Matsya Purana — Chapter 167
MtP 167.1
एवमेकार्णवीभूते शेते लोकेमहाद्युतिः प्रच्छाद्य सलिलेनोर्वीं हंसो नारायणस्तदा
evamekārṇavībhūte śete lokemahādyutiḥ pracchādya salilenorvīṃ haṃso nārāyaṇastadā
Thus, when the world had become one ocean, that one of great splendour lay down, having covered the earth with water — Nārāyaṇa the Swan, then.
AI translation rendered from the Sanskrit, not a published edition
MtP 167.2
महतो रजसो मध्ये महार्णवसरःसु वै विरजस्कं महाबाहुम् अक्षयं ब्रह्म यद्विदुः
mahato rajaso madhye mahārṇavasaraḥsu vai virajaskaṃ mahābāhum akṣayaṃ brahma yadviduḥ
In the midst of the great (cosmic) dust, in the lakes of the great ocean, (lay) the dustless, mighty-armed, imperishable one whom (the wise) know as Brahman.
AI translation rendered from the Sanskrit, not a published edition
MtP 167.3
आत्मरूपप्रकाशेन तमसा संवृतः प्रभुः मनः सात्त्विकमाधाय यत्र तत्सत्यमासत
ātmarūpaprakāśena tamasā saṃvṛtaḥ prabhuḥ manaḥ sāttvikamādhāya yatra tatsatyamāsata
The Lord, enveloped by darkness through the shining forth of his own form, having fixed his sattvic mind there, abode in that truth.
AI translation rendered from the Sanskrit, not a published edition — the model flagged this verse as uncertain
MtP 167.4
याथातथ्यं परं ज्ञानं भूतं तद्ब्रह्मणा पुरा रहस्यारण्यकोद्दिष्टं यच्चौपनिषदं स्मृतम्
yāthātathyaṃ paraṃ jñānaṃ bhūtaṃ tadbrahmaṇā purā rahasyāraṇyakoddiṣṭaṃ yaccaupaniṣadaṃ smṛtam
That supreme knowledge, exactly as it is, existed of old with Brahmā — that which is taught in the secret Āraṇyakas and is remembered as belonging to the Upaniṣads.
AI translation rendered from the Sanskrit, not a published edition — the model flagged this verse as uncertain
MtP 167.5
पुरुषो यज्ञ इत्येतद् यत्परं परिकीर्तितम् यश्चान्यः पुरुषाख्यः स्यात् स एष पुरुषोत्तमः
puruṣo yajña ityetad yatparaṃ parikīrtitam yaścānyaḥ puruṣākhyaḥ syāt sa eṣa puruṣottamaḥ
That which is proclaimed as supreme, namely 'the Person is the sacrifice' — and whatever else may be named Person, that is this Highest Person.
AI translation rendered from the Sanskrit, not a published edition
MtP 167.6
ये च यज्ञकरा विप्रा ये चर्त्विज इति स्मृताः अस्मादेव पुरा भूता यज्ञेभ्यः श्रूयतां तथा
ye ca yajñakarā viprā ye cartvija iti smṛtāḥ asmādeva purā bhūtā yajñebhyaḥ śrūyatāṃ tathā
And the brahmins who perform sacrifices, and those who are known as the officiating priests, arose of old from him alone; hear likewise concerning the sacrifices.
AI translation rendered from the Sanskrit, not a published edition
MtP 167.7
ब्रह्माणं प्रथमं वक्त्राद् उद्गातारं च सामगम् होतारमपि चाध्वर्युं बाहुभ्यामसृजत्प्रभुः
brahmāṇaṃ prathamaṃ vaktrād udgātāraṃ ca sāmagam hotāramapi cādhvaryuṃ bāhubhyāmasṛjatprabhuḥ
First the Lord created from his mouth the brahman-priest, and the udgātā who chants the Sāmans, and also the hotā and the adhvaryu from his arms.
AI translation rendered from the Sanskrit, not a published edition
MtP 167.8
ब्रह्मणो ब्राह्मणाच्छंसि प्रस्तोतारं च सर्वशः तौ मित्रावरुणौ पृष्ठात् प्रतिप्रस्तारमेव च
brahmaṇo brāhmaṇācchaṃsi prastotāraṃ ca sarvaśaḥ tau mitrāvaruṇau pṛṣṭhāt pratiprastārameva ca
From the brahman(-part) the brāhmaṇācchaṃsin and the prastotā in every way; and from his back those two, Mitra and Varuṇa, and also the pratiprasthātā.
