Matsya Purana — Chapter 23
MtP 23.1
सोमः पितॄणामधिपः कथं शास्त्रविशारद तद्वंश्या ये च राजानो बभूवुः कीर्तिवर्धनाः
somaḥ pitṝṇāmadhipaḥ kathaṃ śāstraviśārada tadvaṃśyā ye ca rājāno babhūvuḥ kīrtivardhanāḥ
How is Soma the overlord of the ancestors, O you who are versed in the scriptures? And who were the kings of his lineage who increased (its) renown?
AI translation rendered from the Sanskrit, not a published edition
MtP 23.2
आदिष्टो ब्रह्मणा पूर्वम् अत्रिः सर्गविधौ पुरा अनुत्तमं नाम तपः सृष्ट्यर्थं तप्तवान्प्रभुः
ādiṣṭo brahmaṇā pūrvam atriḥ sargavidhau purā anuttamaṃ nāma tapaḥ sṛṣṭyarthaṃ taptavānprabhuḥ
Formerly, in the ordinance of creation, Atri, being commanded of old by Brahmā, that lord performed for the sake of creation the austerity named 'Unsurpassed'.
AI translation rendered from the Sanskrit, not a published edition
MtP 23.3
यदानन्दकरं ब्रह्म जगत्क्लेशविनाशनम् ब्रह्मविष्ण्वर्करुद्राणाम् अभ्यन्तरमतीन्द्रियम्
yadānandakaraṃ brahma jagatkleśavināśanam brahmaviṣṇvarkarudrāṇām abhyantaramatīndriyam
(There is) that Brahman which produces bliss, which destroys the world's affliction, which is the inmost (essence) of Brahmā, Viṣṇu, the Sun and Rudra, beyond the senses,
AI translation rendered from the Sanskrit, not a published edition
MtP 23.4
शान्तिकृच् छान्तमनसस् तदन्तर्नयने स्थितम् माहात्म्यात्तपसा विप्राः परमानन्दकारकम्
śāntikṛc chāntamanasas tadantarnayane sthitam māhātmyāttapasā viprāḥ paramānandakārakam
peace-making, and it abides within the eye of one whose mind is calm; through its greatness, by austerity, O brahmins, it produces the highest bliss.
AI translation rendered from the Sanskrit, not a published edition — the model flagged this verse as uncertain
MtP 23.5
यस्मादुमापतिः सार्धम् उमया तमधिष्ठितः तं दृष्ट्वा चाष्टमांशेन तस्मात्सोमो ऽभवच्छिशुः
yasmādumāpatiḥ sārdham umayā tamadhiṣṭhitaḥ taṃ dṛṣṭvā cāṣṭamāṃśena tasmātsomo 'bhavacchiśuḥ
Since Umā's husband, together with Umā, presided over it, and having seen it, from that (Brahman) by an eighth part Soma came into being as an infant.
AI translation rendered from the Sanskrit, not a published edition — the model flagged this verse as uncertain
MtP 23.6
अधः सुस्राव नेत्राभ्यां धाम तच्चाम्बुसम्भवम् दीपयन्विश्वमखिलं ज्योत्स्नया सचराचरम्
adhaḥ susrāva netrābhyāṃ dhāma taccāmbusambhavam dīpayanviśvamakhilaṃ jyotsnayā sacarācaram
Downward from (his) two eyes there flowed that radiance, which had arisen from the waters, lighting up the whole universe with its moonlight, together with all that moves and does not move.
AI translation rendered from the Sanskrit, not a published edition
MtP 23.7
तद्दिशो जगृहुर्धाम स्त्रीरूपेण सुतेच्छया गर्भो भूत्वोदरे तासाम् आस्थितो ऽब्दशतत्रयम्
taddiśo jagṛhurdhāma strīrūpeṇa sutecchayā garbho bhūtvodare tāsām āsthito 'bdaśatatrayam
The quarters of the sky took hold of that radiance, in the form of women, out of a desire for a son; having become an embryo, it remained in their wombs for three hundred years.
