Matsya Purana — Chapter 165
MtP 165.1
चत्वार्याहुः सहस्राणि वर्षाणां तु कृतं युगम् तस्य तावच्छती संध्या द्विगुणा रविनन्दन
catvāryāhuḥ sahasrāṇi varṣāṇāṃ tu kṛtaṃ yugam tasya tāvacchatī saṃdhyā dviguṇā ravinandana
They say the Kṛta age is four thousand years; its twilight (period) is as many hundreds, doubled, O son of the Sun.
AI translation rendered from the Sanskrit, not a published edition
MtP 165.2
यत्र धर्मश्चतुष्पादस् त्व् अधर्मः पादविग्रहः स्वधर्मनिरताः सन्तो जायन्ते यत्र मानवाः
yatra dharmaścatuṣpādas tv adharmaḥ pādavigrahaḥ svadharmaniratāḥ santo jāyante yatra mānavāḥ
In it dharma stands on four feet, while adharma is deprived of feet; and in it men are born virtuous, devoted to their own duty.
AI translation rendered from the Sanskrit, not a published edition
MtP 165.3
विप्राः स्थिता धर्मपरा राजवृत्तौ स्थिता नृपाः कृष्यामभिरता वैश्याः शूद्राः शुश्रूषवः स्थिताः
viprāḥ sthitā dharmaparā rājavṛttau sthitā nṛpāḥ kṛṣyāmabhiratā vaiśyāḥ śūdrāḥ śuśrūṣavaḥ sthitāḥ
The brahmins remain intent on dharma, the kings remain in kingly conduct, the vaiśyas are devoted to agriculture, and the śūdras remain willing to serve.
AI translation rendered from the Sanskrit, not a published edition
MtP 165.4
तदा सत्यं च शौचं च धर्मश्चैव विवर्धते सद्भिराचरितं कर्म क्रियते ख्यायते च वै
tadā satyaṃ ca śaucaṃ ca dharmaścaiva vivardhate sadbhirācaritaṃ karma kriyate khyāyate ca vai
Then truth and purity and dharma increase; the action practised by the good is done and is proclaimed.
AI translation rendered from the Sanskrit, not a published edition
MtP 165.5
एतत्कार्तयुगं वृत्तं सर्वेषामपि पार्थिव प्राणिनां धर्मसङ्गानाम् अपि वै नीचजन्मनाम्
etatkārtayugaṃ vṛttaṃ sarveṣāmapi pārthiva prāṇināṃ dharmasaṅgānām api vai nīcajanmanām
This, O king, is the conduct of the Kṛta age for all beings that are attached to dharma, even for those of low birth.
AI translation rendered from the Sanskrit, not a published edition
MtP 165.6
त्रीणि वर्षसहस्राणि त्रेतायुगमिहोच्यते तस्य तावच्छती संध्या द्विगुणा परिकीर्त्यते
trīṇi varṣasahasrāṇi tretāyugamihocyate tasya tāvacchatī saṃdhyā dviguṇā parikīrtyate
Three thousand years is here declared to be the Tretā age; its twilight is proclaimed to be as many hundreds, doubled.
AI translation rendered from the Sanskrit, not a published edition
MtP 165.7
द्वाभ्यामधर्मः पादाभ्यां त्रिभिर्धर्मो व्यवस्थितः यत्र सत्यं च सत्त्वं च त्रेताधर्मो विधीयते
dvābhyāmadharmaḥ pādābhyāṃ tribhirdharmo vyavasthitaḥ yatra satyaṃ ca sattvaṃ ca tretādharmo vidhīyate
Adharma stands on two feet, dharma is established on three; where there is truth and goodness, the dharma of the Tretā is ordained.
AI translation rendered from the Sanskrit, not a published edition
MtP 165.8
त्रेतायां विकृतिं यान्ति वर्णास्त्वेते न संशयः चातुर्वर्ण्यस्य वैकृत्याद् यान्ति दौर्बल्यमाश्रमाः
tretāyāṃ vikṛtiṃ yānti varṇāstvete na saṃśayaḥ cāturvarṇyasya vaikṛtyād yānti daurbalyamāśramāḥ
In the Tretā these classes undergo alteration — there is no doubt of it; and through the corruption of the four classes the stages of life fall into weakness.