AI translation rendered from the Sanskrit, not a published edition — the model flagged this verse as uncertain
MtP 167.9
उदरात्प्रतिहर्तारं पोतारं चैव पार्थिव अच्छावाकमथोरुभ्यां नेष्टारं चैव पार्थिव
udarātpratihartāraṃ potāraṃ caiva pārthiva acchāvākamathorubhyāṃ neṣṭāraṃ caiva pārthiva
From his belly the pratihartā and the potā, O king; and from his thighs the acchāvāka and the neṣṭā, O king.
AI translation rendered from the Sanskrit, not a published edition
MtP 167.10
पाणिभ्यामथ चाग्नीध्रं सुब्रह्मण्यं च जानुतः ग्रावस्तुतं तु पादाभ्याम् उन्नेतारं च याजुषम्
pāṇibhyāmatha cāgnīdhraṃ subrahmaṇyaṃ ca jānutaḥ grāvastutaṃ tu pādābhyām unnetāraṃ ca yājuṣam
And from his hands the āgnīdhra, and from his knees the subrahmaṇya; from his feet the grāvastut and the unnetā belonging to the Yajus.
AI translation rendered from the Sanskrit, not a published edition
MtP 167.11
एवमेवैष भगवान् षोडशैव जगत्पतिः प्रवक्तॄन्सर्वयज्ञानाम् ऋत्विजो ऽसृजदुत्तमान्
evamevaiṣa bhagavān ṣoḍaśaiva jagatpatiḥ pravaktṝnsarvayajñānām ṛtvijo 'sṛjaduttamān
Just so this Lord, the master of the world, created these sixteen excellent officiants, the expounders of all sacrifices.
AI translation rendered from the Sanskrit, not a published edition
MtP 167.12
तदेष वै वेदमयः पुरुषो यज्ञसंज्ञितः वेदाश्चैतन्मयाः सर्वे साङ्गोपनिषदक्रियाः
tadeṣa vai vedamayaḥ puruṣo yajñasaṃjñitaḥ vedāścaitanmayāḥ sarve sāṅgopaniṣadakriyāḥ
Thus this Person, made of the Veda, is called the sacrifice; and all the Vedas, with their limbs, Upaniṣads and rites, are made of him.
AI translation rendered from the Sanskrit, not a published edition
MtP 167.13
स्वपित्येकार्णवे चैव यदाश्चर्यमभूत्पुरा श्रूयतां तद्यथा विप्रा मार्कण्डेयकुतूहलम्
svapityekārṇave caiva yadāścaryamabhūtpurā śrūyatāṃ tadyathā viprā mārkaṇḍeyakutūhalam
And what a marvel occurred long ago while he slept upon the single ocean — hear it, O brahmins, as it was: the wonder concerning Mārkaṇḍeya.
AI translation rendered from the Sanskrit, not a published edition
MtP 167.14
गीर्णो भगवतस्तस्य कुक्षावेव महामुनिः बहुवर्षसहस्रायुस् तस्यैव वरतेजसा
gīrṇo bhagavatastasya kukṣāveva mahāmuniḥ bahuvarṣasahasrāyus tasyaiva varatejasā
The great sage, swallowed, was in that Lord's belly itself, with a lifespan of many thousands of years by the power of that very boon of his.
AI translation rendered from the Sanskrit, not a published edition
MtP 167.15
अटंस्तीर्थप्रसङ्गेन पृथिवीं तीर्थगोचराम् आश्रमाणि च पुण्यानि देवतायतनानि च
aṭaṃstīrthaprasaṅgena pṛthivīṃ tīrthagocarām āśramāṇi ca puṇyāni devatāyatanāni ca
Wandering, in the course of (visiting) sacred fords, over the earth abounding in fords, and the holy hermitages and the abodes of the gods,
AI translation rendered from the Sanskrit, not a published edition
MtP 167.16
देशान्राष्ट्राणि चित्राणि पुराणि विविधानि च जपहोमपरः शान्तस् तपो घोरं समास्थितः
deśānrāṣṭrāṇi citrāṇi purāṇi vividhāni ca japahomaparaḥ śāntas tapo ghoraṃ samāsthitaḥ
and the varied lands and kingdoms and the many cities, devoted to muttered prayer and oblation, tranquil, he undertook terrible austerity.
AI translation rendered from the Sanskrit, not a published edition
MtP 167.17
मार्कण्डेयस्ततस्तस्य शनैर्वक्त्राद्विनिःसृतः स निष्क्रामन्न चात्मानं जानीते देवमायया
mārkaṇḍeyastatastasya śanairvaktrādviniḥsṛtaḥ sa niṣkrāmanna cātmānaṃ jānīte devamāyayā
Then Mārkaṇḍeya slowly slipped out from his mouth; and as he came out he did not recognize himself, by the god's magic.
