Matsya Purana — Chapter 5

MtP 5.1

देवानां दानवानां च गन्धर्वोरगरक्षसाम् उत्पत्तिं विस्तरेणैव सूत ब्रूहि यथातथम्

devānāṃ dānavānāṃ ca gandharvoragarakṣasām utpattiṃ vistareṇaiva sūta brūhi yathātatham

Sūta, tell us in full detail and just as it was the origin of the gods and the dānavas, of the gandharvas, serpents and rākṣasas.

AI translation rendered from the Sanskrit, not a published edition

MtP 5.2

संकल्पाद् दर्शनात्स्पर्शात् पूर्वेषां सृष्टिरुच्यते दक्षात्प्राचेतसाद् ऊर्ध्वं सृष्टिर् मैथुनसम्भवा

saṃkalpād darśanātsparśāt pūrveṣāṃ sṛṣṭirucyate dakṣātprācetasād ūrdhvaṃ sṛṣṭir maithunasambhavā

The creation of the earlier ones is said to be by will, by sight, and by touch; from Dakṣa, son of Pracetas, onward, creation arose from sexual union.

AI translation rendered from the Sanskrit, not a published edition

MtP 5.3

प्रजाः सृजेति व्यादिष्टः पूर्वं दक्षः स्वयम्भुवा यथा ससर्ज चैवादौ तथैव शृणुत द्विजाः

prajāḥ sṛjeti vyādiṣṭaḥ pūrvaṃ dakṣaḥ svayambhuvā yathā sasarja caivādau tathaiva śṛṇuta dvijāḥ

Dakṣa was formerly commanded by the Self-existent one, "Beget offspring"; hear, O twice-born, just how he created in the beginning.

AI translation rendered from the Sanskrit, not a published edition

MtP 5.4

यदा तु सृजतस्तस्य देवर्षिगणपन्नगान् न वृद्धिम् अगमल्लोकस् तदा मैथुनयोगतः दक्षः पुत्रसहस्राणि पाञ्चजन्यामजीजनत्

yadā tu sṛjatastasya devarṣigaṇapannagān na vṛddhim agamallokas tadā maithunayogataḥ dakṣaḥ putrasahasrāṇi pāñcajanyāmajījanat

But when, as he was creating gods, seers, hosts and serpents, the world did not increase, then by the practice of sexual union Dakṣa begot thousands of sons upon Pāñcajanī.

AI translation rendered from the Sanskrit, not a published edition

MtP 5.5

तांस् तु दृष्ट्वा महाभागः सिसृक्षुर्विविधाः प्रजाः नारदः प्राह हर्यश्वान् दक्षपुत्रान्समागतान्

tāṃs tu dṛṣṭvā mahābhāgaḥ sisṛkṣurvividhāḥ prajāḥ nāradaḥ prāha haryaśvān dakṣaputrānsamāgatān

But seeing them, the greatly fortunate Nārada, wishing to bring forth manifold creatures, spoke to the Haryaśvas, the assembled sons of Dakṣa.

AI translation rendered from the Sanskrit, not a published edition

MtP 5.6

भुवः प्रमाणं सर्वत्र ज्ञात्वोर्ध्वम् अध एव च ततः सृष्टिं विशेषेण कुरुध्वमृषिसत्तमाः

bhuvaḥ pramāṇaṃ sarvatra jñātvordhvam adha eva ca tataḥ sṛṣṭiṃ viśeṣeṇa kurudhvamṛṣisattamāḥ

Knowing the measure of the earth everywhere, above and below as well, then, O best of seers, carry out creation properly.

AI translation rendered from the Sanskrit, not a published edition

MtP 5.7

ते तु तद्वचनं श्रुत्वा प्रयाताः सर्वतो दिशम् अद्यापि न निवर्तन्ते समुद्रादिव सिन्धवः

te tu tadvacanaṃ śrutvā prayātāḥ sarvato diśam adyāpi na nivartante samudrādiva sindhavaḥ

But they, having heard that speech of his, went off in every direction, and to this day do not return, like rivers (that do not come back) from the ocean.

AI translation rendered from the Sanskrit, not a published edition

MtP 5.8

हर्यश्वेषु प्रनष्टेषु पुनर्दक्षः प्रजापतिः वैरिण्यामेव पुत्राणां सहस्रमसृजत्प्रभुः

haryaśveṣu pranaṣṭeṣu punardakṣaḥ prajāpatiḥ vairiṇyāmeva putrāṇāṃ sahasramasṛjatprabhuḥ

When the Haryaśvas had perished, Dakṣa the Lord of Creatures, the mighty one, again begot a thousand sons upon Vairiṇī.