AI translation rendered from the Sanskrit, not a published edition
MtP 23.8
आशास्तं मुमुचुर्गर्भम् अशक्ता धारणे ततः समादायाथ तं गर्भम् एकीकृत्य चतुर्मुखः
āśāstaṃ mumucurgarbham aśaktā dhāraṇe tataḥ samādāyātha taṃ garbham ekīkṛtya caturmukhaḥ
Then the quarters, unable to bear it, released that embryo; and thereupon the Four-faced one, gathering up that embryo and making it one,
AI translation rendered from the Sanskrit, not a published edition
MtP 23.9
युवानमकरोद्ब्रह्मा सर्वायुधधरं नरम् स्यन्दने ऽथ सहस्राश्वे वेदशक्तिमये प्रभुः
yuvānamakarodbrahmā sarvāyudhadharaṃ naram syandane 'tha sahasrāśve vedaśaktimaye prabhuḥ
Brahmā made him a youth, a man bearing all weapons; then the Lord (set him) upon a chariot with a thousand horses, made of the power of the Vedas,
AI translation rendered from the Sanskrit, not a published edition
MtP 23.10
आरोप्य लोकमनयद् आत्मीयं स पितामह तत्र ब्रह्मर्षिभिः प्रोक्तम् अस्मत्स्वामी भवत्वयम्
āropya lokamanayad ātmīyaṃ sa pitāmaha tatra brahmarṣibhiḥ proktam asmatsvāmī bhavatvayam
and having mounted (him upon it), that Grandfather led (him) to his own world; there it was declared by the brahmin sages: "Let this one be our master."
AI translation rendered from the Sanskrit, not a published edition
MtP 23.11
ऋषिभिर्देवगन्धर्वैर् ओषधीभिस्तथैव च तुष्टुवुः सोमदेवत्यैर् ब्रह्माद्या मन्त्रसंग्रहैः
ṛṣibhirdevagandharvair oṣadhībhistathaiva ca tuṣṭuvuḥ somadevatyair brahmādyā mantrasaṃgrahaiḥ
Together with the seers, the gods, the gandharvas, and likewise with the plants, Brahmā and the others praised (him) with collections of mantras whose deity is Soma.
AI translation rendered from the Sanskrit, not a published edition
MtP 23.12
स्तूयमानस्य तस्याभूद् अधिको धामसम्भवः तेजोवितानादभवद् भुवि दिव्यौषधीगणः
stūyamānasya tasyābhūd adhiko dhāmasambhavaḥ tejovitānādabhavad bhuvi divyauṣadhīgaṇaḥ
As he was being praised, there arose in him a greater production of radiance; from the spreading out of that brilliance there came to be on earth the host of divine healing plants.
AI translation rendered from the Sanskrit, not a published edition
MtP 23.13
तद्दीप्तिरधिका तस्माद् रात्रौ भवति सर्वदा तेनौषधीशः सोमो ऽभूद् द्विजेशश्चापि गद्यते
taddīptiradhikā tasmād rātrau bhavati sarvadā tenauṣadhīśaḥ somo 'bhūd dvijeśaścāpi gadyate
For that reason his shining is greater at night, always; therefore Soma became lord of the plants, and he is also called lord of the twice-born.
AI translation rendered from the Sanskrit, not a published edition
MtP 23.14
वेदधामरसं चापि यदिदं चन्द्रमण्डलम् क्षीयते वर्धते चैव शुक्ले कृष्णे च सर्वदा
vedadhāmarasaṃ cāpi yadidaṃ candramaṇḍalam kṣīyate vardhate caiva śukle kṛṣṇe ca sarvadā
And this disc of the moon, which is the essence of the radiance of the Vedas, always wanes and waxes in the bright and in the dark (fortnight).
AI translation rendered from the Sanskrit, not a published edition
MtP 23.15
विंशतिं च तथा सप्त दक्षः प्राचेतसो ददौ रूपलावण्यसंयुक्तास् तस्मै कन्याः सुवर्चसः
viṃśatiṃ ca tathā sapta dakṣaḥ prācetaso dadau rūpalāvaṇyasaṃyuktās tasmai kanyāḥ suvarcasaḥ
And Dakṣa, son of Pracetas, gave him twenty-seven maidens, endowed with beauty and loveliness, of fair splendour.
