Matsya Purana — Chapter 22
MtP 22.1
कस्मिन्काले च तच्छ्राद्धम् अनन्तफलदं भवेत् कस्मिन्वासरभागे तु श्राद्धकृच्छ्राद्धमाचरेत् तीर्थेषु केषु च कृतं श्राद्धं बहुफलं भवेत्
kasminkāle ca tacchrāddham anantaphaladaṃ bhavet kasminvāsarabhāge tu śrāddhakṛcchrāddhamācaret tīrtheṣu keṣu ca kṛtaṃ śrāddhaṃ bahuphalaṃ bhavet
At what time does that śrāddha yield endless fruit? At which part of the day should the performer of śrāddha carry out the śrāddha? And at which sacred fords does a śrāddha performed bring abundant fruit?
AI translation rendered from the Sanskrit, not a published edition
MtP 22.2
अपराह्णे तु सम्प्राप्ते अभिजिद्रौहिणोदये यत्किंचिद्दीयते तत्र तदक्षयमुदाहृतम्
aparāhṇe tu samprāpte abhijidrauhiṇodaye yatkiṃciddīyate tatra tadakṣayamudāhṛtam
But when the afternoon has come, at the rising of Abhijit or of Rohiṇī, whatever is given there is declared to be imperishable.
AI translation rendered from the Sanskrit, not a published edition
MtP 22.3
तीर्थानि यानि शस्तानि पितॄणां वल्लभानि च नामतस्तानि वक्ष्यामि संक्षेपेण द्विजोत्तमाः
tīrthāni yāni śastāni pitṝṇāṃ vallabhāni ca nāmatastāni vakṣyāmi saṃkṣepeṇa dvijottamāḥ
Those fords that are commended and are dear to the ancestors — I shall tell them by name, in brief, O best of the twice-born.
AI translation rendered from the Sanskrit, not a published edition
MtP 22.4
पितृतीर्थं गया नाम सर्वतीर्थवरं शुभम् यत्रास्ते देवदेवेशः स्वयमेव पितामहः
pitṛtīrthaṃ gayā nāma sarvatīrthavaraṃ śubham yatrāste devadeveśaḥ svayameva pitāmahaḥ
The ancestors' ford named Gayā is the auspicious best of all fords, where the God of gods, the Grandfather (Brahmā) himself, abides.
AI translation rendered from the Sanskrit, not a published edition
MtP 22.5
तत्रैषा पितृभिर्गीता गाथा भागमभीप्सुभिः
tatraiṣā pitṛbhirgītā gāthā bhāgamabhīpsubhiḥ
There this verse was sung by the ancestors, who were desirous of their share:
AI translation rendered from the Sanskrit, not a published edition
MtP 22.6
एष्टव्या बहवः पुत्रा यद्येको ऽपि गयां व्रजेत् यजेत वाश्वमेधेन नीलं वा वृषमुत्सृजेत्
eṣṭavyā bahavaḥ putrā yadyeko 'pi gayāṃ vrajet yajeta vāśvamedhena nīlaṃ vā vṛṣamutsṛjet
"Many sons should be sought, so that even one might go to Gayā, or sacrifice with a horse-sacrifice, or set free a dark bull."
AI translation rendered from the Sanskrit, not a published edition
MtP 22.7
तथा वाराणसी पुण्या पितॄणां वल्लभा सदा यत्राविमुक्तसांनिध्यं भुक्तिमुक्तिफलप्रदम्
tathā vārāṇasī puṇyā pitṝṇāṃ vallabhā sadā yatrāvimuktasāṃnidhyaṃ bhuktimuktiphalapradam
So too holy Vārāṇasī is ever dear to the ancestors, where the presence of Avimukta bestows the fruit of enjoyment and liberation.
AI translation rendered from the Sanskrit, not a published edition
MtP 22.8
पितॄणां वल्लभं तद्वत् पुण्यं च विमलेश्वरम् पितृतीर्थं प्रयागं तु सर्वकामफलप्रदम्
pitṝṇāṃ vallabhaṃ tadvat puṇyaṃ ca vimaleśvaram pitṛtīrthaṃ prayāgaṃ tu sarvakāmaphalapradam
Likewise dear to the ancestors and holy is Vimaleśvara; and the ancestors' ford Prayāga grants the fruit of all desires.
AI translation rendered from the Sanskrit, not a published edition
MtP 22.9
वटेश्वरस्तु भगवान् माधवेन समन्वितः योगनिद्राशयस्तद्वत् सदा वसति केशवः
vaṭeśvarastu bhagavān mādhavena samanvitaḥ yoganidrāśayastadvat sadā vasati keśavaḥ
And the Lord Vaṭeśvara, together with Mādhava; likewise Keśava, resting in yogic sleep, ever dwells (there).
AI translation rendered from the Sanskrit, not a published edition
MtP 22.10
दशाश्वमेधिकं पुण्यं गङ्गाद्वारं तथैव च नन्दाथ ललिता तद्वत् तीर्थं मायापुरी शुभा
daśāśvamedhikaṃ puṇyaṃ gaṅgādvāraṃ tathaiva ca nandātha lalitā tadvat tīrthaṃ māyāpurī śubhā
Holy Gaṅgādvāra, worth ten horse-sacrifices, and likewise Nandā, then Lalitā, and so the ford, the auspicious city of Māyā (Māyāpurī),
AI translation rendered from the Sanskrit, not a published edition
MtP 22.11
तथा मित्रपदं नाम ततः केदारमुत्तमम् गङ्गासागरमित्याहुः सर्वतीर्थमयं शुभम्
tathā mitrapadaṃ nāma tataḥ kedāramuttamam gaṅgāsāgaramityāhuḥ sarvatīrthamayaṃ śubham
and likewise the place named Mitrapada, then excellent Kedāra; they call Gaṅgāsāgara auspicious, containing all fords.
AI translation rendered from the Sanskrit, not a published edition
MtP 22.12
तीर्थं ब्रह्मसरस्तद्वच् छतद्रुसलिले ह्रदे तीर्थं तु नैमिषं नाम सर्वतीर्थफलप्रदम्
tīrthaṃ brahmasarastadvac chatadrusalile hrade tīrthaṃ tu naimiṣaṃ nāma sarvatīrthaphalapradam
Likewise the ford Brahmasaras, in the pool in the waters of the Śatadru; and the ford named Naimiṣa, which grants the fruit of all fords.
