Matsya Purana — Chapter 53
MtP 53.1
पुराणसंख्यामाचक्ष्व सूत विस्तरशः क्रमात् दानधर्ममशेषं तु यथावदनुपूर्वशः
purāṇasaṃkhyāmācakṣva sūta vistaraśaḥ kramāt dānadharmamaśeṣaṃ tu yathāvadanupūrvaśaḥ
Recount, Sūta, the enumeration of the Purāṇas at length and in order, and the whole law of giving entirely, as it is, in due sequence.
AI translation rendered from the Sanskrit, not a published edition
MtP 53.2
इदमेव पुराणेषु पुराणपुरुषस्तदा यदुक्तवान्स विश्वात्मा मनवे तन्निबोधत
idameva purāṇeṣu purāṇapuruṣastadā yaduktavānsa viśvātmā manave tannibodhata
This very thing (is) among the Purāṇas, which the Primeval Person, the Self of all, then declared to Manu: learn that.
AI translation rendered from the Sanskrit, not a published edition — the model flagged this verse as uncertain
MtP 53.3
पुराणं सर्वशास्त्राणां प्रथमं ब्रह्मणा स्मृतम् अनन्तरं च वक्त्रेभ्यो वेदास्तस्य विनिर्गताः
purāṇaṃ sarvaśāstrāṇāṃ prathamaṃ brahmaṇā smṛtam anantaraṃ ca vaktrebhyo vedāstasya vinirgatāḥ
The Purāṇa is remembered by Brahmā as the first of all the treatises; and afterwards the Vedas issued forth from his mouths.
AI translation rendered from the Sanskrit, not a published edition
MtP 53.4
पुराणमेकमेवासीत् तदा कल्पान्तरे ऽनघ त्रिवर्गसाधनं पुण्यं शतकोटिप्रविस्तरम्
purāṇamekamevāsīt tadā kalpāntare 'nagha trivargasādhanaṃ puṇyaṃ śatakoṭipravistaram
There was but one Purāṇa then, in another aeon, O sinless one — a means to the three ends, meritorious, extending to a hundred crore (verses).
AI translation rendered from the Sanskrit, not a published edition
MtP 53.5
निर्दग्धेषु च लोकेषु वाजिरूपेण वै मया अङ्गानि चतुरो वेदान् पुराणं न्यायविस्तरम्
nirdagdheṣu ca lokeṣu vājirūpeṇa vai mayā aṅgāni caturo vedān purāṇaṃ nyāyavistaram
And when the worlds had been burnt up, by me in the form of a horse the auxiliary sciences, the four Vedas, the Purāṇa with its extended reasoning,
AI translation rendered from the Sanskrit, not a published edition
MtP 53.6
मीमांसां धर्मशास्त्रं च परिगृह्य मया कृतम् मत्स्यरूपेण च पुनः कल्पादावुदकार्णवे
mīmāṃsāṃ dharmaśāstraṃ ca parigṛhya mayā kṛtam matsyarūpeṇa ca punaḥ kalpādāvudakārṇave
the Mīmāṃsā and the law-books were taken up (and preserved); and again, in the form of a fish, at the beginning of the aeon, in the ocean of water, it was done by me.
AI translation rendered from the Sanskrit, not a published edition — the model flagged this verse as uncertain
MtP 53.7
अशेषम् एतत्कथितम् उदकान्तर्गतेन च श्रुत्वा जगाद च मुनीन् प्रति देवांश्चतुर्मुखः
aśeṣam etatkathitam udakāntargatena ca śrutvā jagāda ca munīn prati devāṃścaturmukhaḥ
All this was recounted (by me) while (I was) within the waters; and having heard it, the four-faced (Brahmā) spoke it to the sages and the gods.
AI translation rendered from the Sanskrit, not a published edition
MtP 53.8
प्रवृत्तिः सर्वशास्त्राणां पुराणस्याभवत्ततः कालेनाग्रहणं दृष्ट्वा पुराणस्य ततो नृप
pravṛttiḥ sarvaśāstrāṇāṃ purāṇasyābhavattataḥ kālenāgrahaṇaṃ dṛṣṭvā purāṇasya tato nṛpa
From that there arose the promulgation of all the scriptures and of the Purāṇa; then, O king, seeing that in the course of time the Purāṇa was not grasped (by men),
AI translation rendered from the Sanskrit, not a published edition
MtP 53.9
व्यासरूपमहं कृत्वा संहरामि युगे युगे चतुर्लक्षप्रमाणेन द्वापरे द्वापरे सदा
vyāsarūpamahaṃ kṛtvā saṃharāmi yuge yuge caturlakṣapramāṇena dvāpare dvāpare sadā
taking on the form of Vyāsa, I abridge (it) in age after age, always to the measure of four hundred thousand (verses) in each Dvāpara.
AI translation rendered from the Sanskrit, not a published edition
MtP 53.10
तथाष्टादशधा कृत्वा भूर्लोके ऽस्मिन्प्रकाश्यते अद्यापि देवलोके ऽस्मिञ् छतकोटिप्रविस्तरम्
tathāṣṭādaśadhā kṛtvā bhūrloke 'sminprakāśyate adyāpi devaloke 'smiñ chatakoṭipravistaram
And having thus made it eighteenfold, it is made manifest in this earthly world; but even today, in that world of the gods, it extends to a hundred crores.