AI translation rendered from the Sanskrit, not a published edition
MtP 23.16
ततः पद्मसहस्राणां सहस्राणि दशैव तु तपश्चचार शीतांशुर् विष्णुध्यानैकतत्परः
tataḥ padmasahasrāṇāṃ sahasrāṇi daśaiva tu tapaścacāra śītāṃśur viṣṇudhyānaikatatparaḥ
Then for ten thousand thousand padmas (of years) the cool-rayed one practised austerity, intent solely on meditation upon Viṣṇu.
AI translation rendered from the Sanskrit, not a published edition
MtP 23.17
ततस्तुष्टस्तु भगवांस् तस्मै नारायणो हरिः वरं वृणीष्व प्रोवाच परमात्मा जनार्दनः
tatastuṣṭastu bhagavāṃs tasmai nārāyaṇo hariḥ varaṃ vṛṇīṣva provāca paramātmā janārdanaḥ
Then the Blessed One, Nārāyaṇa Hari, the supreme Self, Janārdana, being pleased with him, said: "Choose a boon."
AI translation rendered from the Sanskrit, not a published edition
MtP 23.18
ततो वव्रे वरान्सोमः शक्रलोकं जयाम्यहम् प्रत्यक्षमेव भोक्तारो भवन्तु मम मन्दिरे
tato vavre varānsomaḥ śakralokaṃ jayāmyaham pratyakṣameva bhoktāro bhavantu mama mandire
Then Soma chose these boons: "May I conquer the world of Śakra; may (the gods) be eaters (of the offering) visibly present in my hall;
AI translation rendered from the Sanskrit, not a published edition
MtP 23.19
राजसूये सुरगणा ब्रह्माद्याः सन्तु मे द्विजाः रक्षःपालः शिवो ऽस्माकम् आस्तां शूलधरो हरः
rājasūye suragaṇā brahmādyāḥ santu me dvijāḥ rakṣaḥpālaḥ śivo 'smākam āstāṃ śūladharo haraḥ
at (my) Rājasūya let the hosts of gods, Brahmā and the rest, be my brahmin priests; and let Śiva, Hara who bears the trident, be the guardian against demons for us."
AI translation rendered from the Sanskrit, not a published edition
MtP 23.20
तथेत्युक्तः स आजह्रे राजसूयं तु विष्णुना होतात्रिर् भृगुरध्वर्युर् उद्गाताभूच्चतुर्मुखः
tathetyuktaḥ sa ājahre rājasūyaṃ tu viṣṇunā hotātrir bhṛguradhvaryur udgātābhūccaturmukhaḥ
Being told "So be it" by Viṣṇu, he performed the Rājasūya: Atri was the hotṛ, Bhṛgu the adhvaryu, and the Four-faced one became the udgātṛ.
AI translation rendered from the Sanskrit, not a published edition
MtP 23.21
ब्रह्मत्वमगमत्तस्य उपद्रष्टा हरिः स्वयम् सदस्याः सनकाद्यास्तु राजसूयविधौ स्मृताः
brahmatvamagamattasya upadraṣṭā hariḥ svayam sadasyāḥ sanakādyāstu rājasūyavidhau smṛtāḥ
Hari himself took on for him the office of brahman (priest) and of overseer; and Sanaka and the others are recorded as the assembly-members in the rite of the Rājasūya.
AI translation rendered from the Sanskrit, not a published edition
MtP 23.22
चमसाध्वर्यवस्तत्र विश्वे देवा दशैव तु त्रैलोक्यं दक्षिणा तेन ऋत्विग्भ्यः प्रतिपादितम्
camasādhvaryavastatra viśve devā daśaiva tu trailokyaṃ dakṣiṇā tena ṛtvigbhyaḥ pratipāditam
There the ten Viśvedevas were the camasādhvaryus; and the three worlds were presented by him to the officiating priests as the sacrificial fee.
