Matsya Purana — Chapter 49
MtP 49.1
पूरोः पुत्रो महातेजा राजा स जनमेजयः प्राचीत्वतः सुतस्तस्य यः प्राचीमकरोद्दिशम्
pūroḥ putro mahātejā rājā sa janamejayaḥ prācītvataḥ sutastasya yaḥ prācīmakaroddiśam
Puru's son was that king Janamejaya of great splendour; his son was Prācītvat, who made the eastern quarter (his own).
AI translation rendered from the Sanskrit, not a published edition
MtP 49.2
प्राचीत्वतस्य तनयो मनस्युश्च तथाभवत् राजा पीतायुधो नाम मनस्योरभवत्सुतः
prācītvatasya tanayo manasyuśca tathābhavat rājā pītāyudho nāma manasyorabhavatsutaḥ
Prācītvat's son was Manasyu; and Manasyu's son was a king named Pītāyudha.
AI translation rendered from the Sanskrit, not a published edition
MtP 49.3
दायादस्तस्य चाप्यासीद् धुन्धुर्नाम महीपतिः धुन्धोर्बहुविधः पुत्रः सम्पातिस्तस्य चात्मजः
dāyādastasya cāpyāsīd dhundhurnāma mahīpatiḥ dhundhorbahuvidhaḥ putraḥ sampātistasya cātmajaḥ
And his heir was a lord of the earth named Dhundhu; Dhundhu's son was Bahuvidha, and his son was Sampāti.
AI translation rendered from the Sanskrit, not a published edition
MtP 49.4
सम्पातेस्तु रंहवर्चा भद्राश्वस्तस्य चात्मजः भद्राश्वस्य धृतायां तु दशाप्सरसि सूनवः
sampātestu raṃhavarcā bhadrāśvastasya cātmajaḥ bhadrāśvasya dhṛtāyāṃ tu daśāpsarasi sūnavaḥ
Sampāti's (son) was Raṃhavarcas, and his son was Bhadrāśva; and Bhadrāśva had ten sons by Dhṛtā, an apsaras.
AI translation rendered from the Sanskrit, not a published edition — the model flagged this verse as uncertain
MtP 49.5
औचेयुश्च हृषेयुश्च कक्षेयुश्च सनेयुकः धृतेयुश्च विनेयुश्च स्थलेयुश्चैव सत्तमः
auceyuśca hṛṣeyuśca kakṣeyuśca saneyukaḥ dhṛteyuśca vineyuśca sthaleyuścaiva sattamaḥ
Auceyu, Hṛṣeyu, Kakṣeyu, Saneyuka, Dhṛteyu, Vineyu, and Sthaleyu, the most excellent,
AI translation rendered from the Sanskrit, not a published edition
MtP 49.6
धर्मेयुः संनतेयुश्च पुण्येयुश्चेति ते दश औचेयोर्ज्वलना नाम भार्या वै तक्षकात्मजा
dharmeyuḥ saṃnateyuśca puṇyeyuśceti te daśa auceyorjvalanā nāma bhāryā vai takṣakātmajā
Dharmeyu, Saṃnateyu, and Puṇyeyu—these are the ten. Auceyu's wife was named Jvalanā, a daughter of Takṣaka.
AI translation rendered from the Sanskrit, not a published edition
MtP 49.7
तस्यां स जनयामास अन्तिनारं महीपतिम् अन्तिनारो मनस्विन्यां पुत्राञ्जज्ञे पराञ्छुभान्
tasyāṃ sa janayāmāsa antināraṃ mahīpatim antināro manasvinyāṃ putrāñjajñe parāñchubhān
In her he begot Antināra, lord of the earth; and Antināra begot in Manasvinī excellent, fine sons.
AI translation rendered from the Sanskrit, not a published edition
MtP 49.8
अमूर्तरयसं वीरं त्रिवनं चैव धार्मिकम् गौरी कन्या तृतीया च मान्धातुर्जननी शुभा
amūrtarayasaṃ vīraṃ trivanaṃ caiva dhārmikam gaurī kanyā tṛtīyā ca māndhāturjananī śubhā
(She bore) the hero Amūrtarayas and Trivana the righteous, and a third, a daughter, Gaurī, the auspicious mother of Māndhātṛ.
AI translation rendered from the Sanskrit, not a published edition
MtP 49.9
इलिना तु यमस्यासीत् कन्या याजनयत्सुतान् ब्रह्मवादपराक्रान्ताञ् छुभदा त्व् इलिना ह्य् अभूत्
ilinā tu yamasyāsīt kanyā yājanayatsutān brahmavādaparākrāntāñ chubhadā tv ilinā hy abhūt
But Ilinā was a daughter of Yama; she bore sons mighty in the utterance of brahman; and Ilinā indeed was a giver of good.
AI translation rendered from the Sanskrit, not a published edition — the model flagged this verse as uncertain
MtP 49.10
उपदानवी सुतांल्लेभे चतुरस्त्विलिनात्मजात् ऋष्यन्तमथ दुष्यन्तं प्रवीरम् अनधं तथा
upadānavī sutāṃllebhe caturastvilinātmajāt ṛṣyantamatha duṣyantaṃ pravīram anadhaṃ tathā
Upadānavī obtained four sons from Ilina's son: Ṛṣyanta, then Duṣyanta, Pravīra, and Anadha.
