Matsya Purana — Chapter 50
MtP 50.1
अजमीढस्य नीलिन्यां नीलः समभवन्नृपः नीलस्य तपसोग्रेण सुशान्तिरुदपद्यत
ajamīḍhasya nīlinyāṃ nīlaḥ samabhavannṛpaḥ nīlasya tapasogreṇa suśāntirudapadyata
To Ajamīḍha by Nīlinī was born king Nīla; from Nīla, by fierce austerity, Suśānti came into being.
AI translation rendered from the Sanskrit, not a published edition
MtP 50.2
पुरुजानुः सुशान्तेस्तु पृथुस्तु पुरुजानुतः भद्राश्वः पृथुदायादो भद्राश्वतनयाञ्छृणु
purujānuḥ suśāntestu pṛthustu purujānutaḥ bhadrāśvaḥ pṛthudāyādo bhadrāśvatanayāñchṛṇu
Suśānti's (son) was Purujānu, and from Purujānu (came) Pṛthu; Bhadrāśva was Pṛthu's heir — hear (now) the sons of Bhadrāśva.
AI translation rendered from the Sanskrit, not a published edition
MtP 50.3
मुद्गलश्च जयश्चैव राजा बृहदिषुस्तथा जवीनरश्च विक्रान्तः कपिलश्चैव पञ्चमः
mudgalaśca jayaścaiva rājā bṛhadiṣustathā javīnaraśca vikrāntaḥ kapilaścaiva pañcamaḥ
Mudgala and Jaya, and king Bṛhadiṣu likewise, and the valiant Javīnara, and Kapila as the fifth.
AI translation rendered from the Sanskrit, not a published edition
MtP 50.4
पञ्चानां चैव पञ्चालान् एताञ्जनपदान्विदुः पञ्चालरक्षिणो ह्य् एते देशानामिति नः श्रुतम्
pañcānāṃ caiva pañcālān etāñjanapadānviduḥ pañcālarakṣiṇo hy ete deśānāmiti naḥ śrutam
They knew these territories as the Pañcālas, belonging to the five; for these were the protectors of the five lands — so we have heard.
AI translation rendered from the Sanskrit, not a published edition — the model flagged this verse as uncertain
MtP 50.5
मुद्गलस्यापि मौद्गल्याः क्षत्रोपेता द्विजातयः एते ह्य् अङ्गिरसः पक्षं संश्रिताः काण्वमुद्गलाः
mudgalasyāpi maudgalyāḥ kṣatropetā dvijātayaḥ ete hy aṅgirasaḥ pakṣaṃ saṃśritāḥ kāṇvamudgalāḥ
From Mudgala (came) the Maudgalyas, twice-born ones endowed with the kṣatriya character; these Kāṇva-Mudgalas have attached themselves to the Aṅgirasa branch.
AI translation rendered from the Sanskrit, not a published edition
MtP 50.6
मुद्गलस्य सुतो जज्ञे ब्रह्मिष्ठः सुमहायशाः इन्द्रसेनः सुतस्तस्य विन्ध्याश्वस्तस्य चात्मजः
mudgalasya suto jajñe brahmiṣṭhaḥ sumahāyaśāḥ indrasenaḥ sutastasya vindhyāśvastasya cātmajaḥ
To Mudgala was born a son most devoted to brahman, of very great fame; his son was Indrasena, and his son Vindhyāśva.
AI translation rendered from the Sanskrit, not a published edition
MtP 50.7
विन्ध्याश्वान्मिथुनं जज्ञे मेनकायामिति श्रुतिः दिवोदासश्च राजर्षिर् अहल्या च यशस्विनी
vindhyāśvānmithunaṃ jajñe menakāyāmiti śrutiḥ divodāsaśca rājarṣir ahalyā ca yaśasvinī
From Vindhyāśva a twin pair was born of Menakā — so the tradition goes: Divodāsa the royal seer, and the illustrious Ahalyā.
AI translation rendered from the Sanskrit, not a published edition
MtP 50.8
शरद्वतस्तु दायादम् अहल्या सम्प्रसूयत शतानन्दमृषिश्रेष्ठं तस्यापि सुमहातपाः
śaradvatastu dāyādam ahalyā samprasūyata śatānandamṛṣiśreṣṭhaṃ tasyāpi sumahātapāḥ
And Ahalyā bore to Śaradvat an heir, Śatānanda, best of seers; and his (son) was one of very great austerity.
AI translation rendered from the Sanskrit, not a published edition
MtP 50.9
सुतः सत्यधृतिर्नाम धनुर्वेदस्य पारगः आसीत्सत्यधृतेः शुक्रम् अमोघं धार्मिकस्य तु
sutaḥ satyadhṛtirnāma dhanurvedasya pāragaḥ āsītsatyadhṛteḥ śukram amoghaṃ dhārmikasya tu
(His) son was named Satyadhṛti, who had mastered the science of the bow. And of Satyadhṛti, the righteous one, the seed was never fruitless.
AI translation rendered from the Sanskrit, not a published edition
MtP 50.10
स्कन्नं रेतः सत्यधृतेर् दृष्ट्वा चाप्सरसं जले मिथुनं तत्र संभृतं तस्मिन्सरसि संभृतम्
skannaṃ retaḥ satyadhṛter dṛṣṭvā cāpsarasaṃ jale mithunaṃ tatra saṃbhṛtaṃ tasminsarasi saṃbhṛtam
The seed of Satyadhṛti was shed upon his seeing an apsaras in the water; there a twin pair was formed, formed in that lake.
AI translation rendered from the Sanskrit, not a published edition — the model flagged this verse as uncertain
MtP 50.11
ततः सरसि तस्मिंस्तु क्रममाणं महीपतिः दृष्ट्वा जग्राह कृपया शंतनुर्मृगयां गतः
tataḥ sarasi tasmiṃstu kramamāṇaṃ mahīpatiḥ dṛṣṭvā jagrāha kṛpayā śaṃtanurmṛgayāṃ gataḥ
Then, seeing (the pair) moving about in that lake, the lord of the earth Śaṃtanu, who had gone hunting, took them up out of pity.