AI translation rendered from the Sanskrit, not a published edition
MtP 53.11
तदर्थो ऽत्र चतुर्लक्षं संक्षेपेण निवशितः पुराणानि दशाष्टौ च साम्प्रतं तदिहोच्यते
tadartho 'tra caturlakṣaṃ saṃkṣepeṇa nivaśitaḥ purāṇāni daśāṣṭau ca sāmprataṃ tadihocyate
Its substance has been compressed here in brief into four hundred thousand (verses); and the eighteen Purāṇas are now told of here.
AI translation rendered from the Sanskrit, not a published edition
MtP 53.12
नामतस्तानि वक्ष्यामि शृणुध्वं मुनिसत्तमाः ब्रह्मणाभिहितं पूर्वं यावन्मात्रं मरीचये
nāmatastāni vakṣyāmi śṛṇudhvaṃ munisattamāḥ brahmaṇābhihitaṃ pūrvaṃ yāvanmātraṃ marīcaye
I shall declare them by name — listen, O best of sages — as much as was formerly stated by Brahmā to Marīci.
AI translation rendered from the Sanskrit, not a published edition
MtP 53.13
ब्राह्मं त्रिदशसाहस्रं पुराणं परिकीर्त्यते लिखित्वा तच्च यो दद्याज् जलधेनुसमन्वितम् वैशाखपूर्णिमायां च ब्रह्मलोके महीयते
brāhmaṃ tridaśasāhasraṃ purāṇaṃ parikīrtyate likhitvā tacca yo dadyāj jaladhenusamanvitam vaiśākhapūrṇimāyāṃ ca brahmaloke mahīyate
The Brāhma Purāṇa is proclaimed as of ten thousand (verses); and he who, having had it written out, gives it away together with a cow (made) of water, on the full-moon day of Vaiśākha, is honoured in Brahmā's world.
AI translation rendered from the Sanskrit, not a published edition
MtP 53.14
एतदेव यदा पद्मम् अभूद्धैरण्मयं जगत् तद्वृत्तान्ताश्रयं तद्वत् पाद्ममित्युच्यते बुधैः पाद्मं तत्पञ्चपञ्चाशत्सहस्राणीह कथ्यते
etadeva yadā padmam abhūddhairaṇmayaṃ jagat tadvṛttāntāśrayaṃ tadvat pādmamityucyate budhaiḥ pādmaṃ tatpañcapañcāśatsahasrāṇīha kathyate
When this very world became a golden lotus, (the Purāṇa) that rests upon the account of that is likewise called Pādma by the learned; that Pādma is here said to be fifty-five thousand (verses).
AI translation rendered from the Sanskrit, not a published edition
MtP 53.15
तत्पुराणं च यो दद्यात् सुवर्णकमलान्वितम् ज्येष्ठे मासि तिलैर्युक्तम् अश्वमेधफलं लभेत्
tatpurāṇaṃ ca yo dadyāt suvarṇakamalānvitam jyeṣṭhe māsi tilairyuktam aśvamedhaphalaṃ labhet
And whoever gives that Purāṇa, accompanied by a golden lotus and by sesame seeds, in the month of Jyeṣṭha, obtains the fruit of a horse-sacrifice.
AI translation rendered from the Sanskrit, not a published edition
MtP 53.16
वाराहकल्पवृत्तान्तम् अधिकृत्य पराशरः यत्प्राह धर्मानखिलांस् तद्युक्तं वैष्णवं विदुः
vārāhakalpavṛttāntam adhikṛtya parāśaraḥ yatprāha dharmānakhilāṃs tadyuktaṃ vaiṣṇavaṃ viduḥ
The dharmas, all of them, which Parāśara declared with reference to the account of the Vārāha kalpa — joined with that, (the Purāṇa) they know as Vaiṣṇava.
AI translation rendered from the Sanskrit, not a published edition
MtP 53.17
तदाषाढे च यो दद्याद् घृतधेनुसमन्वितम् पौर्णमास्यां विपूतात्मा स पदं याति वारुणम् त्रयोविंशतिसाहस्रं तत्प्रमाणं विदुर्बुधाः
tadāṣāḍhe ca yo dadyād ghṛtadhenusamanvitam paurṇamāsyāṃ vipūtātmā sa padaṃ yāti vāruṇam trayoviṃśatisāhasraṃ tatpramāṇaṃ vidurbudhāḥ
And he who gives it in Āṣāḍha, together with a cow (made) of ghee, on the full-moon day, being purified in soul, goes to Varuṇa's abode; the learned know its extent to be twenty-three thousand (verses).
AI translation rendered from the Sanskrit, not a published edition
MtP 53.18
श्वेतकल्पप्रसङ्गेन धर्मान्वायुरिहाब्रवीत् यत्र तद्वायवीयं स्याद् रुद्रमाहात्म्यसंयुतम् चतुर्विंशसहस्राणि पुराणं तदिहोच्यते
śvetakalpaprasaṅgena dharmānvāyurihābravīt yatra tadvāyavīyaṃ syād rudramāhātmyasaṃyutam caturviṃśasahasrāṇi purāṇaṃ tadihocyate
That in which Vāyu declared the dharmas in connection with the Śveta kalpa would be the Vāyavīya, joined with the greatness of Rudra; that Purāṇa is here said to be twenty-four thousand (verses).
AI translation rendered from the Sanskrit, not a published edition
MtP 53.19
श्रावण्यां श्रावणे मासि गुडधेनुसमन्वितम् यो दद्याद्वृषसंयुक्तं ब्राह्मणाय कुटुम्बिने शिवलोके स पूतात्मा कल्पमेकं वसेन्नरः
śrāvaṇyāṃ śrāvaṇe māsi guḍadhenusamanvitam yo dadyādvṛṣasaṃyuktaṃ brāhmaṇāya kuṭumbine śivaloke sa pūtātmā kalpamekaṃ vasennaraḥ
He who, on the full-moon day of the month Śrāvaṇa, gives it together with a cow (made) of jaggery and with a bull to a householder brahmin — that man, purified in soul, dwells for one kalpa in Śiva's world.
