Matsya Purana — Chapter 61
MtP 61.1
भूर्लोको ऽथ भुवर्लोकः स्वर्लोको ऽथ महर्जनः तपः सत्यं च सप्तैते देवलोकाः प्रकीर्तिताः
bhūrloko 'tha bhuvarlokaḥ svarloko 'tha maharjanaḥ tapaḥ satyaṃ ca saptaite devalokāḥ prakīrtitāḥ
Bhūrloka, then Bhuvarloka, Svarloka, then Mahar and Jana, Tapas and Satya — these seven are declared to be the worlds of the gods.
AI translation rendered from the Sanskrit, not a published edition
MtP 61.2
पर्यायेण तु सर्वेषाम् आधिपत्यं कथं भवेत् इह लोके शुभं रूपम् आयुः सौभाग्यमेव च लक्ष्मीश्च विपुला नाथ कथं स्यात्पुरसूदन
paryāyeṇa tu sarveṣām ādhipatyaṃ kathaṃ bhavet iha loke śubhaṃ rūpam āyuḥ saubhāgyameva ca lakṣmīśca vipulā nātha kathaṃ syātpurasūdana
How may lordship over all of them be had in turn? And in this world, how may there be fair form, long life, good fortune, and abundant prosperity, O lord, O slayer of (the demon of) the city?
AI translation rendered from the Sanskrit, not a published edition
MtP 61.3
पुरा हुताशनः सार्धं मारुतेन महीतले आदिष्टः पुरुहूतेन विनाशाय सुरद्विषाम्
purā hutāśanaḥ sārdhaṃ mārutena mahītale ādiṣṭaḥ puruhūtena vināśāya suradviṣām
Formerly the fire-god, together with the Wind, was commanded on earth by Puruhūta (Indra) to destroy the enemies of the gods.
AI translation rendered from the Sanskrit, not a published edition
MtP 61.4
निर्दग्धेषु ततस्तेन दानवेषु सहस्रशः तारकः कमलाक्षश्च कालदंष्ट्रः परावसुः विरोचनश्च संग्रामाद् अपलायंस्तपोधन
nirdagdheṣu tatastena dānaveṣu sahasraśaḥ tārakaḥ kamalākṣaśca kāladaṃṣṭraḥ parāvasuḥ virocanaśca saṃgrāmād apalāyaṃstapodhana
Then, when the Dānavas had been burnt up by him in their thousands, Tāraka and Kamalākṣa, Kāladaṃṣṭra, Parāvasu and Virocana fled from the battle, O you rich in austerity.
AI translation rendered from the Sanskrit, not a published edition
MtP 61.5
अम्भः सामुद्रमाविश्य संनिवेशमकुर्वत अशक्या इति ते ऽप्यग्निमारुताभ्यामुपेक्षिताः
ambhaḥ sāmudramāviśya saṃniveśamakurvata aśakyā iti te 'pyagnimārutābhyāmupekṣitāḥ
Entering the water of the ocean, they made their dwelling there; and they too were let alone by Fire and Wind, (who thought) "they cannot be got at."
AI translation rendered from the Sanskrit, not a published edition
MtP 61.6
ततः प्रभृति ते देवान् मनुष्यान्सह जङ्गमान् संपीड्य च मुनीन्सर्वान् प्रविशन्ति पुनर्जलम्
tataḥ prabhṛti te devān manuṣyānsaha jaṅgamān saṃpīḍya ca munīnsarvān praviśanti punarjalam
From that time on, having crushed the gods, human beings together with all that moves, and all the sages, they enter the water again.
AI translation rendered from the Sanskrit, not a published edition
MtP 61.7
एवं वर्षसहस्राणि वीराः पञ्च च सप्त च जलदुर्गबलाद्ब्रह्मन् पीडयन्ति जगत्त्रयम्
evaṃ varṣasahasrāṇi vīrāḥ pañca ca sapta ca jaladurgabalādbrahman pīḍayanti jagattrayam
Thus for five and seven thousand years, O Brahman, the heroes afflict the three worlds by the strength of their water-fortress.