AI translation rendered from the Sanskrit, not a published edition
MtP 22.13
गङ्गोद्भेदस्तु गोमत्यां यत्रोद्भूतः सनातनः तथा यज्ञवराहस्तु देवदेवश्च शूलभृत्
gaṅgodbhedastu gomatyāṃ yatrodbhūtaḥ sanātanaḥ tathā yajñavarāhastu devadevaśca śūlabhṛt
And Gaṅgodbheda on the Gomatī, where the Eternal One arose, and likewise the Sacrificial Boar and the God of gods who bears the trident,
AI translation rendered from the Sanskrit, not a published edition
MtP 22.14
यत्र तत्काञ्चनं द्वारम् अष्टादशभुजो हरः नेमिस्तु हरिचक्रस्य शीर्णा यत्राभवत्पुरा
yatra tatkāñcanaṃ dvāram aṣṭādaśabhujo haraḥ nemistu haricakrasya śīrṇā yatrābhavatpurā
where that golden gate is, and Hara with eighteen arms, and where of old the rim of Hari's discus was shattered —
AI translation rendered from the Sanskrit, not a published edition
MtP 22.15
तदेतन्नैमिषारण्यं सर्वतीर्थनिषेवितम् देवदेवस्य तत्रापि वाराहस्य तु दर्शनम्
tadetannaimiṣāraṇyaṃ sarvatīrthaniṣevitam devadevasya tatrāpi vārāhasya tu darśanam
this is that Naimiṣa forest, frequented by all the fords; and there too is the sight of the God of gods in his Boar form.
AI translation rendered from the Sanskrit, not a published edition
MtP 22.16
यः प्रयाति स पूतात्मा नारायणपदं व्रजेत् कृतशौचं महापुण्यं सर्वपापनिषूदनम्
yaḥ prayāti sa pūtātmā nārāyaṇapadaṃ vrajet kṛtaśaucaṃ mahāpuṇyaṃ sarvapāpaniṣūdanam
He who goes (there), his self purified, attains the abode of Nārāyaṇa. (Then there is) Kṛtaśauca, of great merit, destroying all sins,
AI translation rendered from the Sanskrit, not a published edition
MtP 22.17
यत्रास्ते नारसिंहस्तु स्वयमेव जनार्दनः तीर्थमिक्षुमती नाम पितॄणां वल्लभं सदा
yatrāste nārasiṃhastu svayameva janārdanaḥ tīrthamikṣumatī nāma pitṝṇāṃ vallabhaṃ sadā
where Janārdana himself abides as the Man-Lion; and the ford named Ikṣumatī, ever dear to the ancestors,
AI translation rendered from the Sanskrit, not a published edition
MtP 22.18
संगमे यत्र तिष्ठन्ति गङ्गायाः पितरः सदा कुरुक्षेत्रं महापुण्यं सर्वतीर्थसमन्वितम्
saṃgame yatra tiṣṭhanti gaṅgāyāḥ pitaraḥ sadā kurukṣetraṃ mahāpuṇyaṃ sarvatīrthasamanvitam
at whose confluence with the Gaṅgā the ancestors ever abide; (and) Kurukṣetra, of great merit, endowed with all the fords;
AI translation rendered from the Sanskrit, not a published edition
MtP 22.19
तथा च सरयूः पुण्या सर्वदेवनमस्कृता इरावती नदी तद्वत् पितृतीर्थाधिवासिनी
tathā ca sarayūḥ puṇyā sarvadevanamaskṛtā irāvatī nadī tadvat pitṛtīrthādhivāsinī
So too the holy Sarayū, revered by all the gods, and likewise the river Irāvatī, which dwells at (is) a sacred ford of the ancestors.
AI translation rendered from the Sanskrit, not a published edition
MtP 22.20
यमुना देविका काली चन्द्रभागा दृषद्वती नदी वेणुमती पुण्या परा वेत्रवती तथा
yamunā devikā kālī candrabhāgā dṛṣadvatī nadī veṇumatī puṇyā parā vetravatī tathā
The Yamunā, the Devikā, the Kālī, the Candrabhāgā, the Dṛṣadvatī, the holy river Veṇumatī, and likewise the excellent Vetravatī —
AI translation rendered from the Sanskrit, not a published edition
MtP 22.21
पितॄणां वल्लभा ह्य् एताः श्राद्धे कोटिगुणा मताः जम्बूमार्गं महापुण्यं यत्र मार्गो हि लक्ष्यते
pitṝṇāṃ vallabhā hy etāḥ śrāddhe koṭiguṇā matāḥ jambūmārgaṃ mahāpuṇyaṃ yatra mārgo hi lakṣyate
For these (rivers) are dear to the ancestors; at a śrāddha (offered there) they are held to be a crore times (more fruitful). (And there is) Jambūmārga, of great merit, where the path (mārga) is indeed to be seen.
AI translation rendered from the Sanskrit, not a published edition — the model flagged this verse as uncertain
MtP 22.22
अद्यापि पितृतीर्थं तत् सर्वकामफलप्रदम् नीलकुण्डमिति ख्यातं पितृतीर्थं द्विजोत्तमाः
adyāpi pitṛtīrthaṃ tat sarvakāmaphalapradam nīlakuṇḍamiti khyātaṃ pitṛtīrthaṃ dvijottamāḥ
Even today that is an ancestral tīrtha, granting the fruit of every wish; it is known as Nīlakuṇḍa, an ancestral tīrtha, O best of the twice-born.
AI translation rendered from the Sanskrit, not a published edition
MtP 22.24
वंशोद्भेदं हरोद्भेदं गङ्गोद्भेदं महाफलम् भद्रेश्वरं विष्णुपदं नर्मदाद्वारमेव च
vaṃśodbhedaṃ harodbhedaṃ gaṅgodbhedaṃ mahāphalam bhadreśvaraṃ viṣṇupadaṃ narmadādvārameva ca
Vaṃśodbheda, Harodbheda, Gaṅgodbheda of great fruit, Bhadreśvara, Viṣṇupada, and the Narmadā-gate as well —
AI translation rendered from the Sanskrit, not a published edition
MtP 22.25
गयापिण्डप्रदानेन समान्याहुर्महर्षयः एतानि पितृतीर्थानि सर्वपापहराणि च
gayāpiṇḍapradānena samānyāhurmaharṣayaḥ etāni pitṛtīrthāni sarvapāpaharāṇi ca
The great sages declare (them) equal to the giving of the funeral cake at Gayā: these are the pilgrimage places of the ancestors, and they remove all sins.