AI translation rendered from the Sanskrit, not a published edition
MtP 53.20
यत्राधिकृत्य गायत्रीं वर्ण्यते धर्मविस्तरः वृत्रासुरवधोपेतं तद्भागवतमुच्यते
yatrādhikṛtya gāyatrīṃ varṇyate dharmavistaraḥ vṛtrāsuravadhopetaṃ tadbhāgavatamucyate
That in which, taking the Gāyatrī as its basis, the extent of dharma is described, together with the slaying of the demon Vṛtra — that is called the Bhāgavata.
AI translation rendered from the Sanskrit, not a published edition
MtP 53.21
सारस्वतस्य कल्पस्य मध्ये ये स्युर्नरोत्तमाः तद्वृत्तान्तोद्भवं लोके तद्भागवतमुच्यते
sārasvatasya kalpasya madhye ye syurnarottamāḥ tadvṛttāntodbhavaṃ loke tadbhāgavatamucyate
Those best of men who were in the midst of the Sārasvata kalpa — (the work) arising from the account of them is in the world called the Bhāgavata.
AI translation rendered from the Sanskrit, not a published edition
MtP 53.22
लिखित्वा तच्च यो दद्याद् धेमसिंहसमन्वितम् पौर्णमास्यां प्रौष्ठपद्यां स याति परमां गतिम् अष्टादश सहस्राणि पुराणं तत्प्रचक्षते
likhitvā tacca yo dadyād dhemasiṃhasamanvitam paurṇamāsyāṃ prauṣṭhapadyāṃ sa yāti paramāṃ gatim aṣṭādaśa sahasrāṇi purāṇaṃ tatpracakṣate
And he who, having had it written out, gives it away together with a golden lion on the full-moon day of Prauṣṭhapada, goes to the highest goal; that Purāṇa they declare to be eighteen thousand (verses).
AI translation rendered from the Sanskrit, not a published edition
MtP 53.23
यत्राह नारदो धर्मान् बृहत्कल्पाश्रयाणि च पञ्चविंशत्सहस्राणि नारदीयं तदुच्यते
yatrāha nārado dharmān bṛhatkalpāśrayāṇi ca pañcaviṃśatsahasrāṇi nāradīyaṃ taducyate
That in which Nārada declared the dharmas, and the matters resting on the Bṛhat kalpa — that is called the Nāradīya, of twenty-five thousand (verses).
AI translation rendered from the Sanskrit, not a published edition
MtP 53.24
आश्विने पञ्चदश्यां तु दद्याद्धेनुसमन्वितम् परमां सिद्धिमाप्नोति पुनरावृत्तिदुर्लभाम्
āśvine pañcadaśyāṃ tu dadyāddhenusamanvitam paramāṃ siddhimāpnoti punarāvṛttidurlabhām
But (he who) gives (it) together with a cow on the fifteenth day in Āśvina attains the highest perfection, hard to reach, from which there is no return again.
AI translation rendered from the Sanskrit, not a published edition
MtP 53.25
यत्राधिकृत्य शकुनीन् धर्माधर्मविचारणा व्याख्याता वै मुनिप्रश्ने मुनिभिर्धर्मचारिभिः
yatrādhikṛtya śakunīn dharmādharmavicāraṇā vyākhyātā vai munipraśne munibhirdharmacāribhiḥ
That in which, taking the birds as its basis, the examination of dharma and non-dharma was expounded by the dharma-practising sages at the sages' question,
AI translation rendered from the Sanskrit, not a published edition
MtP 53.26
मार्कण्डेयेन कथितं तत्सर्वं विस्तरेण तु पुराणं नवसाहस्रं मार्कण्डेयम् इहोच्यते
mārkaṇḍeyena kathitaṃ tatsarvaṃ vistareṇa tu purāṇaṃ navasāhasraṃ mārkaṇḍeyam ihocyate
all that was recounted by Mārkaṇḍeya at length — that Purāṇa of nine thousand (verses) is here called the Mārkaṇḍeya.
AI translation rendered from the Sanskrit, not a published edition
MtP 53.27
प्रतिलिख्य च यो दद्यात् सौवर्णकरिसंयुतम् कार्त्तिक्यां पुण्डरीकस्य यज्ञस्य फलभाग्भवेत्
pratilikhya ca yo dadyāt sauvarṇakarisaṃyutam kārttikyāṃ puṇḍarīkasya yajñasya phalabhāgbhavet
And whoever, having copied it out, should give (it) together with a golden elephant on the full-moon day of Kārttika, becomes a sharer in the fruit of the Puṇḍarīka sacrifice.
AI translation rendered from the Sanskrit, not a published edition
MtP 53.28
यत् तद् ईशानकं कल्पं वृत्तान्तमधिकृत्य च वसिष्ठायाग्निना प्रोक्तम् आग्नेयं तत्प्रचक्षते
yat tad īśānakaṃ kalpaṃ vṛttāntamadhikṛtya ca vasiṣṭhāyāgninā proktam āgneyaṃ tatpracakṣate
That which, taking as its subject the events of the Īśāna kalpa, was spoken by Agni to Vasiṣṭha — that they declare to be the Āgneya (Purāṇa).