AI translation rendered from the Sanskrit, not a published edition

MtP 5.9

शबला नाम ते विप्राः समेताः सृष्टिहेतवः नारदो ऽनुगतान्प्राह पुनस्तान्पूर्ववत्स तान्

śabalā nāma te viprāḥ sametāḥ sṛṣṭihetavaḥ nārado 'nugatānprāha punastānpūrvavatsa tān

Those brahmins, named the Śabalas, came together to be the cause of creation; and Nārada spoke to them, who had followed (their brothers' path), again as before.

AI translation rendered from the Sanskrit, not a published edition

MtP 5.10

भुवः प्रमाणं सर्वत्र ज्ञात्वा भ्रातॄन् अथो पुनः आगत्य चाथ सृष्टिं च करिष्यथ विशेषतः

bhuvaḥ pramāṇaṃ sarvatra jñātvā bhrātṝn atho punaḥ āgatya cātha sṛṣṭiṃ ca kariṣyatha viśeṣataḥ

"Having learned everywhere the measure of the earth, and (found) your brothers, then, coming back again, you shall carry out creation in particular."

AI translation rendered from the Sanskrit, not a published edition

MtP 5.11

ते ऽपि तेनैव मार्गेण जग्मुर्भ्रातृपथा तदा ततः प्रभृति न भ्रातुः कनीयान्मार्गम् इच्छति अन्विष्यन्दुःखमाप्नोति तेन तत्परिवर्जयेत्

te 'pi tenaiva mārgeṇa jagmurbhrātṛpathā tadā tataḥ prabhṛti na bhrātuḥ kanīyānmārgam icchati anviṣyanduḥkhamāpnoti tena tatparivarjayet

They too went by that very same road, by their brothers' path, at that time. From then on a younger brother does not desire his brother's road; searching (for it) he meets with sorrow, therefore one should avoid that.

AI translation rendered from the Sanskrit, not a published edition

MtP 5.12

ततस्तेषु विनष्टेषु षष्टिं कन्याः प्रजापतिः वैरिण्यां जनयामास दक्षः प्राचेतसस्तथा

tatasteṣu vinaṣṭeṣu ṣaṣṭiṃ kanyāḥ prajāpatiḥ vairiṇyāṃ janayāmāsa dakṣaḥ prācetasastathā

Then, when they too had perished, Dakṣa Prācetasa, the Lord of Creatures, begot sixty daughters upon Vairiṇī.

AI translation rendered from the Sanskrit, not a published edition

MtP 5.13

प्रादात्स दश धर्माय कश्यपाय त्रयोदश सप्तविंशतिं सोमाय चतस्रो ऽरिष्टनेमये

prādātsa daśa dharmāya kaśyapāya trayodaśa saptaviṃśatiṃ somāya catasro 'riṣṭanemaye

He gave ten to Dharma, thirteen to Kaśyapa, twenty-seven to Soma, four to Ariṣṭanemi,

AI translation rendered from the Sanskrit, not a published edition

MtP 5.14

द्वे चैव भृगुपुत्राय द्वे कृशाश्वाय धीमते द्वे चैवाङ्गिरसे तद्वत् तासां नामानि विस्तरात्

dve caiva bhṛguputrāya dve kṛśāśvāya dhīmate dve caivāṅgirase tadvat tāsāṃ nāmāni vistarāt

and two to Bhṛgu's son, two to wise Kṛśāśva, and likewise two to Aṅgiras. (Hear) their names at length.

AI translation rendered from the Sanskrit, not a published edition

MtP 5.15

शृणुध्वं देवमातॄणां प्रजाविस्तारम् आदितः मरुत्वती वसुर् यामी लम्बा भानुर् अरुन्धती

śṛṇudhvaṃ devamātṝṇāṃ prajāvistāram āditaḥ marutvatī vasur yāmī lambā bhānur arundhatī

Hear, from the beginning, the spread of the offspring of the mothers of the gods: Marutvatī, Vasu, Yāmī, Lambā, Bhānu, Arundhatī,

AI translation rendered from the Sanskrit, not a published edition

MtP 5.16

संकल्पा च मुहूर्ता च साध्या विश्वा च भामिनी धर्मपत्न्यः समाख्यातास् तासां पुत्रान् निबोधत

saṃkalpā ca muhūrtā ca sādhyā viśvā ca bhāminī dharmapatnyaḥ samākhyātās tāsāṃ putrān nibodhata

and Saṃkalpā and Muhūrtā and Sādhyā and Viśvā the lovely: these are declared to be Dharma's wives; learn of their sons.