AI translation rendered from the Sanskrit, not a published edition
MtP 167.18
निष्क्रम्याप्यस्य वदनाद् एकार्णवमथो जगत् सर्वतस्तमसाच्छन्नं मार्कण्डेयो ऽन्ववैक्षत
niṣkramyāpyasya vadanād ekārṇavamatho jagat sarvatastamasācchannaṃ mārkaṇḍeyo 'nvavaikṣata
Even after coming out from his mouth, Mārkaṇḍeya looked upon the world as a single ocean, covered on all sides with darkness.
AI translation rendered from the Sanskrit, not a published edition
MtP 167.19
तस्योत्पन्नं भयं तीव्रं संशयश्चात्मजीविते देवदर्शनसंहृष्टो विस्मयं परमं गतः
tasyotpannaṃ bhayaṃ tīvraṃ saṃśayaścātmajīvite devadarśanasaṃhṛṣṭo vismayaṃ paramaṃ gataḥ
Sharp fear arose in him, and doubt about his own life; (yet) delighted at the sight of the god, he was filled with utmost amazement.
AI translation rendered from the Sanskrit, not a published edition
MtP 167.20
चिन्तयञ्जलमध्यस्थो मार्कण्डेयो विशङ्कितः किं नु स्यान्मम चिन्तेयं मोहः स्वप्नो ऽनुभूयते
cintayañjalamadhyastho mārkaṇḍeyo viśaṅkitaḥ kiṃ nu syānmama cinteyaṃ mohaḥ svapno 'nubhūyate
Standing in the midst of the water, Mārkaṇḍeya thought, full of misgiving: "What can this be? Is this a thought of mine, a delusion, or a dream being experienced?"
AI translation rendered from the Sanskrit, not a published edition
MtP 167.21
व्यक्तमन्यतमो भावस् तेषां संभावितो मम न हीदृशं जगत्क्लेशम् अयुक्तं सत्यमर्हति
vyaktamanyatamo bhāvas teṣāṃ saṃbhāvito mama na hīdṛśaṃ jagatkleśam ayuktaṃ satyamarhati
"Clearly some one of those states has come about for me; for the real (world) does not deserve such an unfitting affliction as this."
AI translation rendered from the Sanskrit, not a published edition — the model flagged this verse as uncertain
MtP 167.22
नष्टचन्द्रार्कपवने नष्टपर्वतभूतले कतमः स्यादयं लोक इति चिन्तामवस्थितः
naṣṭacandrārkapavane naṣṭaparvatabhūtale katamaḥ syādayaṃ loka iti cintāmavasthitaḥ
With moon, sun and wind gone, with mountains and the earth's surface gone, "which world can this be?" — so he remained sunk in thought.
AI translation rendered from the Sanskrit, not a published edition
MtP 167.23
ददर्श चापि पुरुषं स्वपन्तं पर्वतोपमम् सलिले ऽर्धमथो मग्नं जीमूतमिव सागरे
dadarśa cāpi puruṣaṃ svapantaṃ parvatopamam salile 'rdhamatho magnaṃ jīmūtamiva sāgare
And he saw a Person sleeping, like a mountain, half sunk in the water, like a raincloud in the sea.
AI translation rendered from the Sanskrit, not a published edition
MtP 167.24
ज्वलन्तमिव तेजोभिर् गोयुक्तमिव भास्करम् शर्वर्यां जाग्रतमिव भासन्तं स्वेन तेजसा
jvalantamiva tejobhir goyuktamiva bhāskaram śarvaryāṃ jāgratamiva bhāsantaṃ svena tejasā
As if blazing with radiances, like the sun yoked with its rays, as if awake in the night, shining with his own splendour.
AI translation rendered from the Sanskrit, not a published edition
MtP 167.25
देवं द्रष्टुमिहायातः को भवानिति विस्मयात् तथैव स मुनिः कुक्षिं पुनरेव प्रवेशितः
devaṃ draṣṭumihāyātaḥ ko bhavāniti vismayāt tathaiva sa muniḥ kukṣiṃ punareva praveśitaḥ
"Who are you?" — (thinking so) in amazement, he came here to see the god; and just so that sage was made to enter the belly again.