AI translation rendered from the Sanskrit, not a published edition
MtP 53.29
लिखित्वा तच्च यो दद्याद् धेमपद्मसमन्वितम् मार्गशीर्ष्यां विधानेन तिलधेनुसमन्वितम्
likhitvā tacca yo dadyād dhemapadmasamanvitam mārgaśīrṣyāṃ vidhānena tiladhenusamanvitam
And whoever, having written it out, should give (it) along with a golden lotus, according to the rule, on the full-moon day of Mārgaśīrṣa, together with a cow (made) of sesame —
AI translation rendered from the Sanskrit, not a published edition
MtP 53.30
तच्च षोडशसाहस्रं सर्वक्रतुफलप्रदम् यः प्रदधन्नरः सो ऽथ स्वर्गलोके महीयते
tacca ṣoḍaśasāhasraṃ sarvakratuphalapradam yaḥ pradadhannaraḥ so 'tha svargaloke mahīyate
and that (Purāṇa) of sixteen thousand (verses) bestows the fruit of all sacrifices; the man who bestows it is honoured in the world of heaven.
AI translation rendered from the Sanskrit, not a published edition
MtP 53.31
यत्राधिकृत्य माहात्म्यम् आदित्यस्य चतुर्मुखः अघोरकल्पवृत्तान्तप्रसङ्गेन जगत्स्थितिम् मनवे कथयामास भूतग्रामस्य लक्षणम्
yatrādhikṛtya māhātmyam ādityasya caturmukhaḥ aghorakalpavṛttāntaprasaṅgena jagatsthitim manave kathayāmāsa bhūtagrāmasya lakṣaṇam
That (Purāṇa) wherein the Four-faced One, taking as his subject the greatness of the Sun, in connection with the account of the Aghora kalpa, related to Manu the standing of the world and the character of the host of beings —
AI translation rendered from the Sanskrit, not a published edition
MtP 53.32
चतुर्दश सहस्राणि तथा पञ्च शतानि च भविष्यचरितप्रायं भविष्यं तदिहोच्यते
caturdaśa sahasrāṇi tathā pañca śatāni ca bhaviṣyacaritaprāyaṃ bhaviṣyaṃ tadihocyate
fourteen thousand and five hundred (verses), consisting mostly of future narrative — that is here called the Bhaviṣya.
AI translation rendered from the Sanskrit, not a published edition
MtP 53.33
तत्पौषे मासि यो दद्यात् पौर्णमास्यां विमत्सरः गुडकुम्भसमायुक्तम् अग्निष्टोमफलं भवेत्
tatpauṣe māsi yo dadyāt paurṇamāsyāṃ vimatsaraḥ guḍakumbhasamāyuktam agniṣṭomaphalaṃ bhavet
Whoever, free of envy, should give that on the full-moon day in the month of Pauṣa, together with a jar of molasses, would have the fruit of an Agniṣṭoma.
AI translation rendered from the Sanskrit, not a published edition
MtP 53.34
रथंतरस्य कल्पस्य वृत्तान्तमधिकृत्य च सावर्णिना नारदाय कृष्णमाहात्म्यमुत्तमम्
rathaṃtarasya kalpasya vṛttāntamadhikṛtya ca sāvarṇinā nāradāya kṛṣṇamāhātmyamuttamam
And (that in which), taking as its subject the account of the Rathaṃtara kalpa, the excellent greatness of Kṛṣṇa (was told) by Sāvarṇi to Nārada,
AI translation rendered from the Sanskrit, not a published edition
MtP 53.35
यत्र ब्रह्मवराहस्य चोदन्तं वर्णितं मुहुः तदष्टादशसाहस्रं ब्रह्मवैवर्तमुच्यते
yatra brahmavarāhasya codantaṃ varṇitaṃ muhuḥ tadaṣṭādaśasāhasraṃ brahmavaivartamucyate
and wherein the tale of Brahmā's boar (form) is described repeatedly — that (Purāṇa) of eighteen thousand (verses) is called the Brahmavaivarta.
AI translation rendered from the Sanskrit, not a published edition
MtP 53.36
पुराणं ब्रह्मवैवर्तं यो दद्यान्माघमासि च पौर्णमास्यां शुभदिने ब्रह्मलोके महीयते
purāṇaṃ brahmavaivartaṃ yo dadyānmāghamāsi ca paurṇamāsyāṃ śubhadine brahmaloke mahīyate
Whoever should give the Brahmavaivarta Purāṇa in the month of Māgha, on the full-moon day, on an auspicious day, is honoured in the world of Brahmā.
AI translation rendered from the Sanskrit, not a published edition
MtP 53.37
यत्राग्निलिङ्गमध्यस्थः प्राह देवो महेश्वरः धर्मार्थकाममोक्षार्थम् आग्नेयमधिकृत्य च
yatrāgniliṅgamadhyasthaḥ prāha devo maheśvaraḥ dharmārthakāmamokṣārtham āgneyamadhikṛtya ca
That wherein the god Maheśvara, standing within the liṅga of fire, spoke for the sake of dharma, wealth, pleasure and liberation, taking the Āgneya (kalpa) as his subject,
AI translation rendered from the Sanskrit, not a published edition
MtP 53.38
कल्पान्ते लैङ्गमित्युक्तं पुराणं ब्रह्मणा स्वयम् तदेकादशसाहस्रं फाल्गुन्यां यः प्रयच्छति तिलधेनुसमायुक्तं स याति शिवसाम्यताम्
kalpānte laiṅgamityuktaṃ purāṇaṃ brahmaṇā svayam tadekādaśasāhasraṃ phālgunyāṃ yaḥ prayacchati tiladhenusamāyuktaṃ sa yāti śivasāmyatām
at the end of the kalpa — that was called the Laiṅga Purāṇa by Brahmā himself; it has eleven thousand (verses); whoever presents it on the full-moon day of Phālguna together with a cow (made) of sesame goes to equality with Śiva.