AI translation rendered from the Sanskrit, not a published edition
MtP 165.9
एषा त्रेतायुगगतिर् विचित्रा देवनिर्मिता द्वापरस्य तु या चेष्टा तामपि श्रोतुमर्हसि
eṣā tretāyugagatir vicitrā devanirmitā dvāparasya tu yā ceṣṭā tāmapi śrotumarhasi
This is the manifold course of the Tretā age, fashioned by the gods; but the character of the Dvāpara too you deserve to hear.
AI translation rendered from the Sanskrit, not a published edition
MtP 165.10
द्वापरं द्वे सहस्रे तु वर्षाणां रविनन्दन तस्य तावच्छती संध्या द्विगुणा युगमुच्यते
dvāparaṃ dve sahasre tu varṣāṇāṃ ravinandana tasya tāvacchatī saṃdhyā dviguṇā yugamucyate
The Dvāpara is two thousand years, O son of the Sun; its twilight is as many hundreds, doubled — (thus) the age is declared.
AI translation rendered from the Sanskrit, not a published edition
MtP 165.11
तत्र चार्थपराः सर्वे प्राणिनो रजसा हताः सर्वे नैष्कृतिकाः क्षुद्रा जायन्ते रविनन्दन
tatra cārthaparāḥ sarve prāṇino rajasā hatāḥ sarve naiṣkṛtikāḥ kṣudrā jāyante ravinandana
There all beings are intent on wealth, struck down by rajas; all are born deceitful and petty, O son of the Sun.
AI translation rendered from the Sanskrit, not a published edition
MtP 165.12
द्वाभ्यां धर्मः स्थितः पद्भ्याम् अधर्मस्त्रिभिरुत्थितः विपर्ययाच्छनैर्धर्मः क्षयमेति कलौ युगे
dvābhyāṃ dharmaḥ sthitaḥ padbhyām adharmastribhirutthitaḥ viparyayācchanairdharmaḥ kṣayameti kalau yuge
Dharma stands on two feet, adharma has risen on three; by this reversal dharma slowly comes to destruction in the Kali age.
AI translation rendered from the Sanskrit, not a published edition
MtP 165.13
ब्राह्मण्यभावस्य ततस् तथौत्सुक्यं विशीर्यते व्रतोपवासास्त्यज्यन्ते द्वापरे युगपर्यये
brāhmaṇyabhāvasya tatas tathautsukyaṃ viśīryate vratopavāsāstyajyante dvāpare yugaparyaye
Then the eagerness for the state of brahminhood likewise crumbles away; vows and fasts are abandoned at the turning of the Dvāpara age.
AI translation rendered from the Sanskrit, not a published edition
MtP 165.14
तथा वर्षसहस्रं तु वर्षाणां द्वे शते अपि संध्यया सह संख्यातं क्रूरं कलियुगं स्मृतम्
tathā varṣasahasraṃ tu varṣāṇāṃ dve śate api saṃdhyayā saha saṃkhyātaṃ krūraṃ kaliyugaṃ smṛtam
Likewise a thousand years and two hundred years also, reckoned together with its twilight, is remembered as the cruel Kali age.
AI translation rendered from the Sanskrit, not a published edition
MtP 165.15
यत्राधर्मश्चतुष्पादः स्याद्धर्मः पादविग्रहः कामिनस्तपसा हीना जायन्ते तत्र मानवाः
yatrādharmaścatuṣpādaḥ syāddharmaḥ pādavigrahaḥ kāminastapasā hīnā jāyante tatra mānavāḥ
In it adharma has four feet and dharma is deprived of feet; there men are born lustful and devoid of austerity.
AI translation rendered from the Sanskrit, not a published edition
MtP 165.16
नैवातिसात्त्विकः कश्चिन् न साधुर्न च सत्यवाक् नास्तिका ब्रह्मभक्ता वा जायन्ते तत्र मानवाः
naivātisāttvikaḥ kaścin na sādhurna ca satyavāk nāstikā brahmabhaktā vā jāyante tatra mānavāḥ
No one at all is very sāttvika, nor good, nor a speaker of truth; there men are born unbelievers, or (only nominally) devoted to brahman.
AI translation rendered from the Sanskrit, not a published edition — the model flagged this verse as uncertain
MtP 165.17
अहंकारगृहीताश्च प्रक्षीणस्नेहबन्धनाः विप्राः शूद्रसमाचाराः सन्ति सर्वे कलौ युगे
ahaṃkāragṛhītāśca prakṣīṇasnehabandhanāḥ viprāḥ śūdrasamācārāḥ santi sarve kalau yuge
Seized by egotism, their bonds of affection worn away, brahmins with the conduct of śūdras — all are so in the Kali age.
