Matsya Purana — Chapter 163
MtP 163.1
खराः खरमुखाश्चैव मकराशीविषाननाः ईहामृगमुखाश्चान्ये वराहमुखसंस्थिताः
kharāḥ kharamukhāścaiva makarāśīviṣānanāḥ īhāmṛgamukhāścānye varāhamukhasaṃsthitāḥ
Asses, and those with asses' faces, those with the faces of sea-monsters and of venomous snakes, others with the faces of wolves, and (some) shaped with boars' faces;
AI translation rendered from the Sanskrit, not a published edition
MtP 163.2
बालसूर्यमुखाश्चान्ये धूमकेतुमुखास्तथा अर्धचन्द्रार्धवक्त्राश्च अग्निदीप्तमुखास्तथा
bālasūryamukhāścānye dhūmaketumukhāstathā ardhacandrārdhavaktrāśca agnidīptamukhāstathā
others with faces like the young sun, and (some) with faces like comets, and (some) with half-moon and half faces, and (some) with faces blazing like fire;
AI translation rendered from the Sanskrit, not a published edition
MtP 163.3
हंसकुक्कुटवक्त्राश्च व्यादितास्या भयावहाः सिंहास्या लेलिहानाश्च काकगृध्रमुखास्तथा
haṃsakukkuṭavaktrāśca vyāditāsyā bhayāvahāḥ siṃhāsyā lelihānāśca kākagṛdhramukhāstathā
and (some) with the faces of geese and cocks, gaping-mouthed and terrifying; (some) lion-faced and licking their lips, and (some) with the faces of crows and vultures;
AI translation rendered from the Sanskrit, not a published edition
MtP 163.4
द्विजिह्वका वक्रशीर्षास् तथोल्कामुखसंस्थिताः महाग्राहमुखाश्चान्ये दानवा बलदर्पिताः
dvijihvakā vakraśīrṣās tatholkāmukhasaṃsthitāḥ mahāgrāhamukhāścānye dānavā baladarpitāḥ
(some) two-tongued, with twisted heads, and (some) shaped with meteor-faces; and others with the faces of great crocodiles — such were the dānavas, proud of their strength.
AI translation rendered from the Sanskrit, not a published edition
MtP 163.5
शैलसंवर्ष्मणस् तस्य शरीरे शरवृष्टिभिः अवध्यस्य मृगेन्द्रस्य न व्यथां चक्रुराहवे
śailasaṃvarṣmaṇas tasya śarīre śaravṛṣṭibhiḥ avadhyasya mṛgendrasya na vyathāṃ cakrurāhave
With their showers of arrows on the body of that mountain-bodied, unslayable lion-king they caused no pain in the battle.
AI translation rendered from the Sanskrit, not a published edition
MtP 163.6
एवं भूयो ऽपरान्घोरान् असृजन्दानवेश्वराः मृगेन्द्रस्योपरि क्रुद्धा निःश्वसन्त इवोरगाः
evaṃ bhūyo 'parānghorān asṛjandānaveśvarāḥ mṛgendrasyopari kruddhā niḥśvasanta ivoragāḥ
Thus again the lords of the dānavas, enraged, hurled other dreadful (weapons) upon the lion-king, hissing like serpents.
AI translation rendered from the Sanskrit, not a published edition
MtP 163.7
ते दानवशरा घोरा दानवेन्द्रसमीरिताः विलयं जग्मुराकाशे खद्योता इव पर्वते
te dānavaśarā ghorā dānavendrasamīritāḥ vilayaṃ jagmurākāśe khadyotā iva parvate
Those terrible dānava-arrows, discharged by the lords of the dānavas, came to dissolution in the sky, like fireflies on a mountain.
AI translation rendered from the Sanskrit, not a published edition
MtP 163.8
ततश्चक्राणि दिव्यानि दैत्याः क्रोधसमन्विताः मृगेन्द्रायासृजन्नाशु ज्वलितानि समन्ततः
tataścakrāṇi divyāni daityāḥ krodhasamanvitāḥ mṛgendrāyāsṛjannāśu jvalitāni samantataḥ
Then the daityas, filled with rage, swiftly hurled at the lion-king divine discuses, blazing on every side.
AI translation rendered from the Sanskrit, not a published edition
MtP 163.9
तैरासीद्गगनं चक्रैः संपतद्भिरितस्ततः युगान्ते संप्रकाशद्भिश् चन्द्रादित्यग्रहैरिव
tairāsīdgaganaṃ cakraiḥ saṃpatadbhiritastataḥ yugānte saṃprakāśadbhiś candrādityagrahairiva
With those discuses falling here and there the sky became (as it is) at the end of an age with the moon, the sun and the planets shining forth.
AI translation rendered from the Sanskrit, not a published edition
MtP 163.10
तानि सर्वाणि चक्राणि मृगेन्द्रेण महात्मना ग्रस्तान्युदीर्णानि तदा पावकार्चिःसमानि वै
tāni sarvāṇi cakrāṇi mṛgendreṇa mahātmanā grastānyudīrṇāni tadā pāvakārciḥsamāni vai
All those discuses, hurled aloft, equal to the flames of fire, were then swallowed by the great-souled lion-king.
AI translation rendered from the Sanskrit, not a published edition
MtP 163.11
तानि चक्राणि वदने विशमानानि भान्ति वै मेघोदरदरीष्वेव चन्द्रसूर्यग्रहा इव
tāni cakrāṇi vadane viśamānāni bhānti vai meghodaradarīṣveva candrasūryagrahā iva
Those discuses, entering into his mouth, shine indeed like the moon, sun and planets in the cavern-hollows of the clouds' bellies.
AI translation rendered from the Sanskrit, not a published edition
MtP 163.12
हिरण्यकशिपुर्दैत्यो भूयः प्रासृजदूर्जिताम् शक्तिं प्रज्वलितां घोरां धौतशस्त्रतडित्प्रभाम्
hiraṇyakaśipurdaityo bhūyaḥ prāsṛjadūrjitām śaktiṃ prajvalitāṃ ghorāṃ dhautaśastrataḍitprabhām
The daitya Hiraṇyakaśipu again hurled a mighty spear, blazing and terrible, with the lightning-sheen of a burnished weapon.
AI translation rendered from the Sanskrit, not a published edition
MtP 163.13
तामापतन्तीं सम्प्रेक्ष्य मृगेन्द्रः शक्तिमुज्ज्वलाम् हुंकारेणैव रौद्रेण बभञ्ज भगवांस्तदा
tāmāpatantīṃ samprekṣya mṛgendraḥ śaktimujjvalām huṃkāreṇaiva raudreṇa babhañja bhagavāṃstadā
Seeing that flaming spear coming on, the lion-king, the Blessed One, then broke it with a fierce roar alone.
AI translation rendered from the Sanskrit, not a published edition
MtP 163.14
रराज भग्ना सा शक्तिर् मृगेन्द्रेण महीतले सविस्फुलिङ्गा ज्वलिता महोल्केव दिवश्च्युता
rarāja bhagnā sā śaktir mṛgendreṇa mahītale savisphuliṅgā jvalitā maholkeva divaścyutā
That spear, broken by the lion, blazed with sparks on the ground, like a great meteor fallen from the sky.
