Matsya Purana — Chapter 58

MtP 58.1

जलाशयगतं विष्णुम् उवाच रविनन्दनः तडागारामकूपानां वापीषु नलिनीषु च

jalāśayagataṃ viṣṇum uvāca ravinandanaḥ taḍāgārāmakūpānāṃ vāpīṣu nalinīṣu ca

The son of the Sun (Yama/Savarṇi) spoke to Viṣṇu who was lying on the waters: "Concerning tanks, gardens and wells, and step-wells and lotus-ponds,

AI translation rendered from the Sanskrit, not a published edition

MtP 58.2

विधिं पृच्छामि देवेशे देवतायतनेषु च के तत्र चर्त्विजो नाथ वेदी वा कीदृशी भवेत्

vidhiṃ pṛcchāmi deveśe devatāyataneṣu ca ke tatra cartvijo nātha vedī vā kīdṛśī bhavet

I ask, O lord of gods, the rule (for them) and for temples of the deities: who are the officiating priests there, O lord, and of what kind should the altar be?

AI translation rendered from the Sanskrit, not a published edition

MtP 58.3

दक्षिणावलयः कालः स्थानमाचार्य एव च द्रव्याणि कानि शस्तानि सर्वमाचक्ष्व तत्त्वतः

dakṣiṇāvalayaḥ kālaḥ sthānamācārya eva ca dravyāṇi kāni śastāni sarvamācakṣva tattvataḥ

The fees, the time, the place, and the teacher too — which materials are commended? Tell me all this as it truly is.

AI translation rendered from the Sanskrit, not a published edition

MtP 58.4

शृणु राजन्महाबाहो तडागादिषु यो विधिः पुराणेष्वितिहासो ऽयं पठ्यते वेदवादिभिः

śṛṇu rājanmahābāho taḍāgādiṣu yo vidhiḥ purāṇeṣvitihāso 'yaṃ paṭhyate vedavādibhiḥ

Hear, O king of mighty arms, what the rule is regarding tanks and the rest; this account is recited in the Purāṇas by the expounders of the Veda.

AI translation rendered from the Sanskrit, not a published edition

MtP 58.5

प्राप्य पक्षं शुभं शुक्लम् अतीते चोत्तरायणे पुण्ये ऽह्नि विप्रकथिते कृत्वा ब्राह्मणवाचनम्

prāpya pakṣaṃ śubhaṃ śuklam atīte cottarāyaṇe puṇye 'hni viprakathite kṛtvā brāhmaṇavācanam

Having obtained an auspicious bright fortnight, when the northern course (of the sun) has passed, on a holy day declared by the brahmins, having had the brahmins make the recitation (of the day's blessing),

AI translation rendered from the Sanskrit, not a published edition

MtP 58.6

प्रागुदक्प्रवणे देशे तडागस्य समीपतः चतुर्हस्तां शुभां वेदीं चतुरस्रां चतुर्मुखाम्

prāgudakpravaṇe deśe taḍāgasya samīpataḥ caturhastāṃ śubhāṃ vedīṃ caturasrāṃ caturmukhām

in a place sloping to the east and north, near the tank, (he should make) an auspicious altar of four cubits, four-cornered and with four openings;

AI translation rendered from the Sanskrit, not a published edition

MtP 58.7

तथा षोडशहस्तः स्यान् मण्डपश्च चतुर्मुखः वेद्याश्च परितो गर्ता रत्निमात्रास्त्रिमेखलाः

tathā ṣoḍaśahastaḥ syān maṇḍapaśca caturmukhaḥ vedyāśca parito gartā ratnimātrāstrimekhalāḥ

and the pavilion should be sixteen cubits and four-doored; and around the altar (should be) pits a cubit in measure, with three girdles.

AI translation rendered from the Sanskrit, not a published edition

MtP 58.8

नव सप्ताथ वा पञ्च नातिरिक्ता नृपात्मज वितस्तिमात्रा योनिः स्यात् षट्सप्ताङ्गुलिविस्तृता

nava saptātha vā pañca nātiriktā nṛpātmaja vitastimātrā yoniḥ syāt ṣaṭsaptāṅgulivistṛtā

Nine, or seven, or five — not more, O son of the king. The socket should be a span in measure, six or seven fingers wide.