AI translation rendered from the Sanskrit, not a published edition
MtP 23.23
ततः समाप्ते ऽवभृथे तद्रूपालोकनेच्छवः कामबाणाभितप्ताङ्ग्यो नव देव्यः सिषेविरे
tataḥ samāpte 'vabhṛthe tadrūpālokanecchavaḥ kāmabāṇābhitaptāṅgyo nava devyaḥ siṣevire
Then, when the final ablution was completed, nine goddesses, desiring to gaze upon his beauty, their limbs scorched by the arrows of Kāma, waited upon him:
AI translation rendered from the Sanskrit, not a published edition
MtP 23.24
लक्ष्मीर्नारायणं त्यक्त्वा सिनीवाली च कर्दमम् द्युतिर्विभावसुं तद्वत् तुष्टिर्धातारमव्ययम्
lakṣmīrnārāyaṇaṃ tyaktvā sinīvālī ca kardamam dyutirvibhāvasuṃ tadvat tuṣṭirdhātāramavyayam
Lakṣmī abandoning Nārāyaṇa, and Sinīvālī Kardama, Dyuti Vibhāvasu, and likewise Tuṣṭi the imperishable Dhātṛ,
AI translation rendered from the Sanskrit, not a published edition
MtP 23.25
प्रभा प्रभाकरं त्यक्त्वा हविष्मन्तं कुहूः स्वयम् कीर्तिर्जयन्तं भर्तारं वसुर्मारीचकश्यपम्
prabhā prabhākaraṃ tyaktvā haviṣmantaṃ kuhūḥ svayam kīrtirjayantaṃ bhartāraṃ vasurmārīcakaśyapam
Prabhā abandoning Prabhākara, Kuhū herself Haviṣmān, Kīrti her husband Jayanta, Vasu Kaśyapa the son of Marīci.
AI translation rendered from the Sanskrit, not a published edition
MtP 23.26
धृतिस् त्यक्त्वा पीतं नन्दिं सोममेवाभजंस्तदा स्वकीया इव सोमो ऽपि कामयामास तास्तदा
dhṛtis tyaktvā pītaṃ nandiṃ somamevābhajaṃstadā svakīyā iva somo 'pi kāmayāmāsa tāstadā
Dhṛti, forsaking Pīta, and Nandi then took to Soma alone; and Soma too then desired them as though they were his own.
AI translation rendered from the Sanskrit, not a published edition — the model flagged this verse as uncertain
MtP 23.27
एवं कृतापचारस्य तासां भर्तृगणस्तदा न शशाकापचाराय शापैः शस्त्रादिभिः पुनः
evaṃ kṛtāpacārasya tāsāṃ bhartṛgaṇastadā na śaśākāpacārāya śāpaiḥ śastrādibhiḥ punaḥ
Thus, though the offence had been committed against them, the host of their husbands was then unable, with curses or with weapons and the like, to do injury in return.
AI translation rendered from the Sanskrit, not a published edition
MtP 23.28
तथाप्यराजत विधुर् दशधा भावयन्दिशः सोमः प्राप्याथ दुष्प्राप्यम् ऐश्वर्यमृषिसंस्कृतम् सप्तलोकैकनाथत्वम् अवाप तपसा तदा
tathāpyarājata vidhur daśadhā bhāvayandiśaḥ somaḥ prāpyātha duṣprāpyam aiśvaryamṛṣisaṃskṛtam saptalokaikanāthatvam avāpa tapasā tadā
Even so the moon shone, tenfold, illuminating the directions; and Soma, having gained hard-won sovereignty consecrated by the sages, then attained by his austerity sole lordship over the seven worlds.
AI translation rendered from the Sanskrit, not a published edition
MtP 23.29
कदाचिदुद्यानगतामपश्यद् अनेकपुष्पाभरणैश्च शोभिताम् बृहन्नितम्बस्तनभारखेदात् पुष्पस्य भङ्गे ऽप्यतिदुर्बलाङ्गीम्
kadācidudyānagatāmapaśyad anekapuṣpābharaṇaiśca śobhitām bṛhannitambastanabhārakhedāt puṣpasya bhaṅge 'pyatidurbalāṅgīm
Once he saw her gone to the garden, adorned with many flower-ornaments, her limbs excessively frail from the strain of the burden of her large hips and breasts, even when she plucked a flower.
AI translation rendered from the Sanskrit, not a published edition
MtP 23.30
भार्यां च तां देवगुरोर् अनङ्ग बाणाभिरामायतचारुनेत्राम् तारां स ताराधिपतिः स्मरार्तः केशेषु जग्राह विविक्तभूमौ
bhāryāṃ ca tāṃ devaguror anaṅga bāṇābhirāmāyatacārunetrām tārāṃ sa tārādhipatiḥ smarārtaḥ keśeṣu jagrāha viviktabhūmau
And her, the wife of the preceptor of the gods, with long lovely eyes as charming as the arrows of Anaṅga—Tārā—he, the lord of the stars, afflicted by love, seized by the hair in a lonely place.