AI translation rendered from the Sanskrit, not a published edition
MtP 163.15
नाराचपङ्क्तिः सिंहस्य प्राप्ता रेजे ऽविदूरतः नीलोत्पलपलाशानां मालेवोज्ज्वलदर्शना
nārācapaṅktiḥ siṃhasya prāptā reje 'vidūrataḥ nīlotpalapalāśānāṃ mālevojjvaladarśanā
The row of arrows that reached the lion shone not far off, like a garland of blue lotus petals, brilliant to look upon.
AI translation rendered from the Sanskrit, not a published edition
MtP 163.16
स गर्जित्वा यथान्यायं विक्रम्य च यथासुखम् तत्सैन्यम् उत्सारितवांस् तृणाग्राणीव मारुतः
sa garjitvā yathānyāyaṃ vikramya ca yathāsukham tatsainyam utsāritavāṃs tṛṇāgrāṇīva mārutaḥ
Having roared as was fitting and charged as he pleased, he scattered that army as the wind scatters the tips of grass.
AI translation rendered from the Sanskrit, not a published edition
MtP 163.17
ततो ऽश्मवर्षं दैत्येन्द्रा व्यमृजन्त नभोगताः नगमात्रैः शिलाखण्डैर् गिरिशृङ्गैर्महाप्रभैः
tato 'śmavarṣaṃ daityendrā vyamṛjanta nabhogatāḥ nagamātraiḥ śilākhaṇḍair giriśṛṅgairmahāprabhaiḥ
Then the lords of the Daityas, moving in the sky, poured down a rain of stones — with slabs of rock as big as trees and with mountain peaks of great brilliance.
AI translation rendered from the Sanskrit, not a published edition
MtP 163.18
तदश्मवर्षं सिंहस्य महन्मूर्धनि पातितम् दिशो दश विकीर्णा वै खद्योतप्रकरा इव
tadaśmavarṣaṃ siṃhasya mahanmūrdhani pātitam diśo daśa vikīrṇā vai khadyotaprakarā iva
That great rain of stones, dropped on the lion's head, was scattered to the ten directions like swarms of fireflies.
AI translation rendered from the Sanskrit, not a published edition
MtP 163.19
तदाश्मौघैर् दैत्यगणाः पुनः सिंहमरिंदमम् छादयांचक्रिरे मेघा धाराभिरिव पर्वतम्
tadāśmaughair daityagaṇāḥ punaḥ siṃhamariṃdamam chādayāṃcakrire meghā dhārābhiriva parvatam
Then with floods of stones the hosts of Daityas again covered the lion, tamer of foes, as clouds cover a mountain with their torrents.
AI translation rendered from the Sanskrit, not a published edition
MtP 163.20
न च तं चालयामासुर् दैत्यौघा देवसत्तमम् भीमवेगो ऽचलश्रेष्ठं समुद्र इव मन्दरम्
na ca taṃ cālayāmāsur daityaughā devasattamam bhīmavego 'calaśreṣṭhaṃ samudra iva mandaram
And the floods of Daityas could not shake him, that best of gods, as the sea of terrible force cannot shake Mandara, best of mountains.
AI translation rendered from the Sanskrit, not a published edition
MtP 163.21
ततो ऽश्मवर्षे विहते जलवर्षमनन्तरम् धाराभिरक्षमात्राभिः प्रादुरासीत्समन्ततः
tato 'śmavarṣe vihate jalavarṣamanantaram dhārābhirakṣamātrābhiḥ prādurāsītsamantataḥ
Then, when the rain of stones had been destroyed, immediately a rain of water appeared on every side, with torrents the thickness of axles.
AI translation rendered from the Sanskrit, not a published edition
MtP 163.22
नभसः प्रच्युता धारास् तिग्मवेगाः समन्ततः आवृत्य सर्वतो व्योम दिशश्चोपदिशस्तथा
nabhasaḥ pracyutā dhārās tigmavegāḥ samantataḥ āvṛtya sarvato vyoma diśaścopadiśastathā
The torrents fell from the sky on all sides with fierce speed, covering the whole heaven and the directions and intermediate directions;
AI translation rendered from the Sanskrit, not a published edition
MtP 163.23
धारा दिवि च सर्वत्र वसुधायां च सर्वशः न स्पृशन्ति च ता देवं निपतन्त्यो ऽनिशं भुवि
dhārā divi ca sarvatra vasudhāyāṃ ca sarvaśaḥ na spṛśanti ca tā devaṃ nipatantyo 'niśaṃ bhuvi
and the torrents (were) everywhere in the sky and everywhere on the earth, yet, falling ceaselessly on the ground, they did not touch the god.
AI translation rendered from the Sanskrit, not a published edition
MtP 163.24
बाह्यतो ववृषुर्वर्षं नोपरिष्टाच्च ववृषुः मृगेन्द्रप्रतिरूपस्य स्थितस्य युधि मायया
bāhyato vavṛṣurvarṣaṃ nopariṣṭācca vavṛṣuḥ mṛgendrapratirūpasya sthitasya yudhi māyayā
They rained the rain outside (him), and did not rain above him — (above) him who stood in the battle by (his) magic in the form of a lion.
AI translation rendered from the Sanskrit, not a published edition
MtP 163.25
हते ऽश्मवर्षे तुमुले जलवर्षे च शोषिते सो ऽसृजद्दानवो मायाम् अग्निवायुसमीरिताम्
hate 'śmavarṣe tumule jalavarṣe ca śoṣite so 'sṛjaddānavo māyām agnivāyusamīritām
When the tumultuous rain of stones had been destroyed and the rain of water dried up, that Dānava let loose an illusion driven on by fire and wind.
AI translation rendered from the Sanskrit, not a published edition
MtP 163.26
महेन्द्रस्तोयदैः सार्धं सहस्राक्षो महाद्युतिः महता तोयवर्षेण शमयामास पावकम्
mahendrastoyadaiḥ sārdhaṃ sahasrākṣo mahādyutiḥ mahatā toyavarṣeṇa śamayāmāsa pāvakam
The great Indra, the thousand-eyed one of great splendour, together with the clouds, quenched the fire with a mighty downpour of water.
AI translation rendered from the Sanskrit, not a published edition
MtP 163.27
तस्यां प्रतिहतायां तु मायायां युधि दानवः असृजद्घोरसंकाशं तमस्तीव्रं समन्ततः
tasyāṃ pratihatāyāṃ tu māyāyāṃ yudhi dānavaḥ asṛjadghorasaṃkāśaṃ tamastīvraṃ samantataḥ
But when that illusion had been countered in the battle, the Dānava let loose on every side a dense darkness of dreadful aspect.
AI translation rendered from the Sanskrit, not a published edition
MtP 163.28
तमसा संवृते लोके दैत्येष्वात्तायुधेषु च स्वतेजसा परिवृतो दिवाकर इवाबभौ
tamasā saṃvṛte loke daityeṣvāttāyudheṣu ca svatejasā parivṛto divākara ivābabhau
When the world was enveloped in darkness and the Daityas had taken up their weapons, he shone, ringed round by his own splendour, like the sun.
