's abode, is to be honoured by the gods, by the throng of the gods' wives, and by the kinnaras.
AI translation rendered from the Sanskrit, not a published edition — the model flagged this verse as uncertain