AI translation rendered from the Sanskrit, not a published edition
MtP 22.26
स्मरणादपि लोकानां किम् उ श्राद्धकृतां नृणाम् ॐकारं पितृतीर्थं च कावेरी कपिलोदकम्
smaraṇādapi lokānāṃ kim u śrāddhakṛtāṃ nṛṇām oṃkāraṃ pitṛtīrthaṃ ca kāverī kapilodakam
(These are purifying) even by being remembered by people — how much more so for men who perform the śrāddha (there): Oṃkāra and Pitṛtīrtha, the Kāverī, and Kapilodaka,
AI translation rendered from the Sanskrit, not a published edition — the model flagged this verse as uncertain
MtP 22.27
सम्भेदश् चण्डवेगायास् तथैवामरकण्टकम् कुरुक्षेत्राच्छतगुणं तस्मिन्स्नानादिकं भवेत्
sambhedaś caṇḍavegāyās tathaivāmarakaṇṭakam kurukṣetrācchataguṇaṃ tasminsnānādikaṃ bhavet
the confluence of the Caṇḍavegā, and likewise Amarakaṇṭaka: there bathing and the rest is a hundred times (as fruitful) as at Kurukṣetra.
AI translation rendered from the Sanskrit, not a published edition
MtP 22.28
शुक्रतीर्थं च विख्यातं तीर्थं सोमेश्वरं परम् सर्वव्याधिहरं पुण्यं शतकोटिफलाधिकम्
śukratīrthaṃ ca vikhyātaṃ tīrthaṃ someśvaraṃ param sarvavyādhiharaṃ puṇyaṃ śatakoṭiphalādhikam
— tr. refused: cyber
MtP 22.29
श्राद्धे दाने तथा होमे स्वाध्याये जलसंनिधौ कायावरोहणं नाम तथा चर्मण्वती नदी
śrāddhe dāne tathā home svādhyāye jalasaṃnidhau kāyāvarohaṇaṃ nāma tathā carmaṇvatī nadī
In the śrāddha rite, in giving, and in the fire-oblation, in private recitation (of the Veda), in the presence of water — (there is the place) named Kāyāvarohaṇa, and likewise the river Carmaṇvatī.
AI translation rendered from the Sanskrit, not a published edition — the model flagged this verse as uncertain
MtP 22.30
गोमती वरणा तद्वत् तीर्थमौशनसं परम् भैरवं भृगुतुङ्गं च गौरीतीर्थमनुत्तमम्
gomatī varaṇā tadvat tīrthamauśanasaṃ param bhairavaṃ bhṛgutuṅgaṃ ca gaurītīrthamanuttamam
The Gomatī, likewise the Varaṇā, and the supreme Auśanasa sacred ford, Bhairava and Bhṛgutuṅga, and the unsurpassed ford of Gaurī;
AI translation rendered from the Sanskrit, not a published edition
MtP 22.31
तीर्थं वैनायकं नाम भद्रेश्वरमतः परम् तथा पापहरं नाम पुण्याथ तपती नदी
tīrthaṃ vaināyakaṃ nāma bhadreśvaramataḥ param tathā pāpaharaṃ nāma puṇyātha tapatī nadī
the ford named Vaināyaka, and beyond that Bhadreśvara, likewise (the ford) named Pāpahara ('remover of sin'), and then the holy river Tapatī.
AI translation rendered from the Sanskrit, not a published edition
MtP 22.32
मूलतापी पयोष्णी च पयोष्णीसंगमस्तथा महाबोधिः पाटला च नागतीर्थमवन्तिका
mūlatāpī payoṣṇī ca payoṣṇīsaṃgamastathā mahābodhiḥ pāṭalā ca nāgatīrthamavantikā
Mūlatāpī, and Payoṣṇī, and likewise the confluence of the Payoṣṇī, Mahābodhi, and Pāṭalā, the Nāga-tīrtha, Avantikā;
AI translation rendered from the Sanskrit, not a published edition
MtP 22.33
तथा वेणा नदी पुण्या महाशालं तथैव च महारुद्रं महालिङ्गं दशार्णा च नदी शुभा
tathā veṇā nadī puṇyā mahāśālaṃ tathaiva ca mahārudraṃ mahāliṅgaṃ daśārṇā ca nadī śubhā
and the holy river Veṇā, and likewise Mahāśāla, Mahārudra, Mahāliṅga, and the auspicious river Daśārṇā;
AI translation rendered from the Sanskrit, not a published edition
MtP 22.34
शतरुद्रा शताह्वा च तथा विश्वपदं परम् अङ्गारवाहिका तद्वन् नदौ तौ शोणघर्घरौ
śatarudrā śatāhvā ca tathā viśvapadaṃ param aṅgāravāhikā tadvan nadau tau śoṇaghargharau
Śatarudrā and Śatāhvā, and likewise the supreme Viśvapada, and so too Aṅgāravāhikā, and those two rivers the Śoṇa and the Ghargharā.
AI translation rendered from the Sanskrit, not a published edition
MtP 22.35
कालिका च नदी पुण्या वितस्ता च नदी तथा एतानि पितृतीर्थानि शस्यन्ते स्नानदानयोः
kālikā ca nadī puṇyā vitastā ca nadī tathā etāni pitṛtīrthāni śasyante snānadānayoḥ
And the holy river Kālikā, and likewise the river Vitastā — these are the ancestral fords (tīrthas), commended for bathing and for giving of gifts.
AI translation rendered from the Sanskrit, not a published edition
MtP 22.36
श्राद्धमेतेषु यद्दत्तं तदनन्तफलं स्मृतम् द्रोणी वाटनदी धारा सरित्क्षीरनदी तथा
śrāddhameteṣu yaddattaṃ tadanantaphalaṃ smṛtam droṇī vāṭanadī dhārā saritkṣīranadī tathā
— tr. refused: cyber
MtP 22.37
गोकर्णं गजकर्णं च तथा च पुरुषोत्तमः द्वारका कृष्णतीर्थं च तथार्बुदसरस्वती
gokarṇaṃ gajakarṇaṃ ca tathā ca puruṣottamaḥ dvārakā kṛṣṇatīrthaṃ ca tathārbudasarasvatī
Gokarṇa and Gajakarṇa, and likewise Puruṣottama, Dvārakā and Kṛṣṇatīrtha, and likewise the Arbuda Sarasvatī.