AI translation rendered from the Sanskrit, not a published edition
MtP 50.12
एते शरद्वतः पुत्रा आख्याता गौतमा वराः अत ऊर्ध्वं प्रवक्ष्यामि दिवोदासस्य वै प्रजाः
ete śaradvataḥ putrā ākhyātā gautamā varāḥ ata ūrdhvaṃ pravakṣyāmi divodāsasya vai prajāḥ
These sons of Śaradvat, the excellent Gautamas, have been declared. Beyond this I shall relate the offspring of Divodāsa.
AI translation rendered from the Sanskrit, not a published edition
MtP 50.13
दिवोदासस्य दायादो धर्मिष्ठो मित्रयुर्नृपः मैत्रायणावरः सो ऽथ मैत्रेयस्तु ततः स्मृतः
divodāsasya dāyādo dharmiṣṭho mitrayurnṛpaḥ maitrāyaṇāvaraḥ so 'tha maitreyastu tataḥ smṛtaḥ
Divodāsa's heir was the most righteous king Mitrayu; he was the younger (son) of Maitrāyaṇa, and from him Maitreya is recorded.
AI translation rendered from the Sanskrit, not a published edition — the model flagged this verse as uncertain
MtP 50.14
एते वंश्या यतेः पक्षाः क्षत्रोपेतास्तु भार्गवाः राजा चैद्यवरो नाम मैत्रेयस्य सुतः स्मृतः
ete vaṃśyā yateḥ pakṣāḥ kṣatropetāstu bhārgavāḥ rājā caidyavaro nāma maitreyasya sutaḥ smṛtaḥ
These are the lineal branches of Yati, the Bhārgavas endowed with kṣatra status. A king named Caidyavara is recorded as the son of Maitreya.
AI translation rendered from the Sanskrit, not a published edition — the model flagged this verse as uncertain
MtP 50.15
अथ चैद्यवराद्विद्वान् सुदासस्तस्य चात्मजः अजमीढः पुनर्जातः क्षीणे वंशे तु सोमकः
atha caidyavarādvidvān sudāsastasya cātmajaḥ ajamīḍhaḥ punarjātaḥ kṣīṇe vaṃśe tu somakaḥ
Then from Caidyavara (came) the learned Sudāsa, and his son; Ajamīḍha was born again, and when the line had dwindled, Somaka.
AI translation rendered from the Sanskrit, not a published edition — the model flagged this verse as uncertain
MtP 50.16
सोमकस्य सुतो जन्तुर् हते तस्मिञ्छतं बभौ पुत्राणामजमीढस्य सोमकस्य महात्मनः
somakasya suto jantur hate tasmiñchataṃ babhau putrāṇāmajamīḍhasya somakasya mahātmanaḥ
Somaka's son was Jantu; when he was slain, a hundred sons of Ajamīḍha, of the great-souled Somaka, appeared.
AI translation rendered from the Sanskrit, not a published edition — the model flagged this verse as uncertain
MtP 50.17
महिषी त्व् अजमीढस्य धूमिनी पुत्रवर्धिनी पुत्राभावे तपस्तेपे शतं वर्षाणि दुश्चरम्
mahiṣī tv ajamīḍhasya dhūminī putravardhinī putrābhāve tapastepe śataṃ varṣāṇi duścaram
But Ajamīḍha's chief queen Dhūminī, desiring the increase of sons, in the absence of a son practised hard austerity for a hundred years.
AI translation rendered from the Sanskrit, not a published edition
MtP 50.18
हुत्वाग्निं विधिवत्सम्यक् पवित्रीकृतभोजना अग्निहोत्रक्रमेणैव सा सुष्वाप महाव्रता
hutvāgniṃ vidhivatsamyak pavitrīkṛtabhojanā agnihotrakrameṇaiva sā suṣvāpa mahāvratā
Having offered into the fire duly and correctly, her food purified, that woman of great vows slept in accordance with the order of the agnihotra rite.
AI translation rendered from the Sanskrit, not a published edition
MtP 50.19
तस्यां वै धूमवर्णायाम् अजमीढः समीयिवान् ऋक्षं सा जनयामास धूमवर्णं शताग्रजम्
tasyāṃ vai dhūmavarṇāyām ajamīḍhaḥ samīyivān ṛkṣaṃ sā janayāmāsa dhūmavarṇaṃ śatāgrajam
Ajamīḍha united with her, who was of the colour of smoke, and she gave birth to Ṛkṣa, smoke-coloured, the eldest of the hundred.
AI translation rendered from the Sanskrit, not a published edition
MtP 50.20
ऋक्षात्संवरणो जज्ञे कुरुः संवरणात् ततः यः प्रयागमतिक्रम्य कुरुक्षेत्रमकल्पयत्
ṛkṣātsaṃvaraṇo jajñe kuruḥ saṃvaraṇāt tataḥ yaḥ prayāgamatikramya kurukṣetramakalpayat
From Ṛkṣa was born Saṃvaraṇa, and from Saṃvaraṇa then Kuru, who, passing beyond Prayāga, laid out Kurukṣetra.
AI translation rendered from the Sanskrit, not a published edition
MtP 50.21
कृष्यतस्तु महाराजो वर्षाणि सुबहून्यथ कृष्यमाणस्ततः शक्रो भयात्तस्मै वरं ददौ
kṛṣyatastu mahārājo varṣāṇi subahūnyatha kṛṣyamāṇastataḥ śakro bhayāttasmai varaṃ dadau
And as the great king went on ploughing for very many years, Śakra, while he was ploughing, out of fear granted him a boon.
AI translation rendered from the Sanskrit, not a published edition
MtP 50.22
पुण्यं च रमणीयं च कुरुक्षेत्रं तु तत्स्मृतम् तस्यान्ववायः सुमहान् यस्य नाम्ना तु कौरवाः
puṇyaṃ ca ramaṇīyaṃ ca kurukṣetraṃ tu tatsmṛtam tasyānvavāyaḥ sumahān yasya nāmnā tu kauravāḥ
And that Kurukṣetra is remembered as holy and delightful. Very great was his lineage, by whose name (they are called) the Kauravas.
AI translation rendered from the Sanskrit, not a published edition
MtP 50.23
कुरोस्तु दयिताः पुत्राः सुधन्वा जह्नुरेव च परीक्षिच्च महातेजाः प्रजनश्चारिमर्दनः
kurostu dayitāḥ putrāḥ sudhanvā jahnureva ca parīkṣicca mahātejāḥ prajanaścārimardanaḥ
Kuru's beloved sons were Sudhanvan and Jahnu, and Parīkṣit of great splendour, and Prajana the crusher of foes.
