Matsya Purana — Chapter 54
MtP 54.1
अतः परं प्रवक्ष्यामि दानधर्मानशेषतः व्रतोपवाससंयुक्तान् यथामत्स्योदितानिह
ataḥ paraṃ pravakṣyāmi dānadharmānaśeṣataḥ vratopavāsasaṃyuktān yathāmatsyoditāniha
Next I shall declare, without omission, the duties of giving, together with vows and fasts, as they were spoken here by the Fish.
AI translation rendered from the Sanskrit, not a published edition
MtP 54.2
महादेवस्य संवादे नारदस्य च धीमतः यथावृत्तं प्रवक्ष्यामि धर्मकामार्थसाधकम्
mahādevasya saṃvāde nāradasya ca dhīmataḥ yathāvṛttaṃ pravakṣyāmi dharmakāmārthasādhakam
I shall declare, as it took place, in the dialogue of Mahādeva and the wise Nārada, that which accomplishes dharma, kāma and artha.
AI translation rendered from the Sanskrit, not a published edition
MtP 54.3
कैलासशिखरासीनम् अपृच्छन्नारदः पुरा विनयनमनङ्गारिम् अनङ्गाङ्गहरं हरम्
kailāsaśikharāsīnam apṛcchannāradaḥ purā vinayanamanaṅgārim anaṅgāṅgaharaṃ haram
Long ago Nārada asked Hara — the guide, the foe of Anaṅga, the destroyer of the body of the Bodiless One — as he sat on the peak of Kailāsa:
AI translation rendered from the Sanskrit, not a published edition — the model flagged this verse as uncertain
MtP 54.4
भगवन्देवदेवेश ब्रह्मविष्ण्विन्द्रनायक श्रीमदारोग्यरूपायुर् भाग्यसौभाग्यसम्पदा संयुक्तस्तव विष्णोर्वा पुमान्भक्तः कथं भवेत्
bhagavandevadeveśa brahmaviṣṇvindranāyaka śrīmadārogyarūpāyur bhāgyasaubhāgyasampadā saṃyuktastava viṣṇorvā pumānbhaktaḥ kathaṃ bhavet
"O Lord, ruler of the gods of gods, leader of Brahmā, Viṣṇu and Indra: how may a man become a devotee of you or of Viṣṇu, endowed with prosperity, health, beauty, long life, fortune, good luck and wealth?
AI translation rendered from the Sanskrit, not a published edition
MtP 54.5
नारी वा विधवा सर्वगुणसौभाग्यसंयुता क्रमान्मुक्तिप्रदं देव किंचिद्व्रतमिहोच्यताम्
nārī vā vidhavā sarvaguṇasaubhāgyasaṃyutā kramānmuktipradaṃ deva kiṃcidvratamihocyatām
"Or (how may) a woman, or a widow, (become) possessed of all virtues and good fortune? O god, let some vow be told here that bestows liberation in due course."
AI translation rendered from the Sanskrit, not a published edition
MtP 54.6
सम्यक्पृष्टं त्वया ब्रह्मन् सर्वलोकहितावहम् श्रुतमप्यत्र यच्छान्त्यै तद्व्रतं शृणु नारद
samyakpṛṣṭaṃ tvayā brahman sarvalokahitāvaham śrutamapyatra yacchāntyai tadvrataṃ śṛṇu nārada
"Well asked by you, brahman — (a question) that brings benefit to all the world, and which, when heard here, leads to peace. Hear that vow, Nārada."
AI translation rendered from the Sanskrit, not a published edition — the model flagged this verse as uncertain
MtP 54.7
नक्षत्रपुरुषं नाम व्रतं नारायणात्मकम् पादादि कुर्याद्विधिवद् विष्णुनामानुकीर्तनम्
nakṣatrapuruṣaṃ nāma vrataṃ nārāyaṇātmakam pādādi kuryādvidhivad viṣṇunāmānukīrtanam
There is a vow called Nakṣatrapuruṣa, having Nārāyaṇa as its essence: one should duly perform the recitation of Viṣṇu's names beginning from the feet.