AI translation rendered from the Sanskrit, not a published edition

MtP 58.9

गर्ताश्च तत्र सप्त स्युस् त्रिपर्वोच्छ्रितमेखलाः सर्वतस्तु सवर्णाः स्युः पताकाध्वजसंयुताः

gartāśca tatra sapta syus triparvocchritamekhalāḥ sarvatastu savarṇāḥ syuḥ patākādhvajasaṃyutāḥ

And there should be seven pits, with girdles raised by three joints; and they should be of matching colour on all sides, provided with pennants and banners.

AI translation rendered from the Sanskrit, not a published edition

MtP 58.10

अश्वत्थोदुम्बरप्लक्षवटशाखाकृतानि तु मण्डपस्य प्रतिदिशं द्वाराण्येतानि कारयेत्

aśvatthodumbaraplakṣavaṭaśākhākṛtāni tu maṇḍapasya pratidiśaṃ dvārāṇyetāni kārayet

And he should have these doors of the pavilion made in each direction, fashioned from the branches of the aśvattha, udumbara, plakṣa and vaṭa.

AI translation rendered from the Sanskrit, not a published edition

MtP 58.11

शुभास्तत्राष्ट होतारो द्वारपालास्तथाष्ट वै अष्टौ तु जापकाः कार्या ब्राह्मणा वेदपारगाः

śubhāstatrāṣṭa hotāro dvārapālāstathāṣṭa vai aṣṭau tu jāpakāḥ kāryā brāhmaṇā vedapāragāḥ

There (should be) eight auspicious hotṛs and likewise eight door-keepers; and eight reciters (of japa) are to be appointed, brahmins who have gone to the far shore of the Vedas.

AI translation rendered from the Sanskrit, not a published edition

MtP 58.12

सर्वलक्षणसम्पूर्णो मन्त्रविद्विजितेन्द्रियः कुलशीलसमायुक्तः पुरोधाः स्याद्द्विजोत्तमः

sarvalakṣaṇasampūrṇo mantravidvijitendriyaḥ kulaśīlasamāyuktaḥ purodhāḥ syāddvijottamaḥ

The chief priest should be the best of the twice-born, complete in all (auspicious) marks, knowing the mantras, with senses subdued, endowed with (good) family and character.

AI translation rendered from the Sanskrit, not a published edition

MtP 58.13

प्रतिगर्तेषु कलशी यज्ञोपकरणानि च व्यजनं चामरे शुभ्रे ताम्रपात्रे सुविस्तृते

pratigarteṣu kalaśī yajñopakaraṇāni ca vyajanaṃ cāmare śubhre tāmrapātre suvistṛte

In the pits (around the altar, there should be) water-jars and the implements of sacrifice, a fan, two bright yak-tail whisks, and broad copper vessels.

AI translation rendered from the Sanskrit, not a published edition

MtP 58.14

ततस्त्वनेकवर्णाः स्युश् चरवः प्रतिदैवतम् आचार्यः प्रक्षिपेद्भूमाव् अनुमन्त्र्य विचक्षणः

tatastvanekavarṇāḥ syuś caravaḥ pratidaivatam ācāryaḥ prakṣipedbhūmāv anumantrya vicakṣaṇaḥ

Then there should be oblation-porridges of many colours, one for each deity; the discerning teacher should throw (them) on the ground after consecrating (them) with mantras.

AI translation rendered from the Sanskrit, not a published edition

MtP 58.15

त्र्यरत्निमात्रो यूपः स्यात् क्षारवृक्षविनिर्मितः यजमानप्रमाणो वा संस्थाप्यो भूतिमिच्छता

tryaratnimātro yūpaḥ syāt kṣāravṛkṣavinirmitaḥ yajamānapramāṇo vā saṃsthāpyo bhūtimicchatā

The sacrificial post should measure three cubits, made of a milky-sapped (kṣāra) tree, or of the height of the sacrificer; it is to be set up by one desiring prosperity.

AI translation rendered from the Sanskrit, not a published edition

MtP 58.16

हेमालंकारिणः कार्याः पञ्चविंशतिऋत्विजः कुण्डलानि च हैमानि केयूरकटकानि च

hemālaṃkāriṇaḥ kāryāḥ pañcaviṃśatiṛtvijaḥ kuṇḍalāni ca haimāni keyūrakaṭakāni ca

The twenty-five officiating priests are to be adorned with gold — golden earrings too, and armlets and bracelets.