AI translation rendered from the Sanskrit, not a published edition
MtP 53.39
महावराहस्य पुनर् माहात्म्यमधिकृत्य च विष्णुनाभिहितं क्षोण्यै तद्वाराहम् इहोच्यते
mahāvarāhasya punar māhātmyamadhikṛtya ca viṣṇunābhihitaṃ kṣoṇyai tadvārāham ihocyate
And again, that which was spoken by Viṣṇu to the Earth, taking as its subject the greatness of the Great Boar — that is here called the Vārāha.
AI translation rendered from the Sanskrit, not a published edition
MtP 53.40
मानवस्य प्रसङ्गेन कल्पस्य मुनिसत्तमाः चतुर्विंशत्सहस्राणि तत्पुराणमिहोच्यते
mānavasya prasaṅgena kalpasya munisattamāḥ caturviṃśatsahasrāṇi tatpurāṇamihocyate
In connection with the Mānava kalpa, O best of sages, that Purāṇa is here said (to have) twenty-four thousand (verses).
AI translation rendered from the Sanskrit, not a published edition
MtP 53.41
काञ्चनं गरुडं कृत्वा तिलधेनुसमन्वितम् पौर्णमास्यां मधौ दद्याद् ब्राह्मणाय कुटुम्बिने वराहस्य प्रसादेन पदमाप्नोति वैष्णवम्
kāñcanaṃ garuḍaṃ kṛtvā tiladhenusamanvitam paurṇamāsyāṃ madhau dadyād brāhmaṇāya kuṭumbine varāhasya prasādena padamāpnoti vaiṣṇavam
Having made a golden Garuḍa, together with a cow (made) of sesame, one should give (it) on the full-moon day in the month of Madhu (Caitra) to a Brahmin who has a family; by the grace of the Boar he attains the station of Viṣṇu.
AI translation rendered from the Sanskrit, not a published edition
MtP 53.42
यत्र माहेश्वरान्धर्मान् अधिकृत्य च षण्मुखः कल्पे तत्पुरुषं वृत्तं चरितैरुपबृंहितम्
yatra māheśvarāndharmān adhikṛtya ca ṣaṇmukhaḥ kalpe tatpuruṣaṃ vṛttaṃ caritairupabṛṃhitam
That wherein the Six-faced One, taking as his subject the duties relating to Maheśvara, (told) the events in the Tatpuruṣa kalpa, amplified with narratives —
AI translation rendered from the Sanskrit, not a published edition
MtP 53.43
स्कान्दं नाम पुराणं च ह्य् एकाशीतिर्निगद्यते सहस्राणि शतं चैकम् इति मर्त्येषु गद्यते
skāndaṃ nāma purāṇaṃ ca hy ekāśītirnigadyate sahasrāṇi śataṃ caikam iti martyeṣu gadyate
and the Purāṇa named Skānda is declared (to have) eighty-one; thousands and one hundred — thus it is said among mortals.
AI translation rendered from the Sanskrit, not a published edition — the model flagged this verse as uncertain
MtP 53.44
परिलिख्य च यो दद्याद् धेमशूलसमन्वितम् शैवं पदमवाप्नोति मीने चोपागते रवौ
parilikhya ca yo dadyād dhemaśūlasamanvitam śaivaṃ padamavāpnoti mīne copāgate ravau
And whoever, having written it out, should give (it) together with a golden trident when the sun has entered Pisces, attains the station of Śiva.
AI translation rendered from the Sanskrit, not a published edition
MtP 53.45
त्रिविक्रमस्य माहात्म्यम् अधिकृत्य चतुर्मुखः त्रिवर्गमभ्यधात्तच्च वामनं परिकीर्तितम्
trivikramasya māhātmyam adhikṛtya caturmukhaḥ trivargamabhyadhāttacca vāmanaṃ parikīrtitam
That in which the Four-faced One, taking as his subject the greatness of Trivikrama, declared the three aims (of life) — that is proclaimed as the Vāmana.
AI translation rendered from the Sanskrit, not a published edition
MtP 53.46
पुराणं दशसाहस्रं कूर्मकल्पानुगं शिवम् यः शरद्विषुवे दद्याद् वैष्णवं यात्यसौ पदम्
purāṇaṃ daśasāhasraṃ kūrmakalpānugaṃ śivam yaḥ śaradviṣuve dadyād vaiṣṇavaṃ yātyasau padam
The auspicious Purāṇa of ten thousand (verses) that follows upon the Kūrma kalpa: whoever gives it at the autumn equinox goes to the station of Viṣṇu.
AI translation rendered from the Sanskrit, not a published edition
MtP 53.47
यत्र धर्मार्थकामानां मोक्षस्य च रसातले माहात्म्यं कथयामास कूर्मरूपी जनार्दनः
yatra dharmārthakāmānāṃ mokṣasya ca rasātale māhātmyaṃ kathayāmāsa kūrmarūpī janārdanaḥ
Wherein Janārdana in the form of a tortoise, down in Rasātala, declared the greatness of dharma, wealth and pleasure, and of liberation.