AI translation rendered from the Sanskrit, not a published edition
MtP 50.24
सुधन्वनस्तु दायादः पुत्रो मतिमतां वरः च्यवनस्तस्य पुत्रस्तु राजा धर्मार्थतत्त्ववित्
sudhanvanastu dāyādaḥ putro matimatāṃ varaḥ cyavanastasya putrastu rājā dharmārthatattvavit
Sudhanvan's heir was a son, best among the wise; and his son was king Cyavana, who knew the truth of dharma and artha.
AI translation rendered from the Sanskrit, not a published edition
MtP 50.25
च्यवनस्य कृमिः पुत्र ऋक्षाज्जज्ञे महातपाः कृमेः पुत्रो महावीर्यः ख्यातस्त्विन्द्रसमो विभुः
cyavanasya kṛmiḥ putra ṛkṣājjajñe mahātapāḥ kṛmeḥ putro mahāvīryaḥ khyātastvindrasamo vibhuḥ
Cyavana's son was Kṛmi; from Ṛkṣa was born the great ascetic. Kṛmi's son was of great valour, renowned, mighty, the equal of Indra.
AI translation rendered from the Sanskrit, not a published edition — the model flagged this verse as uncertain
MtP 50.26
चैद्योपरिचरो वीरो वसुर्नामान्तरिक्षगः चैद्योपरिचराज्जज्ञे गिरिका सप्त वै सुतान्
caidyoparicaro vīro vasurnāmāntarikṣagaḥ caidyoparicarājjajñe girikā sapta vai sutān
(He was) Caidya Uparicara, the hero named Vasu, who moved in the sky. From Caidya Uparicara, Girikā bore seven sons.
AI translation rendered from the Sanskrit, not a published edition — the model flagged this verse as uncertain
MtP 50.27
महारथो मगधराड् विश्रुतो यो बृहद्रथः प्रत्यश्रवाः कुशश्चैव चतुर्थो हरिवाहनः
mahāratho magadharāḍ viśruto yo bṛhadrathaḥ pratyaśravāḥ kuśaścaiva caturtho harivāhanaḥ
The great chariot-warrior, the renowned king of Magadha, who was Bṛhadratha; Pratyaśravas, and Kuśa, and fourth Harivāhana.
AI translation rendered from the Sanskrit, not a published edition
MtP 50.28
पञ्चमश्च यजुश्चैव मत्स्यः काली च सप्तमी बृहद्रथस्य दायादः कुशाग्रो नाम विश्रुतः
pañcamaśca yajuścaiva matsyaḥ kālī ca saptamī bṛhadrathasya dāyādaḥ kuśāgro nāma viśrutaḥ
And fifth was Yaju, (then) Matsya, and seventh Kālī. Bṛhadratha's heir was the one renowned as Kuśāgra.
AI translation rendered from the Sanskrit, not a published edition
MtP 50.29
कुशाग्रस्यात्मजश्चैव वृषभो नाम वीर्यवान् वृषभस्य तु दायादः पुण्यवान्नाम पार्थिवः
kuśāgrasyātmajaścaiva vṛṣabho nāma vīryavān vṛṣabhasya tu dāyādaḥ puṇyavānnāma pārthivaḥ
And Kuśāgra's son was the valiant one named Vṛṣabha; and Vṛṣabha's heir was the king named Puṇyavān.
AI translation rendered from the Sanskrit, not a published edition
MtP 50.30
पुण्यः पुण्यवतश्चैव राजा सत्यधृतिस्ततः दायादस्तस्य धनुषस् तस्मात्सर्वश्च जज्ञिवान्
puṇyaḥ puṇyavataścaiva rājā satyadhṛtistataḥ dāyādastasya dhanuṣas tasmātsarvaśca jajñivān
Puṇya (was the son) of Puṇyavān, and from him (came) King Satyadhṛti; his heir was Dhanuṣa, and from him was born Sarva.
AI translation rendered from the Sanskrit, not a published edition
MtP 50.31
सर्वस्य सम्भवः पुत्रस् तस्माद्राजा बृहद्रथः द्वे तस्य शकले जाते जरया संधितश् च सः
sarvasya sambhavaḥ putras tasmādrājā bṛhadrathaḥ dve tasya śakale jāte jarayā saṃdhitaś ca saḥ
Sarva's son was Sambhava, and from him (came) King Bṛhadratha; two pieces of him were born, and he was joined together by Jarā.
AI translation rendered from the Sanskrit, not a published edition
MtP 50.32
जरया संधितो यस्माज् जरासंधस्ततः स्मृतः जेता सर्वस्य क्षत्रस्य जरासंधो महाबलः
jarayā saṃdhito yasmāj jarāsaṃdhastataḥ smṛtaḥ jetā sarvasya kṣatrasya jarāsaṃdho mahābalaḥ
Since he was joined together by Jarā, he is therefore known as Jarāsaṃdha; Jarāsaṃdha of great strength was the conqueror of all the kṣatra.
AI translation rendered from the Sanskrit, not a published edition
MtP 50.33
जरासंधस्य पुत्रस्तु सहदेवः प्रतापवान् सहदेवात्मजः श्रीमान् सोमवित् स महातपाः
jarāsaṃdhasya putrastu sahadevaḥ pratāpavān sahadevātmajaḥ śrīmān somavit sa mahātapāḥ
But Jarāsaṃdha's son was the majestic Sahadeva; Sahadeva's son was the illustrious Somavit, of great austerity.
AI translation rendered from the Sanskrit, not a published edition
MtP 50.34
श्रुतश्रवास्तु सोमादेर् मागधाः परिकीर्तिताः जह्नुस्त्वजनयत्पुत्रं सुरथं नाम भूमिपम्
śrutaśravāstu somāder māgadhāḥ parikīrtitāḥ jahnustvajanayatputraṃ surathaṃ nāma bhūmipam
And Śrutaśravas (was the son) of Somādi; (from these) the Māgadhas are proclaimed. But Jahnu begot a son, a lord of the earth named Suratha.