AI translation rendered from the Sanskrit, not a published edition
MtP 163.29
त्रिशिखां भ्रुकुटीं चास्य ददृशुर्दानवा रणे ललाटस्थां त्रिशूलाङ्कां गङ्गां त्रिपथगामिव
triśikhāṃ bhrukuṭīṃ cāsya dadṛśurdānavā raṇe lalāṭasthāṃ triśūlāṅkāṃ gaṅgāṃ tripathagāmiva
And in the battle the Dānavas saw his three-pointed frown, set on his forehead, marked like a trident, like the Ganges that goes by three paths.
AI translation rendered from the Sanskrit, not a published edition
MtP 163.30
ततः सर्वासु मायासु हतासु दितिनन्दनाः हिरण्यकशिपुं दैत्यं विवर्णाः शरणं ययुः
tataḥ sarvāsu māyāsu hatāsu ditinandanāḥ hiraṇyakaśipuṃ daityaṃ vivarṇāḥ śaraṇaṃ yayuḥ
Then, when all the illusions had been destroyed, the sons of Diti, pale, went for refuge to the Daitya Hiraṇyakaśipu.
AI translation rendered from the Sanskrit, not a published edition
MtP 163.31
ततः प्रज्वलितः क्रोधात् प्रदहन्निव तेजसा तस्मिन्क्रुद्धे तु दैत्येन्द्रे तमोभूतमभूज्जगत्
tataḥ prajvalitaḥ krodhāt pradahanniva tejasā tasminkruddhe tu daityendre tamobhūtamabhūjjagat
Then he blazed up with anger, as if burning up (all) with his fiery energy; and when that lord of Daityas was enraged, the world became darkness.
AI translation rendered from the Sanskrit, not a published edition
MtP 163.32
आवहः प्रवहश्चैव विवहो ऽथ ह्युदावहः परावहः संवहश्च महाबलपराक्रमाः
āvahaḥ pravahaścaiva vivaho 'tha hyudāvahaḥ parāvahaḥ saṃvahaśca mahābalaparākramāḥ
Āvaha and Pravaha, Vivaha and Udāvaha, Parāvaha and Saṃvaha, of great strength and prowess,
AI translation rendered from the Sanskrit, not a published edition
MtP 163.33
तथा परिवहः श्रीमान् उत्पातभयशंसिनः इत्येवं क्षुभिताः सप्त मरुतो गगनेचराः
tathā parivahaḥ śrīmān utpātabhayaśaṃsinaḥ ityevaṃ kṣubhitāḥ sapta maruto gaganecarāḥ
and likewise the glorious Parivaha — announcers of the terror of portents — thus the seven winds that move in the sky were stirred up.
AI translation rendered from the Sanskrit, not a published edition
MtP 163.34
ये ग्रहाः सर्वलोकस्य क्षये प्रादुर्भवन्ति वै ते सर्वे गगने दृष्टा व्यचरन्त यथासुखम्
ye grahāḥ sarvalokasya kṣaye prādurbhavanti vai te sarve gagane dṛṣṭā vyacaranta yathāsukham
Those planets that appear at the destruction of the whole world—all of them were seen in the sky, moving about as they pleased.
AI translation rendered from the Sanskrit, not a published edition
MtP 163.35
अयोगतश्चाप्यचरन् मार्गं निशि निशाचरः सग्रहः सह नक्षत्रैर् आकापतिररिंदमः
ayogataścāpyacaran mārgaṃ niśi niśācaraḥ sagrahaḥ saha nakṣatrair ākāpatirariṃdamaḥ
And the night-farer (the moon), lord of the sky, subduer of foes, together with the planets and the lunar mansions, traveled its course at night out of (its proper) conjunction.
AI translation rendered from the Sanskrit, not a published edition — the model flagged this verse as uncertain
MtP 163.36
विवर्णतां च भगवान् गतो दिवि दिवाकरः कृष्णं कबन्धं च तथा लक्ष्यते सुमहद्दिवि
vivarṇatāṃ ca bhagavān gato divi divākaraḥ kṛṣṇaṃ kabandhaṃ ca tathā lakṣyate sumahaddivi
And the lord, the day-maker (sun), turned pale in the sky, and likewise a very large black headless trunk was seen in the sky.
AI translation rendered from the Sanskrit, not a published edition
MtP 163.37
अमुञ्चच्चार्चिषां वृन्दं भूमिवृत्तिर् विभावसुः गगनस्थश्च भगवान् अभीक्ष्णं परिदृश्यते
amuñcaccārciṣāṃ vṛndaṃ bhūmivṛttir vibhāvasuḥ gaganasthaśca bhagavān abhīkṣṇaṃ paridṛśyate
And the fire-god (Vibhāvasu), whose activity is on the earth, released a mass of flames, and the lord was seen again and again standing in the sky.
AI translation rendered from the Sanskrit, not a published edition — the model flagged this verse as uncertain
MtP 163.38
सप्त धूम्रनिभा घोराः सूर्या दिवि समुत्थिताः सोमस्य गगनस्थस्य ग्रहास्तिष्ठन्ति शृङ्गगाः
sapta dhūmranibhā ghorāḥ sūryā divi samutthitāḥ somasya gaganasthasya grahāstiṣṭhanti śṛṅgagāḥ
Seven dreadful suns, smoke-coloured, rose in the sky; and planets stand upon the horns of the moon as it stands in the sky.
AI translation rendered from the Sanskrit, not a published edition
MtP 163.39
वामे तु दक्षिणे चैव स्थितौ शुक्रबृहस्पती शनैश्चरो लोहिताङ्गो ज्वलनाङ्गसमद्युतिः
vāme tu dakṣiṇe caiva sthitau śukrabṛhaspatī śanaiścaro lohitāṅgo jvalanāṅgasamadyutiḥ
On the left and on the right stood Venus and Jupiter; Saturn (and) the red-limbed one (Mars), of a splendour like the body of fire—
AI translation rendered from the Sanskrit, not a published edition
MtP 163.40
समं समधिरोहन्तः सर्वे ते गगनेचराः शृङ्गाणि शनकैर्घोरा युगान्तावर्तिनो ग्रहाः
samaṃ samadhirohantaḥ sarve te gaganecarāḥ śṛṅgāṇi śanakairghorā yugāntāvartino grahāḥ
—all those dreadful planets that move in the sky, revolving at the world-age's end, climbed slowly and together onto the horns (of the moon).
AI translation rendered from the Sanskrit, not a published edition
MtP 163.41
चन्द्रमाश्च सनक्षत्रैर् ग्रहैः सह तमोनुदः चराचरविनाशाय रोहिणीं नाभ्यनन्दत
candramāśca sanakṣatrair grahaiḥ saha tamonudaḥ carācaravināśāya rohiṇīṃ nābhyanandata
And the moon, dispeller of darkness, together with the lunar mansions and the planets, did not delight in Rohiṇī—for the destruction of what moves and what does not move.