AI translation rendered from the Sanskrit, not a published edition
MtP 53.48
इन्द्रद्युम्नप्रसङ्गेन ऋषिभ्यः शक्रसंनिधौ अष्टादश सहस्राणि लक्ष्मीकल्पानुषङ्गिकम्
indradyumnaprasaṅgena ṛṣibhyaḥ śakrasaṃnidhau aṣṭādaśa sahasrāṇi lakṣmīkalpānuṣaṅgikam
By occasion of Indradyumna, (he spoke it) to the sages in Śakra's presence — eighteen thousand (verses), connected with the Lakṣmī-kalpa.
AI translation rendered from the Sanskrit, not a published edition
MtP 53.49
यो दद्यादयने कूर्मं हेमकूर्मसमन्वितम् गोसहस्रप्रदानस्य फलं सम्प्राप्नुयान्नरः
yo dadyādayane kūrmaṃ hemakūrmasamanvitam gosahasrapradānasya phalaṃ samprāpnuyānnaraḥ
Whoever, at a solstice, gives a tortoise together with a golden tortoise, that man obtains the fruit of the gift of a thousand cows.
AI translation rendered from the Sanskrit, not a published edition
MtP 53.50
श्रुतीनां यत्र कल्पादौ प्रवृत्त्यर्थं जनार्दनः मत्स्यरूपेण मनवे नरसिंहोपवर्णनम्
śrutīnāṃ yatra kalpādau pravṛttyarthaṃ janārdanaḥ matsyarūpeṇa manave narasiṃhopavarṇanam
Wherein, at the beginning of the kalpa, for the sake of setting the Vedas in motion, Janārdana in the form of a fish, (giving) to Manu the description of Narasiṃha —
AI translation rendered from the Sanskrit, not a published edition — the model flagged this verse as uncertain
MtP 53.51
अधिकृत्याब्रवीत्सप्तकल्पवृत्तं मुनीश्वराः तन्मात्स्यमिति जानीध्वं सहस्राणि चतुर्दश
adhikṛtyābravītsaptakalpavṛttaṃ munīśvarāḥ tanmātsyamiti jānīdhvaṃ sahasrāṇi caturdaśa
— taking (that) as his theme, told of what happened in seven kalpas: know that, O lords among sages, as the Mātsya (Purāṇa), fourteen thousand (verses).
AI translation rendered from the Sanskrit, not a published edition
MtP 53.52
विषुवे हेममत्स्येन धेन्वा चैव समन्वितम् यो दद्यात्पृथिवी तेन दत्ता भवति चाखिला
viṣuve hemamatsyena dhenvā caiva samanvitam yo dadyātpṛthivī tena dattā bhavati cākhilā
Whoever at the equinox gives (it) together with a golden fish and a milch cow, by him the whole earth has been given.
AI translation rendered from the Sanskrit, not a published edition
MtP 53.53
यदा च गारुडे कल्पे विश्वाण्डाद्गरुडोद्भवम् अधिकृत्याब्रवीत्कृष्णो गारुडं तदिहोच्यते
yadā ca gāruḍe kalpe viśvāṇḍādgaruḍodbhavam adhikṛtyābravītkṛṣṇo gāruḍaṃ tadihocyate
And when, in the Gāruḍa kalpa, Kṛṣṇa spoke taking as his theme the birth of Garuḍa from the world-egg, that is here called the Gāruḍa (Purāṇa).
AI translation rendered from the Sanskrit, not a published edition
MtP 53.54
तद् अष्टादशकं चैकं सहस्राणीह पठ्यते सौवर्णहंससंयुक्तं यो ददाति पुमानिह स सिद्धिं लभते मुख्यां शिवलोके च संस्थितिम्
tad aṣṭādaśakaṃ caikaṃ sahasrāṇīha paṭhyate sauvarṇahaṃsasaṃyuktaṃ yo dadāti pumāniha sa siddhiṃ labhate mukhyāṃ śivaloke ca saṃsthitim
That is here recited as nineteen thousand (verses); the man here who gives it together with a golden goose obtains the chief attainment and a dwelling in Śiva's world.
AI translation rendered from the Sanskrit, not a published edition
MtP 53.55
ब्रह्मा ब्रह्माण्डमाहात्म्यम् अधिकृत्याब्रवीत्पुनः तच्च द्वादशसाहस्रं ब्रह्माण्डं द्विशताधिकम्
brahmā brahmāṇḍamāhātmyam adhikṛtyābravītpunaḥ tacca dvādaśasāhasraṃ brahmāṇḍaṃ dviśatādhikam
Again, Brahmā spoke taking as his theme the greatness of the Brahmāṇḍa; and that Brahmāṇḍa (Purāṇa) is twelve thousand two hundred (verses).
AI translation rendered from the Sanskrit, not a published edition
MtP 53.56
भविष्याणां च कल्पानां श्रूयते यत्र विस्तरः तद्ब्रह्माण्डपुराणं च ब्रह्मणा समुदाहृतम्
bhaviṣyāṇāṃ ca kalpānāṃ śrūyate yatra vistaraḥ tadbrahmāṇḍapurāṇaṃ ca brahmaṇā samudāhṛtam
And wherein is heard the full account of the kalpas to come — that is the Brahmāṇḍa Purāṇa, proclaimed by Brahmā.
AI translation rendered from the Sanskrit, not a published edition
MtP 53.57
यो दद्यात्तद्व्यतीपाते पीतोर्णायुगसंयुतम् राजसूयसहस्रस्य फलमाप्नोति मानवः हेमधेन्वा युतं तच्च ब्रह्मलोकफलप्रदम्
yo dadyāttadvyatīpāte pītorṇāyugasaṃyutam rājasūyasahasrasya phalamāpnoti mānavaḥ hemadhenvā yutaṃ tacca brahmalokaphalapradam
Whoever gives it at a vyatīpāta, together with a pair of yellow woollen garments, that man obtains the fruit of a thousand Rājasūya sacrifices; and (given) together with a golden cow it yields as fruit the world of Brahmā.