AI translation rendered from the Sanskrit, not a published edition

MtP 58.17

तथाङ्गुल्यः पवित्राणि वासांसि विविधानि च पूजयेत्तु समं सर्वान् आचार्यो द्विगुणं पुनः दद्याच्छयनसंयुक्तम् आत्मनश्चापि यत्प्रियम्

tathāṅgulyaḥ pavitrāṇi vāsāṃsi vividhāni ca pūjayettu samaṃ sarvān ācāryo dviguṇaṃ punaḥ dadyācchayanasaṃyuktam ātmanaścāpi yatpriyam

Likewise rings, purifying kuśa-rings, and garments of various kinds; he should honour them all equally, but the teacher (should be honoured) twice as much again; (and) he should give (him) a bed together (with its furnishings) and whatever is dear to himself.

AI translation rendered from the Sanskrit, not a published edition

MtP 58.18

सौवर्णकूर्ममकरौ राजतौ मत्स्यदुन्दुभौ ताम्रौ कुलीरमण्डूकाव् आयसः शिशुमारकः एवमासाद्य तत्सर्वम् आदावेव विशां पते

sauvarṇakūrmamakarau rājatau matsyadundubhau tāmrau kulīramaṇḍūkāv āyasaḥ śiśumārakaḥ evamāsādya tatsarvam ādāveva viśāṃ pate

A tortoise and a makara of gold, a fish and a drum of silver, a crab and a frog of copper, a porpoise of iron — having assembled all that at the very beginning, O lord of peoples,

AI translation rendered from the Sanskrit, not a published edition

MtP 58.19

शुक्लमाल्याम्बरधरः शुक्लगन्धानुलेपनः सर्वौषध्युदकैस्तत्र स्नापितो वेदपारगैः

śuklamālyāmbaradharaḥ śuklagandhānulepanaḥ sarvauṣadhyudakaistatra snāpito vedapāragaiḥ

wearing white garlands and garments, anointed with white perfume, bathed there with the waters of all the herbs by those who have mastered the Vedas,

AI translation rendered from the Sanskrit, not a published edition

MtP 58.20

यजमानः सपत्नीकः पुत्रपौत्रसमन्वितः पश्चिमं द्वारमासाद्य प्रविशेद्यागमण्डपम्

yajamānaḥ sapatnīkaḥ putrapautrasamanvitaḥ paścimaṃ dvāramāsādya praviśedyāgamaṇḍapam

the sacrificer, together with his wife, accompanied by sons and grandsons, should reach the western door and enter the sacrificial pavilion.

AI translation rendered from the Sanskrit, not a published edition

MtP 58.21

ततो मङ्गलशब्देन भेरीणां निःस्वनेन च अञ्जसा मण्डलं कुर्यात् पञ्चवर्णेन तत्त्ववित्

tato maṅgalaśabdena bherīṇāṃ niḥsvanena ca añjasā maṇḍalaṃ kuryāt pañcavarṇena tattvavit

Then, with auspicious sound and with the resounding of kettledrums, the knower of the truth should straightway make a maṇḍala with five colours.

AI translation rendered from the Sanskrit, not a published edition

MtP 58.22

षोडशारं ततश्चक्रं पद्मगर्भं चतुर्मुखम् चतुरस्रं च परितो वृत्तं मध्ये सुशोभनम्

ṣoḍaśāraṃ tataścakraṃ padmagarbhaṃ caturmukham caturasraṃ ca parito vṛttaṃ madhye suśobhanam

Then a wheel with sixteen spokes, with a lotus at its centre, with four faces (openings), square all around and circular in the middle, very beautiful.

AI translation rendered from the Sanskrit, not a published edition

MtP 58.23

वेद्याश्चोपरि तत्कृत्वा ग्रहांल्लोकपतींस्ततः विन्यसेन्मन्त्रतः सर्वान् प्रतिदिक्षु विचक्षणः

vedyāścopari tatkṛtvā grahāṃllokapatīṃstataḥ vinyasenmantrataḥ sarvān pratidikṣu vicakṣaṇaḥ

And having made that upon the altar, the discerning one should then place, with mantras, all the planets and the guardians of the world, each in its own direction.