AI translation rendered from the Sanskrit, not a published edition
MtP 50.35
सुरथस्य तु दायादो वीरो राजा विदूरथः विदूरथसुतश्चापि सार्वभौम इति स्मृतः
surathasya tu dāyādo vīro rājā vidūrathaḥ vidūrathasutaścāpi sārvabhauma iti smṛtaḥ
But Suratha's heir was the hero King Vidūratha; and Vidūratha's son is known as Sārvabhauma.
AI translation rendered from the Sanskrit, not a published edition
MtP 50.36
सार्वभौमाज्जयत्सेनो रुचिरस्तस्य चात्मजः रुचिरात्तु ततो भौमस् त्वरितायुस्ततो ऽभवत्
sārvabhaumājjayatseno rucirastasya cātmajaḥ rucirāttu tato bhaumas tvaritāyustato 'bhavat
From Sārvabhauma (came) Jayatsena, and his son was Rucira; and from Rucira then (came) Bhauma, and from him arose Tvaritāyus.
AI translation rendered from the Sanskrit, not a published edition
MtP 50.37
अक्रोधनस् त्व् आयुसुतस् तस्माद्देवातिथिः स्मृतः देवातिथेस्तु दायादो दक्ष एव बभूव ह
akrodhanas tv āyusutas tasmāddevātithiḥ smṛtaḥ devātithestu dāyādo dakṣa eva babhūva ha
But Akrodhana was the son of Āyus, and from him Devātithi is known; and Devātithi's heir was indeed Dakṣa.
AI translation rendered from the Sanskrit, not a published edition
MtP 50.38
भीमसेनस्ततो दक्षाद् दिलीपस् तस्य चात्मजः दिलीपस्य प्रतीपस्तु तस्य पुत्रास् त्रयः स्मृताः
bhīmasenastato dakṣād dilīpas tasya cātmajaḥ dilīpasya pratīpastu tasya putrās trayaḥ smṛtāḥ
Then from Dakṣa (came) Bhīmasena, and his son was Dilīpa; Dilīpa's (son) was Pratīpa, and his sons are known to be three.
AI translation rendered from the Sanskrit, not a published edition
MtP 50.39
देवापिः शंतनुश्चैव वाह्लीकश्चैव ते त्रयः वाह्लीकस्य तु दायादाः सप्त वाह्लीश्वरा नृपाः देवापिस्तु ह्य् अपध्यातः प्रजाभिरभवन्मुनिः
devāpiḥ śaṃtanuścaiva vāhlīkaścaiva te trayaḥ vāhlīkasya tu dāyādāḥ sapta vāhlīśvarā nṛpāḥ devāpistu hy apadhyātaḥ prajābhirabhavanmuniḥ
Devāpi, Śaṃtanu, and Vāhlīka—those three; and Vāhlīka's heirs were seven kings, lords of Vāhlī. But Devāpi, being ill-thought-of by the subjects, became an ascetic.
AI translation rendered from the Sanskrit, not a published edition
MtP 50.40
प्रजाभिस्तु किमर्थं वै ह्य् अपध्यातो जनेश्वरः को दोषो राजपुत्रस्य प्रजाभिः समुदाहृतः
prajābhistu kimarthaṃ vai hy apadhyāto janeśvaraḥ ko doṣo rājaputrasya prajābhiḥ samudāhṛtaḥ
But for what reason was that lord of men ill-thought-of by the subjects? What fault of the king's son was declared by the subjects?
AI translation rendered from the Sanskrit, not a published edition
MtP 50.41
किलासीद्राजपुत्रस्तु कुष्ठी तं नाभ्यपूजयन् कार्यं चैव तु देवानां क्षत्रं प्रति द्विजोत्तमाः भविष्यं कीर्तयिष्यामि शंतनोस्तु निबोधत
kilāsīdrājaputrastu kuṣṭhī taṃ nābhyapūjayan kāryaṃ caiva tu devānāṃ kṣatraṃ prati dvijottamāḥ bhaviṣyaṃ kīrtayiṣyāmi śaṃtanostu nibodhata
They say the prince was a leper; (therefore) they did not honour him. And (there was) also a purpose of the gods with regard to the kṣatra, O best of the twice-born. I shall relate what is to come; now learn of Śaṃtanu.
AI translation rendered from the Sanskrit, not a published edition
MtP 50.42
शंतनुस्त्वभवद्राजा विद्वान्स वै महाभिषक् इदं चोदाहरन्त्यत्र श्लोकं प्रति महाभिषक्
śaṃtanustvabhavadrājā vidvānsa vai mahābhiṣak idaṃ codāharantyatra ślokaṃ prati mahābhiṣak
Śaṃtanu became king, and he was learned, a great physician. And here they quote this verse concerning the great physician:
AI translation rendered from the Sanskrit, not a published edition
MtP 50.43
यं यं कराभ्यां स्पृशति जीर्णं रोगिणमेव च पुनर्युवा च भवति तस्मात्तं शंतनुं विदुः
yaṃ yaṃ karābhyāṃ spṛśati jīrṇaṃ rogiṇameva ca punaryuvā ca bhavati tasmāttaṃ śaṃtanuṃ viduḥ
Whomever he touches with his two hands, be he aged or diseased, becomes young again—therefore they know him as Śaṃtanu.
AI translation rendered from the Sanskrit, not a published edition
MtP 50.44
तत्तस्य शंतनुत्वं हि प्रजाभिरिह कीर्त्यते ततो ऽवृणुत भार्यार्थं शंतनुर्जाह्नवीं नृप
tattasya śaṃtanutvaṃ hi prajābhiriha kīrtyate tato 'vṛṇuta bhāryārthaṃ śaṃtanurjāhnavīṃ nṛpa
That 'śaṃtanu-ness' of his is here proclaimed by the subjects. Then Śaṃtanu chose Jāhnavī (Gaṅgā) for his wife, O king.