AI translation rendered from the Sanskrit, not a published edition
MtP 54.8
प्रतिमां वासुदेवस्य मूलर्क्षादिषु चार्चयेत् चैत्रमासं समासाद्य कृत्वा ब्राह्मणवाचनम्
pratimāṃ vāsudevasya mūlarkṣādiṣu cārcayet caitramāsaṃ samāsādya kṛtvā brāhmaṇavācanam
And one should worship an image of Vāsudeva in the asterism Mūla and the rest, on reaching the month of Caitra, after having brahmins recite (the benediction).
AI translation rendered from the Sanskrit, not a published edition
MtP 54.9
मूले नमो विश्वधराय पादौ गुल्फावनन्ताय च रोहिणीषु जङ्घे ऽभिपूज्ये वरदाय चैव द्वे जानुनी वाश्विकुमारऋक्षे
mūle namo viśvadharāya pādau gulphāvanantāya ca rohiṇīṣu jaṅghe 'bhipūjye varadāya caiva dve jānunī vāśvikumāraṛkṣe
In Mūla the two feet (are to be worshipped) with "homage to the supporter of the universe", and the two ankles with "to Ananta"; in Rohiṇī the two shanks are to be worshipped, and the two knees with "to the giver of boons" in the asterism of the Aśvin twins.
AI translation rendered from the Sanskrit, not a published edition — the model flagged this verse as uncertain
MtP 54.10
पूर्वोत्तराषाढयुगे तथोरू नमः शिवायेत्यभिपूजनीयौ पूर्वोत्तराफल्गुनियुग्मके च मेढ्रं नमः पञ्चशराय पूज्यम्
pūrvottarāṣāḍhayuge tathorū namaḥ śivāyetyabhipūjanīyau pūrvottarāphalguniyugmake ca meḍhraṃ namaḥ pañcaśarāya pūjyam
So too in the pair Pūrvāṣāḍhā and Uttarāṣāḍhā the two thighs are to be worshipped with "homage to Śiva"; and in the pair Pūrvaphalgunī and Uttaraphalgunī the male organ is to be worshipped with "homage to the five-arrowed one".
AI translation rendered from the Sanskrit, not a published edition
MtP 54.11
कटिं नमः शार्ङ्गधराय विष्णोः सम्पूजयेन्नारद कृत्तिकासु तथार्चयेद्भाद्रपदाद्वये च पार्श्वे नमः केशिनिषूदनाय
kaṭiṃ namaḥ śārṅgadharāya viṣṇoḥ sampūjayennārada kṛttikāsu tathārcayedbhādrapadādvaye ca pārśve namaḥ keśiniṣūdanāya
In Kṛttikā one should worship Viṣṇu's hip with "homage to the bearer of the horn-bow", O Nārada; and likewise in the two Bhādrapadās one should worship the sides with "homage to the slayer of Keśin".
AI translation rendered from the Sanskrit, not a published edition
MtP 54.12
कुक्षिद्वयं नारद रेवतीषु दामोदरायेत्यभिपूजनीयम् ऋक्षे ऽनुराधासु च माधवाय नमस्तथोरःस्थलमेव पूज्यम्
kukṣidvayaṃ nārada revatīṣu dāmodarāyetyabhipūjanīyam ṛkṣe 'nurādhāsu ca mādhavāya namastathoraḥsthalameva pūjyam
The two flanks, Nārada, are to be worshipped in Revatī with "to Dāmodara"; and in the asterism Anurādhā, with "homage to Mādhava", just the region of the chest is to be worshipped.
AI translation rendered from the Sanskrit, not a published edition
MtP 54.13
पृष्ठं धनिष्ठासु च पूजनीयम् अघौघविध्वंसकराय तच्च श्रीशङ्खचक्रासिगदाधराय नमो विशाखासु भुजाश्च पूज्याः
pṛṣṭhaṃ dhaniṣṭhāsu ca pūjanīyam aghaughavidhvaṃsakarāya tacca śrīśaṅkhacakrāsigadādharāya namo viśākhāsu bhujāśca pūjyāḥ
And in Dhaniṣṭhā the back is to be worshipped, with "Homage to the destroyer of the mass of sins"; and that (is done) with "Homage to the bearer of the holy conch, discus, sword and mace"; in Viśākhā the arms are to be worshipped.