AI translation rendered from the Sanskrit, not a published edition

MtP 58.24

कूर्मादि स्थापयेन्मध्ये वारुणं मन्त्रमाश्रितः ब्रह्माणं च शिवं विष्णुं तत्रैव स्थापयेद्बुधः

kūrmādi sthāpayenmadhye vāruṇaṃ mantramāśritaḥ brahmāṇaṃ ca śivaṃ viṣṇuṃ tatraiva sthāpayedbudhaḥ

He should set the tortoise and the rest in the middle, resorting to the mantra of Varuṇa; and the wise one should establish Brahmā, Śiva and Viṣṇu in that same place.

AI translation rendered from the Sanskrit, not a published edition

MtP 58.25

विनायकं च विन्यस्य कमलामम्बिकां तथा शान्त्यर्थं सर्वलोकानां भूतग्रामं न्यसेत्ततः

vināyakaṃ ca vinyasya kamalāmambikāṃ tathā śāntyarthaṃ sarvalokānāṃ bhūtagrāmaṃ nyasettataḥ

And having installed Vināyaka, and Kamalā and Ambikā, he should then place the host of spirits, for the sake of the peace of all the worlds.

AI translation rendered from the Sanskrit, not a published edition

MtP 58.26

पुष्पभक्ष्यफलैर्युक्तम् एवं कृत्वाधिवासनम् कुम्भान् सजलगर्भांस्तान् वासोभिः परिवेष्टयेत्

puṣpabhakṣyaphalairyuktam evaṃ kṛtvādhivāsanam kumbhān sajalagarbhāṃstān vāsobhiḥ pariveṣṭayet

Having thus performed the adhivāsana (preliminary consecration) with flowers, eatables and fruits, he should wrap those pots, whose wombs are filled with water, with cloths.

AI translation rendered from the Sanskrit, not a published edition

MtP 58.27

पुष्पगन्धैरलंकृत्य द्वारपालान्समन्ततः पठध्वमिति तान्ब्रूयाद् आचार्यस्त्वभिपूजयेत्

puṣpagandhairalaṃkṛtya dvārapālānsamantataḥ paṭhadhvamiti tānbrūyād ācāryastvabhipūjayet

Having adorned the door-keepers all around with flowers and perfumes, the teacher should say to them, "Recite!" and should honour (them).

AI translation rendered from the Sanskrit, not a published edition

MtP 58.28

बह्वृचौ पूर्वतः स्थाप्यौ दक्षिणेन यजुर्विदौ सामगौ पश्चिमे तद्वद् उत्तरेण त्वथर्वणौ

bahvṛcau pūrvataḥ sthāpyau dakṣiṇena yajurvidau sāmagau paścime tadvad uttareṇa tvatharvaṇau

Two Ṛgvedins are to be stationed on the east, on the south two knowers of the Yajus, on the west likewise two Sāman-singers, and on the north two Atharvan priests.

AI translation rendered from the Sanskrit, not a published edition

MtP 58.29

उदङ्मुखो दक्षिणतो यजमान उपाविशेत् यजध्वमिति तान्ब्रूयाद् धौत्रिकान्पुनरेव तु

udaṅmukho dakṣiṇato yajamāna upāviśet yajadhvamiti tānbrūyād dhautrikānpunareva tu

The sacrificer should sit down on the south, facing north; and again he should say to those belonging to the hotṛ's office, "Sacrifice!"

AI translation rendered from the Sanskrit, not a published edition

MtP 58.30

उत्कृष्टान्मन्त्रजापेन तिष्ठध्वमिति जापकान् एवमादिश्य तान्सर्वान् पर्युक्ष्याग्निं स मन्त्रवित्

utkṛṣṭānmantrajāpena tiṣṭhadhvamiti jāpakān evamādiśya tānsarvān paryukṣyāgniṃ sa mantravit

(And) to the japa-reciters, who are exalted by the muttering of mantras, "Stand fast!" — having thus instructed them all, that knower of mantras, having sprinkled water around the fire,

AI translation rendered from the Sanskrit, not a published edition — the model flagged this verse as uncertain

MtP 58.31

जुहुयाद्वारुणैर्मन्त्रैर् आज्यं च समिधस्तथा ऋत्विग्भिश्चाथ होतव्यं वारुणैरेव सर्वतः

juhuyādvāruṇairmantrair ājyaṃ ca samidhastathā ṛtvigbhiścātha hotavyaṃ vāruṇaireva sarvataḥ

He should offer ghee and firewood with the Varuṇa mantras; and the oblation is to be made by the priests with Varuṇa mantras alone on all sides.