AI translation rendered from the Sanskrit, not a published edition
MtP 165.18
आश्रमाणां विपर्यासः कलौ सम्परिवर्तते वर्णानां चैव संदेहो युगान्ते रविनन्दन
āśramāṇāṃ viparyāsaḥ kalau samparivartate varṇānāṃ caiva saṃdeho yugānte ravinandana
In the Kali the inversion of the stages of life comes about, and confusion of the classes at the end of the age, O son of the Sun.
AI translation rendered from the Sanskrit, not a published edition
MtP 165.19
विद्याद्द्वादशसाहस्रीं युगाख्यां पूर्वनिर्मिताम् एवं सहस्रपर्यन्तं तदहर्ब्राह्ममुच्यते
vidyāddvādaśasāhasrīṃ yugākhyāṃ pūrvanirmitām evaṃ sahasraparyantaṃ tadaharbrāhmamucyate
One should know the period of twelve thousand (years), called a yuga, fashioned of old; a thousand such (make) that which is called a day of Brahmā.
AI translation rendered from the Sanskrit, not a published edition
MtP 165.20
ततो ऽहनि गते तस्मिन् सर्वेषामेव जीविनाम् शरीरनिर्वृतिं दृष्ट्वा लोकसंहारबुद्धितः
tato 'hani gate tasmin sarveṣāmeva jīvinām śarīranirvṛtiṃ dṛṣṭvā lokasaṃhārabuddhitaḥ
Then, when that day has passed, seeing the wearing-out of the bodies of all living beings, with the mind set on the dissolution of the worlds —
AI translation rendered from the Sanskrit, not a published edition — the model flagged this verse as uncertain
MtP 165.21
देवतानां च सर्वासां ब्रह्मादीनां महीपते दैत्यानां दानवानां च यक्षराक्षसपक्षिणाम्
devatānāṃ ca sarvāsāṃ brahmādīnāṃ mahīpate daityānāṃ dānavānāṃ ca yakṣarākṣasapakṣiṇām
— of all the gods beginning with Brahmā, O lord of the earth, and of the Daityas and Dānavas, of Yakṣas, Rākṣasas and birds,
AI translation rendered from the Sanskrit, not a published edition
MtP 165.22
गन्धर्वाणामप्सरसां भुजंगानां च पार्थिव पर्वतानां नदीनां च पशूनां चैव सत्तम तिर्यग्योनिगतानां च सत्त्वानां कृमिणां तथा
gandharvāṇāmapsarasāṃ bhujaṃgānāṃ ca pārthiva parvatānāṃ nadīnāṃ ca paśūnāṃ caiva sattama tiryagyonigatānāṃ ca sattvānāṃ kṛmiṇāṃ tathā
of Gandharvas, Apsarases and serpents, O king, of mountains and rivers and of cattle, O best of the good, and of creatures born in animal wombs, and of worms as well,
AI translation rendered from the Sanskrit, not a published edition
MtP 165.23
महाभूतपतिः पञ्च हृत्वा भूतानि भूतकृत् जगत्संहरणार्थाय कुरुते वैशसं महत्
mahābhūtapatiḥ pañca hṛtvā bhūtāni bhūtakṛt jagatsaṃharaṇārthāya kurute vaiśasaṃ mahat
the lord of the great elements, the maker of beings, having withdrawn the five elements, works a great slaughter for the sake of gathering in the world.
AI translation rendered from the Sanskrit, not a published edition
MtP 165.24
भूत्वा सूर्यश्चक्षुषी चाददानो भूत्वा वायुः प्राणिनां प्राणजालम् भूत्वा वह्निर्निर्दहन्सर्वलोकान् भूत्वा मेघो भूय उग्रो ऽप्यवर्षत्
bhūtvā sūryaścakṣuṣī cādadāno bhūtvā vāyuḥ prāṇināṃ prāṇajālam bhūtvā vahnirnirdahansarvalokān bhūtvā megho bhūya ugro 'pyavarṣat
Becoming the sun, he takes away the eyes; becoming the wind, the whole web of breath of living things; becoming fire, burning up all the worlds; becoming a cloud, fierce once more, he rained.
AI translation rendered from the Sanskrit, not a published edition