AI translation rendered from the Sanskrit, not a published edition
MtP 22.38
नदी मणिमती नाम तथा च गिरिकर्णिका धूतपापं तथा तीर्थं समुद्रो दक्षिणस्तथा
nadī maṇimatī nāma tathā ca girikarṇikā dhūtapāpaṃ tathā tīrthaṃ samudro dakṣiṇastathā
the river named Maṇimatī, and likewise Girikarṇikā, and also the tīrtha Dhūtapāpa, and the southern ocean —
AI translation rendered from the Sanskrit, not a published edition
MtP 22.39
एतेषु पितृतीर्थेषु श्राद्धमानन्त्यमश्नुते तीर्थं मेघकरं नाम स्वयमेव जनार्दनः
eteṣu pitṛtīrtheṣu śrāddhamānantyamaśnute tīrthaṃ meghakaraṃ nāma svayameva janārdanaḥ
at these tīrthas of the ancestors a śrāddha (offered) attains endlessness. (There is) the tīrtha named Meghakara, (which is) Janārdana himself.
AI translation rendered from the Sanskrit, not a published edition
MtP 22.40
यत्र शार्ङ्गधरो विष्णुर् मेखलायामवस्थितः तथा मन्दोदरीतीर्थं तीर्थं चम्पा नदी शुभा
yatra śārṅgadharo viṣṇur mekhalāyāmavasthitaḥ tathā mandodarītīrthaṃ tīrthaṃ campā nadī śubhā
(There too is the place) where Viṣṇu, bearer of the Śārṅga bow, stands on the Mekhalā; likewise the Mandodarī shrine, and the auspicious river Campā, (itself) a holy ford.
AI translation rendered from the Sanskrit, not a published edition
MtP 22.41
तथा सामलनाथश्च महाशालनदी तथा चक्रवाकं चर्मकोटं तथा जन्मेश्वरं महत्
tathā sāmalanāthaśca mahāśālanadī tathā cakravākaṃ carmakoṭaṃ tathā janmeśvaraṃ mahat
Likewise Sāmalanātha, and the river Mahāśālā, and Cakravāka, Carmakoṭa, and the great Janmeśvara.
AI translation rendered from the Sanskrit, not a published edition
MtP 22.42
अर्जुनं त्रिपुरं चैव सिद्धेश्वरमतः परम् श्रीशैलं शांकरं तीर्थं नारसिंहमतः परम्
arjunaṃ tripuraṃ caiva siddheśvaramataḥ param śrīśailaṃ śāṃkaraṃ tīrthaṃ nārasiṃhamataḥ param
Arjuna and Tripura, and next Siddheśvara, Śrīśaila, the Śāṃkara shrine, and next Nārasiṃha.
AI translation rendered from the Sanskrit, not a published edition
MtP 22.43
महेन्द्रं च तथा पुण्यम् अथ श्रीरङ्गसंज्ञितम् एतेष्वपि सदा श्राद्धम् अनन्तफलदं स्मृतम्
mahendraṃ ca tathā puṇyam atha śrīraṅgasaṃjñitam eteṣvapi sadā śrāddham anantaphaladaṃ smṛtam
And Mahendra, likewise holy, and then the one named Śrīraṅga: in these too a śrāddha is held to give endless fruit.
AI translation rendered from the Sanskrit, not a published edition
MtP 22.44
दर्शनादपि चैतानि सद्यः पापहराणि वै तुङ्गभद्रा नदी पुण्या तथा भीमरथी सरित्
darśanādapi caitāni sadyaḥ pāpaharāṇi vai tuṅgabhadrā nadī puṇyā tathā bhīmarathī sarit
And these (places) destroy sins at once, even by being seen; (also) the holy river Tuṅgabhadrā and the stream Bhīmarathī.
AI translation rendered from the Sanskrit, not a published edition
MtP 22.45
भीमेश्वरं कृष्णवेणा कावेरी कुड्मला नदी नदी गोदावरी नाम त्रिसंध्या तीर्थमुत्तमम्
bhīmeśvaraṃ kṛṣṇaveṇā kāverī kuḍmalā nadī nadī godāvarī nāma trisaṃdhyā tīrthamuttamam
Bhīmeśvara, the Kṛṣṇaveṇā, the Kāverī, the river Kuḍmalā, the river named Godāvarī, (and) Trisaṃdhyā, an excellent holy ford.
AI translation rendered from the Sanskrit, not a published edition
MtP 22.46
तीर्थं त्रैयम्बकं नाम सर्वतीर्थनमस्कृतम् यत्रास्ते भगवानीशः स्वयमेव त्रिलोचनः
tīrthaṃ traiyambakaṃ nāma sarvatīrthanamaskṛtam yatrāste bhagavānīśaḥ svayameva trilocanaḥ
The shrine named Traiyambaka, saluted by all holy places, where the Lord God himself, the three-eyed one, abides.
AI translation rendered from the Sanskrit, not a published edition
MtP 22.47
श्राद्धमेतेषु सर्वेषु कोटिकोटिगुणं भवेत् स्मरणादपि पापानि नश्यन्ति शतधा द्विजाः
śrāddhameteṣu sarveṣu koṭikoṭiguṇaṃ bhavet smaraṇādapi pāpāni naśyanti śatadhā dvijāḥ
In all these a śrāddha becomes a crore of crores times (as effective); even by remembering (them), O twice-born, sins perish a hundredfold.
AI translation rendered from the Sanskrit, not a published edition
MtP 22.48
श्रीपर्णी ताम्रपर्णी च जया तीर्थमनुत्तमम् तथा मत्स्यनदी पुण्या शिवधारं तथैव च
śrīparṇī tāmraparṇī ca jayā tīrthamanuttamam tathā matsyanadī puṇyā śivadhāraṃ tathaiva ca
The Śrīparṇī and the Tāmraparṇī, and Jayā, an unsurpassed holy place, likewise the holy river Matsyā, and Śivadhāra as well.