AI translation rendered from the Sanskrit, not a published edition
MtP 53.58
चतुर्लक्षमिदं प्रोक्तं व्यासेनाद्भुतकर्मणा मत्पितुर्मम पित्रा च मया तुभ्यं निवेदितम्
caturlakṣamidaṃ proktaṃ vyāsenādbhutakarmaṇā matpiturmama pitrā ca mayā tubhyaṃ niveditam
This (collection) was declared as four hundred thousand (verses) by Vyāsa of wondrous deeds; (it was declared) to my father's father, and by my father to me, and by me it has been imparted to you.
AI translation rendered from the Sanskrit, not a published edition — the model flagged this verse as uncertain
MtP 53.59
इह लोकहितार्थाय संक्षिप्तं परमर्षिणा इदमद्यापि देवेषु शतकोटिप्रविस्तरम्
iha lokahitārthāya saṃkṣiptaṃ paramarṣiṇā idamadyāpi deveṣu śatakoṭipravistaram
Here, for the good of the world, it was abridged by the supreme sage; but this same (work) even today among the gods extends to a thousand million (verses).
AI translation rendered from the Sanskrit, not a published edition
MtP 53.60
उपभेदान्प्रवक्ष्यामि लोके ये सम्प्रतिष्ठिताः पाद्मे पुराणे यत्रोक्तं नरसिंहोपवर्णनम् तच्चाष्टादशसाहस्रं नारसिंहमिहोच्यते
upabhedānpravakṣyāmi loke ye sampratiṣṭhitāḥ pādme purāṇe yatroktaṃ narasiṃhopavarṇanam taccāṣṭādaśasāhasraṃ nārasiṃhamihocyate
I shall declare the sub-divisions which are established in the world: where in the Pādma Purāṇa the description of Narasiṃha is told, that, of eighteen thousand (verses), is here called the Nārasiṃha.
AI translation rendered from the Sanskrit, not a published edition
MtP 53.61
नन्दाया यत्र माहात्म्यं कार्त्तिकेयेन वर्ण्यते नन्दीपुराणं तल्लोकैर् आख्यातमिति कीर्त्यते
nandāyā yatra māhātmyaṃ kārttikeyena varṇyate nandīpurāṇaṃ tallokair ākhyātamiti kīrtyate
Where the greatness of Nandā is described by Kārttikeya, that is celebrated as being called the Nandī Purāṇa by people.
AI translation rendered from the Sanskrit, not a published edition
MtP 53.62
यत्र साम्बं पुरस्कृत्य भविष्यति कथानकम् प्रोच्यते तत्पुनर्लोके साम्बमेतन्मुनिव्रताः
yatra sāmbaṃ puraskṛtya bhaviṣyati kathānakam procyate tatpunarloke sāmbametanmunivratāḥ
Where, putting Sāmba foremost, the little story that is to come is told, that again is in the world (called) the Sāmba, O you of ascetic vows.
AI translation rendered from the Sanskrit, not a published edition — the model flagged this verse as uncertain
MtP 53.63
पुरातनस्य कल्पस्य पुराणानि विदुर्बुधाः धन्यं यशस्यमायुष्यं पुराणानामनुक्रमम् एवमादित्यसंज्ञा च तत्रैव परिगद्यते
purātanasya kalpasya purāṇāni vidurbudhāḥ dhanyaṃ yaśasyamāyuṣyaṃ purāṇānāmanukramam evamādityasaṃjñā ca tatraiva parigadyate
The wise know the Purāṇas as belonging to an ancient kalpa; the list of the Purāṇas is fortune-bringing, fame-bringing, life-bringing; and thus too the one named Āditya is enumerated there itself.
AI translation rendered from the Sanskrit, not a published edition — the model flagged this verse as uncertain
MtP 53.64
अष्टादशभ्यस्तु पृथक् पुराणं यत्प्रदिश्यते विजानीध्वं द्विजश्रेष्ठास् तदेतेभ्यो विनिर्गतम्
aṣṭādaśabhyastu pṛthak purāṇaṃ yatpradiśyate vijānīdhvaṃ dvijaśreṣṭhās tadetebhyo vinirgatam
But whatever Purāṇa is pointed out as separate from the eighteen — know, O best of twice-born, that it has issued from these.
AI translation rendered from the Sanskrit, not a published edition
MtP 53.65
पञ्चाङ्गानि पुराणेषु आख्यानकमिति स्मृतम् सर्गश्च प्रतिसर्गश्च वंशो मन्वन्तराणि च वंश्यानुचरितं चैव पुराणं पञ्चलक्षणम्
pañcāṅgāni purāṇeṣu ākhyānakamiti smṛtam sargaśca pratisargaśca vaṃśo manvantarāṇi ca vaṃśyānucaritaṃ caiva purāṇaṃ pañcalakṣaṇam
In the Purāṇas there are five members; a narrative it is called: creation, and re-creation, and lineage, and the Manu-periods, and the deeds of those of the lineages — the Purāṇa has five marks.
AI translation rendered from the Sanskrit, not a published edition
MtP 53.66
ब्रह्मविष्ण्वर्करुद्राणां माहात्म्यं भुवनस्य च ससंहारप्रदानां च पुराणे पञ्चवर्णके
brahmaviṣṇvarkarudrāṇāṃ māhātmyaṃ bhuvanasya ca sasaṃhārapradānāṃ ca purāṇe pañcavarṇake
In a Purāṇa of five kinds (are told) the greatness of Brahmā, Viṣṇu, the Sun and Rudra, and of the world, together with (its) dissolution and (its) bestowal.