AI translation rendered from the Sanskrit, not a published edition
MtP 50.45
तस्यां देवव्रतं नाम कुमारं जनयद्विभुः काली विचित्रवीर्यं तु दाशेयी जनयत्सुतम्
tasyāṃ devavrataṃ nāma kumāraṃ janayadvibhuḥ kālī vicitravīryaṃ tu dāśeyī janayatsutam
Upon her the mighty one begot a boy named Devavrata; and Kālī, the fisherman's daughter, bore a son, Vicitravīrya,
AI translation rendered from the Sanskrit, not a published edition
MtP 50.46
शंतनोर्दयितं पुत्रं शान्तात्मानमकल्मषम् कृष्णद्वैपायनो नाम क्षेत्रे वैचित्रविर्यके
śaṃtanordayitaṃ putraṃ śāntātmānamakalmaṣam kṛṣṇadvaipāyano nāma kṣetre vaicitraviryake
Śaṃtanu's beloved son, of tranquil spirit and without stain. (And) one named Kṛṣṇa Dvaipāyana, in the field of Vicitravīrya,
AI translation rendered from the Sanskrit, not a published edition
MtP 50.47
धृतराष्ट्रं च पाण्डुं च विदुरं चाप्यजीजनत् धृतराष्ट्रस्तु गान्धार्यां पुत्रानजनयच्छतम्
dhṛtarāṣṭraṃ ca pāṇḍuṃ ca viduraṃ cāpyajījanat dhṛtarāṣṭrastu gāndhāryāṃ putrānajanayacchatam
begot Dhṛtarāṣṭra, Pāṇḍu, and also Vidura. And Dhṛtarāṣṭra begot a hundred sons upon Gāndhārī.
AI translation rendered from the Sanskrit, not a published edition
MtP 50.48
तेषां दुर्योधनः श्रेष्ठः सर्वक्षत्रस्य वै प्रभुः माद्री कुन्ती तथा चैव पाण्डोर्भार्ये बभूवतुः
teṣāṃ duryodhanaḥ śreṣṭhaḥ sarvakṣatrasya vai prabhuḥ mādrī kuntī tathā caiva pāṇḍorbhārye babhūvatuḥ
Among them Duryodhana was the foremost, indeed lord of the whole kṣatra. And Mādrī and Kuntī were Pāṇḍu's two wives.
AI translation rendered from the Sanskrit, not a published edition
MtP 50.49
देवदत्ताः सुताः पञ्च पाण्डोरर्थे ऽभिजज्ञिरे धर्माद्युधिष्ठिरो जज्ञे मारुताच्च वृकोदरः
devadattāḥ sutāḥ pañca pāṇḍorarthe 'bhijajñire dharmādyudhiṣṭhiro jajñe mārutācca vṛkodaraḥ
Five sons, given by the gods, were born for Pāṇḍu's sake: from Dharma was born Yudhiṣṭhira, and from the Wind-god Vṛkodara (Bhīma).
AI translation rendered from the Sanskrit, not a published edition
MtP 50.50
इन्द्राद्धनंजयश्चैव इन्द्रतुल्यपराक्रमः नकुलं सहदेवं च माद्र्यश्विभ्यामजीजनत्
indrāddhanaṃjayaścaiva indratulyaparākramaḥ nakulaṃ sahadevaṃ ca mādryaśvibhyāmajījanat
And from Indra, Dhanaṃjaya (Arjuna), whose valour equalled Indra's; and Mādrī begot Nakula and Sahadeva by the two Aśvins.
AI translation rendered from the Sanskrit, not a published edition
MtP 50.51
पञ्चैते पाण्डवेभ्यस्तु द्रौपद्यां जज्ञिरे सुताः द्रौपद्यजनयच्छ्रेष्ठं प्रतिविन्ध्यं युधिष्ठिरात्
pañcaite pāṇḍavebhyastu draupadyāṃ jajñire sutāḥ draupadyajanayacchreṣṭhaṃ prativindhyaṃ yudhiṣṭhirāt
These five sons were born to the Pāṇḍavas from Draupadī: Draupadī bore the eldest, Prativindhya, from Yudhiṣṭhira;
AI translation rendered from the Sanskrit, not a published edition
MtP 50.52
श्रुतसेनं भीमसेनाच् छ्रुतकीर्तिं धनंजयात् चतुर्थं श्रुतकर्माणं सहदेवाद् अजायत
śrutasenaṃ bhīmasenāc chrutakīrtiṃ dhanaṃjayāt caturthaṃ śrutakarmāṇaṃ sahadevād ajāyata
Śrutasena from Bhīmasena, Śrutakīrti from Dhanaṃjaya, and the fourth, Śrutakarman, was born from Sahadeva.
AI translation rendered from the Sanskrit, not a published edition
MtP 50.53
नकुलाच्च शतानीकं द्रौपदेयाः प्रकीर्तिताः तेभ्यो ऽपरे पाण्डवेयाः षडेवान्ये महारथाः
nakulācca śatānīkaṃ draupadeyāḥ prakīrtitāḥ tebhyo 'pare pāṇḍaveyāḥ ṣaḍevānye mahārathāḥ
And from Nakula, Śatānīka: (these) are declared to be the sons of Draupadī. Besides them there were other descendants of the Pāṇḍavas, six more great chariot-warriors.
AI translation rendered from the Sanskrit, not a published edition
MtP 50.54
हैडम्बो भीमसेनात्तु पुत्रो जज्ञे घटोत्कचः काशी बलधराद्भीमाज् जज्ञे वै सर्वगं सुतम्
haiḍambo bhīmasenāttu putro jajñe ghaṭotkacaḥ kāśī baladharādbhīmāj jajñe vai sarvagaṃ sutam
From Bhīmasena a son, Ghaṭotkaca, born of Hiḍimbā, came to be; and Baladharā of Kāśī bore from Bhīma a son, Sarvaga.
AI translation rendered from the Sanskrit, not a published edition — the model flagged this verse as uncertain
MtP 50.55
सुहोत्रं तनयं माद्री सहदेवादसूयत करेणुमत्यां चैद्यायां निरमित्रस्तु नाकुलिः
suhotraṃ tanayaṃ mādrī sahadevādasūyata kareṇumatyāṃ caidyāyāṃ niramitrastu nākuliḥ
— tr. refused: cyber
MtP 50.56
सुभद्रायां रथी पार्थाद् अभिमन्युरजायत यौधेयं देवकी चैव पुत्रं जज्ञे युधिष्ठिरात्
subhadrāyāṃ rathī pārthād abhimanyurajāyata yaudheyaṃ devakī caiva putraṃ jajñe yudhiṣṭhirāt
From Pārtha (Arjuna), in Subhadrā, was born the chariot-warrior Abhimanyu; and Devakī bore a son, Yaudheya, from Yudhiṣṭhira.