AI translation rendered from the Sanskrit, not a published edition — the model flagged this verse as uncertain
MtP 167.26
सम्प्रविष्टः पुनः कुक्षिं मार्कण्डेयो ऽतिविस्मयः तथैव तु पुनर्भूयो विजानन्स्वप्नदर्शनम्
sampraviṣṭaḥ punaḥ kukṣiṃ mārkaṇḍeyo 'tivismayaḥ tathaiva tu punarbhūyo vijānansvapnadarśanam
Having entered the belly again, Mārkaṇḍeya was greatly amazed, and once more, just as before, he took it for the seeing of a dream.
AI translation rendered from the Sanskrit, not a published edition
MtP 167.27
स तथैव यथापूर्वं यो धरामटते पुरा पुण्यतीर्थजलोपेतां विविधान्याश्रमाणि च
sa tathaiva yathāpūrvaṃ yo dharāmaṭate purā puṇyatīrthajalopetāṃ vividhānyāśramāṇi ca
Just so, as before, he who formerly wandered the earth, endowed with the waters of holy fords, and the various hermitages —
AI translation rendered from the Sanskrit, not a published edition
MtP 167.28
क्रतुभिर्यजमानाश्च समाप्तवरदक्षिणान् अपश्यद्देवकुक्षिस्थान् याजकाञ्छतशो द्विजान्
kratubhiryajamānāśca samāptavaradakṣiṇān apaśyaddevakukṣisthān yājakāñchataśo dvijān
and he saw, situated in the god's belly, sacrificers with their rites, who had completed the giving of excellent gifts, and priests, brahmins by the hundreds.
AI translation rendered from the Sanskrit, not a published edition
MtP 167.29
सद्वृत्तमास्थिताः सर्वे वर्णा ब्राह्मणपूर्वकाः चत्वारश्चाश्रमाः सम्यग् यथोद्दिष्टा मया तव
sadvṛttamāsthitāḥ sarve varṇā brāhmaṇapūrvakāḥ catvāraścāśramāḥ samyag yathoddiṣṭā mayā tava
All the classes, with the brahmins foremost, established in good conduct, and the four stages of life properly (observed), just as I have set them forth to you.
AI translation rendered from the Sanskrit, not a published edition
MtP 167.30
एवं वर्षशतं साग्रं मार्कण्डेयस्य धीमतः चरतः पृथिवीं सर्वां न कुक्ष्यन्तः समीक्षितः
evaṃ varṣaśataṃ sāgraṃ mārkaṇḍeyasya dhīmataḥ carataḥ pṛthivīṃ sarvāṃ na kukṣyantaḥ samīkṣitaḥ
Thus for a full hundred years the wise Mārkaṇḍeya roamed the whole earth, and the end of the belly was not seen (by him).
AI translation rendered from the Sanskrit, not a published edition
MtP 167.31
ततः कदाचिदथ वै पुनर्वक्त्राद्विनिःसृतः सुप्तं न्यग्रोधशाखायां बालमेकं निरैक्षत
tataḥ kadācidatha vai punarvaktrādviniḥsṛtaḥ suptaṃ nyagrodhaśākhāyāṃ bālamekaṃ niraikṣata
Then at some time, having come out from the mouth again, he saw a single child asleep on the branch of a banyan tree.
AI translation rendered from the Sanskrit, not a published edition
MtP 167.32
तथैवैकार्णवजले नीहारेणावृताम्बरे अव्यग्रः क्रीडते लोके सर्वभूतविवर्जिते
tathaivaikārṇavajale nīhāreṇāvṛtāmbare avyagraḥ krīḍate loke sarvabhūtavivarjite
Just so, in the water of the single ocean, with the sky wrapped in mist, he plays untroubled in a world emptied of all beings.
AI translation rendered from the Sanskrit, not a published edition
MtP 167.33
स मुनिर्विस्मयाविष्टः कौतूहलसमन्वितः बालमादित्यसंकाशं नाशक्नोदभिवीक्षितुम्
sa munirvismayāviṣṭaḥ kautūhalasamanvitaḥ bālamādityasaṃkāśaṃ nāśaknodabhivīkṣitum
That sage, seized with astonishment and filled with curiosity, was unable to look upon the child, who was like the sun.
AI translation rendered from the Sanskrit, not a published edition
MtP 167.34
स चिन्तयंस्तथैकान्ते स्थित्वा सलिलसंनिधौ पूर्वदृष्टमिदं मेने शङ्कितो देवमायया
sa cintayaṃstathaikānte sthitvā salilasaṃnidhau pūrvadṛṣṭamidaṃ mene śaṅkito devamāyayā
Pondering thus, standing apart near the water, he thought this had been seen by him before, suspecting it to be the god's magic.