AI translation rendered from the Sanskrit, not a published edition
MtP 49.11
चक्रवर्ती ततो यज्ञे दुष्यन्तात्समितिंजयः शकुन्तलायां भरतो यस्य नाम्ना च भारताः
cakravartī tato yajñe duṣyantātsamitiṃjayaḥ śakuntalāyāṃ bharato yasya nāmnā ca bhāratāḥ
Then from Duṣyanta, in Śakuntalā, (was born) the universal emperor Bharata, victorious in battle, at a sacrifice—by whose name the Bhāratas (are called).
AI translation rendered from the Sanskrit, not a published edition
MtP 49.12
दौष्यन्तीं प्रति राजानं वागूचे चाशरीरिणी माता भस्त्रा पितुः पुत्रो येन जातः स एव सः
dauṣyantīṃ prati rājānaṃ vāgūce cāśarīriṇī mātā bhastrā pituḥ putro yena jātaḥ sa eva saḥ
And a bodiless voice spoke to the king concerning the son of Duṣyanta: the mother is (but) a leather bag; the son belongs to the father; he by whom he is begotten, he himself is that (son).
AI translation rendered from the Sanskrit, not a published edition
MtP 49.13
भरस्व पुत्रं दुष्यन्त मावमंस्थाः शकुन्तलाम् रेतोधां नयते पुत्रः परेतं यमसादनात् त्वं चास्य धाता गर्भस्य सत्यमाह शकुन्तला
bharasva putraṃ duṣyanta māvamaṃsthāḥ śakuntalām retodhāṃ nayate putraḥ paretaṃ yamasādanāt tvaṃ cāsya dhātā garbhasya satyamāha śakuntalā
Support your son, Duṣyanta; do not slight Śakuntalā. A son, the bearer of the seed, leads the departed (father) back from Yama's abode; and you are the placer of this embryo—Śakuntalā has spoken the truth.
AI translation rendered from the Sanskrit, not a published edition
MtP 49.14
भरतस्य विनष्टेषु तनयेषु पुरा किल पुत्राणां मातृकात् कोपात् सुमहान्संक्षयः कृतः
bharatasya vinaṣṭeṣu tanayeṣu purā kila putrāṇāṃ mātṛkāt kopāt sumahānsaṃkṣayaḥ kṛtaḥ
When Bharata's sons had perished long ago, so it is said—a very great destruction of the sons was wrought out of the mothers' anger.
AI translation rendered from the Sanskrit, not a published edition
MtP 49.15
ततो मरुद्भिरानीय पुत्रः स तु बृहस्पतेः संक्रामितो भरद्वाजो मरुद्भिर्भरतस्य तु
tato marudbhirānīya putraḥ sa tu bṛhaspateḥ saṃkrāmito bharadvājo marudbhirbharatasya tu
Then that son of Bṛhaspati, Bharadvāja, was brought by the Maruts and transferred by the Maruts to Bharata.
AI translation rendered from the Sanskrit, not a published edition
MtP 49.16
भरतस्य भरद्वाजः पुत्रार्थं मारुतैः कथम् संक्रामितो महातेजास् तन्नो ब्रूहि यथातथम्
bharatasya bharadvājaḥ putrārthaṃ mārutaiḥ katham saṃkrāmito mahātejās tanno brūhi yathātatham
How was the greatly splendid Bharadvāja transferred by the Maruts to Bharata for the sake of a son? Tell us that just as it happened.
AI translation rendered from the Sanskrit, not a published edition
MtP 49.17
पत्न्यामापन्नसत्त्वायाम् उशिजः स स्थितो भुवि भ्रातुर्भार्यां स दृष्ट्वा तु बृहस्पतिरुवाच ह
patnyāmāpannasattvāyām uśijaḥ sa sthito bhuvi bhrāturbhāryāṃ sa dṛṣṭvā tu bṛhaspatiruvāca ha
While the wife of Uśij's son was pregnant, he remained on earth; and Bṛhaspati, seeing his brother's wife, said:
AI translation rendered from the Sanskrit, not a published edition — the model flagged this verse as uncertain
MtP 49.18
उपतिष्ठ स्वलंकृत्य मैथुनाय च मां शुभे एवमुक्ताब्रवीदेनं स्वयमेव बृहस्पतिम्
upatiṣṭha svalaṃkṛtya maithunāya ca māṃ śubhe evamuktābravīdenaṃ svayameva bṛhaspatim
"Adorn yourself well and come to me for intercourse, fair one." Thus addressed, she spoke to Bṛhaspati himself.
AI translation rendered from the Sanskrit, not a published edition
MtP 49.19
गर्भः परिणतश्चायं ब्रह्म व्याहरते गिरा अमोघरेतास्त्वं चापि धर्मं चैवं विगर्हितम्
garbhaḥ pariṇataścāyaṃ brahma vyāharate girā amogharetāstvaṃ cāpi dharmaṃ caivaṃ vigarhitam
"This embryo is fully formed; it utters the brahman aloud; and you are one whose seed is never in vain; and such an act is a censured (violation of) dharma."
AI translation rendered from the Sanskrit, not a published edition — the model flagged this verse as uncertain
MtP 49.20
एवमुक्तो ऽब्रवीदेनां स्वयमेव बृहस्पतिः नोपदेष्टव्यो विनयस् त्वया मे वरवर्णिनि
evamukto 'bravīdenāṃ svayameva bṛhaspatiḥ nopadeṣṭavyo vinayas tvayā me varavarṇini
Thus addressed, Bṛhaspati himself said to her: "Instruction in propriety is not to be given to me by you, O woman of fair colour."