AI translation rendered from the Sanskrit, not a published edition
MtP 163.42
गृहीतो राहुणा चन्द्र उल्काभिरभिहन्यते उल्काः प्रज्वलिताश्चन्द्रे विचरन्ति यथासुखम्
gṛhīto rāhuṇā candra ulkābhirabhihanyate ulkāḥ prajvalitāścandre vicaranti yathāsukham
The moon, seized by Rāhu, is struck by meteors; blazing meteors move about over the moon as they please.
AI translation rendered from the Sanskrit, not a published edition
MtP 163.43
देवानामपि यो देवः सो ऽप्यवर्षत शोणितम् अपतन्गगनादुल्का विद्युद्रूपा महास्वनाः
devānāmapi yo devaḥ so 'pyavarṣata śoṇitam apatangaganādulkā vidyudrūpā mahāsvanāḥ
Even he who is the god of the gods rained down blood; meteors, shaped like lightning and greatly roaring, fell from the sky.
AI translation rendered from the Sanskrit, not a published edition
MtP 163.44
अकाले च द्रुमाः सर्वे पुष्पन्ति च फलन्ति च लताश्च सफलाः सर्वा ये चाहुर्दैत्यनाशनम्
akāle ca drumāḥ sarve puṣpanti ca phalanti ca latāśca saphalāḥ sarvā ye cāhurdaityanāśanam
And out of season all the trees blossom and bear fruit, and all the creepers bear fruit—which (portents) they call the destruction of the Daityas.
AI translation rendered from the Sanskrit, not a published edition
MtP 163.45
फलैः फलान्यजायन्त पुष्पैः पुष्पं तथैव च उन्मीलन्ति निमीलन्ति हसन्ति च रुदन्ति च
phalaiḥ phalānyajāyanta puṣpaiḥ puṣpaṃ tathaiva ca unmīlanti nimīlanti hasanti ca rudanti ca
Fruits were born from fruits, and likewise flowers from flowers; (the images) open their eyes and close them, and laugh and weep.
AI translation rendered from the Sanskrit, not a published edition
MtP 163.46
विक्रोशन्ति च गम्भीरा धूमयन्ति ज्वलन्ति च प्रतिमाः सर्वदेवानां वेदयन्ति महद्भयम्
vikrośanti ca gambhīrā dhūmayanti jvalanti ca pratimāḥ sarvadevānāṃ vedayanti mahadbhayam
And the images of all the gods, deep-voiced, cry out, smoke, and blaze, announcing a great terror.
AI translation rendered from the Sanskrit, not a published edition
MtP 163.47
आरण्यैः सह संसृष्टा ग्राम्याश्च मृगपक्षिणः चक्रुः सुभैरवं तत्र महायुद्धमुपस्थितम्
āraṇyaiḥ saha saṃsṛṣṭā grāmyāśca mṛgapakṣiṇaḥ cakruḥ subhairavaṃ tatra mahāyuddhamupasthitam
And the village beasts and birds, mingling together with the wild ones, made a most frightful (din) there, (as) a great war was at hand.
AI translation rendered from the Sanskrit, not a published edition
MtP 163.48
नद्यश्च प्रतिकूलानि वहन्ति कलुषोदकाः न प्रकाशन्ति च दिशो रक्तरेणुसमाकुलाः
nadyaśca pratikūlāni vahanti kaluṣodakāḥ na prakāśanti ca diśo raktareṇusamākulāḥ
And the rivers, their waters turbid, flow against their banks; and the directions, filled with red dust, do not shine.
AI translation rendered from the Sanskrit, not a published edition
MtP 163.49
वानस्पत्यो न पूज्यन्ते पूजनार्हाः कथंचन वायुवेगेन हन्यन्ते भज्यन्ते प्रणमन्ति च
vānaspatyo na pūjyante pūjanārhāḥ kathaṃcana vāyuvegena hanyante bhajyante praṇamanti ca
The great forest trees, though worthy of worship, are in no way worshipped; they are struck by the force of the wind, are broken, and bow down.
AI translation rendered from the Sanskrit, not a published edition
MtP 163.50
यदा च सर्वभूतानां छाया न परिवर्तते अपराह्णगते सूर्ये लोकानां युगसंक्षये
yadā ca sarvabhūtānāṃ chāyā na parivartate aparāhṇagate sūrye lokānāṃ yugasaṃkṣaye
And when the shadow of all beings does not turn, though the sun has passed to the afternoon, at the destruction of the world-age of the worlds—
AI translation rendered from the Sanskrit, not a published edition
MtP 163.51
तदा हिरण्यकशिपोर् दैत्यस्योपरि वेश्मनः भाण्डागारायुधागारे निविष्टमभवन्मधु
tadā hiraṇyakaśipor daityasyopari veśmanaḥ bhāṇḍāgārāyudhāgāre niviṣṭamabhavanmadhu
—then, above the dwelling of the Daitya Hiraṇyakaśipu, honey settled in the storehouse and the armoury.
AI translation rendered from the Sanskrit, not a published edition
MtP 163.52
असुराणां विनाशाय सुराणां विजयाय च दृश्यन्ते विविधोत्पाता घोरा घोरनिदर्शनाः
asurāṇāṃ vināśāya surāṇāṃ vijayāya ca dṛśyante vividhotpātā ghorā ghoranidarśanāḥ
For the destruction of the Asuras and for the victory of the gods, various portents are seen, dreadful and of dreadful appearance.
AI translation rendered from the Sanskrit, not a published edition
MtP 163.53
एते चान्ये च बहवो घोरोत्पाताः समुत्थिताः दैत्येन्द्रस्य विनाशाय दृश्यन्ते कालनिर्मिताः
ete cānye ca bahavo ghorotpātāḥ samutthitāḥ daityendrasya vināśāya dṛśyante kālanirmitāḥ
These and many other dreadful portents arose; fashioned by Time, they are seen for the destruction of the lord of the Daityas.
AI translation rendered from the Sanskrit, not a published edition
MtP 163.54
मेदिन्यां कम्पमानायां दैत्येन्द्रेण महात्मना महीधरा नागगणा निपेतुरमितौजसः
medinyāṃ kampamānāyāṃ daityendreṇa mahātmanā mahīdharā nāgagaṇā nipeturamitaujasaḥ
As the earth was shaken by the great-souled lord of the Daityas, the mountains and the hosts of Nāgas of measureless power fell down.
AI translation rendered from the Sanskrit, not a published edition
MtP 163.55
विषज्वालाकुलैर्वक्त्रैर् विमुञ्चन्तो हुताशनम् चतुःशीर्षाः पञ्चशीर्षाः सप्तशीर्षाश्च पन्नगाः
viṣajvālākulairvaktrair vimuñcanto hutāśanam catuḥśīrṣāḥ pañcaśīrṣāḥ saptaśīrṣāśca pannagāḥ
(There fell) serpents with four heads, with five heads, and with seven heads, spewing fire from mouths filled with the flames of their venom.