AI translation rendered from the Sanskrit, not a published edition
MtP 23.31
सापि स्मरार्ता सह तेन रेमे तद्रूपकान्त्या हृतमानसेन चिरं विहृत्याथ जगाम तारां विधुर्गृहीत्वा स्वगृहं ततो ऽपि
sāpi smarārtā saha tena reme tadrūpakāntyā hṛtamānasena ciraṃ vihṛtyātha jagāma tārāṃ vidhurgṛhītvā svagṛhaṃ tato 'pi
She too, afflicted by love, took her pleasure with him, whose mind was carried away by the loveliness of her form; and then, after long dalliance, the moon took Tārā and went from there to his own house.
AI translation rendered from the Sanskrit, not a published edition
MtP 23.32
न तृप्तिरासीच्च गृहे ऽपि तस्य तारानुरक्तस्य सुखागमेषु बृहस्पतिस् तद्विरहाग्निदग्धस् तद्ध्याननिष्ठैकमना बभूव
na tṛptirāsīcca gṛhe 'pi tasya tārānuraktasya sukhāgameṣu bṛhaspatis tadvirahāgnidagdhas taddhyānaniṣṭhaikamanā babhūva
And even at home there was no satiety for him, enamoured of Tārā, in the arrivals of pleasure; Bṛhaspati, burnt by the fire of separation from her, became one whose mind was fixed solely on meditation upon her.
AI translation rendered from the Sanskrit, not a published edition
MtP 23.33
शशाक शापं न च दातुम् अस्मै न मन्त्रशस्त्राग्निविषैरशेषैः तस्यापकर्तुं विविधैरुपायैर् नैवाभिचारैरपि वागधीशः
śaśāka śāpaṃ na ca dātum asmai na mantraśastrāgniviṣairaśeṣaiḥ tasyāpakartuṃ vividhairupāyair naivābhicārairapi vāgadhīśaḥ
And the lord of speech could not lay a curse upon him, nor injure him with all the mantras, weapons, fire and poisons, nor by various devices, nor even by sorcery.
AI translation rendered from the Sanskrit, not a published edition
MtP 23.34
स याचयामास ततस्तु दैन्यात् सोमं स्वभार्यार्थमनङ्गतप्तः स याच्यमानो ऽपि ददौ न तारां बृहस्पतेस्तत्सुखपाशबद्धः
sa yācayāmāsa tatastu dainyāt somaṃ svabhāryārthamanaṅgataptaḥ sa yācyamāno 'pi dadau na tārāṃ bṛhaspatestatsukhapāśabaddhaḥ
Then, out of wretchedness, scorched by love, he begged Soma for his own wife; but though begged, (Soma), bound by the noose of that pleasure, did not give Tārā back to Bṛhaspati.
AI translation rendered from the Sanskrit, not a published edition
MtP 23.35
महेश्वरेणाथ चतुर्मुखेण साध्यैर् मरुद्भिः सह लोकपालैः ददौ यदा तां न कथंचिद् इन्दुस् तदा शिवः क्रोधपरो बभूव
maheśvareṇātha caturmukheṇa sādhyair marudbhiḥ saha lokapālaiḥ dadau yadā tāṃ na kathaṃcid indus tadā śivaḥ krodhaparo babhūva
Then, when the moon would by no means give her up, though (asked) by Maheśvara, by the four-faced one, by the Sādhyas and the Maruts together with the guardians of the worlds, Śiva became filled with anger.