AI translation rendered from the Sanskrit, not a published edition
MtP 49.21
धर्षमाणः प्रसह्यैनां मैथुनायोपचक्रमे ततो बृहस्पतिं गर्भो धर्षमाणमुवाच ह
dharṣamāṇaḥ prasahyaināṃ maithunāyopacakrame tato bṛhaspatiṃ garbho dharṣamāṇamuvāca ha
Overpowering her by force, he set about intercourse; then the embryo spoke to Bṛhaspati as he was forcing (her):
AI translation rendered from the Sanskrit, not a published edition
MtP 49.22
संनिविष्टो ह्य् अहं पूर्वम् इह नाम बृहस्पते अमोघरेताश्च भवान् नावकाश इह द्वयोः
saṃniviṣṭo hy ahaṃ pūrvam iha nāma bṛhaspate amogharetāśca bhavān nāvakāśa iha dvayoḥ
"I have settled in here first, Bṛhaspati, and your seed is never in vain: there is no room here for two."
AI translation rendered from the Sanskrit, not a published edition
MtP 49.23
एवमुक्तः स गर्भेण कुपितः प्रत्युवाच ह यस्मात्त्वमीदृशे काले सर्वभूतेप्सिते सति अभिषेधसि तस्मात्त्वं तमो दीर्घं प्रवेक्ष्यसि
evamuktaḥ sa garbheṇa kupitaḥ pratyuvāca ha yasmāttvamīdṛśe kāle sarvabhūtepsite sati abhiṣedhasi tasmāttvaṃ tamo dīrghaṃ pravekṣyasi
Thus addressed by the embryo, he angrily replied: "Since at such a time, desired by all beings, you obstruct (me), therefore you shall enter into long darkness."
AI translation rendered from the Sanskrit, not a published edition
MtP 49.24
ततः कामं संनिवर्त्य तस्यानन्दाद्बृहस्पतेः तद्रेतस्त्वपतद्भूमौ निवृत्तं शिशुको ऽभवत्
tataḥ kāmaṃ saṃnivartya tasyānandādbṛhaspateḥ tadretastvapatadbhūmau nivṛttaṃ śiśuko 'bhavat
Then, his desire turned back, out of Bṛhaspati's pleasure that seed fell to the ground; being discharged, it became a small child.
AI translation rendered from the Sanskrit, not a published edition
MtP 49.25
सद्योजातं कुमारं तु दृष्ट्वा तं ममताब्रवीत् गमिष्यामि गृहं स्वं वै भरस्वैनं बृहस्पते
sadyojātaṃ kumāraṃ tu dṛṣṭvā taṃ mamatābravīt gamiṣyāmi gṛhaṃ svaṃ vai bharasvainaṃ bṛhaspate
Seeing the just-born boy, Mamatā said: "I shall go to my own house; you support him, Bṛhaspati."
AI translation rendered from the Sanskrit, not a published edition
MtP 49.26
एवमुक्त्वा गता सा तु गतायां सो ऽपि तं त्यजत् मातापितृभ्यां त्यक्तं तु दृष्ट्वा तं मरुतः शिशुम् जगृहुस्तं भरद्वाजं मरुतः कृपया स्थिताः
evamuktvā gatā sā tu gatāyāṃ so 'pi taṃ tyajat mātāpitṛbhyāṃ tyaktaṃ tu dṛṣṭvā taṃ marutaḥ śiśum jagṛhustaṃ bharadvājaṃ marutaḥ kṛpayā sthitāḥ
Having said this she went away, and when she had gone he too abandoned him. But seeing that infant abandoned by mother and father, the Maruts took him up—the Maruts, moved by pity, took up Bharadvāja.
AI translation rendered from the Sanskrit, not a published edition
MtP 49.27
तस्मिन्काले तु भरतो बहुभिर् ऋतुभिर्विभुः पुत्रनैमित्तिकैर्यज्ञैर् अयजत्पुत्रलिप्सया
tasminkāle tu bharato bahubhir ṛtubhirvibhuḥ putranaimittikairyajñair ayajatputralipsayā
At that time the mighty Bharata, over many seasons, sacrificed with sacrifices performed for the sake of a son, out of desire for a son.
AI translation rendered from the Sanskrit, not a published edition
MtP 49.28
यदा स यजमानस्तु पुत्रं नासादयत्प्रभुः ततः क्रतुं मरुत्सोमं पुत्रार्थे समुपाहरत्
yadā sa yajamānastu putraṃ nāsādayatprabhuḥ tataḥ kratuṃ marutsomaṃ putrārthe samupāharat
When that lord, though sacrificing, did not obtain a son, he then performed the Marutsoma rite for the sake of a son.
AI translation rendered from the Sanskrit, not a published edition
MtP 49.29
तेन ते मरुतस्तस्य मरुत्सोमेन तुष्टुवुः उपनिन्युर्भरद्वाजं पुत्रार्थं भरताय वै
tena te marutastasya marutsomena tuṣṭuvuḥ upaninyurbharadvājaṃ putrārthaṃ bharatāya vai
By that Marutsoma of his the Maruts were pleased, and they brought Bharadvāja to Bharata for the sake of a son.
AI translation rendered from the Sanskrit, not a published edition
MtP 49.30
दायादो ऽङ्गिरसः सूनोर् औरसस्तु बृहस्पतेः संक्रामितो भरद्वाजो मरुद्भिर्भरतं प्रति
dāyādo 'ṅgirasaḥ sūnor aurasastu bṛhaspateḥ saṃkrāmito bharadvājo marudbhirbharataṃ prati
Bharadvāja, heir of the son of Aṅgiras, the bodily-born (son) of Bṛhaspati, was transferred by the Maruts over to Bharata.