AI translation rendered from the Sanskrit, not a published edition
MtP 61.8
ततः परमथो वह्निमारुतावमराधिपः आदिदेश चिरादम्बुनिधिरेष विशोष्यताम्
tataḥ paramatho vahnimārutāvamarādhipaḥ ādideśa cirādambunidhireṣa viśoṣyatām
Then the lord of the immortals commanded Fire and Wind: "This ocean-store of waters, long (untouched), is to be dried up."
AI translation rendered from the Sanskrit, not a published edition
MtP 61.9
यस्मादस्मद्द्विषामेष शरणं वरुणालयः तस्माद्भवद्भ्यामद्यैव क्षयमेष प्रणीयताम्
yasmādasmaddviṣāmeṣa śaraṇaṃ varuṇālayaḥ tasmādbhavadbhyāmadyaiva kṣayameṣa praṇīyatām
"Since this abode of Varuṇa is the refuge of our enemies, therefore this very day let it be brought to destruction by you two."
AI translation rendered from the Sanskrit, not a published edition
MtP 61.10
तावूचतुस्ततः शक्रम् उभौ शम्बरसूदनम् अधर्म एष देवेन्द्र सागरस्य विनाशनम्
tāvūcatustataḥ śakram ubhau śambarasūdanam adharma eṣa devendra sāgarasya vināśanam
Then the two of them said to Śakra, the slayer of Śambara: "This is unrighteousness, O Indra of the gods — the destroying of the ocean."
AI translation rendered from the Sanskrit, not a published edition
MtP 61.11
यस्माज्जीवनिकायस्य महतः संक्षयो भवेत् तस्मान्न पापमद्यावां करवाव पुरंदर
yasmājjīvanikāyasya mahataḥ saṃkṣayo bhavet tasmānna pāpamadyāvāṃ karavāva puraṃdara
"Since a great destruction of the mass of living creatures would come about, therefore we two will not commit this sin today, O Puraṃdara."
AI translation rendered from the Sanskrit, not a published edition
MtP 61.12
अस्य योजनमात्रे ऽपि जीवकोटिशतानि च निवसन्ति सुरश्रेष्ठ स कथं नाशमर्हति
asya yojanamātre 'pi jīvakoṭiśatāni ca nivasanti suraśreṣṭha sa kathaṃ nāśamarhati
"Even within a single yojana of it hundreds of crores of living beings dwell, O best of gods; how does it deserve destruction?"
AI translation rendered from the Sanskrit, not a published edition
MtP 61.13
एवमुक्तः सुरेन्द्रस्तु कोपात् संरक्तलोचनः उवाचेदं वचो रोषान् निर्दहन्निव पावकम्
evamuktaḥ surendrastu kopāt saṃraktalocanaḥ uvācedaṃ vaco roṣān nirdahanniva pāvakam
Addressed thus, the lord of the gods, his eyes red with anger, spoke this word out of fury, as though burning up Fire itself.
AI translation rendered from the Sanskrit, not a published edition
MtP 61.14
न धर्माधर्मसंयोगं प्राप्नुवन्त्यमराः क्वचित् भवतोस्तु विशेषेण माहात्म्यं चाधितिष्ठतोः
na dharmādharmasaṃyogaṃ prāpnuvantyamarāḥ kvacit bhavatostu viśeṣeṇa māhātmyaṃ cādhitiṣṭhatoḥ
"The immortals nowhere incur any involvement with righteousness and unrighteousness — but especially not you two, who occupy a station of greatness."
AI translation rendered from the Sanskrit, not a published edition — the model flagged this verse as uncertain
MtP 61.15
मदाज्ञालङ्घनं यस्मान् मारुतेन समं त्वया मुनिव्रतमहिंसादि परिगृह्य त्वया कृतम् धर्मार्थशास्त्ररहितं शत्रुं प्रति विभावसो
madājñālaṅghanaṃ yasmān mārutena samaṃ tvayā munivratamahiṃsādi parigṛhya tvayā kṛtam dharmārthaśāstrarahitaṃ śatruṃ prati vibhāvaso
"Since the transgression of my command was committed by you together with the Wind, O Vibhāvasu, by adopting the sage's vow of non-injury and the like toward an enemy — a thing void of the teaching of dharma and artha —"
AI translation rendered from the Sanskrit, not a published edition
MtP 61.16
तस्मादेकेन वपुषा मुनिरूपेण मानुषे मारुतेन समं लोके तव जन्म भविष्यति
tasmādekena vapuṣā munirūpeṇa mānuṣe mārutena samaṃ loke tava janma bhaviṣyati
"therefore, in a single body, in the form of a sage, together with the Wind, your birth shall take place in the world of men."
