Matsya Purana — Chapter 29

MtP 29.1

ततः काव्यो भृगुश्रेष्ठः समन्युरुपगम्य ह वृषपर्वाणम् आसीनम् इत्युवाचाविचारयन्

tataḥ kāvyo bhṛguśreṣṭhaḥ samanyurupagamya ha vṛṣaparvāṇam āsīnam ityuvācāvicārayan

Then Kāvya, best of the Bhṛgus, filled with wrath, went up to Vṛṣaparvan as he sat and spoke thus, without deliberating.

AI translation rendered from the Sanskrit, not a published edition

MtP 29.2

नाधर्मश्चरितो राजन् सद्यः फलति गौर् इव शनैरावर्त्यमानस्तु मूलान्यपि निकृन्तति

nādharmaścarito rājan sadyaḥ phalati gaur iva śanairāvartyamānastu mūlānyapi nikṛntati

Unrighteousness, once committed, does not bear fruit at once, O king, like a cow; but slowly turning round, it cuts away even the roots.

AI translation rendered from the Sanskrit, not a published edition

MtP 29.3

यदि नात्मनि पुत्रेषु न चेत्पश्यति नप्तृषु पापमाचरितं कर्म त्रिवर्गमतिवर्तते

yadi nātmani putreṣu na cetpaśyati naptṛṣu pāpamācaritaṃ karma trivargamativartate

If one does not see it in oneself, nor in one's sons, nor in one's grandsons, still the evil deed that has been done passes beyond (only) the three sets (of generations).

AI translation rendered from the Sanskrit, not a published edition — the model flagged this verse as uncertain

MtP 29.4

फलत्येवं ध्रुवं पापं गुरुभुक्तमिवोदरे यदा घातयसे विप्रं कचमाङ्गिरसं तदा

phalatyevaṃ dhruvaṃ pāpaṃ gurubhuktamivodare yadā ghātayase vipraṃ kacamāṅgirasaṃ tadā

Thus evil surely bears fruit, like heavy food (eaten) in the belly—as when you had the brahmin Kaca, son of Aṅgiras, killed.

AI translation rendered from the Sanskrit, not a published edition

MtP 29.5

अपापशीलं धर्मज्ञं शुश्रूषुं मद्गृहे रतम् वधादनर्हतस्तस्य वधाच्च दुहितुर्मम

apāpaśīlaṃ dharmajñaṃ śuśrūṣuṃ madgṛhe ratam vadhādanarhatastasya vadhācca duhiturmama

(He was) of sinless character, knowing dharma, obedient, devoted (to service) in my house—because of the killing of him who did not deserve it, and because of the killing of my daughter (in her grief),

AI translation rendered from the Sanskrit, not a published edition — the model flagged this verse as uncertain

MtP 29.6

वृषपर्वन्निबोध त्वं त्यक्ष्यामि त्वां सबान्धवम् स्थातुं त्वद्विषये राजन् न शक्नोमि त्वया सह

vṛṣaparvannibodha tvaṃ tyakṣyāmi tvāṃ sabāndhavam sthātuṃ tvadviṣaye rājan na śaknomi tvayā saha

Know this, Vṛṣaparvan: I shall abandon you together with your kinsmen. I cannot remain in your realm with you, O king.

AI translation rendered from the Sanskrit, not a published edition

MtP 29.7

अद्यैवमभिजानामि दैत्यं मिथ्याप्रलापिनम् यतस्त्वमात्मनोदीर्णां दुहितां किमुपेक्षसे

adyaivamabhijānāmi daityaṃ mithyāpralāpinam yatastvamātmanodīrṇāṃ duhitāṃ kimupekṣase

This very day I recognize the Daitya as a speaker of falsehood, since you disregard your own daughter, who has been provoked.

AI translation rendered from the Sanskrit, not a published edition — the model flagged this verse as uncertain

MtP 29.8

नावद्यं न मृषावादं त्वयि जानामि भार्गव त्वयि सत्यं च धर्मश्च तत्प्रसीदतु मां भवान्

nāvadyaṃ na mṛṣāvādaṃ tvayi jānāmi bhārgava tvayi satyaṃ ca dharmaśca tatprasīdatu māṃ bhavān

I know no blame nor false speech in you, Bhārgava; in you are truth and dharma—therefore let your honour be gracious to me.

AI translation rendered from the Sanskrit, not a published edition

MtP 29.9

अद्यास्मानपहाय त्वम् इतो यास्यसि भार्गव समुद्रं सम्प्रवेक्ष्यामि नान्यदस्ति परायणम्

adyāsmānapahāya tvam ito yāsyasi bhārgava samudraṃ sampravekṣyāmi nānyadasti parāyaṇam

"Today you will abandon us and go from here, Bhārgava; (then) I shall enter the ocean—there is no other recourse."