AI translation rendered from the Sanskrit, not a published edition

MtP 58.32

ग्रहेभ्यो विधिवद्धुत्वा तथेन्द्रायेश्वराय च मरुद्भ्यो लोकपालेभ्यो विधिवद्विश्वकर्मणे

grahebhyo vidhivaddhutvā tathendrāyeśvarāya ca marudbhyo lokapālebhyo vidhivadviśvakarmaṇe

Having offered according to rule to the planets, and to Indra and to Īśvara, to the Maruts, to the guardians of the world, and duly to Viśvakarman —

AI translation rendered from the Sanskrit, not a published edition

MtP 58.33

रात्रिसूक्तं च रौद्रं च पावमानं सुमङ्गलम् जपेयुः पौरुषं सूक्तं पूर्वतो बह्वृचः पृथक्

rātrisūktaṃ ca raudraṃ ca pāvamānaṃ sumaṅgalam japeyuḥ pauruṣaṃ sūktaṃ pūrvato bahvṛcaḥ pṛthak

The reciters of the Ṛgveda, on the eastern side, should severally recite the Hymn of Night, the hymn to Rudra, the Pāvamāna, the auspicious (hymn), and the Puruṣa hymn.

AI translation rendered from the Sanskrit, not a published edition

MtP 58.34

शाक्रं रौद्रं च सौम्यं च कूष्माण्डं जातवेदसम् सौरसूक्तं जपेन्मन्त्रं दक्षिणेन यजुर्विदः

śākraṃ raudraṃ ca saumyaṃ ca kūṣmāṇḍaṃ jātavedasam saurasūktaṃ japenmantraṃ dakṣiṇena yajurvidaḥ

On the southern side those versed in the Yajurveda should recite the mantra of Indra, of Rudra, of Soma, the Kūṣmāṇḍa, the Jātavedas, and the hymn to the Sun.

AI translation rendered from the Sanskrit, not a published edition

MtP 58.35

वैराज्यं पौरुषं सूक्तं सौवर्णं रुद्रसंहिताम् शैशवं पञ्चनिधनं गायत्रं ज्येष्ठसाम च

vairājyaṃ pauruṣaṃ sūktaṃ sauvarṇaṃ rudrasaṃhitām śaiśavaṃ pañcanidhanaṃ gāyatraṃ jyeṣṭhasāma ca

The Vairājya, the Puruṣa hymn, the Sauvarṇa, the Rudra collection, the Śaiśava, the Pañcanidhana, the Gāyatra, and the Jyeṣṭha sāman,

AI translation rendered from the Sanskrit, not a published edition

MtP 58.36

वामदेव्यं बृहत्साम रौरवं सरथंतरम् गवां व्रतं च काण्वं च रक्षोघ्नं वयसस्तथा गायेयुः सामगा राजन् पश्चिमं द्वारमाश्रिताः

vāmadevyaṃ bṛhatsāma rauravaṃ sarathaṃtaram gavāṃ vrataṃ ca kāṇvaṃ ca rakṣoghnaṃ vayasastathā gāyeyuḥ sāmagā rājan paścimaṃ dvāramāśritāḥ

the Vāmadevya, the Bṛhat sāman, the Raurava, together with the Rathaṃtara, the Vow of Cows, the Kāṇva, the demon-slaying (sāman) and the Vayas — these the Sāmaveda singers should sing, O king, stationed at the western gate.

AI translation rendered from the Sanskrit, not a published edition

MtP 58.37

अथर्वणश्चोत्तरतः शान्तिकं पौष्टिकं तथा जपेयुर्मनसा देवम् आश्रित्य वरुणं प्रभुम्

atharvaṇaścottarataḥ śāntikaṃ pauṣṭikaṃ tathā japeyurmanasā devam āśritya varuṇaṃ prabhum

And the followers of the Atharvaveda, on the northern side, should recite in their minds the appeasing and the strengthening (hymns), taking refuge in the god Varuṇa, the lord.