AI translation rendered from the Sanskrit, not a published edition
MtP 163.56
वासुकिस्तक्षकश्चैव कर्कोटकधनंजयौ एलामुखः कालियश्च महापद्मश्च वीर्यवान्
vāsukistakṣakaścaiva karkoṭakadhanaṃjayau elāmukhaḥ kāliyaśca mahāpadmaśca vīryavān
Vāsuki and Takṣaka, Karkoṭaka and Dhanaṃjaya, Elāmukha and Kāliya, and the valiant Mahāpadma;
AI translation rendered from the Sanskrit, not a published edition
MtP 163.57
सहस्रशीर्षा नागो वै हेमतालध्वजः प्रभुः शेषो ऽनन्तो महाभागो दुष्प्रकम्प्यः प्रकम्पितः
sahasraśīrṣā nāgo vai hematāladhvajaḥ prabhuḥ śeṣo 'nanto mahābhāgo duṣprakampyaḥ prakampitaḥ
and the thousand-headed Nāga, the lord whose banner is a golden palm, Śeṣa Ananta, the greatly blessed one, hard to shake — (even he) was shaken.
AI translation rendered from the Sanskrit, not a published edition
MtP 163.58
दीप्तान्यन्तर्जलस्थानि पृथिवीधरणानि च तदा क्रुद्धेन महता कम्पितानि समन्ततः
dīptānyantarjalasthāni pṛthivīdharaṇāni ca tadā kruddhena mahatā kampitāni samantataḥ
And the blazing supports of the earth that stand within the waters were then shaken on every side by that great enraged (Daitya).
AI translation rendered from the Sanskrit, not a published edition
MtP 163.59
नागास्तेजोधराश्चापि पातालतलचारिणः हिरण्यकशिपुर्दैत्यस् तदा संस्पृष्टवान्महीम्
nāgāstejodharāścāpi pātālatalacāriṇaḥ hiraṇyakaśipurdaityas tadā saṃspṛṣṭavānmahīm
And the Nāgas who bear fiery energy, who move on the floor of Pātāla — (all were shaken) when the Daitya Hiraṇyakaśipu then touched the earth,
AI translation rendered from the Sanskrit, not a published edition
MtP 163.60
संदष्टौष्ठपुटः क्रोधाद् वाराह इव पूर्वजः नदी भागीरथी चैव सरयूः कौशिकी तथा
saṃdaṣṭauṣṭhapuṭaḥ krodhād vārāha iva pūrvajaḥ nadī bhāgīrathī caiva sarayūḥ kauśikī tathā
his lips bitten together in anger like the primeval Boar. And the river Bhāgīrathī, the Sarayū, and likewise the Kauśikī,
AI translation rendered from the Sanskrit, not a published edition
MtP 163.61
यमुना त्वथ कावेरी कृष्णवेणा च निम्नगा सुवेणा च महाभागा नदी गोदावरी तथा
yamunā tvatha kāverī kṛṣṇaveṇā ca nimnagā suveṇā ca mahābhāgā nadī godāvarī tathā
and then the Yamunā, the Kāverī, the downward-flowing Kṛṣṇaveṇā, the greatly blessed Suveṇā, and likewise the river Godāvarī,
AI translation rendered from the Sanskrit, not a published edition
MtP 163.62
चर्मण्वती च सिन्धुश्च तथा नदनदीपतिः कमलप्रभवश्चैव शोणो मणिनिभोदकः
carmaṇvatī ca sindhuśca tathā nadanadīpatiḥ kamalaprabhavaścaiva śoṇo maṇinibhodakaḥ
and the Carmaṇvatī, and the Sindhu, and likewise the lord of streams and rivers (the ocean), and the Kamalaprabhava, and the Śoṇa whose water is like gems,
AI translation rendered from the Sanskrit, not a published edition
MtP 163.63
नर्मदा शुभतोया च तथा वेत्रवती नदी गोमती गोकुलाकीर्णा तथा पूर्वसरस्वती
narmadā śubhatoyā ca tathā vetravatī nadī gomatī gokulākīrṇā tathā pūrvasarasvatī
the Narmadā of lovely waters, and likewise the river Vetravatī, the Gomatī thronged with herds of cattle, and likewise the eastern Sarasvatī,
AI translation rendered from the Sanskrit, not a published edition
MtP 163.64
मही कालमही चैव तमसा पुष्पवाहिनी जम्बूद्वीपं रत्नवटं सर्वरत्नोपशोभितम्
mahī kālamahī caiva tamasā puṣpavāhinī jambūdvīpaṃ ratnavaṭaṃ sarvaratnopaśobhitam
the Mahī and the Kālamahī, the Tamasā, the Puṣpavāhinī; (and) Jambūdvīpa, Ratnavaṭa adorned with all jewels,
AI translation rendered from the Sanskrit, not a published edition
MtP 163.65
सुवर्णप्रकटं चैव सुवर्णाकरमण्डितम् महानदं च लौहित्यं शैलकाननशोभितम्
suvarṇaprakaṭaṃ caiva suvarṇākaramaṇḍitam mahānadaṃ ca lauhityaṃ śailakānanaśobhitam
and Suvarṇaprakaṭa, decked with mines of gold, and the great river Lauhitya, adorned with mountains and forests,
AI translation rendered from the Sanskrit, not a published edition
MtP 163.66
पत्तनं कोशकरणम् ऋषिवीरजनाकरम् मागधाश्च महाग्रामा मुण्डाः शुङ्गास्तथैव च
pattanaṃ kośakaraṇam ṛṣivīrajanākaram māgadhāśca mahāgrāmā muṇḍāḥ śuṅgāstathaiva ca
the city Kośakaraṇa, Ṛṣivīrajanākara, and the Māgadhas with their great villages, the Muṇḍas and likewise the Śuṅgas,
AI translation rendered from the Sanskrit, not a published edition — the model flagged this verse as uncertain
MtP 163.67
सुह्मा मल्ला विदेहाश्च मालवाः काशिकोसलाः भवनं वैनतेयस्य दैत्येन्द्रेणाभिकम्पितम्
suhmā mallā videhāśca mālavāḥ kāśikosalāḥ bhavanaṃ vainateyasya daityendreṇābhikampitam
the Suhmas, Mallas and Videhas, the Mālavas, the Kāśis and Kosalas — (and) the dwelling of Vinatā's son (Garuḍa) was shaken by the lord of the Daityas,
AI translation rendered from the Sanskrit, not a published edition
MtP 163.68
कैलासशिखराकारं यत्कृतं विश्वकर्मणा रक्ततोयो महाभीमो लौहित्यो नाम सागरः
kailāsaśikharākāraṃ yatkṛtaṃ viśvakarmaṇā raktatoyo mahābhīmo lauhityo nāma sāgaraḥ
that (dwelling) shaped like the peak of Kailāsa, which was made by Viśvakarman; (and) the vast and terrible ocean named Lauhitya, whose water is red,
AI translation rendered from the Sanskrit, not a published edition
MtP 163.69
उदयश्च महाशैल उच्छ्रितः शतयोजनम् सुवर्णवेदिकः श्रीमान् मेघपङ्क्तिनिषेवितः
udayaśca mahāśaila ucchritaḥ śatayojanam suvarṇavedikaḥ śrīmān meghapaṅktiniṣevitaḥ
and the great mountain Udaya, rising a hundred yojanas, with golden terraces, glorious, frequented by rows of clouds,