AI translation rendered from the Sanskrit, not a published edition
MtP 167.35
अगाधसलिले तस्मिन् मार्कण्डेयः सविस्मयः प्लवंस्तथार्तिम् अगमद् भयात्संत्रस्तलोचनः
agādhasalile tasmin mārkaṇḍeyaḥ savismayaḥ plavaṃstathārtim agamad bhayātsaṃtrastalocanaḥ
In that fathomless water Mārkaṇḍeya, full of amazement, floating there, came to distress, his eyes terrified with fear.
AI translation rendered from the Sanskrit, not a published edition
MtP 167.36
स तस्मै भगवानाह स्वागतं बालयोगवान् बभाषे मेघतुल्येन स्वरेण पुरुषोत्तमः
sa tasmai bhagavānāha svāgataṃ bālayogavān babhāṣe meghatulyena svareṇa puruṣottamaḥ
To him the Lord said "Welcome"; the child possessed of yoga, the highest Person, spoke with a voice like a cloud.
AI translation rendered from the Sanskrit, not a published edition
MtP 167.37
मा भैर्वत्स न भेतव्यम् इहैवायाहि मे ऽन्तिकम् मार्कण्डेयो मुनिस्त्वाह बालं तं श्रमपीडितः
mā bhairvatsa na bhetavyam ihaivāyāhi me 'ntikam mārkaṇḍeyo munistvāha bālaṃ taṃ śramapīḍitaḥ
"Do not be afraid, child; there is nothing to fear. Come here, close to me." But the sage Mārkaṇḍeya, oppressed by weariness, said to that child:
AI translation rendered from the Sanskrit, not a published edition
MtP 167.38
को मां नाम्ना कीर्तयति तपः परिभवन्मम दिव्यं वर्षसहस्राख्यं धर्षयन्निव मे वयः
ko māṃ nāmnā kīrtayati tapaḥ paribhavanmama divyaṃ varṣasahasrākhyaṃ dharṣayanniva me vayaḥ
"Who is it that names me by name, slighting my austerity of a thousand divine years, as though assaulting my age?"
AI translation rendered from the Sanskrit, not a published edition
MtP 167.39
न ह्येष वः समाचारो देवेष्वपि ममोचितः मां ब्रह्मापि हि देवेशो दीर्घायुरिति भाषते
na hyeṣa vaḥ samācāro deveṣvapi mamocitaḥ māṃ brahmāpi hi deveśo dīrghāyuriti bhāṣate
"For this is not the proper conduct of such as you (toward me); it is not fitting toward me even among the gods, for even Brahmā, lord of the gods, addresses me as 'long-lived one'."
AI translation rendered from the Sanskrit, not a published edition
MtP 167.40
कस्तमो घोरमासाद्य मामद्य त्यक्तजीवितः मार्कण्डेयेति मामुक्त्वा मृत्युमीक्षितुमर्हति
kastamo ghoramāsādya māmadya tyaktajīvitaḥ mārkaṇḍeyeti māmuktvā mṛtyumīkṣitumarhati
"Who is it that, having reached dread darkness and given up his life, today, having called me 'Mārkaṇḍeya', deserves to look upon death?"
AI translation rendered from the Sanskrit, not a published edition
MtP 167.41
एवमाभाष्य तं क्रोधान् मार्कण्डेयो महामुनिः तथैव भगवान्भूयो बभाषे मधुसूदनः
evamābhāṣya taṃ krodhān mārkaṇḍeyo mahāmuniḥ tathaiva bhagavānbhūyo babhāṣe madhusūdanaḥ
Having spoken thus to him out of anger — Mārkaṇḍeya, the great sage — just so the Lord, the slayer of Madhu, spoke again.
AI translation rendered from the Sanskrit, not a published edition
MtP 167.42
अहं ते जनको वत्स हृषीकेशः पिता गुरुः आयुष्प्रदाता पौराणः किं मां त्वं नोपसर्पसि
ahaṃ te janako vatsa hṛṣīkeśaḥ pitā guruḥ āyuṣpradātā paurāṇaḥ kiṃ māṃ tvaṃ nopasarpasi
"I am your begetter, child — Hṛṣīkeśa, father, teacher, the ancient giver of lifespan. Why do you not come near me?"
AI translation rendered from the Sanskrit, not a published edition
MtP 167.43
मां पुत्रकामः प्रथमं पिता ते ऽङ्गिरसो मुनिः पूर्वमाराधयामास तपस्तीव्रं समाश्रितः
māṃ putrakāmaḥ prathamaṃ pitā te 'ṅgiraso muniḥ pūrvamārādhayāmāsa tapastīvraṃ samāśritaḥ
"Desiring a son, your father, the sage of Aṅgiras' line, formerly propitiated me first, having taken up fierce austerity."