AI translation rendered from the Sanskrit, not a published edition

MtP 58.38

पूर्वेद्युरमितो रात्राव् एवं कृत्वाधिवासनम् गजाश्वरथ्यावल्मीकात् संगमाद्ध्रदगोकुलात् मृदमादाय कुम्भेषु प्रक्षिपेच्चत्वरात्तथा

pūrvedyuramito rātrāv evaṃ kṛtvādhivāsanam gajāśvarathyāvalmīkāt saṃgamāddhradagokulāt mṛdamādāya kumbheṣu prakṣipeccatvarāttathā

On the preceding day, at night, having thus performed the consecration (adhivāsana), he should take earth from an elephant('s ground), a horse('s ground), a carriage road, an anthill, a river confluence, a pool, a cow-pen, and likewise from a crossroads, and throw it into the jars.

AI translation rendered from the Sanskrit, not a published edition

MtP 58.39

रोचनां च ससिद्धार्थां गन्धं गुग्गुलमेव च स्नपनं तस्य कर्तव्यं पञ्चगव्यसमन्वितम्

rocanāṃ ca sasiddhārthāṃ gandhaṃ guggulameva ca snapanaṃ tasya kartavyaṃ pañcagavyasamanvitam

And yellow pigment together with white mustard, fragrance, and guggulu — his bathing is to be performed, together with the five products of the cow.

AI translation rendered from the Sanskrit, not a published edition

MtP 58.40

प्रत्येकं तु महामन्त्रैर् एव कृत्वा विधानतः एवं क्षपातिवाह्याथ विधियुक्तेन कर्मणा

pratyekaṃ tu mahāmantrair eva kṛtvā vidhānataḥ evaṃ kṣapātivāhyātha vidhiyuktena karmaṇā

Having done each one separately with the great mantras according to the prescription, the night is thus to be passed with rite-conforming action.

AI translation rendered from the Sanskrit, not a published edition

MtP 58.41

ततः प्रभाते विमले संजाते ऽथ शतं गवाम् ब्राह्मणेभ्यः प्रदातव्यम् अष्टषष्टिश्च वा पुनः पञ्चाशद्वाथ षट्त्रिंशत् पञ्चविंशतिरप्यथ

tataḥ prabhāte vimale saṃjāte 'tha śataṃ gavām brāhmaṇebhyaḥ pradātavyam aṣṭaṣaṣṭiśca vā punaḥ pañcāśadvātha ṣaṭtriṃśat pañcaviṃśatirapyatha

Then, when the clear dawn has come, a hundred cows should be given to the brahmins, or else sixty-eight, or fifty, or thirty-six, or even twenty-five.

AI translation rendered from the Sanskrit, not a published edition

MtP 58.42

ततः सांवत्सरप्रोक्ते शुभे लग्ने सुशोभने वेदशब्दैश्च गान्धर्वैर् वाद्यैश्च विविधैः पुनः

tataḥ sāṃvatsaraprokte śubhe lagne suśobhane vedaśabdaiśca gāndharvair vādyaiśca vividhaiḥ punaḥ

Then, at the auspicious, very favourable moment declared by the astrologer, again with the sounds of the Vedas, with songs and with various instruments,

AI translation rendered from the Sanskrit, not a published edition

MtP 58.43

कनकालंकृतां कृत्वा जले गामवतारयेत् सामगाय च सा देया ब्राह्मणाय विशां पते

kanakālaṃkṛtāṃ kṛtvā jale gāmavatārayet sāmagāya ca sā deyā brāhmaṇāya viśāṃ pate

having adorned a cow with gold, he should lead her down into the water; and she is to be given to a brahmin who is a singer of the Sāman, O lord of peoples.