AI translation rendered from the Sanskrit, not a published edition
MtP 61.17
यदा च मानुषत्वे ऽपि त्वयागस्त्येन शोषितः भविष्यत्युदधिर्वह्ने तदा देवत्वमाप्स्यसि
yadā ca mānuṣatve 'pi tvayāgastyena śoṣitaḥ bhaviṣyatyudadhirvahne tadā devatvamāpsyasi
"And when, even in your human condition, the ocean has been dried up by you as Agastya, O Fire, then you will obtain godhood again."
AI translation rendered from the Sanskrit, not a published edition
MtP 61.18
इतीन्द्रशापात्पतितौ तत्क्षणात्तौ महीतले अवाप्तावेकदेहेन कुम्भाज्जन्म तपोधन
itīndraśāpātpatitau tatkṣaṇāttau mahītale avāptāvekadehena kumbhājjanma tapodhana
Thus the two, fallen that very instant to the earth's surface by Indra's curse, obtained, in a single body, birth from a jar, O you rich in austerity.
AI translation rendered from the Sanskrit, not a published edition
MtP 61.19
मित्रावरुणयोर्वीर्याद् वसिष्ठस्यानुजो ऽभवत् अगस्त्य इत्युग्रतपाः संबभूव पुनर्मुनिः
mitrāvaruṇayorvīryād vasiṣṭhasyānujo 'bhavat agastya ityugratapāḥ saṃbabhūva punarmuniḥ
From the seed of Mitra and Varuṇa he became the younger brother of Vasiṣṭha; the sage came into being again as Agastya, of fierce austerities.
AI translation rendered from the Sanskrit, not a published edition
MtP 61.20
सम्भूतः स कथं भ्राता वसिष्ठस्याभवन्मुनिः कथं च मित्रावरुणौ पितरावस्य तौ स्मृतौ जन्म कुम्भादगस्त्यस्य कथं स्यात्पुरसूदन
sambhūtaḥ sa kathaṃ bhrātā vasiṣṭhasyābhavanmuniḥ kathaṃ ca mitrāvaruṇau pitarāvasya tau smṛtau janma kumbhādagastyasya kathaṃ syātpurasūdana
How, once born, did that sage become the brother of Vasiṣṭha? And how are those two, Mitra and Varuṇa, remembered as his fathers? How could Agastya's birth be from a jar, O destroyer of the citadel?
AI translation rendered from the Sanskrit, not a published edition
MtP 61.21
पुरा पुराणपुरुषः कदाचिद्गन्धमादने भूत्वा धर्मसुतो विष्णुश् चचार विपुलं तपः
purā purāṇapuruṣaḥ kadācidgandhamādane bhūtvā dharmasuto viṣṇuś cacāra vipulaṃ tapaḥ
Long ago the ancient Person, Viṣṇu, having become the son of Dharma, once practiced vast austerity on Gandhamādana.
AI translation rendered from the Sanskrit, not a published edition
MtP 61.22
तपसा तस्य भीतेन विघ्नार्थं प्रेषितावुभौ शक्रेण माधवानङ्गाव् अप्सरोगणसंयुतौ
tapasā tasya bhītena vighnārthaṃ preṣitāvubhau śakreṇa mādhavānaṅgāv apsarogaṇasaṃyutau
Frightened by his austerity, Śakra sent both Mādhava (Spring) and Anaṅga (Love), accompanied by troops of apsarases, in order to obstruct it.