AI translation rendered from the Sanskrit, not a published edition
MtP 23.36
यो वामदेवः प्रथितः पृथिव्याम् अनेकरुद्रार्चितपादपद्मः ततः सशिष्यो गिरिशः पिनाकी बृहस्पतिस्नेहवशानुबद्धः
yo vāmadevaḥ prathitaḥ pṛthivyām anekarudrārcitapādapadmaḥ tataḥ saśiṣyo giriśaḥ pinākī bṛhaspatisnehavaśānubaddhaḥ
He who is famed on earth as Vāmadeva, whose lotus-feet are worshipped by many Rudras—then Giriśa, bearer of the Pināka, with his disciples, bound by his affection for Bṛhaspati,
AI translation rendered from the Sanskrit, not a published edition
MtP 23.37
धनुर्गृहीत्वाजगवं पुरारिर् जगाम भूतेश्वरसिद्धजुष्टः युद्धाय सोमेन विशेषदीप्ततृतीयनेत्रानलभीमवक्त्रः
dhanurgṛhītvājagavaṃ purārir jagāma bhūteśvarasiddhajuṣṭaḥ yuddhāya somena viśeṣadīptatṛtīyanetrānalabhīmavaktraḥ
the foe of the citadels, taking up the Ājagava bow, went out to battle with Soma, attended by the lords of the spirits and by Siddhas, his face terrible with the fire of his especially blazing third eye.
AI translation rendered from the Sanskrit, not a published edition
MtP 23.38
सहैव जग्मुश्च गणेशकाद्या विंशच्चतुःषष्टिगणास्त्रयुक्ताः यक्षेश्वरः कोटिशतैर् अनेकैर् युतो ऽन्वगात् स्यन्दनसंस्थितानाम्
sahaiva jagmuśca gaṇeśakādyā viṃśaccatuḥṣaṣṭigaṇāstrayuktāḥ yakṣeśvaraḥ koṭiśatair anekair yuto 'nvagāt syandanasaṃsthitānām
And along with him went the lords of the troops and the rest, twenty and sixty-four hosts, equipped with weapons; the lord of the Yakṣas, joined by many hundreds of crores, followed after those who stood in chariots.
AI translation rendered from the Sanskrit, not a published edition — the model flagged this verse as uncertain
MtP 23.39
वेतालयक्षोरगकिंनराणां पद्मेन चैकेन तथार्बुदेन लक्षैस् त्रिभिर् द्वादशभी रथानां सोमो ऽप्यगात्तत्र विवृद्धमन्युः
vetālayakṣoragakiṃnarāṇāṃ padmena caikena tathārbudena lakṣais tribhir dvādaśabhī rathānāṃ somo 'pyagāttatra vivṛddhamanyuḥ
With one padma and likewise one arbuda of Vetālas, Yakṣas, serpents and Kinnaras, and with three lakhs and twelve (lakhs) of chariots, Soma too, his wrath swollen, went there,
AI translation rendered from the Sanskrit, not a published edition — the model flagged this verse as uncertain
MtP 23.40
नक्षत्रदैत्यासुरसैन्ययुक्तः शनैश्चराङ्गारकवृद्धतेजाः जग्मुर्भयं सप्त तथैव लोकाश् चचाल भूर् द्वीपसमुद्रगर्भा
nakṣatradaityāsurasainyayuktaḥ śanaiścarāṅgārakavṛddhatejāḥ jagmurbhayaṃ sapta tathaiva lokāś cacāla bhūr dvīpasamudragarbhā
joined with the armies of the constellations, the Daityas and the Asuras, his energy swelled by Śanaiścara and Aṅgāraka; and so the seven worlds fell into fear, and the earth with its islands and seas trembled.
AI translation rendered from the Sanskrit, not a published edition
MtP 23.41
स सोममेवाभ्यगमत्पिनाकी गृहीतदीप्तास्त्रविशालवह्निः अथाभवद् भीषणभीमसेनसैन्यद्वयस्यापि महाहवो ऽसौ
sa somamevābhyagamatpinākī gṛhītadīptāstraviśālavahniḥ athābhavad bhīṣaṇabhīmasenasainyadvayasyāpi mahāhavo 'sau
He, the bearer of the Pināka, advanced straight upon Soma, having taken up a blazing missile of vast flame; and then there arose that great battle of both armies, with their frightful and terrible troops.
AI translation rendered from the Sanskrit, not a published edition
MtP 23.42
अशेषसत्त्वक्षयकृत्प्रवृद्धस् तीक्ष्णायुधास्त्रज्वलनैकरूपः शस्त्रैरथान्योन्यमशेषसैन्यं द्वयोर्जगाम क्षयमुग्रतीक्ष्णैः
aśeṣasattvakṣayakṛtpravṛddhas tīkṣṇāyudhāstrajvalanaikarūpaḥ śastrairathānyonyamaśeṣasainyaṃ dvayorjagāma kṣayamugratīkṣṇaiḥ
Grown so as to work the destruction of every living being, of a single form with the blaze of sharp arms and missiles—then, by the fierce and keen weapons of the two, the whole army on each side went to destruction at the other's hands.