AI translation rendered from the Sanskrit, not a published edition

MtP 29.10

समुद्रं प्रविशध्वं वो दिशो वा व्रजतासुराः दुहितुर्नाप्रियं सोढुं शक्तो ऽहं दयिता हि मे

samudraṃ praviśadhvaṃ vo diśo vā vrajatāsurāḥ duhiturnāpriyaṃ soḍhuṃ śakto 'haṃ dayitā hi me

"Enter the ocean, you asuras, or go off to the (four) quarters! I am not able to bear any offence against my daughter, for she is dear to me."

AI translation rendered from the Sanskrit, not a published edition

MtP 29.11

प्रसाद्यतां देवयानी जीवितं यत्र मे स्थितम् योगक्षेमकरस्ते ऽहम् इन्द्रस्येव बृहस्पतिः

prasādyatāṃ devayānī jīvitaṃ yatra me sthitam yogakṣemakaraste 'ham indrasyeva bṛhaspatiḥ

"Let Devayānī be conciliated, in whom my life is set; I am the one who secures your welfare and safety, as Bṛhaspati is Indra's."

AI translation rendered from the Sanskrit, not a published edition

MtP 29.12

यत्किंचिद् असुरेन्द्राणां विद्यते वसु भार्गव भुवि हस्तिरथाश्वं वा तस्य त्वं मम चेश्वरः

yatkiṃcid asurendrāṇāṃ vidyate vasu bhārgava bhuvi hastirathāśvaṃ vā tasya tvaṃ mama ceśvaraḥ

"Whatever wealth belongs to the lords of the asuras on earth, Bhārgava, whether elephant, chariot or horse—of that you and I are the masters."

AI translation rendered from the Sanskrit, not a published edition

MtP 29.13

यत्किंचिद् अस्ति द्रविणं दैत्येन्द्राणां महासुर तस्येश्वरो ऽस्मि यद्येतद् देवयानी प्रसाद्यताम्

yatkiṃcid asti draviṇaṃ daityendrāṇāṃ mahāsura tasyeśvaro 'smi yadyetad devayānī prasādyatām

"Whatever property the lords of the Daityas have, O great asura—if I am master of that, (then) let Devayānī be conciliated."

AI translation rendered from the Sanskrit, not a published edition

MtP 29.14

ततस्तु त्वरितः शुक्रस् तेन राज्ञा समं ययौ उवाच चैनां सुभगे प्रतिपन्नं वचस्तव

tatastu tvaritaḥ śukras tena rājñā samaṃ yayau uvāca caināṃ subhage pratipannaṃ vacastava

Then Śukra went in haste together with that king, and said to her: "Fortunate one, your word has been agreed to."

AI translation rendered from the Sanskrit, not a published edition

MtP 29.15

यदि त्वमीश्वरस्तात राज्ञो वित्तस्य भार्गव नाभिजानामि तत्ते ऽहं राजा वदतु मां स्वयम्

yadi tvamīśvarastāta rājño vittasya bhārgava nābhijānāmi tatte 'haṃ rājā vadatu māṃ svayam

"If you, father, are master of the king's wealth, Bhārgava, I do not acknowledge that; let the king tell me so himself."

AI translation rendered from the Sanskrit, not a published edition

MtP 29.16

यं काममभिजानासि देवयानि शुचिस्मिते तत्ते ऽहं सम्प्रदास्यामि यद्यपि स्यात्सुदुर्लभम्

yaṃ kāmamabhijānāsi devayāni śucismite tatte 'haṃ sampradāsyāmi yadyapi syātsudurlabham

"Whatever desire you acknowledge, Devayānī of the bright smile, that I shall grant you, even if it should be very hard to obtain."

AI translation rendered from the Sanskrit, not a published edition

MtP 29.17

दासीं कन्यासहस्रेण शर्मिष्ठामभिकामये अनुयास्यति मां तत्र यत्र दास्यति मे पिता

dāsīṃ kanyāsahasreṇa śarmiṣṭhāmabhikāmaye anuyāsyati māṃ tatra yatra dāsyati me pitā

"I desire Śarmiṣṭhā as my maidservant, together with a thousand maidens; she shall follow me there, where my father gives me (in marriage)."

AI translation rendered from the Sanskrit, not a published edition

MtP 29.18

उत्तिष्ठ धात्रि गच्छ त्वं शर्मिष्ठां शीघ्रमानय यं च कामयते कामं देवयानी करोतु तम्

uttiṣṭha dhātri gaccha tvaṃ śarmiṣṭhāṃ śīghramānaya yaṃ ca kāmayate kāmaṃ devayānī karotu tam

"Rise, nurse; you go and bring Śarmiṣṭhā quickly; and whatever desire Devayānī wishes, let her fulfil it."

AI translation rendered from the Sanskrit, not a published edition

MtP 29.19

ततो धात्री तत्र गत्वा शर्मिष्ठाम् इदमब्रवीत् उत्तिष्ठ भद्रे शर्मिष्ठे ज्ञातीनां सुखमावह

tato dhātrī tatra gatvā śarmiṣṭhām idamabravīt uttiṣṭha bhadre śarmiṣṭhe jñātīnāṃ sukhamāvaha

Then the nurse went there and said this to Śarmiṣṭhā: "Rise, good Śarmiṣṭhā, bring happiness to your kinsmen."