AI translation rendered from the Sanskrit, not a published edition
MtP 167.44
ततस्त्वां घोरतपसा प्रावृणोदमितौजसम् उक्तवानहमात्मस्थं महर्षिम् अमितौजसम्
tatastvāṃ ghoratapasā prāvṛṇodamitaujasam uktavānahamātmasthaṃ maharṣim amitaujasam
"Then by his dread austerity he obtained you of unmeasured energy; I declared (it), (I) the great seer of unmeasured energy abiding within myself."
AI translation rendered from the Sanskrit, not a published edition — the model flagged this verse as uncertain
MtP 167.45
कः समुत्सहते चान्यो यो न भूतात्मकात्मजः द्रष्टुमेकार्णवगतं क्रीडन्तं योगवर्त्मना
kaḥ samutsahate cānyo yo na bhūtātmakātmajaḥ draṣṭumekārṇavagataṃ krīḍantaṃ yogavartmanā
"And who else has the power — who is not a son of the Self of (all) beings — to behold (me) gone into the single ocean, playing by the way of yoga?"
AI translation rendered from the Sanskrit, not a published edition
MtP 167.46
ततः प्रहृष्टवदनो विस्मयोत्फुल्ललोचनः मूर्ध्नि बद्धाञ्जलिपुटो मार्कण्डेयो महातपाः
tataḥ prahṛṣṭavadano vismayotphullalocanaḥ mūrdhni baddhāñjalipuṭo mārkaṇḍeyo mahātapāḥ
Then, with delighted face, his eyes wide open with wonder, his cupped palms joined at his head, Mārkaṇḍeya of great austerity —
AI translation rendered from the Sanskrit, not a published edition
MtP 167.47
नामगोत्रे ततः प्रोच्य दीर्घायुर्लोकपूजितः तस्मै भगवते भक्त्या नमस्कारमथाकरोत्
nāmagotre tataḥ procya dīrghāyurlokapūjitaḥ tasmai bhagavate bhaktyā namaskāramathākarot
— then, declaring his name and lineage, that long-lived one honoured by the world made obeisance with devotion to that Lord.
AI translation rendered from the Sanskrit, not a published edition
MtP 167.48
इच्छेयं तत्त्वतो मायाम् इमां ज्ञातुं तवानघ यदेकार्णवमध्यस्थः शेषे त्वं बालरूपवान्
iccheyaṃ tattvato māyām imāṃ jñātuṃ tavānagha yadekārṇavamadhyasthaḥ śeṣe tvaṃ bālarūpavān
"I would wish to know truly this magic of yours, O sinless one, in that you lie in the midst of the single ocean bearing the form of a child."
AI translation rendered from the Sanskrit, not a published edition
MtP 167.49
किंसंज्ञश्चैव भगवांल् लोके विज्ञायसे प्रभो तर्कये त्वां महात्मानं को ह्यन्यः स्थातुमर्हति
kiṃsaṃjñaścaiva bhagavāṃl loke vijñāyase prabho tarkaye tvāṃ mahātmānaṃ ko hyanyaḥ sthātumarhati
"And by what name, Lord, are you known in the world, O master? I reckon you to be the Great Self, for who else could stand (here)?"
AI translation rendered from the Sanskrit, not a published edition
MtP 167.50
अहं नारायणो ब्रह्मन् सर्वभूतविनाशनः अहं सहस्रशीर्षाख्यो यः पदैरभिसंज्ञितः
ahaṃ nārāyaṇo brahman sarvabhūtavināśanaḥ ahaṃ sahasraśīrṣākhyo yaḥ padairabhisaṃjñitaḥ
"I am Nārāyaṇa, brahmin, the destroyer of all beings; I am the one called Thousand-headed, who is designated by the (Vedic) verses."
AI translation rendered from the Sanskrit, not a published edition
MtP 167.51
आदित्यवर्णः पुरुषो मखे ब्रह्ममयो मखः अहमग्निर्हव्यवाहो यादसां पतिरव्ययः
ādityavarṇaḥ puruṣo makhe brahmamayo makhaḥ ahamagnirhavyavāho yādasāṃ patiravyayaḥ
(I am) the Person of the color of the sun (who dwells) in the sacrifice; the sacrifice is made of brahman; I am Agni the bearer of oblations, and the imperishable lord of the water-creatures.