AI translation rendered from the Sanskrit, not a published edition
MtP 61.23
यदा न गीतवाद्येन नाङ्गरागादिना हरिः न काममाधवाभ्यां च विषयान्प्रति चुक्षुभे
yadā na gītavādyena nāṅgarāgādinā hariḥ na kāmamādhavābhyāṃ ca viṣayānprati cukṣubhe
When Hari was not stirred toward the objects of sense, neither by song and instrumental music, nor by unguents for the limbs and the rest, nor by Love and Spring —
AI translation rendered from the Sanskrit, not a published edition
MtP 61.24
तदा काममधुस्त्रीणां विषादम् अगमद्गणः संक्षोभाय ततस्तेषां स्वोरुदेशान्नराग्रजः नारीमुत्पादयामास त्रैलोक्यजनमोहिनीम्
tadā kāmamadhustrīṇāṃ viṣādam agamadgaṇaḥ saṃkṣobhāya tatasteṣāṃ svorudeśānnarāgrajaḥ nārīmutpādayāmāsa trailokyajanamohinīm
then the troop of Love, Spring and the women fell into despondency; thereupon, to agitate them, the foremost of men brought forth from his own thigh a woman who bewitched the people of the three worlds.
AI translation rendered from the Sanskrit, not a published edition
MtP 61.25
संक्षुब्धास्तु तया देवास् तौ तु देववरावुभौ अप्सरोभिः समक्षं हि देवानामब्रवीद्धरिः
saṃkṣubdhāstu tayā devās tau tu devavarāvubhau apsarobhiḥ samakṣaṃ hi devānāmabravīddhariḥ
The gods were shaken by her, and so were both those best of gods; then Hari spoke, in the presence of the gods along with the apsarases:
AI translation rendered from the Sanskrit, not a published edition
MtP 61.26
अप्सरा इति सामान्या देवानामब्रवीद्धरिः उर्वशीति च नाम्नेयं लोके ख्यातिं गमिष्यति
apsarā iti sāmānyā devānāmabravīddhariḥ urvaśīti ca nāmneyaṃ loke khyātiṃ gamiṣyati
"'Apsaras' is a general (name) of theirs," Hari said to the gods, "but by the name Urvaśī this one shall attain fame in the world."
AI translation rendered from the Sanskrit, not a published edition
MtP 61.27
ततः कामयमानेन मित्रेणाहूय सोर्वशी उक्ता मां रमयस्वेति बाढम् इत्यब्रवीत्तु सा
tataḥ kāmayamānena mitreṇāhūya sorvaśī uktā māṃ ramayasveti bāḍham ityabravīttu sā
Then, summoned by Mitra, who desired her, that Urvaśī was told: "Take your pleasure with me"; and she said, "Very well."
AI translation rendered from the Sanskrit, not a published edition
MtP 61.28
गच्छन्ती चाम्बरं तद्वत् स्तोकमिन्दीवरेक्षणा वरुणेन धृता पश्चाद् वरुणं नाभ्यनन्दत
gacchantī cāmbaraṃ tadvat stokamindīvarekṣaṇā varuṇena dhṛtā paścād varuṇaṃ nābhyanandata
And as she was going through the sky in that same way, the lotus-eyed one was for a moment held back by Varuṇa; but she did not welcome Varuṇa.
AI translation rendered from the Sanskrit, not a published edition
MtP 61.29
मित्रेणाहं वृता पूर्वम् अद्य भार्या न ते विभो उवाच वरुणश्चित्तं मयि संन्यस्य गम्यताम्
mitreṇāhaṃ vṛtā pūrvam adya bhāryā na te vibho uvāca varuṇaścittaṃ mayi saṃnyasya gamyatām
"I was chosen earlier by Mitra; today I am not your wife, O mighty one." Varuṇa said: "Having set your mind upon me, let (you) go."