AI translation rendered from the Sanskrit, not a published edition
MtP 49.31
भरतस्तु भरद्वाजं पुत्रं प्राप्य विभुर् ब्रवीत् आदाव् आत्महिताय त्वं कृतार्थो ऽहं त्वया विभो
bharatastu bharadvājaṃ putraṃ prāpya vibhur bravīt ādāv ātmahitāya tvaṃ kṛtārtho 'haṃ tvayā vibho
But Bharata, the mighty one, having obtained Bharadvāja as a son, said: "At the outset you (were born) for your own good; (yet now) I am one whose purpose is accomplished through you, O mighty one."
AI translation rendered from the Sanskrit, not a published edition — the model flagged this verse as uncertain
MtP 49.32
पूर्वं तु वितथे तस्मिन् कृते वै पुत्रजन्मनि ततस्तु वितथो नाम भरद्वाजो नृपो ऽभवत्
pūrvaṃ tu vitathe tasmin kṛte vai putrajanmani tatastu vitatho nāma bharadvājo nṛpo 'bhavat
But since formerly that begetting of a son had been rendered vain (vitatha), therefore Bharadvāja became the king named Vitatha.
AI translation rendered from the Sanskrit, not a published edition
MtP 49.33
तस्मादपि भरद्वाजाद् ब्राह्मणाः क्षत्रिया भुवि द्व्यामुष्यायणकौलीनाः स्मृतास्ते द्विविधेन च
tasmādapi bharadvājād brāhmaṇāḥ kṣatriyā bhuvi dvyāmuṣyāyaṇakaulīnāḥ smṛtāste dvividhena ca
From that Bharadvāja too there are brahmins and kshatriyas on earth, known as families of double descent (dvyāmuṣyāyaṇa), and (so) of two kinds.
AI translation rendered from the Sanskrit, not a published edition
MtP 49.34
ततो जाते हि वितथे भरतश्च दिवं ययौ भरद्वाजो दिवं यातो ह्य् अभिषिच्य सुतमृषिः
tato jāte hi vitathe bharataśca divaṃ yayau bharadvājo divaṃ yāto hy abhiṣicya sutamṛṣiḥ
Then, when Vitatha had been born, Bharata went to heaven; and the sage Bharadvāja also went to heaven, having consecrated his son.
AI translation rendered from the Sanskrit, not a published edition
MtP 49.35
दायादो वितथस्यासीद् भुवमन्युर् महायशाः महाभूतोपमाः पुत्राश् चत्वारो भुवमन्यवः
dāyādo vitathasyāsīd bhuvamanyur mahāyaśāḥ mahābhūtopamāḥ putrāś catvāro bhuvamanyavaḥ
Vitatha's heir was Bhuvamanyu of great fame; the sons of Bhuvamanyu were four, comparable to the great elements.
AI translation rendered from the Sanskrit, not a published edition
MtP 49.36
बृहत्क्षत्रो महावीर्यो नरो गर्गश्च वीर्यवान् नरस्य संकृतिः पुत्रस् तस्य पुत्रो महायशाः
bṛhatkṣatro mahāvīryo naro gargaśca vīryavān narasya saṃkṛtiḥ putras tasya putro mahāyaśāḥ
Bṛhatkṣatra, Mahāvīrya, Nara, and the valorous Garga. Nara's son was Saṃkṛti, and his son was of great fame.
AI translation rendered from the Sanskrit, not a published edition
MtP 49.37
गुरुधी रन्तिदेवश्च सत्कृत्यां ताव् उभौ स्मृतौ गर्गस्य चैव दायादः शिबिर्विद्वानजायत
gurudhī rantidevaśca satkṛtyāṃ tāv ubhau smṛtau gargasya caiva dāyādaḥ śibirvidvānajāyata
Gurudhī and Rantideva—both these are recorded as (born) of Saṃkṛti; and of Garga there was born as heir the learned Śibi.
AI translation rendered from the Sanskrit, not a published edition — the model flagged this verse as uncertain
MtP 49.38
स्मृताः शैब्यास्ततो गर्गाः क्षत्रोपेता द्विजातयः आहार्यतनयश्चैव धीमानासीद् उरुक्षवः
smṛtāḥ śaibyāstato gargāḥ kṣatropetā dvijātayaḥ āhāryatanayaścaiva dhīmānāsīd urukṣavaḥ
Hence the Śaibyas and the Gargas are recorded as twice-born endowed with kshatriya (status); and the son of Āhārya was the wise Urukṣava.
AI translation rendered from the Sanskrit, not a published edition
MtP 49.39
तस्य भार्या विशाला तु सुषुवे पुत्रकत्रयम् त्र्युषणं पुष्करिं चैव कविं चैव महायशाः
tasya bhāryā viśālā tu suṣuve putrakatrayam tryuṣaṇaṃ puṣkariṃ caiva kaviṃ caiva mahāyaśāḥ
His wife Viśālā bore three little sons: Tryuṣaṇa, Puṣkari, and Kavi, (she) of great fame.
AI translation rendered from the Sanskrit, not a published edition
MtP 49.40
उरुक्षवाः स्मृता ह्य् एते सर्वे ब्राह्मणतां गताः काव्यानां तु वरा ह्य् एते त्रयः प्रोक्ता महर्षयः
urukṣavāḥ smṛtā hy ete sarve brāhmaṇatāṃ gatāḥ kāvyānāṃ tu varā hy ete trayaḥ proktā maharṣayaḥ
These are recorded as the Urukṣavas; all of them attained brahminhood. These three great seers are called the foremost of the Kāvyas.