AI translation rendered from the Sanskrit, not a published edition

MtP 29.20

त्यजति ब्राह्मणः शिष्यान् देवयान्या प्रचोदितः यं सा कामयते कामं स कार्यो ऽत्र त्वयानघे दासीत्वम् अभिजातासि देवयान्याः सुशोभने

tyajati brāhmaṇaḥ śiṣyān devayānyā pracoditaḥ yaṃ sā kāmayate kāmaṃ sa kāryo 'tra tvayānaghe dāsītvam abhijātāsi devayānyāḥ suśobhane

"The brahmin, urged on by Devayānī, is abandoning his pupils; whatever desire she wishes, that must be done by you in this matter, O blameless one. You are marked out for servitude to Devayānī, O lovely one."

AI translation rendered from the Sanskrit, not a published edition

MtP 29.21

यं च कामयते कामं करवाण्यहमद्य तम् मा गान्मन्युवशं शुक्रो देवयानी च मत्कृते

yaṃ ca kāmayate kāmaṃ karavāṇyahamadya tam mā gānmanyuvaśaṃ śukro devayānī ca matkṛte

"And whatever desire she wishes, that I shall do today; let not Śukra and Devayānī fall under the sway of anger on my account."

AI translation rendered from the Sanskrit, not a published edition

MtP 29.22

ततः कन्यासहस्रेण वृता शिबिकया तदा पितुर्निदेशात्त्वरिता निश्चक्राम पुरोत्तमात्

tataḥ kanyāsahasreṇa vṛtā śibikayā tadā piturnideśāttvaritā niścakrāma purottamāt

Then, surrounded by a thousand maidens, she went out in haste from that finest of cities in a palanquin, at her father's command.

AI translation rendered from the Sanskrit, not a published edition

MtP 29.23

अहं कन्यासहस्रेण दाशी ते परिचारिका ध्रुवं त्वां तत्र यास्यामि यत्र दास्यति ते पिता

ahaṃ kanyāsahasreṇa dāśī te paricārikā dhruvaṃ tvāṃ tatra yāsyāmi yatra dāsyati te pitā

"I, with a thousand maidens, am your maidservant and attendant; assuredly I shall go with you there, where your father gives you (in marriage)."

AI translation rendered from the Sanskrit, not a published edition

MtP 29.24

स्तुवतो दुहिता चाहं याचतः प्रतिगृह्णतः स्तूयमानस्य दुहिता कथं दासी भविष्यसि

stuvato duhitā cāhaṃ yācataḥ pratigṛhṇataḥ stūyamānasya duhitā kathaṃ dāsī bhaviṣyasi

"And I am the daughter of one who praises, who begs, who receives; how will you, the daughter of one who is praised, become a maidservant?"

AI translation rendered from the Sanskrit, not a published edition — the model flagged this verse as uncertain

MtP 29.25

येन केनचिदार्तानां ज्ञातीनां सुखमावहेत् अनुयास्याम्यहं तत्र यत्र दास्यति ते पिता

yena kenacidārtānāṃ jñātīnāṃ sukhamāvahet anuyāsyāmyahaṃ tatra yatra dāsyati te pitā

"By whatever means one may bring happiness to kinsmen in distress—I shall follow (you) there, where your father gives you (in marriage)."

AI translation rendered from the Sanskrit, not a published edition

MtP 29.26

प्रतिश्रुते दासभावे दुहित्रा वृषपर्वणः देवयानी नृपश्रेष्ठ पितरं वाक्यमब्रवीत्

pratiśrute dāsabhāve duhitrā vṛṣaparvaṇaḥ devayānī nṛpaśreṣṭha pitaraṃ vākyamabravīt

When servitude had been promised by Vṛṣaparvan's daughter, best of kings, Devayānī spoke these words to her father:

AI translation rendered from the Sanskrit, not a published edition

MtP 29.27

प्रविशामि पुरं तात तुष्टास्मि द्विजसत्तम अमोघं तव विज्ञानम् अस्ति विद्याबलं च ते

praviśāmi puraṃ tāta tuṣṭāsmi dvijasattama amoghaṃ tava vijñānam asti vidyābalaṃ ca te

"I will enter the city, father; I am satisfied, best of the twice-born. Your knowledge is not in vain, and you have the power of learning."

AI translation rendered from the Sanskrit, not a published edition

MtP 29.28

एवमुक्तो द्विजश्रेष्ठो दुहित्रा सुमहायशाः प्रविवेश पुरं हृष्टः पूजितः सर्वदानवैः

evamukto dvijaśreṣṭho duhitrā sumahāyaśāḥ praviveśa puraṃ hṛṣṭaḥ pūjitaḥ sarvadānavaiḥ

Thus addressed by his daughter, the best of the twice-born, of very great fame, entered the city gladly, honoured by all the Dānavas.

AI translation rendered from the Sanskrit, not a published edition