AI translation rendered from the Sanskrit, not a published edition
MtP 61.30
गतायां बाढमित्युक्त्वा मित्रः शापमदात्तदा तस्यै मानुषलोके त्वं गच्छ सोमसुतात्मजम्
gatāyāṃ bāḍhamityuktvā mitraḥ śāpamadāttadā tasyai mānuṣaloke tvaṃ gaccha somasutātmajam
When she had gone, having said "Very well," Mitra then laid a curse upon her: "Go you to the world of men (and) the son of Soma's son —"
AI translation rendered from the Sanskrit, not a published edition
MtP 61.31
भजस्वेति यतो वेश्या धर्म एष त्वया कृतः जलकुम्भे ततो वीर्यं मित्रेण वरुणेन च प्रक्षिप्तमथ संजातौ द्वावेव मुनिसत्तमौ
bhajasveti yato veśyā dharma eṣa tvayā kṛtaḥ jalakumbhe tato vīryaṃ mitreṇa varuṇena ca prakṣiptamatha saṃjātau dvāveva munisattamau
"— consort with him, since you are a harlot; this practice has been performed by you." Then the seed was cast into a water-jar by Mitra and by Varuṇa, and thereupon two, indeed, were born, the best of sages.
AI translation rendered from the Sanskrit, not a published edition
MtP 61.32
निमिर्नाम सह स्त्रीभिः पुरा द्यूतमदीव्यत तत्रान्तरे ऽभ्याजगाम वसिष्ठो ब्रह्मसम्भवः
nimirnāma saha strībhiḥ purā dyūtamadīvyata tatrāntare 'bhyājagāma vasiṣṭho brahmasambhavaḥ
Formerly one named Nimi was playing at dice together with women; in that interval Vasiṣṭha, born of Brahmā, came up (to him).
AI translation rendered from the Sanskrit, not a published edition
MtP 61.33
तस्य पूजामकुर्वन्तं शशाप स मुनिर्नृपम् विदेहस्त्वं भवस्वेति ततस्तेनाप्यसौ मुनिः
tasya pūjāmakurvantaṃ śaśāpa sa munirnṛpam videhastvaṃ bhavasveti tatastenāpyasau muniḥ
That sage cursed the king, who did not do him honour: "Become you bodiless"; thereupon by him too that sage (was cursed).
AI translation rendered from the Sanskrit, not a published edition
MtP 61.34
अन्योन्यशापाच्च तयोर् विगते इव चेतसी जग्मतुः शापनाशाय ब्रह्माणं जगतः पतिम्
anyonyaśāpācca tayor vigate iva cetasī jagmatuḥ śāpanāśāya brahmāṇaṃ jagataḥ patim
And through their cursing of each other the minds of the two were as if departed; they went to Brahmā, lord of the world, for the removal of the curse.
AI translation rendered from the Sanskrit, not a published edition
MtP 61.35
अथ ब्रह्मण आदेशाल् लोचनेष्ववसन्निमिः निमेषाः स्युश्च लोकानां तद्विश्रामाय नारद
atha brahmaṇa ādeśāl locaneṣvavasannimiḥ nimeṣāḥ syuśca lokānāṃ tadviśrāmāya nārada
Then, by Brahmā's ordinance, Nimi came to dwell in eyes; and there shall be blinkings of creatures, for his rest, O Nārada.
AI translation rendered from the Sanskrit, not a published edition
MtP 61.36
वसिष्ठो ऽप्यभवत्तस्मिञ् जलकुम्भे च पूर्ववत् ततः श्वेतश्चतुर्बाहुः साक्षसूत्रकमण्डलुः अगस्त्य इति शान्तात्मा बभूव ऋषिसत्तमः
vasiṣṭho 'pyabhavattasmiñ jalakumbhe ca pūrvavat tataḥ śvetaścaturbāhuḥ sākṣasūtrakamaṇḍaluḥ agastya iti śāntātmā babhūva ṛṣisattamaḥ
Vasiṣṭha too came to be in that water-jar, as before; then, white, four-armed, with rosary and water-pot, one of calm spirit named Agastya, the most excellent of seers, came into being.
AI translation rendered from the Sanskrit, not a published edition
MtP 61.37
मलयस्यैकदेशे तु वैखानसविधानतः सभार्यः संवृतो विप्रैस् तपश्चक्रे सुदुश्चरम्
malayasyaikadeśe tu vaikhānasavidhānataḥ sabhāryaḥ saṃvṛto viprais tapaścakre suduścaram
And in one region of Malaya, according to the rule of forest-hermits, together with his wife and surrounded by brahmins, he performed exceedingly hard austerity.