AI translation rendered from the Sanskrit, not a published edition

MtP 58.44

पात्रीमादाय सौवर्णीं पञ्चरत्नसमन्विताम् ततो निक्षिप्य मकरमत्स्यादींश्चैव सर्वशः धृतां चतुर्विधैर् विप्रैर् वेदवेदाङ्गपारगैः

pātrīmādāya sauvarṇīṃ pañcaratnasamanvitām tato nikṣipya makaramatsyādīṃścaiva sarvaśaḥ dhṛtāṃ caturvidhair viprair vedavedāṅgapāragaiḥ

Taking a golden dish furnished with the five gems, then throwing in makaras, fishes and the rest in all directions, (the dish) held by brahmins of the four (Vedas), masters of the Vedas and the auxiliary sciences —

AI translation rendered from the Sanskrit, not a published edition

MtP 58.45

महानदीजलोपेतां दध्यक्षतसमन्विताम् उत्तराभिमुखीं धेनुं जलमध्ये तु कारयेत्

mahānadījalopetāṃ dadhyakṣatasamanvitām uttarābhimukhīṃ dhenuṃ jalamadhye tu kārayet

filled with the water of a great river, together with curds and unhusked grain — he should have the cow (set) facing north in the midst of the water.

AI translation rendered from the Sanskrit, not a published edition

MtP 58.46

अथर्वणेन संस्नातां पुनर्मामेत्यथेति च आपो हि ष्ठेति मन्त्रेण क्षिप्त्वागत्य च मण्डपम्

atharvaṇena saṃsnātāṃ punarmāmetyatheti ca āpo hi ṣṭheti mantreṇa kṣiptvāgatya ca maṇḍapam

(The cow), bathed with the Atharvan (mantra) and with 'punar mām' and 'atha', having thrown (it) in with the mantra 'āpo hi ṣṭhā', and having come to the pavilion,

AI translation rendered from the Sanskrit, not a published edition — the model flagged this verse as uncertain

MtP 58.47

पूजयित्वा सरस्तत्र बलिं दद्यात्समन्ततः पुनर्दिनानि होतव्यं चत्वारि मुनिसत्तमाः

pūjayitvā sarastatra baliṃ dadyātsamantataḥ punardināni hotavyaṃ catvāri munisattamāḥ

having worshipped the lake there, he should offer an oblation-offering all around; and again the fire offering is to be made for four days, O best of sages.

AI translation rendered from the Sanskrit, not a published edition

MtP 58.48

चतुर्थीकर्म कर्तव्यं देया तत्रापि शक्तितः दक्षिणा राजशार्दूल वरुणक्ष्मापणं ततः

caturthīkarma kartavyaṃ deyā tatrāpi śaktitaḥ dakṣiṇā rājaśārdūla varuṇakṣmāpaṇaṃ tataḥ

The rite of the fourth (day) is to be performed, and there too the priestly fee is to be given according to ability, O tiger among kings; then comes the appeasing of Varuṇa and Earth.

AI translation rendered from the Sanskrit, not a published edition — the model flagged this verse as uncertain

MtP 58.49

कृत्वा तु यज्ञपात्राणि यज्ञोपकरणानि च ऋत्विग्भ्यस्तु समं दत्त्वा मण्डपं विभजेत्पुनः हेमपात्रीं च शय्यां च स्थापकाय निवेदयेत्

kṛtvā tu yajñapātrāṇi yajñopakaraṇāni ca ṛtvigbhyastu samaṃ dattvā maṇḍapaṃ vibhajetpunaḥ hemapātrīṃ ca śayyāṃ ca sthāpakāya nivedayet

Having made the sacrificial vessels and the sacrificial implements, and having given (them) equally to the officiating priests, he should then distribute the pavilion; and he should present the golden dish and a bed to the installer.

AI translation rendered from the Sanskrit, not a published edition

MtP 58.50

ततः सहस्रं विप्राणाम् अथवाष्टशतं तथा भोजनीयं यथाशक्ति पञ्चाशद्वाथ विंशतिः एवमेष पुराणेषु तडागविधिरुच्यते

tataḥ sahasraṃ viprāṇām athavāṣṭaśataṃ tathā bhojanīyaṃ yathāśakti pañcāśadvātha viṃśatiḥ evameṣa purāṇeṣu taḍāgavidhirucyate

Then a thousand brahmins, or eight hundred, are to be fed, according to ability, or fifty, or twenty. Thus this rule for a tank is declared in the Purāṇas.