AI translation rendered from the Sanskrit, not a published edition
MtP 49.41
गर्गाः संकृतयः काव्याः क्षत्रोपेता द्विजातयः संभृताङ्गिरसो दक्षा बृहत्क्षत्रस्य च क्षितिः
gargāḥ saṃkṛtayaḥ kāvyāḥ kṣatropetā dvijātayaḥ saṃbhṛtāṅgiraso dakṣā bṛhatkṣatrasya ca kṣitiḥ
The Gargas, the Saṃkṛtis, the Kāvyas—twice-born endowed with kshatriya (status); the Saṃbhṛta Āṅgirasas, skilled; and Kṣiti (was the son) of Bṛhatkṣatra.
AI translation rendered from the Sanskrit, not a published edition — the model flagged this verse as uncertain
MtP 49.42
बृहत्क्षत्रस्य दायादो हस्तिनामा बभूव ह तेनेदं निर्मितं पूर्वं पुरं तु गजसाह्वयम्
bṛhatkṣatrasya dāyādo hastināmā babhūva ha tenedaṃ nirmitaṃ pūrvaṃ puraṃ tu gajasāhvayam
Bṛhatkṣatra's heir was one named Hastin; by him was formerly built this city called after the elephant (Hāstinapura).
AI translation rendered from the Sanskrit, not a published edition
MtP 49.43
हस्तिनश्चैव दायादास् त्रयः परमकीर्तयः अजमीढो द्विमीढश्च पुरुमीढस्तथैव च
hastinaścaiva dāyādās trayaḥ paramakīrtayaḥ ajamīḍho dvimīḍhaśca purumīḍhastathaiva ca
And Hastin's heirs were three, of the highest renown: Ajamīḍha, Dvimīḍha, and likewise Purumīḍha.
AI translation rendered from the Sanskrit, not a published edition
MtP 49.44
अजमीढस्य पत्न्यस्तु तिस्रः कुरुकुलोद्वहाः नीलिनी धूमिनी चैव केशिनी चैव विश्रुता
ajamīḍhasya patnyastu tisraḥ kurukulodvahāḥ nīlinī dhūminī caiva keśinī caiva viśrutā
Ajamīḍha had three wives who carried on the Kuru line: Nīlinī, Dhūminī, and the renowned Keśinī.
AI translation rendered from the Sanskrit, not a published edition
MtP 49.45
स तासु जनयामास पुत्रान्वै देववर्चसः तपसो ऽन्ते महातेजा जाता वृद्धस्य धार्मिकाः
sa tāsu janayāmāsa putrānvai devavarcasaḥ tapaso 'nte mahātejā jātā vṛddhasya dhārmikāḥ
He, of great splendour, begot upon them sons with the lustre of gods; born to him when he was old, at the end of his austerities, they were righteous.
AI translation rendered from the Sanskrit, not a published edition
MtP 49.46
भारद्वाजप्रसादेन विस्तरं तेषु मे शृणु आजमीढस्य केशिन्यां कण्वः समभवत्किल
bhāradvājaprasādena vistaraṃ teṣu me śṛṇu ājamīḍhasya keśinyāṃ kaṇvaḥ samabhavatkila
By the favour of the son of Bharadvāja—hear from me the full account of them. Of Ajamīḍha, by Keśinī, Kaṇva was born, so it is said.
AI translation rendered from the Sanskrit, not a published edition
MtP 49.47
मेधातिथिः सुतस्तस्य तस्मात्काण्वायना द्विजाः अजमीढस्य भूमिन्यां जज्ञे बृहदनुर् नृपः
medhātithiḥ sutastasya tasmātkāṇvāyanā dvijāḥ ajamīḍhasya bhūminyāṃ jajñe bṛhadanur nṛpaḥ
Medhātithi was his son, and from him the Kāṇvāyana brahmins; of Ajamīḍha, by Bhūminī, was born king Bṛhadanu.
AI translation rendered from the Sanskrit, not a published edition
MtP 49.48
बृहदनोर् बृहन्तो ऽथ बृहन्तस्य बृहन्मनाः बृहन्मनःसुतश्चापि बृहद्धनुरिति श्रुतः
bṛhadanor bṛhanto 'tha bṛhantasya bṛhanmanāḥ bṛhanmanaḥsutaścāpi bṛhaddhanuriti śrutaḥ
From Bṛhadanu (came) Bṛhanta; then of Bṛhanta (was born) Bṛhanmanas; and the son of Bṛhanmanas was known as Bṛhaddhanu.
AI translation rendered from the Sanskrit, not a published edition
MtP 49.49
बृहद्धनोर् बृहदिषुः पुत्रस्तस्य जयद्रथः अश्वजित्तनयस्तस्य सेनजित् तस्य चात्मजः
bṛhaddhanor bṛhadiṣuḥ putrastasya jayadrathaḥ aśvajittanayastasya senajit tasya cātmajaḥ
Of Bṛhaddhanu the son (was) Bṛhadiṣu; his (son was) Jayadratha; his son (was) Aśvajit, and his son (was) Senajit.