AI translation rendered from the Sanskrit, not a published edition
MtP 61.38
ततः कालेन महता तारकाद् अतिपीडितम् जगद्वीक्ष्य स कोपेन पीतवान्वरुणालयम्
tataḥ kālena mahatā tārakād atipīḍitam jagadvīkṣya sa kopena pītavānvaruṇālayam
Then, after a long time, seeing the world sorely oppressed by Tāraka, he in anger drank up the abode of Varuṇa (the ocean).
AI translation rendered from the Sanskrit, not a published edition
MtP 61.39
ततो ऽस्य वरदाः सर्वे बभूवुः शंकरादयः ब्रह्मा विष्णुश्च भगवान् वरदानाय जग्मतुः वरं वृणीष्व भद्रं ते यदभीष्टं च वै मुने
tato 'sya varadāḥ sarve babhūvuḥ śaṃkarādayaḥ brahmā viṣṇuśca bhagavān varadānāya jagmatuḥ varaṃ vṛṇīṣva bhadraṃ te yadabhīṣṭaṃ ca vai mune
Thereupon all, Śaṃkara and the rest, became granters of a boon to him; and Brahmā and the lord Viṣṇu went to bestow a boon: "Choose a boon — blessings on you — whatever is desired, O sage."
AI translation rendered from the Sanskrit, not a published edition
MtP 61.40
यावद्ब्रह्मसहस्राणां पञ्चविंशतिकोटयः वैमानिको भविष्यामि दक्षिणाचलवर्त्मनि
yāvadbrahmasahasrāṇāṃ pañcaviṃśatikoṭayaḥ vaimāniko bhaviṣyāmi dakṣiṇācalavartmani
"For as long as twenty-five crores of thousands of Brahmās (endure), I shall be one riding a celestial car on the track of the southern mountain."
AI translation rendered from the Sanskrit, not a published edition
MtP 61.41
मद्विमानोदये कुर्याद् यः कश्चित्पूजनं मम स सप्तलोकाधिपतिः पर्यायेण भविष्यति
madvimānodaye kuryād yaḥ kaścitpūjanaṃ mama sa saptalokādhipatiḥ paryāyeṇa bhaviṣyati
"At the rising of my celestial car, whoever performs worship of me, he shall in turn become the lord of the seven worlds."
AI translation rendered from the Sanskrit, not a published edition
MtP 61.42
एवमस्त्विति ते ऽप्युक्त्वा जग्मुर्देवा यथागतम् तस्मादर्घः प्रदातव्यो ह्य् अगस्त्यस्य सदा बुधैः
evamastviti te 'pyuktvā jagmurdevā yathāgatam tasmādarghaḥ pradātavyo hy agastyasya sadā budhaiḥ
And they too, saying "So be it," the gods went as they had come. Therefore the offering of arghya is always to be made to Agastya by the wise.
AI translation rendered from the Sanskrit, not a published edition
MtP 61.43
कथमर्घप्रदानं तु कर्तव्यं तस्य वै विभो विधानं यदगस्त्यस्य पूजने तद्वदस्व मे
kathamarghapradānaṃ tu kartavyaṃ tasya vai vibho vidhānaṃ yadagastyasya pūjane tadvadasva me
"But how is the giving of arghya to him to be performed, O mighty one? Tell me that procedure which (is prescribed) in the worship of Agastya."
AI translation rendered from the Sanskrit, not a published edition
MtP 61.44
प्रत्यूषसमये विद्वान् कुर्यादस्योदये निशि स्नानं शुक्लतिलैस्तद्वच् छुक्लमाल्याम्बरो गृही
pratyūṣasamaye vidvān kuryādasyodaye niśi snānaṃ śuklatilaistadvac chuklamālyāmbaro gṛhī
At the time just before dawn, at his rising in the night, the learned householder, wearing white garlands and garments, should likewise perform a bath with white sesame.