AI translation rendered from the Sanskrit, not a published edition

MtP 58.51

कूपवापीषु सर्वासु तथा पुष्करिणीषु च एष एव विधिर्दृष्टः प्रतिष्ठासु तथैव च

kūpavāpīṣu sarvāsu tathā puṣkariṇīṣu ca eṣa eva vidhirdṛṣṭaḥ pratiṣṭhāsu tathaiva ca

In all wells and step-wells, and likewise in lotus-ponds, this very same procedure is prescribed, and just so in (their) consecrations.

AI translation rendered from the Sanskrit, not a published edition

MtP 58.52

मन्त्रतस्तु विशेषः स्यात् प्रासादाद्यानभूमिषु अयं त्वशक्तावर्धेन विधिर्दृष्टः स्वयम्भुवा अल्पेष्वेकाग्निवत्कृत्वा वित्तशाठ्यादृते नृणाम्

mantratastu viśeṣaḥ syāt prāsādādyānabhūmiṣu ayaṃ tvaśaktāvardhena vidhirdṛṣṭaḥ svayambhuvā alpeṣvekāgnivatkṛtvā vittaśāṭhyādṛte nṛṇām

But there would be a difference as regards the mantras in the case of temples, vehicles and (building) sites. This procedure, in half measure, was laid down by the Self-existent One for one who is unable; in small (undertakings) one should do it as with a single fire, provided men are not being miserly with their wealth.

AI translation rendered from the Sanskrit, not a published edition — the model flagged this verse as uncertain

MtP 58.53

प्रावृट्काले स्थिते तोये ह्य् अग्निष्टोमफलं स्मृतम् शरत्काले स्थितं यत्स्यात् तदुक्तफलदायकम् वाजपेयातिरात्राभ्यां हेमन्ते शिशिरे स्थितम्

prāvṛṭkāle sthite toye hy agniṣṭomaphalaṃ smṛtam śaratkāle sthitaṃ yatsyāt taduktaphaladāyakam vājapeyātirātrābhyāṃ hemante śiśire sthitam

When the water stands (in the tank) during the rainy season, the fruit is said to be that of the Agniṣṭoma; what stands there in the autumn season gives the fruit already stated; what stands (there) in the cold season and the frosty season (gives the fruit) of the Vājapeya and the Atirātra.

AI translation rendered from the Sanskrit, not a published edition

MtP 58.54

अश्वमेधसमं प्राहुर् वसन्तसमये स्थितम् ग्रीष्मे ऽपि तत्स्थितं तोयं राजसूयाद्विशिष्यते

aśvamedhasamaṃ prāhur vasantasamaye sthitam grīṣme 'pi tatsthitaṃ toyaṃ rājasūyādviśiṣyate

What stands (there) in the spring season they declare equal to the Horse-sacrifice; and water standing there even in the hot season surpasses the Rājasūya.

AI translation rendered from the Sanskrit, not a published edition

MtP 58.55

एतान्महाराज विशेषधर्मान् करोति यो ऽप्यागमशुद्धबुद्धिः स याति रुद्रालयमाशु पूतः कल्पाननेकान्दिवि मोदते च

etānmahārāja viśeṣadharmān karoti yo 'pyāgamaśuddhabuddhiḥ sa yāti rudrālayamāśu pūtaḥ kalpānanekāndivi modate ca

O great king, whoever, his mind purified by scripture, performs these special observances, he goes swiftly, purified, to the abode of Rudra, and rejoices in heaven for many aeons.

AI translation rendered from the Sanskrit, not a published edition

MtP 58.56

अनेकलोकान्स महत्तमादीन् भुक्त्वा परार्धद्वयमङ्गनाभिः सहैव विष्णोः परमं पदं यत् प्राप्नोति तद्यागफलेन भूयः

anekalokānsa mahattamādīn bhuktvā parārdhadvayamaṅganābhiḥ sahaiva viṣṇoḥ paramaṃ padaṃ yat prāpnoti tadyāgaphalena bhūyaḥ

Having enjoyed many worlds, beginning with the Mahattama, for two parārdhas together with (heavenly) women, he thereafter, by the fruit of that sacrifice, attains that which is the highest station of Viṣṇu.

AI translation rendered from the Sanskrit, not a published edition