AI translation rendered from the Sanskrit, not a published edition
MtP 167.52
अहमिन्द्रपदे शक्रो वर्षाणां परिवत्सरः अहं योगी युगाख्यस्य युगान्तावर्त एव च
ahamindrapade śakro varṣāṇāṃ parivatsaraḥ ahaṃ yogī yugākhyasya yugāntāvarta eva ca
I am Śakra in the station of Indra, and the full cycle of the years; I am the yogin, and also the turning at the end of the age that bears the name of the yuga.
AI translation rendered from the Sanskrit, not a published edition — the model flagged this verse as uncertain
MtP 167.53
अहं सर्वाणि सत्त्वानि दैवतान्यखिलानि तु भुजंगानामहं शेषस् तार्क्ष्यो वै सर्वपक्षिणाम्
ahaṃ sarvāṇi sattvāni daivatānyakhilāni tu bhujaṃgānāmahaṃ śeṣas tārkṣyo vai sarvapakṣiṇām
I am all beings, and all the deities; among serpents I am Śeṣa, and among all birds I am Tārkṣya (Garuḍa).
AI translation rendered from the Sanskrit, not a published edition
MtP 167.54
कृतान्तः सर्वभूतानां विश्वेषां कालसंज्ञितः अहं धर्मस्तपश्चाहं सर्वाश्रमनिवासिनाम्
kṛtāntaḥ sarvabhūtānāṃ viśveṣāṃ kālasaṃjñitaḥ ahaṃ dharmastapaścāhaṃ sarvāśramanivāsinām
I am the destroyer of all beings of the universe, called Time; I am Dharma, and I am the austerity of the dwellers in all the stages of life.
AI translation rendered from the Sanskrit, not a published edition
MtP 167.55
अहं चैव सरिद्दिव्या क्षीरोदश्च महार्णवः यत्तत्सत्यं च परमम् अहमेकः प्रजापतिः
ahaṃ caiva sariddivyā kṣīrodaśca mahārṇavaḥ yattatsatyaṃ ca paramam ahamekaḥ prajāpatiḥ
I too am the celestial river, and the great sea, the ocean of milk; and that which is the supreme truth—I alone am Prajāpati.
AI translation rendered from the Sanskrit, not a published edition
MtP 167.56
अहं सांख्यमहं योगो ऽप्यहं तत्परमं पदम् अहमिज्या क्रिया चाहम् अहं विद्याधिपः स्मृतः
ahaṃ sāṃkhyamahaṃ yogo 'pyahaṃ tatparamaṃ padam ahamijyā kriyā cāham ahaṃ vidyādhipaḥ smṛtaḥ
I am Sāṃkhya, I am Yoga, and I am that supreme state; I am the offering and I am the rite; I am declared to be the lord of knowledge.
AI translation rendered from the Sanskrit, not a published edition
MtP 167.57
अहं ज्योतिरहं वायुर् अहं भूमिरहं नभः अहमापः समुद्राश्च नक्षत्राणि दिशो दश
ahaṃ jyotirahaṃ vāyur ahaṃ bhūmirahaṃ nabhaḥ ahamāpaḥ samudrāśca nakṣatrāṇi diśo daśa
I am light, I am wind, I am the earth, I am the sky; I am the waters and the oceans, the lunar mansions and the ten directions.
AI translation rendered from the Sanskrit, not a published edition
MtP 167.58
अहं वर्षमहं सोमः पर्जन्यो ऽहमहं रविः क्षीरोदसागरे चाहं समुद्रे वडवामुखः
ahaṃ varṣamahaṃ somaḥ parjanyo 'hamahaṃ raviḥ kṣīrodasāgare cāhaṃ samudre vaḍavāmukhaḥ
I am the rain, I am Soma, I am Parjanya, I am the sun; and in the ocean of milk, in the sea, I am the mare's mouth (the submarine fire),
AI translation rendered from the Sanskrit, not a published edition
MtP 167.59
वह्निः संवर्तको भूत्वा पिबंस्तोयमयं हविः अहं पुराणः परमं तथैवाहं परायणम्
vahniḥ saṃvartako bhūtvā pibaṃstoyamayaṃ haviḥ ahaṃ purāṇaḥ paramaṃ tathaivāhaṃ parāyaṇam
having become the fire of dissolution, drinking the oblation that consists of water. I am the ancient, the supreme; likewise I am the highest resort.