AI translation rendered from the Sanskrit, not a published edition
MtP 61.45
स्थापयेदव्रणं कुम्भं माल्यवस्त्रविभूषितम् पञ्चरत्नसमायुक्तं घृतपात्रसमन्वितम् नानाभक्ष्यफलैर्युक्तं ताम्रपात्रसमन्वितम्
sthāpayedavraṇaṃ kumbhaṃ mālyavastravibhūṣitam pañcaratnasamāyuktaṃ ghṛtapātrasamanvitam nānābhakṣyaphalairyuktaṃ tāmrapātrasamanvitam
He should set up an unbroken jar, adorned with a garland and a cloth, furnished with the five gems, accompanied by a vessel of ghee, provided with various foods and fruits, accompanied by a copper vessel.
AI translation rendered from the Sanskrit, not a published edition
MtP 61.46
अङ्गुष्ठमात्रं पुरुषं तथैव सौवर्णम् अत्यायतबाहुदण्डम् चतुर्मुखं कुम्भमुखे निधाय धान्यानि सप्ताम्बरसंयुतानि
aṅguṣṭhamātraṃ puruṣaṃ tathaiva sauvarṇam atyāyatabāhudaṇḍam caturmukhaṃ kumbhamukhe nidhāya dhānyāni saptāmbarasaṃyutāni
Having set at the mouth of the jar a golden man the size of a thumb, with very long arms and staff-like limbs, four-faced, and grains together with seven garments —
AI translation rendered from the Sanskrit, not a published edition
MtP 61.47
सकांस्यपात्राक्षतशुक्तियुक्तं मन्त्रेण दद्याद्द्विजपुंगवाय उत्क्षिप्य लम्बोदरदीर्घबाहुम् अनन्यचेता यमदिङ्मुखः सन्
sakāṃsyapātrākṣataśuktiyuktaṃ mantreṇa dadyāddvijapuṃgavāya utkṣipya lambodaradīrghabāhum ananyacetā yamadiṅmukhaḥ san
— together with a bronze vessel, unhusked grains and a shell, he should with a mantra give (it) to a bull among the twice-born, having lifted up (the figure of) the pot-bellied, long-armed one, his mind on nothing else, facing the direction of Yama (the south).
AI translation rendered from the Sanskrit, not a published edition
MtP 61.48
श्वेतां च दद्याद्यदि शक्तिरस्ति रौप्यैः खुरैर् हेममुखीं सवत्साम् धेनुं नरः क्षीरवतीं प्रणम्य सवत्सघण्टाभरणां द्विजाय
śvetāṃ ca dadyādyadi śaktirasti raupyaiḥ khurair hemamukhīṃ savatsām dhenuṃ naraḥ kṣīravatīṃ praṇamya savatsaghaṇṭābharaṇāṃ dvijāya
And if he has the means, a man should give to a brahmin, having bowed, a white cow yielding milk, with silver hooves and gilded muzzle, with her calf, adorned with a bell along with her calf.
AI translation rendered from the Sanskrit, not a published edition
MtP 61.49
आ सप्तरात्रोदयम् एतदस्य दातव्यमेतत्सकलं नरेण यावत्समाः सप्त दशाथवा स्युर् अथोर्ध्वमप्यत्र वदन्ति केचित्
ā saptarātrodayam etadasya dātavyametatsakalaṃ nareṇa yāvatsamāḥ sapta daśāthavā syur athordhvamapyatra vadanti kecit
Until the rising of the seventh night all this is to be given by a man for this (rite); (or) for as many as seven years, or ten; and some here say even beyond that.
AI translation rendered from the Sanskrit, not a published edition — the model flagged this verse as uncertain
MtP 61.50
काशपुष्पप्रतीकाश वह्निमारुतसम्भव मित्रावरुणयोः पुत्र कुम्भयोने नमो ऽस्तु ते
kāśapuṣpapratīkāśa vahnimārutasambhava mitrāvaruṇayoḥ putra kumbhayone namo 'stu te
O you who look like the kāśa blossom, arisen from fire and wind, son of Mitra and Varuṇa, jar-born one, homage be to you.