AI translation rendered from the Sanskrit, not a published edition
MtP 49.50
अथ सेनजितः पुत्राश् चत्वारो लोकविश्रुताः रुचिराश्वश्च काव्यश्च राजा दृढरथस्तथा
atha senajitaḥ putrāś catvāro lokaviśrutāḥ rucirāśvaśca kāvyaśca rājā dṛḍharathastathā
Now Senajit had four sons renowned in the world: Rucirāśva, and Kāvya, and king Dṛḍharatha,
AI translation rendered from the Sanskrit, not a published edition
MtP 49.51
वत्सश्चावर्तको राजा यस्यैते परिवत्सकाः रुचिराश्वस्य दायादः पृथुसेनो महायशाः
vatsaścāvartako rājā yasyaite parivatsakāḥ rucirāśvasya dāyādaḥ pṛthuseno mahāyaśāḥ
and Vatsa, the king Āvartaka, whose (descendants) are these Parivatsakas. Rucirāśva's heir (was) the greatly renowned Pṛthusena.
AI translation rendered from the Sanskrit, not a published edition
MtP 49.52
पृथुसेनस्य पौरस्तु पौरान्नीपो ऽथ जज्ञिवान् नीपस्यैकशतं त्व् आसीत् पुत्राणाम् अमितौजसाम्
pṛthusenasya paurastu paurānnīpo 'tha jajñivān nīpasyaikaśataṃ tv āsīt putrāṇām amitaujasām
Of Pṛthusena (the son was) Paura; and from Paura, Nīpa was born. Nīpa had a full hundred sons of measureless might.
AI translation rendered from the Sanskrit, not a published edition
MtP 49.53
नीपा इति समाख्याता राजानः सर्व एव ते तेषां वंशकरः श्रीमान् नीपानां कीर्तिवर्धनः
nīpā iti samākhyātā rājānaḥ sarva eva te teṣāṃ vaṃśakaraḥ śrīmān nīpānāṃ kīrtivardhanaḥ
All those kings were called "the Nīpas"; the continuer of their line (was) the illustrious increaser of the fame of the Nīpas.
AI translation rendered from the Sanskrit, not a published edition
MtP 49.54
काव्याच्च समरो नाम सदेष्टसमरो ऽभवत् समरस्य पारसम्पारौ सदश्व इति ते त्रयः
kāvyācca samaro nāma sadeṣṭasamaro 'bhavat samarasya pārasampārau sadaśva iti te trayaḥ
And from Kāvya (came) one named Samara; he was Sadeṣṭasamara. Samara's (sons) were these three: Pāra, Sampāra, and Sadaśva.
AI translation rendered from the Sanskrit, not a published edition
MtP 49.55
पुत्राः सर्वगुणोपेता जाता वै विश्रुता भुवि पारपुत्रः पृथुर्जातः पृथोस्तु सुकृतो ऽभवत्
putrāḥ sarvaguṇopetā jātā vai viśrutā bhuvi pāraputraḥ pṛthurjātaḥ pṛthostu sukṛto 'bhavat
(His) sons, endowed with all virtues, were born famous on earth. Pāra's son Pṛthu was born, and of Pṛthu (the son) was Sukṛta.
AI translation rendered from the Sanskrit, not a published edition
MtP 49.56
जज्ञे सर्वगुणोपेतो विभ्राजस्तस्य चात्मजः विभ्राजस्य तु दायादस् त्व् अणुहो नाम वीर्यवान्
jajñe sarvaguṇopeto vibhrājastasya cātmajaḥ vibhrājasya tu dāyādas tv aṇuho nāma vīryavān
There was born (one) endowed with all virtues, and his son (was) Vibhrāja; and Vibhrāja's heir (was) the valiant one named Aṇuha.
AI translation rendered from the Sanskrit, not a published edition
MtP 49.57
बभूव शुकजामाता कृत्वीभर्ता महायशाः अणुहस्य तु दायादो ब्रह्मदत्तो महीपतिः
babhūva śukajāmātā kṛtvībhartā mahāyaśāḥ aṇuhasya tu dāyādo brahmadatto mahīpatiḥ
He became Śuka's son-in-law, the greatly renowned husband of Kṛtvī; and Aṇuha's heir (was) the lord of the earth Brahmadatta.
AI translation rendered from the Sanskrit, not a published edition
MtP 49.58
युगदत्तः सुतस्तस्य विष्वक्सेनो महायशाः विभ्राजः पुनर् आजातः सुकृतेनेह कर्मणा
yugadattaḥ sutastasya viṣvakseno mahāyaśāḥ vibhrājaḥ punar ājātaḥ sukṛteneha karmaṇā
His son (was) Yugadatta, (and then) the greatly renowned Viṣvaksena — Vibhrāja born again here by (his) good deed.
AI translation rendered from the Sanskrit, not a published edition — the model flagged this verse as uncertain
MtP 49.59
विष्वक्सेनस्य पुत्रस्तु उदक्सेनो बभूव ह भल्लाटस्तस्य पुत्रस्तु तस्यासीज्जनमेजयः उग्रायुधेन तस्यार्थे सर्वे नीपाः प्रणाशिताः
viṣvaksenasya putrastu udakseno babhūva ha bhallāṭastasya putrastu tasyāsījjanamejayaḥ ugrāyudhena tasyārthe sarve nīpāḥ praṇāśitāḥ
Viṣvaksena's son was Udaksena; his son was Bhallāṭa, and his was Janamejaya. For his sake all the Nīpas were destroyed by Ugrāyudha.