AI translation rendered from the Sanskrit, not a published edition
MtP 54.14
हस्ते तु हस्ता मधुसूदनाय नमो ऽभिपूज्या इति कैटभारेः पुनर्वसावङ्गुलिपूर्वभागाः साम्नामधीशाय नमो ऽभिपूज्याः
haste tu hastā madhusūdanāya namo 'bhipūjyā iti kaiṭabhāreḥ punarvasāvaṅgulipūrvabhāgāḥ sāmnāmadhīśāya namo 'bhipūjyāḥ
In Hastā the hands (are to be worshipped) with "Homage to Madhusūdana"; thus, in Punarvasu the forward parts of the fingers of the enemy of Kaiṭabha are to be worshipped with "Homage to the lord of the Sāmans."
AI translation rendered from the Sanskrit, not a published edition
MtP 54.15
भुजंगनक्षत्रदिने नखानि सम्पूजयेन्मत्स्यशरीरभाजः कूर्मस्य पादौ शरणं व्रजामि ज्येष्ठासु कण्ठे हरिरर्चनीयः
bhujaṃganakṣatradine nakhāni sampūjayenmatsyaśarīrabhājaḥ kūrmasya pādau śaraṇaṃ vrajāmi jyeṣṭhāsu kaṇṭhe harirarcanīyaḥ
On the day of the Serpent asterism (Āśleṣā) one should worship the nails of him who wears the body of a fish; (and with) "I go for refuge to the feet of the tortoise"; in Jyeṣṭhā Hari is to be worshipped at the throat.
AI translation rendered from the Sanskrit, not a published edition — the model flagged this verse as uncertain
MtP 54.16
श्रोत्रे वराहाय नमो ऽभिपूज्या जनार्दनस्य श्रवणेन सम्यक् पुष्ये मुखं दानवसूदनाय नमो नृसिंहाय च पूजनीयम्
śrotre varāhāya namo 'bhipūjyā janārdanasya śravaṇena samyak puṣye mukhaṃ dānavasūdanāya namo nṛsiṃhāya ca pūjanīyam
The two ears are to be worshipped with "Homage to the Boar," duly by means of (the asterism) Śravaṇa, (the ears) of Janārdana; in Puṣya the mouth is to be worshipped with "Homage to the slayer of the Dānavas" and to the Man-Lion.
AI translation rendered from the Sanskrit, not a published edition
MtP 54.17
नमो नमः कारणवामनाय स्वातीषु दन्ताग्रमथार्चनीयम् आस्यं हरेर्भार्गवनन्दनाय संपूजनीयं द्विज वारुणे तु
namo namaḥ kāraṇavāmanāya svātīṣu dantāgramathārcanīyam āsyaṃ harerbhārgavanandanāya saṃpūjanīyaṃ dvija vāruṇe tu
Then in Svātī the tip of the teeth is to be worshipped with "Homage, homage to the Dwarf who is the (first) cause"; and in Vāruṇa (Śatabhiṣā) the mouth of Hari is to be worshipped, O twice-born, with (homage) to the son of Bhṛgu.
AI translation rendered from the Sanskrit, not a published edition
MtP 54.18
नमो ऽस्तु रामाय मघासु नासा संपूजनीया रघुनन्दनस्य मृगोत्तमाङ्गे नयने ऽभिपूज्ये नमो ऽस्तु ते राम विघूर्णिताक्ष
namo 'stu rāmāya maghāsu nāsā saṃpūjanīyā raghunandanasya mṛgottamāṅge nayane 'bhipūjye namo 'stu te rāma vighūrṇitākṣa
In Maghā the nose of Raghu's delight is to be worshipped with "Homage be to Rāma"; in the head of the deer (Mṛgaśiras) the two eyes are to be worshipped with "Homage be to you, Rāma of rolling eyes."