AI translation rendered from the Sanskrit, not a published edition
MtP 23.43
पतन्ति शस्त्राणि तथोज्ज्वलानि स्वर्भूमिपातालमथो दहन्ति रुद्रः कोपाद्ब्रह्मशीर्षं मुमोच सोमो ऽपि सोमास्त्रममोघवीर्यम्
patanti śastrāṇi tathojjvalāni svarbhūmipātālamatho dahanti rudraḥ kopādbrahmaśīrṣaṃ mumoca somo 'pi somāstramamoghavīryam
Blazing weapons fall and burn up heaven, earth and the netherworld; Rudra in anger released the Brahmaśiras, and Soma too the Soma-missile of unfailing power.
AI translation rendered from the Sanskrit, not a published edition
MtP 23.44
तयोर्निपातेन समुद्रभूम्योर् अथान्तरिक्षस्य च भीतिरासीत् तदस्त्रयुग्मं जगतां क्षयाय प्रवृद्धमालोक्य पितामहो ऽपि
tayornipātena samudrabhūmyor athāntarikṣasya ca bhītirāsīt tadastrayugmaṃ jagatāṃ kṣayāya pravṛddhamālokya pitāmaho 'pi
At the fall of those two there was terror for the ocean, the earth and the sky; and the Grandfather too, seeing that pair of missiles swelling for the destruction of the worlds,
AI translation rendered from the Sanskrit, not a published edition
MtP 23.45
अन्तः प्रविश्याथ कथं कथंचिन् निवारयामास सुरैः सहैव अकारणं किं क्षयकृज्जनानां सोम त्वयापीत्थम् अकारि कार्यम्
antaḥ praviśyātha kathaṃ kathaṃcin nivārayāmāsa suraiḥ sahaiva akāraṇaṃ kiṃ kṣayakṛjjanānāṃ soma tvayāpīttham akāri kāryam
then entered between them and somehow, together with the gods, held them back: "Why, without cause, has such a deed, destructive of people, been done even by you, Soma?"
AI translation rendered from the Sanskrit, not a published edition
MtP 23.46
यस्मात्परस्त्रीहरणाय सोम त्वया कृतं युद्धमतीव भीमम् पापग्रहस्त्वं भविता जनेषु शान्तो ऽप्यलं नूनमथो सितान्ते भार्यामिमामर्पय वाक्पतेस्त्वं न चावमानो ऽस्ति परस्वहारे
yasmātparastrīharaṇāya soma tvayā kṛtaṃ yuddhamatīva bhīmam pāpagrahastvaṃ bhavitā janeṣu śānto 'pyalaṃ nūnamatho sitānte bhāryāmimāmarpaya vākpatestvaṃ na cāvamāno 'sti parasvahāre
"Since, Soma, you have waged this exceedingly terrible war for the sake of carrying off another's wife, you shall become an evil planet among people, though gentle enough, surely, at the white (bright) fortnight's end. Hand over this wife to the lord of speech (Bṛhaspati); there is no dishonour in restoring another's property."
AI translation rendered from the Sanskrit, not a published edition — the model flagged this verse as uncertain
MtP 23.47
तथेति चोवाच हिमांशुमाली युद्धाद् अपाक्रामदतः प्रशान्तः बृहस्पतिः स्वामपगृह्य तारां हृष्टो जगाम स्वगृहं सरुद्रः
tatheti covāca himāṃśumālī yuddhād apākrāmadataḥ praśāntaḥ bṛhaspatiḥ svāmapagṛhya tārāṃ hṛṣṭo jagāma svagṛhaṃ sarudraḥ
And the garlanded-with-cool-rays one (the Moon) said, "So be it," and thereupon withdrew from the battle, appeased; and Bṛhaspati, having taken back Tārā as his own, went joyfully to his house together with Rudra.
AI translation rendered from the Sanskrit, not a published edition