AI translation rendered from the Sanskrit, not a published edition
MtP 49.60
उग्रायुधः कस्य सुतः कस्य वंशे स कथ्यते किमर्थं तेन ते नीपाः सर्वे चैव प्रणाशिताः
ugrāyudhaḥ kasya sutaḥ kasya vaṃśe sa kathyate kimarthaṃ tena te nīpāḥ sarve caiva praṇāśitāḥ
Whose son is Ugrāyudha? In whose lineage is he reckoned? For what purpose were all those Nīpas destroyed by him?
AI translation rendered from the Sanskrit, not a published edition
MtP 49.61
उग्रायुधः सूर्यवंश्यस् तपस्तेपे वराश्रमे स्थाणुभूतो ऽष्टसाहस्रं तं भेजे जनमेजयः
ugrāyudhaḥ sūryavaṃśyas tapastepe varāśrame sthāṇubhūto 'ṣṭasāhasraṃ taṃ bheje janamejayaḥ
Ugrāyudha, of the solar line, performed austerity in an excellent hermitage; becoming (motionless as) a post for eight thousand (years), Janamejaya served him.
AI translation rendered from the Sanskrit, not a published edition
MtP 49.62
तस्य राज्यं प्रतिश्रुत्य नीपान् आजघ्निवान् प्रभुः उवाच सान्त्वं विविधं जघ्नुस्ते वै ह्य् उभाव् अपि
tasya rājyaṃ pratiśrutya nīpān ājaghnivān prabhuḥ uvāca sāntvaṃ vividhaṃ jaghnuste vai hy ubhāv api
Having promised him the kingdom, the lord went and slew the Nīpas; (Ugrāyudha) spoke conciliation of various kinds, (but) the two of them killed (them).
AI translation rendered from the Sanskrit, not a published edition — the model flagged this verse as uncertain
MtP 49.63
हन्यमानागतान् ऊचे यस्माद्धेतोर्न मे वचः शरणागतरक्षार्थं तस्मादेवं शपामि वः
hanyamānāgatān ūce yasmāddhetorna me vacaḥ śaraṇāgatarakṣārthaṃ tasmādevaṃ śapāmi vaḥ
To those who came (to him) while being slain he said: "Since my word for the sake of protecting those who come for refuge (was) not (heeded), therefore I curse you thus:
AI translation rendered from the Sanskrit, not a published edition — the model flagged this verse as uncertain
MtP 49.64
यदि मे ऽस्ति तपस्तप्तं सर्वान्नयतु वो यमः ततस्तान् कृप्यमाणांस्तु यमेन पुरतः स तु
yadi me 'sti tapastaptaṃ sarvānnayatu vo yamaḥ tatastān kṛpyamāṇāṃstu yamena purataḥ sa tu
if austerity has been performed by me, let Yama carry you all away." Then, as they were being pitied, with Yama before (them), he...
AI translation rendered from the Sanskrit, not a published edition — the model flagged this verse as uncertain
MtP 49.65
कृपया परयाविष्टो जनमेजयम् ऊचिवान् गतानेतानिमान्वीरांस् त्वं मे रक्षितुमर्हसि
kṛpayā parayāviṣṭo janamejayam ūcivān gatānetānimānvīrāṃs tvaṃ me rakṣitumarhasi
Filled with the utmost pity, he said to Janamejaya: "These heroes who have gone (to death) — you ought to protect (them) for me."
AI translation rendered from the Sanskrit, not a published edition
MtP 49.66
अरे पापा दुराचारा भवितारो ऽस्य किंकराः तथेत्युक्तस्ततो राजा यमेन युयुधे चिरम्
are pāpā durācārā bhavitāro 'sya kiṃkarāḥ tathetyuktastato rājā yamena yuyudhe ciram
"Ah, you wicked, evil-doing ones, you shall become his servants!" Being thus addressed, the king then fought with Yama for a long time.
AI translation rendered from the Sanskrit, not a published edition
MtP 49.67
व्याधिभिर्नारकैर्घोरैर् यमेन सह तान्बलात् विजित्य मुनये प्रादात् तदद्भुतमिवाभवत्
vyādhibhirnārakairghorair yamena saha tānbalāt vijitya munaye prādāt tadadbhutamivābhavat
Having by force conquered them, together with Yama, along with the dreadful hellish diseases, he gave (them) to the sage; that was like a marvel.
AI translation rendered from the Sanskrit, not a published edition — the model flagged this verse as uncertain
MtP 49.68
यमस्तुष्टस्ततस्तस्मै मुक्तिज्ञानं ददौ परम् सर्वे यथोचितं कृत्वा जग्मुस्ते कृष्णमव्ययम्
yamastuṣṭastatastasmai muktijñānaṃ dadau param sarve yathocitaṃ kṛtvā jagmuste kṛṣṇamavyayam
Then Yama, pleased, gave him the supreme knowledge of liberation; and all of them, having done as was fitting, went to the imperishable Kṛṣṇa.
AI translation rendered from the Sanskrit, not a published edition
MtP 49.69
येषां तु चरितं गृह्य हन्यते नापमृत्युभिः इह लोके परे चैव सुखमक्षय्यमश्नुते
yeṣāṃ tu caritaṃ gṛhya hanyate nāpamṛtyubhiḥ iha loke pare caiva sukhamakṣayyamaśnute
But (he) whose deeds a man takes up (i.e., recites) is not slain by untimely deaths; in this world and in the next he enjoys unfailing happiness.