AI translation rendered from the Sanskrit, not a published edition
MtP 54.19
बुद्धाय शान्ताय नमो ललाटं चित्रासु संपूज्यतमं मुरारेः शिरो ऽभिपूज्यं भरणीषु विष्णोर् नमो ऽस्तु विश्वेश्वर कल्किरूपिणे
buddhāya śāntāya namo lalāṭaṃ citrāsu saṃpūjyatamaṃ murāreḥ śiro 'bhipūjyaṃ bharaṇīṣu viṣṇor namo 'stu viśveśvara kalkirūpiṇe
With "Homage to the Buddha, the tranquil one," the forehead of Murāri is most to be worshipped in Citrā; in Bharaṇī the head of Viṣṇu is to be worshipped with "Homage be to you, lord of the universe, who has the form of Kalki."
AI translation rendered from the Sanskrit, not a published edition
MtP 54.20
आर्द्रासु केशाः पुरुषोत्तमस्य संपूजनीया हरये नमस्ते उपोषितेनर्क्षदिनेषु भक्त्या संपूजनीया द्विजपुंगवाः स्युः
ārdrāsu keśāḥ puruṣottamasya saṃpūjanīyā haraye namaste upoṣitenarkṣadineṣu bhaktyā saṃpūjanīyā dvijapuṃgavāḥ syuḥ
In Ārdrā the hairs of the Supreme Person are to be worshipped with "Homage to you, Hari"; and by one who has fasted on the days of the asterisms, the bulls among the twice-born are to be worshipped with devotion.
AI translation rendered from the Sanskrit, not a published edition
MtP 54.21
पूर्णे व्रते सर्वगुणान्विताय वाग्रूपशीलाय च सामगाय हैमीं विशालायतबाहुदण्डां मुक्ताफलेन्दूपलवज्रयुक्ताम्
pūrṇe vrate sarvaguṇānvitāya vāgrūpaśīlāya ca sāmagāya haimīṃ viśālāyatabāhudaṇḍāṃ muktāphalendūpalavajrayuktām
When the observance is complete, (one should give) to a Sāma-chanter endowed with all virtues, of (good) speech, form and character, a golden (image) with broad and long staff-like arms, set with pearls, moonstones and diamonds,
AI translation rendered from the Sanskrit, not a published edition
MtP 54.22
जलस्य पूर्णे कलशे निविष्टाम् अर्चां हरेर्वस्त्रगवा सहैव शय्यां तथोपस्करभाजनादियुक्तां प्रदद्याद्द्विजपुंगवाय
jalasya pūrṇe kalaśe niviṣṭām arcāṃ harervastragavā sahaiva śayyāṃ tathopaskarabhājanādiyuktāṃ pradadyāddvijapuṃgavāya
an image of Hari placed on a jar full of water — he should give it to a bull among the twice-born together with cloth and a cow, and also a bed furnished with utensils, vessels and the rest.
AI translation rendered from the Sanskrit, not a published edition
MtP 54.23
यद्यस्ति यत्किंचिदिहास्ति देयं दद्याद्द्विजायात्महिताय सर्वम् मनोरथान्नः सफलीकुरुष्व हिरण्यगर्भाच्युतरुद्ररूपिन्
yadyasti yatkiṃcidihāsti deyaṃ dadyāddvijāyātmahitāya sarvam manorathānnaḥ saphalīkuruṣva hiraṇyagarbhācyutarudrarūpin
If there is anything here that is fit to be given, he should give it all to a brahmin for his own welfare, (saying:) "Make our wishes fruitful, O you whose forms are Hiraṇyagarbha, Acyuta and Rudra."
AI translation rendered from the Sanskrit, not a published edition
MtP 54.24
सलक्ष्मीकं सभार्याय काञ्चनं पुरुषोत्तमम् शय्यां च दद्यान्मन्त्रेण ग्रन्थिभेदविवर्जिताम्
salakṣmīkaṃ sabhāryāya kāñcanaṃ puruṣottamam śayyāṃ ca dadyānmantreṇa granthibhedavivarjitām
He should give, with the mantra, the golden Supreme Person together with Lakṣmī to one who has a wife, and a bed with no break in its joints.