AI translation rendered from the Sanskrit, not a published edition
MtP 22.49
भद्रतीर्थं च विख्यातं पम्पातीर्थं च शाश्वतम् पुण्यं रामेश्वरं तद्वद् एलापुरमलं पुरम्
bhadratīrthaṃ ca vikhyātaṃ pampātīrthaṃ ca śāśvatam puṇyaṃ rāmeśvaraṃ tadvad elāpuramalaṃ puram
And the renowned Bhadratīrtha, and the everlasting Pampātīrtha, and holy Rāmeśvara likewise, and the spotless city Elāpura.
AI translation rendered from the Sanskrit, not a published edition
MtP 22.50
अङ्गभूतं च विख्यातम् आमर्दकम् अलम्भुषम् आम्रातकेश्वरं तद्वद् एकाम्भकमतः परम्
aṅgabhūtaṃ ca vikhyātam āmardakam alambhuṣam āmrātakeśvaraṃ tadvad ekāmbhakamataḥ param
And the renowned Aṅgabhūta, Āmardaka, Alambhuṣa, likewise Āmrātakeśvara, and next Ekāmbhaka.
AI translation rendered from the Sanskrit, not a published edition
MtP 22.51
गोवर्धनं हरिश्चन्द्रं कृपुचन्द्रं पृथूदकम् सहस्राक्षं हिरण्याक्षं तथा च कदली नदी
govardhanaṃ hariścandraṃ kṛpucandraṃ pṛthūdakam sahasrākṣaṃ hiraṇyākṣaṃ tathā ca kadalī nadī
Govardhana, Hariścandra, Kṛpucandra, Pṛthūdaka, Sahasrākṣa, Hiraṇyākṣa, and likewise the river Kadalī.
AI translation rendered from the Sanskrit, not a published edition
MtP 22.52
रामाधिवासस्तत्रापि तथा सौमित्रिसंगमः इन्द्रकीलं महानादं तथा च प्रियमेलकम्
rāmādhivāsastatrāpi tathā saumitrisaṃgamaḥ indrakīlaṃ mahānādaṃ tathā ca priyamelakam
There too is Rāma's dwelling, and likewise the confluence of Saumitri, Indrakīla, Mahānāda, and also Priyamelaka.
AI translation rendered from the Sanskrit, not a published edition
MtP 22.53
एतान्यपि सदा श्राद्धे प्रशस्तान्यधिकानि तु एतेषु सर्वदेवानां सांनिध्यं दृश्यते यतः
etānyapi sadā śrāddhe praśastānyadhikāni tu eteṣu sarvadevānāṃ sāṃnidhyaṃ dṛśyate yataḥ
These too are always commended for a śrāddha, and indeed more so, since in them the presence of all the gods is seen.
AI translation rendered from the Sanskrit, not a published edition
MtP 22.54
दानमेतेषु सर्वेषु दत्तं कोटिशताधिकम् बाहुदा च नदीपुण्या तथा सिद्धवनं शुभम्
dānameteṣu sarveṣu dattaṃ koṭiśatādhikam bāhudā ca nadīpuṇyā tathā siddhavanaṃ śubham
A gift given in all these is more than a hundred crores (in value); and the holy river Bāhudā, and likewise the auspicious Siddhavana.
AI translation rendered from the Sanskrit, not a published edition
MtP 22.55
तीर्थं पाशुपतं नाम नदी पार्वतिका शुभा श्राद्धमेतेषु सर्वेषु दत्तं कोटिशतोत्तरम्
tīrthaṃ pāśupataṃ nāma nadī pārvatikā śubhā śrāddhameteṣu sarveṣu dattaṃ koṭiśatottaram
The holy place named Pāśupata, the auspicious river Pārvatikā: a śrāddha offered in all these exceeds a hundred crores.
AI translation rendered from the Sanskrit, not a published edition
MtP 22.56
तथैव पितृतीर्थं तु यत्र गोदावरी नदी युता लिङ्गसहस्रेण सर्वान्तरजलावहा
tathaiva pitṛtīrthaṃ tu yatra godāvarī nadī yutā liṅgasahasreṇa sarvāntarajalāvahā
Likewise there is a pitṛtīrtha where the river Godāvarī, joined with a thousand liṅgas, carries water within everything.
AI translation rendered from the Sanskrit, not a published edition — the model flagged this verse as uncertain
MtP 22.57
जामदग्न्यस्य तत्तीर्थं क्रमादायातमुत्तमम् प्रतीकस्य भयाद्भिन्नं यत्र गोदावरी नदी
jāmadagnyasya tattīrthaṃ kramādāyātamuttamam pratīkasya bhayādbhinnaṃ yatra godāvarī nadī
That excellent holy place of the son of Jamadagni, come down (to us) in succession, split apart through fear of Pratīka, where the river Godāvarī (flows).
AI translation rendered from the Sanskrit, not a published edition — the model flagged this verse as uncertain
MtP 22.58
तत्तीर्थं हव्यकव्यानाम् अप्सरोयुगसंज्ञितम् श्राद्धाग्निकार्यदानेषु तथा कोटिशताधिकम्
tattīrthaṃ havyakavyānām apsaroyugasaṃjñitam śrāddhāgnikāryadāneṣu tathā koṭiśatādhikam
That holy place for offerings to gods and ancestors is named Apsaroyuga; there too, in śrāddhas, fire-rites and gifts, (the merit) exceeds a hundred crores.
AI translation rendered from the Sanskrit, not a published edition
MtP 22.59
तथा सहस्रलिङ्गं च राघवेश्वरमुत्तमम् सेन्द्रफेना नदी पुण्या यत्रेन्द्रः पतितः पुरा
tathā sahasraliṅgaṃ ca rāghaveśvaramuttamam sendraphenā nadī puṇyā yatrendraḥ patitaḥ purā
Likewise Sahasraliṅga and the excellent Rāghaveśvara, and the holy river Sendraphenā, where Indra once fell.
AI translation rendered from the Sanskrit, not a published edition
MtP 22.60
निहत्य नमुचिं शक्रस् तपसा स्वर्गमाप्तवान् तत्र दत्तं नरैः श्राद्धम् अनन्तफलदं भवेत्
nihatya namuciṃ śakras tapasā svargamāptavān tatra dattaṃ naraiḥ śrāddham anantaphaladaṃ bhavet
Having slain Namuci, Śakra by austerity attained heaven; a śrāddha offered there by men becomes one that yields endless fruit.