AI translation rendered from the Sanskrit, not a published edition
MtP 163.70
भ्राजमानो ऽर्कसदृशैर् जातरूपमयैर्द्रुमैः शालैस्तालैस्तमालैश्च कर्णिकारैश्च पुष्पितैः
bhrājamāno 'rkasadṛśair jātarūpamayairdrumaiḥ śālaistālaistamālaiśca karṇikāraiśca puṣpitaiḥ
shining with trees made of gold that resemble the sun, with śālas, palms, tamālas, and flowering karṇikāras;
AI translation rendered from the Sanskrit, not a published edition
MtP 163.71
अयोमुखश्च विख्यातः पर्वतो धातुमण्डितः तमालवनगन्धश्च पर्वतो मलयः शुभः
ayomukhaśca vikhyātaḥ parvato dhātumaṇḍitaḥ tamālavanagandhaśca parvato malayaḥ śubhaḥ
and the renowned mountain Ayomukha, adorned with ores, and the fair mountain Malaya, fragrant with its tamāla groves;
AI translation rendered from the Sanskrit, not a published edition
MtP 163.72
सुराष्ट्राश्च सबाह्लीकाः शूराभीरास्तथैव च भोजाः पाण्ड्याश्च वङ्गाश्च कलिङ्गास्ताम्रलिप्तकाः
surāṣṭrāśca sabāhlīkāḥ śūrābhīrāstathaiva ca bhojāḥ pāṇḍyāśca vaṅgāśca kaliṅgāstāmraliptakāḥ
the Surāṣṭras together with the Bāhlīkas, and likewise the Śūras and Ābhīras, the Bhojas, the Pāṇḍyas, the Vaṅgas, the Kaliṅgas, the Tāmraliptakas,
AI translation rendered from the Sanskrit, not a published edition
MtP 163.73
तथैवौण्ड्राश्च पौण्ड्राश्च वामचूडाः सकेरलाः क्षोभितास्तेन दैत्येन सदेवाश्चाप्सरोगणाः
tathaivauṇḍrāśca pauṇḍrāśca vāmacūḍāḥ sakeralāḥ kṣobhitāstena daityena sadevāścāpsarogaṇāḥ
and likewise the Auṇḍras and Pauṇḍras, the Vāmacūḍas together with the Keralas — (all these) were convulsed by that Daitya, and the hosts of Apsarases along with the gods.
AI translation rendered from the Sanskrit, not a published edition
MtP 163.74
अगस्त्यभवनं चैव यदगम्यं कृतं पुरा सिद्धचारणसंघश्च विप्रकीर्णं मनोहरम्
agastyabhavanaṃ caiva yadagamyaṃ kṛtaṃ purā siddhacāraṇasaṃghaśca viprakīrṇaṃ manoharam
And the dwelling of Agastya, which of old was made unapproachable, and the charming, widely spread-out assembly of Siddhas and Cāraṇas (were shaken),
AI translation rendered from the Sanskrit, not a published edition — the model flagged this verse as uncertain
MtP 163.75
विचित्रनानाविहगं सुपुष्पितमहाद्रुमम् जातरूपमयैः शृङ्गैर् अप्सरोगणनादितम्
vicitranānāvihagaṃ supuṣpitamahādrumam jātarūpamayaiḥ śṛṅgair apsarogaṇanāditam
(a place) with many varied birds, with great trees in full flower, resounding with troops of apsarases from its peaks made of gold —
AI translation rendered from the Sanskrit, not a published edition — the model flagged this verse as uncertain
MtP 163.76
गिरिपुष्पितकश्चैव लक्ष्मीवान्प्रियदर्शनः उत्थितः सागरं भित्त्वा विश्रामश्चन्द्रसूर्ययोः रराज सुमहाशृङ्गैर् गगनं विलिखन्निव
giripuṣpitakaścaiva lakṣmīvānpriyadarśanaḥ utthitaḥ sāgaraṃ bhittvā viśrāmaścandrasūryayoḥ rarāja sumahāśṛṅgair gaganaṃ vilikhanniva
And Giripuṣpitaka, splendid and lovely to look upon, risen up cleaving the ocean, the resting place of the moon and the sun, shone with its very great peaks as though scoring the sky,
AI translation rendered from the Sanskrit, not a published edition
MtP 163.77
चन्द्रसूर्यांशुसंकाशैः सागराम्बुसमावृतैः विद्युत्वान्सर्वतः श्रीमान् आयतः शतयोजनम्
candrasūryāṃśusaṃkāśaiḥ sāgarāmbusamāvṛtaiḥ vidyutvānsarvataḥ śrīmān āyataḥ śatayojanam
(its peaks) resembling the rays of moon and sun, encircled by the waters of the ocean — flashing with lightning on every side, glorious, extending a hundred yojanas,
AI translation rendered from the Sanskrit, not a published edition
MtP 163.78
विद्युतां यत्र संपाता निपात्यन्ते नगोत्तमे ऋषभः पर्वतश्चैव श्रीमान्वृषभसंज्ञितः
vidyutāṃ yatra saṃpātā nipātyante nagottame ṛṣabhaḥ parvataścaiva śrīmānvṛṣabhasaṃjñitaḥ
the best of mountains upon which the discharges of lightning are hurled down; and Ṛṣabha, the glorious mountain named after the bull;
AI translation rendered from the Sanskrit, not a published edition
MtP 163.79
कुञ्जरः पर्वतः श्रीमान् यत्रागस्त्यगृहं शुभम् विशालाक्षश्च दुर्धर्षः सर्पाणामालयः पुरी
kuñjaraḥ parvataḥ śrīmān yatrāgastyagṛhaṃ śubham viśālākṣaśca durdharṣaḥ sarpāṇāmālayaḥ purī
the glorious mountain Kuñjara, where Agastya's auspicious house is; and Viśālākṣa, hard to assail; and the city that is the abode of the serpents;
AI translation rendered from the Sanskrit, not a published edition
MtP 163.80
तथा भोगवती चापि दैत्येन्द्रेणाभिकम्पिता महासेनो गिरिश्चैव पारियात्रश्च पर्वतः
tathā bhogavatī cāpi daityendreṇābhikampitā mahāseno giriścaiva pāriyātraśca parvataḥ
and likewise Bhogavatī too was made to tremble by the lord of the Daityas, and the mountain Mahāsena, and the Pāriyātra mountain,
AI translation rendered from the Sanskrit, not a published edition
MtP 163.81
चक्रवांश्च गिरिश्रेष्ठो वाराहश्चैव पर्वतः प्राग्ज्यौतिषपुरं चापि जातरूपमयं शुभम्
cakravāṃśca giriśreṣṭho vārāhaścaiva parvataḥ prāgjyautiṣapuraṃ cāpi jātarūpamayaṃ śubham
and Cakravat, best of mountains, and the Vārāha mountain, and also the auspicious city Prāgjyotiṣa, made of gold,
AI translation rendered from the Sanskrit, not a published edition
MtP 163.82
यस्मिन्वसति दुष्टात्मा नरको नाम दानवः मेघश्च पर्वतश्रेष्ठो मेघगम्भीरनिःस्वनः
yasminvasati duṣṭātmā narako nāma dānavaḥ meghaśca parvataśreṣṭho meghagambhīraniḥsvanaḥ
in which dwells the evil-souled Dānava named Naraka; and Megha, best of mountains, whose sound is deep as a cloud's;