AI translation rendered from the Sanskrit, not a published edition
MtP 50.57
अभिमन्योः परीक्षित्तु पुत्रः परपुरजयः जनमेजयः परीक्षितः पुत्रः परमधार्मिकः
abhimanyoḥ parīkṣittu putraḥ parapurajayaḥ janamejayaḥ parīkṣitaḥ putraḥ paramadhārmikaḥ
Of Abhimanyu the son was Parikṣit, conqueror of enemy cities; Parikṣit's son was Janamejaya, supremely righteous.
AI translation rendered from the Sanskrit, not a published edition
MtP 50.58
ब्रह्माणं कल्पयामास स वै वाजसनेयकम् स वैशम्पायनेनैव शप्तः किल महर्षिणा
brahmāṇaṃ kalpayāmāsa sa vai vājasaneyakam sa vaiśampāyanenaiva śaptaḥ kila maharṣiṇā
He appointed as (his) Brahman priest a follower of the Vājasaneya (school); and he, it is said, was cursed by the great sage Vaiśampāyana.
AI translation rendered from the Sanskrit, not a published edition — the model flagged this verse as uncertain
MtP 50.59
न स्थास्यतीह दुर्बुद्धे तवैतद्वचनं भुवि यावत्स्थास्यसि त्वं लोके तावदेव प्रपत्स्यति
na sthāsyatīha durbuddhe tavaitadvacanaṃ bhuvi yāvatsthāsyasi tvaṃ loke tāvadeva prapatsyati
"This utterance of yours will not endure here on earth, O evil-minded one; only so long as you remain in the world, just so long will it find acceptance."
AI translation rendered from the Sanskrit, not a published edition
MtP 50.60
क्षत्रस्य विजयं ज्ञात्वा ततःप्रभृति सर्वशः अभिगम्य स्थिताश्चैव नृपं च जनमेजयम्
kṣatrasya vijayaṃ jñātvā tataḥprabhṛti sarvaśaḥ abhigamya sthitāścaiva nṛpaṃ ca janamejayam
Knowing the victory of the kṣatra (the warrior class), from that time on they wholly went over and took their stand (with it), and with King Janamejaya.
AI translation rendered from the Sanskrit, not a published edition — the model flagged this verse as uncertain
MtP 50.61
ततःप्रभृति शापेन क्षत्रियस्य तु याजिनः उत्सन्ना याजिनो यज्ञे ततःप्रभृति सर्वशः
tataḥprabhṛti śāpena kṣatriyasya tu yājinaḥ utsannā yājino yajñe tataḥprabhṛti sarvaśaḥ
From that time on, through the curse, the priests who sacrificed for that kṣatriya — the sacrificing priests were destroyed at the sacrifice, from that time on, altogether.
AI translation rendered from the Sanskrit, not a published edition — the model flagged this verse as uncertain
MtP 50.62
क्षत्रस्य याजिनः केचिच् छापात्तस्य महात्मनः पौर्णमासेन हविषा इष्ट्वा तस्मिन्प्रजापतिम् स वैशम्पायनेनैव प्रविशन्वारितस्ततः
kṣatrasya yājinaḥ kecic chāpāttasya mahātmanaḥ paurṇamāsena haviṣā iṣṭvā tasminprajāpatim sa vaiśampāyanenaiva praviśanvāritastataḥ
Some who sacrificed for the kṣatra (were destroyed) by the curse of that great-souled one. Having offered to Prajāpati there with the full-moon oblation, he, as he was entering, was thereupon forbidden by Vaiśampāyana himself.
AI translation rendered from the Sanskrit, not a published edition — the model flagged this verse as uncertain
MtP 50.63
परीक्षितः सुतो ऽसौ वै पौरवो जनमेजयः द्विर् अश्वमेधमाहृत्य महावाजसनेयकः
parīkṣitaḥ suto 'sau vai pauravo janamejayaḥ dvir aśvamedhamāhṛtya mahāvājasaneyakaḥ
— tr. refused: cyber
MtP 50.64
प्रवर्तयित्वा तं सर्वम् ऋषिं वाजसनेयकम् विवादे ब्राह्मणैः सार्धम् अभिशप्तो वनं ययौ
pravartayitvā taṃ sarvam ṛṣiṃ vājasaneyakam vivāde brāhmaṇaiḥ sārdham abhiśapto vanaṃ yayau
— tr. refused: cyber
MtP 50.65
जनमेजयाच्छतानीकस् तस्माज्जज्ञे स वीर्यवान् जनमेजयः शतानीकं पुत्रं राज्ये ऽभिषिक्तवान्
janamejayācchatānīkas tasmājjajñe sa vīryavān janamejayaḥ śatānīkaṃ putraṃ rājye 'bhiṣiktavān
From Janamejaya (came) Śatānīka; from him that valiant one was born. Janamejaya consecrated his son Śatānīka in the kingship.
AI translation rendered from the Sanskrit, not a published edition
MtP 50.66
अथाश्वमेधेन ततः शतानीकस्य वीर्यवान् जज्ञे ऽधिसोमकृष्णाख्यः साम्प्रतं यो महायशाः
athāśvamedhena tataḥ śatānīkasya vīryavān jajñe 'dhisomakṛṣṇākhyaḥ sāmprataṃ yo mahāyaśāḥ
Then, through the horse-sacrifice, there was born to Śatānīka the valiant one called Adhisomakṛṣṇa, who at present is of great renown.
AI translation rendered from the Sanskrit, not a published edition
MtP 50.67
तस्मिञ्छासति राष्ट्रं तु युष्माभिरिदमाहृतम् दुरापं दीर्घसत्त्रं वै त्रीणि वर्षाणि पुष्करे वर्षद्वयं कुरुक्षेत्रे दृषद्वत्यां द्विजोत्तमाः
tasmiñchāsati rāṣṭraṃ tu yuṣmābhiridamāhṛtam durāpaṃ dīrghasattraṃ vai trīṇi varṣāṇi puṣkare varṣadvayaṃ kurukṣetre dṛṣadvatyāṃ dvijottamāḥ
While he rules the realm, this hard-to-accomplish long sacrificial session has been undertaken by you — three years at Puṣkara, two years at Kurukṣetra on the Dṛṣadvatī, O best of the twice-born.