AI translation rendered from the Sanskrit, not a published edition — the model flagged this verse as uncertain
MtP 49.70
अजमीढस्य धूमिन्यां विद्वाञ्जज्ञे यवीनरः धृतिमांस्तस्य पुत्रस्तु तस्य सत्यधृतिः स्मृतः अथ सत्यधृतेः पुत्रो दृढनेमिः प्रतापवान्
ajamīḍhasya dhūminyāṃ vidvāñjajñe yavīnaraḥ dhṛtimāṃstasya putrastu tasya satyadhṛtiḥ smṛtaḥ atha satyadhṛteḥ putro dṛḍhanemiḥ pratāpavān
To Ajamīḍha by Dhūminī was born the learned Yavīnara; his son was Dhṛtimān, and his son is recorded as Satyadhṛti. Then Satyadhṛti's son was the mighty Dṛḍhanemi.
AI translation rendered from the Sanskrit, not a published edition
MtP 49.71
दृढनेमिसुतश्चापि सुधर्मा नाम पार्थिवः आसीत्सुधर्मतनयः सार्वभौमः प्रतापवान्
dṛḍhanemisutaścāpi sudharmā nāma pārthivaḥ āsītsudharmatanayaḥ sārvabhaumaḥ pratāpavān
And Dṛḍhanemi's son was a king named Sudharmā; Sudharmā's son was the mighty Sārvabhauma.
AI translation rendered from the Sanskrit, not a published edition
MtP 49.72
सार्वभौमेति विख्यातः पृथिव्याम् एकराड् बभौ तस्यान्ववाये महति महापौरवनन्दनः
sārvabhaumeti vikhyātaḥ pṛthivyām ekarāḍ babhau tasyānvavāye mahati mahāpauravanandanaḥ
Renowned as Sārvabhauma, he shone as sole sovereign over the earth; in his great lineage (was born) Mahāpaurava's son (i.e., the delight of the great Pauravas).
AI translation rendered from the Sanskrit, not a published edition — the model flagged this verse as uncertain
MtP 49.73
महापौरवपुत्रस्तु राजा रुक्मरथः स्मृतः अथ रुक्मरथस्यासीत् सुपार्श्वो नाम पार्थिवः
mahāpauravaputrastu rājā rukmarathaḥ smṛtaḥ atha rukmarathasyāsīt supārśvo nāma pārthivaḥ
Mahāpaurava's son is recorded as king Rukmaratha; then Rukmaratha's son was a king named Supārśva.
AI translation rendered from the Sanskrit, not a published edition
MtP 49.74
सुपार्श्वतनयश्चापि सुमतिर्नाम धार्मिकः सुमतेरपि धर्मात्मा राजा संनतिमानपि
supārśvatanayaścāpi sumatirnāma dhārmikaḥ sumaterapi dharmātmā rājā saṃnatimānapi
And Supārśva's son was the righteous one named Sumati; and Sumati's (son) too was the righteous-souled king Saṃnatimān.
AI translation rendered from the Sanskrit, not a published edition
MtP 49.75
तस्यासीत्संनतिमतः कृतो नाम सुतो महान् हिरण्यनाभिनः शिष्यः कौशल्यस्य महात्मनः
tasyāsītsaṃnatimataḥ kṛto nāma suto mahān hiraṇyanābhinaḥ śiṣyaḥ kauśalyasya mahātmanaḥ
That Saṃnatimān had a great son named Kṛta, a pupil of Hiraṇyanābha, the great-souled man of Kosala.
AI translation rendered from the Sanskrit, not a published edition
MtP 49.76
चतुर्विंशतिधा येन प्रोक्ता वै सामसंहिताः स्मृतास्ते प्राच्यसामानः कार्ता नामेह सामगाः
caturviṃśatidhā yena proktā vai sāmasaṃhitāḥ smṛtāste prācyasāmānaḥ kārtā nāmeha sāmagāḥ
By him the Sāma collections were proclaimed in twenty-four divisions; those eastern Sāma-singers are known here as the Kārtas.
AI translation rendered from the Sanskrit, not a published edition
MtP 49.77
कार्तिरुग्रायुधो ऽसौ वै महापौरववर्धनः बभूव येन विक्रम्य पृथुकस्य पिता हतः
kārtirugrāyudho 'sau vai mahāpauravavardhanaḥ babhūva yena vikramya pṛthukasya pitā hataḥ
That Ugrāyudha, son of Kṛta, was an increaser of the great Paurava line; by him, advancing in valour, Pṛthuka's father was slain.
AI translation rendered from the Sanskrit, not a published edition
MtP 49.78
नीलो नाम महाराजः पाञ्चालाधिपतिर्वशी उग्रायुधस्य दायादः क्षेमो नाम महायशाः
nīlo nāma mahārājaḥ pāñcālādhipatirvaśī ugrāyudhasya dāyādaḥ kṣemo nāma mahāyaśāḥ
(He was) a great king named Nīla, self-controlled lord of the Pāñcālas; Ugrāyudha's heir was the greatly famed Kṣema.
AI translation rendered from the Sanskrit, not a published edition
MtP 49.79
क्षेमात्सुनीथः संजज्ञे सुनीथस्य नृपंजयः नृपंजयाच्च विरथ इत्येते पौरवाः स्तुताः
kṣemātsunīthaḥ saṃjajñe sunīthasya nṛpaṃjayaḥ nṛpaṃjayācca viratha ityete pauravāḥ stutāḥ
From Kṣema was born Sunītha, from Sunītha Nṛpaṃjaya, and from Nṛpaṃjaya Viratha — these are the Pauravas who are praised.
AI translation rendered from the Sanskrit, not a published edition