AI translation rendered from the Sanskrit, not a published edition
MtP 22.61
तीर्थं तु पुष्करं नाम शालग्रामं तथैव च सोमपानं च विख्यातं यत्र वैश्वानरालयम्
tīrthaṃ tu puṣkaraṃ nāma śālagrāmaṃ tathaiva ca somapānaṃ ca vikhyātaṃ yatra vaiśvānarālayam
And the sacred place called Puṣkara, and likewise Śālagrāma, and the renowned Somapāna, where the abode of Vaiśvānara is.
AI translation rendered from the Sanskrit, not a published edition
MtP 22.62
तीर्थं सारस्वतं नाम स्वामितीर्थं तथैव च मलंदरा नदी पुण्या कौशिकी चन्द्रिका तथा
tīrthaṃ sārasvataṃ nāma svāmitīrthaṃ tathaiva ca malaṃdarā nadī puṇyā kauśikī candrikā tathā
The sacred place named Sārasvata, and likewise Svāmitīrtha, and the holy river Malaṃdarā, and the Kauśikī and the Candrikā.
AI translation rendered from the Sanskrit, not a published edition
MtP 22.63
वैदर्भा वाथ वैरा च पयोष्णी प्राङ्मुखा परा कावेरी चोत्तरा पुण्या तथा जालंधरो गिरिः
vaidarbhā vātha vairā ca payoṣṇī prāṅmukhā parā kāverī cottarā puṇyā tathā jālaṃdharo giriḥ
Or the Vaidarbhā and the Vairā, and the Payoṣṇī that flows eastward, the far one, and the holy northern Kāverī, and likewise the mountain Jālaṃdhara.
AI translation rendered from the Sanskrit, not a published edition — the model flagged this verse as uncertain
MtP 22.64
एतेषु श्राद्धतीर्थेषु श्राद्धमानन्त्यमश्नुते लोहदण्डं तथा तीर्थं चित्रकूटस्तथैव च
eteṣu śrāddhatīrtheṣu śrāddhamānantyamaśnute lohadaṇḍaṃ tathā tīrthaṃ citrakūṭastathaiva ca
At these sacred places for śrāddha, a śrāddha obtains endlessness; likewise the sacred place Lohadaṇḍa, and Citrakūṭa as well.
AI translation rendered from the Sanskrit, not a published edition
MtP 22.65
विन्ध्ययोगश्च गङ्गायास् तथा नदीतटं शुभम् कुब्जाभ्रं तु तथा तीर्थम् उर्वशीपुलिनं तथा
vindhyayogaśca gaṅgāyās tathā nadītaṭaṃ śubham kubjābhraṃ tu tathā tīrtham urvaśīpulinaṃ tathā
And the Vindhya junction, and likewise the auspicious bank of the river Gaṅgā, and also the sacred place Kubjābhra, and Urvaśī's sandbank.
AI translation rendered from the Sanskrit, not a published edition
MtP 22.66
संसारमोचनं तीर्थं तथैव ऋणमोचनम् एतेषु पितृतीर्थेषु श्राद्धम् आनन्त्यमश्नुते
saṃsāramocanaṃ tīrthaṃ tathaiva ṛṇamocanam eteṣu pitṛtīrtheṣu śrāddham ānantyamaśnute
The sacred place Saṃsāramocana, and likewise Ṛṇamocana: at these sacred places of the fathers a śrāddha obtains endlessness.
AI translation rendered from the Sanskrit, not a published edition
MtP 22.67
अट्टहासं तथा तीर्थं गौतमेश्वरमेव च तथा वसिष्ठतीर्थं नु हारीतं तु ततः परम्
aṭṭahāsaṃ tathā tīrthaṃ gautameśvarameva ca tathā vasiṣṭhatīrthaṃ nu hārītaṃ tu tataḥ param
And likewise the sacred place Aṭṭahāsa, and Gautameśvara, and likewise Vasiṣṭha's sacred place, and Hārīta beyond that.
AI translation rendered from the Sanskrit, not a published edition
MtP 22.68
ब्रह्मावर्तं कुशावर्तं हयतीर्थं तथैव च पिण्डारकं च विख्यातं शङ्खोद्धारं तथैव च
brahmāvartaṃ kuśāvartaṃ hayatīrthaṃ tathaiva ca piṇḍārakaṃ ca vikhyātaṃ śaṅkhoddhāraṃ tathaiva ca
Brahmāvarta, Kuśāvarta, and likewise Hayatīrtha, and the renowned Piṇḍāraka, and Śaṅkhoddhāra as well.
AI translation rendered from the Sanskrit, not a published edition
MtP 22.69
घण्टेश्वरं बिल्वकं च नीलपर्वतमेव च तथा च धरणीतीर्थं रामतीर्थं तथैव च
ghaṇṭeśvaraṃ bilvakaṃ ca nīlaparvatameva ca tathā ca dharaṇītīrthaṃ rāmatīrthaṃ tathaiva ca
Ghaṇṭeśvara and Bilvaka, and the Blue Mountain (Nīlaparvata), and also Dharaṇītīrtha, and Rāmatīrtha as well.
AI translation rendered from the Sanskrit, not a published edition
MtP 22.70
अश्वतीर्थं च विख्यातम् अनन्तं श्राद्धदानयोः तीर्थं वेदशिरो नाम तथैवौघवती नदी
aśvatīrthaṃ ca vikhyātam anantaṃ śrāddhadānayoḥ tīrthaṃ vedaśiro nāma tathaivaughavatī nadī
And the renowned Aśvatīrtha, endless in respect of śrāddha and giving; the sacred place named Vedaśiras, and likewise the river Aughavatī.
AI translation rendered from the Sanskrit, not a published edition
MtP 22.71
तीर्थं वसुप्रदं नाम छागलाण्डं तथैव च एतेषु श्राद्धदातारः प्रयान्ति परमं पदम्
tīrthaṃ vasupradaṃ nāma chāgalāṇḍaṃ tathaiva ca eteṣu śrāddhadātāraḥ prayānti paramaṃ padam
The sacred place named Vasuprada, and likewise Chāgalāṇḍa: those who give śrāddha at these go to the highest state.