AI translation rendered from the Sanskrit, not a published edition — the model flagged this verse as uncertain
MtP 53.67
धर्मश्चार्थश्च कामश्च मोक्षश्चैवात्र कीर्त्यते सर्वेष्वपि पुराणेषु तद्विरुद्धं च यत्फलम्
dharmaścārthaśca kāmaśca mokṣaścaivātra kīrtyate sarveṣvapi purāṇeṣu tadviruddhaṃ ca yatphalam
Dharma and artha and kāma and liberation too are proclaimed here, and in all the Purāṇas as well, along with the fruit that is contrary to that.
AI translation rendered from the Sanskrit, not a published edition — the model flagged this verse as uncertain
MtP 53.68
सात्त्विकेषु पुराणेषु माहात्म्यमधिकं हरेः राजसेषु च माहात्म्यम् अधिकं ब्रह्मणो विदुः
sāttvikeṣu purāṇeṣu māhātmyamadhikaṃ hareḥ rājaseṣu ca māhātmyam adhikaṃ brahmaṇo viduḥ
In the sāttvika Purāṇas the greatness of Hari is predominant; and in the rājasa ones, they know, the greatness of Brahmā is predominant.
AI translation rendered from the Sanskrit, not a published edition
MtP 53.69
तद्वदग्नेश्च माहात्म्यं तामसेषु शिवस्य च संकीर्णेषु सरस्वत्याः पितॄणां च निगद्यते
tadvadagneśca māhātmyaṃ tāmaseṣu śivasya ca saṃkīrṇeṣu sarasvatyāḥ pitṝṇāṃ ca nigadyate
Likewise (in the rājasa ones) the greatness of Agni; and in the tāmasa ones that of Śiva; in the mixed ones the greatness of Sarasvatī and of the ancestors is declared.
AI translation rendered from the Sanskrit, not a published edition
MtP 53.70
अष्टादश पुराणानि कृत्वा सत्यवतीसुतः भारताख्यानमखिलं चक्रे तदुपबृंहितम् लक्षेणैकेन यत्प्रोक्तं वेदार्थपरिबृंहितम्
aṣṭādaśa purāṇāni kṛtvā satyavatīsutaḥ bhāratākhyānamakhilaṃ cakre tadupabṛṃhitam lakṣeṇaikena yatproktaṃ vedārthaparibṛṃhitam
Having composed the eighteen Purāṇas, the son of Satyavatī made the entire narrative of the Bhāratas, swollen out of that, which was spoken in one lakh (of verses), filled out with the meaning of the Vedas.
AI translation rendered from the Sanskrit, not a published edition
MtP 53.71
वाल्मीकिना तु यत्प्रोक्तं रामोपाख्यानमुत्तमम् ब्रह्मणाभिहितं यच्च शतकोटिप्रविस्तरम्
vālmīkinā tu yatproktaṃ rāmopākhyānamuttamam brahmaṇābhihitaṃ yacca śatakoṭipravistaram
And that excellent tale of Rāma which was spoken by Vālmīki, and which was uttered by Brahmā, extending to a hundred crores —
AI translation rendered from the Sanskrit, not a published edition
MtP 53.72
आहृत्य नारदायैवं तेन वाल्मीकये पुनः वाल्मीकिना च लोकेषु धर्मकामार्थसाधनम् एवं सपादाः पञ्चैते लक्षा मर्त्ये प्रकीर्तिताः
āhṛtya nāradāyaivaṃ tena vālmīkaye punaḥ vālmīkinā ca lokeṣu dharmakāmārthasādhanam evaṃ sapādāḥ pañcaite lakṣā martye prakīrtitāḥ
having thus been brought to Nārada, and by him again to Vālmīki, and by Vālmīki (spread) among the worlds as a means to dharma, kāma and artha — thus these five and a quarter lakhs (of verses) are proclaimed in the mortal world.
AI translation rendered from the Sanskrit, not a published edition — the model flagged this verse as uncertain
MtP 53.73
पुरातनस्य कल्पस्य पुराणानि विदुर्बुधाः धन्यं यशस्यमायुष्यं पुराणानामनुक्रमम् यः पठेच्छृणुयाद्वापि स याति परमां गतिम्
purātanasya kalpasya purāṇāni vidurbudhāḥ dhanyaṃ yaśasyamāyuṣyaṃ purāṇānāmanukramam yaḥ paṭhecchṛṇuyādvāpi sa yāti paramāṃ gatim
The learned know the Purāṇas to belong to the ancient kalpa; the enumeration of the Purāṇas bestows wealth, fame and long life; whoever reads or even hears it goes to the highest goal.
AI translation rendered from the Sanskrit, not a published edition
MtP 53.74
इदं पवित्रं यशसो निधानम् इदं पितॄणामतिवल्लभं च इदं च देवेष्व् अमृतायितं च नित्यं त्विदं पापहरं च पुंसाम्
idaṃ pavitraṃ yaśaso nidhānam idaṃ pitṝṇāmativallabhaṃ ca idaṃ ca deveṣv amṛtāyitaṃ ca nityaṃ tvidaṃ pāpaharaṃ ca puṃsām
This is pure, this is a treasure-house of fame, and this is exceedingly dear to the ancestors; and this, among the gods, has become as nectar; and this always removes the sins of men.
AI translation rendered from the Sanskrit, not a published edition