AI translation rendered from the Sanskrit, not a published edition
MtP 61.51
विन्ध्यवृद्धिक्षयकर मेघतोयविषापह रत्नवल्लभ देवेश लङ्कावासिन्नमो ऽस्तु ते
vindhyavṛddhikṣayakara meghatoyaviṣāpaha ratnavallabha deveśa laṅkāvāsinnamo 'stu te
O you who put an end to the Vindhya's growth, remover of the poison in cloud-water, lover of jewels, lord of gods, dweller in Laṅkā, homage be to you.
AI translation rendered from the Sanskrit, not a published edition
MtP 61.52
वातापी भक्षितो येन समुद्रः शोषितः पुरा लोपामुद्रापतिः श्रीमान् यो ऽसौ तस्मै नमो नमः
vātāpī bhakṣito yena samudraḥ śoṣitaḥ purā lopāmudrāpatiḥ śrīmān yo 'sau tasmai namo namaḥ
He by whom Vātāpi was devoured and the ocean formerly dried up, the glorious husband of Lopāmudrā — to him homage, homage.
AI translation rendered from the Sanskrit, not a published edition
MtP 61.53
राजपुत्रि महाभागे ऋषिपत्नि वरानने लोपामुद्रे नमस्तुभ्यम् अर्घो मे प्रतिगृह्यताम् प्रत्यब्दं तु फलत्यागम् एवं कुर्वन्न सीदति
rājaputri mahābhāge ṛṣipatni varānane lopāmudre namastubhyam argho me pratigṛhyatām pratyabdaṃ tu phalatyāgam evaṃ kurvanna sīdati
O princess, greatly blessed, wife of the sage, fair-faced Lopāmudrā, homage to you; let my offering be received. And each year (there should be) the giving up of a fruit: one who does so does not sink.
AI translation rendered from the Sanskrit, not a published edition
MtP 61.54
होमं कृत्वा ततः पश्चाद् वर्जयेन्मानवः फलम् अनेन विधिना यस्तु पुमानर्घ्यं निवेदयेत्
homaṃ kṛtvā tataḥ paścād varjayenmānavaḥ phalam anena vidhinā yastu pumānarghyaṃ nivedayet
Having performed the fire-oblation, thereafter the man should abstain from the fruit. And whatever man presents the offering (arghya) by this rule —
AI translation rendered from the Sanskrit, not a published edition
MtP 61.55
इमं लोकं स चाप्नोति रूपारोग्यसमन्वितः द्वितीयेन भुवर्लोकं स्वर्गलोकं ततः परम्
imaṃ lokaṃ sa cāpnoti rūpārogyasamanvitaḥ dvitīyena bhuvarlokaṃ svargalokaṃ tataḥ param
he wins this world, endowed with beauty and health; by the second (offering) the Bhuvar world, and beyond that the world of heaven.
AI translation rendered from the Sanskrit, not a published edition
MtP 61.56
सप्तैव लोकानाप्नोति सप्तार्घान् यः प्रयच्छति यावदायुश्च यः कुर्यात् परं ब्रह्माधिगच्छति
saptaiva lokānāpnoti saptārghān yaḥ prayacchati yāvadāyuśca yaḥ kuryāt paraṃ brahmādhigacchati
He who presents seven offerings wins the seven worlds; and he who performs it as long as he lives attains the supreme Brahman.
AI translation rendered from the Sanskrit, not a published edition
MtP 61.57
इह पठति शृणोति वा य एतद् युगलमुनिप्रभवार्घ्यसम्प्रदानम् मतिमपि च ददाति सो ऽपि विष्णोर् भवनगतः परिपूज्यते ऽमरौघैः
iha paṭhati śṛṇoti vā ya etad yugalamuniprabhavārghyasampradānam matimapi ca dadāti so 'pi viṣṇor bhavanagataḥ paripūjyate 'maraughaiḥ
Whoever here reads or hears this presenting of the offering to the sage sprung from the pair (Mitra and Varuṇa), and also gives his mind to it, he too, having gone to Viṣṇu's abode, is honoured by the hosts of immortals.
AI translation rendered from the Sanskrit, not a published edition — the model flagged this verse as uncertain