AI translation rendered from the Sanskrit, not a published edition

MtP 5.17

विश्वे देवास्तु विश्वायाः साध्या साध्यानजीजनत् मरुत्वत्यां मरुत्वन्तो वसोस् तु वसवस्तथा

viśve devāstu viśvāyāḥ sādhyā sādhyānajījanat marutvatyāṃ marutvanto vasos tu vasavastathā

The Viśve Devas (were born) of Viśvā; Sādhyā gave birth to the Sādhyas; in Marutvatī (were born) the Marutvantas, and of Vasu the Vasus,

AI translation rendered from the Sanskrit, not a published edition

MtP 5.18

भानोस्तु भानवस्तद्वन् मुहूर्तायां मुहूर्तकाः लम्बायां घोषनामानो नागवीथी तु यामिजा

bhānostu bhānavastadvan muhūrtāyāṃ muhūrtakāḥ lambāyāṃ ghoṣanāmāno nāgavīthī tu yāmijā

and likewise of Bhānu the Bhānus, in Muhūrtā the Muhūrtakas, in Lambā those named the Ghoṣas, while Nāgavīthī was Yāmī's daughter.

AI translation rendered from the Sanskrit, not a published edition

MtP 5.19

पृथिवीतलसम्भूतम् अरुन्धत्याम् अजायत संकल्पायास्तु संकल्पो वसुसृष्टिं निबोधत

pṛthivītalasambhūtam arundhatyām ajāyata saṃkalpāyāstu saṃkalpo vasusṛṣṭiṃ nibodhata

In Arundhatī was born (all) that arises from the surface of the earth; of Saṃkalpā (was born) Saṃkalpa. Learn now of the creation of the Vasus.

AI translation rendered from the Sanskrit, not a published edition

MtP 5.20

ज्योतिष्मन्तस्तु ये देवा व्यापकाः सर्वतो दिशम् वसवस्ते समाख्यातास् तेषां सर्गं निबोधत

jyotiṣmantastu ye devā vyāpakāḥ sarvato diśam vasavaste samākhyātās teṣāṃ sargaṃ nibodhata

Those gods who are full of light, pervading in every direction, they are called the Vasus; learn of their begetting.

AI translation rendered from the Sanskrit, not a published edition

MtP 5.21

आपो ध्रुवश्च सोमश्च धरश्चैवानिलो ऽनलः प्रत्यूषश्च प्रभासश्च वसवो ऽष्टौ प्रकीर्तिताः

āpo dhruvaśca somaśca dharaścaivānilo 'nalaḥ pratyūṣaśca prabhāsaśca vasavo 'ṣṭau prakīrtitāḥ

Āpa and Dhruva and Soma and Dhara and Anila and Anala, and Pratyūṣa and Prabhāsa: these are proclaimed the eight Vasus.

AI translation rendered from the Sanskrit, not a published edition

MtP 5.22

आपस्य पुत्राश् चत्वारः शान्तो वै दण्ड एव च शाम्बो ऽथ मणिवक्त्रश्च यज्ञरक्षाधिकारिणः

āpasya putrāś catvāraḥ śānto vai daṇḍa eva ca śāmbo 'tha maṇivaktraśca yajñarakṣādhikāriṇaḥ

Āpa's sons are four: Śānta and Daṇḍa, then Śāmba and Maṇivaktra, who have charge of the protection of the sacrifice.

AI translation rendered from the Sanskrit, not a published edition

MtP 5.23

ध्रुवस्य कालः पुत्रस्तु वर्चाः सोमादजायत द्रविणो हव्यवाहश्च धरपुत्राव् उभौ स्मृतौ

dhruvasya kālaḥ putrastu varcāḥ somādajāyata draviṇo havyavāhaśca dharaputrāv ubhau smṛtau

Dhruva's son is Kāla; Varcas was born of Soma; Draviṇa and Havyavāha are remembered as the two sons of Dhara.

AI translation rendered from the Sanskrit, not a published edition

MtP 5.24

कल्याणिन्यां ततः प्राणो रमणः शिशिरो ऽपि च मनोहरा धरात्पुत्रान् अवापाथ हरेः सुता

kalyāṇinyāṃ tataḥ prāṇo ramaṇaḥ śiśiro 'pi ca manoharā dharātputrān avāpātha hareḥ sutā

Then in Kalyāṇinī (were born) Prāṇa, Ramaṇa and also Śiśira; Manoharā, the daughter of Hari, obtained (these) sons from Dhara.