AI translation rendered from the Sanskrit, not a published edition
MtP 50.68
भविष्यं श्रोतुमिच्छामः प्रजानां लोमहर्षणे पुरा किल यदेतद्वै व्यतीतं कीर्तितं त्वया
bhaviṣyaṃ śrotumicchāmaḥ prajānāṃ lomaharṣaṇe purā kila yadetadvai vyatītaṃ kīrtitaṃ tvayā
We wish to hear the future of the people, O Lomaharṣaṇa; for what has already passed has been recounted by you before.
AI translation rendered from the Sanskrit, not a published edition — the model flagged this verse as uncertain
MtP 50.69
येषु वै स्थास्यते क्षत्रम् उत्पत्स्यन्ते नृपाश्च ये तेषाम् आयुष्प्रमाणं च नामतश्चैव तान्नृपान्
yeṣu vai sthāsyate kṣatram utpatsyante nṛpāśca ye teṣām āyuṣpramāṇaṃ ca nāmataścaiva tānnṛpān
(Tell us) those (dynasties) in which the warrior power will endure, and which kings will be born, and the measure of their lifespans, and those kings by name.
AI translation rendered from the Sanskrit, not a published edition
MtP 50.70
कृतयुगप्रमाणं च त्रेताद्वापरयोस्तथा कलियुगप्रमाणं च युगदोषं युगक्षयम्
kṛtayugapramāṇaṃ ca tretādvāparayostathā kaliyugapramāṇaṃ ca yugadoṣaṃ yugakṣayam
And the measure of the Kṛta age, and likewise of the Tretā and Dvāpara, and the measure of the Kali age, and the fault of the age, and the destruction of the age;
AI translation rendered from the Sanskrit, not a published edition
MtP 50.71
सुखदुःखप्रमाणं च प्रजादोषं युगस्य तु एतत्सर्वं प्रसंख्याय पृच्छतां ब्रूहि नः प्रभो
sukhaduḥkhapramāṇaṃ ca prajādoṣaṃ yugasya tu etatsarvaṃ prasaṃkhyāya pṛcchatāṃ brūhi naḥ prabho
and the measure of pleasure and pain, and the fault of the age's creatures — reckon all this up and tell it to us who ask, O lord.
AI translation rendered from the Sanskrit, not a published edition
MtP 50.72
यथा मे कीर्तितं पूर्वं व्यासेनाक्लिष्टकर्मणा भाव्यं कलियुगं चैव तथा मन्वन्तराणि च
yathā me kīrtitaṃ pūrvaṃ vyāsenākliṣṭakarmaṇā bhāvyaṃ kaliyugaṃ caiva tathā manvantarāṇi ca
As it was formerly recounted to me by Vyāsa of unwearied deeds — the Kali age that is to come, and likewise the Manu-periods —
AI translation rendered from the Sanskrit, not a published edition
MtP 50.73
अनागतानि सर्वाणि ब्रुवतो मे निबोधत अत ऊर्ध्वं प्रवक्ष्यामि भविष्या ये नृपास्तथा
anāgatāni sarvāṇi bruvato me nibodhata ata ūrdhvaṃ pravakṣyāmi bhaviṣyā ye nṛpāstathā
learn from me all these things that have not yet come, as I speak them. From this point on I shall declare which kings will be in the future.
AI translation rendered from the Sanskrit, not a published edition
MtP 50.74
ऐडेक्ष्वाक्वन्वये चैव पौरवे चान्वये तथा येषु संस्थास्यते तच्च ऐडेक्ष्वाकुकुलं शुभम् तान्सर्वान्कीर्तयिष्यामि भविष्ये कथितान्नृपान्
aiḍekṣvākvanvaye caiva paurave cānvaye tathā yeṣu saṃsthāsyate tacca aiḍekṣvākukulaṃ śubham tānsarvānkīrtayiṣyāmi bhaviṣye kathitānnṛpān
And in the Aiḍa-Ikṣvāku line and likewise in the Paurava line, (those) in whom that auspicious Aiḍa-Ikṣvāku family will endure — all those kings, spoken of as future, I shall recount.
AI translation rendered from the Sanskrit, not a published edition — the model flagged this verse as uncertain
MtP 50.75
तेभ्यो ऽपरे ऽपि ये त्व् अन्ये ह्य् उत्पत्स्यन्ते नृपाः पुनः क्षत्राः पारशवाः शूद्रास् तथान्ये ये बहिश्चराः
tebhyo 'pare 'pi ye tv anye hy utpatsyante nṛpāḥ punaḥ kṣatrāḥ pāraśavāḥ śūdrās tathānye ye bahiścarāḥ
And also those other kings besides them who will again be born — kṣatriyas, pāraśavas (sons of brahmins by śūdra women), śūdras, and likewise those others who move outside (the fold),
AI translation rendered from the Sanskrit, not a published edition — the model flagged this verse as uncertain
MtP 50.76
अन्धाः शकाः पुलिन्दाश्च चूलिका यवनास्तथा कैवर्ताभीरशबरा ये चान्ये म्लेच्छसम्भवाः पर्यायतः प्रवक्ष्यामि नामतश्चैव तान्नृपान्
andhāḥ śakāḥ pulindāśca cūlikā yavanāstathā kaivartābhīraśabarā ye cānye mlecchasambhavāḥ paryāyataḥ pravakṣyāmi nāmataścaiva tānnṛpān
the Andhas, Śakas, Pulindas, Cūlikas and Yavanas, the Kaivartas, Ābhīras, Śabaras, and the others born of barbarians — those kings I shall declare in order and by name.
AI translation rendered from the Sanskrit, not a published edition
MtP 50.77
अधिसोमकृष्णश् चैतेषां प्रथमं वर्तते नृपः तस्यान्ववाये वक्ष्यामि भविष्ये कथितान्नृपान्
adhisomakṛṣṇaś caiteṣāṃ prathamaṃ vartate nṛpaḥ tasyānvavāye vakṣyāmi bhaviṣye kathitānnṛpān
And of these Adhisomakṛṣṇa stands as the first king; in his line I shall tell the kings spoken of as future.