AI translation rendered from the Sanskrit, not a published edition
MtP 163.83
षष्टिस्तत्र सहस्राणि पर्वतानां द्विजोत्तमाः तरुणादित्यसंकाशो मेरुस्तत्र महागिरिः
ṣaṣṭistatra sahasrāṇi parvatānāṃ dvijottamāḥ taruṇādityasaṃkāśo merustatra mahāgiriḥ
there are sixty thousand mountains there, O best of the twice-born; and there is Meru, the great mountain, resembling the newly risen sun,
AI translation rendered from the Sanskrit, not a published edition
MtP 163.84
यक्षराक्षसगन्धर्वैर् नित्यं सेवितकंदरः हेमगर्भो महाशैलस् तथा हेमसखो गिरिः
yakṣarākṣasagandharvair nityaṃ sevitakaṃdaraḥ hemagarbho mahāśailas tathā hemasakho giriḥ
its caverns constantly frequented by Yakṣas, Rākṣasas and Gandharvas; and the great rock Hemagarbha, and likewise the mountain Hemasakha;
AI translation rendered from the Sanskrit, not a published edition
MtP 163.85
कैलासश्चैव शैलेन्द्रो दानवेन्द्रेण कम्पितः हेमपुष्करसंछन्नं तेन वैखानसं सरः
kailāsaścaiva śailendro dānavendreṇa kampitaḥ hemapuṣkarasaṃchannaṃ tena vaikhānasaṃ saraḥ
and Kailāsa, lord of mountains, was shaken by the lord of the Dānavas, and by him the Vaikhānasa lake, covered over with golden lotuses,
AI translation rendered from the Sanskrit, not a published edition
MtP 163.86
कम्पितं मानसं चैव हंसकारण्डवाकुलम् त्रिशृङ्गपर्वतश्चैव कुमारी च सरिद्वरा
kampitaṃ mānasaṃ caiva haṃsakāraṇḍavākulam triśṛṅgaparvataścaiva kumārī ca saridvarā
and Mānasa too was shaken, crowded with geese and kāraṇḍava ducks; and the Triśṛṅga mountain, and Kumārī, best of rivers;
AI translation rendered from the Sanskrit, not a published edition
MtP 163.87
तुषारचयसंछन्नो मन्दरश्चापि पर्वतः उशीरबिन्दुश्च गिरिश् चन्द्रप्रस्थस्तथाद्रिराट्
tuṣāracayasaṃchanno mandaraścāpi parvataḥ uśīrabinduśca giriś candraprasthastathādrirāṭ
and the Mandara mountain too, covered with masses of snow, and the mountain Uśīrabindu, and likewise Candraprastha, king of mountains,
AI translation rendered from the Sanskrit, not a published edition
MtP 163.88
प्रजापतिगिरिश्चैव तथा पुष्करपर्वतः देवाभ्रपर्वतश्चैव तथा वै रेणुको गिरिः
prajāpatigiriścaiva tathā puṣkaraparvataḥ devābhraparvataścaiva tathā vai reṇuko giriḥ
and the Prajāpati mountain, and likewise the Puṣkara mountain, and the Devābhra mountain, and also the mountain Reṇuka,
AI translation rendered from the Sanskrit, not a published edition
MtP 163.89
क्रौञ्चः सप्तर्षिशैलश्च धूम्रवर्णश्च पर्वतः एते चान्ये च गिरयो देशा जनपदास्तथा
krauñcaḥ saptarṣiśailaśca dhūmravarṇaśca parvataḥ ete cānye ca girayo deśā janapadāstathā
Krauñca, and the Saptarṣi rock, and the Dhūmravarṇa mountain — these and other mountains, and countries and inhabited regions,
AI translation rendered from the Sanskrit, not a published edition
MtP 163.90
नद्यः ससागराः सर्वाः सो ऽकम्पयत दानवः कपिलश्च महीपुत्रो व्याघ्रवांश्चैव कम्पितः
nadyaḥ sasāgarāḥ sarvāḥ so 'kampayata dānavaḥ kapilaśca mahīputro vyāghravāṃścaiva kampitaḥ
all the rivers together with the oceans — that Dānava made them tremble; and Kapila, the son of Earth, and Vyāghravat too were shaken,
AI translation rendered from the Sanskrit, not a published edition
MtP 163.91
खेचराश्च सतीपुत्राः पातालतलवासिनः गणस्तथा परो रौद्रो मेघनामाङ्कुशायुधः
khecarāśca satīputrāḥ pātālatalavāsinaḥ gaṇastathā paro raudro meghanāmāṅkuśāyudhaḥ
and the sky-goers, the sons of Satī, dwelling on the floor of Pātāla; and likewise that other fierce troop named Megha, whose weapon is the goad,
AI translation rendered from the Sanskrit, not a published edition — the model flagged this verse as uncertain
MtP 163.92
ऊर्ध्वगो भीमवेगश्च सर्व एवाभिकम्पिताः गदी शूली करालश्च हिरण्यकशिपुस्तदा
ūrdhvago bhīmavegaśca sarva evābhikampitāḥ gadī śūlī karālaśca hiraṇyakaśipustadā
Ūrdhvaga and Bhīmavega — all of them were made to tremble. Then Hiraṇyakaśipu, bearing mace and spear, terrible,
AI translation rendered from the Sanskrit, not a published edition
MtP 163.93
जीमूतघनसंकाशो जीमूतघननिःस्वनः जीमूतघननिर्घोषो जीमूत इव वेगवान्
jīmūtaghanasaṃkāśo jīmūtaghananiḥsvanaḥ jīmūtaghananirghoṣo jīmūta iva vegavān
resembling a dense thundercloud, sounding like a dense thundercloud, roaring like a dense thundercloud, swift as a thundercloud,
AI translation rendered from the Sanskrit, not a published edition
MtP 163.94
देवारिर्दितिजो वीरो नृसिंहं समुपाद्रवत् समुत्पत्य ततस्तीक्ष्णैर् मृगेन्द्रेण महानखैः तद्ॐकारसहायेन विदार्य निहतो युधि
devārirditijo vīro nṛsiṃhaṃ samupādravat samutpatya tatastīkṣṇair mṛgendreṇa mahānakhaiḥ tadoṃkārasahāyena vidārya nihato yudhi
The enemy of the gods, the son of Diti, that hero, rushed upon Narasiṃha; then, leaping up, he was torn open by the lion-lord with his sharp great claws — with the aid of the syllable Oṃ — and slain in the fight.
AI translation rendered from the Sanskrit, not a published edition
MtP 163.95
मही च कालश्च शशी नभश्च ग्रहाश्च सूर्यश्च दिशश्च सर्वाः नद्यश्च शैलाश्च महार्णवाश्च गताः प्रसादं दितिपुत्रनाशात्
mahī ca kālaśca śaśī nabhaśca grahāśca sūryaśca diśaśca sarvāḥ nadyaśca śailāśca mahārṇavāśca gatāḥ prasādaṃ ditiputranāśāt
And the earth, and time, and the moon, and the sky, and the planets, and the sun, and all the directions, and the rivers, and the mountains, and the great oceans came to calm at the destruction of Diti's son.