AI translation rendered from the Sanskrit, not a published edition
MtP 167.60
अहं भूतस्य भव्यस्य वर्तमानस्य संभवः यत्किंचित्पश्यसे विप्र यच्छृणोषि च किंचन
ahaṃ bhūtasya bhavyasya vartamānasya saṃbhavaḥ yatkiṃcitpaśyase vipra yacchṛṇoṣi ca kiṃcana
I am the origin of what has been, what will be, and what is now. Whatever you see, brahmin, and whatever you hear,
AI translation rendered from the Sanskrit, not a published edition
MtP 167.61
यल्लोके चानुभवसि तत्सर्वं मामनुस्मर विश्वं सृष्टं मया पूर्वं सृज्यं चाद्यापि पश्य माम्
yalloke cānubhavasi tatsarvaṃ māmanusmara viśvaṃ sṛṣṭaṃ mayā pūrvaṃ sṛjyaṃ cādyāpi paśya mām
and whatever you experience in the world—remember all that as me. The universe was created by me formerly, and it is still to be created: behold me.
AI translation rendered from the Sanskrit, not a published edition
MtP 167.62
युगे युगे च स्रक्ष्यामि मार्कण्डेयाखिलं जगत् तदेतदखिलं सर्वं मार्कण्डेयावधारय
yuge yuge ca srakṣyāmi mārkaṇḍeyākhilaṃ jagat tadetadakhilaṃ sarvaṃ mārkaṇḍeyāvadhāraya
And in age after age I shall emit the whole world, Mārkaṇḍeya. Grasp firmly, Mārkaṇḍeya, this whole of it, all of it.
AI translation rendered from the Sanskrit, not a published edition
MtP 167.63
शुश्रूषुर्मम धर्मांश्च कुक्षौ चर सुखं मम मम ब्रह्मा शरीरस्थो देवैश्च ऋषिभिः सह
śuśrūṣurmama dharmāṃśca kukṣau cara sukhaṃ mama mama brahmā śarīrastho devaiśca ṛṣibhiḥ saha
Desiring to hear my dharmas, move about happily in my belly; Brahmā, together with the gods and the seers, is stationed in my body.
AI translation rendered from the Sanskrit, not a published edition
MtP 167.64
व्यक्तमव्यक्तयोगं माम् अवगच्छासुरद्विषम् अहमेकाक्षरो मन्त्रस् त्र्यक्षरश्चैव तारकः
vyaktamavyaktayogaṃ mām avagacchāsuradviṣam ahamekākṣaro mantras tryakṣaraścaiva tārakaḥ
Know me, the foe of the demons, as the manifest joined with the unmanifest. I am the one-syllabled mantra, and the three-syllabled deliverer,
AI translation rendered from the Sanskrit, not a published edition
MtP 167.65
परस्त्रिवर्गाद् ॐकारस् त्रिवर्गार्थनिदर्शनः एवमादिपुराणेशो वदन्नेव महामतिः
parastrivargād oṃkāras trivargārthanidarśanaḥ evamādipurāṇeśo vadanneva mahāmatiḥ
the syllable Om, beyond the three aims of life, which reveals the meaning of the three aims. As the lord of the ancient (world) of great mind was speaking thus,
AI translation rendered from the Sanskrit, not a published edition — the model flagged this verse as uncertain
MtP 167.66
वक्त्रमाहृतवानाशु मार्कण्डेयं महामुनिम् ततो भगवतः कुक्षिं प्रविष्टो मुनिसत्तमः
vaktramāhṛtavānāśu mārkaṇḍeyaṃ mahāmunim tato bhagavataḥ kukṣiṃ praviṣṭo munisattamaḥ
he swiftly drew the great sage Mārkaṇḍeya into his mouth; then that best of sages entered the belly of the Blessed One.
AI translation rendered from the Sanskrit, not a published edition
MtP 167.67
स तस्मिन्सुखमेकान्ते शुश्रूषुर्हंसमव्ययम् यो ऽहमेव विविधतनुं परिश्रितो महार्णवे व्यपगतचन्द्रभास्करे शनैश्चरन्प्रभुरपि हंससंज्ञितो ऽसृजज्जगद्विहरति कालपर्यये
sa tasminsukhamekānte śuśrūṣurhaṃsamavyayam yo 'hameva vividhatanuṃ pariśrito mahārṇave vyapagatacandrabhāskare śanaiścaranprabhurapi haṃsasaṃjñito 'sṛjajjagadviharati kālaparyaye
There, in that solitary place, he happily desired to hear from the imperishable Haṃsa: "It is I myself who, enveloped in manifold bodies in the great ocean from which moon and sun had departed, moving slowly, the lord named Haṃsa, emitted the world and sports at the turning of time."
AI translation rendered from the Sanskrit, not a published edition — the model flagged this verse as uncertain