AI translation rendered from the Sanskrit, not a published edition
MtP 50.78
अधिसोमकृष्णपुत्रस्तु विवक्षुर्भविता नृपः गङ्गया तु हृते तस्मिन् नगरे नागसाह्वये
adhisomakṛṣṇaputrastu vivakṣurbhavitā nṛpaḥ gaṅgayā tu hṛte tasmin nagare nāgasāhvaye
Adhisomakṛṣṇa's son will be the king Vivakṣu; and when that city named after the elephant (Hāstinapura) has been carried off by the Gaṅgā,
AI translation rendered from the Sanskrit, not a published edition
MtP 50.79
त्यक्त्वा विवक्षुर्नगरं कौशाम्ब्यां तु निवत्स्यति भविष्याष्टौ सुतास्तस्य महाबलपराक्रमाः
tyaktvā vivakṣurnagaraṃ kauśāmbyāṃ tu nivatsyati bhaviṣyāṣṭau sutāstasya mahābalaparākramāḥ
Vivakṣu, abandoning the city, will dwell in Kauśāmbī. He will have eight sons of great strength and valour.
AI translation rendered from the Sanskrit, not a published edition
MtP 50.80
भूरिर्ज्येष्ठः सुतस्तस्य तस्य चित्ररथः स्मृतः शुचिद्रवश्चित्ररथाद् वृष्णिमांश्च शुचिद्रवात्
bhūrirjyeṣṭhaḥ sutastasya tasya citrarathaḥ smṛtaḥ śucidravaścitrarathād vṛṣṇimāṃśca śucidravāt
Bhūri is his eldest son; his (son) is recorded as Citraratha; from Citraratha, Śucidrava; and from Śucidrava, Vṛṣṇimān.
AI translation rendered from the Sanskrit, not a published edition
MtP 50.81
वृष्णिमतः सुषेणश्च भविष्यति शुचिर्नृपः तस्मात्सुषेणाद्भविता सुनीथो नाम पार्थिवः
vṛṣṇimataḥ suṣeṇaśca bhaviṣyati śucirnṛpaḥ tasmātsuṣeṇādbhavitā sunītho nāma pārthivaḥ
From Vṛṣṇimān there will be the pure king Suṣeṇa; from that Suṣeṇa there will be a ruler named Sunītha.
AI translation rendered from the Sanskrit, not a published edition
MtP 50.82
नृपात्सुनीथाद्भविता नृचक्षुः सुमहायशाः नृचक्षुषस्तु दायादो भविता वै सुखीवलः
nṛpātsunīthādbhavitā nṛcakṣuḥ sumahāyaśāḥ nṛcakṣuṣastu dāyādo bhavitā vai sukhīvalaḥ
From king Sunītha there will be Nṛcakṣu of very great fame; and Nṛcakṣu's heir will be Sukhīvala.
AI translation rendered from the Sanskrit, not a published edition
MtP 50.83
सुखीवलसुतश्चापि भावी राजा परिष्णवः परिष्णवसुतश्चापि भविता सुतपा नृपः
sukhīvalasutaścāpi bhāvī rājā pariṣṇavaḥ pariṣṇavasutaścāpi bhavitā sutapā nṛpaḥ
And Sukhīvala's son will be king Pariṣṇava; and Pariṣṇava's son will be king Sutapā.
AI translation rendered from the Sanskrit, not a published edition
MtP 50.84
मेधावी तस्य दायादो भविष्यति न संशयः मेधाविनः सुतश्चापि भविष्यति पुरंजयः
medhāvī tasya dāyādo bhaviṣyati na saṃśayaḥ medhāvinaḥ sutaścāpi bhaviṣyati puraṃjayaḥ
His heir will be Medhāvī, there is no doubt; and Medhāvī's son will be Puraṃjaya.
AI translation rendered from the Sanskrit, not a published edition
MtP 50.85
उर्वो भाव्यः सुतस्तस्य तिग्मात्मा तस्य चात्मजः तिग्माद्बृहद्रथो भाव्यो वसुदामा बृहद्रथात्
urvo bhāvyaḥ sutastasya tigmātmā tasya cātmajaḥ tigmādbṛhadratho bhāvyo vasudāmā bṛhadrathāt
His son will be Urva; and his son Tigmātmā; from Tigma(ātmā) there will be Bṛhadratha; from Bṛhadratha, Vasudāmā.
AI translation rendered from the Sanskrit, not a published edition
MtP 50.86
वसुदाम्नः शतानीको भविष्योदयनस्ततः भविष्यते चोदयनाद् वीगे राजा वहीनरः
vasudāmnaḥ śatānīko bhaviṣyodayanastataḥ bhaviṣyate codayanād vīge rājā vahīnaraḥ
From Vasudāmā, Śatānīka; from him will come Udayana; and from Udayana there will be king Vahīnara.
AI translation rendered from the Sanskrit, not a published edition — the model flagged this verse as uncertain
MtP 50.87
वहीनरात्मजश्चैव दण्डपाणिर्भविष्यति दण्डपाणेर्निरमित्रो निरमित्रात्तु क्षेमकः
vahīnarātmajaścaiva daṇḍapāṇirbhaviṣyati daṇḍapāṇerniramitro niramitrāttu kṣemakaḥ
And Vahīnara's son will be Daṇḍapāṇi; from Daṇḍapāṇi, Niramitra; and from Niramitra, Kṣemaka.
AI translation rendered from the Sanskrit, not a published edition
MtP 50.88
अत्रानुवंशश्लोको ऽयं गीतो विप्रैः पुरातनैः ब्रह्मक्षत्रस्य यो योनिर् वंशो देवर्षिसत्कृतः क्षेमकं प्राप्य राजानं संस्थास्यति कलौ युगे
atrānuvaṃśaśloko 'yaṃ gīto vipraiḥ purātanaiḥ brahmakṣatrasya yo yonir vaṃśo devarṣisatkṛtaḥ kṣemakaṃ prāpya rājānaṃ saṃsthāsyati kalau yuge
On this there is this genealogical verse sung by the ancient brahmins: "The lineage that is the source of brahmin and warrior power, honoured by gods and seers, on reaching king Kṣemaka will come to its end in the Kali age."
AI translation rendered from the Sanskrit, not a published edition
MtP 50.89
इत्येष पौरवो वंशो यथावदिह कीर्तितः धीमतः पाण्डुपुत्रस्य चार्जुनस्य महात्मनः
ityeṣa pauravo vaṃśo yathāvadiha kīrtitaḥ dhīmataḥ pāṇḍuputrasya cārjunasya mahātmanaḥ
Thus this lineage of the Pauravas has here been recounted as it is, (the lineage) of the wise son of Pāṇḍu, of the great-souled Arjuna.
AI translation rendered from the Sanskrit, not a published edition