AI translation rendered from the Sanskrit, not a published edition

MtP 5.25

शिवा मनोजवं पुत्रम् अविज्ञातगतिं तथा अवाप चानलात् पुत्राव् अग्निप्रायगुणौ पुनः

śivā manojavaṃ putram avijñātagatiṃ tathā avāpa cānalāt putrāv agniprāyaguṇau punaḥ

Śivā obtained a son Manojava and likewise Avijñātagati; and from Anala she again obtained two sons whose qualities were much like fire's.

AI translation rendered from the Sanskrit, not a published edition — the model flagged this verse as uncertain

MtP 5.26

अग्निपुत्रः कुमारस्तु शरस्तम्बे व्यजायत तस्य शाखो विशाखश्च नैगमेयश् च पृष्ठजाः

agniputraḥ kumārastu śarastambe vyajāyata tasya śākho viśākhaśca naigameyaś ca pṛṣṭhajāḥ

And Kumāra, the son of Agni, was born in a thicket of reeds; his (offspring) Śākha, Viśākha and Naigameya were born from his back.

AI translation rendered from the Sanskrit, not a published edition

MtP 5.27

अपत्यं कृत्तिकानां तु कार्त्तिकेयस् ततः स्मृतः प्रत्यूषस ऋषिः पुत्रो विभुर् नाम्नाथ देवलः विश्वकर्मा प्रभासस्य पुत्रः शिल्पी प्रजापतिः

apatyaṃ kṛttikānāṃ tu kārttikeyas tataḥ smṛtaḥ pratyūṣasa ṛṣiḥ putro vibhur nāmnātha devalaḥ viśvakarmā prabhāsasya putraḥ śilpī prajāpatiḥ

But since (he was) the offspring of the Kṛttikās, he is thence called Kārttikeya. The son of Pratyūṣa was the sage named Vibhu, and also Devala. Viśvakarman was the son of Prabhāsa, the craftsman, a lord of creatures.

AI translation rendered from the Sanskrit, not a published edition

MtP 5.28

प्रासादभवनोद्यानप्रतिमाभूषणादिषु तडागारामकूपेषु स्मृतः सो ऽमरवर्धकिः

prāsādabhavanodyānapratimābhūṣaṇādiṣu taḍāgārāmakūpeṣu smṛtaḥ so 'maravardhakiḥ

In (the making of) palaces, houses, gardens, images, ornaments and the like, and in ponds, pleasure-groves and wells, he is known as the carpenter of the gods.

AI translation rendered from the Sanskrit, not a published edition

MtP 5.29

अजैकपादहिर्बुध्न्यो विरूपाक्षो ऽथ रैवतः हरश्च बहुरूपश्च त्र्यम्बकश्च सुरेश्वरः

ajaikapādahirbudhnyo virūpākṣo 'tha raivataḥ haraśca bahurūpaśca tryambakaśca sureśvaraḥ

Ajaikapād, Ahirbudhnya, Virūpākṣa, then Raivata, Hara, Bahurūpa, Tryambaka, and Sureśvara,

AI translation rendered from the Sanskrit, not a published edition

MtP 5.30

सावित्रश्च जयन्तश्च पिनाकी चापराजितः एते रुद्राः समाख्याता एकादश गणेश्वराः

sāvitraśca jayantaśca pinākī cāparājitaḥ ete rudrāḥ samākhyātā ekādaśa gaṇeśvarāḥ

and Sāvitra, and Jayanta, and Pinākin, and Aparājita: these eleven are declared to be the Rudras, lords of hosts.

AI translation rendered from the Sanskrit, not a published edition

MtP 5.31

एतेषां मानसानां तु त्रिशूलवरधारिणाम् कोटयश्चतुरशीतिस् तत्पुत्राश् चाक्षया मताः

eteṣāṃ mānasānāṃ tu triśūlavaradhāriṇām koṭayaścaturaśītis tatputrāś cākṣayā matāḥ

Of these mind-born ones, who bear the trident and the boon(-giving hand), the sons are reckoned as eighty-four crores and imperishable.

AI translation rendered from the Sanskrit, not a published edition

MtP 5.32

दिक्षु सर्वासु ये रक्षां प्रकुर्वन्ति गणेश्वराः पुत्रपौत्रसुताश्चैते सुरभीगर्भसम्भवाः

dikṣu sarvāsu ye rakṣāṃ prakurvanti gaṇeśvarāḥ putrapautrasutāścaite surabhīgarbhasambhavāḥ

They are the lords of hosts who provide protection in all the directions; these sons, grandsons and (their) offspring were born from the womb of Surabhi.

AI translation rendered from the Sanskrit, not a published edition