AI translation rendered from the Sanskrit, not a published edition
MtP 22.72
तथाच बदरीतीर्थं गणतीर्थं तथैव च जयन्तं विजयं चैव शक्रतीर्थं तथैव च
tathāca badarītīrthaṃ gaṇatīrthaṃ tathaiva ca jayantaṃ vijayaṃ caiva śakratīrthaṃ tathaiva ca
And also Badarītīrtha, and likewise Gaṇatīrtha, and Jayanta and Vijaya, and Śakratīrtha as well.
AI translation rendered from the Sanskrit, not a published edition
MtP 22.73
श्रीपतेश्च तथा तीर्थं तीर्थं रैवतकं तथा तथैव शारदातीर्थं भद्रकालेश्वरं तथा
śrīpateśca tathā tīrthaṃ tīrthaṃ raivatakaṃ tathā tathaiva śāradātīrthaṃ bhadrakāleśvaraṃ tathā
And likewise the sacred place of Śrīpati, and the sacred place Raivataka, and likewise Śāradātīrtha and Bhadrakāleśvara.
AI translation rendered from the Sanskrit, not a published edition
MtP 22.74
वैकुण्ठतीर्थं च परं भीमेश्वरमथापि वा एतेषु श्राद्धदातारः प्रयान्ति परमां गतिम्
vaikuṇṭhatīrthaṃ ca paraṃ bhīmeśvaramathāpi vā eteṣu śrāddhadātāraḥ prayānti paramāṃ gatim
And the supreme Vaikuṇṭhatīrtha, or else Bhīmeśvara: those who give śrāddha at these go to the highest goal.
AI translation rendered from the Sanskrit, not a published edition
MtP 22.75
तीर्थं मातृगृहं नाम करवीरपुरं तथा कुशेशयं च विख्यातं गौरीशिखरमेव च
tīrthaṃ mātṛgṛhaṃ nāma karavīrapuraṃ tathā kuśeśayaṃ ca vikhyātaṃ gaurīśikharameva ca
The sacred place named Mātṛgṛha, and Karavīrapura, and the renowned Kuśeśaya, and Gaurīśikhara as well.
AI translation rendered from the Sanskrit, not a published edition
MtP 22.76
नकुलेशस्य तीर्थं च कर्दमालं तथैव च दिण्डिपुण्यकरं तद्वत् पुण्डरीकपुरं तथा
nakuleśasya tīrthaṃ ca kardamālaṃ tathaiva ca diṇḍipuṇyakaraṃ tadvat puṇḍarīkapuraṃ tathā
And the sacred place of Nakuleśa, and likewise Kardamāla, and in the same way Diṇḍipuṇyakara, and Puṇḍarīkapura.
AI translation rendered from the Sanskrit, not a published edition
MtP 22.77
सप्तगोदावरीतीर्थं सर्वतीर्थेश्वरेश्वरम् तत्र श्राद्धं प्रदातव्यम् अनन्तफलमीप्सुभिः
saptagodāvarītīrthaṃ sarvatīrtheśvareśvaram tatra śrāddhaṃ pradātavyam anantaphalamīpsubhiḥ
The sacred place of the Seven Godāvarīs, lord of the lords of all sacred places: there a śrāddha should be offered by those desiring endless fruit.
AI translation rendered from the Sanskrit, not a published edition
MtP 22.78
एष तूद्देशतः प्रोक्तस् तीर्थानां संग्रहो मया वागीशो ऽपि न शक्नोति विस्तरात् किम् उ मानुषः
eṣa tūddeśataḥ proktas tīrthānāṃ saṃgraho mayā vāgīśo 'pi na śaknoti vistarāt kim u mānuṣaḥ
But this compendium of sacred places has been declared by me only summarily; even the lord of speech cannot (tell it) in full — how much less a man?
AI translation rendered from the Sanskrit, not a published edition
MtP 22.79
सत्यं तीर्थं दया तीर्थं तीर्थमिन्द्रियनिग्रहः वर्णाश्रमाणां गेहे ऽपि तीर्थं तु समुदाहृतम्
satyaṃ tīrthaṃ dayā tīrthaṃ tīrthamindriyanigrahaḥ varṇāśramāṇāṃ gehe 'pi tīrthaṃ tu samudāhṛtam
Truth is a sacred place, compassion is a sacred place, restraint of the senses is a sacred place; and a sacred place has been declared to exist even in the house of those (who keep) the classes and life-stages.
AI translation rendered from the Sanskrit, not a published edition
MtP 22.80
एतत्तीर्थेषु यच्छ्राद्धं तत्कोटिगुणमिष्यते यस्मात्तस्मात्प्रयत्नेन तीर्थे श्राद्धं समाचरेत्
etattīrtheṣu yacchrāddhaṃ tatkoṭiguṇamiṣyate yasmāttasmātprayatnena tīrthe śrāddhaṃ samācaret
The śrāddha which (is performed) at these sacred fords is held to be ten-million-fold (in effect); since (it is so), therefore one should diligently perform the śrāddha at a tīrtha.
AI translation rendered from the Sanskrit, not a published edition
MtP 22.81
प्रातःकालो मुहूर्तांस् त्रीन् संगवस् तावदेव तु मध्याह्नस्त्रिमुहूर्तः स्याद् अपराह्णस्ततः परम्
prātaḥkālo muhūrtāṃs trīn saṃgavas tāvadeva tu madhyāhnastrimuhūrtaḥ syād aparāhṇastataḥ param
The morning period is three muhūrtas, and the saṃgava (forenoon) just as much; midday would be three muhūrtas, and after that the afternoon.
AI translation rendered from the Sanskrit, not a published edition
MtP 22.82
सायाह्नस्त्रिमुहूर्तः स्याच् छ्राद्धं तत्र न कारयेत् राक्षसी नाम सा वेला गर्हिता सर्वकर्मसु
sāyāhnastrimuhūrtaḥ syāc chrāddhaṃ tatra na kārayet rākṣasī nāma sā velā garhitā sarvakarmasu
The evening would be three muhūrtas; one should not have a śrāddha performed then. That time is called the demonic (rākṣasī) hour, censured for all rites.
AI translation rendered from the Sanskrit, not a published edition
MtP 22.83
अह्नो मुहूर्ता विख्याता दश पञ्च च सर्वदा तत्राष्टमो मुहूर्तो यः स कालः कुतपः स्मृतः
ahno muhūrtā vikhyātā daśa pañca ca sarvadā tatrāṣṭamo muhūrto yaḥ sa kālaḥ kutapaḥ smṛtaḥ
The muhūrtas of the day are always declared to be fifteen; among them the eighth muhūrta — that time is known as the kutapa.