AI translation rendered from the Sanskrit, not a published edition
MtP 163.96
ततः प्रमुदिता देवा ऋषयश्च तपोधनाः तुष्टुवुर्नामभिर्दिव्यैर् आदिदेवं सनातनम्
tataḥ pramuditā devā ṛṣayaśca tapodhanāḥ tuṣṭuvurnāmabhirdivyair ādidevaṃ sanātanam
Then the gods, delighted, and the seers whose wealth is austerity, praised the eternal primal God with divine names.
AI translation rendered from the Sanskrit, not a published edition
MtP 163.97
यत्त्वया विहितं देव नारसिंहमिदं वपुः एतदेवार्चयिष्यन्ति परावरविदो जनाः
yattvayā vihitaṃ deva nārasiṃhamidaṃ vapuḥ etadevārcayiṣyanti parāvaravido janāḥ
This man-lion body which you have fashioned, O God — this very (form) will people who know the higher and the lower worship.
AI translation rendered from the Sanskrit, not a published edition
MtP 163.98
भवान्ब्रह्मा च रुद्रश्च महेन्द्रो देवसत्तमः भवान्कर्ता विकर्ता च लोकानां प्रभवो ऽव्ययः
bhavānbrahmā ca rudraśca mahendro devasattamaḥ bhavānkartā vikartā ca lokānāṃ prabhavo 'vyayaḥ
You are Brahmā and Rudra and great Indra, best of the gods; you are the maker and the unmaker, the imperishable source of the worlds.
AI translation rendered from the Sanskrit, not a published edition
MtP 163.99
परां च सिद्धिं च परं च देवं परं च मन्त्रं परमं हविश्च परं च धर्मं परमं च विश्वं त्वामाहुरग्र्यं पुरुषं पुराणम्
parāṃ ca siddhiṃ ca paraṃ ca devaṃ paraṃ ca mantraṃ paramaṃ haviśca paraṃ ca dharmaṃ paramaṃ ca viśvaṃ tvāmāhuragryaṃ puruṣaṃ purāṇam
The highest attainment, and the highest god, and the highest mantra, and the highest oblation, and the highest law, and the highest All — (as these) they call you the foremost, ancient Puruṣa.
AI translation rendered from the Sanskrit, not a published edition
MtP 163.100
परं शरीरं परमं च ब्रह्म परं च योगं परमां च वाणीम् परं रहस्यं परमां गतिं च त्वामाहुरग्र्यं पुरुषं पुराणम्
paraṃ śarīraṃ paramaṃ ca brahma paraṃ ca yogaṃ paramāṃ ca vāṇīm paraṃ rahasyaṃ paramāṃ gatiṃ ca tvāmāhuragryaṃ puruṣaṃ purāṇam
The highest body and the highest brahman, the highest yoga and the highest speech, the highest secret and the highest goal — (as these) they call you the foremost, ancient Puruṣa.
AI translation rendered from the Sanskrit, not a published edition
MtP 163.101
एवं परस्यापि परं पदं यत् परं परस्यापि परं च देवम् परं परस्यापि परं च भूतं त्वामाहुरग्र्यं पुरुषं पुराणम्
evaṃ parasyāpi paraṃ padaṃ yat paraṃ parasyāpi paraṃ ca devam paraṃ parasyāpi paraṃ ca bhūtaṃ tvāmāhuragryaṃ puruṣaṃ purāṇam
Thus, that which is the state higher even than the high, and the god higher even than the high, and the being higher even than the high — (as that) they call you the foremost, ancient Puruṣa.
AI translation rendered from the Sanskrit, not a published edition
MtP 163.102
परं परस्यापि परं रहस्यं परं परस्यापि परं महत्त्वम् परं परस्यापि परं महद्यत् त्वामाहुरग्र्यं पुरुषं पुराणम्
paraṃ parasyāpi paraṃ rahasyaṃ paraṃ parasyāpi paraṃ mahattvam paraṃ parasyāpi paraṃ mahadyat tvāmāhuragryaṃ puruṣaṃ purāṇam
The secret higher even than the high, the greatness higher even than the high, that great thing higher even than the high — (as that) they call you the foremost, ancient Puruṣa.
AI translation rendered from the Sanskrit, not a published edition
MtP 163.103
परं परस्यापि परं निधानं परं परस्यापि परं पवित्रम् परं परस्यापि परं च दान्तं त्वामाहुरग्र्यं पुरुषं पुराणम्
paraṃ parasyāpi paraṃ nidhānaṃ paraṃ parasyāpi paraṃ pavitram paraṃ parasyāpi paraṃ ca dāntaṃ tvāmāhuragryaṃ puruṣaṃ purāṇam
The resting-place higher even than the high, the purifier higher even than the high, and the self-controlled one higher even than the high — (as that) they call you the foremost, ancient Puruṣa.
AI translation rendered from the Sanskrit, not a published edition — the model flagged this verse as uncertain
MtP 163.104
एवमुक्त्वा तु भगवान् सर्वलोकपितामहः स्तुत्वा नारायणं देवं ब्रह्मलोकं गतः प्रभुः
evamuktvā tu bhagavān sarvalokapitāmahaḥ stutvā nārāyaṇaṃ devaṃ brahmalokaṃ gataḥ prabhuḥ
Having spoken thus, the Lord, the grandfather of all the worlds, having praised the god Nārāyaṇa, went, that mighty one, to the world of Brahmā.
AI translation rendered from the Sanskrit, not a published edition
MtP 163.105
ततो नदत्सु तूर्येषु नृत्यन्तीष्वप्सरःसु च क्षीरोदस्योत्तरं कूलं जगाम हरिरीश्वरः
tato nadatsu tūryeṣu nṛtyantīṣvapsaraḥsu ca kṣīrodasyottaraṃ kūlaṃ jagāma harirīśvaraḥ
Then, while the drums sounded and the apsarases danced, Hari the Lord went to the northern shore of the Milk Ocean.
AI translation rendered from the Sanskrit, not a published edition
MtP 163.106
नारसिंहं वपुर्देवः स्थापयित्वा सुदीप्तिमत् पौराणं रूपमास्थाय प्रययौ गरुडध्वजः
nārasiṃhaṃ vapurdevaḥ sthāpayitvā sudīptimat paurāṇaṃ rūpamāsthāya prayayau garuḍadhvajaḥ
Having set aside the man-lion body, brilliantly radiant, the god, taking on his ancient form, went forth, he whose banner is Garuḍa.
AI translation rendered from the Sanskrit, not a published edition
MtP 163.107
अष्टचक्रेण यानेन भूतयुतेन भास्वता अव्यक्तप्रकृतिर्देवः स्वस्थानं गतवान्प्रभुः
aṣṭacakreṇa yānena bhūtayutena bhāsvatā avyaktaprakṛtirdevaḥ svasthānaṃ gatavānprabhuḥ
By a shining eight-wheeled vehicle yoked with the elements, the God whose nature is unmanifest, the Lord, went to his own abode.
AI translation rendered from the Sanskrit, not a published edition