AI translation rendered from the Sanskrit, not a published edition
MtP 54.25
यथा न विष्णुभक्तानां वृजिनं जायते क्वचित् तथा सुरूपतारोग्यं केशवे भक्तिमुत्तमाम्
yathā na viṣṇubhaktānāṃ vṛjinaṃ jāyate kvacit tathā surūpatārogyaṃ keśave bhaktimuttamām
(Saying:) "As no sin ever arises for the devotees of Viṣṇu, so (may I have) beauty of form, health, and supreme devotion to Keśava."
AI translation rendered from the Sanskrit, not a published edition
MtP 54.26
यथा न लक्ष्म्या शयनं तव शून्यं जनार्दन शय्या ममाप्यशून्यास्तु कृष्ण जन्मनि जन्मनि
yathā na lakṣmyā śayanaṃ tava śūnyaṃ janārdana śayyā mamāpyaśūnyāstu kṛṣṇa janmani janmani
"As your bed is not empty of Lakṣmī, O Janārdana, so may my bed too not be empty, O Kṛṣṇa, birth after birth."
AI translation rendered from the Sanskrit, not a published edition
MtP 54.27
एवं निवेद्य तत्सर्वं वस्त्रमाल्यानुलेपनम् नक्षत्रपुरुषज्ञाय विप्रायाथ विसर्जयेत्
evaṃ nivedya tatsarvaṃ vastramālyānulepanam nakṣatrapuruṣajñāya viprāyātha visarjayet
Having thus presented all that, along with cloth, garlands and unguent, to the brahmin who knows the Nakṣatra-Person, he should then dismiss (him).
AI translation rendered from the Sanskrit, not a published edition
MtP 54.28
भुञ्जीतातैललवणं सर्वर्क्षेष्वप्युपोषितः भोजनं च यथाशक्ति वित्तशाठ्यविवर्जितः
bhuñjītātailalavaṇaṃ sarvarkṣeṣvapyupoṣitaḥ bhojanaṃ ca yathāśakti vittaśāṭhyavivarjitaḥ
Fasting on all the asterism-days, he should eat food without oil and salt, and (should provide) food according to his ability, free of stinginess with wealth.
AI translation rendered from the Sanskrit, not a published edition
MtP 54.29
इति नक्षत्रपुरुषम् उपास्य विधिवत्स्वयम् सर्वान्कामानवाप्नोति विष्णुलोके महीयते
iti nakṣatrapuruṣam upāsya vidhivatsvayam sarvānkāmānavāpnoti viṣṇuloke mahīyate
Thus, having himself duly worshipped the Nakṣatra-Person, one obtains all desires and is honoured in Viṣṇu's world.
AI translation rendered from the Sanskrit, not a published edition
MtP 54.30
ब्रह्महत्यादिकं किंचिद् इह वामुत्र वा कृतम् आत्मना वाथ पितृभिस् तत्सर्वं क्षयमाप्नुयात्
brahmahatyādikaṃ kiṃcid iha vāmutra vā kṛtam ātmanā vātha pitṛbhis tatsarvaṃ kṣayamāpnuyāt
Whatever brahmin-killing and the like has been done here or elsewhere, by oneself or by one's forefathers — all that would come to destruction.
AI translation rendered from the Sanskrit, not a published edition
MtP 54.31
इति पठति शृणोति वातिभक्त्या पुरुषवरो व्रतमङ्गनाथ कुर्यात् कलिकलुषविदारणं मुरारेः सकलविभूतिफलप्रदं च पुंसाम्
iti paṭhati śṛṇoti vātibhaktyā puruṣavaro vratamaṅganātha kuryāt kalikaluṣavidāraṇaṃ murāreḥ sakalavibhūtiphalapradaṃ ca puṃsām
So the best of men who reads or hears (this) with great devotion — and, O lady, let him then perform this observance of Murāri, which tears apart the impurity of the Kali age and grants men the fruit of every kind of splendour.
AI translation rendered from the Sanskrit, not a published edition — the model flagged this verse as uncertain