AI translation rendered from the Sanskrit, not a published edition
MtP 22.84
मध्याह्ने सर्वदा यस्मान् मन्दीभवति भास्करः तस्मादनन्तफलदस् तदारम्भो विशिष्यते
madhyāhne sarvadā yasmān mandībhavati bhāskaraḥ tasmādanantaphaladas tadārambho viśiṣyate
Since at midday the sun always becomes dulled, therefore a beginning (of the rite) at that time yields endless fruit and is preferred.
AI translation rendered from the Sanskrit, not a published edition
MtP 22.85
मध्याह्नः खड्गपात्रं च तथा नेपालकम्बलः रूप्यं दर्भास्तिला गावो दौहित्रश्चाष्टमः स्मृतः
madhyāhnaḥ khaḍgapātraṃ ca tathā nepālakambalaḥ rūpyaṃ darbhāstilā gāvo dauhitraścāṣṭamaḥ smṛtaḥ
Midday, a rhinoceros-horn vessel, likewise a Nepalese blanket, silver, darbha grasses, sesame seeds, cows, and a daughter's son as the eighth — (these) are held (to be the kutapas).
AI translation rendered from the Sanskrit, not a published edition
MtP 22.86
पापं कुत्सितमित्याहुस् तस्य संतापकारिणः अष्टाव् एते यतस्तस्मात् कुतपा इति विश्रुताः
pāpaṃ kutsitamityāhus tasya saṃtāpakāriṇaḥ aṣṭāv ete yatastasmāt kutapā iti viśrutāḥ
They say that sin (pāpa) is 'kutsita' (the contemptible); these eight are the scorchers of it — since that is so, they are therefore known as 'kutapas'.
AI translation rendered from the Sanskrit, not a published edition
MtP 22.87
ऊर्ध्वं मुहूर्तात्कुतपाद् यन्मुहूर्तचतुष्टयम् मुहूर्तपञ्चकं चैतत् स्वधाभवनमिष्यते
ūrdhvaṃ muhūrtātkutapād yanmuhūrtacatuṣṭayam muhūrtapañcakaṃ caitat svadhābhavanamiṣyate
The set of four muhūrtas that is above the kutapa muhūrta — this group of five muhūrtas is held to be the abode of svadhā.
AI translation rendered from the Sanskrit, not a published edition
MtP 22.88
विष्णोर् देहसमुद्भूताः कुशाः कृष्णास्तिलास्तथा श्राद्धस्य रक्षणायालम् एतत्प्राहुर्दिवौकसः
viṣṇor dehasamudbhūtāḥ kuśāḥ kṛṣṇāstilāstathā śrāddhasya rakṣaṇāyālam etatprāhurdivaukasaḥ
Kuśa grasses and black sesame seeds arose from the body of Viṣṇu; the dwellers in heaven have said that this suffices for the protection of the śrāddha.
AI translation rendered from the Sanskrit, not a published edition
MtP 22.89
तिलोदकाञ्जलिर्देयो जलस्थैस्तीर्थवासिभिः सदर्भहस्तेनैकेन श्राद्धमेवं विशिष्यते
tilodakāñjalirdeyo jalasthaistīrthavāsibhiḥ sadarbhahastenaikena śrāddhamevaṃ viśiṣyate
A handful of sesame-water is to be given by the tīrtha-dwellers while standing in the water, with a single hand holding darbha; the śrāddha is thus distinguished.
AI translation rendered from the Sanskrit, not a published edition
MtP 22.90
श्राद्धसाधनकाले तु पाणिनैकेन दीयते तर्पणं तूभयेनैव विधिरेष सदा स्मृतः
śrāddhasādhanakāle tu pāṇinaikena dīyate tarpaṇaṃ tūbhayenaiva vidhireṣa sadā smṛtaḥ
But at the time of carrying out the śrāddha it is given with one hand, whereas the tarpaṇa (is offered) with both; this rule is always remembered (as such).
AI translation rendered from the Sanskrit, not a published edition
MtP 22.91
पुण्यं पवित्रमायुष्यं सर्वपापविनाशनम् पुरा मलये न कथितं तीर्थश्राद्धानुकीर्तनम्
puṇyaṃ pavitramāyuṣyaṃ sarvapāpavināśanam purā malaye na kathitaṃ tīrthaśrāddhānukīrtanam
Meritorious, purifying, conducive to long life, destroying all sins — this recitation about śrāddha at tīrthas was not formerly told on the Malaya (mountain).
AI translation rendered from the Sanskrit, not a published edition — the model flagged this verse as uncertain
MtP 22.92
शृणोति यः पठेद्वापि श्रीमान्संजायते नरः
śṛṇoti yaḥ paṭhedvāpi śrīmānsaṃjāyate naraḥ
The man who hears it, or who recites it, becomes possessed of prosperity.
AI translation rendered from the Sanskrit, not a published edition
MtP 22.93
श्राद्धकाले च वक्तव्यं तथा तीर्थनिवासिभिः सर्वपापोपशान्त्यर्थम् अलक्ष्मीनाशनं परम्
śrāddhakāle ca vaktavyaṃ tathā tīrthanivāsibhiḥ sarvapāpopaśāntyartham alakṣmīnāśanaṃ param
And it should be spoken at the time of śrāddha, and likewise by those dwelling at tīrthas, for the sake of quieting all sins; it is the supreme destroyer of misfortune.
AI translation rendered from the Sanskrit, not a published edition
MtP 22.94
इदं पवित्रं यशसो निधानम् इदं महापापहरं च पुंसाम् ब्रह्मार्करुद्रैरपि पूजितं च श्राद्धस्य माहात्म्यमुशन्ति तज्ज्ञाः
idaṃ pavitraṃ yaśaso nidhānam idaṃ mahāpāpaharaṃ ca puṃsām brahmārkarudrairapi pūjitaṃ ca śrāddhasya māhātmyamuśanti tajjñāḥ
This is purifying, this is a treasure-house of fame and the remover of men's great sins, and honoured even by Brahmā, the Sun and Rudra: those who know it call it the greatness of the śrāddha.
AI translation rendered from the Sanskrit, not a published edition